تازيون خبرون
لاهوري وڪيلن تاريخ رقم ڪري ڇڏي، اسپتال تي ڪاهه، عوام۽ صوبائي وزير تي تشدد، 4 مريض فوت - آصف زرداري جي طبي بُنيادن تي ضمانت منظور، هڪ ڪروڙ جا مچلڪا جمع ڪرائڻ جو حڪم - اخباري مالڪ اسان جي نه پر لڳي ٿو ته اسان هنن جي ماتحت ٿي ويا آهيون: وڏو وزير - نيب پ پ ايم پي اي نادر مگسي ۽ سردار چانڊيو خلاف جاچ جي منظوري ڏئي ڇڏي - وزيراعظم لاهور اسپتال ۾ وڪيلن جي هنگامن واري واقعي تي نوٽيس ورتو، رپورٽ طلب، وڏي وزير جاچ ڪميٽي جوڙي ڇڏي - جهيڙو ٽارڻ لاءِ پهتل صوبائي وزير فياض چوهاڻ تي به وڪيلن جو تشدد، وار پٽيا ويا - پنجاب انسٽيٽيوٽ آف ڪارڊيالاجي (پي آءِ سي) ۾ پيش آيل واقعي جي ذميوارن خلاف سخت ڪارروائي ڪبي: وفاقي سرڪار - لاهور ۾ وڪيل گردي جي مذمت، وڪيل تنظيمون ذميواري پوري ڪن، نيب ڪو ادارو نه تماشو آهي: سعيد غني - مورو ۾ پيءُ هٿان ڌيءَ ڪارنهن الزام تحت قتل، جوابدار گرفتار، ڏوهه جو اعتراف، ڪيس داخل - ڪوٽڏيجي ڀرسان ويگن جو موٽر سائيڪل کي ٽڪر، 2 عورتن سميت 3 ڄڻا فوت، هڪ زخمي

Daily Archives: September 6, 2019

ڪشمير ۾ عالمي قانونن ۽ انساني حقن جون ڀڃڪڙيون دنيا جي سامهون آهن ته پوءِ دنيا چُپ ڇو ؟: عمران خان

اسلام آباد (ويب ڊيسڪ) وزيراعظم عمران خان ڪشمير ۾ ڀارتي ظلمن جي هڪ ڀيرو ٻيهر سخت مذمت ڪندي عالمي برادري کان خاموشي ٽوڙڻ جو مطالبو ڪيو آهي. سماجي رابطن جي ويب سائيٽ ٽوئيٽر تي جاري پنهنجي بيان ۾ وزيراعظم عمران خان چيو آهي ته اڄ والاريل ۽ ڄمون ڪشمير ۾ مودي سرڪار جي قابض فوج طرفان گهيري کي 32هون ڏينهن آهي، ان ڪڙي ۾ ڀارتي فورسز پيلٽ گنز جو وڏي پئماني تي استعمال ڪيو، جنهن جي نتيجي ۾ ڪشمير مرد، عورتون ۽ ٻار شهيد ۽ زخمي ٿيا. سندس چوڻ هو ته ڪشميري جوانن کي گهرن مان کنڀي ڀارت جي ٻين علائقن جي جيلن ۾ قيد ڪيو پيو وڃي، اسپتالن ۾ ضروري سامان ختم ٿي ويو آهي، گهربل شين جي کوٽ پيدا ٿي وئي آهي، جڏهن ته مواصلاتي بليڪ آئوٽ سبب ڪشميرين جو پنهنجي پيارن ۽ ٻاهرين دنيا سان رابطو ڪٽجي ويو آهي، انهن جو آواز ٻاهر نٿو پهچي. هن وڌيڪ لکيو ته والاريل ڄمون ۽ ڪشمير ۾ ڀارت جون عالمي قانونن ۽ انساني حقن جون ڀڃڪڙيون دنيا جي سامهون آهن ته پوءِ دنيا ڇو چُپ آهي؟ وزيراعظم عالمي برادري کان سوال ڪيو ته ڇا جڏهن مسلمانن تي ظلم ٿيندو آهي ته عالمي برادري جي انسانيت مري ويندي آهي؟ ان سان دنيا ۾ موجود 1.3 ارب مسلمانن کي ڪهڙو پيغام ڏنو پيو وڃي؟ عمران خان چيو ته دنيا والاريل ڄمون ۽ ڪشمير ۾ ڀارتي ظلمن کان اکيون ڦيري لاعلمي جو بهانو نٿو ڳولي سگهي، جيئن ان ميونخ جي معاملي تي 1938 ۾ ڪيو هو. هن چيو ته هندو بالادستي جي نظريي ۾ گانڌي فاشسٽ مودي سرڪار جا والاريل ڄمون ۽ ڪشمير، پاڻ ڀارت (آسام وغيره) ۽ آزاد ڄمون ۽ ڪشمير ۾ مسلمانن جي قتل عام ۽ نسل ڪشي جا مڪروهه ارادا سڄي دنيا ۾ وائکا ٿي چڪا آهن.

 

هميشه زيادتيون پ پ جي حصي ۾ ڇو؟ پي ٽي آئي سرڪار کي ڪرپشن صرف سنڌ ۾ نظر اچي ٿيۡ: سعيد غني

اسلام آباد (اين اين آءِ) صوبائي وزير سعيد غني هڪ دفعو ٻيهر آصف علي زرداري سميت سنڌ جي اڳواڻن جا ڪيس اسلام آباد منتقل ڪرڻ تي سخت ڳڻتي جو اظهار ڪندي چيو ته جيڪڏهن سنڌ جي عدالتن جي ججز تي اعتبار نه آهي ته تالا لڳائي ڇڏيو ذوالفقارعلي ڀٽو ۽ بينظير ڀٽو جا مڙهه سنڌ موڪليا ويا خدا نه ڪري آصف زرداري خلاف اهڙي قسم جي سازش نه ڪئي وڃي مخالف ڌر کي ڀت سان لڳائي مدد جي اميد نه رکي وڃي پرويز خٽڪ، عليما خان، اسد قيصر ۽ ٻين جا ڪيس سنڌ منتقل ڪيا وڃن خميس تي هتي سعيد غني ميڊيا سان ڳالهائيندي چيو ته زيادتي هميشه پ پ پ جي حصي ۾ ڇو ٿي اچي جيتريون زيادتيون پيپلزپارٽِ سان ٿيون آهن ڪنهن سان ناهن ٿيون سعيد غني چيو ته ذوالفقارعلي ڀٽو جو ڪيس سيشن ڪورٽ بدران هاءِ ڪورٽ ۾ هليو ويو ڀٽو جو ڪيس دنيا جي تاريخ جو تڪراري ڪيس آهي هن چيو ته بينظير ڀٽو کي پنڊي ۾ شهيد ڪيو ويو هن چيو ته آصف زرداري جي ڪيسن جو تعلق سنڌ سان آهي پر ان جو ٽرائيل پنجاب ۽ اسلام آباد ۾ ٿي رهيو آهي هن چيو ته سمجهه ۾ نٿو اچي ته حڪمران سنڌ جي ماڻهن کي ڇا پيغام ڏيڻ چاهين ٿا سنڌ جي احتساب عدالتن ۾ جج اسان نه اعليٰ عدالتن مقرر ڪيا آهن جيڪڏهن انهن ججن تي به اعتبار نه آهي ته پوءِ انهن عدالتن کي تالا هنيا وڃن سعيد غني چيو ته هڪ اهڙِ ماڻهو جي خلاف انقامي ڪارروائي ٿي رهي آهي جيڪو هن ملڪ جو صدر رهيو آهي هن چيو ته آصف زرداري سان جيڪو ورتاءُ ڪيو پيو وڃي اهو دهشتگردن سان به ناهي ڪيو ويندو هن چيو ته ڪلبوشن ۽ احسان الله احسان سان به اهڙو رويو ناهي جيڪو آصف زرداري سان ڪيو ويو آهي هن چيو ته حسنين مرزا جنهن جي خلاف نيب ۾ جاچ ٿي رهي آهي ان کي گرفتار نٿو وڃي وڃي فهميده مرزا ۽ ذوالفقار مرزا قرض معاف ڪرايا کين اليڪشن وڙهڻ جي اجازت ڏني ويئي سعيد غني چيو تهمان سنڌ حڪومت پاران گهر ڪيان ٿو ته پرويز خٽڪ، عليما خان، اسد قصر ۽ ٻين جا ڪيس سنڌ ۾ منتقل ڪيا وڃن هن چيو ته پ پ پ جي خلاف انتقامي ڪارروايون ٿي رهيون آهن جو اها ميڊيا جي آزادي، پارليمان جي بالادستي لاءِ آواز اٿاري رهي آهي هن چيو ته فريال ٽالپر کي هٿيار طور استعمال ڪيو پيو وڃي ته جيئن آصف زرداري بلاول ڀٽو کي دٻاءُ ۾ آڻي سگهجي.

 

هڪ سال دوران بصر 23 ۽ پٽاٽا 7 رپيا في ڪلو مهانگا ٿيا: وفاقي شماريات کاتو

اسلام آباد (ويب ڊيسڪ) وفاقي شماريات اداري تحريڪ انصاف جي حڪومت ۾ هڪ سال دوران مهانگائي جا انگ اکر جاري ڪري ڇڏيا. شماريات اداري طرفان آگسٽ 2018 کان آگسٽ 2019 تائين مهانگائي جا انگ اکر جاري ڪيا ويا آهن، جن موجب هڪ سال ۾ هڪ ڪلو کنڊ 20 رپيا مهانگي ٿي، جڏهن ته ٻاڪرو گوشت 84 رپيا في ڪلو، ڳائو گوشت 45 رپيا، جيئري برائلر مرغي 61 رپيا في ڪلو ۽ اڍائي ڪلو ڪوڪنگ آئل 82 رپيا مهانگو ٿيو. رپورٽ ۾ ٻڌايو ويو آهي ته هڪ سال دوران 10 ڪلو ڪڻڪ 29 رپيا ۽ 10 ڪلو اٽي جي ٻوري 39 رپيا مهانگي ٿي، ان کانسواءِ باسمتي چانور 6 رپيا في ڪلو، مسور جي دال 21 رپيا، مڱن جي دال 57 رپيا في ڪلو، ماش جي دال 34 رپيا ۽ چڻن جي دال 13 رپيا في ڪلو مهانگي ٿي. دستاويز موجب تحريڪ انصاف جي حڪومت جي پهرين سال ۾ ٿوم 133 رپيا في ڪلو ۽ تازو کير ۽ ڏهي 7-7 رپيا في ڪلو مهانگي ٿي. شماريات اداري موجب هڪ سال دوران بصر 23 رپيا ۽ پٽاٽا 7 رپيا في ڪلو مهانگا ٿيا، جڏهن ته 200 گرام چانهه جي پتي جي اگهه ۾ 16 رپيا واڌ ٿي ۽ سگريٽ جو پاڪيٽ 25 رپيا مهانگو ٿيو.

 

ن ليگ پاران ايم ٽي آءِ آرڊيننس 2019 سرڪاري اسپتالن تي حملو قرار

اسلام آباد (اين اين آءِ) (ن) ليگ جي ترجمان مريم اورنگزيب پنجاب جي سرڪاري اسپتالن جي ايم تي آءِ آرڊيننس 2019 جي ٽوئٽ تي ردعمل جو اظهار ڪندي چيو ته عمران صاحب ايم ٽي آءِ آرڊيننس 2019 سرڪاري اسپتالن تي حملو آهي جنهن بابت اوهان کي ٽي وي ذريعي خبر پوندي هڪ بيان ۾ هن چيو ته ايم ٽي آءِ آرڊيننس 2019 سرڪاري اسپتالن ۾ غريبن کان پئسا وٺڻ جو آرڊيننس آهي هن چيو ته ايم ٽي آءِ آرڊيننس 2019 اچڻ کان پوءِ سرڪاري اسپتالن ۾ غريبن لاءِ مفت ٽيسٽ ۽ دوا ۽ علاج ختم ترجمان ٻڌايو ته عمران صاحب اوهان کي سڀاڻي ٻيهر ٽي وي مان خبر پوندي تي ايم ٽي آءِ آرڊيننس غريب ماڻهن سان ظلم آهي ترجمان مطابق عمران صاحب خيبرپختونخواهه جي اسپتالن ۾ هڪ بهتري ڏيکاريو جيڪا پنجن سالن ۾ آئي هجي رڳو اوهان جي مٽن مائٽن ۽ دوستن کي نوڪري ملڻ کان سواءِ هن چيو ته عمران صاحب جيڪڏهن خيبرپختونخواهه جي اسپتالن جي حالت بهتر ٿي آهي ته پاڪستان تحريڪ انصاف جي 2018 اليڪشن ڪئمپن ۾ پنجاب جون اسپتالون نه ڏيکاريون وڃن ها هن چيو ته پنجاب جي عوام کي مفت تيسٽ، علاج ۽ دوائون پهريان ئي کسي ورتيون آهن عمران صاحب جي ذهني حالت ۽ غلطين تي سخت ڳڻتي آهي قومي سلامتي لاءِ سنگين خطرو بڻجي چڪو آهي.

 

ڀارت جا نيوڪليئر هٿيار فاشسٽ قيادت جي هٿن ۾ آهن، جنهن سان دنيا جي امن کي خطرو آهي: صدر پاڪستان

اسلام آباد (اين اين آءِ) صدر عارف علوي چيو آهي ته ڀارت جا نيو ڪليئر هٿيار فاشسٽ قيادت جي هٿن ۾ آهن جنهن سان دنيا جي امن کي خطرو آهي، عالمي برادري کي ڪشميرين کي سندن آزادي وارو حق ڏيارڻ لاءِ ڪردار ادا ڪرڻو پوندو خميس تي صدر ڊاڪٽر عارف علوي سان چيئرمين مجلس شوريٰ سلطنت امان شيخ خالد بن هلال الموالي وفد سان گڏ ملاقات ڪئي صدر چيو ته ڀارتي فاشسٽ قيادت خطي جي امن کي خطري ۾ وجهي ڇڏيو آهي پاڪستان والاريل ۽ ڄمون ڪشميري ۾ ڀارتي قدمن کي رد ڪري ڌڇڏيو آهي هن چيو ته هي قدم گڏيل قومن جي ٺهرائن جي خلاف آهن صدر چيو ته پاڪستان عمان سان ڀائراڻن لاڳاپن کي خاص اهميت ڏي ٿو انهن لاڳاپن کي سمورن شعبن ۾ وڌيڪ وڌائڻ چاهي ٿو هن چيو ته ٻنهي ملڪن جي مجلس شوريٰ جي وچ ۾ رابطن ۽ فرينڊ شپ گروپ جو قيام سٺي ڳالهه آهي.

 

آرمي چيف سان سعودي عرب ۽ گڏيل عرب امارات جي پرڏيهي وزيرن جي ملاقات، خطي جي سيڪيورٽِ جي صورتحال تي ڳالهيون

راولپنڊي (اين اين آءِ) پاڪ فوج جي سربراهه جنرل قمر جاويد باجوا سان سعودي عرب ۽ گڏيل عرب امارات جي پرڏيهي وزيرن ملاقات ڪئي جنهن ۾ گڏيل دلچسپي جي معاملن ٻطرفو لاڳاپن ۽ خطي جي سيڪيورٽي جي صورتحال تي خيالن جي ڏي وٺ ڪئي ويئي آءِ ايف پي آر پاران جاري ڪيل بيان موجب جي ايڇ ڪيو ۾ ٿيندڙ ملاقات ۾ گڏيل دلچسپي جي معاملن ۽ ٻطرفي لاڳاپن تي خيالن جي ڏي وٺ ٿي ۽ خطي جي سيڪيورٽي صورتحال تي به ڳوالهه ٻولهه ڪئي ويئي آءِ ايس پي آر موجب ٻنهي ملڪن جي پرڏيهي وزيرن خطي ۾ امن لاءِ پاڪستان جي ڪردار جي ساراهه ڪئي ۽ والاريل ڪشمير ۾ ڀارتي هڪ طرفي قدمن سان پيدا ٿيندڙ صورتحال جي حل لاءِ پنهنجي حمايت جو يقين ڏياريو آرمي چيف جنرل قمر جاويد باوجوا ٻنهي ملڪن سان خاص اسٽريٽجڪ لاڳاپن تي فخر جو اظهار ڪيو.

 

6 سيپٽمبر ڪشمير ۽ بچاءُ ڏهاڙي طور ملهائينداسين، مسلمانن جون دليون ڪشميرين سان گڏ ڌڙڪن ٿيون: فردوس عاشق اعواڻ

اسلام آباد (اين اين آءِ) وزيراعظم جي سڌسماءِ جي خاص مددگار فردوس عاشق اعواڻ چيو آهي ته 6 سيپٽمبر جو ڏينهن ڪشمير ۽ يوم دفاع طور ملهائينداسين دنيا والاريل ڪشمير تي خاموش آهي پاڪستان هميشه ڪشمير لاءِ آواز اٿاريندو رهندو اربع تي اسلامڪ يونيورسٽي ۾ والاريل ڪشمير جي موجوده صورتحال بابت سيمينار کي خطاب ڪندي فردوس عاشق اعواڻ چيو ته سڄي دنيا جا مسلمان هڪ ايجنڊا تي گڏ آهن فردوس عاشق اعواڻ چيو ته مسلمانن جون دليون ڪشميرين سان گڏ ڌڙڪن ٿيون ڪشميري مواصلاتي نظام بند هئڻ جي ڪري دنيا کان ڪٽيل آهن فردوس عاشق اعواڻ چيو ته والاريل ڪشمير دنيا جي سڀ کان وڏي جيل ۾ تبديل ٿي چڪو آهي هندستاني سرڪار انسانيت جي تذليل ڪري رهي آهي هن چيو ته والاريل ڪشمير ۾ کاڌ خوراڪ ۽ دوائن جي کوٽ ٿي ويئي آهي ڪشميري پنهنجي رت سان داستان لکي رهيا آهن هن چيو ته دنيا والاريل ڪشمير تي خاموش آهي هن چيو ته بندوقن جي پاڇي ۾ ڪشميرين کي گهرن ۾ قيد ڪيو ويو هن چيو ته پاڪستان هميشه ڪشمير جي لاءِ آواز اٿاريندو رهندو.

 

آصف زرداري کي جيل ۾ سهولتون ڏيڻ جو معاملو، احتساب عدالت فيصلو محفوظ ڪري ڇڏيو، 12 سيپٽمبر تي ٻڌايو ويندو

اسلام آباد (اين اين آءِ) احتسان عدالت اڳوڻي صدر آصف علي زرداري کي جيل ۾ عدالتي حڪم ڏيڻ جي باوجود اي سي جي سهولت نه ڏيڻ جي خلاف توهين عدالت جي درخواست تي ٻڌڻي ڪندي فيصلو محفوظ ڪري ڇڏيو جيڪو 12 سيپٽمبر تي ٻڌايو ويندو خميس تي ڪيس جي ٻڌڻي راجا جواد عباسي ڪئي. ٻڌڻي ۾ اڳوڻي صدر آصف علي زرداري روسٽرم تي اچي جج راجا جواد عباس کي چيو ته مون کي ان کان اڳ به جيل ۾ اي سي جي سهولت ڏني ويئي هئي لطيف کوسه چيو ته آصف زرداري کي جيل ۾ اي سي جي سهولت نه ڏيئي عدالتي حڪم جي ڀڃڪڙي ڪئي ويئي آهي جج آصف زرداري کان پڇاڻو ڪيو ته انهيءَ جيل ۾ اوهان کي اي سي جي سهولت ڏني ويئي اهي جنهن تي آصف زردري چيو ته هن عدالت ۽ سمورين عدالتن ۾ هي سهولتون ڏنيون هيون لطيف کوسه چيو ته عدالتي حڪم جي باوجود اي سي ۽ فرج جي سهولت ناهي ڏني ويئي دليل ٻڌڻ کان پوءِ عدالت فيصلو محفوظ ڪري ورتو جيڪو 12 سيپٽمبر تي ٻڌايو ويندو.

 

صدارتي ريفرنس کي منهن ڏيندڙ جسٽس قاضي فائز عيسيٰ ايندڙ 11 سيپٽمبر تي ڪيسن جون  ٻڌڻيون شروع ڪندو

اسلام آباد (ويب ڊيسڪ) سپريم جوڊيشل ڪائونسل (ايس جي سي) ۾ صدارتي ريفرنس کي منهن ڏيندڙ جسٽس قاضي فائز عيسيٰ ايندڙ 11 سيپٽمبر تي سپريم ڪورٽ جي نئين عدالتي سال 20-2019 شروع ٿيڻ تي ڪيسن جون  ٻڌڻيون شروع ڪندو. جسٽس قاضي فائز عيسيٰ سپريم ڪورٽ جي ٽن ججن تي ٻڌل بينچ جي سربراهي ڪندو جنهن ۾ جسٽس مقبول باقر ۽ جسٽس اعجازالحسن به شامل هوندا. برطانيا ۾ زال ۽ ٻارن جي نالي ملڪيت تي جسٽس فائز عيسيٰ خلاف ريفرنس تي سپريم جوڊيشل ڪائونسل جي ٻڌڻي شروع ٿيڻ کان پوءِ هن ڪنهن به بينچ ۾ نه ويهڻ جو فيصلو ڪيو هو. پر 3 مهينن کان پوءِ جڏهن سپريم ڪورٽ جي نئين عدالتي سال جي شروعات ايندڙ هفتي ٿيڻ واري آهي ته چار بينچز ٻڌڻي هيٺ پيل ڪيسن جون ٻڌڻيون ڪنديون. نئين عدالتي سال جو تصور چيف جسٽس افتخار محمد چوڌري پيش ڪيو هو جنهن ۾ عدالتي سال جي شروعات ۾ تقريب ڪوٺائي ويندي آهي ۽ چيف جسٽس ايندڙ سال لاءِ ترجيحون ٻڌائيندو آهي. نئين عدالتي سال جي پهرين بينچ جي سربراهي جسٽس آصف سعيد کوسا  پاڻ ڪندو جڏهن ته بينچ جي ٻين ميمبرن ۾ جسٽس فيصل عرب ۽ جسٽس مظهر خان ميان خيل شامل هوندا. ٻي عدالتي بينچ ۾ جسٽس گلزار احمد ۽ جسٽس منيب اختر، بينچ نمبر ٽئي ۾ جسٽس مشير عالم ۽ جسٽس قاضي محمد امين احمد جڏهن ته بنيچ نمبر 4 جي سربراهي قاضي فائز عيسيٰ ڪندو.

 

ڪراچي ۾ ناري فيس بڪ تي دوستي ڪرڻ بعد نوجوان کي سعودي مان گهرائي قتل ڪري ڇڏيو، ساٿي سميت گرفتار

ڪراچي (اين اين آءِ) واٽس اپ تي دوستي جو خطرو نتيجو اڳيان اچي ويو، ڪراچي ۾ ڪريم آباد جي گند جي ڍير تان هٿ آيل سڙيل لاش جي سڃاڻپ ٿي وئي، ڇوڪرو سعودي عرب مان محبت لاءِ ڪراچي آيو هو، نوجوان جي قتل ۾ ان جي محبوبا ملوث نڪري پئي، قتل ۾ فلاحي اداري جي گاڏي استعمال ٿيڻ جو انڪشاف ٿيو آهي، جاچ ادارن ملير جعفر طيار سوسائٽي ۾ ڇاپو هڻي عورت جوابدار شبانا ۽ گينگ وار جي خليل کي گرفتار ڪيو ته ٻنهي ڏوهه جو اعتراف ڪري ورتو. تفصيل موجب قاتل حسينا شبانا محبت جي ڄار ۾ ڦاسائي 27 ورهين جي حمزه کي سعودي مان ڪراچي گهرايو هو، جاچ ۾ ظاهر ٿيو ته شبانا 26 رمضان تي حمزه کي سعودي مان ڪراچي گهرايو ۽ لياقت آباد ۾ ڪرائي تي گهر ورتو جتي شبانا 4 ڏينهن رهي، پيسن جي لالچ ۾ شبانا عيدالفطر جي چنڊ واري رات حمزه کي ننڊ جون گوريون کارايون ۽ ڳلي ۾ رسو وجهي موت جي منهن ۾ ڍڪي ڇڏيو، واردات کان پوءِ شبانا پراڻي يار ۽ گينگ وار جي خليل کي گهرايو جيڪو لياقت آباد ۾ شيلٽر هوم هلائيندڙ آهي، خليل ايمبولنس آندي جنهن ۾ لاش کڻي گند جي ڍير تي اڇلايو ويو، عيد جي ڏينهن لاش گند جي ڍير تي پيل رهيو جنهن تي ٻئي ڏينهن جوابدار پيٽرول هاري باهه ڏئي ساڙي ڇڏيو، جاچ ادارن ملير طيار سوسائٽي ۾ ڇاپو هڻي شبانا ۽ خليل کي گرفتار ڪيو ته ٻنهي ڏوهه جو اعتراف ڪيو، مقتول حمزه گجرانوالا جو رهواسي آهي جيڪو سعودي عرب ۾ نوڪري ڪندو هو، شبانا پنهنجي دوست خليل سان گڏ واردات کانپوءِ فرار ٿي وئي، قتل کان اڳ شبانا پنهنجي عاشق سان سيلفيون ڪڍرايو، لاش جي سڃاڻپ مقتول جي هڪ ڏند هٿ اچڻ سان ٿي، شبانا ڊيرا اسماعيل خان جي رهواسڻ آهي، جوابدارن کان جاچ ٿي رهي آهي.