تازيون خبرون

Daily Archives: July 18, 2019

ڪلڀوشن جي بريت جي استدعا رد، ڀارتي عالمي عدالت ۾ ڪيس هارائي ويو، پاڪستان جي سوڀ

اسلام آباد (اين اين آءِ) وزيراعظم عمران خان چيو آهي ته ماضي ۾ جئين ملڪ کي هلايو پئي ويو هاڻ ائين نٿو هلي سگهي، منهنجو جيئڻ مرڻ پاڪستان ۾ آهي، پاڪستان کي عظيم ملڪ بڻائينداسين، ماڻهن کي ايف بي آر تي اعتماد ناهي، اداري ۾ سڌارا ڪري رهيا آهيون، سڀني کي ٽيڪس نيٽ ۾ آڻينداسين، دٻاءُ وجهندڙ کي چوان ٿو ته پوئتي هٽيس ته قوم سان غداري هوندي، اربع تي گجرانوالا چيمبر آف ڪامرس جي اسلام آباد ۾ انعام ورهائڻ واري تقريب کي خطاب ڪندي وزيراعظم چيو ته مان هر هر مديني جي رياست جي ڳالهه ڪريان ٿو، مديني جي رياست ۾ طاقتور ۽ ڪمزور لاءِ هڪ ئي قانون هوندو آهي، طاقتور ۽ ڪمزور لاءِ ڌار ڌار قانون هجي ته رياست تباهي ٿي ويندي آهي جن معاشرن ترقي ڪئي اتي سڀني لاءِ هڪ ئي قانون آهي، عدل ۽ انصاف مديني جي رياست جا اصول هئا، عمران خان چيو ته منهنجو ملڪ کان ٻاهر نه ڪاروبار آهي ۽ نه ئي وري ڪا ملڪيت آهي، منهنجو جيئڻ مرڻ پاڪستان ۾ آهي، مني لانڊرنگ ڪندڙن جا مقصد ۽ مفاد ڪجهه ٻيا آهن جن تي ڪيس آهن انهن سڀني جا مٽ مائٽ ٻاهر ڀڳل آهن، سندس چوڻ هو ته ملڪ ۾ جيڪو ننڍي چوري ڪري ٿو سڀني کي خبر آهي ان سان جيل ۾ ڪهڙو ورتاءُ ٿئي ٿو، گذريل سال جيترو ٽيڪس ادا ڪيو ان جو اڌ قرض لاهڻ ۾ هليو ويو، هن چيو ته ايف بي آر ۾ 7 سئو ارب رپين جي چوري ٿي هئي تنهنڪري ايف بي آر ۾ سڌارن تي ڪم ڪري رهيا آهيون، وزيراعظم چيو ته سڃاڻپ ڪارڊ جي شرط جي مخالفت اهي واپاري ڪري رهيا آهن جيڪي اسملنگ جو سامان وڪرو ڪن ٿا، هن چيو ته 22 ڪروڙ ماڻهن مان رڳو 15 لک ٽيڪس ڏين ٿا، شبر زيدي ٻڌايو ته پاڪستان جو 70 سيڪڙو ٽيڪس 3 سئو ڪمپنيون ڏئي رهيون آهن، ايندڙ سال لاءِ پوري طاقت سان 5500 ارب روينيو گڏ ڪنداسين، ٽيڪس نظام ٺيڪ هجي ته قرض به لاهينداسين ۽ ترقياتي ڪم به ٿيندا، وزيراعظم شوڪت ترين جو حوالو ڏيندي چيو ته ايف بي آر ۾ 7 سئو ارب رپين جي چوري ٿي آهي تنهنڪري اسان جو پهريون ڪم ايف بي آر کي ٺيڪ ڪرڻ آهي، عمران خان چيو ته اسان جو ڪم آهي ته صنعت جي ترقي ۾ ڪاروباري دوستن جي مدد ڪريون ۽ کين سهولتون ڏيون ته جئين ملڪ جو هر هڪ طبقو ترقي ڪري سگهي، وزيراعظم چيو ته اسان جي حڪومت جيڪو ڪجهه ڪري رهي آهي اهو عوام لاءِ ڪري رهي آهي، منهنجو ڪو ذاتي ڪاروبار يا ايجنڊا نه آهي ۽ نه ئي وري ملڪ کان ٻاهر آهي، هو اڳوڻن حڪمران وانگر نه آهي جيڪي ملڪ کي لٽي ٻاهر هليا وڃن ٿا.

 

ماضي جيان ملڪ نه هلندو، سڀني کي ٽيڪس نيٽ ۾ آڻڻو آهي، پوئتي نه هٽندس: عمران خان

اسلام آباد (ويب ڊيسڪ) وزيراعظم عمران خان چيو آهي ته ماضي ۾ جيئن ملڪ کي هلايو ويندو هو هاڻ ائين نٿو هلي سگهي، مان گهڙي گهڙي مديني جي رياست جو ڳالهه ڪندو آهيان، ڇو ته اتي طاقتور ۽ ڪمزور لاءِ هڪ ئي قانون هو، طاقتور ۽ ڪمزور لاءِ ڌار ڌار قانون هجي ته رياست تباهه ٿي ويندي آهي. گوجوانوالا چيمبر آف ڪامرس جي اسلام آباد ۾ انعام ورهائڻ واري تقريب کي خطاب ڪندي وزيراعظم چيو ته جن معاشرن ترقي ڪئي اتي سڀني لاءِ هڪ قانون آهي، عدل ۽ انصاف مديني جي رياست جا اصول هئا، اسان پاڪستان کي عظيم ملڪ بڻائينداسين، ملڪ کان ٻاهر منهنجي ڪا ملڪيت ۽ ڪاروبار ناهي، منهنجو جيئڻ مرڻ پاڪستان ۾ آهي. هن چيو ته مني لانڊرنگ ڪندڙن جا مفاد ڪجهه ٻيا آهن، جن تي ڪيس آهن انهن جا مٽ مائٽ ٻاهر ڀڄي ويا آهن، ملڪ ۾ جيڪو ننڍي چوري ڪندو آهي ته سڀني کي خبر آهي ان سان جيل ۾ ڪهڙو ورتاءُ ڪيو ويندو آهي، گذريل سال جيترو ٽيڪس ادا ڪيو ويو ان جو اڌ قرضن جي ادائيگين ۾ هليو ويو، ماضي ۾ جهڙي ريت ملڪ کي هلايو ويو هاڻ ائين نٿو هلي سگهي. سندس چوڻ هو ته ماڻهن کي ايف بي آر تي اعتماد ناهي، ايف بي آر ۾ 700 ارب رپين جي چوري ٿي هئي، سڌارن لاءِ ڪم ڪري رهيا آهيون، اسان کي سڀني کي ٽيڪس نيٽ ۾ آڻڻو آهي پر دٻاءُ وجهندڙن کي چوان ٿو ته پوئتي هٽيس ته قوم سان غداري هوندي، سڃاڻپ ڪارڊ جي شرط جي مخالفت اهي واپاري ڪري رهيا آهن، جيڪي سمگلنگ جو سامان کپائيندا آهن. وزيراعظم چيو ته 22 ڪروڙ ماڻهن مان 15 لک ٽيڪس ڏيندا آهن، شبر زيدي ٻڌايو ته پاڪستان جو 70 سيڪڙو ٽيڪس 300 ڪمپنيون ڏئي رهيون آهن، ايندڙ سال ڀرپور طاقت سان 5500 ارب روينيو گڏ ڪنداسين، ٽيڪس نظام درست هوندو ته قرض به لهندو ۽ ترقياتي ڪم به ٿيندا.

 

ڪراچي يونيورسٽي کي ڪنهن جي فائدي لاءِ بدنام ڪيو ويو: سپريم ڪورٽ

ڪراچي (اسٽاف رپورٽر) سُپريم ڪورٽ ريمارڪس ڏيندي چيو آهي ته ڪراچي يونيورسٽي کي سڄي ملڪ ۾ بدنام ڪيو ويو آهي، سموري گڙٻر ڪنهن کي فائدو پهچائڻ لاءِ ڪئي وئي آهي، هاڻي ته لڳي نٿو ته يونيورسٽي ٺيڪ ٿيڻ جي گنجائش آهي. سُپريم ڪورٽ ڪراچي رجسٽري ۾ عورت ائسوسيئيٽ پروفيسر کي شيخ زيد اسلامڪ سينٽر جي ڊائريڪٽر طور مقرر ڪرڻ واري معاملي تي ٻڌڻي ٿي، جنهن دوران جسٽس گلزار احمد ريمارڪس ڏيندي چيو ته توهان جهڙن ماڻهن جي ڪري ڪراچي يونيورسٽي سڄي ملڪ ۾ بدنام ٿي وئي آهي، اهڙي قسم جي قدمن سبب ملڪ ۾ هاڻ ڪراچي يونيورسٽي کي سٺو نٿو سمجهيو وڃي، اهي سموري گڙٻڙ ڪنهن نه ڪنهن کي فائدو پهچائڻ لاءِ ڪئي وئي آهي. جسٽس گلزار احمد ريمارڪس ۾ چيو ته چاليهه سال اڳ ڪراچي يونيورسٽي کي پريميئم يونيورسٽي سمجهيو ويندو هو، هاڻي ته لڳي ٿو يونيورسٽي جي ٺيڪ ٿيڻ جي گنجائش ئي نه آهي. عدالت ڪراچي يونيورسٽي جي وڪيل طرفان پيش ڪيل ڪاغذن جون ڪاپيون درخواستگذار جي وڪيل کي مهيا ڪرڻ جي هدايت ڪئي ۽ 22 جولاءِ تائين ٻڌڻي ملتوي ڪندي وڪيلن کي دليلن لاءِ تياري ڪرڻ جي به هدايت ڪئي.

 

 

جج ارشد ملڪ جي ويڊيو ٺاهيندڙ مک جوابدار ميان طارق گرفتار، وڊيوز به هٿ

اسلام آباد (اين اين آءِ) ايف آءِ اي جج وڊيو اسڪينڊل ۾ ملوث ملزم طارق محمود کي گرفتار ڪري عدالت کان ٻن ڏينهن جو جسماني ريمانڊ حاصل ڪري ورتو ذريعن موجب جوابدار ميان طارق محمود ملتان جو رهواسي آهي ملزم ملتان جو ڪاروباري شخص آهي ذريعن موجب جوابدار کي احتساب عدالت جي جج محمد ارشد ملڪ جي وڊيو ٺاهڻ جو الزام آهي. جوابدار کي ايف سيون مان ايف آءِ اي سائبر ڪرائيم ونگ گرفتار ڪيو جنهن کان پوءِ ايف آءِ اي طارق محمود کي سول جج شائسته ڪنڊي جي عدالت ۾ پيش ڪيو ويو جوابدار کي بڪتربند گاڏي ۾ سخت پهري ۾ آندو ويو ايف آءِ اي چيو ته جوابدار احتساب عدالت جي جج جي وڊيو اسڪينڊل ۾ ملوث آهي جوابدار جو جسماني ريمانڊ ڏنو وڃي جاچ ڪرڻي آهي عدالت ٻن ڏينهن جو جسماني ريمانڊ حاصل ڪري ورتو عدالت چيو ته جاچ آفيسر جوابدار کي 19 جولاءِ تي ميڊيڪل رپورٽ سان پيش ڪري. ان موقعي تي جج جوادبدار کان پڇاڻو ڪيو ته ڇا اوهان ڪجهه چوڻ پسند ڪندا ميان طارق محمود چيو ته مون کي گرفتار ڪري مون تي تشدد ڪيو ويو تشدد جي ڪري منهنجون هٽيون ٽٽي پيون آهن ايف آءِ اي ذريعن موجب ميان طارق جي گهر مان وڊيو هٿ ڪري فرانزڪ ڪرايو ويو.

 

سياسي ۽ عسڪري قيادت وچ ۾ ملاقات، ملڪي صورتحال تي ڳالهيون

اسلام آباد ( ويب ڊيسڪ ) وزيراعظم عمران خان سان آرمي چيف جنرل قمر جاويد باجوا ملاقات ڪئي جنهن ۾ ملڪي سيڪيورٽي صورتحال تي خيالن جي ڏي وٺ ڪئي وئي.آرمي چيف جنرل قمر جاويد باجوا وزيراعظم هائوس ۾ وزيراعظم عمران خان ملاقات ڪئي جنهن ۾ ملڪ جي سيڪيورٽي صورتحال تي خيالن جي ڏي وٺ ڪئي وئي.

 

هاڻي نه پٽواري ماتحت آهن نه ئي ٿاڻيدار، بيگم صفدر هاڻي جي ٽي روڊ جي ٽريفڪ جو سهارو وٺڻ چاهي ٿي: فردوس عاشق اعواڻ

اسلام آباد (اين اين آءِ) وزيراعظم جي سڌسماءِ بابت خاص مددگار فردوس عاشق اعواڻ چيو آهي ته منڊي بهاولدين جي ڪارنر ميٽنگ ۽ ورڪرز ڪنيونسشن ناڪام ٿيڻ کان پوءِ بيگم صفدر اعواڻ جي ٽي روڊ ٽريفڪ جو سهارو وٺڻ چاهي ٿي وات ۾ چاندي جو چمچو کڻي پيدا ٿيندڙ جدوجهد نه صرف جعلسازي ڪري سگهن ٿا هاڻي نه تپيدار ماتحت آهن ۽ نه ئي ٿاڻي جو انچارج کين عوام جو نه رڳو پنهنجي اقتدار وڃائڻ جو ڏک آهي اربع تي فردوس عاشق اعواڻ ٽيوٽر تي پنهنجي بيان ۾ چيو ته عمران خان پاڪستانين جي دلين جو آواز آهي ان جي عوامي مقبوليت سان حسد رکندڙن جو احتجاج عوامي رنگ کان محروم آهي هن چيو ته پاڻ کي قانون کان مٿانهون سمجهندڙ نئين پاڪستان ۾ پهريون ڀيرو قانون جي هڪ جهڙي عمل سان بي وس ٿيا آهن دآڪٽر فردوس عاشق اعواڻ چيو ته کين اها ئي تڪليف ماري رهي آهي ته قانون انهن کان مٿانهون ڪيئن ٿي ويو هن چيو ته عوام لٽيندڙن کي رد ڪري ورڪرن جي امانت ان قيادت جي حوالي ڪئي جيڪا پاڪستان کي خوشحال ڏينهن ۽ روشن مستقبل جي رستي تي آڻيندي.

 

 

آمريتي عنصر شهيد شاهنواز ڀٽو جي انقلابي سوچ کان ڊنل هئا، هڪ ناپاڪ سازش ڪري کيس شهيد ڪيو ويو هو: بلاول ڀٽو زرداري

ڪراچي (اين اين آءِ) پ پ چيئرمين بلاول ڀٽو شهيد شاهنواز ڀٽو کي سندس 34 هين ورسي جي موقعي تي شاندار لفظن جي ڀيٽا پيش ڪئي آهي، پنهنجي پيغام ۾ پ پ چيئرمين چيو ته ملڪ ۾ جمهوريت کي بحال ڪرڻ لاءِ عوامي جدوجهد ۾ ڀٽو خاندان پاران ڀرپور قائداڻو ڪردار ادا ڪرڻ جي ڏوهه ۾ شهيد شاهنواز ڀٽو کي هڪ وڏي سازش ڪري شهيد ڪيو ويو هو، هن چيو ته آمريتي عنصر شهيد شاهنواز ڀٽو جي انقلابي سوچ کان ڊنل ۽ پاڪستان جي نوجوانن ۾ انهن جي وڌندڙ مقبوليت کان پڻ ڊنل هئا، هن وڌيڪ چيو ته پاڪستان جي نئين نسل شهيد شاهنواز ڀٽو هڪ ڪيس اسٽڊي آهي ته عوام جا حق ڦٻائيندڙ طاقتون جمهوريت جي ڳالهه ڪرڻ تي ظلم جا سڀ ليڪا لتاڙين ٿيون ۽ عوام جي خدمت جو جذبو رکندڙ ماڻهن کي بي رحمي سان ماريو وڃي ٿو، بلاول ڀٽو چيو ته ڀٽو جي سوچ تي قائم شهيد شاهنواز ڀٽو جي جمهوري انقلابي سوچ جو سفر ۽ عوامي خدمت جو جذبو اڄ به جاري آهي ڇو ته پ پ ملڪ کي حقيقي جمهوري ۽ برابري تي ٻڌل قائد اعظم جو پاڪستان ٺاهڻ لاءِ اڄ به جدوجهد جي ميدان ۾ منزل ڏانهن وڌي رهي آهي، پ پ چيئرمين پارٽي عهديدارن، ڪارڪنن ۽ عوام کي اپيل ڪئي ته اهي اڄ شهيد شاهنواز ڀٽو جي روح کي ثواب پهچائڻ لاءِ دعا ڪن.

 

 

وفاقي حڪومت ڪڻڪ جي برآمد تي پابندي لاڳو ڪري ڇڏي، ماني ۽ نان جي قيمت ۾ واڌ جي روڪٿام لاءِ  قدم کڻڻ جي هدايت

اسلام آباد (اين اين آءِ) اقتصادي رابطي واري ڪميٽي ڪڻڪ ۽ اٽي جي ايڪسپورٽ تي پابندي مڙهي ڇڏي، ناڻي صلاحڪار ڊاڪٽر عبدالحفيظ جي صدارت هيٺ ڪابينا جي اقتصادي رابطي واري ڪميٽي جو اجلاس ٿيو، اجلاس کي ٻڌايو ويو ته ملڪ ۾ ڪڻڪ جي خريداري گذريل سال جي ڀيٽ ۾ 33 سيڪڙو گهٽ ٿي آهي، جنهن سبب ملڪ ۾ اٽي ۽ ماني جي قيمت وڌڻ جو روجحان آهي، ڪميٽي ملڪ ۾ اٽي جي قيمتن ۾ واڌ ۽ ججهي مقدار ۾ مهيا ڪرڻ لاءِ ڪڻڪ ۽ اٽي جي ايڪسپورٽ تي پابندي مڙهڻ جو فيصلو ڪيو، پابندي لاڳو ٿيڻ کانپوءِ افغانستان ڏانهن به ڪڻڪ نه موڪلي ويندي، واضح رهي ته پنجاب حڪومت به وفاق کي ايڪسپورٽ تي پابندي جي سفارش ڪئي هئي. ڪميٽي پي آءِ اي کي ان فلائيٽ انٽرٽينمينٽ سسٽم ۾ سڌاري لاءِ 70 ڪروڙ رپين جي خرچ جي منظوري ڏئي ڇڏي، قومي ايئر لائين حڪومت پاران منظور ٿيل 24 ارب رپين جي پيڪيج سان هي رقم استعمال ڪندي، ڪميٽي هلندڙ مالي سال لاءِ تمام جي گهٽ ۾ گهٽ امدادي قيمت مقرر ڪرڻ سميت اسپورٽس، يوٽلٽي، ويڪلز ٻاهران گهرائڻ تي 11 سيڪڙو ڪسٽم ڊيوٽي لڳائڻ جي منطوري ڏني، ڪميٽي ڳڻپ واري اداري لاءِ قيمتن جي تعين بابت بيس ايئر 2015 ۽ 2016 مقرر ڪرڻ جي منظوري ڏني.

 

گرين لائن منصوبي تي جلد کان جلد ڪم شروع ڪيو وڃي : وڏو وزير جي هدايت

ڪراچي ( ويب ڊيسڪ ) وڏي وزير سيد مراد علي شاهه جي صدارت هيٺ گرين لائن جي اهم شاهراهه تي روٽ جي اڏاوت بابت معاملن تي ڳالهائيندي گرين لائن کي جلد کان جلد آپريشنل بڻائڻ جي هدايت ڪئي وئي. اڄ ٿيندڙ اعليٰ سطحي اجلاس ۾ گرومندر کان اڳتي روٽ جي اڏاوت جي ۾ پيش ايندڙ رنڊڪن جو جائزو ورتو ويو، ان موقعي تي وڏي وزير کي يوٽيلٽي مسئلن بابت به بريفنگ ڏني وئي . بريفنگ ۾ چيو ويو ته ايم اي جناح روڊ جي هيٺان پاڻي پراڻي پائيپ لائن آهي جيڪا متاثر ٿي سگهي ٿي، جنهن تي وڏي وزير جو چوڻ هو ته پاڻي جي اها پراڻي لائن بهترين حالت ۾ آهي ۽ انجنئرنگ ٽيڪنيڪ ذريعي ان کي ڊگهي عرصي لاءِ محفوظ ڪري سگهجي ٿو. وڏي وزير اهو پڻ چيو ته ڪيپري سئنما کان ميونسپل پارڪ تائين ڪراس روڊ تي سگنل جو بندوبست ڪيو وڃي، ضرورت ان ڳالهه جي آهي ته گرين لائن کي جلد کان جلد شروع ڪيو وڃي، پهريان ئي اها رٿا رولڙي جو شڪار ٿي چڪي آهي.

 

ميان طارق جي گرفتاري، حسين نواز جي تصوير ليڪ ڪرڻ وارن کي به پڪڙيو ويندو؟: مريم نواز جو ٽوئيٽ

اسلام آباد (اين اين آءِ) پاڪستان مسلم ليگ (ن) جي نائب صدر مريم نواز جج ارشد ملڪ جي وڊيو ٺاهيندر مک جوابدار ميان طارق جي گرفتاري تي چيو آهي ته حسين نواز جي تصوير ليڪ ڪرڻ جي خلاف به ڪارروائي ٿيندي اربع تي مريم نواز جج ارشد ملڪ جي وڊيو ٺاهيندڙ مک جوابدار ميان طارق جي گرفتاري جي ردعمل ۾ ٽيوٽر تي ٽوئٽ ڪيو ته سٺو ٿيو پر هن وڊيو کي جج کي ڏيکاري بليڪ ميل ڪرڻ ۽ نوازشريف کي بيگناهه هوندي به سزا ڏياريندڙن کي به پڪڙيو ويندو هن چيو ته هڪ ٻي ٽوئٽ ۾ سوال ڪيو ته حسين نواز جي تصوير ليڪ ڪندڙن جي خلاف به ڪارروائي ٿيندي واضح رهي ته هلندڙ سال 6 جولاءِ تي مريم نواز پريس ڪانفرنس ۾ اڳوڻي وزيراعظم نوازشريف کي سزا ٻڌائيندڙ احتساب عدالت جي جج ارشد ملڪ جي هڪ وڊيو جاري ڪئي جنهن ۾ مبينه طور تي اهو ٻڌايو ويو ته جج ارشد ملڪ کي نوازشريف کي سزا ٻڌائڻ لاءِ بليڪ ميل ڪيو ويو ان بيناد تي مريم نواز اها گهر ڪئي ته ڇو ته جج پاڻ اعتراف ڪري ورتو آهي تنهنڪري نوازشريف کي سزا ٻڌائيندڙ سزا کي ڪالعدم قرار ڏيئي کيس آزاد ڪيو وڃي.