تازيون خبرون

Category Archives: فن ۽ تفريح

چهري سان گڏ دل به خوبصورت هجي ته انسان جي شخصيت مڪمل ٿي ويندي آهي: صبا نور

لاهور(شوبز نيوز)ٽي وي جي مقبول اداڪار صبا قمر چيو آهي ته کيس خوبصورتي کان وڌيڪ پنهنجي فن تي ناز آهي. چهري سان گڏ دل به /ڏسو صفحو 6 بقايا نمبر 36

خوبصورت هجي ته انسان جي شخصيت مڪمل ٿي ويندي آهي. هن چيو ته“ شو بز ۾ ڪيترن ئي ماڻهن تي ڀروسو ڪيم پر افسوس جو ڪجهه ماڻهن منهنجي اعتماد کي ڇيهو رسايو پر آئون ان ۾ به بهتري ٿي سمجهان ڇاڪاڻ ته مون کي انهن ماڻهن جي رويي مان اهڙو تجربو ٿيو جيڪو آئون شايد سالن ۾ به حاصل نه ڪري سگهان ها.صبا قمر وڌيڪ چيو ته“ ڪڏهن به مقابلي جي ڊوڙ ۾ شامل نه ٿيس. جيڪو به سٺو ڪم ڪندو اهو نمبر ون هوندو آهي ۽ ان لاءِ کيس ڪنهن کان به سرٽيفڪيٽ وٺڻ جي ضرورت نه هوندي آهي”.صبا قمر چيو آهي ته هو جڏهن سمجهندي ته هاڻي هنجو دئور ختم ٿي ويو آهي ته ڪنهن مناسب وقت تي شو بز کي خيرآباد چئي ڇڏيندي.

 

اداڪارائن ماورا ۽ عروه کي ماڻهو گهڻو ڪري جاڙيون سمجهندا آهن

لاهور ( شوبز نيوز) پاڪستاني اداڪارائن ماورا ۽ عروه کي ماڻهو گهڻو ڪري جاڙيون سمجهندا آهن. انهن جي عمر ۾ هڪ سال جو فرق آهي پر ماڻهو جتي کين جاڙيون سمجهندا آهن اتي ئي ٻين هڪجهڙاين جي ڪري پنهنجي فينز ۾ بيحد مشهور آهن. ٻئي ڀينرون نه رڳو هڪ ٻئي کان سکنديون آهن پر مشڪل وقت ۾ هڪٻئي جي مدد پڻ ڪنديون آهن. ٻنهي ڀينرن آن لائڻ کين تنقيد جو نشانو بنائڻ تي هڪ /ڏسو صفحو 6 بقايا نمبر 35

اخبار سان ڳالهائيندي چيو ته کين تنقيد جو نشانو بڻايو وڃي ٿو پر کين خوشي آهي ته سوشل ميڊيا تي متحرڪ هجڻ سبب سندن فالوور جي تعداد وڌي آهي ۽ لکين ماڻهو هنن جي عزت ڪن ٿا.

 

فلم ”الادين“ جون باڪس آفيس تي ڪاميابيون جاري

ڪيليفورنيا (شوبز نيوز) عالمي باڪس آفيس تي ڊزني جي فلم ”الادين“ ڪاميابي جا ڏاڪا چڙهي رهي آهي ۽ ايڊونچر سان ڀريل فلم هن وقت تائين/ڏسو صفحو 6 بقايا نمبر 41

600 ملين ڊالرن کان وڌيڪ ڪمائڻ ۾ ڪامياب ٿي چڪي آهي.  27 ورهين کان پوءِ نئين انداز ۾ پيش ڪيل ڊزني جي جڳ مشهور ڪارٽون فلم ”الادين“ مداحن کي ايتري ته پسند آئي آهي جو رليز ٿيڻ کان پوءِ ٽن هفتن اندر ئي فلم 600 ميلن ڊالرن کان وڌيڪ جو ڪامياب ترين ڪاروبار ڪري ورتو آهي.  الادين 2019ع جي ڪامياب ترين ڪاروبار ڪندڙ چوٿين وڏي فلم بڻجي چڪي آهي، پنهنجي ڪامڪ ٽائمنگ سبب مشهور اداڪار ول سمٿ کي جِنَ جي ڪردار ۾ گھڻي موٽ ملي رهي آهي، ڪاميڊي سان ڀرپور فلم ۾ سڀني اداڪارن کي مداحن طرفان ڀرپور داد پڻ ملي رهيو آهي.

 

مان باليووڊ ۾ به ڪم ڪري چڪي آهيان : سارا لورين

لاهور (شوبز نيوز) مشهور اداڪاره ۽ ماڊل ساره لورين چيو آهي ته عيدالفطر تي پاڪستناي فلمن کي کلي کيڏڻ جو موقعو مليو ته نتيجا سڀني جي /ڏسو صفحو 6 بقايا نمبر 36

سامهون آهن، هاڻ اهو ثابت ٿي ويو ته شوقينن کي اهڙي فلم پسند ايندي آهي، جنهن جي ڪهاڻي جاندار، ميوزڪ شاندار ۽ نواڻ جو انداز منفرد هجي. شوبز ويب سائيٽ سان ڳالهائيندي ساره لورين چيو ته عيد تي نمائش لاءِ پيش ٿيل فلمن شوقينن کي گهر کان نڪرڻ تي مجبور ڪري ڇڏيو، جنهن جو وڏو سبب فلم جي مشهوري مهم آهي، جيڪا ڀرپور نموني هلائي وئي هئي، زبردست مشهوري جو نتيجو عيد تي ٿيل ڪمائي جي شڪل ۾ اسان وٽ موجود آهي. اهو هڪ سٺو سنوڻ آهي، ڏسندڙ معياري ۽ تفريحي فلمون پسند ڪن ٿا. ساره لورين وڌيڪ چيو ته مان باليووڊ ۾ به ڪم ڪري چڪي آهيان، ان لاءِ مان سمجهان ٿي ته باليووڊ ۾ پنهنجي فلم کي ڪامياب بڻائڻ لاءِ جنهن ريت مشهوري مهم تي خرچ ٿيندو آهي ۽ فنڪار وقت ڪڍندا آهن ته نتيجي ۾ هر ڪو ئي فلم رليز ٿيڻ جو انتظار ڪري رهيو هوندو آهي. اسان کي پنهنجي هدايتڪاري لائن مضبوط بڻائڻي آهي، ڇاڪاڻ ته ان ۾ ئي پاڪستاني فلم، سينيما ۽ فنڪارن جو مستقبل محفوظ آهي. اداڪاره چيو ته ماڻهو خاندان سميت ٽڪيٽ خريد ڪري سينيما گهرن ۾ ويهڻ کانپوءِ سٺو محسوس ڪندا ۽ ڪهاڻي وڻندي ته هو ڀيري ڀيري سينيما جو رخ ڪندا، ان ڳالهه جو خاص خيال رکڻ گهرجي.

 

داڪاره ماهره خان جي فلم سپر اسٽار ۾ آئٽم نمبر پڪچرائيز ڪرائيندي

لاهور (شوبز نيوز) مشهور اداڪاره ڪبريٰ خان عالمي شهرت رکندڙ اداڪاره ماهره خان جي فلم سپر اسٽار ۾ آئٽم نمبر پڪچرائيز ڪرائيندي/ڏسو صفحو 6 بقايا نمبر 22

. فلم جي مرڪزي ڪردارن ۾ ماهره سان گڏ بلال اشرف به شامل هوندو. ميڊيا رپورٽ موجب ڪبريٰ خان کي فلم ميڪر مومنه دريد پنهنجي فلم جي آئٽم سانگ ۾ ڪاسٽ ڪيو آهي، فلم جي هدايتڪاري اختشام الدين ڪري رهيو آهي. هن فلم جي شوٽنگ خوبصورت لوڪيشنز تي ڪراچي سميت مختلف شهرن ۾ ڪئي پئي وڃي. ڪبريٰ خان ڪجهه عرصو اڳ ئي فلمن ۽ ڊرامن ۾ جاندار اداڪاري ڪري ڀرپور نموني پنهنجون صلاحيتون مڃايون آهن. فلم “جواني ڦِر نهين آني 2” ۾ ڪبريٰ خان جي اداڪارين کي ڏسندڙن خوب پسند ڪيو، جنهن بعد اداڪاره جي شهرت ۾ اڃا به واڌ ٿي وئي آهي.

 

سارا لورين پاڪستاني فلمن جي ڪاميابي تي خوش

لاهور (شوبز نيوز) من موهڻي اداڪارا ۽ ماڊل سارا لورين چيو آهي ته پاڪستاني فلمن کي کلي کيڏڻ جو موقعو مليو ته نتيجو سڀني جي سامهون آهي،/ڏسو صفحو 6 بقايا نمبر 42

جنهن مان ثابت ٿي ويو ته فلم ڏسندڙن کي هڪ اهڙي فلم پسند ايندي آهي، جنهن جي ڪهاڻي جاندار، ميوزڪ شاندار ۽ جدت جو انداز انوکو هجي. تازي ڳالهه ٻولهه ۾ سارا لورين چيو ته عيد جي موقعي تي نمائش لاءِ پيش ڪيل فلمن شوقينن کي گھرن مان نڪرڻ تي مجبور ڪيو، جنهن جو وڏو سبب فلم جي مشهوري مهم آهي، جنهن کي ڀرپور انداز ۾ هلايو ويو ۽ ان جو نتيجو عيد تي ڪاروبار جي صورت ۾ اسان جي سامهون آهي، اهو سٺو عمل آهي، ان مان هڪ ڳالهه ثابت ٿئي ٿي ته فلم ڏسندڙ کي رڳو هڪ سٺي ۽ معياري تفريح گهرجي، ڀلي پوءِ اها فلم هالي ووڊ جي هجي، بالي ووڊ جي هجي يا لالي ووڊ جي. اداڪارا چيو ته هڪ شخص پنهنجي فيملي سان گڏ ٽڪيٽ خريد ڪري سينيما گھرن ۾ ويهندو آهي ته اها ڳالهه ذهن ۾ رکندو آهي ته کيس 2 يا 3 ڪلاڪن اندر بهتري تفريح حاصل ڪرڻي آهي ۽ پنهنجي اداس چهري تي کل آڻي ٻاهر نڪرڻو آهي، جڏهن اها رزلٽ ملندي آهي ته هو ٻيهر به سينيما گھرن جو رخ ڪندو آهي. اهو  ئي سبب آهي ته عيد جي موقعي تي لڳندڙ پاڪستاني فلمن کي شوقينن پسند ڪيو ۽ اهي ئي ماڻهو هر هر سينيمائن ۾ نظر اچي رهيا آهن، جنهن کي پاڪستان فلمن جي ڪاميابي ڏانهن پهريون قدم قرار ڏنو وڃي ته غلط نه هوندو. سندس چوڻ هو ته آئون بالي ووڊ ۾ به ڪم ڪري چڪي آهيان، ان ڪري سمجهان ٿي ته بالي ووڊ ۾ پنهنجي فلمن کي ڪامياب بڻائڻ لاءِ جهڙيءَ ريت مشهوري مهم تي پئسو خرچ ڪيو ويندو آهي ۽ فنڪار وقت ڪڍندا آهن، ان جو نتيجو اسان جي سامهون هوندو آهي، هر ڪو فلم جي رليز ٿيڻ جو شدت سان انتظار ڪندو آهي ۽ جڏهن اهي فلمون مارڪيٽ ۾ اينديون آهن ته پوءِ سينيما گھرن ۾ ٽڪيٽ وٺڻ ڏکيو بڻجي ويندو آهي، اسان کي به پنهنجي ڊائريڪشن کي درست رخ ۾ اڳتي وڌائڻ تي ڌيان ڌيڻ گھرجي، ڇو جو انهيءَ ۾ ئي پاڪستاني فلمن، سئنيمائن ۽ فنڪارن جو مستقبل محفوظ آهي.

 

ٽائيگر گهڻو آرام سان هلڻ وارو ماڻهو آهي: ڊيشا پٽاني

ممبئي (شوبز نيوز) ڊيشا پٽاني ۽ ٽائيگر شروف باليووڊ انڊسٽري سڀ کان وڌيڪ خبرن ۾ رهندڙ جوڙين مان هڪ آهن، ٻئي اداڪار پنهنجي/ڏسو صفحو 6 بقايا نمبر 36

لاڳاپن بابت گهڻي عرصي تائين نه ڳالهائڻ کانپوءِ هاڻ آهستي آهستي ان بابت وضاحت ڪندي نظر اچي رهيا آهن. ڊيشاتازي ڏنل انٽرويو ۾ ٻڌايو ته ٽائيگر گهڻو آرام سان هلڻ وارو ماڻهو آهي، مان گهڻي عرصي کان کيس متاثر ڪرڻ جي ڪوشش ڪري رهي آهيان. مون جمناسٽڪ سکي آهي، ان کانسواءِ مان هڪ اهڙي فلم ۾ به ڪم ڪيو آهي، جنهن جي هڪ سين ۾ مون خطرناڪ اسٽنٽ ڪيا، هو اڃا متاثر نه ٿيو آهي، هاڻ مان ان لاءِ ڇا ڪريان. ڊيشا پٽاني وڌيڪ چيو ته مان ٽائيگر لاءِ هڪ دوست کان وڌيڪ ٿيڻ چاهيان ٿي، پر کيس متاثر ڪرڻ تمام ڏکيو آهي. ٽائيگر منهنجو تمام سٺو دوست آهي پر مان نه ٿي چاهيان ته ٽائيگر رڳو منهنجو دوست ئي رهي، هو ان کان وڌيڪ آهي.

 

ايشان کٽر ۽ جهانوي ڪپور فلم ڌڙڪ ۾ گڏ نظر ايندا

ممبئي (شوبز نيوز) باليووڊ اداڪار ايشان کٽر ۽ جهانوي ڪپور پهريون ڀيرو باليووڊ فلم “ڌڙڪ” ۾ گڏ ڪم ڪندي نظر آيا هئا، اها جهانوي /ڏسو صفحو 6 بقايا نمبر 41

ڪپور جي پهرين ۽ ايشان کٽر جي ٻي فلم هئي، ٻنهي نه رڳو پردي تي ڪمال جي ڪيمسٽري ڏيکاري پري حقيقي زندگي ۾ به هو ٻئي سٺا دوست آهن. ايشان ۽ جهانوي جي دوستي کي پيار جو نالو به ڏنو ويو پر ٻنهي اداڪارن صاف چيو ته هو رڳو سٺو دوست آهن ۽ سندن وچ ۾ اهڙو ڪجهه ناهي. تازو ئي هڪ چيٽ شو ۾ اڀرندڙ اداڪار ايشان کٽر کان پڇيو ويو ته جهانوي جي اها ڪهڙي عادت آهي، جيڪا کيس سڀ کان گهڻي خراب لڳندي آهي؟ جواب ۾ ايشان چيو ته جهانوي مستي خور آهي، هوءَ ڄاڻندي آهي ته ڪنهن وقت ڪهڙو بٽڻ دٻائڻو آهي، ڪيترائي ڀيرا اهو ٿورو چيڙائيندڙ ٿي ويندو آهي، ڇاڪاڻ ته ڪڏهن ڪڏهن اها صورتحال ان وقت شروع ٿي ويندي آهي، جنهن وقت ان جي ضرورت نه هوندي آهي ۽ هوءَ پوءِ به ان تي ضد ڪندي آهي.

 

اداڪاره زرين خان بگ باس شو ۾ نظر ايندي

ممبئي (شوبز نيوز) ريئلٽي شو بگ باس 12 جي بورنگ ٿيڻ کانپوءِ بگ باس 13 لاءِ ميڪرز سوچي سمجهي شوبز شخصيتن جي چونڊ ڪري/ڏسو صفحو 6 بقايا نمبر 13

رهيا آهن. ريئلٽي شو جي مرڪزي ماڻهن لاءِ ڪيترن ئي نالن وچ ۾ چوٻول آهن. ان فهرست ۾ هاڻ سلمان خان جي ڪو اسٽار ۽ ڪترينا ڪيف جي هم شڪل سڏي ويندڙ اداڪاره زرين خان جو به نالو سامهون آيو آهي، سلمان خان سان گڏ فلم وير ۾ نظر آيل اداڪاره زرين خان بگ باس سيزن 13 ۾ حصو وٺي سگهي ٿي، جيڪڏهن ائين ٿيويو ته زرين خان بگ باس جي گهر ۾ لاڪ ٿيندڙ پهرين ڪنٽيسٽنٽ هوندي. جيتوڻيڪ شو جي ميڪرز ۽ زرين خان جو ان بابت ڪو ري ايڪشن سامهون نه آيو آهي. بگ باس جو پليٽ فارم زرين خان لاءِ نيون اميدون کڻي اچي سگهي ٿو. يقينن هي شو زرين خان جي مشهوري وڌائيندو. سلمان خان جي پسنديده هئڻ ڪري دبنگ خان ۽ سندس مداحن جي زرين خان کي مڪمل سپورٽ ملندي.

 

اداڪاره ڪياره آڏواڻي جلد نين فلمن ۾ نظر اچڻ واري

ممبئي (شوبز نيوز) باليووڊ اداڪاره ڪياره آڏواڻي جلد رليز ٿيندڙ شاهد ڪپور جي فلم “ڪبير سنگهه” ۽ اڪشي ڪمار اسٽارر فلم “لڪڇمي/ڏسو صفحو 6 بقايا نمبر 08

بومب” جي ڪري خبرن ۾ آهي. اتي هڪ ٻي وڏي فلم ڪياره آڏواڻي جي نالي ٿيڻ جي خبر سامهون آئي آهي، ڪياره پاڻ به اها خوشخبري سوشل ميڊيا تي شيئر ڪئي آهي، فلم جو نالو ئي ٻڌائي رهيو آهي ته اها ڪاميڊي فلم هوندي. تمام گهٽ عرصي ۾ باليووڊ ۾ پنهنجون صلاحيتون مڃائيندڙ ڪياره آڏواڻي جلد ئي بنگالي ليکڪ ۽ فلم ميڪر آبير زين گپتا جي فلم ۾ مرڪزي ڪردار نڀائيندي نظر اچڻ واري آهي. خبرن موجب فلم ۾ ڪياره گهڻي مضبوط ڪردار ۾ نظر ايندي، فلم ميڪرز سان گڏ ڪياره پاڻ به سوشل ميڊيا تي فلم جو اعلان ڪري ڇڏيو آهي. سامهون آيل پوسٽ موجب هن فلم جو نالو “اندو ڪِي جواني” هوندو. مزاحيه فلم ۾ ڪياره غازي آباد جي ڇوڪري اندو گپتا جي ڪردار ۾ نظر ايندي.