تازيون خبرون
مودي نئين دور جو هٽلر قرار، ڪشمير تي حملو پاڪستان تي حملي جي برابر آهي: فردوس عاشق - الله جي ڳالهه ڪڏهن به تبديل ناهي ٿيندي، مسلمان پاڻ کي سياسي طور مضبوط ڪن: حج جو خطبو - وفاقي حڪومت جو اورسيز پاڪستانين لاءِ صحت کارڊ جاري ڪرڻ جو اعلان - وطن لاءِ حياتي ڏيڻ سڀ کان وڏي قرباني آهي، شهيد قوم جا هيرو آهن : آرمي چيف - ڀارت جو سمجهوتا ايڪسپريس ۽ ٿر ايڪسپرين بحال ڪرڻ جو مطالبو رد، آرمي چيف ۽ عمران خان هڪ ئي گاڏي جا ٻه ڦيٿا آهن: شيخ رشيد - فريال ٽالپر ۽ آصف زرداري خلاف ٽئڪس اوڳاڙي جو نوٽيس معطل، عدالت ايف بي آر کي ٽئڪس اوڳاڙڻ کان روڪي ڇڏيو - وفاقي حڪومت گيس ٽيرف ۾ 200 سيڪڙو تائين واڌ کان پوءِ  ڏيڍ مهيني اندر وڌيڪ 39 سيڪڙو واڌ ڪري ڇڏي - سپريم جوڊيشل ڪائونسل، جسٽس قاضي فائز عيسيٰ تي فرد جرم لاڳو ڪري ڇڏيو - ڪراچي سميت سنڌ ۾ سانوڻي جو وسڪارو، روڊ رستا ٻڏي ويا، مواصلاتي نظام درهم برهم، ڪرنٽ لڳڻ سبب 4 فوت - هزارين ڪشميرين جو پاڪستاني جهندي واري مارچ ڀارت جي لاءِ اڻٽٽ ڀت آهي: سراج الحق

Daily Archives: June 3, 2019

حيدرآباد ۾ گهر جي ڇت ڪرڻ جي نتيجي ۾ نينگر سميت 3 ڄڻا فوت

حيدرآباد(بيورو رپورٽ) حيدرآباد ۾ گهر جي ڇ ڪرڻ جي نتيجي ۾ نينگر سميت 3 ڄڻا فوت ٿي ويا، سائيٽ ايريا جي محمدي چوڪ وٽ گهر جي ڇت ڪري پئي، جنهن جي نتيجي ۾ 3 ڄڻا فوت ٿي ويا، وارثن ۽ پاڙيوارن واقعي بعد ٽنهي جا لاش ٻاهر ڪڍي سول اسپتال منتقل ڪيا، فوتين ۾ 70 سالن جو ابراهيم، 4 سالن جو نينگر صابر ۽ 47 سالن جو يوسف شامل آهن، واقعي بعد علائقي ۾ سوڳ واري صورتحال پيدا ٿي وئي.

 

برٽش ايئر جي واپسي، نالائق حڪومت هڪ ڀيرو ٻيهر نواز شريف جي ڪم تي پنهنجي ڪوڙي تختي لڳائي خوش ٿي رهي آهي: مريم اورنگزيب

اسلام آباد (اين اين آءِ) ن ليگ جي ترجمان مريم اورنگزيب برٽش ايئر ويز جي پاڪستان ۾ واپسي تي چيو آهي ته نالائق حڪومت هڪ ڀيرو ٻيهر نواز شريف جي ڪم تي پنهنجي ڪوڙي تختي لڳائي خوش ٿي رهي آهي، هڪ بيان ۾هن چيو ته برٽش ايئرويز ن ليگ جي حڪومتي دور ۾ 10 سالن کانپوءِ آپريشن بحال ڪرڻ جو اعلان ڪيو هو، هن چيو ته 13 فيبروري 2018 تي پاڪستان ۾ 2 جون 2019 تي آپريشن شروع ڪرڻ لاءِ چيو هو، هن چيو ته انشاالله موجوده نالائق حڪومت جي دور ۾ جيڪا سٺي خبر هوندي اها پاڪستان ۾ نواز شريف جو تحفو هوندو، مهرباني نواز شريف، هن چيو ته نالائق وزيراعظم اڃا به ٻين نواز شريف جي منصوبن کي شروع ڪرڻ ۾ ڪوڙ ڪريڊٽ وٺڻ لاءِ ڄاڻي واڻي دير ڪري رهيو آهي، هن چيو ته عمران صاحب، نواز شريف جي منصوبن نواز شريف جو ٺپو لڳل آهي ۽ عوام انهن منصوبن کي چڱي طرح ڄاڻي ٿو، هن چيو ته ڪوڙي حڪومت جي دور ۾ جيڪو منصوبو شروع ٿيندو ان تي به نواز شريف جو ٺپو لڳل هوندو.

 

خيرپور ڀرسان اڳوڻي ڀيڻيوي هٿان سالي قتل، مزاحمت تي اڳوڻي سسُ ۽ سالو زخمي

خيرپور ناٿن شاهه (رپورٽر) خيرپور ڀرسان جوابدار ڌيءُ نه ڏيڻ تان اڳوڻي سالي کي قتل ڪري ڇڏيو، مزاحمت تي اڳوڻي سسُ ۽ سالي کي زخمي ڪرڻ بعد فرار ٿي ويو. ڳوٺ چيجاپور ۾ سڱاوتي تڪرار تان جوابدار دوست علي کوسو طلاق ڏنل زال وٽ ترسيل ڌيءُ کي وٺڻ ويو ته انڪار ڪرڻ تان کيس زبردستي وٺي وڄڻ جي ڪوشش ڪئي، مزاحمت تي جوابدار اڳوڻي سالي 30 ورهين جي روبينا زال نذير کوسو کي چاقو هڻي قتل ڪري ڇڏيو، جڏهن ته ناري جي ماءُ مسمات وزيران کوسو ۽ ڀاءُ زاهد کوسو زخمي ٿي پيا. واقعي کانپوءِ جوابدار فرار ٿي ويو. واضح رهي ته جوابدار ڪجهه عرصو اڳ زال وحيده کوسو کي طلاق ڏني هئي، کين هڪ ڌيءُ جو اولاد هو، جنهن جي حوالگي وارو معاملو عدالت تائين ويو ته عدالت ڌيءُ کي والده حوالي ڪري ڇڏيو هو.

 

رتوديرو ۾ ايڊز وگهي نينگري فوت، فوتين جو انگ وڌي 15 ٿي ويو، وڌيڪ 6 ڄڻن کي ايڊز وائرس جي تصديق

رتوديرو (رپورٽر) رتوديرو ۾ ايڊز وگهي نينگري فوت ٿي وئي، جڏهن ته وڌيڪ 6 ڄڻن کي ايڊز وائرس جي تصديق ڪئي وئي آهي. نادر شاهه پاڙي ۾ نينگري فرزانه ڌيءُ غلام علي ڀٽو ايڊز وائرس ۾ وڪوڙجڻ بعد فوت ٿي وئي، جنهن بعد ايڊز سبب فوت ٿيلن جو انگ وڌي 15 ٿي ويو. فوت ٿيل نينگري جي وارثن جو چوڻ آهي ته رتوديرو ڪئمپ تان ايڊز جي تصديق بعد لاڙڪاڻي ۾ علاج ڪرائڻ لاءِ وياسين پر ڪنهن به قسم جي سهولت مهيا نه هئي، ساڳئي گهر ۾ وڌيڪ ٽن ٻارن کي به ايڊز جي تصديق ٿي چڪي آهي. ٻئي پاسي رتوديرو ڪئمپ ۾ 160 ماڻهن جي رت جا جُزا وٺي اسڪريننگ ٽيسٽ ڪئي وئي، جنهن دوران چئن ٻارن ۽ ٻن عورتن ۾ ايڇ آءِ وي هجڻ جي تصديق ڪئي وئي، جنهن بعد ايڊز مريضن جو انگ وڌي 736 ٿي ويو آهي.

 

ٽائيگر گهڻو آرام سان هلڻ وارو ماڻهو آهي: ڊيشا پٽاني

ممبئي (شوبز نيوز) ڊيشا پٽاني ۽ ٽائيگر شروف باليووڊ انڊسٽري سڀ کان وڌيڪ خبرن ۾ رهندڙ جوڙين مان هڪ آهن، ٻئي اداڪار پنهنجي/ڏسو صفحو 6 بقايا نمبر 36

لاڳاپن بابت گهڻي عرصي تائين نه ڳالهائڻ کانپوءِ هاڻ آهستي آهستي ان بابت وضاحت ڪندي نظر اچي رهيا آهن. ڊيشاتازي ڏنل انٽرويو ۾ ٻڌايو ته ٽائيگر گهڻو آرام سان هلڻ وارو ماڻهو آهي، مان گهڻي عرصي کان کيس متاثر ڪرڻ جي ڪوشش ڪري رهي آهيان. مون جمناسٽڪ سکي آهي، ان کانسواءِ مان هڪ اهڙي فلم ۾ به ڪم ڪيو آهي، جنهن جي هڪ سين ۾ مون خطرناڪ اسٽنٽ ڪيا، هو اڃا متاثر نه ٿيو آهي، هاڻ مان ان لاءِ ڇا ڪريان. ڊيشا پٽاني وڌيڪ چيو ته مان ٽائيگر لاءِ هڪ دوست کان وڌيڪ ٿيڻ چاهيان ٿي، پر کيس متاثر ڪرڻ تمام ڏکيو آهي. ٽائيگر منهنجو تمام سٺو دوست آهي پر مان نه ٿي چاهيان ته ٽائيگر رڳو منهنجو دوست ئي رهي، هو ان کان وڌيڪ آهي.

 

ايشان کٽر ۽ جهانوي ڪپور فلم ڌڙڪ ۾ گڏ نظر ايندا

ممبئي (شوبز نيوز) باليووڊ اداڪار ايشان کٽر ۽ جهانوي ڪپور پهريون ڀيرو باليووڊ فلم “ڌڙڪ” ۾ گڏ ڪم ڪندي نظر آيا هئا، اها جهانوي /ڏسو صفحو 6 بقايا نمبر 41

ڪپور جي پهرين ۽ ايشان کٽر جي ٻي فلم هئي، ٻنهي نه رڳو پردي تي ڪمال جي ڪيمسٽري ڏيکاري پري حقيقي زندگي ۾ به هو ٻئي سٺا دوست آهن. ايشان ۽ جهانوي جي دوستي کي پيار جو نالو به ڏنو ويو پر ٻنهي اداڪارن صاف چيو ته هو رڳو سٺو دوست آهن ۽ سندن وچ ۾ اهڙو ڪجهه ناهي. تازو ئي هڪ چيٽ شو ۾ اڀرندڙ اداڪار ايشان کٽر کان پڇيو ويو ته جهانوي جي اها ڪهڙي عادت آهي، جيڪا کيس سڀ کان گهڻي خراب لڳندي آهي؟ جواب ۾ ايشان چيو ته جهانوي مستي خور آهي، هوءَ ڄاڻندي آهي ته ڪنهن وقت ڪهڙو بٽڻ دٻائڻو آهي، ڪيترائي ڀيرا اهو ٿورو چيڙائيندڙ ٿي ويندو آهي، ڇاڪاڻ ته ڪڏهن ڪڏهن اها صورتحال ان وقت شروع ٿي ويندي آهي، جنهن وقت ان جي ضرورت نه هوندي آهي ۽ هوءَ پوءِ به ان تي ضد ڪندي آهي.

 

برطانيه جي راڻي سان ملاقات دوران شلوار قميض پائڻ تي سرفراز مٿان تنقيد، گوهر خان سندس دفاع ۾ اچي وئي

نئين دلي(اسپورٽس نيوز) برطانيه جي راڻي سان ملاقات دوران قومي ڪپڙا پائڻ تي قومي ڪرڪيٽ ٽيم جي ڪپتان سرفراز احمد کي سوشل ميڊيا تي ڪجهه عنصرن طرفان تنقيد جو نشانو بڻايو ويو جنهن تي ڀارتي اداڪارا سرفراز احمد جي دفاع ۾ سامهون اچي وئي.تفصيل/ڏسو صفحو 6 بقايا نمبر 02

موجب ڀارتي اداڪارا گوهر خان سماجي رابطن واري ويب سائٽ ٽوئيٽر  تي ورلڊ ڪپ جي افتتاحي تقريب ۾ سرفراز احمد جي شلوار قميض پائڻ تي تنقيد ڪندڙن کي سٺو ٻڌائيندي سرفراز احمد کي پنهنجي ثقافت جي نمائندگي ڪرڻ ۽ قومي ڪپڙا پائڻ تي ساراهيو.گوهر خان سرفراز احمد تي تنقيد ڪندڙڻ کي جواب ڏيندي لکيو ته سرفراز هتي پنهنجي ثقافت جي نمائندگي ڪري رهيو آهي ۽ انهن ڪپڙن ۾ خوبصورت لڳي رهيو آهي.گوهر خان لکيو ته هر انسان کي وقار ۽ فخر سان پنهنجي مرضي جا ڪپڙا پائڻ جو حق آهي، هن ڪينيڊين صحافي طارق فتح کي جواب ڏيندي لکيو ته مون کي ايئن لڳي ٿو ته اوهان کي ان باري ۾ ڪجهه خبر ناهي ته پنهنجي ملڪ جي نمائندگي ڪيئن ڪئي ويندي آهي، شايد اوهان سان سڃاڻپ جو مسئلو آهي؟.

 

خبردار آئون ميڊيم نه پر فاسٽ بالر آهيان: آندر رسل

ناٽنگهم ( اسپورٽس نيوز ) عالمي ڪپ 2019ع ۾ ويسٽ انڊيز پنهنجي پهرين ئي ميچ ۾ بهترين اعليٰ ڪارڪردگي جو مظاهرو ڪندي ٽرينٽ/ڏسو صفحو 6 بقايا نمبر 01

برج ۾ پاڪستان کي ستن وڪيٽن تان هارايو هيو جنهن ۾ ويسٽ انڊين بالر آندر رسل شروعات ۾ ئي ٻه وڪيٽون وٺي پنهنجي ٽيم جي ڪاميابي ۾ ڪارائتو ڪردار ادا ڪيو هو.ڪرڪيٽ جي دنيا ۾ آندري رسل کي هڪ ڀلور آل رائونڊر طور به سڃاتو ويندو آهي ته پر سندس چوڻ آهي ته هو هڪ فاسٽ بالر آهي ۽ کيس ميڊيم پيسر چوڻ تي هن سخت ڪاوڙ جو اظهار ڪيو آهي .رسل جو چوڻ آهي ته ڪيترائي ماڻهو مونکي چوندا آهن ته مان بهترين بيٽسمين آهيان، پر آئون انهن سڀني کي ٻڌائڻ چاهيان ٿو ته مان هڪ فاسٽ بالر به آهيان.رسل چيو ته منهنجي خيال ۾ ماڻهو منهنجي صلاحيتن کي ڀرپور موٽ ناهن ڏيندا، جڏهن ته مان وڏي اسڪرين تي ڏسندو آهيان مونکي ميڊيم پيسر چيو ويندو آهي ! آئون پڇان ٿو ته اهي ڪير آهن جيڪي ائين ڪري رهيا آهن؟هن چيو ته مونکي اهو سڀ ڏاڍو برو لڳندو آهي ۽ جيڪي به اهڙي حرڪت جا ذميوار آهن کين ميڊيم پيسر کي فاسٽ بالر ۾ بدلائڻ گهرجي.رسل وڌيڪ چيو ته آئون ڪيئي ورهين کان گوڏي ۾ تڪليف هئڻ باوجود ميچون کيڏي رهيو آهيان، ڪڏهن، ڪڏهن منهنجي حالت بدترين ٿي ويندي آهي پر مان ڄاڻان ٿو ته آئون هڪ پروفيشنل ڪرڪيٽر آهيان ۽ مونکي ڪهڙي نموني ان تڪليف مان ٻاهر نڪرڻو آهي.

 

70 لک عورتن کي وظيفو، موبائيل فون ۽ غريبن ۾ بچت اڪائونٽ کولڻ جو اعلان ت ا

اسلام آباد (اين اين آءِ) وزيراعظم جي خاص مددگار ثانيا نشتر چيو آهي ته احساس پروگرام وزيراعظم جي پهرين ترجيح آهي هڪ بيان ۾ هن چيو ته احساس غربت کي ختم ڪرڻ جو سڀ کان وڏو پروگرام آهي هن چيو ته هي پروگرام غريب ماڻهن لاءِ آهي هن چيو ته احساس رڳو سماجي تحفظ جو پروگرام ئي ناهي پر ان ۾ 115 پاليسيون آهن هن چيو ته حڪومتي ادارن کي بهتر بنائڻ به هن پروگرام جو حصو آهي هن چيو ته حڪومت جا ٺيڪا ڏيڻ جي طريقي کي به بهتر بنائڻو پوندو هن چيو ته ننڍن ٺيڪن لاءِ به موقعا بڻايا ويندا هن چيو ته يونين ڪائونسلز ۽ ٽائون ڪميٽين ۾ ترقي ۽ مقررين کي بهتر بڻايو ويندو هن چيو ته جن علائقن ۾ شڪار جي اجازت آهي اتي اجازت نامه ڏئي ڊالرز ڪمايا وڃن هن چيو ته سماجي تحفظ حڪومت جي پهرين ترجيح آهي وفاقي حڪومت سماجي تحفظ تي هر سال ڳچ رقم خرچ ڪري ٿي هن چيو ته سماجي تحفظ جي سمورن ادارن کي هڪ هنڌ گڏ ڪيو پيو وڃي حقدار ماڻهن جو شفاف تعداد معلوم ڪرڻ لاءِ هڪ سروي ٿي رهيو آهي هن چيو ته بي آءِ ايس پي ۾ وڌيڪ سڌارا آندا آهن.

 

ملڪ جي مختلف شهرن ۾ روڊ حادثا، 27 کان وڌيڪ فوت، 44 کان وڌيڪ زخمي

ڪراچي/بدين /لاهور (ويب ڊيسڪ/اين اين آءِ) ضلعي بدين جانورن جا ست واپاري هڪ حادثي ۾ فوت ۽ چار زخمي ٿي پيا آهن اطلاعن موجب مني ٽرڪ ۾ سوار واپاري جڏهن بدين ڪراچي روڊ ويجهو بس اسٽاپ کوارچي پهتا ته سندن ٽرڪ تيز رفتاري سبب حادثي جو شڪار ٿي وئي حادثي سبب مٺي ٽائون جي ويجهي ڳوٺ ساگورو سان تعلق رکندڙ محمد حسن جوڻيجو ۽ غلام رحيم جوڻيجو ٿڏي تي فوت ٿي ويا ۽ ٻين ستن ڄڻن کي زخمي حالت ۾ اسپتال پهچايو ويو جاويد، نيڪ محمد جهنگرو، قربان جهنگرو ۽ اياز ۽ وي جي ڀيل کي بدين ۽ سجاول ۽ حيدرآباد جي مختلف اسپتالن ۾ ڳڻتي جوڳي حالت ۾ پهچايو ويو هو جتي اهي زخمن جا سور نه سهندي فوت ٿي ويا اسپتالن ۾ فوتي پنجن جو تعلق اسلام ڪوٽ جي ڳوٺ پنيارو سان هو واپاري جانورن کي وڪرو ڪرڻ کانپوءِ ڪراچي کان واپس پنهنجن گهرن ڏانهن وڃي رهيا هئا ته رستي ۾ اهو حادثو پيش آيو.

ملڪ جي مختلف شهرن ۾ روڊن حادثن ۾ 20 کان وڌيڪ فوت ۽ 40 کان وڌيڪ زخمي ٿي پيا. ٽريفڪ حادثا ڪشمور، چيچا وطني، ميانوالي، خانيوال، جهانيان، ڪوئيٽا، دالبدين ۽ بنون ۾ پيش آيا. ڪشمور ۾ عظيم ڦاٽڪ ويجهو رڪشي کي بچائيندي مسافر ڪوچ اونڌي ٿي وئي، جنهن جي نتيجي ۾ 4 مسافر فوت ۽ 13 کان وڌيڪ زخمي ٿي پيا، جن کي اسپتال نيو ويو. چيچا وطني ۾ گيمبر ڀرسان ٻه ٽرالر ٽڪرجڻ سبب 3 ڄڻا حياتيون وڃائي ويٺا، جهانيان جي ڀرسان ڳوٺ 147 ٽين آر ۾ ٽرڪ ۽ ٽرالر ۾ ٽڪر جي نتيجي ۾ هڪ ڊرائيور سميت 3 ڄڻا فوت ٿيا. بوري والا ۾ لاهور روڊ تي مانا موڙ وٽ بس اونڌي ٿي وئي، جنهن جي نتيجي ۾ 2 مسافر فوت ۽ 25 زخمي ٿي پيا. سرگوڌي ۾ ڪوٽ انٽرچينج ڀرسان راولپنڊي کان خانيوال ويندڙ مسافر ڪوچ ٽائر ڦاٽڻ سبب اونڌي ٿي ۽ حادثي ۾ ٻه مسافر فوت ۽ 7 سخت زخمي ٿي پيا، جن کي ويجهي اسپتال منتقل ڪيو ويو. هوڏانهن ڪوهاٽ ۾ انڊس هاءِ وي تي ڪار ۽ ٽرڪ ۾ ٽڪر جي نتيجي ۾ ٻه ڄڻا فوت ٿي ويا، جڏهن ته هڪ عورت ۽ ٻه ٻار زخمي ٿي پيا. ميانوالي ۾ موسيٰ خيل روڊ تي ٿيل حادثي جو هڪ زخمي ٻار سورن جي سٽ نه سهندي فوت ٿي ويو، جنهن کانپوءِ اتي فوتين جو انگ 5 ٿي ويو. بنون جي علائقي ڊوميل ۾ ٻن موٽر سائيڪلن ۾ ٽڪر سبب 2 ڄڻا فوت ٿي پيا ۽ ڪوئيٽا جي علائقي پشتون آباد ۾ ٽريڪٽر جي ٽڪر ۾ 5 ورهين جي ٻارڙي دم ڏنو.