تازيون خبرون
هڪ سال ۾ پيٽروليم شين جي مد ۾ 206 ارب 28 ڪروڙ ٽئڪس اوڳاڙيو ويو: وفاقي سرڪار جو اعتراف - وزيراعظم چيف سيڪريٽري ۽ آئي جي سنڌ ذريعي متبادل نظام هلائڻ چاهي ٿو، ائين ٿيڻ نه ڏينداسين: سنڌ سرڪار - جسٽس (ر) الطاف ابراهيم قريشي وقتي چيف اليڪشن ڪمشنر ٿي ويو - ايشيائي ترقياتي بئنڪ پاڪستان لاءِ هڪ ارب 30 ڪروڙ ڊالرز جو قرض منظور ڪري ورتو - حڪومت جو ڪم واپار جي رستي ۾ آيل رنڊڪن کي ختم ڪري آسانيون پيدا ڪرڻ آهي: عمران خان - وزير اعظم ملڪ کي مضبوط ڪرڻ چاهي ٿو پر مخالف ڌر ڌيان هٽائڻ چاهي ٿي: فردوس عاشق - ملڪ رياض جي وارثن ۽ برطانوي حڪومت وچ ۾ نبيري مان مليل رقم سماجي بهبود لاءِ استعمال ڪئي ويندي: شهزاد اڪبر - وڏي وزير جي صدارت ۾ پبلڪ سيفٽي ڪميشن جو اجلاس، آءِ جي سنڌ جي عدم شرڪت تي ڪاوڙ جو اظهار، ٺهراءُ منظور - ڪراچي مان اغوا ٿيل دعا منگي بازياب نه ٿي، سنڌ جي مختلف شهرن ۾ احتجاجي مظاهرا، ريليون - اسلام ڪوٽ: مسافر ڪوچ موٽر سائيڪل کي بچائيندي ڪلٽي، واٽھڙو فوت، 3 عورتن سميت 7 ڄڻا زخمي

Monthly Archives: November 2019

ماضي ۾ گهريلو تشدد کي منهن ڏنو: آمريڪي اداڪارا جو انڪشاف

 

ڪراچي (شوبز نيوز) آمريڪي اداڪارا ميليسا بينوئسٽ سوشل ميڊيا تي هڪ وڊيو شيئر ڪري سڄي شوبز انڊسٽري کي حيران ڪري ڇڏيو. اداڪارا انسٽاگرام اڪائونٽ تي 14 منٽن جي وڊيو شيئر ڪئي جنهن ۾ هن انڪشاف ڪيو ته سندس اڳوڻي بواءِ فرينڊ کيس تشدد جو نشانو بڻايو جڏهن ته هن سندس نالو ٻڌائڻ کان پاسو ڪيو. 31 سالن جي اداڪارا پنهنجي وڊيو ۾ هڪ خط پڙهي ٻڌايو جيڪو هن پاڻ لکيو هو. سندس چوڻ هو ته مونکي گهريلو تشدد جو نشانو بڻايو ۽ هاڻي مونکي سمجهه ۾ آيو ته ڪيئن محسوس ٿيندو آهي جڏهن ڪير وري وري اوهان کي چماٽ هڻي، مڪون هڻي، وارن کان گهلي ۽ گهٽو ڏيڻ جي ڪوشش ڪري. هن وڌيڪ چيو ته مان پاڻ کي ڪمري ۾ بند ڪري ڇڏيندي هيس پر جڏهن اندازو ٿيو ته در ٽٽي ويندو ته مان ائين ڪرڻ به ڇڏي ڏنو. اداڪارا وڌيڪ چيو ته اهو سڀ برداشت ڪرڻ کانپوءِ به مان ڊڄڻ بدران پاڻ سان محبت ڪرڻ سکيو مان اهو سمجهي سگهيس ته جتي محبت هوندي آهي اتي تشدد ناهي هوندو، محبت ۾ حفاظت ڪئي ويندي آهي. اداڪارا اهو به ٻڌايو ته سندس اڳوڻو بواءِ فرينڊ عمر ۾ کانئس ننڍو آهي. هن هڪ پوسٽبه شيئر ڪئي جنهن ۾ هن واقعي لکيو ته واقعو ٻڌائڻ سولو نه هو گڏوگڏ هن گهريلو تشدد جو شڪار عورتن جي مدد لاءِ هڪ نمبر به شيئر ڪيو .واضح رهي ته ميليسا 31 سالن جي آمريڪي اداڪار ڪرس وڊ سان هلندڙ سال شادي ڪئي. ان کان اڳ 2015ع ۾ اداڪارا بليڪ جينر سان شادي ڪئي هئي جڏهن ته ٻن سالن کانپوءِ ٻئي ڌار ٿي ويا هئا.

 

ننڍپڻ جو دور شاندار هو، خواهش آهي ته ٻالڪپڻ واپس اچي وڃي: ريما خان

 

ڪراچي (شوبز نيوز) اداڪارا ريما خان چيو آهي ته هن شوبز ۾ عروج جي دور ۾ به ڪڏهن عاجزي جو دامن نه ڇڏيو. هڪ انٽرويو ۾ هن چيو ته کيس زندگي جي مختلف دورن مان ننڍپڻ جو دور سڀ کان وڌيڪ پسند آهي ۽ سندس خواهش آهي ته اهو دور ٻيهر واپس اچي. هن چيو ته هو جڏهن به آمريڪا مان پاڪستان ايندي آهي ته پنهنجي ننڍپڻ سان واڳيل ماڻهن سان ضرور ملندي آهي ۽ اڄ به اسان ساهيڙيون جڏهن گڏبيون آهيون ته ڪنهن جي ذهن ۾ پنهنجي شهرت جو خيالناهي هوندو پر اهڙي ريت کل ڀوڳ ڪنديون آهيون جيئن اسان ننڍپڻ ۾ هڪ ٻئي سان ڪنديون هيونسين. هن چيو ته هن فلم انڊسٽري جي دوستن سان به رشتو ناهي ٽوڙيو پر اڄ به جڏهن ڪنهن سان ملاقات ٿيندي آهي ته عزت ۽ احترام سان پيش آندا آهيون.

 

ڀارت پاڪستان مخالفت ۾ ڪرڪيٽ کي نقصان پهچائي رهيوآهي: بسمه معروف

 

ڪراچي(اسپورٽس نيوز) پاڪستان وومين ڪرڪيٽ ٽيم جي ڪپتان بسمه معروف چيو آهي ته انگلينڊ خلاف سيريز جي تياري جاري آهي، سيريز ڪنهن چيلينج کان گهٽ ناهي. نيشنل اسٽيڊيم ڪراچي ۾ پريس ڪانفرنس ڪندي بسمه معروف چيو ته انگلينڊ سان سيريز آسان ناهي هوندي، اهي ميچز آءِ سي سي چيمپئن شپ جو حصو آهن، جن ۾ پوائنٽس جو وڏي اهميت هوندي آهي. بسمه معروف ٻڌايو ته پاڪستان کي آءِ سي سي چيمپئن شپ جي ٽاپ فور ۾ جاءِ ٺاهڻ لاءِ رڳو هڪ پوائنٽ جي ضرورت آهي. هن چيو ته انگلينڊ خلاف سيريز ملائيشيا ۾ ٿي رهي آهي، اميد آهي ته آئنده سيريز پاڪستان ۾ ٿيندي. بسمه معروف چيو ته ڀارت خلاف به سيريز کيڏڻ چاهيون ٿا، پر ڀارت انڪار ڪري ريهو آهي، جنهن سان ڪرڪيٽ کي نقصان ٿي رهيو آهي. اڳوڻي ڪپتان ثناءَ مير بابت بسمه معروف چيو ته سيريز کان هٿ کڻڻ ثنا مير جو ذاتي فيصلو آهي، سيريز ۾ سندس کوٽ محسوس ٿيندي.

 

فواد عالم مخالفن کي پريشان ڪري ڇڏيو آهي: سرفراز

 

ڪراچي(اسپورٽس نيوز) پاڪستاني ڪرڪيٽ ٽيم جي اڳوڻي ڪپتان سرفراز احمد ٽيسٽ ڪرڪيٽر فواد عالم جي ڪارڪردگي جي حوالي سان ڳالهائيندي چيو ته ماضي ۾ ٽيم ۾ شامل ڪرڻ لاءِ ڪيترائي ڀيرا فواد جو نالو بحث هيٺ آيو. ميڊيا سان ڳالهائيندي سندس چوڻ هو ته فواد مونکي ڪڏهن به ٽيم ۾شامل ڪرڻ لاءِ نه چيو، هن سدائين پنهنجي بهترين ڪارڪردگي سان مخالفن کي جواب ڏنو آهي. اڳوڻي ڪپتان فواد عالم کي فرسٽ ڪلاس ڪرڪيٽ ۾ 12 هزار رنز مڪمل ڪرڻ ۽ ميچ ۾ ڊبل سيچنري اسڪور ڪرڻ تي واڌايون ڏنيون، هن چيو ته فواد نوجوان ڪرڪيٽرن لاءِ مثال آهي، ڏکئي گهڙي ۾ هو بهترين اننگز کيڏي ۽ فواد عالم پاڪستاني ٽيم ۾ اچڻ وارو آهي، جيڪڏهن هن اها ئي ڪارڪردگي جاري رکي ته کيس قومي ٽيم ۾ اچڻ کان ڪير به روڪي نٿو سگهي.هن چيو ته وڏا خواب ناهيان ڏسندو،رڳو پنهنجي ڪارڪردگي سڌارڻ جي ڪوشش ڪري رهيو آهيان، پاڪستاني ٽيم ۾ ضرور شامل ٿيندس. هن چيو ته اسٽيون اسمٿ سٺو رانديگر آهي هو ڪم بيڪ ڪري سگهي ٿو، ياسر شاهه نمبر ون بالر آهي ۽ ايڊيليڊ جي ڪنڊيشنز ياسر شاهه کي سپورٽ ڪندي، بالنگ وڌيڪ تجريبڪار ناهي.

 

آرمي چيف کي 6 مهينن لاءِ مشروط واڌ جي منظوري، سرڪار کي 6 مهينن ۾ قانون سازي جو حڪم

اسلام آباد (ويب ڊيسڪ) سپريم ڪورٽ حڪومت کي آرمي چيف جنرل قمر جاويد باجوا جي ملازمت جي مدي ۾ 6 مهينا مشروط واڌ جي اجازت ڏئي ڇڏي. سپريم ڪورٽ پنهنجي فيصلي ۾ چيو آهي ته آرمي چيف جي موجوده مقرري 6 مهينن لاءِ هوندي، وفاقي حڪومت خاطري ڪرائي آهي ته 6 مهينن ۾ قانون سازي ڪئي ويندي، آرمي چيف جي مدي ۽ مراعتن بابت 6 مهينن ۾ قانون سازي ڪئي ويندي. عدالت مختصر فيصلي ۾ چيو ته صبر جو مظاهرو ڪندي هي معاملو پارليامينٽ تي ڇڏيون ٿا، پارليامينٽ آئين جي آرٽيڪل 243 تحت آرمي چيف جي مقرري بابت قانون سازي ڪري، آرمي چيف جنرل قمر جاويد باجوا نئين قانون سازي تائين پنهنجي عهدي تي فرض انجام ڏيندو، اڄ عدالت ۾ پيش ڪيو ويندڙ نوٽيفڪيشن 6 مهينن لاءِ هوندو. سپريم ڪورٽ آرمي چيف جي مدي ۾ واڌ بابت درخواست تي فيصلو ٻڌائيندي چيو ته حڪومت هڪ موقف کان ٻيو موقف اختيار ڪيو، حڪومت عدالت ۾ آرٽيڪل 243 ون بي تي ڀاڙي رهي آهي ۽ عدالت آرٽيڪل 243 بي جو جائزو ورتو، حڪومت آرمي چيف کي 28 نومبر کان واڌ ڏئي رهي آهي. چيف جسٽس آصف سعيد کوسا جي سربراهي ۾ جسٽس منصور علي شاهه ۽ جسٽس مظهر ميان خيل تي ٻڌل 3 رڪني بئنچ ٻڌڻي ڪئي، جڏهن ته اٽارني جنرل انور منصور خان ۽ آرمي چيف جي وڪيل فروغ نسيم عدالت ۾ دليل ڏنا. اڄ ٿيندڙ ٻڌڻي ۾ اٽارني جنرل آرمي چيف جي مدي ۾ واڌ بابت نئين سمري عدالت جي روبرو پيش ڪئي، جنهن جو عدالت مڪمل جائزو ورتو. ٻڌڻي جي شروعات تي عدالت اڳوڻي آرمي چيف جنرل (ر) اشفاق پرويز ڪياني جي مدي ۾ واڌ جو نوٽيفڪيشن طلب ڪيو. چيف جسٽس اٽارني جنرل کي چيو ته جنرل (ر) راحيل شريف جي رٽائرمينٽ جا دستاويز به پيش ڪيو، جڏهن هو رٽائر ٿيو ته ان نوٽيفڪيشن جا ڪهڙا لفظ هئا، اهي به پيش ڪيو. عدالت چيو ته اسان ڏسڻ چاهيون ٿا ته جنرل (ر) اشفاق پرويز ڪياني کي رٽائرمينٽ کانپوءِ ڪيتري پينشن ملي. چيف جسٽس ريمارڪس ڏنا ته اسان کي ٻڌايو ويو ته جنرل ڪڏهن رٽائر ناهن ٿيندا، جيڪڏهن جنرل رٽائر ناهن ٿيندا ته پينشن به ناهي هوندي. ان کانپوءِ عدالت ٻڌڻي ۾ 15 منٽن جو وقفو ڪيو، جنهن کانپوءِ ٻڌڻي ٻيهر شروع ٿي. ان موقعي تي اٽارني جنرل موقف اختيار ڪيو ته آرٽيڪل 243 تحت آرمي چيف جي ٻيهر مقرري ڪئي وئي آهي، ان تي چيف جسٽس سوال ڪيو ته اڄ ٿيندڙ مقرري اڳ کان ڪيتري مختلف آهي؟ اٽارني جنرل جواب ڏنو ته نئين مقرري 243 (1) تحت ڪئي وئي آهي، ان تي چيف جسٽس آصف سعيد کوسا ريمارڪس ڏنا ته توهان کي اسان کي مطمئن ڪرڻو پوندو، اڄ ٿيندڙ مقرري درست ڪيئن آهي؟ سمري ۾ ته عدالتي ڪارروائي جو به ذڪر ڪيو ويو آهي، توهان بار پاڻ کڻو، اسان جا ڪلها ڇو استعمال ڪري رهيا آهيو، پنهنجو ڪم پاڻ ڪيو، اسان کي وچ ۾ ڇو ٿا آڻيو، عدالت جو نالو استعمال ڪيو ويو ته جيئن اسان غلط به نه چئي سگهون. چيف جسٽس هدايت ڪئي ته سمري مان عدالت جو نالو ڪڍي ڇڏيو. چيف جسٽس آصف سعيد کوسا جو چوڻ هو ته مقرري قانوني آهي يا نه ان جو جائزو وٺنداسين، اڄ کان مقرري 28 نومبر کان ڪئي وئي آهي، مقرري ۽ واڌ بابت آرمي ريگوليشنز جي ڪتاب کي لڪائي ڇو رکيو ويو، ان ڪتاب تي لکيل آهي ته ڪير اڻ لاڳاپيل شخص پڙهي نٿو سگهي، توهان ان ڪتاب کي سيني سان لڳائي رکيو هو، ڀارت ۽ ٻين ملڪن ۾ آرمي چيف جي مقرري ۽ واڌ واضح آهي، هاڻ عدالت ۾ معاملو پهريون ڀيرو اچي ويو آهي ته واضح ٿيڻ گهرجي. ٻڌڻي دوران جسٽس منصور علي شاهه چيو ته آرمي چيف جي مقرري قانون موجب ٿيڻ گهرجي، قانون ۾ مقرري جو مدو ڪٿي لکيل ناهي. اٽارني جنرل موقف اختيار ڪيو ته جيڪڏهن مدو مقرر نه ڪيو ته ايندڙ حڪم تائين آرمي چيف مقرر ٿيندو، مدو مڪمل ٿيڻ کانپوءِ جنرل رٽائر ٿي ويندو آهي. جسٽس منصور علي شاهه ريمارڪس ڏنا ته ڪالهه توهان چئي رهيا هئا ته جنرل رٽائر ناهي ٿيندو، واضح ٿيڻ گهرجي ته جنرل کي پينشن ملندي آهي يا نه، پارليامينٽ کان بهتر ڪو فورم ناهي، جيڪو سسٽم ٺيڪ ڪري سگهي. ان موقعي تي بئنچ جي ميمبر جسٽس مظهر ميان خيل ريمارڪس ڏنا ته اهو به طئي ڪيو وڃي ته اڳتي واڌ ٿيندي يا نئين مقرري. چيف جسٽس ريمارڪس ڏنا ته اسان آئين ۽ قانون کي ڇا ڏٺو اسان خلاف پروپئگنڊا شروع ٿي وئي، چيو ويو ته اهي ٽئي جج سي آءِ اي جا ايجنٽ آهي، الزام هنيو ويو ته اسان ڀارت جي چوڻ تي ڪم ڪري رهيا آهيون، چيو ويو ته اهو ففٿ جنريشن وار آهي، اسان کي پڇڻو پيو ته اهو ففٿ جنريشن وار هوندو ڇا آهي، چيو ويو ته سپريم ڪورٽ جي ججن کي ڀارتي چئنلن تي هلايو پيو وڃي، آئيني ادارن بابت ائين نه ٿيڻ گهرجي. جسٽس کوسي جي ريمارڪس تي اٽارني جنرل چيو ته اسان جي بحث جو فائدو ۾ وڏو فائدو کنيو ويو پر سوشل ميڊيا ڪنهن جي ڪنٽرول ۾ ناهي. چيف جسٽس آف پاڪستان انتهائي اهم ريمارڪس ڏنا ته آئيني ادارن بابت ائين نه ڪرڻ گهرجي، توهان 3 سالن لاءِ واڌ ڏئي رهيا آهيو، سڀاڻي ڪو قابل جنرل ايندو ته ڇا ان کي 30 سالن لاءِ واڌ ڏني ويندي؟ چيف جسٽس سعيد کوسا وڌيڪ چيو ته آرمي ايڪٽ ۾ ابهام آهي، توهان رولز ۾ ترميم ڪندا رهيا آهيو، پوءِ اسان ايڊوائزري ڪردار لکي ڇڏيو. عدالت طرفان نوٽيفڪيشن طلب ڪرڻ تي جنرل رٽائرڊ ڪياني جي ملازمت جي مدي ۾ واڌ ۽ جنرل (ر) راحيل شريف جي رٽائرمينٽ جا دستاويز به پيش ڪيا ويا. نوٽيفڪيشن پڙهي چيف جسٽس چيو ته ان نوٽيفڪيشن ۾ به ناهي لکيل ته واڌ ڪنهن ڏني، ان تي اٽارني جنرل چيو ته نوٽيفڪيشن کان اڳ سمري تيار ڪئي ويندي آهي. چيف جسٽس اٽارني جنرل کان پڇاڻو ڪيو ته قانون ٺاهڻ ۾ ڪيترو وقت وٺندئو؟ ان تي اٽارني جنرل چيو ته اسان کي 3 مهينن جو وقت گهرجي. چيف جسٽس آصف سعيد کوسا چيو ته عدالت واڌ ڪري ڇڏي ته اها قانوني مثال بڻجي ويندي، توهان چئي رهيا آهيو ته قانون سازي لاءِ 3 مهينا گهرجن ته اسان 3 مهينن لاءِ واڌ ڪري ڇڏيون ٿا. چيف جسٽس ريمارڪس ڏنا ته جن جن ماڻهن ملڪ جي خدمت ڪئي، اهي اسان لاءِ محترم آهن پر آئين ۽ قانون سڀ کان مٿانهون آهي، حڪومت پهريون ڀيرو آئين تي واپس آئي آهي، جڏهن ڪو ڪم آئين موجب ٿي وڃي ته اسان جا هٿ ٻڌجي ويندا آهن. هن وڌيڪ چيو ته عدالت جا ڪُلها استعمال نه ڪيو، اڳتي به سپريم ڪورٽ جو نالو استعمال ٿيندو، آرٽيڪل 243 ۾ 3 سال مقرري جو ذڪر ناهي. آرمي چيف جي وڪيل بئريسٽر فروغ نسيم پنهنجي دليلن ۾ چيو ته عدالت کي خاطري ڪرايان ٿو ته 243 ۾ بهتري آڻينداسين، حلفي بيان ڏيون ٿا ته آرٽيڪل 243 ۾ پگهار، الائونس ۽ ٻيون شيون شامل ڪنداسين، جڏهن ته ان جو حلفي بيان ڏيڻ لاءِ به تيار آهيان. ان تي چيف جسٽس آف پاڪستان ريمارڪس ڏنا ته توهان سمري مان 3 سالن جي مدي جا لفظ ختم ڪندئو. عدالت اٽارني جنرل ۽ فروغ نسيم کان 4 نڪتن تي ٻڌل حلفي بيان طلب ڪيو ۽ جنرل قمر جاويد باجوا کي ڪم جاري رکڻ جي مشروط اجازت ڏيڻ تي رضامندي ظاهر ڪئي. چيف جسٽس چيو ته اٽارني جنرل ۽ فروغ نسيم 3 مهينن ۾ لاڳاپيل قانون سازي جو حلفي بيان ڏيندا، آرمي چيف جي نوٽيفڪيشن ۾ ان جي ملازمت جو مدو داخل نه ٿيندو، سمري مان 3 سالن جو مدو به ڪڍيو ويندو، پگهار ۽ مراعتن بابت شيون سمري مان ڪڍي ڇڏيو، اهو ته 6 مهينن ۾ قانون سازي ڪري ڇڏينداسين، اسان چاهيون ٿا ته اهو سمورو رڪارڊ حصو هجي ۽ قانون درست ٿيڻ گهرجي. پوءِ عدالت ڪيس جو فيصلو محفوظ ڪيو ۽ چيف جسٽس چيو ته ٻه ٻهري مهل ان حوالي سان شارٽ آرڊر جاري ڪنداسين. ڪجهه ڪلاڪن جي وقفي کانپوءِ جڏهن فيصلو ٻڌائڻ لاءِ ڪيس جي ٻڌڻي شروع ٿي ته اٽارني جنرل، آرمي چيف جي ملازمت جي مدي ۾ واڌ جي نئين سمري سپريم ڪورٽ ۾ پيش ڪئي. عدالت پنهنجو فيصلو ٻڌائيندي آرمي چيف جي ملازمت جي مدي ۾ 6 مهينن جي مشروط واڌ ڏئي ڇڏي

 

ادارن ۾ ٽڪراءُ نه ٿيو، پرڏيهي توڙي ملڪي مافيا کي مايوسي ٿي آهيۡ: عمران خان

اسلام آباد (م.ڊ)  اسلام آباد (ويب ڊيسڪ) وزيراعظم عمران خان چيو آهي ته ادارن ۾ مثالي هم آهنگي آهي، ملڪ ۾ عدم استحڪام جي خواهش رکندڙن کي مايوسي ٿي، ڪا به طاقت پاڪستان کي اڳتي وڌڻ کان روڪي نٿي سگهي. اسلام آباد ۾ آفريڪي ملڪن لاءِ پاڪستان جي سفيرن جي ٻن ڏينهن واري ڪانفرنس جي پڄاڻي جي تقريب کي خطاب ڪندي وزيراعظم عمران خان چيو ته اسان جي حڪومت ملڪ ۾ ميرٽ کي هٿي ڏني آهي، ماضي ۾ ميرٽ بدران سياسي بنيادن تي ماڻهن جون مقرريون ڪيون ويون، اسان بيورو ڪريسي ۾ ترقيون به ميرٽ تي ڏنيون ۽ مقرريون به ميرٽ تي ڪيون آهن، هر اداري ۾ ماڻهن کي ميرٽ تي لڳائينداسين، ڇو ته جنهن ملڪ ۾ ميرٽ هجي، اهو ئي اڳتي وڌندو آهي، چين ۾ ميرٽ جي نظام ذريعي ماڻهو مٿي ويندا آهن. هن چيو ته 1960 جي ڏهاڪي ۾ پاڪستان جي بيورو ڪريسي ميرٽ جي بنياد تي ڪم ڪري رهي هئي، راندين ۾ به اها ئي ٽيم اڳتي ويندي آهي، جيڪا ميرٽ تي چونڊي ويندي آهي، جمهوريت جي خوبي ئي اها آهي ته ان ۾ ميرٽ جي بنياد تي ماڻهن کي آندو ويندو آهي، جڏهن ته ان جي ڀيٽ ۾ بادشاهت ۾ پسند ۽ ناپسند جي بنياد تي نظام هلندو آهي. سندس چوڻ هو ته سمنڊ پار پاڪستاني اسان جو سڀ کان وڏو اثاثو آهن، ڪرنسي ڪرڻ سان هر شئي مهانگي ٿي ويندي آهي، ڪرنٽ اڪائونٽ خسارو وڌڻ سان ملڪ غريب ٿي ويندا آهن، ڇو ته سيڙپڪار ناهي ايندو، اسان لاءِ اسان جي ايڪسپورٽ ۽ ناڻي جي پهچ جي وڏي اهميت آهي، اهي اسان جي معيشت سان جڙيل آهن، سمنڊ پار پاڪستانين جو اسان جي معيشت ۾ وڏو حصو آهي، تنهن ڪري اسان جي سفارتڪاري ۾ ان جي وڏي اهميت آهي. عمران خان وڌيڪ چيو ته ماضي ۾ آفريڪا کي نظرانداز ڪيو ويو، قومون وڏي سوچ سان اڳتي وڌنديون آهن، 60 جي ڏهاڪي ۾ اسان جي اندر پاڻ اعتمادي هئي ۽ اسان جي بيورو ڪريسي جو مقابلو دنيا ۾ ڪنهن به ڪري سگهجي پيو، پاڪستان هر ميدان ۾ ترقي ڪري رهيو هو، دنيا ۾ اسان جي بيورو ڪريٽن جي صلاحيتن جو اعتراف ڪيو ويندو هو، آهستي آهستي اهو اعتماد ختم ٿيندو ويو، هاڻ ان کي واپس حاصل ڪرڻو آهي ۽ پنهنجي مقام کي سمجهڻو آهي. وزيراعظم موجب جڏهن مان نيلسن منڊيلا سان مليس ته هن پاڪستان جي وڏي تعريف ڪئي، هو قائداعظم کان گهڻو متاثر هو، اسان پنهنجي حيثيت پاڻ وڃائي آهي، مالڪ سائين پاڪستان کي اهم جاگرافيائي حيثيت ڏني ۽ وسيلن سان مالامال ڪيو آهي، هاڻ پاڪستان جي معيشت مستحڪم ٿي وئي آهي. هن آفريڪا تي ڌيان جي ضروت تي زور ڏيندي چيو ته ترڪي جو مثال اسان جي سامهون آهي، ترڪي به آفريڪا ۾ ويو آهي، اسان کي پنهنجي ڪوشش ڪرڻي آهي، اسان جي سفارتڪارن ۾ وڏي صلاحيت آهي، اهي پاڻ کي مشن تي سمجهن ۽ پاڪستان لاءِ سيڙپڪاري ۽ واپار جا موقعا کڻي اچن. سندس چوڻ هو ته پاڪستان جي جيڪا هاڻوڪي پرڏيهي پاليسي آهي، اها گهڻو اڳ هجڻ گهرجي ها، پاڪستان کي ڪنهن لاءِ استعمال نه ٿيڻ گهرجي ها ۽ اسان کي آزاد پرڏيهي پاليسي تي هلڻ گهرجي ها پر اسان امداد لاءِ ٻين جي جنگ ۾ ٽپو ڏئي وڏو نقصان برداشت ڪيو، هاڻ سڀني سان لاڳاپا بهتر ڪرڻا آهن، اسان هاڻ ڌر بڻجڻ بدران ٽياڪڙ جو ڪردار ادا ڪنداسين، ماضي ۾ ڊور مور لاءِ دٻاءُ کي منهن ڏيڻو پيو، هاڻ سڌي ڳالهه آ واعدو نٿا ڪيون جيڪو پورو نه ڪري سگهون، ماضي ۾ اهڙا واعدا ڪياسين، جيڪي اسان پورا نه ڪري سگهياسين. هن وڌيڪ چيو ته ڌرڻي سبب ڪشمير مسئلو پٺ تي پئجي ويو، ڪشمير جو معاملو ان کان اڳ ڪڏهن به اهڙي طريقي سان نه اجاڳر ٿيو، جيئن اسان ان کي اٿاريو، ڀارت ۾ خوشيون ملهايون ويون ۽ عدم استحڪام ۽ ادارن ۾ ويڙهه جي خواهش رکي وئي، پاڪستان جا مضبوط ادارا ڀارت کي کٽڪن ٿا، ڀارت جي نسل پرست جماعت بي جي پي ۽ ملڪي دولت لٽي ٻاهر رکندڙن کي وڏي مايوسي ٿي، جن کي عدم استحڪام جي اميد هئي. عمران خان چيو ته پاڪستان ۾ جمهوريت مضبوط ٿي رهي آهي، ادارا هڪٻئي جي عزت ڪن ٿا، پاڻ ۾ نه وڙهندا، آزاد عدليا لاءِ اسان جدوجهد ڪئي، 2007 ۾ آزاد عدليا جي تحريڪ دوران مون کي جيل موڪليو ويو، جنهن تي فخر آهي، اسان عدليا سميت سڀني ادارن کي مضبوط ڪنداسين، ادارن ۾ هم آهنگي مثالي آهي، پاڪستان ڏکئي وقت مان نڪري تيزي سان اڳتي وڌي رهيو آهي ۽ ڪا به طاقت پاڪستان کي اڳتي وڌڻ کان روڪي نٿي سگهي.

ٻئي طرف وزيراعظم عمران خان سُپريم ڪورٽ جو فيصلو پرڏيهي دشمنن ۽ ملڪي مافيا لاءِ مايوس ڪندڙ قرار ڏئي ڇڏيو. آرمي چيف جنرل قمر جاويد باجوه جي ملازمت جي مُدي ۾ مشروط واڌ وارو سُپريم ڪورٽ جو فيصلو اچڻ کانپوءِ وزيراعظم عمران خان سوشل ميڊيا تي بيان جاري ڪيو آهي. وزيراعظم عمران خان پنهنجي ٽوئيٽ بيان ۾ چيو آهي ته اڄوڪو ڏينهن اُنهن ماڻهن لاءِ مايوس ڪندڙ آهي، جيڪي ادارن ۾ ٽڪراءُ جي صورت ۾ ملڪ اندر عدم استحڪام جي خواهش ڪري رهيا هئا. وزيراعظم عمران خان پنهنجي بيان ۾ چيو آهي ته ادارن ۾ ٽڪراءُ نه ٿيو ۽ پرڏيهي دشمنن توڙي ملڪي مافيا کي مايوسي ٿي آهي. اُها مافيا ملڪي ناڻو لُٽي پرڏيهي موڪليو ۽ ملڪ ۾ عدم استحڪام پيدا ڪري لٽيل ناڻي کي تحفظ ڏيڻ گهري ٿي. وزيراعظم ٽوئيٽ بيان ۾ وڌيڪ چيو ته اها سندن ئي جماعت (پي ٽي آءِ) آهي، جنهن 23 سال اڳ سڀ کان پهرين عدليه جي آزادي لاءِ آواز بلند ڪيو، سال 2007ع ۾ پي ٽي آءِ عدليه جي آزادي واري تحريڪ ۾ سڀ کان اڳري هئي ۽ اُن لاءِ کيس جيل به ڪاٽڻي پئي. وزيراعظم بيان ۾ چيف جسٽس آصف سعيد کوسه جو به ذڪر ڪيو. اُن حوالي سان سندس چوڻ هو ته اهو رڪارڊ جو حصو رهي ته آئون چيف جسٽس آصف سعيد کوسه جو تمام گهڻو احترام ڪريان ٿو. پاڪستان جيڪي به وڏا جيورسٽ (ججز) پيدا ڪيا، چيف جسٽس آصف سعيد کوسه اُنهن منجهان هڪ آهي.

 

 

سوشل ميڊيا ڪنٽرول ۾ ناهي، سي آءِ اي جو ايجنٽ ڪوٺي الزام لڳايا ويا: جسٽس کوسا

اسلام آباد (م.ڊ) سُپريم ڪورٽ جي چيف جسٽس چيو آهي ته آئين ۽ قانون کي ڏٺو ته عدليه خلاف پروپئگنڊا شروع ٿي وئي. سي آءِ اي جو ايجنٽ ڪوٺي ڀارتي شهه تي ڪم ڪرڻ جا الزام لڳايا ويا، چيو ويو ته اها ففٿ جنريشن وار آهي. سُپريم ڪورٽ ۾ چيف جسٽس آصف سعيد کوسه جي سربراهيءَ ۾ جُڙيل 3 رُڪني بئنچ آرمي چيف جنرل قمر جاويد باجوه جي ملازمت ۾ واڌ خلاف درخواست تي ٻڌڻي ڪئي. جنهن دوران موجوده صورتحال تي سوشل ميڊيا تي هلندڙ مهم جو به ذڪر ٿيو. چيف جسٽس آصف سعيد کوسه ريمارڪس ڏيندي چيو ته اسان آئين ۽ قانون کي ڏٺو ته اسان جي خلاف پروپئگنڊا شروع ٿي وئي، اهو به چيو ويو ته ٽئي جج سي آءِ اي جي ايجنٽ آهن، الزام هنيا ويا ته اسان ڀارت جي شهه تي ڪم ڪري رهيا آهيون. اهو به چيو ويو ته هي ففٿ جنريشن وار آهي. اسان کي پڇڻو پيو ته ففٿ جنريشن وار ڇا آهي؟ ٻڌڻيءَ دوران چيف جسٽس ريمارڪس ڏيندي چيو ته سُپريم ڪورٽ جي ججز کي ڀارتي چئنلز تي به هلايو پيو وڃي، آئيني ادارن جي باري ۾ ائين نه ٿيڻ گهرجي، سوشل ميڊيا ڪنهن جي به ڪنٽرول ۾ نه آهي.

 

 

اسلام آباد هاءَ ڪورٽ جا پابند ناهيون، مشرف ڪيس ۾ 5 ڊسمبر تي بيان ڏيڻ جو حۡڪم

اسلام آباد (م.ڊ) خصوصي عدالت اڳوڻي پرويز مشرف خلاف سنگين غداري ڪيس ۾ ريمارڪس ڏيندي چيو آهي ته اُها اسلام آباد هاءِ ڪورٽ جو فيصلو مڃڻ جي پابندي نه آهي. اڳوڻي صدر پرويز مشرف جي خلاف سنگين غداري ڪيس جي ٻڌڻي ٿي، جنهن دوران خصوصي عدالت لکت ۾ جواب جمع نه ڪرائڻ تي ڪاوڙ جو اظهار ڪيو. عدالت سنگين غداري ڪيس ۾ اڳوڻي صدر پرويز مشرف کي 5 ڊسمبر تائين بيان رڪارڊ ڪرائڻ جو حڪم ڏئي ڇڏيو. ٻڌڻي دوران سرڪاري وڪيل پنهنجي موقف ۾ چيو ته اسان پرويز مشرف جي بريت جي درخواست داخل ڪئي آهي، خصوصي عدالت پرويز مشرف جي وڪيل سلمان صفدر کي دليل ڏيڻ کان روڪي ڇڏيو ۽ چيو ته اوهان رڳو سرڪاري وڪيل جي معاونت ڪري سگهي ٿا. ٻڌڻي دوران جسٽس وقار احمد سيٺ چيو ته اسان هاءِ ڪورٽ جي فيصلي تي نه ڳالهائينداسين، اسان رڳو سپريم ڪورٽ جي حڪمن جا پابند آهيون، پرويز مشرف پنهنجو بيان ڪنهن به ڏينهن رڪارڊ ڪرائي، عدالت ڪيس جي ٻڌڻي 5 ڊسمبر تائين ملتوي ڪندي هدايت ڪئي ته 5 ڊسمبر تي پراسيڪيوشن ٽيم پوري تياري سان پيش ٿئي، ان کانپوءِ التوا نه ڏينداسين. پرويز مشرف 5 ڊسمبر کان اڳ ڪنهن به ڏينهن تي پنهنجو بيان رڪارڊ ڪرائي سگهي ٿو، واضح رهي ته خاص عدالت کي پرويز مشرف خلاف سنگين غداري ڪيس جو محفوظ ڪيل فيصلو اڄ ٻڌائڻو هو. پر گذريل ڏينهن اسلام آباد هاءِ ڪورٽ فيصلو ٻڌائڻ کان روڪڻ جي حڪومت جي درخواست منظور ڪندي خاص عدالت کي اڳوڻي صدر جي خلاف ڪيس جو فيصلو ٻڌائڻ کان روڪي ڇڏيو هو.

 

 

جنرل راحيل شريف جي دستاويزن ۾ رٽائرمنٽ جو ذڪر نه هجڻ ۽ جنرل ڪياني طرفان پينشن وٺڻ جو انڪشاف

اسلام آباد (م.ڊ) وفاقي سرڪار اڳوڻي آرمي چيف جنرل راحيل شريف جي رٽائرمينٽ ۽ جنرل اشفاق پرويز ڪياني جي ملازمت جي مُدي ۾ واڌ جا دستاويز سُپريم ڪورٽ ۾ پيش ڪري ڇڏيا. دستاويز ۾ انڪشاف ٿيو آهي ته قانون ۾ رٽائرمينٽ ۽ پينشن جو ذڪر نه هجڻ باوجود اڳوڻن آرمي چيف کي رٽائرمينٽ ملي رهي آهي. سُپريم ڪورٽ ۾ چيف جسٽس آصف سعيد کوسه جي سربراهيءَ ۾ جُڙيل 3 رُڪني بئنچ آرمي چيف جنرل قمر جاويد باجوه جي ملازمت ۾ واڌ خلاف درخواست تي ٻڌڻي ڪئي، جنهن دوران اٽارني جنرل انور منصور ۽ آرمي چيف جو وڪيل فروغ نسيم پيش ٿيا. عدالت اڳوڻي آرمي چيف جنرل اشفاق پرويز ڪياني جي ملازمت ۾ واڌ جي حوالي سان جاري ٿيل نوٽيفڪيشن طلب ڪيو، جڏهن ته چيف جسٽس نوٽيفڪيشن به پيش ڪرڻ جو حڪم ڏنو. چيف جسٽس پنهنجي ريمارڪس ۾ حڪم ڏنو ته جنرل راحيل شريف جي رٽائرمينٽ جا به ڪاغذ پيش ڪريو، جنرل راحيل شريف رٽائر ٿيو ته سندس نوٽيفڪيشن ۾ ڪهڙا لفظ لکيل هئا، اُهي به پيش ڪيا وڃن. اسان کي ٻڌايو ويو آهي ته جنرل ڪڏهن رٽائر نه ٿيندا آهن، جيڪڏهن رٽائر نه ٿيندا آهن ته پوءِ پينشن به نه ملندي هوندي. اٽارني جنرل انور منصور عدالت کي آگاهه ڪيو ته دستاويز ڪجهه دير ۾ پهچي ويندا. ٻڌڻيءَ دوران اٽارني جنرل طرفان سُپريم ڪورٽ ۾ اڳوڻي آرمي چيف جنرل اشفاق پرويز ڪياني جي ملازمت جي مُدي ۾ واڌ جي حوالي سان دستاويز پيش ڪيا. چيف جسٽس دستاويزن تي ريمارڪس ڏيندي چيو ته ڪٿي به نه لکيل آهي ته جنرل ڪياني جي ملازمت ۾ واڌ ڪئي وئي هئي، جنهن قانون تحت واڌ ڪئي وئي، اُن جو به حوالو ڏيو. ٻڌنڻيءَ دوران ريمارڪس ڏيندي چيف جسٽس چيو ته ايڏي اهم عهدي لاءِ ته ابهام نه هجڻ گهرجي، جنرل راحيل شريف کي به پينشن ملي رهي آهي. قاعدن ۾ به جنرل جي پينشن جو ذڪر ئي نه آهي. ملڪ تي حڪومت ڪندڙ اسان کي عزيز آهن، پر آئين ۽ قانون اسان کي سڀ کان مٿانهان آهن.

 

 

فوجي آفيسرز جي مقرري ۽ ملازمت جي واڌ جي حوالي سان آرمي ايڪٽ کي ورهين کان لڪائڻ جو انڪشاف

اسلام آباد (بيورو رپورٽ) سُپريم ڪورٽ ۾ انڪشاف ٿيو آهي ته فوجي آفيسرز جي مقرري ۽ ملازمت جي واڌ جي حوالي سان آرمي ايڪٽ کي ورهين کان لڪايو ويو آهي. چيف جسٽس چيو آهي ته ڀارت سوڌو ٻين ملڪن ۾ آرمي چيف جو مُدو واضح آهي، آرمي ايڪٽ ۾ لکيل آهي ته غير واسطيدار ماڻهو نه پڙهي. سُپريم ڪورٽ ۾ چيف جسٽس آصف سعيد کوسه جي سربراهيءَ ۾ جُڙيل 3 رُڪني بئنچ آرمي چيف جنرل قمر جاويد باجوه جي ملازمت ۾ واڌ خلاف درخواست تي ٻڌڻي ڪئي. جنهن دوران چيف جسٽس پُڇيو ته پاڪ فوج ۾ مقرري ۽ ملازمت جي مُدي ۾ توسيع جي حوالي سان آرمي جي قاعدن واري ڪتاب کي ڇو لڪائي رکيو ويو؟ هن ڪتاب تي لکيل آهي ته غير واسطيدار ماڻهو نٿو پڙهي سگهي. ٻڌڻيءَ دوران چيف جسٽس آصف سعيد کوسه اٽارني جنرل سان مخاطب ٿيندي چيو ته توهان ڇو هن ڪتاب کي سيني سان لڳائي رکيو آهي، ڀارت ۽ ٻين ملڪن ۾ ته آرمي چيف جي مقرريءَ جو مُدو واضح آهي. هاڻي مامرو پهريون ڀيرو عدالت ۾ آيو آهي ته اهو واضح ٿيڻ گهرجي. جسٽس منصور علي شاهه ريمارڪس ڏيندي چيو ته آرمي چيف جي مقرري قانون پٽاندڙ ٿيڻ گهرجي، آرمي جي قاعدن واري ڪتاب تي لکيل آهي ته غير واسطيدار ماڻهو نه پڙهي.