تازيون خبرون

Category Archives: فن ۽ تفريح

عبيرا قتل ڪيس: ڏوهه ثابت ٿيڻ تي ماڊل گرل عظميٰ رائو کي موت جي سزا

 

 

لاهور (شوبز نيوز) لاهور جي سيشن عدالت اداڪارا عبيرا قتل ڪيس ۾ ڏوهه ثابت ٿيڻ تي مقتولا جي ساٿي ماڊل گرل عظميٰ رائو کي موت جي سزا جو حڪم ٻڌائي ڇڏيو آهي. عظميٰ رائو پنهنجي مڙس کي قتل ڪرڻ پئي چاهيو ۽ ان ڪم ۾ مدد نه ڪرڻ تي هن عبيرا کي زهر ڏئي ماري ڇڏيو. قتل جي ان ڪيس جو فيصلو ايڊيشنل سيشن جج عائشا رشيد ٻڌايو. ماڊل گرل عظميٰ رائو کي موت جي سزا سان گڏ 5 لک رپيا ڏنڊ جي سزا به ٻڌائي وئي. عدالت ڏوهه ۾ عظميٰ رائو سان شريڪ فاروق ۽ حڪيم ذيشان کي شڪ جو فائدو ڏيندي آزاد ڪري ڇڏيو. عبيرا قتل ڪيس جو چالان شيرا ڪوٽ پوليس 2015ع ۾ جمع ڪرايو هو. اداڪارا جو مڙهه فيبروري 2015ع ۾ شيراڪوٽ جي هڪ بس اسٽينڊ مان سوٽ ڪيس ۾ مليو هو. سي سي ٽي وي فوٽيج جي مدد سان طوبيٰ عرف عظميٰ رائو جي سڃاڻپ ٿي، جنهن کانپوءِ کيس حراست ۾ ورتو ويو هو، جڏهن ته عظميٰ ڏوهه جو اعتراف ڪندي چيو هو ته عبيرا منهنجي دوست هئي، مان سندس گهر ۾ ئي ساڻس گڏ رهندي هيس ۽ ان جا سڀ راز ڄاڻندي هيس. عظميٰ موجب مان پنهنجي مڙس بابر بٽ مان جان ڇڏائڻ لاءِ کيس قتل ڪرڻ جي رٿابندي ڪئي پر عبيرا منهنجو ساٿ ڏيڻ کان انڪار ڪري ڇڏيو، جنهن کانپوءِ دوست فاروق ۽ حڪيم ذيشان وٽان زهر گهرائي عبيرا کي ڏئي ڇڏيم.

 

سني پيڪس جي سي اي او مريم ال باچا سينيما سان لاڳاپيل عورتن جي فهرست ۾ پنجو نمبر

 

لاهور(شوبز نيوز) عالمي سينيما 2018ع سان لاڳاپيل ٽاپ 50 عورتن جي فهرست ۾ پاڪستان جي سني پيڪس سينيما جي چيف ايگزيڪيوٽو آفيسر مريم ال باچا پنجين نمبر تي آهي.اها فهرست سينيما جي حوالي سان دنيا جي مشهور ويب سائيٽ سيلولائيڊ جنڪي جاري ڪئي.مريم ال باچا پاڪستان ۾ سني پيڪس سينيما گهرن جي ذميواري سنڀالڻ کان اڳ ملائيشيا جي ايم بي او سينيما گهرن جي ڊائريڪٽر آف آپريشنز هئي.مريم ال باچا فلمي ايونٽس ۾ هڪ پرجوش مقرر طور به پنهنجي جاءِ رکي ٿي.پاڪستان جي 8 شهرن ۾ سني پيڪس جا 11 سينيما گهر آهن ۽ ادارو 2020ع تائين ان تعداد کي 150 تائين وڌائڻ جو خواهشمند آهي.سني پيڪس ڪمپني سينيمائن ۾ پلاٽينم، گولڊ، سلور، 4 ڊي ايڪس، ڊولبي اسٽموس ۽ سي ايم اي ايڪس ايڪس فارميٽس به متعارف ڪرائي رهي آهي

 

ڪرڊاشين سسٽرز جون همشڪل دبئي سسٽرز سڀني جي توجهه جو مرڪز

 

دبئي(ويب ڊيسڪ) هالي ووڊ جي مشهور اداڪارائن ڪم ڪرڊاشين ۽ ڪائلي جينز جي همشڪل دبئي جي رهواسي ٻن ڀينرن سوشل ميڊيا تي ڌم مچائي ڇڏي آهي ۽ انهن کي ڏسي ڪير به اهو اندازو نه ٿو لڳائي سگهي ته هو هالي ووڊ اداڪارائون ناهن.عرب ميڊيا موجب دبئي جون رهواسي ڀينرون سونيا ۽ فائزه علي سوشل ميڊيا ويب سائيٽ انسٽاگرام تي پنهنجون تصويرون شيئر ڪيون جن کي ڏسي گمان ٿيندو آهي ته هو هالي ووڊ سسٽرز ڪم ڪردارشين ۽ ڪائلي جينر ئي آهن.سونيا علي چيو ته ٻه سال اڳ جڏهن اسان لاس انجلس ۾ رهياسين ته اتي موجود ماڻهن انهن جي ڀيٽ ڪرڊاشين سسٽرز سان ڪرڻ شروع ڪري ڇڏيو.فائزا علي پنهنجي خيالن جو اظهار ڪندي چيو ته آمريڪا ۾ گهڻي قدر ماڻهوغلطي سان انهن کي ڪم ڪرڊاشين ۽ ڪائلي جينر ئي سمجهي ويهندا ۽ اهو گهڻي قدر آمريڪا ۾ ئي ٿيندو هو

 

راحت فتح علي خان جا بينڪ اڪائونٽ ٻيهر منجمند

 

لاهور (شوبز نيوز) فيڊرل بي آر ريونيو مشهور ڳائڻي راحت فتح علي خان جا بينڪ اڪائونٽ ٽيڪس ادان نه ڪرڻ تي ٻيهر منجمند ڪري ڇڏيا. ايف بي آر اختيارين موجب راحت فتح علي خان جي ذمي سال 2015ع جو 32 لک رپيا انڪم ٽيڪس بقايا هو. ايف بي آر هينئر تائين راحت علي خان جي اڪائونٽ مان 20 لک رپين جي ريڪوري ڪري چُڪوآهي. اختيارين طرفان راحت علي خان جي بينڪ اڪائونٽن جي جاچ ٿي رهي آهي ته هن ڇا لِڪايو آهي. گذريل مالي سال ۾ به راحت فتح علي خان کي ٽيڪس چور قرار ڏنو ويو هو.

 

عمر گل ٽي ٽوئنٽي ڪرڪيٽ ۾ وڪيٽن جي ڊبل سينچري ٺاهي ورتي

دبئي(اسپورٽس نيوز) پاڪستان ڪرڪيٽ ٽيم جو بهترين بالر عمر گل هنن ڏينهن ۾ پي ايس ايل ۾ ملتان سلطانز جي نمائندگي ڪري رهيو آهي پي ايسا يل جي ايونٽ ۾ ڪوئيٽا گليڊيئيٽرز خلاف هن پنهنجي پهرين ميچ کيڏي ۽ ان ميچ ۾ عمر گل 24 رنسن عيوض 6 رانديگرن کي پويلين موڪليو.اها پي ايس ايل جي تاريخ جي ٻئين بهترين بالنگ آهي ان کان اڳ روي بوپارا 16 رنسن جي عيوض 6 رانديگرن کي آئوٽ ڪيو هو.عمر گل کي ان شاندار ڪارڪردگي سبب مين آف دي ميچ جي ايوارڊ سان نوازيو ويو جڏهن ته ان جي ٽيم اها ميچ هارائي وئي، ڪوئيٽا خلاف 6 وڪيٽون حاصل ڪري عمر گل ٽي ٽوئنٽي ڪرڪيٽ ۾ ڊبل سينچري ڪري وڌي.ان جي وڪيٽن جو تعداد 201 آهي، عمر گل ٻيون بالر آهي جنهن ٽي 20 ۾ تيز ترين 200 وڪيٽون حاصل ڪيون.عمر گل اهو ڪارنامو 147 ميچن ۾ انجام ڏنو، تيز ترين 200 وڪيٽون حاصل ڪرڻ جو رڪارڊ سعيد اجمل وٽ آهي جنهن اهو ڪارنامو 139 ميچون کيڏي سرانجام ڏنو

 

آئٽم گيتن ۾ عورت جي جسم جي نمائش ڪئي ويندي آهي: شبانه اعظمي

ممبئي(شوبز نيوز) بالي ووڊ جي سينيئر اداڪارا شبانه اعظمي فلمن ۾ آئٽم گيتن تي ڇتي تنقيد ڪندي چيو آهي ته آئٽم گيت عورت کي مرد آڏو جهڪائين ٿا ۽ انهن ۾ عورت جي جسم جي نمائش ڪئي ويندي آهي.هڪ مباحثي ۾ ڳالهائيندي هن جو چوڻ هو ته اڪثر اداڪارائون آئٽم گيتن کي جشن سمجهن ٿيون، پر منهنجي خيال ۾ اهو سچ نه آهي. مان فلمن ۾ هنن گيتن کي عورت جو مرد جي نگاهن ۾ ڪرڻ سمجهان ٿي. هن چيو ته مان فلمن ۾ هنن گيتن کي عورت جو مرد جي نگاهن ۾ ڪرڻ سمجهان ٿي. هن ٻڌايو ته آئٽم گيت فلمن ۾ صرف ذهن کي تسڪين ڏيڻ کانسواءِ ڪجهه ناهن.هن چيو ته مک اداڪارائن جو هنن گيتن تي اطمينان ڏيکارڻ تي مون کي اعتراض ناهي، اهي ڀلي پاڻ کي دلي طور سڪون ڏين، پر مان ان معاملي تي ٻيو موقف رکان ٿي. هن چيو ته آئٽم گيتن ۾ عورت جي جسم جي نمائش ئي ته هوندي آهي

 

نيها ڌوپيا فلمي ڪيريئر جا ويهه سال مڪمل ڪري ورتا

ممبئي(شوبز نيوز)بالي ووڊ اداڪارا نيها ڌوپيا کي فلم انڊسٽري ۾ ڪم ڪندي 20 سالن جو عرصو مڪمل ٿي ويو آهي، ۽ هن پنهنجي ان دور کي اطمينان جوڳو قرار ڏيندي فلمن ۾ اچڻ کي مهم جوئي وارو فيصلو قرار ڏنو آهي ميڊيا جي هڪ رپورٽ ۾ ڄاڻايو ويو آهي ته مليالم فلم کان ڪيريئر جي شروعات ڪندڙ نيها ڌوپيا فلم قيامت: دي سٽي انڊر ٿريٽ کان وٺي لاتعداد فلمن ۾ ڪم ڪري پنهنجي صلاحيتن کي تسليم ڪرائي چڪي آهي ۽ سندس ڪجهه وقت اڳ رليز ٿيل فلم تمهاري سلو ۾ ڪيل ڪم کي پڻ وڏي پيماني تي ساراهيو ويو آهي. ميڊيا سان ڳالهائيندي نيها ڌوپيا ٻڌايو ته سال 2002ع ۾ مس انڊيا رهڻ بعد فلمن ۾ اچڻ وارو فيصلو مهم جوئي جيان هو، پر مون اهو فيصلو ڪيو. هن چيو ته وقت ثابت ڪيو آهي ته مون درست فيصلو ڪيو آهي، ڇاڪاڻ ته فلم انڊسٽري ۾ وڏي عزت ملي آهي. هن چيو ته فلمن ۾ ڪم ڪندي 20 سال اک ڇنڀ ۾ گذري ويا ۽ خبر ئي نه پئي آهي.

 

جينيفر لارينس پنهنجي رومانوي لاڳاپن جي وضاحت ڪري ڇڏي

 

نيويارڪ(شوبز نيوز)هالي ووڊ اداڪارا جينيفر لارينس جيڪي انهن ڏينهن ۾ پنهنجي ايندڙ فلم ريڊ اسپيرو جي مشهوري ۾ مصروف آهي ان بابت ڪجهه عرصي کان افواهون آهن ته ان جا اداڪار ڪرس پراٽ سان لاڳاپا قائم آهن.ياد رهي ته 27 ورهين جي جينيفر لارينس ۽ 38 ورهين جي ڪرس پراٽ وچ ۾ لاڳاپن جون خبرون گذريل هڪ سال کان جاري آهن.آمريڪي ۽ برطانوي ميڊيا ۾ شايع ٿيندڙ خبرن موجب جينيفر لارينس ۽ ڪرس پراٽ وچ ۾ 2016ع ۾ ايندڙ سائنس فڪشن فلم پيسنجر جي شوٽنگ دوران لاڳاپا شروع ٿيا.جيتوڻيڪ ان فلم جي شوٽنگ ۽ نمائش کانپوءِ به ٻنهي اداڪارن کي ڪيترائي ڀيرا گڏ ڏٺو ويو جڏهن ته ٻنهي طرفان 2 سالن تائين لاڳاپن جي تصديق نه ڪئي وئي هئي.جڏهن ته افواهون وڌڻ کانپوءِ هاڻ جينيفر لارينس ان معاملي تي خاموشي ٽوڙي ڇڏي.فيشن ۽ شوبز ميگزين موجب جينيفر لارينس افواهن کان تنگ اچي پنهنجي ۽ ڪرس پراٽ جي لاڳاپن جي باري م وصاحت ڪئي.هن صاف لفظن ۾ چيو ته ان جا ڪڏهن به ساٿي اداڪارا ڪرس پراٽ سان رومانوي لاڳاپا ناهن رهيا.هن ڪرس پراٽ جي اداڪاري جي تعريف ڪندي چيو ته جڏهن هوءَ ان سان فلم ڪم ڪري رهي هئي ان جي ٺيڪ 2 سالن کانپوءِ ڪرس جي طلاق ٿي وئي.

 

حيدرآباد ۾ ثقافت کاتي پاران پنجن ڏينهن وارو شيخ اياز ٿيٽر فيسٽيول شروع

 

حيدرآباد(شوبز نيوز) ثقافت کاتي پاران 5 ڏينهن جو شيخ اياز ٿيٽر فيسٽيول سنڌ ميوزيم حيدرآباد ۾ شروع ٿي ويو آهي، جنهن جو افتتاح ڪهاڻيڪار شوڪت شورو، ليکڪ انعام شيخ، ليکڪ نصير مرزا ۽ سينيئر صحافي ناز سهتو ڪيو.ان موقعي تي ڪهاڻيڪار شوڪت شورو چيو ته شيخ اياز پاران ان وقت اوپيرا سنڌ کي ڏنو، جنهن وقت سنڌ جو نالو وٺڻ ڏوهه هوندو هو ۽ سنڌي ٻوليءَ تي پابندي هئي.  ليکڪ انعام شيخ چيو ته ننڍي کنڊ ۾ اوپيرا ٿيٽر ئي هئا، جنهن ذريعي قومن ۾ جاڳرتا آندي ويندي هئي.ليکڪ نصير مرزا چيو ته نثار حسيني ۽ مون کي اوپيرا رڪارڊ ڪرائڻ جو اعزاز حاصل آهي، جنهن اوپيرا رڪارڊنگ ۾ سنڌ جي امر آواز سيد صالح  محمد شاهه جو آواز هيو. سينيئر صحافي ناز سهتو ٿيٽر ۾ آيل سمورن مهمانن جو ٿورو مڃيندي ٿيٽر بابت آگاهي ڏني.واضح رهي ته دودي سومري جي موت ٿيٽر ۾ ڊائريڪشن رفيق عيساڻي ڏني ۽ اداڪارن ۾ اڪبر دلواڻي، عائشه مهڪ، پري مغل ۽ ٻين اداڪاري جا جوهر ڏيکاريا.

 

سلمان خان ۽ ڪترينا ڪيف خلاف عدالت ۾ پٽيشن داخل

 

نئين دهلي(شوبز نيوز) بالي ووڊ جي سلطان سلمان خان ۽ بار بي ڊول ڪترينا ڪيف خلاف نئين دهلي جي هڪ عدالت ۾ پٽيشن داخل ڪئي وئي آهي جنهن ۾ موقف اختيار ڪيو ويو آهي ته سلمان خان، ڪترينا ڪيف ۽ ٻين فلم ٽائيگر زنده جي مشهوري واري مهم دوران هڪ برادري خلاف توهين جوڳا رمارڪس ڏنا هئا ان ڪري انهن خلاف ايف آءِ آر داخل ڪرڻ جو حڪم جاري ڪيو وڃي.عدالت درخواست جي ٻڌڻي 27 فيبروري تي مقرر ڪندي ان سلسلي ۾ دهلي پوليس کان جواب پڻ طلب ڪري ورتو آهي. اها پٽيشن  ملازمن جي دهلي ڪميشن جي اڳوڻي چيئرمين هرنام سنگهه داخل ڪئي آهي جنهن ۾ هن دعويٰ ڪئي آهي ته اداڪارن سماج جي فردن خلاف رمارڪس ڏئي انهن سان زيادتي ڪئي آهي