تازيون خبرون
آخري دم تائين وڙهنداسين، مودي ياد رک سر جو جواب پٿر سان ڏينداسين: عمران خان - “آرٽيڪل 149” جو پڙاڏو: پ پ جو وفاقي سرڪار کان استعيفيٰ ۽ نئين سر چونڊن جو مطالبو - سنڌو ديش ڳالهه مناسب ناهي، صوبائي خودمختياري تي يقين رکون ٿا: شاهه محمود - آفيسر شاهي هلڻ نه ڏبي، عهدن تي ويٺل ماڻهن جي اڪثيريت عوام جي خدمت نٿي ڪري: سپريم ڪورٽ - اسان کي هر محاذ تي سفارتي ڪاميابي ۽ ڀارت کي شڪست ٿي رهي آهي: فردوس عاشق اعواڻ - مهاجرن جو قرض اسان کي نه وسارڻ گهرجي (اسد عمر) سڀ کان پهرين بنگال ۽ سنڌ ٺهراءُ پاس ڪيا: خورشيد شاهه - ڪشمير جو مسئلو حل ڪرڻ کان سواءِ ڳالهيون نٿيون ٿي سگهن، ٽيبل هيٺان ڪشميرين جو سمجهوتو ناهي ٿيڻ وارو: شيخ رشيد - بلاول ڀٽو زرداري جي بيان مان ملڪ دشمني ڪڍي ڏيکاريو: پيپلز پارٽي جو حڪومتي ميمبرن کي چئلينج - ڪراچي ۾ ٻوريون وجهي سيوريج لائيون ۽ گٽر بند ڪندڙن جي ڳولا جي ذميواري رينجرز حوالي - آزاد ڪشمير تي قبضي لاءِ مڪمل تيار آهيون، آخري فيصلو حڪومت ڪندي: ڀارتي آرمي چيف پاران ڌمڪي

Daily Archives: July 1, 2019

افغانستان جي مداحن طرفان دشمنن جهڙو رويو رکڻ تي تڪليف پهتي: انيقه علي

 

لاهور: (شوبز نيو) مشهور ڳائڻي انيقه علي چيو آهي ته افغانستان جي مداحن جو پرتشدد رويو ان جي جارحاڻي ارادن کي ظاهر ڪري ٿو.پاڪستان ته هميشه پيار، امن ۽ محبت جون ڳالهيون ڪيون آهن. پاڪستاني رانديگرن ميچ کٽڻ کان پوءِ به افغان ڪرڪيٽرن جي حوصله افزائي ڪئي.ٻئي طرف افغان مداحن پاڪستاني مداحن تي حملو ڪندا رهيا. جڏهن ته هنن پاڪستاني مداحن تي حملي ڪرڻ کان پوءِ به گرائونڊ اندر وڃي پاڪستاني رانديگرن تي به حملي جي ڪوشش ڪئي.راند جي ميدان ۾ اهڙو جارحاڻو رويو مذمت جوڳو آهي. هن چيوته پاڪستان هميشه پنهنجي پاڙيسرين سان سٺا تعلقات رکڻ جي ڪوشش ڪئي آهي.

 

وطن ۽ هتان جي مداحن سدائين پيار ڏنو آهي باليووڊ يا ٻئي هنڌ ڪم نه ٿي ڪري سگهان : نيلم منير

 

ڪراچي (شوبز نيوز) پاڪستاني ڊرامن ۽ فلمن جي مشهور اداڪاره ۽ ماڊل نيلم منير چيو آهي ته اسڪرپٽ جاندار ۽ ڪاسٽ شاندار هجي ته فلم کي ڪاميابيءَ کان ڪير به نه ٿو روڪي سگهي. “رانگ نمبر 2” جي ڪاميابي کانپوءِ تازي ڏنل انٽرويو ۾ نيلم منير چيو ته “رانگ نمبر 2” جي ڪاميابي منهنجي ڪيريئر کي نئون ۽ مضبوط رخ ڏئي ڇڏيو آهي، سٺن ڪردارن تي ٻڌل وڌيڪ فلمون به ڪرڻ چاهيان ٿي. نيلم منير چيو ته “رانگ نمبر 2” فلم ۾ ڪم ڪرڻ جو وڌيڪ موقعو هو، ڇاڪاڻ ته هيءَ فلم هڪ ئي وقت ڪاميڊي، رومانس، ڊانس ۽ جذبن سان ڀرپور هئي. هن چيو ته هڪ اداڪاره طور پرفارم ڪرڻ سندس ڪم آهي، ان سان فرق نٿو پوي، پوءِ اهو سيڪوئل ئي ڇو نه هجي پر اوهان جي ڪارڪردگي ڳالهائيندي آهي، فلم ان وقت ئي سائن ڪندي آهيان، جڏهن ان جو اسڪرپٽ مضبوط هجي. اداڪاره جو چوڻ هو ته ٽي وي اسڪرين ۽ فلم ڌار ڌار ميڊيم آهن، مان ٿيٽر، ٽي وي ۽ فلم لاءِ موجود آهيان، اسان جي ملڪ ۾ ڊراما انڊسٽري مضبوط آهي، هتي ڊراما وڌيڪ ڏٺا ويندا آهن، انڪري هتي سڃاڻپ ٺاهڻ آسان آهي، اسان وقت سان گڏ بهتر ٿي رهيا آهيون، مونکي يقين آهي ته 2019 پاڪستاني شوبز انڊسٽري لاءِ بهتر ثابت ٿيندو. نيلم باليووڊ ۾ ڪم ڪرڻ جي خواهش وارو خيال رد ڪندي چيو ته مون پنهنجي وطن ۽ هتان جي مداحن سدائين پيار ڏنو آهي، انڪري ٻئي هنڌ ڪم نه ٿي ڪري سگهان. مشهور اداڪاره پنهنجي ايندڙ فلم “ڪاف ڪنگنا” ۾ وڏي پردي تي جلوه ڏيکاريندي.

 

گرين شرٽس سيمي فائنل ۾ ضرور پهچندو : ظهير عباس

 

لنڊن(اسپورٽس نيوز) آءِ سي سي جي اڳوڻي صدر ظهير عباس چيو آهي ته پاڪستان جي ڪارڪردگي شاندار ٿي وئي آهي، گرين شرٽس سيمي فائنل ۾ ضرور پهچندو. خانگي ٽي وي سان ڳالهائيندي ظهير عباس چيو ته ائين لڳي رهيو آهي ته سيمي فائنل ۾ پاڪستان وري ڀارت سان ٽڪرائيندو، پاڪستان افغانستان خلاف بهترين ڪارڪردگي ڏيکاري. هن چيو ته بنگلاديش ڪرڪيٽ ٽيم مضبوط ضرور آهي پر پاڪستان کي بالنگ اٽيڪ ذريعي کين وڏي هدف کان روڪڻو پوندو، جيڪڏهن گرين شرٽس ائين ڪيو ته پاڪستان ڪامياب ٿي ويندو.

 

قومي ٽيم ڪنهن به ٽيم کي شڪست ڏيڻ جي صلاحيت رکي ٿي: عماد وسيم

 

ليڊز(اسپورٽس نيوز) پاڪستان ٽيم جي آل رائونڊر عماد وسيم چيو آهي ته افغانستان خلاف ميچ ۾ راشد خان خلاف پلان جوڙيو هو، بنگلاديش جي ٽيم به سٺي ڪارڪردگي ڏيکاري، قومي ٽيم ڪنهن به اليون کي شڪست ڏيڻ جي صلاحيت رکي ٿي. ليڊز ۾ ڀرپور ڪارڪردگي بعد ميڊيا سان ڳالهائيندي عماد وسيم مداحن کان گهر ڪئي ته گرائونڊ ۾ ميچ ڏسو پر جهيڙن کان پاسو ڪيو. هن چيو ته راشد خان خلاف جيڪو پلان جوڙيو هو اهو ڪامياب ٿيو.عماد وسيم وڌيڪ چيو ته بنگلاديش فارم ۾ آهي پر پاڪستان ڪنهن کي به هارائڻ جي صلاحيت رکي ٿو.

 

حڪومت طرفان اثاثا ظاهر ڪرڻ جي اسڪيم ۾ 3 جولاءِ تائين واڌ جو اعلان

اسلام آباد (ويب ڊيسڪ) حڪومت طرفان اثاثا ظاهر ڪرڻ جي اسڪيم ۾ 3 جولاءِ تائين واڌ ڪئي وئي آهي. ناڻي بابت وزيراعظم عمران خان جي صلاحڪار عبدالحفيظ شيخ معاشي ٽيم سان گڏ پريس ڪانفرنس ڪندي چيو ته ايسيٽس ڊڪليريشن اسڪيم مان فائدو کڻندڙن لاءِ 3 ڏينهن وڌائي رهيا آهيون، اسڪيم مان ٻاهرين ملڪن ۾ رهندڙ پاڪستاني ضرور فائندو حاصل ڪن، ان اسڪيم سان ماڻهو 3 جولاءِ تائين بئنڪنگ وقتن ۾ فائدو کڻي سگهن ٿا. هن عوام کي اپيل ڪئي ته اثاثا ظاهر ڪرڻ جي اسڪيم مان فائدو وٺو، ان سان گڏوگڏ هن خبردار ڪيو ته اسڪيم مان فائدو نه کڻندڙن خلاف بنا نالي قانون تحت ڪارروائي ڪئي ويندي، بنا نالي ملڪيت جي حوالي سان قانون تي عمل شروع ٿي ويو آهي ۽ بنا نالي ملڪيتون ضبط ڪرڻ جو ڪم شروع آهي، 50 لک رپين جي ملڪيت تي ٿورو ٽيڪس ادا ڪري اسڪيم مان فائدو کڻي سگهجي ٿو. ايف بي آر چيئرمين شبر زيدي چيو ته ٽيڪس نظام پراڻو هو، جنهن ۾ سڌارا آڻي رهيا آهيون ۽ نان فائلرز کي فائلر بڻائي رهيا آهيون، قومي سڃاڻپ ڪارڊ نمبر آگسٽ کانپوءِ اين ٽي اين نمبر بڻجي ويندو، ريفارمز آڻڻ لاءِ ڪجهه تبديليون به ڪرڻيون پونديون، سيلز ٽيڪس ۾ ڪا انساني مداخلت نه هوندي، هراسان ڪندڙن جا اختيار گهٽائي ڇڏيا آهن، جنهن کانپوءِ هاڻ ايف بي آر آفيسر ٽيڪس ادائيگي ڪندڙن کي هراسان نه ڪري سگهندا. ان کان اڳ فيڊرل بورڊ آف روينيو اثاثا ظاهر ڪرڻ جي اسڪيم جي مدي ۾ واڌ جو امڪان رد ڪري ڇڏيو هو.

 

مهانگائي جو بم ڪري پيو، اوگرا گئس اگهن ۾ اضافي جو نوٽيفڪيشن جاري ڪري ڇڏيو

اسلام آباد (اين اين آءِ) اوگرا پهرين جولاءِ کان گيس جي اگهن ۾ واڌ جو نوٽيفڪيشن جاري ڪري ڇڏيو آهي، جاري ڪيل نوٽيفڪيشن موجب نين قيمتن تي عمل پهرين جولاءِ کان ٿيندو، گيس اگهن ۾ واڌ جي منظوري وفاقي ڪابينا کان ورتي وئي، نوٽيفڪيشن موجب گهريلو صارفين لاءِ گيس بلن تي ون سليب جي منظوري ڏني وئي، نوٽيفڪيشن موجب ماهوار 50 مڪعب گيس جي استعمال تي گيس جي قيمت 121 رپيا ڏني، هڪ مڪعب ميٽر تي برقرار رکي وئي آهي، نوٽيفڪيشن موجب ماهوار 100 مڪعب ميٽر گيس استعمال ڪندڙ گهريلو صارفين لاءِ 66 سيڪڙو واڌ ڪئي وئي آهي، نوٽيفڪيشن موجب ماهوار 2 سئو مڪعب گيس استعمال ڪندڙ گهريلو صارفين لاءِ في مڪعب گيس ۾ 61.7 سيڪڙو واڌ ڪئي وئي آهي، ماهوار 3 سئو مڪعب گيس استعمال ڪندڙ صارفين لاءِ گيس جي في مڪعب ميٽر ۾ 123.3 سيڪڙو واڌ ڪئي وئي آهي. نوٽفڪيشن ۾ چيو ويو ته ماهوار 4 سئو مڪعب ميٽر گيس جي استعمال تي في ميٽر مڪعب 6.4 سيڪڙو مهانگائي ڪئي وئي، نوٽيفڪيشن موجب ماهوار 4 سئو مڪعب کان وڌيڪ گيس استعمال ڪندڙن لاءِ گيس جي قيمت 1460 رپيا في يونٽ تي برقرار رکي وئي آهي.

 

ايمنسٽي اسڪيم: 30 جون تائين 1575 ارب رپين جا اثاثا ظاهر

اسلام آباد ( ويب ڊيسڪ ) پرڏيهه توڙي ملڪ ۾ اثاثا ظاه ڪرڻ بابت حڪومتي ايمنسٽي اسڪيم اڄ ختم ٿي رهي آهي، 35 هزار ماڻهن 1575 ارب ارپين جا اثاثا ظاهر ڪيا آهن.  ايف بي آر جون سموريون آفيسون 11 وڳي تائين کليل رهنديون سمورا ٽيڪس ڏيندڙ ٽيڪس، ڊيوٽيز ۽ گوشورا جمع ڪرائي سگهن ٿا.  آخري ٽن ڏينهن ۾ اثاثا ظاهر ڪندڙ درخواستگذارن جي انگ ۾ وڏي پئماني تي اضافو ٿيو آهي جنهن کانپوءِ ايف بي آر جي آن لائن پورٽل تي شديد دٻاءَ سبب ڪيترن ئي صارفين کي اثاثا ظاهر ڪرڻ ۾ شديد ڏکيائين کي منهن ڏسڻو پئجي ويو، هزارين ماڻهو پنهنجا ٽيڪس ريٽرن فائل نه ڪرائي سگهيا.  ايف بي آر کي ٽيڪس ايمنسٽي اسڪيم مان هن وقت تائين 35 هزار ماڻهن طرفان 1575 ارب رپين جا اثاثا ظاهر ڪري مجموعي طور تي 34 ارب رپين جي اضافي روينيو ملو آهي. وفاقي ادارو جون جي مهيني دوران هن وقت تائين 350 ارب رپين جون اوڳاڙيون ئي ڪري چڪو آهي جنهن ڪري اڃا به روينيو شارٽ فال جو خطرو آهي جنهن سبب ايف بي آر  لاءِ  هلندڙ مالي سال لاءِ  مقرر ڪيل 4398 ارب رپين جي ٽيڪس اوڳاڙيون ممڪن ناهي. ايف بي آر ذريعن موجب ايمنسٽي اسڪيم ۾ دولت ۽ اثاثا ظاهر ڪرڻ سان ٽيڪس جمع ڪرائڻ لازمي ناهي، اثاثا ظاهر ڪري سموري سال دوران ٽيڪس جمع ڪرائي سگهجي ٿي پر ان لاءِ ڏنڊ ادا ڪرڻو پوندو تنهن ڪري ايمنٽي سان گهڻو روينيو نه ٿو اچي ته ڪو مسئلو ناهي ڇو ته ايندڙ مهينن ۾ اچي ويندو پر جيڪي اثاثا ۽ دولت ظاهر ٿيندي تنهن سان ملڪي معيشت کي دستاويزي بڻائڻ ۾ مدد ملندي. ٻئي طرف ايف بي آر واضح ڪيو آهي ته ظاهر ڪيل اثاثا ڪنهن ٻئي قانون تحت قانوني ڪارروائي يا ڏنڊ لاءِ شهادت طور استعمال نه ٿا ٿي سگهن.

 

حڪومت سي اين جي به مهانگي ڪري ڇڏي، في ڪلو تي 22 رپيا واڌ، پروانو جاري

اسلام آباد (ويب ڊيسڪ) اوگرا پهرين جولاءِ کان سي اين جي مهانگي ڪرڻ جو نوٽيفڪيشن جاري ڪري ڇڏيو. آئل اينڊ گئس ريگيوليٽري اٿارٽي (اوگرا) طرفان سي اين جي مهانگي ڪرڻ جو نوٽيفڪيشن جاري ڪيو ويو آهي، جيڪو سڀاڻي کان لاڳو ٿيندو. نوٽيفڪيشن موجب سي اين جي سيڪٽر لاءِ گئس جي قيمت 980 رپين مان وڌائي 1283 رپيا في ايم ايم بي ٽي مقرر ڪئي وئي آهي. نوٽيفڪيشن تحت گئس اگهه وڌڻ سان في ڪلو تي 19 رپيا اضافو ٿيندو ۽ سيلز ٽيڪس فارمولا شامل ڪري سي اين جي جي قيمت ۾ مجموعي طور 22 رپيا في ڪلو اضافو ڪيو ويو.

 

هي ماڻهو 10 مهينا به اقتدار کانسواءِ گذاري نه ٿا سگهن، اقتدار کانسواءِ تڙپي رهيا آهن: فردوس عاشق

اسلام آباد ( ويب ڊيسڪ ) سڌ سماءَ بابت وزيراعظم جي خاص مددگار فردوس عاشق اعواڻ چيو آهي ته هي ماڻهو 10 مهينا به اقتدار کانسواءِ گذاري نه ٿا سگهن، اقتدار کانسواءِ تڙپي رهيا آهن. ٽويٽر تي جاري ڪيل بيان ۾ فردوس عاشق اعواڻ چيو ته مدو پورو ڪرڻ جي حمايت ڪندڙ ڪهڙي منهن سان وچ مدي جي چونڊ جي ڳالهه ڪري رهيا آهن. هن چيو ته مخالفن کي چئن سالن تائين اقتدار لاءِ تڙپڻو پوندو. سندس چوڻ هو ته اقتدار جي پچ تي لاڳيتو کيڏندڙن کي سرڪاري وسيلن کانسواءِ رهڻ جي هاڻي عادت وجهڻي پوندي.

 

اسيمبلي ميمبرز کي لالچ ڏئي ۽ حراسان ڪري وفاداريون تبديل ڪرايون پيون وڃن: مراد علي شاهه

حيدر آباد (اين اين آءِ) سنڌ جي وڏي وزير سيد مراد علي شاهه چيو آهي ته پاڪستان پيپلزپارٽي جو ڪو چيئرمين اڳوڻو صدر آصف علي زرداري جيڪو چوندو آهي اهو ڪري ڏيکاريندو آهي، هن چيو ته آئون نٿو سمجهان ته زرداري صاحب سينيٽ جو چيئرمن بڻجي ڇاڪاڻ ته هو صدر پڻ رهي چڪو آهي ۽ هو پاڻ ڪنهن کي چاهي ته سينيٽ جو چيئرمين چونڊرائي سگهي ٿو، هن چيو ته سينيٽ جي چيئرمن صادق سنجراڻي کي پڻ آصف علي زرداري سينيٽ جو چيئرمن چونڊرايو آهي -هو اڄ تعلقي سيوهڻ يو سي بوبڪ ۾ پاڪستان پيپلز پارٽي جي پراڻي ڪارڪن رئيس بنگل خان بوزدار جي لاڏاڻي تي سندس وارثن سان تعزيت ڪرڻ کانپوءِ ميڊيا جي نمائندن سانڳالهائي رهيو هو_هن چيو ته چيئرمين پاڪستان پيپلز پارٽي بلاول ڀٽو زرداريءَ وفاقي حڪومت ۽ اسپيڪر جيڪردار جي مذمت ڪئي آهي، اپوزيشن کي ٻڌڻ کان سواءِ  زبردستي وفاقي بجيٽ کي منظور ڪيو ويو آهي  بجيٽ ۾ ماڻهن تي جيڪي ٽيڪس مڙهيا ويا آهن ۽ مهانگائي وڌائي ويئي آهي ان حوالي سان اپوزيشن جي ميمبرن جي ڪابه ڳالهه ٻڌي نه ويئي  ان لاءِ وفاق جي اهڙي عمل جي اسين مذمت ڪيون ٿا_هن چيو ته وفاقي حڪومت بالڪل ناڪام ٿي چڪي آهي. ملڪ اندر مهنگائي جو طوفان اچي ويو آهي ۽هر طبقي جو ماڻهو چاهي اهو امير هجي غريب هجي بزنس مين هجي،هاري هجي، مزدور هجي ڀلي ڪهڙي به طبقي سان سندس تعلق هجي اهي سڀئي اهوچئي رهيا آهن ته وفاقي حڪومت بالڪل ناڪام ٿي چڪي آهي ۽ منهنجي خيال ۾حڪومت جي سربراهه کي واپس وڃڻ کپي.هڪ سوال تي هن چيو ته نواز ليگ جي اسيمبلي ميمبرن جي وزيراعظم سان ملاقات بابت ن ليگ جي قيادت کان پڇيو وڃي، باقي اپوزيشن جي ميمبرن کي لالچون ڏيئي، انهن کي حراسان ڪري انهن جي وفادارين کي تبديل ڪرڻ جي عمل جي آئون مذمت ڪريان ٿو. وڏي وزير چيو ته وفاق چيو ته هلندڙ سال سنڌ حڪومت کي 665 ارب  رپيا ڏينداسين ۽ 13 جون تي ان رقم کي گهٽ ڪري 631 ارب رپيا ڪيا ويا ۽هن وقت 17 جون تائين سنڌ حڪومت کي فقط  505  ارب روپيا مليا آهن. هڪ سوال تي وڏي وزير چيو ته فصلن تي ماڪڙ جي حملن سبب وڏو نقصان نه ٿيو آهي ان حوالي سان سنڌ حڪومت پنهنجو ڀرپور ڪردار ادا ڪري رهي آهي. پلانٽ پروٽيڪشن ڊويزن وفاقي سرڪارهيٺ آهي ۽ جڏهن شهيد ذوالفقار ڀٽو وزيراعظم پاڪستان هو ته اهوادارو قائم ڪيائين ۽ ان وقت 17 جهاز ورتا هئا جڏهن ته هن وقت صرف 6 جهاز  بچيا آهن ۽ انهن مان به فقط هڪڙو فعال آهي _ هن چيو ته جيڪو وفاق جهازموڪليو هو ۽ اهو به هتي اچڻ کانپوءِ خراب ٿي وئي، ان موقعي تي پي پي پي اڳواڻ سيد محمد شاهه ، پي پي پي ضلعي صدر سيد آصف علي شاهه،پي پي پي تعلقي صدر امان االله شاهاڻي ، محمد سليم باجاري کان علاوه پاڪستان پيپلزپارٽي جاٻيا اڳواڻ پڻ موجود هئا _بعد ۾ سنڌ جي وڏي وزير سيد مراد علي شاهه عبدالحميد بليدي سان سندس سئوٽ ۽ مخدوم زبيرسان سندس ڀيڻ جي لاڏاڻي تي تعزيت ڪئي.