تازيون خبرون
عمران خان جي سعودي ولي عهد سان ملاقات، تيل ٺڪاڻن تي حملي جي مذمت، ڪشمير صورتحال تي ڳالهيون - پنڊي جو موسم تبديل ٿي رهيو آهي، حڪران ڀلي شوق پورا ڪن: آصف علي زرداري - ميڊيا کي ذميوار ڪردار ادا ڪندي ڏسڻ چاهيون ٿا، ڪو به قانون زبردستي مڙهيو نه ويندو: فردوس عاشق - بلديا فيڪٽري سانحو: مالڪن مرڪزي جوابدارن رحمان ڀولا ۽ زبير چريا کي سڃاڻي ورتو آهي جڏهن ته ڇرڪائيندڙ انڪشاف به ڪيا آهن. - تحقيق ۽ تجربن سان ئي علم جي ميدان ۾ ترقي ڪري سگهجي ٿي: صدر عارف علوي - مدرسا اسڪول سميت تعليمي ادارن ۾ جديد ٽيڪنالاجي نه هوندي ته اسان گهڻو پوئتي رهجي وينداسين: چيف جسٽس - ڪتي جي ڏاڙهڻ سان ٻارڙي جي موت تي ڏک جو اظهار، فوتي ٻارڙي تي سياسي ڪئپنگ ڪئي ويئي: بلاول ڀٽو زرداري - سي پي اين اي پاران سڀني ڌرين سان گڏجي ميڊيا ٽربيونلن خلاف جدوجهد جو اعلان - حڪمرانن جي اشرافيا ۾ واحد سياستدان آهن جو هڪ ٻئي جي دشمني ۾ سبقت وٺڻ جي ڪوشش ڪندا آهن: خواجه آصف - ٿر جي معصوم ٻارڙن تي موت جو رقص،مٺي سول اسپتال ۾ وڌيڪ 4 ٻارڙا فوت

Daily Archives: September 7, 2019

يوم دفاع ڪشمير سان يڪجهتي طور ملهايو ويو، دشمن کي ڀرپور رد عمل لاءِ تيار آهيون: صدر/وزير اعظم

اسلام آباد (ويب ڊيسڪ)6 سيپٽمبر جو ڏينهن سڄي ملڪ ۾ يوم دفاع پاڪستان ۽ ڪشمير سان يڪجهتي طور ملهايو ويو، مرڪزي تقريب جي ايڇ ڪيو ۾ ٿي. وزيراعظم عمران خان يوم دفاع تي سڄي ملڪ ۾ ڪشمير سان يڪجهتي ڏهاڙو ملهائڻ جي هدايت ڪئي هئي جنهن کان پوءِ سرڪاري ادارن ۽ صوبائي راڄڌانين ۾ يوم دفاع ۽ ڪشيمر بابت مختلف تقريبون منعقد ٿي رهيون آهن. مزار اقبال تي گارڊز جي تبديلي جي تقريب ٿي، پاڪستان  پنجاب رينجرز جي دستن سلامي ڏني ۽  گارڊز جي ذميواري سنڀالي، مياني صاحب قبرستان ۾ ميجر شبير شريف شهيد جي قبر تي گل ڇٽريا ويا ۽ فاتحه خواني ٿي، جنهن کان پوءِ فوج جي جوانن سلامي ڏني. برڪي علائقي ۾ ميجر عزير ڀٽي شهيد، باٽاپور ۽ مناوان ۾ 1965ع جنگ ۾ حياتيون قربان ڪندڙ پاڪ فوج جي شهيدن جي يادگارن تي حڪومتي، فوجي شخصيتن ۽ عام شهرين طرفان گل ڇٽري چادرون ڇاڙهيون ويون ۽ فاتحه خواني ڪئي وئي. پاڪستان ايئرفورس جي انتظام هيٺ لاهور ائير بيس ۾ پاڪ فضائيا جي استعمال هيٺ جنگي جهازن ۽ ٻين سامان جي نمائش ٿي جڏهن ته ائيرفورس جي جديد جهازن فلاءِ مارچ به ڪيو.  اسلام آباد(ويب ڊيسڪ)وزير اعظم عمران خان يوم دفاع جي موقعي تي دشمن کي واضح پيغام ڏنو آهي ته اسان دشمنن کي ڀرپور رد عمل ڏيڻ لاءِ تيار آهيون. وزير اعظم عمران خان يوم دفاع جي موقعي تي پنهنجي پيغام ۾ چيو ته دنيا کي ٻڌائي ڇڏيو آهي ته پاڪستان جنگ نٿو چاهي پر پنهنجي سلامتي ۽ خودمختياري تي سمجهوتو به نه ڪندو. وزير اعظم چيو ته قوم دشمن جي ڪنهن به جارحيت جو جواب ۽ ڀرپور رد عمل ڏيڻ لاءِ تيار آهي. ٻئي پاسي ملڪ جي صدر ڊاڪٽر عارف علوي يوم دفاع جي موقعي تي پيغام ڏيندي چيو ته 6 سيپٽمبر تي سج اسان جي قومي ولولن جي ياد تازي ڪرڻ جي عهد جي تجديد آهي. ملڪ جي صدر چيو ته 54 سال پهرين اسان جي بهادر فوج سڄي قوم سان گڏجي دشمن جي عزمن کي ناڪام بڻائي ڇڏيو هو ڇو ته اسان جي بهادر هٿياربند فوج جدت سان گڏوگڏ حب الوطني جي جذبي سان ليس آهي. ملڪ جي صدر هٿياربند فوج جي خدمتن کي ساراهيندي چيو ته هٿياربند فوج ڪنهن به اندرين چيلينج ۽ ٻاهرين مهم جوئي کي ناڪام بڻائڻ جي صلاحيت رکي ٿي. ملڪ جي صدر جو ان موقعي تي ڪشميرين سان ٻڌي جو اظهار ڪندي چوڻ هو ته اڄ ان عهد جي تجديد ڪيون ٿا ته ڪشميرين کي انهن جو حق خوداراديت ڏياري ئي رهنداسين ڇو ته اسان پرامن قوم آهيون، امن جي قيام جي لاءِ سڀني کان وڌيڪ قربانيون ڏنيون آهن.

 

پاڪستان ڪشمير کي ڪڏهن به اڪيلو نه ڇڏيندو: آرمي چيف

راولپنڊي (ويب ڊيسڪ) آرمي چيف جنرل قمر جاويد باجوه چيو آهي ته پاڪستان ڪشمير کي ڪڏهن به اڪيلو نه ڇڏيندو. آرمي چيف جنرل قمر جاويد باجوه جي ايڇ ڪيو ۾ يوم دفاع جي تقريب ۾ خطاب ڪندي چيو ته پاڪستان ٺهڻ کان وٺي پاڪستان جي بقا جو سفر اسان جي شهيدن جي قربانين سان سجايل آهي، پاڪستان جي بنيادن ۾ شهيدن جو رت شامل آهي، جڏهن به ضرورت پئي ته وطن جي پٽن لبيڪ چيو، جيستائين اسان وٽ اهڙا والدين موجود آهن جيڪي وطن تي جان قربان ڪندڙ سپوت پيدا ڪن ٿا تيستائين پاڪستان کي ڪا به طاقت نقصان نٿي پهچائي سگھي. آرمي چيف پنهنجي خطاب ۾ ڪشمير ۾ جاري بربريت بابت چيو ته ڪشمير ۾ رياستي دهشتگردي عروج تي آهي، ڪشمير پاڪستان جي شهه رڳ آهي، پاڪستان ڪشمير کي ڪڏهن به حالتن جي رحم ۽ ڪرم تي اڪيلو نه ڇڏيندو جڏهن ته ڪشميرين تي ظلم اسان جي صبر جو امتحان آهي. ڪشمير جو مسئلو گڏيل قومن جي ٺهرائن موجب حل ٿيڻ گھرجي، ڪشمير ۾ انساني حقن جون ڀڃڪڙيون عالمي تنظيمن لاءِ ڳڻتيءَ جو وقت آهي.

 

ڪشميري عوام جو تحفظ ڪرڻ اسان جي قومي ذميواري آهي: بلاول زرداري

اسلام آباد (اين اين آءِ) پ پ پ چيئرمين بلاول ڀٽو زرداري هٿياربند فوج جي شهيدن کي خراج عقيدت ۽ انهن جي گهرڀاتين سان مڪمل ٻڌي جو اظهار ڪندي چيو ته اڄوڪو ڏينهن اسانجن سمورن شهيدن سان گڏوگڏ سپاهين ۽ سويلين جي قربانين کي ياد ڪرڻ جو ڏينهن آهي هڪ بيان ۾ هن چيو ته اڄوڪو ڏينهن جاگرافي، نظريي جمهوريت ۽ انساني حقن تي مصلحت جو شڪار ٿيڻ بنا دفاع ڪرڻ جو نئين سر عزم ڪرڻ جو به ڏينهن آهي هن چيو ته جاگرافي جو تحفظ ۽ نظريي جي حفاظت جو پاڻ ۾ گهاٽو تعلق آهي هن چيو ته شهيد ڀٽو به ملڪ جي ايٽمي پروگرام جو مضبوط بنياد رکڻ تي سلام پيش ڪيان ٿو جيڪو اڄ طاقتور حريفن جي خلاف دفاع جو عظيم مثال آهي هن چيوت ه شهيد محترمه بينظير ملڪ کي بيلسٽڪ ميزائيل پروگرام جو تحفو ڏنو جيڪو اڄ اهم ترين ڊليوري سسٽم آهي هن چيو ته اڄ اسان کي والاريل ڪشمير جي عوام کي به ياد رکڻو آهي هن چيو ته ڪشميري عوام جو تحفظ ڪرڻ اسان جي قومي ذميواري آهي.

 

ناروال ۾ بجري سان ڀريل ڊمپر رڪشا مٿان ڪلٽي، ڊرائيور سميت 8 ٻارڙا فوت

نارووال (ويب ڊيسڪ) نارووال جي تعلقي ظفر وال ۾ شڪر ڳڙهه روڊ تي خوفناڪ حادثو پيش آيو آهي بجري سان ڀريل ڊمپر رڪشا مٿان ڪلٽي ٿيڻ جي نتيجي ۾ رڪشا ڊرائيور ۽ 7 ٻارڙا فوت ٿي ويا. رڪشي ۾ مختلف اسڪولن جا ٻار سوار هئا جن مان 7 ٻارڙا فوت جڏهن ته 6 ٻارڙيون سخت زخمي ٿي پيون آهن، زخمي ٻارڙان کي اسپتال منتقل ڪيو ويو جتي هنن جي حالت خطري کان ٻاهر آهي. اطلاع تي 1122 ريسڪيو اهلڪارن ۽ مقامي پوليس واقعي واري هنڌ پهچي ڊمپر هيٺ آيل مڙهن ۽ زخمين کي ٻاهر ڪڍيو. ڊسٽرڪٽ ايمرجنسسسي آفيسر ريسڪيو 8 ڄڻن جي موت جي تصيق ڪندي ٻڌايو ته خانگي اسپتال ۾ 4 ۽ آر ايڇ سي ۾ 4 مڙهه موجود آهن، المناڪ حادثي تي نارووال شهر ۽ ڀرپاسي ۾ سوڳ ڇانئجي ويو آهي. پوليس موجب ڊمپر ڊرائيور روڊ جي رانگ سائيڊ تان وڃي رهيو هو ۽ حادثو غفلت سبب پيش آيو. مقامي ماڻهن جو چوڻ آهي ته گذريل 10 ورهين کان ظفر وال شڪر ڳڙهه روڊ زبون حاليءَ جو شڪار آهي ۽ جاءِ جاءِ روڊ کي کڏا پئجي ويا جيڪي حادثن جو سبب بڻجن ٿا.

 

ڪشميرين جي موقف جو دفاع پاڪستان جي دفاع کي مضبوط ڪرڻ جي برابر آهي: فردوس عاشق اعواڻ

اسلام آباد (اين اين آءِ) وزيراعطم جي سڌسماءِ جي خاص مددگار ڊاڪٽر فردوس عاشق اعواڻ چيو آهي ته شهيدن جي خاندانن جا جذبا ڏسڻ وٽان آهن اسان کي انهن تي فخر آهي جيستائين وطن لاءِ هي جذبا قائم آهن اسان جو ڪو به وار ونگو نٿو ڪري سگهي جمعي تي عاشق اعواڻ ليفٽيننٽ ارسلان عالم شهيد جي گهر پهتي ۽ شهيدن جي بلند درجن لاءِ دعا گهري ان موقعي تي ڳالهائيندي فردوس عاشق اعواڻ چيو ته اسان جي جوانن امن لاءِ قربانيون ڏنيون هن چيو ته اڄ شهيدن ۽ غازين کي خراج تحسين پيش ڪرڻ جو ڏينهن آهي پاڪستان ان وقت تائين مضبوط نٿو ٿي سگهي جيستائين ڪشمير آزاد نٿو ٿئي هن چيو ته ڪشميري هڪ مهيني کان وڌيڪ عرصي کان ڀارت جا قيدي بڻيل آهن هن چيو ته وزيراعظم ۽ پاڪستاني فوج دنيا کي پيغام ڏيئي رهيا آهن ته ڪسمير جي مسئلي جي حل سان ئي خطي ۾ امن ٿيندو هن چيو ته جيستائين ظلم جي ڪاري رات ختم نه ٿيندي پاڪستان جي حڪومت عوام ۽ فوج ڪشميرين سان گڏ آهي. فردوس عاشق اعواڻ چيو آهي ته دنيا لاءِ پيغام آهي ته ڪشمير جو مسئلو گڏيل قومن جي ٺهرائن ۽ ڄمون ۽ ڪشمير جي عوام جي امنگن مطابق حل ڪرڻ بنا ڏکڻ ايشيا ۾ جٽادار امن جو خواب پورو نٿو ٿي سگهي هڪ بيان ۾ خاص مددگار چيو ته يوم دفاع غيرتمند ۽ بهادر ڪشميرين سان ٻڌي جي اظهار طور ملهائينداسين هن چيو ته دنيا لاءِ به پيغام آهي ته ڪشمير جو مسئلو گڏيل قومن جي ٺهرائن ۽ ڄمون ۽ ڪشمير جي عوام جي امنگن مطابق حل ڪرڻ بنا ڏکڻ ايشيا ۾ جٽادار امن جو خواب پورو نٿو ٿي سگهي. ڪشميرين جي موقف جو دفاع پاڪستان جي دفاع کي مضبوط ڪرڻ جي برابر آهي هن چيو ته هي ڏينهن اسان کي سيپٽمبر واري جنگ جي انهن ڏينهن جي ياد ڏياري ٿو ته جڏهن پاڪستان جي فوج ۽ پوري قوم ڀارتي ظلم خلاف پنهنجي آزادي ۽ قومي وقار جو دفاع ڪيو هن چيو ته هن ڏينهن تي اسان جي بهادر فوج دشمن جا ناپاڪ ارادا مٽي ۾ ملائي ڇڏيا هئا هن چيو ته اسان پنهنجن غازين ۽ شهين کي خراج عقيدت پيش ڪيون ٿا جن جرئت ۽ بهادري جي بيمثال تاريخ لکي هن چيو ته شهيدن ۽ غازين جو ڏينهن آهي جن جي رت سان پنهنجي وطن ۾ آزادي، سلامتي ۽ اعتماد جو سج اڀري ٿو. هن چيو ته اسان جا شهيد قوم جو فخر آهن جن پاڻ کان وڏي دشمن کي ماري مڃائي ڀڄائي ڇڏيو.

 

 

اتر وزيرستان ۾ جنيد عباس شهيد شهادت ماڻي ۽ ناممڪن کي ممڪن ڪري ڏيکاريو: شاهه محمود قريشي

اسلام آباد (اين اين آءِ) پرڏيهي وزير مخدوم شاهه محمود قريشي چيو آهي ته اتر وزرستان ۾ جنيد عباس شهيد شهادت ماڻي ۽ ناممڪن کي ممڪن ڪري ڏيکاريو سموري قوم کي پنهنجي شهيدن ۽ غازين تي فخر آهي 1965 جي شهيدن کي سلام پيش ڪيان ٿو پرڏيهي وزير شاهه محمود قريشي ڪئپٽمن شهيد جنيد جي گهرڀارتين سان ملاقات کان پوءِ ميڊيا سان ڳالهائيندي چيو ته مان ڪئپٽن شهيد جنيد عباسي جي گهر سندس گهرڀاتين سان مليس هن چيو ته اچڻ جو مقصد فخر جوڳي پٽ کي خراج عقيدت پيش ڪرڻ هو هن چيو ته هن پٽ هن ڌرتي ۽ ڌرتي جي بقا لاءِ شهادت ماڻي هن چيو ته 22 سيپٽمبر تي 11 محرم واري ڏينهن کيس اطلاع مليو ته دهشتگردن جو ٽولو اچي رهيو آهي ان ان ٽولي کي ختم ڪيو ۽ پنهنجن جوانن کي ليڊ ڪري رهيو هو هن چيو ته سندس ڀائٽو معاذ چئي رهيو آهي ته هو فوج ۾ ويندو ۽ پنهنجي چاچي جو بدلو وٺندو. هن چيو ته جنيد شهيد جو پيءُ به هوائي فوج ۾ خدمتون نڀائي چڪو آهي هن چيو ته هي اهو طبقو آهي جنهن پاڪستان کي پاڪستان بڻايو آهي هن چيو ته وزيراعظم جي حڪم تي سموري قوم جو فرض آهي ته اهي شهيدن جي گهر وڃن ۽ سندن قربانين تي سلام پيش ڪن. مخدوم شاهه محمود قريسي چيو ته والاريل ڪشمير جي شهيدن کي به سلام پيش ڪرڻ چاهيان ٿو جيڪي 33 ڏينهن کان پنهنجن گهرن ۾ قيد آهن هن چيو ته الله تعاليٰ اهڙن گهراڻن کي پنهنجي پناهه ۾ رکي ۽ پاڪستان کي هميشه لاءِ قائم ۽ دائم رکي.

 

بارشن دوران نقصانن جا تفصيل طلب، ترجيحي بنيادن تي پاڻي ۽ صفائي جي مسئلي کي حل ڪيو ويندو: مراد علي شاهه

ڪراچي (اسٽاف رپورٽر) سنڌ جي وڏي وزير سيد مراد علي شاهه چيو آهي ته هو شهر جي پاڻي ۽ صفائي سٿرائي جي مسئلن کي حل ڪرڻ چاهي ٿو ۽ ان لاءِ ڪجهه اهم جوڳا اُپاءُ وٺندو. اجلاس ۾ پبل هيلٿ انجنيئرنگ وارو وزير شبير بجاراڻي، مڪاني کاتن وارو وزير سيد ناصر حسين شاهه، وڏي وزير جو صلاحڪار مرتضيٰ وهاب، چيئرپرسن پي اينڊ ڊي ناهيد شاهه، وڏي وزير جو پرنسپل سيڪريٽري ساجد جماو ابڙو، سيڪريٽري پي ايڇ اي روشن شيخ، ڪمشنر ڪراچي افتخار شهلواڻي، اين اي ڊي جو وائيس چانسلر ڊاڪٽر سروش لوڌي، ايم ڊي واٽر بورڊ اسدالله خان، چيف انجنيئر ڪراچي واٽر اينڊ سيوريج بورڊ ۽ ٻين لاڳاپيل عملدارن شرڪت ڪئي. وڏو وزير ڪراچي کي واڌو پاڻي ڏيڻ لاءِ واٽر بورڊ، پي اينڊ ڊي ۽ ٻين ماهرن سان ڪم ڪري رهيو آهي ۽ گجو کان پيپري نهر جي تعمير جي تجويز کي عملي جامو پهرائڻ لاءِ ڪوشان آهي ته جيئن ڪراچي شهر کي ايندڙ ٻن سالن ۾ واڌو 200 ايم جي ڊي پاڻي ملي سگهي. وڏي وزير واٽر بورڊ کي هدايت ڪئي ته هو نهر جي تعمير لاءِ حتمي ٽيڪنيڪل رهنمائي حاصل ڪرڻ لاءِ هڪ ڪنسلٽنٽ هائر ڪري ۽ ان وقت تائين هن واٽر بورڊ کي هدايت ڪئي ته هو شهر خاص طور اهي علائقا جتي پاڻي نه پيو پهچي اتي پنهنجي پاڻي جي ورڇ واري نظام کي بهتر بڻائين. وڏي وزير گائيڊ لائينس ڏيندي واٽر بورڊ کي هدايت ڪئي ته هو پنهنجي نيٽ ورڪ، کيس ڪنڊين ۽ توسيع واري ڪم کي ڏسي ته جيئن ئي واڌو 200 ايم جي ڊي پاڻي ملڻ شروع ٿئي ته شهر جي ماڻهن کي پاڻي ملي سگهي. اهو واضح رهي ته ڪراچي لاءِ مختص 650 ايم جي ڊي پاڻي مان 406 ايم جي ڊي پاني ملي رهيو آهي ان ڪري موجوده نظام کي توسيع ڏيڻ لاءِ منصوبابندي ڪئي پئي وڃي ته جيئن ڪنوينس سسٽم کي بهتر يا ترقي ڏئي رهيل 200 ايم جي ڊي پاڻي وصول ٿي سگهي.وڏي وزير ڪمشنر ڪراچي کي هدايت ڪئي ته هو تازو تيز برساتن سان روڊن کي پهچندڙ نقصانن جو احاطو ڪري ته جيئن کين مرمت لاءِ ضروري رٿابندي ڪئي وڃي. هن چيو ته هو روڊن سان گڏ جتي نه آهن اتي نالين جي تعمير جي رٿابندي ڪري رهيا آهيون.وڏي وزير چيو ته هن اڳواٽ ئي لوڪل باڊيز ۽ ضلعي انتظاميا کي هدايت ڏئي چڪو آهيان ته اهي محرم الحرام ۾ شهر ۾ ڪچرو کڻڻ ۽ صفائي واري ڪم کي جاري رکن. هن چيو ته 10 محرم کانپوءِ شهر کي صاف سٿرو بڻائڻ ۽ ڪچرو کڻڻ لاءِ هڪ خاص مهم شروع ڪئي ويندي. هن شهر جي واسين ۽ دڪاندارن تي به زور ڀريو ته هو سوڪ ايجنسيز سان تعاون ڪن ۽ پنهنجو ڪچرو ڪاغذن جي ٿيلهن ۾ وجهي ڄاڻايل جاين تي اڇلائين. هن چيو ته اها ڳالهه قابل جوڳي نه آهي هر ڪو کليل جاين ۽ رودن تي ڪچرو اڇلائي. وڏي وزير ڪمشنر ڪراچي کي هدايت ڪئي ته هو ڊي سي سائوٿ ذريعي انڪوائري ڪري ته ڪهڙي ريت اسپتال جو فضلو سڌي ريت سمنڊ ۾ ڊسچارج ڪيو پيو وڃي هن چيو ته اسپتالن جو فضلو الڳ سان ڊمپ ڪيو ويندو آهي پر سُين ۽ ٻيو سامان ڪلفٽن جي ساحل تي سمنڊ جي لهرن سان وهايو ويندو آهي جيڪا ڳڻتي جوڳي ڳالهه آهي. هن ڪمشنر ڪراچي کي هدايت ڪئي ته ڄاڻايل معاملي جي جانچ ڪرائي کيس رپورٽ پيش ڪري.

 

ڪشمير تي خاموشي اختيار ڪندڙ سمورين دنيا جي طاقتن کي جهنجهوڙيندا رهنداسين: سعيد غني

ڪراچي(اسٽاف رپورٽر)  اطلاعات ۽ پورهئي کاتي جي صوبائي وزير سعيد غني چيو آهي ته اڄ سموري ملڪ ۾ دفاع جي ڏينهن کي پاڪستان جي شهيدن سان جوڙيو ويو آهي ۽ اڄ سمورا سرڪاري اهلڪار، وزير، پوليس ۽ پاڪ فوج جا اعليٰ آفيسر شهيدن جي گهرن ۾ ان شهيدن کي خراج عقيدت پيش ڪري رهيا آهن. ان ملڪ جي دفاع سياست ۽ قيام امن لاءِ پاڪ فوج، رينجر، پوليس ۽ ٻيا امن وامان جي بحالي واري ادارن ۽ شهيدن کي اسان خراج عقيدت پيش ڪندا آهيون. اڄ جي ڏينهن اسان پنهنجي ڪشميري ڀائرن سان ٻڌي جو اظهار ڪرڻ لاءِ ريلين ۽ تقريب جو انعقاد ڪري رهيا آهيون ۽ اهو سلسلو ان وقت تائين جاري رهندو جيستائين ڪشمير ۾ 80 لک مسلمانن تي انڊين ظلم بند نه ٿيندا . اسان عالمي سطح تي ان سمورن بين الاقومي قوتن کي اٿارينداسين جيڪي هاڻي تائين ڪشمير جي معاملي تي خاموشي اختيار ڪيو ويٺا آهن ڪراچي ۾ شهيد ڊي ايس پي قاسم غوري ۽ شهيد انسپيڪٽر افتخار احمد کي سلام پيش ڪندا آهيون جنهن هن شهر ۽ صوبي م قيام امن لاءِ پنهنجي جانين جو نذرانو پيش ڪيو اهڙن خيالن جو اظهار هن جمعي جي ڏينهن شهيد ڊي ايس پي قاسم غوري ۽ شهيد انسپيڪٽر افتخار احمد جي گهر وڃي ان جي گهر ڀاتين سان تعزيت ڪئي ۽ شهيدن جي درجات جي بلندي لاءِ فاتح خواني ڪئي ان موقعي تي ڊي آئي جي سي آئي ڊي عارف حنيف، انسپيڪٽر شوڪت اعواڻ ۽ ٻيا اعليٰ آفيسر ان سان گڏ موجود هئا صوبائي وزير اطلاعات سعيد غني شهيد قاسم غوري جي گهر ان جي پٽ نعمان غوري سان ان جي والد جي شهادت تي تعزيت ڪئي ۽ فاته خواني ڪئي ان موقعي تي هن چيو ته شهيد قاسم غوري هڪ نڊر ۽ بهادر پوليس آفيسر هيو ۽ ان جي هن شهر ۾ قيام امن لاءِ خدمتن کي ڪڏهن به فراموش نه ڪبو صوبائي وزير شهيد قاسم غوري جي پوئنرن کي يقين ڏياريو ته سنڌ حڪومت ۽ سنڌ پوليس شهيد قاسم غوري جي پوئنرن سان هر ممڪن تعاون جاري رکندي ٻئي پاسي صوبائي وزير نيو ٽائون پوليس هيڊ ڪواٽر ۾ رهائش پذير انسپيڪٽر شهيد افتخار احمد جي گهر ان جي بيوهه ڀيڻويي ۽ سالي سان ملاقات ڪئي ۽ شهيد جي ايثال ثواب لاءِ فاتح خواني ڪئي ان موقعي تي شهيد افتخار احمد جون چارئي معصوم نياڻيون موجود هيون صوبائي وزير ان نياڻين جي حوالي سان شهيد جي بيوهه کان معلومات ورتي هن ٻڌايو ته ٽئي نياڻيون اسڪول وينديون آهن ۽ ٽئي نياڻيون پنهنجي اسڪول ۾ پوزيشن حاصل ڪنديون آهن هن چيو ته شهيد افتخار جي شهادت کانپوءِ ان جو ڀاءُ جيڪو پنجاب ۾ رهائش پذير هيو اهو مستقل طور هتي اچي ويو آهي ۽ ان ٻارن جي ڪفالت ڪري رهيو آهي صوبائي وزير سعيد غني شهيد افتخار احمد جي بيوهه جي ڪاوشن کي ساراهيندي چيو ته ٻارن جي بهتر تعليم ۽ تربيت  ۽ انهن جي اسڪول ۾ پوزيشن اچڻ جي خبر سان هن کي خوشي محسوس ٿي آهي هن چيو ته شهيد افتخار ان شهر ۽ صوبي جي عوام کي امن جي فراهمي لاءِ پنهنجي جان جو نذرانو پيش ڪيو آهي ۽ اڄ سموري قوم پنهنجي شهيدن کي ڀرپور خراج عقيدت پيش ڪري رهي آهي ٻئي پاسي ميڊيا سان ڳالهه ٻولهه ڪندي سعيد غني چيو ته اڄ سموري ملڪ م دفاع جي ڏينهن سان گڏو گڏ شهيدن جو ڏهاڙو به منائي رهيا آهيون اچو شهيدن جي گهر هلون جي بينر هيٺ سموري ملڪ ۾ اهلڪار وزير قومي اسيمبلي جا اڳواڻ پوليس، رينجر، ۽ پاڪ فوج جا اعليٰ آفيسر ان ملڪ ۽ صوبي لاءِ پنهنجي جانين جا نذرانه ڏيندڙ پوليس ۽ ٻيا امن وامان جي بحالي جا ادارا شهيدن جي گهرن تي انهن جي پوئنرن سان تعزيت ڪري رهيا آهن سعيد غني چيو ته اسان شهيدن جي پوئنرن سان گڏ آهيون ۽ انهن جا جيڪي به مسئلا آهن انهن کي حل ڪيو ويندو ۽ ان سلسلي م پوليس جو پوليس ويلفيئر  کاتو انهن سان مڪمل رابطي ۾ آهي هڪ سوال جي جواب ۾ سعيد غني چيو ته اسان پنهنجي ڪشمير ڀائرن سان ٻڌي طور ڏينهن ملهائن جو به فيصلو ڪيو آهي ۽ ان سلسلي ۾ پيپلزپارٽي سموري ملڪ ۾ ريلين ۽ تقريبن جو انعقاد ڪيو آهي ڪراچي ۾ ٽاور کان پريس ڪلب تائين ريلي ڪڍي ويندي هن چيو ته مقبوضه ڪشمير ۾ 80 لک ڪشميري ڀارتي ظلم جو شڪار آهن ۽ هڪ مهيني کان اتي ڪرفيو لڳل آهي جنهن سان اتان جي عوام گهرن ۾ بند ٿي وئي آهي هن چيو ته ڪشمير ۾ ڀارتي ظلم حد کان وڌي ويا آهن ماڻهن جو اچڻ وڃڻ بند ڪري ڇڏيو اٿن سياست دانن کي بند ڪيو ويو اهي ڀارتي ظلمن جي ڪري ڪيترائي بيگناهه ڪشميرين جي شهادتن جو سلسلو جاري آهي سعيد غني چيو ته اسان ڪشميري ڀائرن جي آزادي لاءِ ان سلسلي کي وڌيڪ جاري رکنداسين ۽ جيستائين ڪشميرين کي آزادي نه ملندي ۽ عالمي قوتون جيڪي ان ظلمن کي ڏسي خاموش آهن ان قوتن کي ان وقت تائين ياد ڏياريندا رهنداسين جيستائين ڪشميرين جي خود مختياري ۽ آزادي ۾ پنهنجو ڪردار ادا نه ڪندا

 

ڌرتي ماءُ لاءِ شهادتون ماڻيندڙ بهادر پٽن کي خراج عقيدت پيش ڪيون ٿا: آصف زرداري

اسلام آباد (اين اين آءِ) پ پ پ ڪو چيئرمين اڳوني صدر آصف علي زرداري چيو آهي ته پنهنجي ڌرتي ماءُ لاءِ قربانيون ڏيندڙ شهيد بهادر پٽن کي خراج عقيدت پيش ڪيون ٿا قوم پنهنجن بهادر جوانن کي ڪڏهن به نه وساريندي ڌرتي ماءُ جي حفاطت ڪندڙ جوان قوم جي اکين جو نور آهن هڪ بيان ۾ هن چيو ته پ پ پ شهيدن جي وارثن سان گڏ آهي هن چيو ته شهيدن کي عقيدت جو نذرانو پيش ڪرڻ لاءِ شدت پسندي کي شڪست ڏيڻي پوندي.

 

1965 واري جنگ اسانجن شهيدن، غازين ۽ شهرين جي شجاعت ۽ بهادري جو داستان آهي: شهبازشريف اسلام آباد (اين اين آءِ) پاڪستان مسلم ليگ (ن) جي صدر ۽ مخالف ڌر اڳواڻ شهبازشريف چيو آهي ته سيپٽمبر واري جنگ اسانجن شهيدن غازين ۽ شهرين جي لازوال بهادري جو داستان آهي شهيدن کي قوم جو عقيدت ڀريو سلام پيش آهي الله تعاليٰ جي فضل ۽ ڪرم ۽ مدد سان سيپٽمبر جي جنگ جي جذبي سان دشمن جا ڏند ٻيهر ڀڃي ڇڏينداسين انشاءالله هاڻي به پاڪستان جي دفاع کي مضبوط بڻائيندا رهنداسين عسڪري لحاظ کان اڃا به وڌيڪ مضبوط ڪنداسين جمعي تي هڪ بيان ۾ هن چيو ته اڄوڪي ڏينهن پاڪستانين ثابت ڪيو ته ڪوئي انهن کان آزادي نٿو کسي سگهي هن چيو ته عظيم پاڪستانين دشمن تي ثابت ڪري ڇڏيو ته اسان کي اسان جي آزادي پنهنجي ساهه کان وڌيڪ پياري آهي هن چيو ته سيپٽمبر واري جنگ جو سبق آهي ته اسان معاشي طور تي طاقتور آهيون غيرن جي محتاجي کان نجات حاصل ڪريون هن چيو ته پاڪستان ۽ پاڪستانين کي معاشي طاقت بڻجڻو پوندو هي اسان جي قومي مفاد ۽ سلامتي جو معاملو بڻجي چڪو آهي هن چيو ته اڄوڪي ڏينهن بهادر ڪشميرين سان وفا جي وچن جو ڏينهن آهي. هن چيو ته پنهنجو رت ڏيئي ڪشمير جي آزادي جو دفاع ڪنداسين هن چيو ته پاڪستان کي ايٽمي طاقت بڻائيندڙ ذوالفقارعلي ڀٽو کان نوازشريف تائين قوم جي فخر جوڳن سڀني پٽن نياڻين جا ٿورائتا آهيون.

اسلام آباد (اين اين آءِ) پاڪستان مسلم ليگ (ن) جي صدر ۽ مخالف ڌر اڳواڻ شهبازشريف چيو آهي ته سيپٽمبر واري جنگ اسانجن شهيدن غازين ۽ شهرين جي لازوال بهادري جو داستان آهي شهيدن کي قوم جو عقيدت ڀريو سلام پيش آهي الله تعاليٰ جي فضل ۽ ڪرم ۽ مدد سان سيپٽمبر جي جنگ جي جذبي سان دشمن جا ڏند ٻيهر ڀڃي ڇڏينداسين انشاءالله هاڻي به پاڪستان جي دفاع کي مضبوط بڻائيندا رهنداسين عسڪري لحاظ کان اڃا به وڌيڪ مضبوط ڪنداسين جمعي تي هڪ بيان ۾ هن چيو ته اڄوڪي ڏينهن پاڪستانين ثابت ڪيو ته ڪوئي انهن کان آزادي نٿو کسي سگهي هن چيو ته عظيم پاڪستانين دشمن تي ثابت ڪري ڇڏيو ته اسان کي اسان جي آزادي پنهنجي ساهه کان وڌيڪ پياري آهي هن چيو ته سيپٽمبر واري جنگ جو سبق آهي ته اسان معاشي طور تي طاقتور آهيون غيرن جي محتاجي کان نجات حاصل ڪريون هن چيو ته پاڪستان ۽ پاڪستانين کي معاشي طاقت بڻجڻو پوندو هي اسان جي قومي مفاد ۽ سلامتي جو معاملو بڻجي چڪو آهي هن چيو ته اڄوڪي ڏينهن بهادر ڪشميرين سان وفا جي وچن جو ڏينهن آهي. هن چيو ته پنهنجو رت ڏيئي ڪشمير جي آزادي جو دفاع ڪنداسين هن چيو ته پاڪستان کي ايٽمي طاقت بڻائيندڙ ذوالفقارعلي ڀٽو کان نوازشريف تائين قوم جي فخر جوڳن سڀني پٽن نياڻين جا ٿورائتا آهيون.