تازيون خبرون
عمران خان جي سعودي ولي عهد سان ملاقات، تيل ٺڪاڻن تي حملي جي مذمت، ڪشمير صورتحال تي ڳالهيون - پنڊي جو موسم تبديل ٿي رهيو آهي، حڪران ڀلي شوق پورا ڪن: آصف علي زرداري - ميڊيا کي ذميوار ڪردار ادا ڪندي ڏسڻ چاهيون ٿا، ڪو به قانون زبردستي مڙهيو نه ويندو: فردوس عاشق - بلديا فيڪٽري سانحو: مالڪن مرڪزي جوابدارن رحمان ڀولا ۽ زبير چريا کي سڃاڻي ورتو آهي جڏهن ته ڇرڪائيندڙ انڪشاف به ڪيا آهن. - تحقيق ۽ تجربن سان ئي علم جي ميدان ۾ ترقي ڪري سگهجي ٿي: صدر عارف علوي - مدرسا اسڪول سميت تعليمي ادارن ۾ جديد ٽيڪنالاجي نه هوندي ته اسان گهڻو پوئتي رهجي وينداسين: چيف جسٽس - ڪتي جي ڏاڙهڻ سان ٻارڙي جي موت تي ڏک جو اظهار، فوتي ٻارڙي تي سياسي ڪئپنگ ڪئي ويئي: بلاول ڀٽو زرداري - سي پي اين اي پاران سڀني ڌرين سان گڏجي ميڊيا ٽربيونلن خلاف جدوجهد جو اعلان - حڪمرانن جي اشرافيا ۾ واحد سياستدان آهن جو هڪ ٻئي جي دشمني ۾ سبقت وٺڻ جي ڪوشش ڪندا آهن: خواجه آصف - ٿر جي معصوم ٻارڙن تي موت جو رقص،مٺي سول اسپتال ۾ وڌيڪ 4 ٻارڙا فوت

Daily Archives: September 12, 2019

پوري دنيا ڀارتي ڏاڍ ۽ طاقت جي ظالماڻي استعمال خلاف هڪ زبان آهي: فردوس عاشق اعواڻ ،

اسلام آباد (ويب ڊيسڪ) وزيراعظم جي سڌ سماءَ ۽ نشريات بابت خاص مددگار فردوس عاشق اعواڻ چيو آهي ته سڄي دنيا ڀارتي ڏاڍ ۽ طاقت جي ظالماڻي استعام خلاف هڪ زبان آهي. فردوس عاشق اعواڻ چيو ته جنيوا ۾ والاريل ڪشمير جي ڳڻتي جوڳي صورتحال تي 50 کان وڌيڪ ملڪن جي گڏيل پڌرائي ڀارت لاءِ آئينو آهي جنهن ۾ هو انسانيت خلاف پنهنجا ڏوهه ڏسي سگھي ٿو. عالمي برادري جو ڪشمير جي مظلومن سان گڏ بيهڻ ۽ ڀارت کان بنيادي انساني حقن جي پاسداري جو مطالبو مظلومن لاءِ حوصلي جو سبب آهي.هن چيو ته اها پڌرائي وزيراعظم عمران خان جي اڳواڻي ۾ عالمي ضمير جاڳائڻ جي اسان جي لاڳيتو سفارتي ڪوششن جي ڪاميابي ۽ ڪشمير ڪاز سان بختي واسطي جو ثبوت آهي. پوري دنيا ڀارتي ڏاڍ ۽ طاقت جي ظالماڻي استعمال خلاف هڪ زبان آهي جڏهن ته ڀارتي غرور ۽ تڪبر خاڪ ۾ ملي رهيو آهي.

 

ڪراچي ڪميٽي سنڌ ٽوڙڻ جي سازش قرار، پ پ جو فضل الرحمان جي ڌرڻي ۾ شرڪت نه ڪرڻ جو اعلان

ٿاڻو احمد خان (رپورٽر): پاڪستان پيپلز پارٽي جي چيئرمين بلاول ڀٽو زرداري اڄ ٿاڻو احمد خان ۾ ايم پي اي ملڪ اسد سڪندر سان کيس امڙ جي لاڏاڻي تي تعزيت ڪئي ۽ مرحومه جي مغفرت لاءِ دعا ڪئي. وڏي وزير سيد مراد علي شاهه، قومي ۽ صوبائي اسيمبلي جا ميمبر به ان سان گڏ هئا. ان موقعي تي ميڊيا سان ڳالهائيندي چيئرمين بلاول ڀٽو چيو ته اڄ اسان هتي ايم پي اي ملڪ اسد سڪندر سان کيس امڙ جي لاڏاڻي تي تعزيت ڪرڻ آيا آهيون. هن چيو ته اسان سمجهون ٿا ته پاڪستان پيپلز پارٽي نه فقط هڪ سياسي جماعت آهي پر اها هڪ خاندان جيان آهي. اسان پارٽي جا سمورا ڪارڪن ۽ اميدوار سڀ هڪ خاندان جيان آهيون ۽ هڪ ٻئي جي خوشي ۽ ڏک ۾ شريڪ ٿيندا رهندا آهيون. پاڪستان پيپلز پارٽي هر دور ڏٺو آهي پهرين به اسان سڀني گڏجي آمريڪيت، انتهاپسندي ۽ دهشتگردي جو مقابلو ڪيو آهي. موجوده حڪومت ملڪ جي عوام تي جيڪو ظلم ڪري رهي آهي ۽ اسان جي صوبي جو معاشي قتل ڪري رهيا آهن ۽ نوان نوان جمهوري طريقا اپنائي رهي آهي ۽ جمهوريت تي حملا ڪري رهي آهي جنهن جو اسان سڀ گڏجي مقابلو ڪنداسين. ڪشمير مان ڪرفيو جي خاتمي تي وفاقي حڪومت جي نااهلي بابت پڇيل سوال تي چيئرمين بلاول ڀٽو زرداري چيو ته آئون وزيراعظم پاڪستان جي تقرير ٻڌي نه آهي، پر وزير خارجه شاهه محمود قريشي جي بيان تي نظر وڌي ته خبر پئي ته اسان جي ملڪ جو وزير خارجه چوي ٿو ته جمون ۽ ڪشمير انڊين صوبو يا رياست آهي. هن پنهنجي نانا شهيد ذوالفقار علي ڀٽو جي لفظن کي ورجائيندي ميڊيا کي ٻڌايو ته اوهان کي ياد هوندو ته هڪ ڀيرو اڳواڻي وزيراعظم شهيد ذوالفقار علي ڀٽو عوامي تقرير ڪندي چيو هو ته ”آئون ننڊ ۾ به ڪشمير بابت غلطي نه ٿو ڪري سگهان“ اوهان ڏسي رهيا هوندا ته جڏهن کان هي نالائق ۽ نااهل سليڪٽڊ نمائندا آيا آهن انهن کان غلطي تي غلطي ٿي رهي آهي، اسان سڀ ڪجهه برداشت ڪري سگهون ٿا جيڪو اسان جي ڪٺ پتلي سليڪٽڊ حڪومت اسان جي معيشت سان ڪيو آهي ۽ وڌيڪ ڪري رهي آهي شايد اهو اسان برداشت به ڪري وڃون پر ڪشمير ڪاز تي ڪوبه پاڪستاني اهڙي طرح جي ڪوتاهي برداشت ڪرڻ لاءِ تيار نه آهي. نه اسان ڪنهن قسم جو ڪشمير ڪاز تي سوديبازي کي قبول ڪرڻ لاءِ تيار آهيون. پاڪستان پيپلز پارٽي جي پاليسي واضح رهي آهي. هي سليڪٽڊ حڪومتون اچي ويهاريون وڃن ٿيون جنهن ۾ نه اهليت آهي نه صلاحيت آهي اها ڇا معيشت کي سنڀالي سگهندي. ڪشمير ڪاز يا وري جيڪو به اسان جو نيشنلسٽ آهي اهي به سنڀالي نه ٿا سگهن. انهن ۾ قيادت جي جو معيار نه آهي ته اها ڪاميابي نه ملي سگهي اها هڪ مايوسي جهڙي ڳالهه آهي هڪ تاريخي حملو ٿيو آهي ۽ سڄو جو سڄو ڪشمير جيل ۾ تبديل ٿي ويو آهي. پر اڄ تائين اسان جي ملڪ جي وزيراعظم هڪ دورو به نه ڪيو آهي ڪشميرين جو آواز بڻجڻ جي ڪوشش ئي نه ڪئي. ابتڙ هڪ فرائڊي تي اوهان پنهنجي ملڪ ۾ بيهي ڇا پيغام ڏئي رهيا آهيو؟ جيڪڏهن اسان حڪومت ۾ هجون ها جيڪڏهن ڪابه چونڊيل حڪومت هجي ها ته ان جي ملڪ جو وزيراعظم نه فقط پنهنجو وزيراعظم هجي ها پر ڪشميرين جو وزيراعظم به هجي ها ۽ انهن جو سفير به بڻجي ها. اهو هر جاءِ وڃي ها ڪشميرين جو پيغام کڻي وڃي ها پر اسان جو وزيراعظم نااهل آهي ، بدقسمتي اها آهي ته عوام ان جي نااهلي جو بار کڻي رهي آهي. هڪ ٻئي سوال جي جواب ۾ چيئرمين بلاول ڀٽو چيو ته وزيراعظم جي پروگرام بابت چاڻ نه آهي پر اهو جيڪو به اعلان ڪندو آهي ان تي يوٽرن وٺي ڇڏيندو آهي. اسان ڪجهه چئي نٿا سگهون ته ڪراچي ايندو يا نه ايندو. وزيراعظم سميت کيس سڄي ٽيم فقط فوٽو سيشن ۽ تماشي ڪرڻ ۾ رڌل آهي. گرين ڪراچي مهم برساتن کان اڳ شروع ٿي هئي ان ۾ انهن هڪ جاءِ کان اسان جو ڪچرو کڻي ٻي جاءِ تي رکي ڇڏيو، جنهن جو نقصان برساتن ۾ اسان جي شهرين کي ڀڳڻو پيو. چيئرمين صاحب وڌيڪ چيو ته سنڌ حڪومت وٽ هڪ به صفائي وارو ملازم نه آهي. سنڌ حڪومت لوڪل باڊيز انفراسڪچر ادا ڪرڻا پوندا آهن ڀلي اهو هتي ٽنڊو محمد خان ۾ هجي يا ڪراچي ۾ هجي. پاڪستان پيپلز پارٽي پهرين کان چوندي آئي آهي ته اسان جي صوبي جو جيڪو حصو آهي جيڪو اين ايف سي اسان کي ارڙهين ترميم موجب ملڻو آهي اهو نه پيو ملي جنهن جو نقصان سڄي صوبي کي ٿي رهيو آهي جنهن جو نقصان هر سنڌ جي هر شهر کي ٿي رهيو آهي جنهن جو نقصان لاڙڪاڻي کان وٺي ڪراچي تائين ٿي رهيو آهي. اسان وٽ ريسورسز نه آهن. وسائل نه هجڻ ڪارڻ اسان جي سنڌ حڪومت زوري ڏئي رهي آهي ۽ محنت ڪري رهي آهي ۽ مختلف طريقا اپنائي رهي آهي ته جيئن عوام جا مسئلا حل ڪري سگهجن ۽ انشاء الله پاڪستان پيپلز پارٽي ئي عوام جا مسئلا حل ڪري سگهي ٿي ۽ ڪندي رهندي. هڪ ٻئي سوال جي جواب ۾ بلاول ڀٽو صاحب چيو ته حڪومت جو سڄو دٻاءُ آهي اپوزيشن جماعتن تي . اهي سمجهن ٿا ته اسان جي قيادت کي جيل ۾ وجهي اسان جي ميمبرن  مٿان  مقدما بڻائي بليڪ ميل ڪري سگهجي ٿو پر مون پهرين ڏينهن ڳڙهي خدا بخش ۾ بيهي چيو هو ته ”جيڪو ڪرڻو آهي اوهان ڪريو جنهن کي به جيل ۾ وجهڻو آهي وجهو، پاڪستان پيپلز پارٽي هڪ نظرياتي ااصولن تي هلندڙ پارٽي آهي. اسان پنهنجو موقف ڀلي اهو 18هين ترميم هجي يا اهو رولز اينڊ لاءَ تي هجي اهو اسان نه بدلينداسين ۽ ظلم برداشت ڪرڻ لاءِ تيار آهيون.“  هن چيو ته مولانا فضل الرحمان جو اسلام آباد ۾ احتجاج  آهي، اسان سمجهون ٿا ته مولانا صاحب اهو فيصلو پاڻ ورتو آهي پهرين اعلان پاڻ ڪيو هئانين. جيتري قدر پيپلز پارٽي جو سوال آهي ته اسان جو واضح پاليسي رهي آهي. ان بابت اسلام آباد ۾ ڌرڻو هجي اهو طاهر القادري جو هجي يا وري عمران خان جو هجي يا وري تحريل لبيڪ جو ڌرڻو هجي اسان اپوزيشن ۾ رهياسين انهن ۾ اسان پاڻ شريڪ نه ٿياسين. هن چيو ته مولانا فضل ارلحمان جي سياست ۽ کيس جيڪي مسئلا آهن انهن جو اسان مورال ۽ سياسي سپورٽ ڪنداسين. هن چيو ته مولانا صاحب اسلام آباد وڃي رهيو آهي ته اسان به ان جي مورال سپورٽ ڪنداسين ۽ جيڪو منهنجو عوامي رابطو جيڪو سڄي ملڪ ۾ هوندو اسان ٻنهي جو هڪ ئي بيانيو هوندو ۽ هڪ ئي موقف هوندو ته ڪٺ پتلي يا نااهل وزيراعظم جيڪو ڌاندلي ذريعي هن ملڪ تي مڙهيو ويو آهي جنهن اسان جي ملڪ جي معيشت کي تباهه ڪيو آهي ان اسان جي ڪشمير کان وٺي سيڪيورٽي صورتحال کي ڏٻرو ڪيو. هي ملڪ جو عوام اهڙي وزيراعظم ۽ ڪٺ پتلي حڪومت کي برداشت نه ڪندي انهن کي گهر وڃڻو پوندو. ڪراچي جي مسئلي تي وفاق پاران هڪ ڪميٽي جوڙڻ واري سوال جي جواب ۾ بلاول ڀٽو زرداري چيو ته هي هڪ سلسلو هلندو اچي پيو ته وفاق اسان کي صوبي جي وسيلن کان محدود رکجي ٿو. اسان کي پورو حصو نه پيو ملي ۽ وري اسان جي غربت تي مذاق ڪيو پيو وڇي ۽ چون ٿا ته اوهين ايترا غريب ڇو آهيو؟ صوبي ۾ صحت، تعليم ۽ اسپتالن جي حالت خراب ڇو آهي؟ اسان کي پنهنجو حصو نه پيو ملي، سنڌ حڪومت پنهنجي وسيلن تي هر ڪوشش ڪندي رهندي چاهي اها پبلڪ پرائيويٽ پارٽنرشپ جي صورت ۾ هجي يا ٻيو طريقيڪار اپنايو وڃي اسان جو پنهنجو صوبو آهي جتي دل جي مريضن جو مفت ۾ علاج ٿئي ٿو اسان جي ڪوشش هلندڙ آهي اسان محدود وسيلن سان عوام جي خدمت ۽ مسئلا حل ڪنداسين. هن چيو ته حڪومت ڊراميبازي ڪري رهي آهي. ڪميٽي تي ڪميٽي ٺاهيندي پئي وڃي ۽ هي ڪميٽي ته غيرآئيني آهي . جي ڊي اي ۽ حڪومت جو ڪٺ پتلي اتحاد آهي جيڪو هميشه سنڌ کي ٽوڙڻ جي سوچ رکي ٿو جيڪو الائنس ٿيو آهي ايم ڪيو ايم ۽ پي ٽي آئي وچ ۾ جنهن جو هن اليڪشن تي جوائنٽ مينوفيسٽو هو ته اسان ڪراچي کي الڳ ڪنداسين . هي جيڪو انهن جو سلسلو هو اهو هڪ الڳ پهلو آهي ، اسان پهرين به انهن جو مقابلو ڪيو آهي ۽ هينئر به ڪنداسين ۽ هاڻي وقت اچي ويو آهي ته اسان کي پنهنجا آئيني حق ۽ وسيلا ڏجن ته جيئن اسان پنهنجي عوام جا مسئلا حل ڪري سگهون.

 

 

سازشن کان نٿا ڊڄون. ڪراچي ۾ سيوريج لائين ۾ مخالف ٻوريون وجهي گندگي پکيڙڻ چاهين ٿا: وڏو وزير

ڪراچي/حيدرآباد /سکر (نمائندن وٽان/اسٽاف رپورٽر) سنڌ جي وڏي وزير سيد مراد علي شاھھ اڄ سڄي صوبي ۾ عاشوري جي ڏھاڙي واري موقعي تي نڪرندڙ جلوسن جو دورو ڪيو. وڏي وزير سان گڏ صوبائي وزير سعيد غني بھ ھو. وڏي وزير سيد مراد علي شاھھ ڪراچي ۾ عاشوري جي ڏھاڙي جي جلوسن جو اڳواڻي ڪئي ۽ ان موقعي تي ھن ميڊيا سان ڳالھائيندي چيو تھ اڄ جي ڏينھن سڄي سنڌ ۾ سيڪيورٽي جا سخت انتظام ڪيا ويا آھن. مون ڪوشش ڪئي آھي تھ سڀئي سھولتون ڏنيون وڃن. ھن چيو تھ آئون منتظمين، انتظاميا جو ٿورائتو آھيان ھن گھڻي محنت ڪئي آھي. ھن چيو تھ ٻنھي سرحدن جي ڇڪتاڻ سبب خطرا آھن. ڪجھھ مخصوص خطرا بھ ھئا پر اسان فول پروف سيڪيورٽي جا بندوبست ڪيا آھن. وڏي وزير سيد مراد علي شاھھ سکر شھر، روھڙي، خيرپور، ڪوٽ ڏيجي، جيڪب آباد، شڪارپور، جيڪب آباد جي ماتمي جلوسن جي سيڪيورٽي جو جائزو ورتو. وڏي وزير مراد علي شاھھ سکر پھتو تھ ان سان گڏ صوبائي وزير سعيد غني ۽ اڪرام الله ڌاريجو به هو. وڏي وزير کي سکر ايئرپورٽ تي صوبائي وزير سيد ناصر حسين شاهه، ڪمشنر سکر اويس حيدر شاهه، ڊي آئي جي ۽ ضلعي انتظاميا جي آفيسرن ڀليڪار ڪيو. وڏي وزير مراد علي شاهه سکر ايئرپورٽ تان جلوس ڏانهن روانو ٿيو. وڏي وزير سيد مراد علي شاهه سٽي پوائنٽ، ملٽري روڊ ڪراس ڪندي شهر پهتو. وڏي وزير گهنٽا گهر ۾ جلوس جو معائنو ڪيو. هن گهنٽا گهر ۽ اي سيڪشن پوليس اسٽيشن جو به دورو ڪيو. وڏي وزير اي سيڪشن پوليس اسٽيشن تي بريفنگ ڏني وئي. وڏي وزير ٻڌايو ته سکر ۾ اٽڪل 44 ماتمي جلوس نڪتا جنهن مان 3 جلوس حساس قرار ڏنا ويا آهن. حساس جلوسن ۾ روهڙي، سکر سٽي ۽ پنوعاقل شامل آهن. ايوب گيٽ تي جڏهن جلوس پهتو ته 50 هزار کان وڌيڪ عزادار ٿي وڃن ٿا. اهو جلوس 10 وڳي تائين پنهنجي جاءِ تي پڄي ٿو وڃي. ان کانپوءِ شام غريبان جي مجلس ٿيندي آهي. روهڙي ۾ جلوس 8 تاريخ تي برآمد ٿئي ٿو. 10 محرم الحرام جي جلوس ۾ هڪ لک کان وڌيڪ عزادار هوندا آهن. خيرپور، جيڪب آباد ۽ شڪارپور جا جلوس به حساس آهن. ڄاڻايل شهرن وچ ۾ هم آهنگي سٺي ٿي وئي آهي. وڏي وزير اي سيڪشن پوليس اسٽيشن تي ميڊيا سان ڳالهائيندي چيو ته آئون اڄ هتي عاشوري جي ڏينهن ڪراچي جو دورو ڪري سکر پهتو آهيان. منهنجي دوري جو مقصد سيڪيورٽي جا انتظامن جو جائزو وٺڻ آهي. هن چيو ته آئون پوليس، رينجرز، آرمي، رضاڪارن جو ٿورائتو آهيان هن گڏجي بهترين سيڪيورٽي انتظام ڪيا آهن. هن چيو ته جيڪڏهن بلدياتي ادارن پاران ڪابه ڪوتاهي ٿي ته انهن خلاف ڪارروائي ڪئي ويندي. سنڌ پوليس ۾ پبلڪ سيفٽي ڪميشن ايندڙ 2 ڏينهن  ۾ عوام جي شڪايتون ٻڌندو. وڏي وزير چيو ته پاڪستان پيپلز پارٽي چيئرمين بلاول ڀٽو زرداري ۽ صدر آصف علي زرداري جي اڳواڻي ۾ متحد آهي. هن چيو ته ڏاهري صاحب پيپلز پارٽي جي خلاف ڪابه ڳالهه نه ڪئي آهي، مسئلن جي نشاندهي ڪئي آهي. هن چيو ته اسان سازشن کان نٿا ڊڄون. هن چيو ته ڪراچي ۾ سيوريج لائين ۾ مخالفن ٻوريون وجهي گندگي پکيڙڻ چاهين ٿا. اسان ان کي جلد گرفتار ڪنداسين. هن چيو ته ڪراچي ۾ جيڪي علائقا اسان جي ڪنٽرول هيٺ نه آهن اتي به جيڪڏهن گندگي ٿئي ٿي ته ماڻهو سنڌ حڪومت کي الزام ڏين ٿا. هن چيو ته ميئر ڪراچي وٽ اختيار آهن. هن چيو ته سي سي ٽي وي جو مسئلو سيف سٽي پراجيڪٽ تحت حل ڪنداسين. وڏي وزير چيو ته اسان ڪشمير جي عوام سان گڏ آهيون ان خلاف هندوستاني ظلم جي شديد لفظن ۾ مذمت ڪريون ٿا. وڏي وزير سيد مراد علي شاهه سکر جو دورو ڪرڻ کانپوءِ سکر ايئرپورٽ پهتو. وڏي وزير مراد علي شاهه سکر کان نوابشاه ويو. نواب شاهه جي جلوسن جو فضائي جائزو ورتو ان کانپوءِ وڏو وزير حيدرآباد پهتو. وڏي وزير سيد مراد علي شاهه عاشوري جي ڏينهن جو غير ۽ عافيت سان گذرڻ تي الله تعاليٰ جو شڪر ادا ڪيو. هن چيو ته سيڪيورٽي جي بهترين انتظامن تي پوليس، رينجرز ، آرمي ۽ انيٽيلي جنس ادارن جو ٿورائتو آهيان. هن چيو ته انتظام سٺا هجڻ تي ضلعي انتظاميا، بلديات کاتي ۽ ٻين لاڳاپيل ادارن جو به ٿورائتو آهيان. وڏي وزير سڄي صوبي ۾ جلوسن جي منتظمين جو به ٿورو مڃيو. هن چيو ته سڄي سنڌ ۾ صحت کاتي ۽ رضاڪارن جون خدمتون به سٺيون ۽ واکاڻ جوڳيون هيون. وڏي وزير ڪربلا ٿرٿلي سبب جاني نقصان تي ڏک ۽ افسوس جو اظهار ڪيو.  سنڌ جي وڏي وزير سيد مراد علي شاهه  چيو  آهي ته هو اڄ محرم الحرام  جي عاشوري  واري ڏهاڙي  تي سنڌ جي  مختلف شهرن ڪراچي ، سکر  مان انتظامن جو جائزو  وٺڻ کانپوءِ  حيدرآباد  ۾ عاشوري  جي حوالي سان سنڌ حڪومت پاران  جوڙيل سيڪيورٽي پلان  تي عملدرآمد، انتظامن جو جائزوٺڻ  ۽ عزادارن کي فراهم ٿيندڙ سهولتن  جواحوال  وٺڻ  لاءِ  هتي آيو آهي.  اهڙو اظهار هن اڄ حيدرآباد  جي  دادن  شاهه محلي  مان   برآمد ٿيندڙ ماتمي جلوس  جو جائزور وٺڻ کانپوءِ ميڊيا سان ڳالهائيندي  ڪيو  هن چيو ته  ملڪ جي  سرحدن  تي پيدا ٿيل صورتحال کي نظر ۾ رکندي سنڌ حڪومت پاران  ڪنهن قسم جي اڻوڻندڙ واقعي کان بچڻ لاءِ سڄي صوبي  ۾  عاشوري جي ڏهاڙي جي حوالي سان  جٽادار سيڪيورٽي جو بندو بست ڪيو ويو آهي   سنڌ جي وڏي وزير  سيد مراد علي شاهه  صوبي  جي مذهبي  عالمن  پاران  محرم الحرام دوران مڪمل  سهڪار ڪرڻ تي سندن شڪريو ادا ڪيو  ۽ چيو ته  الله پاڪ جي ڪرم هن مهل تائين ڪنهن به اڻوڻندڙ واقعو  پيش  نه آيو آهي جڏهن الله پاڪ کان  اميد آهي ته  سموري سنڌ ۾ عاشوري جو ڏهاڙو امن امان سان پنهنجي پڄاڻي تي پهچندو  هن چيو  ته  هو هتان کانپوءِ واپس ڪراچي پهچي  اتي مرڪزي ماتمي جلوس جي اختتامي  انتظامن جو جائزو  وٺندو  هڪ سوال تي هن چيو ته  هن سال عاشوري  جي  حوالي سان ڪافي خدشا هئا انهي لاءِ سيڪيورٽي جا جٽادار انتظام  ڪيا ويا آهن  هن چيو ته اسان   شهيد ڪربلا  حضرت امام حسين  جي قربانين جي ياد ۾ نڪتل جلوس  جي  حفاظت  لاءِ هر ممڪن اپاءُ اختيار ڪيا آهن  هن  صوبي ۾ قانون لاڳو ڪندڙ ادارن  سميت پوليس ۽ رينجرز جي ڪارڪردگي جي واکاڻ ڪندي چيو ته  اهي ادارا  صوبي ۾ امن امان جي استحڪام لاءِ  ڏينهن رات پاڻ پتوڙِي رهيا آهن  ماضي ۾  سنڌ پوليس ۽ رينجرز جي ڪيترن ئي جوانن  پنهنجي جانين جا نذرانه پيش ڪري صوبي  جي عوام کي تحفظ فراهم  ڪيو آهي  ۽ اسين ڪڏهن  به پوليس ۽ رينجرز جي جوانن جي  قربانين کي فراموش نٿا ڪري سگهون ان موقعي تي  وزير اطلاعات سعيد غني ، ايم پي ايز شرجيل ميمڻ ، ڄام خان شورو ، جبار خان ،اي آئي جي پوليس حيدر آباد ڊاڪٽر ولي الله دل،  ڪمشنر حيدرآباد محمد عباس بلوچ ، ڊ ي  آئي جي  حيدرآباد نعيم احمد شيخ ،ڊپٽي ڪمشنر حيدرآباد عائشه ابڙو، ايس ايس پي  عديل چانڊيو  پڻ ساڻس گڏ هو.

 

پوليس کي عام طور خبر هوندي آهي ته علائقي ۾ ڦُر ڪير ڪندو آهيۡ: سپريم ڪورٽ

اسلام آباد (ويب ڊيسڪ) چيف جسٽس آصف سعيد کوسا چيو آهي ته پوليس کي عام طور تي خبر هوندي آهي ته علائقي ۾ ڦُر ڪير ڪندو آهي. سپريم ڪورٽ ۾ قتل ۽ ڦُر جي 7 جوابدارن جي موت جي سزا خلاف اپيل تي ٻڌڻي ٿي. عدالت شاهد نه هجن ڪري ستن جوابدار کي بري ڪري ڇڏيو. چيف جسٽس آصف سعيد کوسه ريمارڪس ڏنا ته عام طور تي پوليس کي خبر هوندي آهي ته علائقي ۾ ڦُر ڪير ڪندو آهي، ڪڏهن ڪڏهن پوليس جي چوڻ تي به ڪيسن ۾ جوابدارن جا نالا شامل ڪيا ويندا آهن، شايد هن ڪيس ۾ به جوابدارن جي نالي ائين ئي شامل ڪيا ويا. عدالت فيصلي ۾ چيو ته پوسٽ مارٽم 14 ڪلاڪ دير سان ڪيو ويو ۽ ڪيس کي ثابت ڪرڻ لاءِ فريادي ٺوس شاهد پيش نه ڪيا. جوابدارن  ۾ امجد علي، محمد خالد، ظفر اقبال، عبدالقيوم، منظور عرف جوري، محمد طارق ۽ اڪرم عرف ڊاڪو شامل هئا. انهن تي قصور جي علائقي پڪا روڊ تي ڦُر ۽ قتل جو الزام هو. ان ڦُر دوران محمد شريف نالي شخص به قتل ٿيو هو.

 

نئين بلدياتي نظام تحت چونڊيل نمائندن کي بااختيار بڻايو آهي جيئن مسئلن جي حل ۾ ڏکيائي نه ٿئي: عمران خان

اسلام آباد (اين اين آءِ) وزيراعظم عمران خان چيو آهي ته پي ٽي آءِ پاران آندل مقامي حڪومتن جو نئون نظام اصل ۾ انقلاب آڻيندو مقامي حڪومتون قومي قيادت جون نرسريون ثابت ٿينديون تعلقي ۽ ميونسپل سطح تي سڌي چونڊ سان جتي عوام کي اهل ۽ ڪابل نمائندا چوندجڻ جا موقعا ملندا اتي سياسي جماعتون به مضبوط ٿينديون اربع تي وزيراعطم عمران خان جي صدارت هيٺ مقامي حڪومتن جي نئين نظام بابت اعليٰ سطحي اجلاس ٿيو جنهن ۾ پرويز خٽڪ، شاهه فرمان، محمود خان، اسد عمر، تيمور سليم جهگڙا شهرام خان ۽ سينيئر آفيسر شريڪ ٿيا اجلاس ۾ پي ٽي آءِ حڪومت پاران آندل مقامي حڪومتن جي نئين نظام تي عمل جي حوالي سان خيالن جي ڏي وٺ ڪئي ويئي اجلاس کي خطاب ڪندي وزيراعظم عمران خان چيو ته نئين نظام تحت مقامي طور تي چونڊيل نمائندن کي بااختيار بڻايو ويو آهي ته جيئن کين مقامي سطح جا مسئلا حل ڪرڻ ۽ پنهنجن علائقن جي ترقي ۾ ڪنهن قسم جي ڏکيائي نه ٿئي هن چيو ته مقامي حڪومتون قومي قيادت جون نرسريون ثابت ٿينديون وزيراعظم چيو ته ماضي جي ڀيٽ ۾ نئين نظام تحت ترقياتي فنڊن جي مقامي سطح تي منتقلي سان نه رڳو عوام جا بنيادي مسئلا حل ٿيندا پر فنڊ بهتر نموني سان ۽ جائز طريقي سان استعمال ٿيندا.

 

گذريل 4 کان 5 مهينن ۾ هدفن کي حاصل ڪيو آهي ، پاڪستان ايف اي ٽي ايف ايڪشن پلان تي پنهنجو جواب جمع ڪرائي ڇڏيو

بينڪاڪ (ويب ڊيسڪ) پاڪستان فنانشل ايڪشن ٽاسڪ فورس (ايف اي ٽي ايف) جي ايڪشن پلان تي عمل بابت پنهنجو جواب جمع ڪرائي ڇڏيو. ايف اي ٽي ايف ۽ پاڪستان وچ ۾ ايڪشن پلان تي عمل بابت ڳالهيون بينڪاڪ ۾ ٿيون جنهن ۾ پاڪستاني ٽيم جي اڳواڻي وفاقي وزير حماد اظهر ڪئي. وفاقي وزير حماد اظهر ٻڌايو ته ايف اي ٽي ايف جي ٽيڪنيڪل ٽيم سان ڳالهه ٻولهه ڪئي ۽ ٽيڪنيڪي سطح تي هر چئن مهينن جي اڳڀرائي تي اختيارين کي بريف ڪيو ويو، پاڪستان گذريل 4 کان 5 مهينن ۾ هدفن کي حاصل ڪيو آهي، ايف اي ٽي ايف اختيارين کي ڏنل بريفنگ اڳ کان اثرائتي رهي. حماد اظهر چيو ته ايف اي ٽي ايف جو ٽيڪنيل وفد پاڪستان جي بريفنگ تي رپورٽ ٺاهيندو، جيڪا ايندڙ مهيني ايف اي ٽي ايف جي ميمبر ملڪن کي پيش ڪئي ويندي، جنهن جي روشني ۾ پاڪستان جي اسٽيٽس جو فيصلو ڪيو ويندو. هي به ڏسي سگھو ٿا: آمريڪا ٽي ٽي پي سربراهه سوڌو 13 ڄڻن کي عالمي دهشتگرد قرار… ناڻي واري وزارت جي ذريعن موجب انهن ڳالهين جي نتيجي ۾ پاڪستان جو نالو گري لسٽ مان ڪڍي بليڪ لسٽ ۾ شامل ڪرڻ جو فيصلو ٿيندو.

 

انساني حقن جي ڪميشن کي والاريل ڪشمير جي عوام لاءِ ڪردار ادا ڪرڻو پوندو: شاهه محمود قريشي

جنيوا (ويب ڊيسڪ) پرڏيهي وزير شاهه محمود قريشي يو اين جي انساني حقن جي ڪمشنر ميشل بيشليٽ سان ملاقات ۾ کيس والاريل ڪشمير ۾ جاري انساني حقن جي ڀڃڪڙين کان آگاهه ڪيو ۽ چيو ته انساني حقن جي ڪميشن کي والاريل ڪشمير جي عوام لاءِ ڪردار ادا ڪرڻو پوندو. شاهه محمود قريشي گڏيل قومن جي انساني حقن جي ڪمشنر ميشل بيشليٽ سان ملاقات ڪئي، ان موقعي تي شاه محمود  والاريل ڪشمير ۾ انساني حقن جي ڀڃڪڙين کان آگاهه ڪيو. هن چيو ته والاريل ڪشمير ۾ هڪ طرفا قدم گڏيل قومن جي ٺهرائن جي ڀڃڪڙي  آهن، ڀارت والاريل ڪشمير ۾ 6 هزار معصوم شهرين کي گرفتار ڪيو، ماڻهو ڪرفيو لاڳو هجڻ سبب دوائن، کائڻ پيئڻ جي شين کان محروم آهن.  پرڏيهي وزير چيو ته انساني حقن جي ڪميشن کي والاريل ڪشمير جي عوام لاءِ ڪردار ادا ڪرڻو پوندو. هوڏانهن والاريل ڪشمير جي معاملي تي پاڪستان کي وڏي سفارتي ڪاميابي حاصل ٿي، گڏيل قومن جي انساني حقن جي ڪائونسل جي گڏيل پڌرائي ۾ 58 ملڪن حمايت ڪري ڇڏي. ھي به ڏسي سگھو ٿا: وزيراعظم پاران ڪشميرين سان يڪجهتي لاءِ جلسي جو اعلان شاهه محمود قريشي جو چوڻ هو ته 58 ملڪن ڀارت آڏو پنج مطالبا رکيا آهن، ڪشميرين کان آزادي نه کسي وڃي، گرفتار اڳواڻن کي آزاد ڪيو وڃي، عالمي ميڊيا ۽ انساني حقن جي تنظيمن کي ڪشمير ۾ پهچ ڏني وڃي. حريت اڳواڻن کي آزاد ڪيو وڃي. ڪرفيو  ختم ڪيو وڃي ۽ انساني حقن جي ڪمشنر جي سفارشن تي عمل ڪيو وڃي.

 

پروڊڪشن آرڊر باوجود فريال ٽالپر کي اسيمبلي ۾ اچڻ جي اجازت نه ملڻ خلاف پنجاب جي وزيراعلي هائوس وڃي اڳيان ڌرڻي جو چتاءَ

ڪراچي(اسٽاف رپورٽر) اطلاعات ۽ پورهئي واري کاتي جي صوبائي وزير سعيد غني چيو آهي ته ايم ڪيو ايم 30 سال جي سياست ۾ ڪجهه ناهي سکي هو هيمشه استعمال ٿيندا رهيا آهن ۽ اڄ به ٿي رهيا آهن اها ڳالهه هن اڄ صوبائي وزير شهلا رضا، اسپيشل اسسٽنٽ وقار مهندي ۽ راشد رباني سان گڏ پريس ڪانفرنس سان خطاب ڪندي ڪئي. سعيد غني چيو ته 13 تاريخ تي سنڌ اسيمبلي جو اجلاس آهي پروڊڪشن آرڊر جاري ٿيڻ باوجود فريال ٽالپر کي اجلاس ۾ نه آندو ويو ته ڪابينا جي ڪجهه ميمبرن سان هو لاهور ويندو ۽ سي ايم هائوس وڃي انهن کي ياد ڪرائينداسين ته اهي قانون جي پاسداري ڪن هن چيو ته فريال ٽالپر مجرم ناهي هن چيو ته اسان دهشتگرد ناهيون سياسي ماڻهو آهيون ۽ پر امن احتجاج تي يقين رکندا آهيون اگر اهي اسان کي ڏنڊا هڻندا ته اسان ان لاءِ به تيار آهيون پر اسان قانون ۽ آئين جي دائري ۾ رهي احتجاج جاري رکنداسين. صوبائي وزير چيو ته خان صاحب ملڪي معيشيت کي تباهه ڪري ڇڏيو آهي اقتدار جي خواهش پي ٽي آئي ۽ ايم ڪيو ايم جي دل ۾ تڙپي رهي هوندي. پر خواهش آئين ۽ قانون کان وڌي ڪري ناهن صوبائي وزير چيو ته هڪ ٻن ڏينهن ۾ ڪراچي جي مسئلن جي حل لاءِ هڪ ڪميٽي جوڙڻ جي ڳالهه ڪئي پئي وڃي ان کان پهريون ڪراچي ٽرانسفارم ڪميٽي جوڙي وئي ۽ 200 ارب رپئي جا منصوبا وزيراعظم جي علم ۾ آندا ويا ان 200 ارب جي منصوبن کي ڏسندي وزيراعظم 162 ارب جي پيڪيج جو اعلان ڪيو هو جيڪو صرف اعلان ثابت ٿيو هن چيو ته ڪجهه نه ڪيو صرف ڪراچي جا 162 ارب رپيا ڏيو جڏهن ته ان جي برعڪس بجيٽ ۾ 12 ارب رکيا ويا آهن جنهن مان ٽي ارب رپيا ملندا صوبائي وزير چيو ته گورنر جو چوڻ آهي ته ان ڪميٽي جو مقصد هڪ اٿارٽي جو قيام آهي جڏهن ته قانون واري وفاقي وزير جو چوڻ آهي ته ان ۾ ٽرانسپورٽ سميت سمورن مسئلن تي ڳالهه ٻولهه ڪئي ويندي صوبائي وزير وڌيڪ چيو ته ميئر ڪراچي به ان ڪميٽي جو رڪن بڻيو پر هو مطمئن نه هو ان لاءِ هن ان تي سخت تنقيد ڪئي سعيد غني چيو ته روشني جو شهر ڪراچي مهم شروع ڪئي وئي ۽ 300 آر او پلانٽس لڳائن جو اعلان ڪيو ويو اهو دعوو به ڪي پي ڪي منصوبن وانگر هڪ دوکو ثابت ٿيو سعيد غني چيو ته بلدياتي نظام ۾ ترميم وفاقي حڪومت جو ڪم ناهي اگر ايئن ڪرڻ جي ڪوشش ڪئي وئي ته اسان مذمت ڪنداسين صوبائي وزير چيو ته علي زيدي واري ڪراچي ڪلين مهم جا نتيجا اڃا تائين ڀڳتي رهيا آهيون جنهن ۾ ڏيڍ لک ٽن ڪچرو کڻڻ جي دعوا ڪئي وئي هئي جنهن ۾ صرف 13 هزار ٽن لينڊ فل سائيٽ تائين پهچايو ويو سعيد غني چيو ته وزيراعظم مسئلا حل ڪرڻ ۾ سنجيده آهي ته ڪلين ڪراچي مهم جي حقيقت معلوم ڪري شايد علي زيدي کي وزارت کان هٽائي ڇڏي صوبائي وزير چيو ته آرٽيڪل 148 جو ذڪر مناسب ناهي جيڪڏهن مارشل لاءَ لاڳو ڪيو ويو ته ڪجهه به ٿي سگهي ٿو سعيد غني چيو ته اسولي طور تي گهوڙو گاڏي کان اڳتي هوندو آهي پر ايم ڪيو ايم پي ٽي آئي هٿان استعمال ٿي رهي آهي اطلاعات واري صوبائي وزير چيوته سنڌ لاءِ جيترو ڪم ڪيو آهي ان جي نتيجي ۾ پيپلزپارٽي اڄ جيتريون سيٽون کٽيون اهن اهي پهرين ايتريون ڪڏهن به نه هيون هڪ سوال جي جواب ۾ هن چيو ته اسان شهري ۽ ڳوٺاڻي فرق کي ختم ڪرڻ لاءِ اسان مفاهمت جو رستو اختيار ڪيو ۽ نائين زيرو وياسين پر شايد اهو فيصلو غلط هو. اطلاعات ۽ محنت واري صوبائي وزير چيو ته محرم کانپوءِ وزيراعليٰ صفائي جو ڪم جاري رکڻ لاءِ چيو آهي اصل ڳالهه اها آهي ته ڪي ايم سي ۽ ڊي ايم سي سميت ڪونسلز جا سربراهه موجود آهن ته اسان انهن جي ڪمن ۾ مداخلت ڪرڻ جي ڪوشش ناهي ڪئي اسان اهو چاهيون ٿا ته اهي پنهنجا معاملا صحيح رخ ۾ ڪن صوبائي وزير چيو ته جيستائين ميئر پنهنجا ارادا ٺيڪ نه ڪندو اسان ڪجهه نٿا ڪري سگهون. صوبائي وزير چيو ته چونڊن جو فيصلو ڪرڻ انهن جو نه پر انهن جي ليڊر شپ جو فيصلو آهي جيڪڏهن قيادت فيصلو ڪيو ته نئين چونڊن تي به ڳالهه ڪري سگهجي ٿي سعيد غني چيو ته هو خودمختيار ۽ با اختيار بلدياتي نظام جو حامي آهي ماضي ۾ ان ڏس ۾ هڪ تجربو ٿي چڪو آهي جنهن جا تباهه ڪن اثر اڄ به موجود آهن اطلاعات واري وزير چيو ته اسان سيلز ٽيڪس تي جيڪا ڪارڪردگي ڏکاري اها سڀني جي سامهون آهي ۽ اسان اهو مطالبو به ڪريون ٿا ته شين تي سيلز ٽيڪس جي وصولي جو اختيار به صوبي کي ڏنو وڃي اهڙي ريت جيڪڏهن لوڪل گورنمينٽ ۽ ميئر به ڪارڪردگي ڏيکاري ته ٽيڪس وصولي جو اختيار ان کي ڏئي سگهجي ٿو. اطلاعات واري صوبائي وزير سعيد غني چيو ته چيئرمين بلاول ڀٽو جي عوامي رابطا مهم جاري آهي ۽ جاري رهندي مولانا فضل الرحمن جي تحريڪ جو فيصلو ان جو ذاتي آهي جيڪڏهن اپوزيشن گڏيل فصلو ڪيو ته ان ڳالهه تي اسان جي قيادت فيصلو ڪندي صوبائي وزير چيو ته ڪراچي جي مسئلن تي اسان سڀني کان وڌيڪ ڪم ڪري رهيا آهيون ۽ ڪراچي جي 100 ارب کان وڌيڪ خرچ ڪري چڪا آهيون سالڊ ويسٽ مئنيجمينٽ بڻايو ويو اسان ڪميٽيون بڻايون آهن ڪوبه شور ناهي ڪيو هن وقت به سنڌ اسيمبلي جي ڪميٽيز ۾ اپوزيشن جي نمائندگي لاءِ 14 سيٽون خالي رکيون آهن پر انهن پاڻ بائيڪاٽ ڪري رکيو آهي.

 

يوم عاشور مذهبي عقيدت ۽ احترام سان ملهايو ويو، سڄي ملڪ ۾ ذوالجناح ۽ تعزيي جا جلوس برآمد ٿيا

ڪراچي (اين اين آءِ) حضرت امام حسين ۽ ان جي ساٿين جي اسلام جي سربلندي ۽ حق ۽ صداقت لاءِڪربلا جي ميدان ۾ ڏنل عظيم قرباني جي ياد ۾ يوم عاشور مذهبي احترام سان ملهايو ويو ملڪ جي سمورن ننڍن وڏن شهرن ڳوٺن ۾ ذوالجناح ۽ تعزيي جا جلوس برامد ٿيا مرڪزي امام بارگاهن تان برآمد ٿيل ذوالجناح ۽ تعزيي جا جلوس پنهنجي روايتي رستن تان ٿيندي 10 محرم تي پنهنجي منزل تي پهچي نهر ٿيا جنهن کان پوءِ شام غريبان برپا ڪئي ويئي. وفاقي ۽ صوبائي حڪومتن پاران سيڪيورٽي جا فول پروف انتظام ڪيا ويا ماتمي جلوسن جي روٽس ۽ ڀرپاسي ۾ موبائيل فون سروس جلوسن جي پڄاڻي تائين بند رهي سڄي ملڪ ۾ امن امان قائم رکڻ لاءِ پوليس سان گڏ پاڪ فوج، رينجرز ۽ ايف سي جا جٿا به حفاظتي ڊيوٽِن تي مقرر رهيا لاهور ڪراچي پشاور سميت ملڪ جي ننڍن وڏن شهرن ۾ 10 محرم تي به ٻيلهه سواري تي مڪمل پابندي لڳل رهي مرڪزي جلوسن ۾ شامل ٿيندڙ عذادارن کي تلاشي کان پوءِ وڃڻ جي اجازت ڏني ويئي يوم عاشور جي موقعي تي ڪنهن به اڻوڻندڙ واقعي کي منهن ڏيڻ لاءِ امام بارگاهن، مسجدن، عبادتگاهن ۽ مزارن جي سيڪيورٽي به سخت ڪئي ويئي جڏهن ته ڪنهن به اڻوڻندڙ واقعي کي منهن ڏيڻ لاءِ سمورن سرڪاري اسپتالن ۾ ايمرجنسي لاڳو رهي ڪراچي سميت سڄي سنڌ ۾ 10 محرم الحرام جي سلسلي ۾ جلوس ڪڍيا ويا جن جي سيڪيورٽي لاءِ سخت انتظام ڪيا ويا هئا ڪراچي ۾ يوم عاسور جو مرڪزي ماتمي جلوس نشتر پارڪ کان برامد ٿيو جيڪو حسينيه ايرانيا امام بارگاهه پهچي نهر ٿيو جلوس جي انتظامن جو جائزو وٺڻ لاءِ سنڌ جو وڏو وزير سيد مرادعلي شآهه صوبائي وزير سعيد غني سان پريڊي اسٽريٽ لائين پهتو ۽ جلوس جي قيادت به ڪئي جنهن کان پوءِ سنڌ جو وڏو وزير سکر روانو ٿيو هن سکر روهڙي، خيرپور، ڪوٽڏيجي، شڪارپور، جيڪب آباد جي ماتمي جلوسن جي سيڪيورٽي جو به جائزو ورتو.

 

سيوهڻ شريف لڳ ڪارنهن الزام هيٺ ڀاءُ هٿان ڀيڻ قتل، جوابدار گرفتار، ڏوهه جو اعتراف

سيوهڻ شريف (رپورٽر) سيوهڻ شريف جي ڀان سيدآباد واري علائقي ۾ ڪاروڪاري واري روايت برقرار، هڪ ٻي حوا ڄائي ڀاءُ هٿان ڪارنهن الزام هيٺ قتل، جوابدار علي گوهر روڌناڻي پنهنجي شادي شده ننڍي ڀيڻ 25 سالا مسمات آمنه کي سينه تي پستول سان فائر ڪري قتل ڪيو: پوليس واقعي واري جاءِ تي پهچي جوابدار ۽ پستول کي تحويل  ۾ وٺي ڇڏيو، لاش جي پوسٽ لاء سيوهڻ اسپتال منتقل ڪيو ويو: قتل جو ڪيس پوليس اسٽيشن ڀان ڪيو ويو: تفصيل موجب سيوهڻ ڀرسان پوليس اسٽيشن ڀان سيد آباد جي ڀرسان ڳوٺ ابراهيم شاهه ۾ جوابدار علي گوهر روڌناڻي پنهنجي 25 سالا شادي شاده ڀيڻ مسمات آمنه کي پسٽل جا فائر ڪري ڪارنهن جي روايتي الزام هيٺ قتل ڪري ڇڏيو، مقتول عورت جي ٻئي ڀاءَ شوڪت روڌناڻي ڀان پوليس کي اطلاع ڪيو جنهن تي ڀان سيدآباد پوليس موقعي تي پهچي لاش سيوهڻ اسپتال منتقل ڪيو ۽ جوابدار کي پسٽل سميت حراست ۾ وٺي قتل جو ڪيس ڀان سيدآباد ٿاڻي تي قلم 302 ۽ 311 تحت داخل ڪري جوابدار کي لاڪپ ڪري ڇڏيو آهي. ايس ايڇ او ڀان سيدآباد محمد اشرف شاهاڻي ٻڌايو ته مقتوله جي ڀاءَ کيس سيوهڻ جي رهواسي سان تعلق رکڻ واري شڪ جي بنياد تي جذباتي ٿي ڪري پسٽل جو منهن پنهنجي سڳي ڀيڻ جي ڇاتيءَ تي کولي سڌو فائر ڪري ڏوهه ڪيو آهي جنهن جي جوابدار پاڻ قبولدار ڪئي ۽ سرڪار پاران فرياد داخل ڪري ڇڏيو آهي.