تازيون خبرون
ڪرتارپور راهداري کولڻ جي سراهه، سعودي عرب پاڪستان ۾ 20 ارب ڊالرن جي سيڙپڪاري ڪندو: گڏيل پڌرنامو - آشيانه هائوسنگ اسڪينڊل ريفرنس: شهباز شريف سميت 10 جوابدارن تي فرد جرم لاڳو - سعودي ولي عهد سان آرمي چيف جي ملاقات، دفاعي سهڪار تي اتفاق - پاڪ-سعودي وچ ۾ 7 مفاهمتي يادداشتن تي صحيحون، 10 گڏيل ورڪنگ قائم - سعودي شهزادي پاران عمران خان جي ساراهه، عظيم قيادت پاڪستان کي درست طرف وٺي وڃي رهي آهي: محمد بن سلمان - سعودي شهزادي پاڻ کي پاڪستان جو سفير چئي پاڪستانين جون دليون کٽي ورتيون آهن: وزيراعظم - سنڌ سرڪا ٻڌائي 2 ارب ڪيڏانهن ويا، وفاق سنڌ کي پئسا ڏنا ته ڏائڻ کائي ويندي: پير پاڳارو/ذوالفقار مرزا/ايازلطيف پليجو - العزيزيه ريفرنس: مناسب هوندو ته نواز شريف جي ميڊيڪل رپورٽ ڏسي اڳتي وڌون: اسلام آباد هاءِ ڪورٽ - سعودي شهزادي کي ڀليڪار، ڪشميرين کي حق ملي ها ته پلواما جهڙي دهشتگردي جا واقعا پيش نه اچن ها: بلاول ڀٽو - ڪلڀوشن ڪيس: ارتي وڪيل عالمي عدالت ۾ پاڪستان جي سوالن جا جواب نه ڏئي سگھيو

Category Archives: ايڊيٽوريل

قصور جي زينب سان انصاف…!

دهشتگردي جي انت واري عدالت قصور جي معصوم زينب جي  قتل ڪيس جو فيصلو ٻڌائيندي جوابدر عمران علي کي 4 ڀيرا موت جي سزا ڏيڻ جو حڪم ڏئي ڇڏيو آهي. دهشتگردي جي انت واري خاص عدالت جي جج سجاد احمد ڪيس جو فيصلو ٻڌايو. زينب قتل ڪيس جي جوابدار عمران خلاف جيل ۾ روزانو 9 کان 11 ڪلاڪ ٻُڌڻي ٿي، ان دوران 56 شاهدن جا بيان ريڪارڊ ڪيا ويا ۽ 36 ڄڻن جون شاهديون پيش ڪيون ويون. ٻُڌڻي دوران ڊي اين اي ٽيسٽ، پولي گرافڪ ٽيسٽ ۽ وڊيوز به ثبوت طور تي پيش ڪيون ويون. 15 فيبروري تي ڌُرين جا دليل مڪمل ٿيڻ تي عدالت ڪيس جو فيصلو محفوظ  ڪيو ويو جيڪو ٻڌايو ويو آهي. جوابدار کي جنسي ڏاڍائي تي عمر قيد جي سزا به ٻڌائي وئي آهي. پراسيڪيوٽر جنرل احتشام قادر موجب ته عمران کي ننڍڙي زينب کي اغوا ڪرڻ تي موت جي سزا ٻڌائي وئي آهي. عمران کي زينب سان زيادتي تي موت جي سزا ٻڌائي وئي آهي. عمران کي زينب کي قتل ڪرڻ تي موت جي سزا ٻڌائي وئي آهي.پاڪستان زينب ڪيس کانپوءِ سائنسي بنيادن تي جوابدارن کي سزا ڏيندڙ ملڪن ۾ شامل ٿي ويو آهي.

قصور ۾ زيادتي کان پوءِ قتل ڪيل 8 سالن جي ٻارڙي زينب جي والد امين انصاري چيو آهي ته جوابدار کي سخت سزا ڏني وڃي جيئن اڳتي لاءِ اهڙو ڪو به واقعو پيش نه اچي. هن مطالبو ڪيو ته جوابدار کي سنگسار ڪيو وڃي، جيستائين سندس ساهه نٿو نڪري. معصوم زينب جي والد چيف جسٽس  آف پاڪستان ميان ثاقب نثار جا ٿورا به مڃيا جنهن جي ڪري ايتري تيزي سان ٽرائل ٿيو.

 

رائو انوار سپريم ڪورٽ به نه آيو….

سپريم ڪورٽ نقيب الله محسود جي عدالت کان مٿڀري قتل ڪيس ۾ حفاظتي ضمانت جي باوجود پيش نه ٿيڻ تي اڳوڻي ايس ايس پي رائو انوار کي توهين عدالت جو نوٽيس جاري ڪري ڇڏيو. چيف جسٽس ثاقب نثار جي سربراهيءَ ۾ سپريم ڪورٽ جي بئنچ ڪراچي ۾ پوليس مقابلي ۾ مارجي ويل نقيب الله محسود قتل ڪيس جي ٻڌڻي ڪئي. ٻڌڻي دوران رائو انوار حفاظتي ضمانت منظور ٿيڻ باوجود عدالت ۾ پيش نه ٿيو جنهن ڪري ڪجهه دير انتظار ڪرڻ کانپوءِ  کيس توهين عدالت نوٽيس جاري ڪيو ويو. ٻڌڻي شروع ٿي ته  چيف جسٽس آءِ جي سنڌ کان پڇاڻو ڪيو ته ڇا رائو انوار اڄ عدالت ۾ پيش ٿيو آهي جنهن تي هن ٻڌايو ته هو پيش نه ٿيو آهي جنهن تي چيف جسٽس اي ڊي خواجه کي چيو ته توهان جي ذميواري اڃا به اتي ئي آهي. اسان رائو انوار کي پيش ٿيڻ لاءِ شفاف موقعو فراهم ڪيو، حفاظتي ضمانت به ڏني پر لڳي ٿو ته رائو انوار پيش نه ٿي وڏو موقعو ضايع ڪري ڇڏيو آهي، سندس گرفتاري لاءِ پوليس کي سموريون سهولتون فراهم ڪنداسين. سپريم ڪورٽ اسٽيٽ بئنڪ لاءِ حڪم جاري ڪيا ته رائو انوار جا سمورا اڪائونٽس منجمد ڪيا وڃن جڏهن ته عدالت حڪم ڏنو ته آءِ ايس آءِ، آءِ بي ۽ ايم آءِ رائو انوار جي گرفتاري لاءِ سهولت ڏين ۽ ان حوالي سان رپورٽ پيش ڪئي وڃي. عدالت چئني صوبن جي آءِ جيز  کي هدايت ڪئي ته نقيب الله محسود قتل ڪيس ۾ شاهدن کي تحفظ فراهم ڪيو وڃي جنهن بعد عدالت ٻڌڻي 15 ڏينهن لاءِ ملتوي ڪري ڇڏي.

 

نيب جو گهرو وزارت کي لکيل خط

نيب اڳوڻي وزيراعظم نواز شريف، سندس ڌيءَ مريم نواز ۽ ناٺي ڪيپٽن (ر) صفدر جا نالا اي سي ايل ۾ وجهڻ لاءِ گهرو وزارت کي خط لکي ڇڏيو آهي. نيب پاران گهرو وزارت کي ٻه جدا جدا خط موڪليا ويا آهن، هڪ خط ۾ اڳوڻي وزيراعظم نواز شريف جو نالو اي سي ايل ۾ وجهڻ جي سفارش ڪئي وئي آهي جڏهن ته ٻئي ۾ ان جي ڌيءَ مريم نواز ۽ ناٺي ڪيپٽن (ر) صفدر جو نالو شامل ڪرڻ جو چيو ويو آهي. واضح رهي ته نيب جي ريفرنس تي احتساب عدالت اسلام آباد ۾ ٻڌڻي جاري آهي ۽ گذريل ڏينهن نواز شريف حاضري کان ٻن هفتن جي ڇوٽ جي درخواست داخل ڪئي هئي جنهن تي نيب سندن نالا اي سي ايل ۾ وجهڻ لاءِ گهرو وزارت کي خط لکيو آهي.

نيب جي چيئرمين جسٽس (ر) جاويد اقبال العزيزيه ۽ فليگ شپ ڪيسز جا  ضمني ريفرنس داخل ڪرڻ جي به منظوري ڏئي ڇڏي آهي. انهن ضمني ڪيسز ۾ نواز شريف، حسن ۽ حسين نواز جي خلاف نوان ثبوت حصو هوندا. رپورٽون آهن ته ضمني ريفرنس ۾ حسن ۽ حسين نواز جي آف شور ڪمپنين جا نوان تفصيل به شامل هوندا ۽ العزيزيه ريفرنس اسٽيل ملز ريفرنس ۾ پڻ نوان ثبوت فراهم ڪيا ويندا. نيب ٻئي ضمني ريفرنس جلد احتساب عدالت ۾ داخل ڪندي. هوڏانهن وفاقي گهرو وزيرچيو آهي ته شريف خاندان جا نالا اي سي ايل ۾ وجهڻ بابت ڏيهه اچڻ بعد ڪيو ويندو، جيڪو آئين ۽ قانون مطابق هوندو.

قومي اسيمبلي ۾ مخالف ڌر اڳواڻ سيد خورشيد شاهه  به موقعي جو فائدو کڻندي گهرو وزارت کان مطالبو ڪيو آهي ته نواز شريف، مريم نواز ۽ ڪيپٽن صفدر جو نالو اي سي ايل ۾ وجهڻ لاءِ نيب جي خط تي عمل ڪيو وڃي. گهرو وزارت نيب جي خط تي عمل نه ڪيو ته شرجيل ميمڻ کي آزاد ڪرڻو پوندو، قانون موجب سڀني سان هڪ جهڙو ورتاءُ ڪرڻ گهرجي. شريف خاندان جي خلاف ريفرنس آهي شرجيل ميمڻ جي خلاف ريفرنس به ناهي، شرجيل ميمڻ پاڻ پيش ٿيو هو شريف خاندان جي ماڻهن کي پڪڙيو ويو ۽ پوءِ ڇڏيو ويو جيڪو غيرقانوني عمل هيو .

 

انصاف جا متظر ڪمند جا آبادگار…!

مل مافيا جي هڪ هٽي سبب ڪمند جا آبادگار تخت مشڪلاتن جي ور چڙهيل آهي، ڪجهه آبادگارن ته مل مالڪن جي هٺ ڌرمي سبب پنهنجي ڪمند کي احتجاجن باهه ڏئي ساڙي ڇڏيو ته ڪجهه وري احتجاج ۾ رڌل آهن ته جئين کين ڪٿان انصاف ملي سگهي.

سنڌ هاءِ ڪورٽ جي جسٽس عقيل احمد عباسي جي سربراهي ۾ ٻه رڪني بئنچ ڪمند جو اگهه مقررنه ڪرڻ جي خلاف توهين عدالت واري درخواست تي چيف سيڪريٽري سنڌ ۽ ايڊووڪيٽ جنرل سنڌ سميت ٻيا پيش ٿيا.  عدالت ڪمند  جي اگهه تي نئون اسٽي آرڊر جاري ڪري ڇڏيو آهي. عدالت سمورين ڌرين جي مشاورت سان ڪمند جو اگهه عارضي طور تي 160رپيا مقررڪري ڇڏيو آهي. عدالت ۾ چيف سيڪريٽري سنڌ چيو ته آبادگار هن ملڪ جا شهري آهن. هنن جي حقن کي به نظر ۾ رکيو وڃي. سنڌ سرڪار مناسب حل ڳولي. چيف سيڪريٽري سنڌ چيو ته پهرين سنڌ سرڪار کنڊ تي سبسڊي ڏيندي هئي. جڏهن شگر مل مالڪن جو موقف آهي ته اسان وٽ کنڊ جو پهرين کان ذخيرو موجود آهي. آبادگارن جي لاءِ قدم کڻي رهيا آهيون. سنڌسرڪار وڌيڪ سبسڊي ڏيڻ جي پوزيشن ۾ نه آهي .

شگرمل مالڪن جي وڪيل عبدالستار پيرزادو چيو اسان وڌ ۾ وڌ 155رپيا في مڻ ڪمند خريد ڪري سگهون ٿا، آبادگارن جي وڪيل چيو ته 162 رپيا اگهه جي اجلاس ۾ اسان کي آڇ ڪئي وئي آهي. جيڪا آفر ڪئي وئي آهي ان تي عمل ڪيو وڃي. عدالت چيو ته معاملو حل ڪرڻ چاهيون ٿا. اسان نٿا چاهيون ته شگرمل ۽ آبادگارن کي نقصان ٿئي. عدالت عارضي طور تي ڪمند جو اگهه 160 رپيا مقر رڪرڻ جو حڪم ڏيندي سنڌ سرڪار کي معاملو جلد حل ڪرڻ جي هدايت ڪري ڇڏي آهي. ياد رهي ته ان کان اڳ سنڌ هاءِ ڪورٽ جي جسٽس منيب اختر جي بئنچ 172ڪمند جو آگهه مقررڪيو هو ۽ 10 رپيا بطور سيڪيورٽي هاءِ ڪورٽ جي ناظر وٽ جمع ڪرڻ جو حڪم ڏنو هو. ان تي عمل نه ڪرڻ تي پاسماجي خلاف توهين عدالت جي درخواست داخل ڪئي هئي.

عدالت سڳوري هن ڀيري پنهنجي حڪم تي عمل ڪرائي ڪمند جي آبادگارن جن اڳ گهڻو ئي نقصان برداشت ڪيو آهي وڌيڪ نقصان ٿيڻ کان بچائيندي سندن پر گهور لهي ته جئين اڳتي آبادگار ڪمند جي پوکي ڪري سگهن ۽ مل مالڪن کي به آبادگارن جي مسئلن جو احساس ڪندي انهن کي مناسب اگهه ڏئي ڪمند خريد ڪن جئين آبادگارن جو ٿيل فصل تي خرچ به اڳڙي سگهي.

 

لاپتا رائو انوار جي گولا….!

دنيا جو دستور رهيو آهي ته عروج جو زوال به ايندو آهي، ملير ضلعي جي اڳوڻي شهنشاهه آفيسر جنهن سڪن سان گڏ ساوا به ساڙي پنهنجي نالو اوچو ڪيو جنهن ڪڏهن ائين نه سوچيو هوندو ته سندس جو شان ۽ مان ائين مٽي ۾ ملي ويندو، ملير جو بلو بٽ جيڪو عدالت کان مٿانهان قتل ته پنهنجي کٻي هٿ جو ڪم سمهندو هو پوءِ ڀلي ڇو نه سسپيڊ ڪيو ويو هجي پر هو بنا وردي جي به عدالتي احاطن مان ماڻهن کي اغوا ڪري وڃي ڪوڙا مقابلا ڄاڻائي کين قتل ڪري ڇڏيندو هيو، هن ملير جي راڪاس ايتريون امڙين جون جهوليون خالي ڪيون آهن جو شايد کيس به خبر هجي، پر اڃ هو پنهنجي جان بچائڻ خاطر انڊرگرائونڊ ٿي ويو آهي پاڻ ته غائب ٿيو سندس جي ٽيم به ائين گم ٿي وئي آهي ڄڻ پيدا ئي نه ٿيا هئا، نقيب الله محسود جو قتل سندس جي نڙي ۾ اهڙو ته اٽڪيو آهي جو سندس جو ساهه وڃي مٺ ۾ بچو آهي، مٿان وري نقيب سان گڏ ماريل قاري اسحاق جي وارثن طرفان به رائو انوار خلاف عدالت ۾ وڃڻ جو اعلان ڪيو ويو آهي، مليل ڄاڻ موجب ملير ۾ ڪوڙي پوليس مقابلي ۾ قتل ٿيل نوجوان نقيب الله محسود جي قتل ڪيس ۾ ملير جي اڳوڻي ايس ايس پي رائو انوار جي گرفتاري لاءِ آءِ جي سنڌ اي ڊي خواجا ڳجهن ادارن کان مدد گهري ورتي آهي. اي ڊي خواجا ڳجهن ادارن کي خط لکيو آهي، جنهن ۾ هن درخواست ڪئي آهي ته رائو انوار جي نشاندهي، ڳولا ۽ گرفتاري ۾ مدد ڪئي وڃي. رائو انوار جي گرفتاري لاءِ ٽيڪنيڪل ۽ انٽيليجنس بنياد تي هر ممڪن مدد ڪئي وڃي. خط ۾ ڄاڻايو ويو آهي ته ملير جو اڳوڻو ايس ايس پي 20 جنوري جي صبح پي آءِ اي اڏام ذريعي اسلام آباد ويو، 23 جنوري تي هن اسلام آباد ايئرپورٽ کان دبئي فرار ٿيڻ جي ڪوشش ڪئي پر ايف آءِ اي اميگريشن کيس ٻاهر وڃڻ کان روڪي ورتو، هو ملڪ کان ٻاهر وڃڻ لاءِ ننهن چوٽيءَ جو زور ڏئي رهيو آهي، ڏوهاري کي جلد سپريم ڪورٽ ۾ پيش ڪرڻو آهي، تنهن ڪري گرفتاري ۾ مدد ڪئي وڃي. نوجوان نقيب جي قتل ڪيس ۾ فرار ٿيل هٽايل ايس ايس پي ملير رائو انوار جي سيڪيورٽي تي مقرر ٿيل 5 اهلڪار اڃا تائين واپس نه ٿيا آهن، اينٽي انڪروچمينٽ طرفان اڳوڻي  ايس ايس پي ملير جي سيڪيورٽي لاءِ 5 اهلڪار ڏنا ويا هئا، جيڪي اڃا تائين واپس نه ڪيا ويا آهن، پوليس ته پنهنجي سيڪيورٽي واپس وٺي ڇڏي آهي ته اڃا تائين 5 اهلڪار واپس نه گهرايا ويا آهن، مقرر ٿيل اهلڪارن ۾ سب انسپيڪٽر تيمور بٽ، اي ايس آءِ رائو عدنان اقبال، پي سي سيد روهيل، عذير بٽ، محسن اعجاز شامل آهن، سيڪيورٽي تي مقرر اهلڪارن ۾ رائو انوار جو ڀائيٽيو به شامل آهي، اهي اهلڪار رائو انوار سان مختلف ڪاررواين ۾ گڏ هوندا هئا، جيڪي پڻ اڃا تائين مفرور آهن.

 

رائو انوار جي گرفتاري جو حڪم…!

سپريم ڪورٽ ڪراچي رجسٽريءَ ۾ چيف جسٽس ميان ثاقب نثار ، جسٽس گلزار احمد ۽ جسٽس فيصل عرب تي ٻڌل 3 رڪني بئنچ نقيب الله قتل ڪيس جي ٻڌڻي ڪئي. آءِ جي سنڌ اي ڊي خواجه، ايڊيشنل آءِ جي ۽ ڊي آءِ جي عدالت ۾ پيش ٿيا پر رائو انوار طلب ڪرڻ باوجود پيش نه ٿيو. نقيب الله قتل جي جاچ ڪميٽي رپورٽ عدالت ۾ پيش ڪئي، آءِ جي سنڌ اي ڊي خواجا جي طرفان جمع ڪرايل جاچ رپورٽ ۾ رائو انوار جي موقعي تي موجودگيءَ جو انڪشاف ٿيو آهي.جنهن ۾ رائو انوار جي دعوائن کي ثبوتن جي بنياد تي ڪوڙو ثابت ڪيو ويو آهي. رپورٽ ۾ چيو ويو ته رائو انوار ۽ سندس ٻين نهايت ويجهن ساٿين جي موبائل فون نمبرز جي فارنزڪ ۽ سي ڊي آر ڪيا ويا جنهن ۾ ثابت ٿي ويو ته مقابلي ۾ شامل پوليس اهلڪار ۽ آفيسر هر وقت رائو انوار سان گڏ رهيا. نقيب الله پوليس مقابلي وقت رائو انوار سميت 9 پوليس اهلڪار موقعي تي موجود هئا ۽ ڪال تفصيل (ڊيٽيل) ۾ اها ڳالهه ثابت ٿي آهي ته پوليس مقابلي دوران رائو انوار کانسواءِ 8 ساٿي به ساڻس گڏ هئا. موبائل فون فارنزڪ ۽ سي ڊي آر ۾ رائو انوار جو آفيسرن ۽ اهلڪارن سان هر وقت رابطو ثابت ٿيو ۽ سمورا ماڻهو هر وقت هڪ ٻي سان گڏ ڏٺا ويا، رپورٽ پيش ڪرڻ کان پوءِ چيف جسٽس آف پاڪستان ثاقب نثار سخت ڪاوڙ جو اظهار ڪندي  پڇاڻو ڪيو ته اسان رائو انوار کي پيش ٿيڻ جو حڪم ڏنو هو، ڇا رائو انوار عدالت ۾ آهي. آءِ جي سنڌ اي ڊي خواجه عدالت کي ٻڌايو ته هو روپوش آهي، چيف جسٽس ٻيهر چيو ته رائو انوار کي هر صورت ۾ پيش ٿيڻ گهرجي ها، توهان رائو انوار کي گرفتار ڪرڻ جي ڪهڙي ڪوشش ڪئي؟ آءِ جي سنڌ عدالت کي رائو انوار جي گرفتاري بابت قدمن جا تفصيل ٻڌائيندي چيو ته اسان رائو انوار کي هر طرح گرفتار ڪرڻ جي ڪوشش ڪري چڪا آهيون، جيستائين رائو انوار اسلام آباد ۾ هيو ڪيس داخل نه ٿيو  هو. چيف جسٽس ايوي ايشن اختيارين کان پڇاڻو ڪيو ته ٻڌايو ته ڇا خانگي جهاز ۾ رائو انوار سفر ته نه ڪيو آهي، ٻڌايو ته  رائو انوار 15 ڏينهن اندر پرڏيهه سفر ڪيو ته ناهي؟ سمورا چارٽر جهاز رکندڙ مالڪ حلف ناما پيش ڪن. هن آءِ جي سنڌ کان پڇاڻو ڪيو ته هتي به وڏا وڏا لڪائيندڙ موجود آهن، آءِ جي صاحب ٻڌايو ڪراچي ۾ ڪنهن رائو انوار کي لڪايو ته ناهي، اهو ته ناهي ته رائو انوار جتي ويو اتي توهان جي پهچ ناهي، توهان آزادي سان ڪم ڪيو ڪنهن جي دٻاءُ ۾ نه اچو، اسان ايماندار آفيسرن کي ناڪام ٿيڻ نه ڏينداسين، اسان کي ٻڌايو توهان کي ڪيترو وقت گهرجي. آءِ جي سنڌ چيو ته مان وقت نه ٿو ڏئي سگهان، سندس گرفتاري لاءِ هر ممڪن ڪوشش ڪئي ويندي. عدالت جي پڇاڻي تي آءِ جي سنڌ سپريم ڪورٽ کان رائو انوار جي گرفتاري لاءِ ٽن ڏينهن جو وقت طلب ڪري ورتو. چيف جسٽس رمارڪس ڏيندي چيو ته ٺيڪ آهي ٽن ڏينهن اندر رائو انوار جي گرفتاري کي يقيني بڻايو وڃي، مون کي پوليس تي اعتبار آهي، پوليس ۾ سٺا آفيسر آهن، پر اوهان جي ڪميٽي درست ڪم نه ڪيو ته پوءِ اسان پنهنجي ڪميٽي جوڙينداسين .نقيب الله قوم ۽ اسان جو ٻچو هو، اسان رياست کي قتل عام جي اجازت نه ڏينداسين. ڊي جي سول ايوي ايشن کي پائلٽس جي ڊگرين جي تصديق ڪرائڻ جو حڪم ڏئي ڇڏيو آهي

 

سنڌ ڪابينا به ڪمند جي اگهه جومسئلو نبيري نه سگهي…!

گذريل ڏينهن وزير اعليٰ هائوس ۾  وڏي وزير سيد مراد علي شاهه جي صدارت هيٺ  سنڌ ڪابينا جو اجلاس  ٿيو جنهن ۾ ڪمند جي اگهه ۽ آبادگارن ۽ شگرمل مالڪن وچ ۾ اگهه واري مسئلي تي غور ويچار ڪيو ويو ۽ فيصلو ڪيو ويو ته زراعت کاتي کي اجازت ڏني وڃي ته اهي اسٽيڪ هولڊرز لاءِ قابل عمل حل جي ڳولا لاءِ وڌيڪ ڪوششون ورتيون وڃن. ڪابينا کي بريفنگ ڏيندي زراعت ۽ صوبائي گهرو وزير سهيل انور سيال چيو ته شگرڪين ڪنٽرول بورڊ جي روشنيءَ ۾ ڪمند جو اگھه 182 رپيا في چاليهه ڪلوگرام مقرر ڪيو ويو هو جنهن کي مل مالڪن هاءِ ڪورٽ ۾ چيلنج ڪيو ويو. عدالت زراعت کاتي کي هدايت ڪئي آهي ته اهي آبادگارن ۽ مل مالڪن وچ ۾ مامري جي نبيري لاءِ ڪوششون وٺي ۽ ان مامري کي ڪنهن ريت حل ڏانهن آندو وڃي. آبادگارن ۽ مل مالڪن سان ڪيترائي اجلاس رٿيا ويا آهن، آبادگارن جو مطالبو 216 رپيا في چاليهه ڪلوگرام هو جڏهن ته مل مالڪ 132 رپيا في چاليهه ڪلوگرام تي اڙيل رهيا. زراعت کاتي گهٽ ۾ گهٽ اگهه 142 رپيا في چاليهه ڪلوگرام تجويز ڪيو پر ٻنهي ڌرين اتفاق نه ڪيو. ٻيهر هڪ اجلاس منعقد ٿيو جنهن ۾ پاسما (پي اي ايس ايم اي) 153 رپيا في چاليهه ڪلوگرام اگهه جي تجويزڏني، ان مرحلي تي آبادگارن چيو ته گهٽ ۾ گهٽ اگهه 160 رپيا في چاليهه ڪلوگرام مقرر ڪيو وڃي ۽ سنڌ حڪومت 12 رپيا في چاليهه ڪلوگرام سبسڊي ڏئي ۽ اهڙي ريت قيمت 172 رپيا في چاليهه ڪلوگرام ٿي ويندي، جهڙيءَ ريت 15-2014ع ۾ هئي.ڪابينا ان مامري جو غور سان جائزو ورتو ۽ آخرڪار چيو ته صوبائي حڪومت سبسڊي جي اجازت نه ٿي ڏئي سگهي. زراعت کاتي کي هدايت ڪئي وئي ته اسٽيڪ هولڊرن سان هڪ ٻيو اجلاس معنقد ڪري ۽ عدالت جي صلاح تحت مامري جو قابل عمل حل ڳولڻ جي ڪوشش ڪئي وڃي. ڪابينا جي ٻئي ايجنڊا سنڌ پبلڪ پرائيوٽ ايڪٽ 2010 جنهن تي غور ڪيو ويو ۽ سنڌ پبلڪ پرائيويٽ ايڪٽ 2010 ۾ ترميم جي منظوري ڏني وئي. آبادگار اڳواڻن زاهد ڀرڳڙي ۽ قبول کٽياڻ  جو چوڻ آهي ته حڪومت ۽ پاسما سان ڳالهيون ڪيون پر ڪو به نتيجو نه نڪتو، هاڻي معاملي اڄ عدالت ۾ کڻنداسين ۽ اسان کي عدالت مان ئي انصاف جي اميد آهي، عدالت جيڪو به فيصلو ڪيو اهو قبول هوندو،

 

قاتل گرفتار، زينب جي خون سان انصاف ٿيندو…ٰ؟

پنجاب ۾ هاءِ پروفائل ڪيس بڻيل قصور جي نياڻي زينب کي ڏاڍائي بعد قتل ڪندڙ وحشي قاتل سندس پاڙيسري نڪتو، ڊي اين اي جزا ملڻ بعد باضابطا گرفتار ٿي ويو. جوابدار ٻين 7 خونن جو به اعتراف ڪري ورتو. زينب جي پيءُ سان گڏ پريس ڪانفرنس ڪندي پنجاب جي وڏي وزير شهباز شريف  تاڙين جي گونج ۾ قاتل جي گرفتاري جو اعلان ڪندي وراڻيو ته زينب جو قاتل پڪڙيو ويو آهي، جنهن جو نالو عمران ۽ سندس عمر 24 سال آهي،  اهو سيريل ڪلر آهي، جنهن جو ڪيس اي ٽي سي موڪليو ويندو، قاتل جي گرفتاري محنت ۽ اجتماعي ڪوششن جو نتيجو آهي,  قوم جي ڌيءُ جي قتل تي هر اک آلي آهي، قاتل جي گرفتاري لاءِ گڏيل جاچ ٽيم (جي آءِ ٽي) قصور ۾ ڏينهن رات ڪم ڪيو، جڏهن ته پنجاب فارنزڪ ليب به جاچ ۾ مدد ڪئي. سول ۽ ملٽري ايجنسين هڪ ٽيم بڻجي محنت ڪئي، سول انتظاميا، سياسي ليڊر شپ ۽ ميڊيا به رات ڏينهن محنت ڪئي، جنهن جي نتيجي ۾ زينب جي قاتل کي گرفتار ڪيو ويو آهي. دل جي گهراين سان ڪابينا ڪميٽي جا ٿورا مڃان ٿو، 1150 ڊي اين اي جي پروفائنلگ کانپوءِ اهو حيوان سامهون آيو، ڊي اين اي جي سئو سيڪڙو ميچنگ کانپوءِ ڏوهاري کي سوگهو ڪيو ويو، جوابدار جي پولي گرام ٽيسٽ به ڪئي وئي، جنهن ۾ هن سڀني ڏوهن جو اعتراف ڪيو. جوابدار جي گرفتاريءَ جو پهريون مرحلو مڪمل ٿي ويو، هاڻ ان کي انجام تائين پهچائڻ جو وارو آهي، قتل جو ڪيس دهشتگردي ٽوڙ عدالت ۾ ويندو، لاهور هاءِ ڪورٽ جي چيف جسٽس کي درخواست آهي ته ڪيس ڏينهن رات هلڻ گهرجي، منهنجو وَس هلي ته ان وحشي کي چوڪ تي لڙڪائي ڦاهي ڏيان پر اسان جا هٿ قانون ۽ آئين سان ٻڌل آهن، جيڪڏهن عدالت حڪم ڏنو ته عمران کي چوڪ تي سرعام ڦاهي ڏني ويندي. ڪيس ۾ پوليس جي آءِ ٽي سول، ملٽري انٽيليجنس، فرانزڪ ليب ۽ ٻين جي اڻٿڪ محنت شامل آهي. هن واقعن تي سياست نه ٿا چاهيون. مردان ۾ به هڪ نياڻي عاصمه سان واقعو ٿيو آهي ان لاءِ پختونخوا سرڪار سان ڊي اين اي پروفائلنگ ۾ مدد لاءِ تيار آهيان. اسان جي قانون جي سست رفتاري سبب ڪيترائي ڏوهاري قانون جي گرفت مان نڪري ويندا آهن، هن ڀيري جيڪڏهن سرڪار سڳوري پنهنجي سست روي واري روايت برقرار رکي ته شايد زينب جي رت سان انصاف نه ٿي سگهي، ان ڪري حۡڪومت کي نه عدالت سڳوري اڳيان عرض آهي ته هن ڪيس کي پنهنجي منتقي انجام تائين پهچائي جنهن جو هي ڪيس حقدار آهي ته پوءِ شايد ڪي ٻيون زينب ڪنهن وحشي جو شڪار ٿيڻ کان بچي وڃن.

 

قرآن جي حافظ هٿان کٿاڀي جو قتل ۽ وارثن جي بيحس خاموشي…!

معصوم گلن جهڙن ٻارڙن تي تشدد توڙي قتل جا واقعا هاڻي ته روز جو معمول بڻجي چڪا آهن، هر روز اخبارن ۾ معصوم ٻارڙن سان ٿيندڙ ظلمن جا قصا پڙهڻ ڪاڻ ملن پيا، ڪجهه ڏينهن پهرين معصوم ٻارڙي زينب جو واقعو پيش آيو جيڪا پاڪ ڪتاب پڙهڻ وئي پر واپس سندس جو لاش مليو ۽ قانون جا رکوالا اڳ جيان پنهنجي خانه پوري ۾ لڳل آهن توڙي جو سپريم ڪورٽ توڙي پاڪ آرمي به نوٽيس ورتو تنهن هوندي به قاتل پڪڙ کان آجا آهن. اهي قصا اڃان ذهن تان لٿائي نه هئا جو وري ملير جي علائي پپري ۾ 9 ورهين جي معصوم ٻارڙي جي قتل جو واقعو اخبارن جي زينت بڻيو آهي، رپورٽن موجب ته پپري جي عيدو ڳوٺ ۾ ٻارڙن کي ٽيوشن پڙهائيندڙ مولوي قاري نجم الدين اسلامي منزل ۾ قرآن جا 10 سيپارا ياد ڪري يارنهين سيپاري کي ياد ڪندڙ کٿابي 9 ورهين جي محمد حسين  سبق ٻڌائيندي چڪون ڪيون جنهن تي مولوي آپي مان نڪري ويو ٻارڙي کي مولوي ڏنڊن، لتن ۽ مڪن سان ايترو تشدد ڪيو جو ٻارڙو تشدد برداشت نه ڪندي موقعي تي ئي فوت ٿي ويو.  اطلاع ملندي ئي علائقي جا سوين رهواسي مدرسي پهچي ويا، جن مدرسي کي گهيرو ڪري ورتو ۽ مولوي کي مدرسي مان فرار ٿيڻ جو موقعو نه ملي سگهيو. پولس پهچي مولوي کي گرفتار ڪيو ۽ ٻارڙي جو لاش کي وارثن حوالي ڪيو. ٻارڙي جو لاش کڻڻ باوجود ان جي وارثن مولوي خلاف ڪا به ڪارروائي ڪرڻ کان نابري واري ڇڏي آهي، وارثن جي ان بيحسي کي ڪهڙو نالو ڏجي جن پنهنجي جگر جي ٽڪر مٿان ٿيندڙ ظلم باوجود خاموش بڻيل آهن،  ايس ايڇ او بن قاسم موجب مولوي نجم شاگرد تي تشدد ڪيو، اسان پهتاسين ته وارثن لاش کڻي پنهنجي حوالي ڪيو. هنن نه رڳو اسپتال نيڻ کان انڪار ڪيو، پر مولوي خلاف ڪيس داخل ڪرڻ کان به انڪار ڪري ڇڏيو، وارثن به ڪيس داخل نه ڪرايو پر  مولوي جي گرفتاري بعد پوليس جي مدعيت ۾ ڪيس داخل ڪيو آهي جنهن ۾ صاف ظاهر آهي ته پوليس پنهنجا کيسا ڀريندي ۽ هي ڪيس به اڳتي هلي عوام جي ذهن تان مٽجي ويندي،

 

”پيغام پاڪستان“

صدر ممنون حسين انتهاپسندي جي روڪٿام ۽ دهشتگردي جي خاتمي لاءِ قوم جي گڏيل پڌرنامو ”پيغام پاڪستان“ جاري ڪندي چيو آهي ته قرآن ۽ سنت جي روشني ۾ جوڙيل پاڪستان جو آئين ئي اسان جو بنيادي پڌرنامو آهي، جڏهن ته عالمن جي فتويٰ ان جي وضاحت ۽ تائيد ڪري ٿي جنهن سان انتهاپسندي ۽ دهشتگردي تي ضابطو آڻڻ ۾ مدد ملندي.  انٽرنيشنل اسلاملڪ يونيورسٽي جي اهتمام هيٺ متفقه قومي بيان جي حوالي سان شايع ٿيندڙ ڪتاب ”پيغام پاڪستان“ ۾ 18 سئو کان وڌيڪ عالم سڳورن جو متفقه فتويٰ شايع ڪيو ويو آهي ۽ ان ۾ دهشتگردي، رتوڇاڻ ۽ خودڪش حملن کي حرام قرار ڏنو ويو آهي،                           ان موقعي تي گهرو وزير احسن اقبال، پرڏيهي وزير خواجه محمد آصف، ڪشمير ڪميٽي جو چيئرمين مولانا فضل الرحمان، هائير ايجوڪيشن ڪميشن جو چيئرمين ڊاڪٽر مختار احمد، ريڪٽر انٽرنيشنل اسلامڪ يونيورسٽي ڊاڪٽر معصوم ياسين زئي، وفاق المدارس العربيه جو صدر ڊاڪٽر عبدالرزاق، تنظيم المدارس اهل سنت جو صدر مفتي منيب الرحمان، وفاق مدارس سلفيه جو صدر پروفيسر ساجد مير، وفاق مدارس شعيه جو صدر علامه سيد رياض حسين نجفي، رابط المدارس جو صدر مولانا عبدالمالڪ به خطاب ڪيو. صدر  پاڪستان خطاب ۾ چيو ته پاڪستان جو آئين قومي اتحاد ۽ فرقيواراڻي هم آهنگي کي مضبوط بنياد فراهم ڪري ٿو، اسان جو آئين ئي اسان جو بنيادي بيان آهي ڇو ته ان جو بنياد قرآن ۽ سنت جي تعليم ۽ باباءِ قوم قائداعظم محمد علي جناح جي فڪر تي رکيو ويو آهي، ان لاءِ هي اسان جي پهرين ذميداري آهي ته پنهنجي ان بنياد کي مضبوطي سان پڪڙيون، پيغام پاڪستان جي نالي سان جوڙيل فتويٰ ۾ سمورن ديني مڪتب فڪر قرآن ۽ سنت جي روشني ۾ گڏيل اتفاق راءِ سان هڪ سٺو دستاويز جوڙيو آهي جنهن جي ذريعي فرقيواريت ۽ دين کي هن ڌرتي تي فساد لاءِ استعمال ڪرڻ جو دليل رد ٿي ويندو آهي ۽ اسلام جو حقيقي چهرو سامهون اچي ٿو، عالم سڳورن جي متفقه فتويٰ ”پيغام پاڪستان“ جو بيانو انهن ماڻهن جي اصلاح جو ذريعو به بڻجندو جيڪي ڪجهه ناپسنديده عنصرن جي منفي پروپيگنڊا جو شڪار ٿي ڪري رستو ڀلجي ويا هئا، صدر خواهش جو اظهار ڪيو ته شدت پسندي جي حوالي سان هڪ جامع دستاويز جي تياري ۾ ڪاميابي کانپوءِ معاشري ۾ فرقيواريت جي فروغ وٺندڙ مختلف شڪلين تي به ڌيان ڏنو وڃي ڇو ته تازو ئي فرقيواريت جا ڪجهه اهڙا منظر ڏسڻ لاءِ مليا جيڪي ڪيترن ئي حوالن سان ڳڻتي جوڳا آهن، ان ناپسنديده رجحان تي ضابطو نه آندو ويو ته خدشو آهي ته ان سبب ملڪ ۾ فتنن جو هڪ وڏو طوفان برپا ٿيندو جنهن تي ضابطو آڻڻ لاءِ زمانا گهربل هوندا، اڄ علمي انقلاب دنيا جي دروازو کڙڪائي رهيو آهي، مسلمان ان کڙڪي کي ٻڌن ۽ مستقبل لاءِ پنهنجي رخ کي درست ڪري پنهنجي معاشرن ۾ امن ۽ استحڪام کي يقيني بڻائين ڇو ته ان تي مستقبل جو دارومدار آهي. اسان جي خواهش آهي ته هي بيان قومي سڃاڻپ جو حصو بڻجي وڃي، دهشتگردن جو ساٿ ڏيندڙن جي لاءِ ملڪ ۾ ڪا به جڳهه نه آهي، بندوق جي ذريعي شريعت جو مطالبو غلط آهي ۽ اسان ان کان بيزاري جو اعلان ڪريون ٿا.