تازيون خبرون
ٽرمپ جي ڪشمير مسئلي تي وري ٽياڪڙي جي آڇ، ڀارت تي ڇڪتاڻ گهٽائڻ لاءِ زور - وفاقي حڪومت جو نجي شخصيتن تائين نيب ڪارروائي جا اختيار ختم ڪرڻ جو فيصلو - سرڪاري ملازم غير قانوني حڪم مڃڻ جو پابند ناهي: سپريم ڪورٽ - ستلج ۽ سنڌو درياهه ۾ پاڻي جي وهڪري ۾ واڌ، 33 ڳوٺ پاڻي هيٺ، لڏ پلاڻ - ڪرنٽ اڪائونٽ خساري ۾ لاٿ وڏي ڪاميابي آهي: عمران خان - صادق سنجراڻي سان اسد قيصر جي ملاقات، ڪشمير مسئلي کي بين الاقوامي سطح تي اٿارڻ لاءِ پارليامينٽ جا وفد موڪلڻ جو فيصلو - شاهه محمود قريشي جو آئيوري پوسٽ، ڊينش ۽ ناروي جي پرڏيهي وزيرن سان ٽيليفون تي رابطو، والاريل ڪشمير جي صورتحال تي ڳالهيون - ڪراچي جو ڪچرو سڀني کي صاف ڪرڻ کپي پر تحريڪ انصاف ۽ ايم ڪيو ايم سياسي پوائنٽ اسڪورنگ ۾ مصروف آهن: سعيد غني - ايف بي آر ٽيڪس  نيٽ کي وسعت ڏيندي هڪ لک امير ٽيڪس نان فائلرز کي نوٽيس جاري ڪري ڇڏيا - هتي ويچارا ٿي اچن ٿا، اهو وقت پري نه آهي جڏهن ڪراچي ۾ قبرن لاءِ جاءِ نه ملندي: سنڌ هاءِ ڪورٽ

Daily Archives: July 15, 2019

شريف خاندان دولت جي لالچ ۾ پاڪستان کي بدنام ڪري ڇڏيو: فردوس عاشق اعواڻ

اسلام آباد/سيالڪوٽ ( ويب ڊيسڪ ) وفاقي حڪومت نواز شريف دور ۾ مشعل اوباما پاران تعليم لاءِ ڏنل فنڊن جي جاچ جو اعلان ڪندي چيو آهي ته شريف خاندان ملڪيت جي لالچ ۾ پاڪستان کي بدنام ڪري ڇڏيو شهباز شريف اينڊ سنز جو ڪارو ناڻو ۽ مني لانڊرنگ جا وڌيڪ ثبوت ظاهر ٿيا آهن زلزلي سٽيلن لاءِ برطانوي امداد تي شريف خاندان هٿ صاف ڪيا برطانوي اخبار ۾ هڪ هڪ لفظ جي ڇنڊڇاڻ کانپوءِ رپورٽ جاري ڪئي وڃي ٿي مريم صفدر هاڻي ان کي حڪومت جي انتقامي ڪارروائي نه چئي سگهندي برطانوي اخبار جي خبر شريف خاندان جي هڪ خلاف هڪ ٽريلر آهي ٻه سياسي اداڪار سياسي ٿيٽر لڳائين ٿا جن جي ڳالهه گهرڀاتي به نه ٿا ٻڌن واپاري تنظيمن کي چوان ٿي ته ڪنهن جي ذاتي مفادن جو حصو نه بڻجو حڪومت جا ٻانهن ٻيلي بڻجي ملڪ کي ڏکيائين مان ڪڍو ملڪ سڌارن کان سواءِ نه ٿو هلي سگهي. آچر تي هتي ڊاڪٽر فردوس عاشق اعواڻ پريس ڪانفرنس کي خطاب ڪندي چيو ته تحريڪ انصاف جي قيادت ملڪ جو وڃايل عزت بحال ڪرڻ لاءِ قدم کڻي رهي آهي پاڪستان جي سبز پاسپورٽ کي سڄي دنيا ۾ عزت ڏيارينداسين هن چيو ته وزيراعظم پاڪتسان جي عوام جي حقن لاءِ ڏينهن رات ڪوششون ڪري رهيو آهي هن چيو ته مني لانڊرنگ ۽ ڪرپشن جو ماهر خاندان برطانيا سان به ٻه هٿ ڪري ويو ان خاندان زلزلي سٽيلن لاءِ برطانوي امداد سان به هٿ صاف ڪيا. فردوس عاشق اعواڻ چيو ته حديبيه پيپر مل کان شروع ٿيندڙ مني لانڊرنگ جو ڏوهه هاڻي ٽي ٽي تائين پهتو آهي شهباز شريف آڱر کڻي پاڻ کي ڪرپشن کان پاڪ ٻڌائيندو هو هاڻي شريف خاندان جي ڪرپشن عالمي ادارا ظاهر ڪري رهيا آهن ۽ انهن جو پاڪستاني حڪومت سان تعلق ناهي برطانوي اخبار جي رپورٽ سمورن پاڪستانين جا ڪنڌ شرم وچان هيٺ ڪري ڇڏيا آهن هن چيو ته مافيا پهريان ڪرپشن سان پيسا ٺاهيندو آهي ۽ بليڪ ميلنگ ڪري ادارن کي بدنام ڪندو آهي ادارا بدنام ناهن ٿيندا ته ڪرپشن جو سهارو ورتو ويندو برطانوي اخبار جي اسٽوري سمورن پاڪستانين جا ڪنڌ جهڪائي ڇڏيا آهن شريف خاندان جا ڪارناما ظاهر ٿي رهيا آهن. برطانيا اخبار جي خبر شريف خاندان خلاف هڪ ٽريلر آهي. هن چيو ته ملڪيت جي لالچ ۾ سرڪاري عهدن جو استعمال ڪيو ويو شريف خاندان مني لانڊرنگ لاءِ عورتن کي به استعمال ڪيو فردوس عاشق اعواڻ چيو ته مافيا ڳٺ جوڙ سان پيسو ڪمايو ويو برطانوي اخبار ۾ ڇرڪائيندڙ انڪشاف ڪيا ويا آهن هن چيو ته برطانوي اخبارن ۾ ثبوت کانسواءِ ڪا به خبر جاري ناهي ٿيندي برطانيا زلزلي ۽ ٻوڏ متاثرن لاءِ امداد ڏني هئي هن چيو ته برطانيا شهباز شريف جي ناٺي علي عمران کي 10 لک پائونڊ جي واڌو امداد ڏني هئي 2003 ۾ شريف خاندان جا اثاثا ڏيڍ لک پائونڊ هئا هن چيو ته 2018 ۾ شريف خاندان جا اثاثا 20 ڪروڙ پائونڊ تائين پهتا. ٻئي طرف   احتساب بابت وزيراعظم عمران خان جي خاص مددگار شهزاد اڪبر چيو آهي ته برطانوي اخبار ڊيلي ميل جي رپورٽ ۾ جنهن پئسي جو ذڪر ڪيو ويو آهي اِهو اُهو ئي پئسو آهي، جيڪو شهباز شريف جي خاندان مني لانڊرنگ ڪري ٻاهر موڪليو. خانگي ٽي وي چئنل سان ڳالهائيندي شهزاد اڪبر چيو ته شريف خاندان خلاف زلزلي ۽ ٻوڏ متاثرن جي فنڊن ۾ گهوٻين جو ڪيس اڳ ئي نيب ۾ جاچ هيٺ آهي، برطانوي اخبار جي رپورٽ ۾ جنهن اڪرم جو ذڪر آهي، اهو نيب سان پلي بارگين ڪري چڪو آهي ۽ اڪرم اقبالي بيان ۾ فنڊن جي رقم شهباز شريف جي ناٺي کي ڏيڻ جو اعتراف ڪيو. سندس چوڻ هو ته سليمان شهباز ۽ علي عمران ان ئي ڪيس ۾ مفرور آهن، اهو ڪيس ٻاهرين قرضن ۽ امداد جي ڪميشن کي به موڪليو ويندو. شهزاد اڪبر موجب برطانوي اخبار شهباز شريف جي مني لانڊرنگ جو سنگين انڪشاف ڪيو آهي، ان کانپوءِ ن ليگ جو ردعمل هر لحاظ کان پاناما ليڪس جهڙو آهي، پاناما ليڪس جي جاچ ٿي ته قوم سچ کي ڪوٽ کان مختلف ڏٺو. هن چيو ته شهباز شريف جي اولاد مان جنهن کي شوق آهي عدالت سان رابطو ڪري، سچ سامهون اچي ويندو، منهنجو چئلينج آهي ته اهي ڪڏهن به ائين نٿا ڪري سگهن.

 

شريف خاندان طرفان زلزلي متاثرن لاءِ برطانوي امداد ۾ به گهوٻين جو انڪشاف، برطانيا جي ترديد

لنڊن (اين اين آءِ) برطانوي اخبار پنهنجي رپورٽ ۾ دعويٰ ڪئي آهي ته شهباز شريف جو خاندان برطانيا ۾ مني لانڊرنگ ۾ ملوث رهيو آهي جنهن تي برطانيا شهباز شريف جي دور ۾ ڏنل ڪروڙين پائونڊ امداد جي جاچ جو فيصلو ڪري ڇڏيو برطانوي اخبار ڊيلي ميل هڪ آرٽيڪل ڇپيو جنهن ۾ چيو ويو ته جاچ ڪندڙن دعويٰ ڪئي ته شهباز شريف جو خاندان برطانيا ۾ مني لانڊرنگ ۾ ملوث آهي رپورٽ موجب شهباز شريف جي حڪومتي دور ۾ برطانوي حڪومت پنجاب لاءِ 500 ملين پائونڊ امداد ڏني جاچ ادارن موجب شريف خاندان اها رقم مني لانڊرنگ ۾ استعمال ڪئي جنهن تي برطانوي ڊپارٽمينٽ فار انٽرنيشنل ڊولپمينٽ پاران به مبينا مني لانڊرنگ تي ڳڻتي ظاهر ڪئي وئي برطانوي اداري ٻڌايو ته فنڊ فراهم ڪرڻ وقت خبر هئي ته پاڪستان ۾ ڪرپشن گهڻي آهي ان جي هوندي به پاڪستان کي ٻين ملڪن جي ڀيٽ ۾ وڌيڪ فنڊ ڏنا ويا پاڪستان کي ساليانو 463 ملين پائونڊ جي رقم فنڊ طور ڏني برطانوي اخبار موجب مني لانڊرنگ ۾ ملوث شريف خاندان جي فرنٽ مين آفتاب محمود شريف خاندان لاءِ ڪروڙين پائونڊ جي مني لاندرنگ جو اعتراف ڪري ورتو آفتاب محمود چيو ته شريف خاندان لاءِ برمنگهم آفيس جي ذريعي مليل ڊالرز جي مني لانڊرنگ ڪئي برطانوي حڪومت پاران موڪليل رقم مان هڪ ملين پائونڊ شهباز شريف جي ناٺي کي ڏنو ويو غريب عورتن کي غربت مان ڪڍڻ ۽ صحت جي سهولتن لاءِ مليل رقم ۾ به گهوٻيون ڪيون ويون اها رقم برطانوي ٽيڪس پيئرز کان وٺي رڳو مدد لاءِ موڪلي وئي هئي جاچ ادارن هن رقم بابت جاچ شروع ڪري ڇڏي آهي مني لانڊرنگ ڪيل رقم پاڪستان مان برمنگهم موڪلي ويندي هئي برمنگهم مان فرنٽ مين جي ذريعي اها رقم شريف فيملي جي بينڪ اڪائونٽس ۾ منتقل ٿيندي هئي. ٻئي طرف برطانيا جي حڪومت شريف خاندان پاران زلزلي سٽيلن جي رقم چوري ڪرڻ بابت ڊيلي ميل جي خبر جي ترديد ڪري ڇڏي آهي برطانوي اخبار ڊيلي ميل پنهنجي خبر ۾ دعويٰ ڪئي هئي ته شهباز شريف جي حڪومتي دور ۾ برطانوي امدادي اداري پاران پنجاب حڪومت کي 50 ڪروڙ پائونڊ ڏنا ويا هئا جنهن مان رقم چوري ڪئي وئي برطانوي حڪومت پاران ڊپارٽمينٽ آف انٽرنيشنل ڊولپمينٽ جي ترجمان جو بيان جاري ڪيو ويو آهي ڊي ايف آءِ ڊي موجب ڊيلي موجب پنهنجي اسٽوري کي سچ ثابت ڪرڻ لاءِ گهٽ ثبوت پيش ڪيا. برطانيا پاران جاري ڪيل بيان ۾ چيو ويو ته 2005 جي زلزلي کانپوءِ برطانيا پاران پنجاب حڪومت جي ارٿ ڪوئيڪ رليف اينڊ ري ڪسنٽرڪشن اٿارٽي اسڪولن جي اڏاوت لاءِ امداد موڪلي هئي. جنهن جو آڊٽ به ڪيو ويو ترجمان پنهنجي بيان ۾ چيو ته برطانوي ٽيڪس ڏيندڙن جو پيسو بلڪل ٺيڪ جڳهه تي خرچ ٿيو ۽ ان امدادي رقم جي ذريعي زلزلي متاثرن جي مدد ڪئي وئي. اسان پراعتماد آهيون جو برطانوي ٽيڪس ڏيندڙن جي پيسي کي فراڊ کان محفوظ رکيو ويو.  هوڏانهن  مخالف ڌر اڳواڻ شهباز شريف خلاف خبر جاري ڪندڙ ڊيلي ميل جي صحافي ڊيوڊ روز پاران جاري ڪيل بيان ۾ چيو ويو آهي ته ڊپارمينٽ فار انٽرنيشنل ڊولپمينٽ پاران ترديد جي ڪا به اهميت ناهي شريف خاندان خلاف خبر ڏيندڙ برطانوي صحافي ٽوئيٽر تي جاري ڪيل هڪ بيان ۾ چيو ته منهنجي شهباز شريف بابت خبر جي بي ايف آءِ ڊي پاران ترديد جي ڪا به اهميت ناهي آرٽيڪل ۾ رڳو ان جي بيان کي ورجايو ويو آهي جنهن ۾ دعويٰ ڪئي وئي ته ان ۾ زلزلي بابت فنڊن جو ڪو به ثبوت ناهي ڊيوڊ روز لکيو ته ان کي پڙهو ان ۾ اهو ئي آهي حقيقت لڪائڻ جي ناڪام ڪوشش ۽ پيسن جو زيان آهي هن چيو ته مسلم ليگ (ن) پي ايم ايل اين پاران منهنجي عمران خان سان تصوير سوشل ميڊيا تي شيئر ڪئي پئي وڃي ان ۾ دعويٰ ڪئي پئي وڃي ته منهنجو شهباز شريف بابت آرٽيڪل پلانٽيڊ آهي هي تصوير گذريل سال اليڪشن کان اڳ ورتي وئي هئي جڏهن مان عمران خان جو انٽرويو وٺي رهيو هيس ان جو ثبوت هيٺ اسٽوري ۾ آهي.

 

برطانوي اخبار جي خبر رد، ملڪ تي عادي ڪوڙا مڙهيل آهن: ن ليگ

اسلام آباد ( ويب ڊيسڪ ) مسلم ليگ ن جي ترجمان مريم اورنگزيب چيو آهي ته ملڪ تي عادي ڪوڙا مڙهيل آهن، ايسيٽ ريڪوري يونٽ هڪ رپين جي ڪرپشن نه ڪڍي سگهيو آهي. اسلام آباد ۾ پريس ڪانفرنس ڪندي مريم اورنگزيب چيو ته جڏهن هڪ به ثبوت نه مليو ته هڪ اسٽوري پلانٽ ڪئي وئي، شهزاد اڪبر جي نوڪري وڃڻ واري آهي. هن چيو ته 2008ع کان 2012ع تائين ايرا وفاقي سرڪار جي ماتحت ڪم ڪيو، ترجمان صاحبه چئي رهي هئي ته مشرف دور ۾ شهباز شريف ڌاڙو هنيو.  سندس چوڻ هو ته حڪومت ڏينهن رات عوام سان ڪوڙ ڳالهائي رهي آهي، بني گالا ۾ ويهي اسٽوري جي منصوباندي ڪئي وئي. مريم اورنگزيب چيو ته ڊيل ميل ڪوڙي اخبار آهي، نواز شريف ۽ شهباز شريف سان دشمني ۾ ملڪ دشمني ڪئي پئي وڃي. مريم اورنگزيب چيو ته ڪوڙي خبر ذريعي ميڊيا ٽرائل ڪيو پيو وڃي،  ڊيوڊ روز جي عمران خان سان ملاقات ۾ شهزاد اڪبر به شرڪت ڪئي. هن چيو ته ڊيلي ميل جون خبرون من گهڙت ۽ بنياد هونديون آهن، صحافي ڊيوڊ روز بني گالا ۾ عمران خان سان ملاقات ڪئي. سندس چوڻ هو ته ڊيلي ميل جي اسٽوري شهزاد اڪبر پلانٽ ڪرائي، 2016ع ۽ 2017ع ۾ ڊيلي ميل جعلي اسٽورين بند ٿيندي ٿيندي رهجي وئي. مريم اورنگزيب چيو ته جعلي اڪائونٽس ذريعي پي ٽي آءِ 2018ع ۾ چونڊ وڙهي، يوڪي ايڊ خبر جي ترديد ڪري ڇڏي آهي.مريم اورنگزيب چيو آهي ته برطانوي اخبار جا شهباز شريف تي الزام واويلا آهن. هڪ بيان ۾ مريم اورنگزيب چيو ته اڍائي سالن کان الزام ۽ دعوائون ٻڌي رهيا آهيون،  امداد ڏيڻ لاءِ هڪ مڪمل عمل هوندو آهي،  شايع ٿيل خبر جي پنجن حصن ۾ شهباز شريف جي ڪارڪردگي ۽ منصوبن جي واکاڻ ڪئي وئي،  خبر جي شڪي ذريعن واري حصي ۾ سمورا سازشي نظريا ۽ الزام هنيا ويا آهن. هن چيو ته خبر ۾ برطانيا جي ڪنهن سرڪاري رپورٽ جو ذڪر ناهي، خبر من گهڙت، بي بنياد ۽ ڪوڙ تي ٻڌل آهي جيڪا عمران خان صاحب جي سازشي ذهن جي پيداوار آهي.  سندس چوڻ هو ته برطانوي اخبار جي خبر ۾ ايمنسٽي انٽرنيشنل سميت  عالمي ادارن ۽  ڊيفيڊ طرفان فنڊن جي شفافيت جو اعتراف ڪيو ويو آهي.  مريم اورنگزيب چيو ته شهباز شريف هڪ هڪ پائي ايمانداري ۽ شفافيت سان خرچ ڪئي، اهڙيون خبرون ملڪ تي ماڻهو کلائڻ لاءِ شايع  ٿي رهيون آهن، ڪوڙي خبر ذريعي برطانوي امدادي اداري کي بدنام ڪرڻ جو ڪريل طريقو استعمال ڪيو ويو، خبر شايع ڪندڙ اخبار جي شهرت، ساک ۽ ڪردار جي سڀني کي خبر آهي.  هن چيو ته سياسي انتقام ۾ امدادي کي تڪراري بڻايو پيو وڃي، اصل خبر عمران نيازي جي 18 جعلي اڪائونٽن جي آهي جنهن سان خوف پيدا ٿيو آهي، اصل ۽ سچي خبر برطانيا مان اچڻي آهي جيڪا اربين ڊالر جي خرد برد ۽ مني لانڊرنگ بابت آهي.

 

هاڻي سليڪشن نه هلندي، آءِ ايم ايف جي بجيٽ ۾ اميرن لاءِ اين آر او آهي: بلاول زرداري

رحيم يار خان (اين اين آءِ) پ پ چيئرمين بلاول ڀٽو زرداري چيو آهي ته ڪٺپتلين کي سياست مان نيڪالي ڏئي سليڪشن نه پر صاف سٿري اليڪشن ڪرائڻي پوندي ڪٺ پتلي وزيراعليٰ پنجاب صوبي لاءِ نه وڙهندو ته اسان پنجاب جا حق کسي وٺنداسين پاڻي جي کوٽ آهي ته سڀني کي گڏجي برداشت ڪرڻو پوندو آءِ ايم ايف جي بجيٽ ۾ اميرن لاءِ اين آر او آهي عمران خان هڪ ڪروڙ نوڪرين جو واعدو ڪيو ۽ هڪ به نه ڏني. صادق آباد ۾ ورڪرز ڪنويشن کي خطاب ڪندي بلاول ڀٽو زرداري چيو ته نوجوانن جو معاشي قتل ٿي رهيو آهي ۽ صوبن جو به معاشي قتل ٿي رهيو آهي سنڌ ۾ به ڌاڙو هنيو ويو آهي سڀ کان گهڻو نقصان پنجاب کي ٿيو آهي 7 سنڌ سان ناانصافي ٿئي ٿي ته وڏو وزير حقن لاءِ وڙهي ٿو پر پنجاب ۾ ائين نه ٿو ٿئي. ڪٺپتلي پنجاب جو وڏو وزير صوبي لاءِ نه وڙهندو ته اسان پنجاب جا حق ان کان کسي وٺنداسين. هن چيو ته اسان پنهنجي حڪومت ۾ سخت حالتن  باوجود عام ماڻهوءَ جي ڏکيائين جو خيال رکيو پر هن حڪومت جي بجيٽ ۾  عوام لاءِ تڪليف ۽ امير لاءِ سهولت آهي. ان کان اڳ اڳوڻي سيد انور محمود چيو ته پاڪستان اڄ جيترو ڪمزور آهي اڳ ڪڏهن به نه هيو پاڪستان جون حالتون خراب ٿي رهيون آهن هن چيو ته منهنجو ۽ منهنجي ٻارن جو جيئڻ مرڻ پ پ سان تعلق آهي ان کان اڳ ايم پي اي ممتاز احمد چانگ تقرير ڪندي چيو ته منهنجي تڪ ۾ زراعت لاءِ پاڻي ناهي ۽ 70 سيڪڙو ماڻهن وٽ بجلي ناهي سمورن ايم پي ايز اسيمبلي ۾ آواز اٿاريو جنهن تي سڏ نه ورنايو ويو.

 

شهباز شريف جو ڊيلي ميل ۽ عمران خان خلاف قانوني ڪارروائي لاءَ عدالت وڃڻ جو اعلان

اسلام آباد (ويب ڊيسڪ) ن ليگ صدر شهباز شريف برطانوي اخبار ڊيلي ميل ۽ وزيراعظم عمران خان خلاف قانوني ڪارروائي جو اعلان ڪيو آهي. قومي اسيمبلي ۾ مخالف ڌر اڳواڻ شهباز شريف پنهنجي ٽوئيٽر بيان ۾ چيو آهي ته ڊيلي ميل خلاف قانوني ڪارروائي جو فيصلو ڪيو آهي. سندس چوڻ هو ته پاڻمرادي ۽ گمراهه ڪندڙ خبر عمران خان ۽ شهزاد اڪبر جي چون تي ڇاپي وئي، تنهن ڪري انهن ٻنهي خلاف به قانوني ڪارروائي ڪندس. شهباز شريف وزيراعظم کي مخاطب ٿيندي چيو ته هونئن عمران صاحب! توهان کي هاڻ منهنجي طرفان ساک کي نقصان پهچائڻ جي ڪيل ٽن دعوائن جو به جواب ڏيڻو آهي.

 

ورلڊ ڪپ

ورلڊ ڪپ

 

جي ڊي اي ۽ پي ٽي آءِ جو اين اي 205 گهوٽڪي تي ننڍي چونڊ فوج جي نگراني ۾ ڪرائڻ جو مطالبو

سکر (بيورو رپورٽ) جي ڊي اي ۽ پي ٽي آءِ اين اي 205 گهوٽڪي تي ننڍي چونڊ فوج جي نگراني ۾ ڪرائڻ جو مطالبو ڪندي سنڌ سرڪار مٿان چوندن کان اڳ ڌانڌلي ڪرڻ جو الزام هنيو آهي. اهڙو مطالبو غوث بخش مهر ۽ پي ٽي آءِ ايم پي اي حليم عادل شيخ گڏيل پريس ڪانفرنس دوران ڪيو. اُن موقعي تي اين اي 205 تي بيٺل آزاد اُميدوار احمد علي مهر به موجود هو. غوث بخش مهر جو چوڻ هو ته بلاول ڀٽو زرداري ۽ سنڌ جي وڏي وزير سوڌو سموري ڪابينا صوبي اندر ميدان تي لٿل آهي، تنهن ڪري فوج جي نگراني ۾ ننڍي چونڊ ڪرائي ضلعي جي عوام ۾ پيدا ٿيل خوف ختم ڪيو وڃي. هڪ سوال جي جواب ۾ غوث بخش مهر چيو ته کيس نٿو لڳي ته 18 جولاءِ تي ننڍي چونڊ ٿيندي، پر سندن مطالبو آهي ته جڏهن به ننڍي چونڊ ٿئي، اُها فوج جي نگراني ۾ ڪرائي وڃي. احمد علي مهر چيو ته گهوٽڪي ۾ هاڻ کان ئي ڌانڌلي ٿي رهي آهي، اسان جي ووٽرز کي حراسان ڪيو پيو وڃي. هُن الزام هنيو ته ٻن مختيارڪارن کي سنڌ سرڪار اغوا ڪرايو، اُن کانپوءِ وري خط لکي پاڻ کي بيڏوهه ثابت ڪرائڻ جي ڪوشش ڪئي. احمد علي مهر چيو ته بلاول ڀٽو جي اڳواڻيءَ ۾ سکر ۽ گهوٽڪي ۾ مهانگائيءَ خلاف ريليون ننڍي چونڊ تي اثرانداز ٿيڻ جي ڪوشش ڪئي آهي.

 

 

ڪرتارپور راهداري: پاڪستان ۽ ڀارت ۾ معاهدي جي 80 سيڪڙو نقطن تي اتفاق

اسلام آباد (اين اين آءِ) پاڪستان ۽ ڀارت وچ ۾ ڪرتارپور راهداري منصوبي جي حوالي سان ڳالهين جو ٻيو دور واگها بارڊر تي ٿيو جنهن ۾ ٽيڪنيڪي ۽ ٻين معاملن تي ڳالهيون ڪيون ويون پاڪستاني وفد پاران واگها بارڊر تي امنج و ٻوٽو پڻ لڳايو ويو جڏهن ته ڊاڪٽر محمد فيصل چيو آهي ته منصوبي جي حوالي سان 80 سيڪڙو ڳالهيون مڪمل ٿي ويون آهن اڃا هڪ ملاقات ڪرڻي پوندي ڪرتارپور راهداري منصوبي کولڻ جو مقصد رڳو امن ئي آحي. تفصيل موجب ڪرتارپور راهداري منصوبي جي حوالي سان پاڪستان ۽ ڀارت وچ ۾ وفد جي سطح تي ڳالهيون واگها بارڊر تي ٿيون 13 رڪني پاڪستاني وفد جي قيادت ڊي جي سارڪ ۽ سائوٿ ايشيا، ڊاڪٽر محمد فيصل ڪئي جڏهن ته 8 رڪني ڀارتي وفد جي نمائندگي جوائنٽ گهرو سيڪريٽري ايس سي ايل ڊاس ڪئي ڀارتي وفد جي اچڻ تي ڊاڪٽر محمد فيصل ۽ ٻين عملدارن سندس شاندار استقبال ڪيو. ڳالهين کان اڳ ميڊيا سان ڳالهائيندي وزيراعظم پاڪستان خطي ۾ امن جو خواهشمند آهي ۽ بابيا گرو نانڪ ديو جي جي سالگرهه تي ڪرتارپور راهداري کي کولڻ چاهي ٿو ڳالهين ۾ ڪرتارپور راهداري بابت مختلف معاملن تي خيالن جي ڏي وٺ ۽ پنهنجون تجويزون به پيش ڪيون.

 

پ پ جي ايجنڊا زرداري ۽ ن ليگ جي ايجنڊا نواز شريف جي آزادي آهي، حڪومت مديني جي رياست ڏانهن وڌي ٿي ته حمايت ڪنداسين : سراج الحق

فيصل آباد (ويب ڊيسڪ) جماعت اسلامي جي امير سينيٽر سراج الحق چيو آهي ته پ پ جي ايجنڊا زرداري ۽ ن ليگ جي ايجنڊا نواز شريف جي آزادي آهي. مرڪز اسلامي جي دوري کانپوءِ صحافين سان ڳالهائيندي سراج الحق چيو ته حڪومت مديني جي رياست ڏانهن وڌي ٿي ته حمايت ڪنداسين، سينيٽ چونڊون ٿينديون ته پنهنجو فيصلو عوام سامهون رکنداسين. هن چيو ته نيب چيئرمين جي مقرري وزيراعظم ۽ اپوزيشن ليڊر جو اختيار نه هجڻ گهرجي، سپريم ڪورٽ ۽ هاءِ ڪورٽ جا جج گڏجي نيب چيئرمين مقرر ڪن، هاڻوڪي نيب کي ختم ڪري نئون نيب سسٽم آندو وڃي. سندس چوڻ هو ته واپارين جي هڙتال سبب ڪراچي کان چترال تائين ملڪ بند هو، ماڻهو حڪومت جي پاليسين مان خوش ناهن، کاڌي پيتي جون شيون مهانگيون ويون آهن، غريب ماڻهو هاڻ پيٽ ڪيئن پالي؟.

 

اوٻاوڙو ڀرسان هٿياربندن جي فائرنگ ۾ پوليس اهلڪار سالي سوڌو قتل، 2 زخمي

اوٻاوڙو (م.ڊ) اوٻاوڙو ڀرسان هٿياربندن جي فائرنگ ۾ پوليس اهلڪار سوڌو 2 ڄڻا مارجي ويا ۽ 2 زخمي ٿي پيا آهن. ڪوٽ سبزل ٿاڻي جي حد ۾ اڻڄاتل جوابدارن فائرنگ ڪري ڏني، جنهن جي نتيجي ۾ دُڪان تي ويٺل پوليس اهلڪار سوڌو 2 ڄڻا مارجي ويا. مارجي ويلن ۾ پوليس اهلڪار ممتاز عرف بلا ۽ سندس سالو عبدالمالڪ شامل آهن، جڏهن ته فائرنگ ۾ 2 ڄڻا عبدالملوڪ ۽ سعيد زخمي به ٿيا. واقعي کانپوءِ پوليس ناڪابندي ڪري ڇڏي پر جوابدار فرار ٿيڻ ۾ ڪامياب ٿي ويا. مقتولن جا لاش ۽ زخمين کي پنجاب صادق آباد واري علائقي ۾ نيو ويو آهي. مارجي ويلن ۽ زخمين جو واسطو پنجاب سان ٻڌايو پيو وڃي.