تازيون خبرون
هڪ سال ۾ پيٽروليم شين جي مد ۾ 206 ارب 28 ڪروڙ ٽئڪس اوڳاڙيو ويو: وفاقي سرڪار جو اعتراف - وزيراعظم چيف سيڪريٽري ۽ آئي جي سنڌ ذريعي متبادل نظام هلائڻ چاهي ٿو، ائين ٿيڻ نه ڏينداسين: سنڌ سرڪار - جسٽس (ر) الطاف ابراهيم قريشي وقتي چيف اليڪشن ڪمشنر ٿي ويو - ايشيائي ترقياتي بئنڪ پاڪستان لاءِ هڪ ارب 30 ڪروڙ ڊالرز جو قرض منظور ڪري ورتو - حڪومت جو ڪم واپار جي رستي ۾ آيل رنڊڪن کي ختم ڪري آسانيون پيدا ڪرڻ آهي: عمران خان - وزير اعظم ملڪ کي مضبوط ڪرڻ چاهي ٿو پر مخالف ڌر ڌيان هٽائڻ چاهي ٿي: فردوس عاشق - ملڪ رياض جي وارثن ۽ برطانوي حڪومت وچ ۾ نبيري مان مليل رقم سماجي بهبود لاءِ استعمال ڪئي ويندي: شهزاد اڪبر - وڏي وزير جي صدارت ۾ پبلڪ سيفٽي ڪميشن جو اجلاس، آءِ جي سنڌ جي عدم شرڪت تي ڪاوڙ جو اظهار، ٺهراءُ منظور - ڪراچي مان اغوا ٿيل دعا منگي بازياب نه ٿي، سنڌ جي مختلف شهرن ۾ احتجاجي مظاهرا، ريليون - اسلام ڪوٽ: مسافر ڪوچ موٽر سائيڪل کي بچائيندي ڪلٽي، واٽھڙو فوت، 3 عورتن سميت 7 ڄڻا زخمي

Daily Archives: October 31, 2019

اپوزيشن معاهدي تي قائم ٿي رهي ته حڪومت به پاسداري ڪندي: عمران خان

اسلام آباد (م.ڊ/اين اين آءِ) اسلام آباد (ويب ڊيسڪ) وزيراعظم عمران خان آزادي مارچ بابت اپوزيشن سان ٿيندڙ رابطن تي اطمينان جو اظهار ڪندي چيو آهي ته اپوزيشن معاهدي تي قائم ٿي رهي ته حڪومت به پاسداري ڪندي. وزيراعظم عمران خان سان حڪومتي ڳالهين واري ٽيم ۽ قومي اسيمبلي جي اسپيڪر اسد قيصر ملاقات ڪئي، جنهن ۾ ملڪ جي موجوده سياسي صورتحال ۽ پارلياماني معاملن تي خيالن جي ڏي وٺ ڪئي وئي. ٽيم وزيراعظم عمران خان کي اپوزيشن سان ڳالهين ۾ اڳڀرائي بابت آگاهه ڪيو. وزيراعظم عمران خان چيو ته اپوزيشن معاهدي تي قائم رهي ٿي ته حڪومت به پاسداري ڪندي، احتجاج ۾ اسلام آباد جي رهواسين کي ڪنهن به قسم جون ڏکيائيون پيش نه اچڻ گهرجن. ملاقات دوران قومي اسيمبلي اسپيڪر اسد قيصر وزيراعظم عمران خان کي ڪشمير مسئلي تي پارلياماني سفارتڪاري بابت آگاهه ڪيو ۽ پارليامينٽ ۾ قانون سازي ۽ ايون جي اثرائتي ڪردار تي به ڳالهه ٻولهه ڪئي. هن سياسي صورتحال ۽ مخالف ڌر سان رابطن تي وزيراعظم کي آگاهه ڪندي چيو ته اپوزيشن کي پيغام ڏنو آهي ته امن امان جي صورتحال تي ٺاهه نه ٿيندو، ڪنهن به قسم جو سياسي انتشار نه پکيڙيو وڃي، اپوزيشن ميمبرن سان مسلسل رابطي ۾ آهيون ۽ معاملن کي ڳالهين ذريعي حل ڪرڻ جي ڪوشش پيا ڪيون. هوڏانهن حڪومتي ۽ پارٽي ترجمانن جو اجلاس ٿيو، جنهن ۾ وزيراعظم موجوده ميڊيا حڪمت عملي تي اطمينان جو اظهار ڪيو. عمران خان چيو ته ذاتي ايجنڊي بدران حڪومتي پاليسي جو بچاءُ ڪيو وڃي، حڪومتي قدمن ۽ پاليسي کي اثرائتي انداز  ۾ اجاڳر ڪيو وڃي، ذاتي ايجنڊي سان حڪومت جو غلط تاثر ويندو آهي، تنهن ڪري نواز شريف جي بيماري کي موضوع نه بڻايو وڃي.

ٻئي طرف وزيراعظم عمران خان چيو آهي ته ننڍن آبادگارن کي هر سهولت فراهم ڪرڻ حڪومت جي ترجيحن ۾ شامل آهي حڪومت جي زرعي پاليسي هارين آبادگارن ۽ خاص طور تي ننڍن آبادگارن کي سهولت فراهم ڪرڻ ۾ حڪومت جي ان عزم جو مظهر آهي وزيراعظم عمران خان جي صدارت هيٺ ملڪ ۾ زرعي پيداوار خاص ڪري ننڍن آبادگارن جي سهولت جي حوالي سان قدمن تي جائزي وارو اجلاس ٿيو جنهن ۾ وفاقي وزير فوڊ سيڪيورٽي صاحبزاده محبوب سلطان، توانائي جو وزير عمر ايوب خان، واپار جو صلاحڪار، عبدالرزاق دائود خاص مددگار نديم بابر، ڊآڪٽر فردوس عاشق اعواڻ، يوسف بيگ مرزا قومي اسيمبلي ميمبر اسد عمر ۽ سينيئر آفيسر شريڪ ٿيا ان موقعي تي وزيراعظم چيو ته ننڍن آباگارن کي وڌ ۾ وڌ سهولت فراهم ڪرڻ حڪومت جي پهرين ترجيحن ۾ شامل آهي حڪومت جي زرعي پاليسي آبادگارن ۽ خاص طور تي ننڍن هارين کي سهولت فراهم ڪرڻ ۾ حڪومت جي ان عزم جو مظهر آهي وزيراعظم چيو ته ننڍن هارين کي سهولت ڏيڻ سان نه صرف مقامي زرعي پيداوار وڌندي پر ان سان غربت گهٽ ۽ معاشي حالتون بهتر ٿينديون وزيراعظم هدايت ڪئي ته صوبن وچ ۾ رابطا وڌيڪ وڌايا وڃن ته جيئن زرعي شعبي ۾ حدف حاصل ڪري سگهجن.

 

سڃاڻپ ڪارڊ وارو شرط 60 ڏينهن لاءِ معطل، حڪومت ۽ واپارين ۾ ڳالهيون ڪامياب، هڙتال ختم ڪرڻ جو اعلان

اسلام آباد(ويب ڊيسڪ) وزير اعظم جي ناڻي واري صلاحڪار عبدالحفيظ شيخ اعلان ڪيو ته هڙتال ڪندڙ واپارين سان ڳالهين کان پوءِ معاهدو طئي ٿي ويو آهي. اسلام آباد ۾ واپاري برادري ۽ وفاقي بورڊ آف روينيو جي چيئرمين شبر زيدي ۽ جهانگير ترين سان گڏ پريس ڪانفرنس ڪندي واپاري ۽ وفاقي بورڊ آف روينيو جي وچ ۾ طئي ٿيل 11 نقطن واري معاهدي بابت ٻڌايو. واپارين ۽ ايف بي آر جي وچ ۾ معاهدو: 1- 10 ڪروڙ تائين جي ٽرن اوور واري واپاري کان 1.5 سيڪڙو ٽرن اوور ٽيڪس جي بدران 0.5 سيڪڙو ٽرن اوور ٽيڪس ورتو ويندو. 2- 10 ڪروڙ تئاين جي ٽرن اوور وارو واپاري وڌ هولڊنگ ايجنٽ نه بڻجندو. 3- سيلز ٽيڪس ۾ رجسٽريشن جي لاءِ سالياني بجلي جي بل جي حد 6 لک رپين کان وڌائي 12 لک رپيا ڪري ڇڏي آهي. 4-گهٽ منافعو رکندڙ  سيڪٽرن جي ٽرن اوور ٽيڪس جي مقرري نئين سر  ڪئي ويندي جيڪا واپارين جي  ڪميٽي جي ڳالهيون ڪندي. 5- جيولرز ايسوسيئيشڻ سان گڏجي جيولرز جي مسئلن کي ترجيحي بنيادن تي حل ڪيو ويندو. 6- آڙتي تي لائسنس جي تجديد فيس تي لاڳو وڌ هولڊنگ ٽيڪس جو نئين سر جائزو ورتو ويندو. 7- واپارين جي مسئلن جي فوري حل لاءِ ايف بي آر اسلام آباد ۾ خاص ڊيسڪ قائم ٿيندو جنهن ۾ 21/20 گريڊ جا آفيسر مقرر هوندا ۽ ماهوار بنياد تي واپارين جي نمائندن سان ملاقاتون ٿينديون. 8-نون واپارين جون ڪميٽيون نئين رجسٽريشن جي سلسلي ۾ ڀرپور سهڪار  ڪنديون. 9- هڪ هزار مربع فٽ جو ڪو به دڪان سيلز ٽيڪس ۾ رجسٽريشن کان آجو هوندو ۽ ان جو فيصلو واپارين جي ڪميٽي سان ڳالهين سان ٿيندو. 10-هول سيل ۽ ريٽيلرز ٻنهي جو واپار ڪندڙن جي سيلز ٽيڪس ۾ رجسٽريشن جو فيصلو واپارين جي  ڪميٽي جي ڳالهين سان ٿيندو. 11- سڃاڻپ ڪارڊ جي شرط تي وڪري ۽ خريداري تي تاديبي ڪارروائي 31 جنوري 2020ع تائين رد ڪئي وئي آهي. ڊاڪٽر عبدالحفيظ شيخ جو چوڻ هو ته گڏيل ڳالهين سان ٿيل فيصلي جو معيشت تي اثر پوندو. سندس چوڻ هو ته حڪومت چاهي ٿي ته پاڪستان ۾ جيڪي ماڻهو صاحب حيثيت آهن اُهي ٽيڪس ادا ڪن. هڪ سوال جي جواب ۾ هن چيو ته پاڪستان جو عوام اسان جي هر پاليسي جو محور آهي ۽ اسان جا سمورا مقصد ان وقت ئي پورا ٿي سگهن ٿا جڏهن اسان جي معيشت بهتر ٿيندي ۽ معاهدي ۾ قومي مقصدن تي ڪو سمجهوتو نه ٿيو پر واپاري برادري جي لاءِ آسانيون پيدا ڪيون ويون آهن. ان موقعي ايف بي آر چيئرين شبر زيدي هڪ سوال جو جواب ڏيندي چيو ته سڃاڻپ ڪارڊ جو قانون هاڻ به برقرار آهي ۽ اڃان رڳو ايتري ڳالهه ٿي آهي ته 31 جنوري تائين ڪا به تاديبي ڪارروائي نه ٿيندي. انجمن تاجران برادري جي چيئرمين خواجا محمد شفيق جو چوڻ هو ته  واپاري برادري گذريل ڪيترن ئي مهينن کان هيجان جي صورتحال ۾ مبتلا هئي پر سٺي ماحول ۽ سٺي هوا ۾ اسان معاملن کي طئي ٿا ڪيون. ان کان اڳ ڊاڪٽر عبدالحفيظ شيخ واپارين سان ٿيل ملاقات کان پوءِ ميڊيا سان مختصر ڳالهه ٻولهه ڪندي ٻڌايو هو ته واپارين سان ڳالهين وارو عمل سٺي انداز ۾ جاري آهي جنهن کي اڄ مڪمل ڪرڻ جي ڪوشش ڪنداسين. سندس چوڻ هو ته ڳالهه ٻولهه ۾ ٻنهي ڌرين جي خواهش آهي ته واپاري به خوش ٿين ۽ حڪومت جو جيڪو مقصد آهي ته معاشي بندوبست جا فائدا عوام تائين پهچن اُهي به پورا ٿي ويندا. ناڻِي واري صلاحڪار اميد ظاهر ڪئي ته واپارين سان جاري ڳالهيون اڄ سٺي اندز ۾ مڪمل ٿيون. ڳالهه ٻولهه دوران عالمي بينڪ جي سربراهه جي پاڪستان جي دوري بابت پڇيل سوال جي جواب ۾ ناڻي واري صلاحڪار جو چوڻ هو ته اسان جي ڪوشش آهي ته عالمي بينڪ ۽ پاڪستان ۾ سهڪار کي وڌيڪ بهتر بڻايو وڃي ۽ عالمي بينڪ جو صدر پاڪستان ۾ ڪيل معاشي  سڌارن کي ساراهي ٿو. ان کان اڳ سماجي رابطن واري ويب سائيت ٽوئيٽر تي ٽوئيٽ ڪندي عبدالحفيظ شيخ جو چوڻ هو ته جولاءِ  ۽ آگسٽ 2019ع جي سيلز ٽيڪس ريفنڊ جي ٻڌڻي هيٺ ڪيسن کي اُڪلائڻ جي لاءِ ٽيڪسٽائل برآمد ڪندڙن کي اي آر ايس جي ذريعي ڪليمز فائل ڪرڻ جي اجازت ڏني وئي آهي. ٽوئيٽر تي جاري پيغام ۾ هن وڌيڪ چيو ته ٽيڪسٽائل برآمد ڪندڙن کي اي آر ايس جي ذريعي ڪليم فائل ڪرڻ جي اجازت ڏني وئي آهي.  سندس چوڻ هو ته فارم ايچ جو جائزو وٺڻ ۽ ان جي متبادل نظام کي ٻن هفتن ۾ حتمي شڪل ڏني ويندي.هن چيو ته ڪليمز جي ضمن ۾ 2 ارب رپين جي ماليت جي ريفنڊ پيمنٽ آرڊرز کي فوري طور تي اُڪلايو ويندو. اسلام آباد (بيورو رپورٽ) ٽن ڏينهن جي ملڪگير هڙتال کانپوءِ حڪومت واپارين جا مطالبا مڃي ورتا. ايف بي آر ۽ واپارين وچ ۾ ڳالهيون ڪامياب ٿيڻ کانپوءِ هڙتال ختم ڪرڻ جو اعلان ڪيو ويو آهي. آل پاڪستان انجمن تاجران جي صدر اجمل بلوچ موجب سيلز ٽئڪس لاڳو ڪرڻ ۽ سڃاڻپ ڪارڊ واري شرط جي معاملي تي حڪومت ۽ واپارين وچ ۾ ڳالهيون ڪامياب ٿي ويون. جنهن تحت خريداري ۽ وڪري لاءِ سڃاڻپ ڪارڊ جي شرط تي ڪارروائي 31 جنوري تائين ملتوي ڪئي وئي آهي. اجمل بلوچ جو چوڻ آهي ته ايف بي آر سان ڳالهين دوران واپارين جا مطالبا مڃيا ويا ۽ معاهدو طئه ٿي ويو آهي. هاڻي 10 ڪروڙ تائين ٽرن اوور وارو واپاري ڏيڍ سيڪڙو بدران ڏهائي 5 سيڪڙو ٽرن اوور ٽئڪس ادا ڪندو، جڏهن ته 10 ڪروڙ رُپين تائين ٽرن اوور وارو واپاري (ٽريڊر) ود هولڊنگ ايجنٽ نه ٿيندو. ال پاڪستان انجمن تاجران جي صدر جو چوڻ آهي ته حڪومت سان طئه ٿيل ڳالهين موجب سيلز ٽئڪس ۾ رجسٽريشن لاءِ ساليانو بجلي جي بل جي حد 6 لک مان وڌائي 12 لک رُپيا ڪئي وئي آهي، جڏهن ته گهٽ نفعو ڪمائيندڙ شعبن جي ٽرن اوور ٽيڪس جي حوالي سان واپارين جي ڪميٽي سان مشاورت کانپوءِ نئين سر جائزو ورتو ويندو. ريجنل ۽ مرڪزي سطح جي واپارين تي ٻڌل ڪميٽيز جوڙيون وينديون، جيڪي ايف بي آر سان گڏجي واپارين جا مسئلا حل ڪنديون. اُن کانسواءِ جيولرز ائسوسيئيشن سان گڏجي سونارن جا مسئلا به ترجيحي بنيادن تي حل ڪيا ويندا. واپارين جا مسئلا فوري طور حل ڪرڻ لاءِ ايف بي آر اسلام آباد ۾ خصوصي ڊيسڪ قائم ڪئي ويندي، جتي مقرر گريڊ هڪ جو آفيسر ماهوار واپارين جي نمائندن سان گڏجاڻيون ڪندو. واپارين جي هڪ ٻئي ڌڙي جي اڳواڻ ڪاشف چوڌي به ايف بي آر ذريعي حڪومت سان ڳالهيون ڪامياب ٿيڻ جي تصديق ڪئي، جنهن وڌيڪ چيو ته نئين رجسٽريشن ۽ ٽيڪس ريٽرن وارو فارم اردو ۾ مهيا ڪيو ويندو. واضح رهي ته وفاقي سرڪار جي ٽئڪس پاليسي خلاف واپارين طرفان اڄ ٽئين ڏينهن به ملڪ گير هڙتال ڪئي وئي، جنهن تحت سنڌ سوڌو سموري ملڪ جي ننڍن وڏن شهرن ۾ ڪاروبار بند رکيو ويو.   ان کان اڳ آل پاڪستان انجمن تاجران ۽ مرڪزي تنظيم تاجران پاڪستان جي هڙتال جي ڪال تي وفاقي راڄڌاني اسلام آباد سميت ڪراچي، لاهور، ڪوئيٽا، پشاور ۽ ملڪ يج ٻين حصن ۾ واپاري تنظِمن حمايت ڪندي ٻئي ڏينهن به واپار بند رکيو. واپارين اِهو مطالبو به ڪيو هو ته حڪومت واڌو ٽيڪس سان گڏوگڏ 50 هزار رپين جي ڏي وٺ تي سڃاڻپ ڪارڊ جي شرط ختم ڪري. وفاقي راڄڌاني اسلام آباد ۾ ٻئي ڏينهن به شٽرڊائون  هڙتال ڪئي وئي، جتي واپارين پنهنجا دڪان بند ڪري  حڪومت جي پاليسين جي خلاف احتجاج ڪيو. شٽرڊائون هڙتال ٻئي ڏينهن ۾ داخل ٿيندي ئي واپارين مطالبا منظورنه ٿيڻ جي صورت ۾ هڙتال جو وقت وڌائڻ جو اِشارو به ڏنو هو. ٻئي پاسي پنجاب صوبي جي راڄڌاني لاهور سميت ٻين شهرن  راولپنڊي، ملتان، فيصل آباد، سيالڪوٽ ۽ واپارين ٻئين ڏينهن به شٽرڊائون هڙتال ڪئي. صوبائي راڄڌاني لاهور ۾ ٻئي ڏينهن به واپاري برادري سراپا احتجاج رهي ۽ هال روڊ، مال روڊ، نيلا گنبد، ڌرم پوره، گلبرگ ۽ حفيظ سينٽر سميت شهر جون سموريون وڏيون ۽ اهم مارڪيٽون بند رهيون.  ان کان سواءِ شهر ۾ ڪجهه مارڪيٽن ۾ اڄ جزوي هڙتال به رهي جڏهن ته شٽر ڊائون هڙتال جي ڪري روزاني اجرت تي ڪم ڪندڙ مزدورن ڪاپاري ڌڪ رسيو. هوڏانهن ملڪ جي سڀ کان وڏي شهر ۽ واپاري حب ڪراچي سميت سڄي سنڌ صوبي جي مختلف ضلعن ۾ احتجاج جي ٻئي ڏينهن ڪٿي جزوي ته ڪٿي مڪمل هڙتال رهي. ڪراچي ۾ اڄ به ايم اي جناح روڊ ۽ ڀرپاسي ۾ موجود مختلف واپاري مرڪز جوڙيا بازار ، بولٽن مارڪيٽ، تبت سينٽر،  صدر اليڪٽرانڪس ۽ موبائيل مارڪيٽس ۾ به مڪمل هڙتال ڪئي وئي. ان کان سواءِ انجمن تاجران جي ڪال تي بلوچستان صوبي جي راڄڌاني ڪوئيٽا سميت سمورن وڏن ضلعن ۾ ٻئي ڏينهن به مڪمل شٽرڊائون هڙتال ڪئي وئي. حڪومت جي معاشي پاليسين جي خلاف ٻئي ڏينهن به پشاور ۾ واپاري برادري جي احتجاج جي ڪري شٽر ڊائون هڙتال جاري آهي. پشاور سميت صوبي جي ٻين ضلعن ۾ به شٽر ڊائون هڙتال ڪئي وئي ۽ صوبي جي سمورا وڏا واپاري مرڪز بند آهن ۽ واپارين يادگار چوڪ تي احتجاجي ڪيمپ لڳائي. ملڪ جي چئني صوبن جي ابتڙ گلگت بلتستان ۾ هڙتال جي اعلان جي باوجود ڪجهه دڪان،  مارڪيٽون ۽ واپاري مرڪز کليل رهيا. پر گلگت شهر ۾ ڪجهه دڪان بند رهيا شهر ۾ صبح 10 وڳي تائين اڪثر دڪان ۽ مارڪيٽون بند رهڻ کان پوءِ مصروف واپاري سينٽر ٻيهر کوليا ويا.

 

اسلام آباد پهچڻ تي عوام جي راءِ جو احترام نه ڪيو ويو ته تحريڪ وڌيڪ سخت ڪنداسين: فضل الرحمان

 

لاهور (ويب ڊيسڪ) جمعيت علماءِ اسلام (ف) جي سربراهه مولانا فضل الرحمان چيو آهي ته اسلام آباد پهچڻ تي عوام جي راءِ جو احترام نه ڪيو ويو ته تحريڪ وڌيڪ سخت ڪنداسين. لاهور ۾ صحافين سان ڳالهائيندي فضل الرحمان چيو ته جيڪڏهن اسان ان لاءِ ڌرڻي جو لفظ استعمال ناهي ڪيو، ڇو ته هيءَ هڪ عوامي تحريڪ آهي ۽ نتيجا نه مليا ته ان جو مطلب اهو ناهي تحريڪ بيهجي وئي، ڪراچي کان لاهور ۽ اسلام آباد تائين عوام طئي ڪري ڇڏيو آهي ته هن حڪومت جي وڌيڪ گنجائش ناهي. هن چيو ته ملڪ ۾ حقيقي جمهوريت جي بقا جي جنگ وڙهي رهيا آهيون، ڪراچي کان اسلام آباد تائين قوم هڪ آهي ته عمران خان استعيفيٰ ڏئي ۽ ڀوائتي انجام کان بچي، هن حڪومت ڪشمير کپايو، ڪشمير کپائيندڙ ملڪ ۾ حڪومت نٿا ڪري سگهن. سندس وڌيڪ چوڻ هو ته حڪومت جي احتساب جي ڊرامن جي پچاڻي جو وقت اچي ويو آهي، اڄ مزدور، هاري ۽ غريب روزگار لاءِ پريشان آهي، نوجوان پنهنجو مستقبل اونداهو ڏسي رهيو آهي، مذهبي طبقو ان لاءِ فڪرمند آهي ته هن ملڪ ۾ معيشت توڙي ختم نبوت به غير محفوظ آهي، سڀني جماعتن آزادي مارچ ۾ شرڪت ڪري قومي يڪجهتي جو ثبوت ڏنو آهي، جنهن لاءِ ن ليگ، پ پ ۽ ٻين سڀني پارٽين جو ٿورائتو آهيان. هوڏانهن اسلام آباد روانگي کان اڳ مينار پاڪستان آزادي چوڪ تي تقرير ڪندي جي يو آءِ سربراهه چيو ته گذريل 9 مهينن ۾ اسان 15 ملين مارچ ڪيا، جيڪي پرامن هئا، اسان جا ڪارڪن مڪل ۾ امن کي ترجيح ڏيندا آهن، هي قافلو ڪوئيٽا ۽ ڪراچي کان نڪتو هو، رستي ۾ ڪنهن شهري کي رهنڊ به نه آئي. هن چيو ته آزادي مارچ جي پاڪستان جي هر شهري جي حمايت حاصل آهي، اسان جو مطالبو هاڻ به اهو ئي آهي ته 25 جولاءِ وارين چونڊن ۾ بدترين ڌانڌلي ٿي، نتيجا قبول ناهن، اسان پهرين ڏينهن کان حڪومت کي تسليم ناهي ڪيو.

 

رولو ڪُتن جي آزار کي روڪڻ لاءِ ڪهڙا اپاءِ ورتا ويا آهن؟: سنڌ هاءِ ڪورٽ

اسلام آباد (بيورو رپورٽ) سنڌ هاءِ ڪورٽ رولو ڪتن جي آزار ۽ وئڪسين نه ملڻ واري معاملي تي صوبي اندر سمورن ڪئنٽونمينٽ بورڊز جي اختيارين کي نوٽيسز جاري ڪري ڇڏيا. سنڌ هاءِ ڪورٽ ۾ صوبي اندر رولو ڪتن جي آزار ۽ وئڪسين جي عدم فراهمي واري معاملي تي ٻڌڻي ٿي، جنهن دوران عدالت ڪراچي پورٽ ٽرسٽ سوڌو سمورن ڪئنٽونمينٽ بورڊز کي نوٽيس جاري ڪيا. عدالت طرفان ڪراچي ڪئنٽونمينٽ بورڊ، ڪلفٽن ڪئنٽونمينٽ بورڊ ۽ فيصل ڪئنٽونمينٽ بورڊ کي به نوٽيسز جاري ڪيا ويا، اُن کانسواءِ حيدرآباد ۽ سکر سوڌو ٻين شهرن ۾ به ڪئنٽونمينٽ بورڊز کي نوٽيسز جاري ڪيا ويا. عدالت سمورن ڪئنٽونمينٽ بورڊز جي اختيارين کي جواب جمع ڪرائڻ جو حڪم ڏيندي پُڇيو آهي ته رولو ڪُتن جي آزار کي روڪڻ لاءِ ڪهڙا اپاءِ ورتا ويا آهن؟

 

 

منظم منصوبي تحت مذهبي، نظرياتي ۽ سياسي مقصد حاصل ڪرڻ لاءِ پُرتشدد ڪارروائي دهشتگردي آهي: سپريم ڪورٽ

اسلام آباد(بيورو رپورٽ) سپريم ڪورٽ دهشتگردي جي تعريف جي تشريح بابت لکت ۾ فيصلو جاري ڪري ڇڏيو، فيصلي ۾ چيو ويو آهي ته منظم منصوبي تحت مذهبي، نظرياتي ۽ سياسي مقصد حاصل ڪرڻ لاءِ پُرتشدد ڪارروائي دهشتگردي آهي، حڪومت يا عوام ۾ منصوبي تحت خوف پکيڙڻ، جاني يا مالي نقصان پهچائڻ دهشتگردي آهي. منصوبي تحت مذهبي نفرت پکيڙڻ دهشتگردي آهي. فيصلي ۾ چيو ويو آهي ته منصوبي تحت صحافين، ڪاروباري برادري، عوام ۽ سوشل سيڪٽر تي حملا، سرڪاري ملڪيتن کي نقصان پهچائڻ ۽ ڦرلٽ ڪرڻ دهشتگردي آهن، قانون لاڳو ڪندڙ ايجنسين ۽ سڪيورٽي فورسز تي حملا به دهشتگردي آهي. سپريم ڪورٽ فيصلي ۾ چيو آهي ته ذاتي ڪاوڙ يا دشمني سبب ڪنهن کي قتل ڪرڻ، ڀڃ ڊاهه ۽ ڀتي خوري دهشتگردي ناهي. ذاتي دشمني يا ڪاوڙ سبب مذهبي نفرت دهشتگردي ناهي، سپريم ڪورٽ فيصلي ۾ چيو آهي ته ذاتي دشمني يا ڪاوڙ تان پوليس، پاڪ فوج ۽ سرڪاري ملامن خلاف پرتشدد واقعن ۾ ملوث هئڻ دهشتگردي ناهي، پاڪستان ۾ 1974 کان دهشتگردي تي ضابطو آڻڻ لاءِ مختلف قانون متعارف ڪرايا ويا. فيصلي ۾ چيو ويو آهي ته دهشتگردي جي خاتمي وارو قانون وسيع آهي، جنهن ۾ دهشتگردي جي حوالي سان ڪيترائي قدم ۽ ذيزائين اهڙا شامل ڪيا ويا آهن، جن جو دهشتگردي سان پري پري تائين ڪو واسطو ناهي. دهشتگردي جي قانون ۾ اهڙا سنگين ڏوهه شامل ڪيا ويا، جن جي ڪري عدالتن ۾ غيرضروري بار پوندو آهي. سپريم ڪورٽ فيصلي ۾ چيو آهي ته ڀنگ عيوض اغوا جهڙن ٻين سنگين ڏوهن کي دهشتگردي ۾ شامل ڪرڻ سبب دهشتگردي جي اصل ڪيسن جي ٽرائل ۾ دير ٿيندي آهي. سپريم ڪورٽ فيصلي ۾ چيو آهي ته اسان پارليامينٽ کي سفارش ڪيون ٿا ته دهشتگردي جي حوالي سان نئين تشريح جو تعين ڪري، پارليامينٽ دهشتگردي جي تشريح لاءِ عالمي معيار جي لحاذ کان سياسي، نظرياتي ۽ مذهبي مقصدن جو حصول نظر ۾ رکي. عالمي سطح تي طئي ٿي چڪو آهي ته سياسي، نظرياتي يا مذهبي مقصدن جي حصول کان بنا پُرتشدد ڪارروائي دهشتگردي ناهي. پارليامينٽ دهشتگردي جي خاتمي واري ايڪٽ جي ٽئين شيڊول ۾ شامل انهن سمورن ڏوهن کي ختم ڪري، جن جو دهشتگردي سان ڪو واسطو ناهي. 59 صفحن تي ٻڌل فيصلو چيف جسٽس آصف سعيد کوسا لکيو.

 

 

آصف زرداري جي دل جو وال بند، سندس پليٽليٽس هڪ لک 35 هزارن تائين پهچي ويا

اسلام آباد (ويب ڊيسڪ) اسلام آباد جي پاڪستان انسٽيٽيوٽ آف ميڊيڪل سائنسز (پمز) ۾ علاج هيٺ اڳوڻي صدر آصف علي زرداري جي دل جي وال ۾ ڪلاٽ بڻجي ويو ئي آهي. پ پ جو شريڪ چيئرمين آصف علي زرداري گذريل هڪ هفتي کان پمز اسپتال ۾ علاج هيٺ آهي ۽ ڊاڪٽرن موجب سندس پليٽليٽس هڪ لک 35 هزارن تائين پهچي چڪا آهن. ڊاڪٽرن جو چوڻ آهي ته اڳوڻو صدر ڪمزوري ۽ شگر سبب هٿن ۾ ڏَڪڻي جي دانهن ڪري رهيو آهي، جڏهن ته ان جي پراڻي اسسٽنٽ سبب دل جي وال ۾ ڪلاٽ به پيدا ٿي ويو آهي. اسپتال ذريعن موجب ڊاڪٽرن آصف علي زرداري لاءِ ٿيليئم اسڪين کي لازمي قرار آهي ۽ سموريون ٽيسٽون ڪليئر ٿيڻ تائين اڳوڻي صدر کي اسپتال ۾ رکڻ جو امڪان آهي. واضح رهي ته نيب راولپنڊي جي حراست ۾ پ پ جي شريڪ چيئرمين آصف علي زرداري کي 23 آڪٽوبر تي رات چيلهه ۽ گڙدن جي تڪليف سبب پمز اسپتال داخل ڪيو ويو هو. آصف زرداري کي ڊپريشن، جسماني ڪمزوري ۽ گڙدن جي حوالي سان تڪليف آهي، ان سان گڏوگڏ سندس غدود ۾ غير معمولي اضافو به ظاهر ٿيو آهي، جنهن کي خطرناڪ قرار ڏنو ويو آهي. پمز اسپتال ۾ آصف علي زرداري جي وارڊ کي ئي سب جيل جو درجو ڏنو ويو آهي. ياد رهي ته اڳوڻو صدر آصف علي زرداري ۽ سندس ڀيڻ فريال ٽالپر جعلي اڪائونٽس ڪيس ۾ قومي احتساب بيورو (نيب) راولپنڊي جي حراست ۾ آهن.

 

بلاول ڀٽو زرداري کي سخت سيڪيورٽي خدشا، بلاول هائوس کي بم سان اڏائڻ جي به ڌمڪي جو انڪشاف، عدالت جو نوٽيس

ڪراچي (اين اين آءِ) پ پ پ چيئرمين بلاول ڀٽو زرداري کي سخت سيڪيورٽي خدشا لاحق ٿي ويا وڪيل پاران سنڌ هاءِ ڪورٽ ۾ بلاول هائوس کي بم سان اڏائڻ جي به ڌمڪي جي انڪشاف تي عدالت وفاقي حڪومت کان لکت ۾ جواب طلب ڪري ورتو اربع تي سنڌ هاءِ ڪورٽ ۾ بلاول ڀٽو زرداري جي سيڪيورٽِ بابت درخواست جي ٻڌڻي ٿي وڪيل ٻڌايو ته بلاول ڀٽو کي سخت سيڪيورٽي خدشا آهن بلاول هائوس کي بم سان تباهه ڪرڻ جا به ٿريٽس آهن صوبائي حڪومت مڪمل سيڪيورٽي ڏي ٿي پر وفاقي حڪومت سهڪار نٿي ڪري بلاول ڀٽو سڄي ملڪ ۾ سفر ڪري ٿو کيس سيڪيورٽي خدشا آهن عدالت پڇاڻو ڪيو ته بلاول ڀٽو کي ڪيتري سيڪيورٽي آهي ڪيتريون موبائيلز گڏ هونديون آهن ڇا هو ملتان وڃي ٿو ته کيس سيڪيورٽي نٿي ملي ڊپٽي اٽارني جنرل ٻڌايو ته 18 ترميم کان پوءِ صوبائي حڪومت سيڪيورٽي فراهم ڪرڻ جي ذميوار آهي عدالت وفاقي حڪومت کان وي آءِ پي شخصيتن جي سيڪيورٽِ بابت پاليسي طلب ڪري ورتي جڏهن ته بلاول ڀٽو کي ٿريٽس جي حوالي سان وفاقي حڪومت کان رپورٽ طلب ڪري ورتي ۽ حڪم ڏنو ته وفاق ٻڌائي ته ٻين صوبن ۾ وي آءِ پي شخصيتن جي سيڪيورٽي جو ڪهڙو قانون آهي.

 

مولانا فضل الرحمان سڄو ملڪ گهمي ورتو، اڃا تائين مطالبن جي خبر ناهي ته چاهي ڇا ٿو: فواد چوڌري

اسلام آباد (ويب ڊيسڪ) سائنس ۽ ٽيڪنالاجي واري وفاقي وزير فواد چوڌري چيو آهي ته مولانا فضل الرحمان سڄو ملڪ گهمي ورتو، اڃا تائين مطالبن جي خبر ناهي ته چاهي ڇا ٿو. سماجي رابطن جي ويب سائيٽ ٽوئيٽر تي ٽوئيٽ ڪندي فواد چوڌري چيو ته دنيا ۾ لانگ مارچ ڪرپشن خلاف ٿيندا آهن پر هي عجيب مارچ آهي ته احتساب جو عمل روڪيو، بهرحال شوق پورو ڪيو. سندس چوڻ هو ته سنڌ ۽ پنجاب فضل الرحمان جي جلوس ۾ شامل نه ٿي ثابت ڪري آهي ته عوام سياسي استحڪام چاهي ٿو

 

اسلام آباد جي عدالت فردوس عاشق اعواڻ کي توهين عدالت ۾ شوڪاز نوٽيس جاري ڪري ڇڏيو، اڄ طلب

اسلام آباد (بيورو رپورٽ) اسلام آباد هاءِ ڪورٽ وزيراعظم جي صلاحڪار فردوس عاشق اعواڻ کي توهين عدالت ۾ شوڪاز نوٽيس جاري ڪري سڀاڻي طلب ڪري ورتو آهي. سُڌ سماءَ بابت وزيراعظم جي صلاحڪار فردوس عاشق اعواڻ پريس ڪانفرنس دوران چيو هو ته نواز شريف کي رليف ڏيڻ لاءِ شام جي وقت خصوصي طور عدالت لڳائي وئي. اسلام آباد هاءِ ڪورٽ عدليه مخالفت ۽ تڪراري بيان ڏيڻ تي فردوس عاشق اعواڻ کي توهين عدالت جو شوڪاز نوٽيسز جاري ڪري ڇڏيو آهي. عدالت طرفان فردوس عاشق اعواڻ کي سڀاڻي 9 وڳي طلب ڪيو ويو آهي. نوٽيس ۾ فرودس عاشق اعواڻ کي چيو ويو آهي ته عوام جي نظرن ۾ عدليه کي تڪراري بڻائڻ ۽ اُن جو تقدس گهٽائڻ جي ڪوشش ڪئي آهي، اهڙو عمل توهين عدالت جي زمري ۾ اچي ٿو. نوٽيس موجب پريس ڪانفرنس دوران فردوس عاشق اعواڻ بيان ڏنو هو ته جيڪڏهن نواز شريف جي ضمانت منظور ڪئي وئي ته اهڙين درخواستن جي طوفان لاءِ هڪ دروازو کُلي ويندو، جيڪي مختلف بيمارين ۾ وڪوڙيل قيدين طرفان داخل ڪرايون وينديون.

 

ڪرتارپور ۾ دنيا جي سڀ کان وڏي گودواري جي افتتاح جون تياريون جاري، عمران خان پاران نوجوت سنگه سڌو کي به دعوت

اسلام آباد (ويب ڊيسڪ) پاڪستان ڪرتارپور منصوبي جي افتتاحي تقريب ۾ شرڪت لاءِ نوجوت سنگهه سڌو کي دعوت ڏني، جيڪا هن قبولي ورتي آهي. پاڪستان طرفان ڪرتارپور ۾ دنيا جي سڀ کان وڏي گودواري جي افتتاح جون تياريون جاري آهن ۽ ان سلسلي ۾ وفاقي حڪومت سرحد پار جي جڳ مشهور ڪردار نوجوت سنگهه سڌو کي افتتاحي تقريب ۾ شرڪت جي دعوت ڏني آهي. وزيراعظم عمران خان جي خاص هدايت تي سينيٽر فيصل جاويد اڳوڻي ڪرڪيٽر نوجوت سنگهه سڌو سان رابطو ڪري کيس ڪرتارپور منصوبي جي افتتاحي تقريب ۾ شرڪت جي باقاعدي طور دعوت ڏني. هوڏانهن نوجوت سنگهه پاڪستان طرفان موڪليل دعوت قبول ڪندي چيو آهي ته تاريخي تقريب ۾ شرڪت جي دعوت ڏيڻ تي وزيراعظم عمران خان جو ٿورائتو آهيان، 9 نومبر جي تقريب ۾ شرڪت جي سعادت حاصل ڪندس. هن چيو ته ڪرتارپور جي تعمير ۽ ان جو افتتاح سک مذهب جي ڪروڙين پيروڪارن لاءِ وڏو هاڪاري پيغام آهي، سڄي دنيا جا سک پنهنجي روحاني پيشوا بابا گرونانڪ سان سلهاڙيل هنڌ جي زيارت جا منتظر آهن.