تازيون خبرون
ڪاري ناڻي کي اڇو ڪرڻ جو موقعو، وفاقي ڪابينا ايمنسٽي اسڪيم جي منظوري ڏئي ڇڏي - ڪشمور: مسافر وين کي باهه،3 عورتن ۽ ٻارڙي سميت 5 ڄڻا سڙي فوت، 6 زخمي - حڪومتي ادارا سياسي انتقام لاءِ استعمال ٿي رهيا آهن: ن ليگ - سنڌ اسيمبلي ۾ رڳو هڪٻئي جا پٽڪا لاهڻ لاءِ بحث ٿيندو آهي: سنڌ هاءِ ڪورٽ - سڌ سماءِ صلاحڪار جي صدر سان ملاقات، صدر ميڊيا جا مسئلا حل ڪرڻ بابت ذميواري ڏني آهي: فردوس عاشق اعواڻ - آمريڪا پاڪستان تي ڪا ويزا پابندي نه لڳائي آهي، ميڊيا ۾ ڪوڙيون خبرون آيون هيون: شاهه محمود قريشي - حڪومت شهرين جي حفاظت بدران سياسي انتقام ۾ رُڌل آهي: آصف زرداري - پاڪستان پن بجلي جي پيداوار صلاحيت ۾ تازي واڌ جي حوالي سان سڄي دنيا ۾ ٽئين نمبر تي رهيو: رپورٽ جاري - انجينئر امير مقام جي پٽ ۽ سئوٽ جي گرفتاري جي مذمت، ٻه نمبري نئون پاڪستان نه کپي : شهباز شريف - ڪراچي مان ٻه مهينا اڳ پراسرار نموني گم ٿي ويل ايم بي بي ايس جي شاگردياڻي عروج صديقي جي ڊرامائي انداز ۾ گهر واپسي

Daily Archives: May 9, 2019

اداڪارا راکي ساونت جي پاڪستاني جهنڊي سان تصوير

ممبئي (شوبز نيوز) تڪرارن جي ملڪه راکي ساونت جي پاڪستاني جهنڊي سان تصوير سوشل ميڊيا تي وائرل ٿي رهي آهي/ڏسو صفحو 6 بقايا نمبر 18

.اسڪينڊل ڪوئين نالي سان مشهور بالي ووڊ اداڪارا ۽ ڊانسر راکي ساونت سدائين ڪنهن نه ڪنهن تڪرار جو شڪار رهندي آهي ۽ هاڻي هن پنهنجي انسٽاگرام اڪائونٽ تي پاڪستاني جهنڊي سان تصوير شيئر ڪئي آهي.راکي ساونگ جي پاڪستاني جهنڊي سان تصوير سوشل ميڊيا تي گوڙ مچائي ڇڏيو آهي ۽ سندس مداح اهو ڄاڻڻ لاءِ بي چين آهن ته آخر راکي ساونت پاڪستاني جهنڊي سان ڇا ڪري رهي آهي. ڪجهه ماڻهن جو خيال آهي ته راکي ڀارت ۾ پاڪستاني فنڪارن تي پابندي خلاف ميدان ۾ اچي وئي آهي ۽ پاڪستاني فنڪارن سان ٻڌي جي اظهار لاءِ هن پاڪستاني جهنڊي سان تصوير شيئر ڪرائي آهي پر راکي پنهنجن مداحن جي ذهنن ۾ گھمندڙ سوالن جو جواب به پاڻ ئي ڏئي ڇڏيو آهي.راکي هڪ ويڊيو پيغام ٻڌايو آهي ته هوءَ هڪ فلم ”ڌارا 370“ ۾ ڪم ڪري رهي آهي جنهن ۾ هوءَ پاڪستاني عورت جو ڪردار نڀائي رهي آهي. اهو به فلم جو سين آهي جنهن ۾ پاڪستاني ۽ ڪشميري بارڊر کي ڏيکاريو ويو آهي. راکي ساونت هڪ ٻئي ويڊيو به شيئر ڪندي چيو ته پاڪستاني ماڻهن جي سيني ۾ به دل هوندي آهي، پاڪستاني محبتي آهن، سڀ خراب ناهن هوندا، ڪجهه ماڻهو هوندا آهن جيڪي پنهنجي ئي ملڪ ۽ قوم خلاف هوندا آهن ۽ ٻارن کان جهاد ڪرائيندا آهن، هر ملڪ ۾ ڪو نه ڪو خراب هوندو آهي. آئون پاڪستان جي ۽ پاڪستانين جي گھڻي عزت ڪندي آهيان. ڪجهه ماڻهون هوندا آهن جيڪي ڪشميرين ۽ هندستانين کي سرحد پار ڪرائيندا آهن انهن جي مدد ڪندا آهن اهي نيڪ هوندا آهن ۽ آئون اهڙن ماڻهن جي گھڻي عزت ڪندي آهيان.

 

اميشا پٽيل ٻيهر سني ديول سان نظر ايندي

ممبئي (شوبز نيوز) باليووڊ جي 2001 ۾ سامهون آيل بلاڪ بسٽر فلم ”غدر“ هڪ پيار ڪهاڻي آهي، جنهن ۾ سني ديول ۽ اميشا پٽيل /ڏسو صفحو 6 بقايا نمبر 32

گڏجي ڪم ڪيو هو ۽ هاڻ هي ٻئي اداڪار هڪ ڀيرو ٻيهر گڏجي ڪم ڪرڻ لاءِ گڏ ٿي رهيا آهن. ڀارتي ميڊيا رپورٽ موجب هن فلم جو سيڪوئل ٺاهڻ جو ارادو ڪيو پيو وڃي، جنهن ۾ ٻيهر اميشا پٽيل ۽ سني ديول مرڪزي ڪردار نڀائيندا. فلم جي ويجهن وٽان معلوم ٿيو آهي ته ”غدر“جي سيڪوئل لاءِ ڪهاڻي تي ڪم هلندڙ آهي، جنهن لاءِ سني ديول سان پڻ رابطو ڪيو پيو وڃي. ذريعن وٽان وڌيڪ ڄان ملي ته فلم جي سيڪوئل تي ڊگهي عرصي کان ڪم ڪيو پيو وڃي، جنهن ۾ پاڪ ڀارت لاڳاپا ڏيکاريا ويندا، ڇاڪاڻ ته ان کانسواءِ هيءَ فلم اڻپوري هوندي. هن فلم جي ڪهاڻي 2001 جي مرڪزي ڪردار تارا (سني) ۽ سڪينا (اميشا پٽيل) ۽ سندن پٽ سان گڏ ئي اڳتي وڌندي.

 

پاڪستان ۽ انگلينڊ جي پهرين ون ڊي ميچ برسات جي ور چڙهي وئي

لنڊن(اسپورٽس نيوز) پاڪستان ۽ انگلينڊ وچ ۾ پنجن ون ڊي ميچن جي سيريز جي پهرين ون ڊي ميچ برسات جي ور چڙهي وئي.برسات سبب ميچ /ڏسو صفحو 6 بقايا نمبر 05

دير سان شروع ٿي، پهريان ميچ کي 47 پوءِ 41 اوورن تائين محدود ڪيو ويو ۽ پوءِ آخرڪار ميچ ملتوي ڪرڻ جو اعلان ڪيو ويو. ميچ پاڪستاني وقت موجب شام 5 وڳي شروع ٿيڻي هئي پر برسات سبب سوا 6 وڳي شروع ٿي، دير سبب امپائرز ميچ کي پهريان 47 ۽ پوءِ 41 تائين محدود ڪري ڇڏيو.

 

شعيب ملڪ ۽ ڀارتي ٽينس اسٽار ثانيه مرزا جي ننڍڙي شهزادي جي نئين تصوير وائرل

ڪراچي(اسپورٽس نيوز) پاڪستاني ڪرڪيٽر/ڏسو صفحو 6 بقايا نمبر 13

شعيب ملڪ ۽ ڀارتي ٽينس اسٽار ثانيه مرزا جي ننڍڙي شهزادي جي نئين تصوير وائرل ٿي وئي آهي. ٽينس اسٽار ثانيه مرزا سماجي رابطن واري ويب سائيٽ ٽوئٽر ۽ انسٽاگرام تي پنهنجي مداحن لاءِ پٽ سان گڏ تصوير شيئر ڪئي، جنهن ۾ هن پنهنجي پٽ کي پسنديده قرارڏيندي لکيو ته هيءَ خوبصورت تصوير آهي. واضح رهي ته پاڪستاني ڪرڪيٽر شعيب ملڪ ۽ ڀارتي ٽينس اسٽار ثانيه مرزا کي 30 آڪٽوبر تي پٽ پيدا ٿيو هو.

 

لاهور : داتار درٻار ٻاهران خودڪش ڌماڪو، 5 اهلڪارن سميت 10 ڄڻا شهيد، 25 زخمي

لاهور (اين اين آءِ) حضرت سيد علي بن عثمان الهجويري حضرت داتا گنج بخش جي مزار ٻاهران آپگهاتي ۾ ڌماڪي ۾ ايلٽ فورس جي 5 اهلڪارن سميت 10 شهيد، جڏهن ته 25 کان وڌيڪ زخمي ٿي پيا جن کي اسپتال منتقل ڪيو ويو، ڪيترن ئي ماڻهن جي حالت ڳڻتي جوڳي ٻڌائي پئي وڃي جنهن سبب شهيدن جي انگ ۾ واڌ جو خدشو آهي، پنجاب جي قانون واري وزير راجا بشارت چيو آهي ته عام ٿريڊ الرٽ موجود هو جنهن سبب سيڪيورٽي جا سخت انتظام ڪيا ويا هئا، وزيراعظم عمران خان ڌماڪي جي سخت مزمت ڪندي واقعي جي رپورٽ طلب ڪري ورتي، وڏي وزير جي صدارت هيٺ هنگامي اجلاس طلب ڪيو ويو جنهن ۾ ڌماڪي جي حوالي سان شروعاتي رپورٽ جو جائزو ورتو ويو، اکين ڏٺن شاهدن موجب اربع جي صبح اٽڪل 8 لڳي 54 منٽن تي داتا درٻار جي گيٽ نمبر 2 تي ايلٽ فورس جي گاڏي ويجهو هڪ ڌماڪو ٿيو. ڌماڪي جو آواز پري پري تائين ٻڌو ويو جڏهن ته ڀرسان بيٺل گاڏين ۽ عمارتن کي سخت نقصان ٿيو، اطلاع ملڻ تي پوليس ۽ ريسڪيو ادارن جون ٽيمون ٿڏي تي پهتيون جن ڌماڪي واري هنڌ ۽ ڀرپاسي واري علائقي کي ڪڙو چاڙهي ورتو، امدادي ٽيمن شهيدن جا لاش ۽ زخمين کي اسپتال پهچايو، ريسڪيو ذريعن موجب ڌماڪي ۾ 10 ڄڻا شهيد جڏهن ته 25 کان وڌيڪ زخمي ٿيا، واقعي کانپوءِ لاهور جي سمورين اسپتالن ۾ ايمرجنسي لاڳو ڪئي وئي. راجا بشارت ڌماڪي جي مذمت ڪندي چيو ته اهڙن واقعن سان بمبارن کي ڪو به مسلمان تصور نٿو ڪري سگهي، اهڙن ماڻهن جو ملڪ ۽ مذهب سان ڪو به تعلق نه آهي، هي افسوسناڪ واقعو آهي جنهن جي جيتري مذمت ڪئي وڃي اها گهٽ آهي، هن چيو ته واقعي ۾ ملوث ماڻهن کي جلد گرفتار ڪيو ويندو، عوام جي جان ۽ مال جو تحفظ حڪومت جي ذميواري آهي، هن چيو ته شروعاتي جاچ ٿي رهي آهي، شاهديون مليون آهن ته شايد آپگهاتي ڌماڪو هو، پر هي مڪمل طور تي نٿو چئي سگهجي، ڌماڪي بابت پنجاب جي آءِ جي عارف نواز ٻڌايو ته اٽڪل 7 ڪلو کان وڌيڪ ڌماڪيدار مادو استعمال ڪيو ويو ۽ ان ۾ پوليس کي نشانو بڻايو ويو، هن چيو ته ڌماڪو آپگهاتي هو ۽ بمبار جي جسم جا عضوا ملي ويا آهن، جڏهن ته قانون لاڳو ڪندڙ ادارا جاچ ڪري رهيا آهن، ٻئي پاسي ڊي آءِ جي آپريشن محمد اشفاق چيو ته ڪنهن کي به داتا درٻار اندر داخل ٿيڻ جي اجازت نه ڏني پئي وڃي، جيڪي ماڻهو داتار درٻار ۾ موجود هئا انهن کي ٻاهر ڪڍيو ويو، هن چيو ته پوليس قرباني ڏئي رهي آهي، شهرين جي حفاظت اسان جو فرض آهي ۽ اهو فرض ادا ڪري رهيا آهيون، هن چيو ته هي پاڪستان جي انهن مزارن مان هڪ آهي جتي عقيدتمندن جو وڏو انگ موجود هوندو آهي، صدر عارف علوي، وزيراعظم عمران خان، وڏي وزير عثمان بزدار ۽ ٻين ڌماڪي جي مزمت ڪندي ڏک جو اظهار ڪيو آهي، وزيراعظم عمران خان داتا درٻا ڀرسان ايلٽ فورس جي گاڏي تي حملي جي سخت مزمت ڪندي قيمتي انساني جانين جي نقصان تي ڏک جو اظهار ڪيو آهي، وزيراعظم زخمين کي طبي سهولتون فراهم ڪرڻ جو حڪم ڏنو آهي، جڏهن ته شهيدن جي وارثن سان ٻڌي جي اظهار ڪندي زخمين جي جلد صحتيابي لاءِ دعا پڻ ڪئي. فردوس عاشق اعواڻ، شهباز شريف ۽ پ پ چيئرمين بلاول ڀٽو سميت ٻين سياسي اڳواڻن ڌماڪي جي سخت لفظن ۾ مذمت ڪئي، بلاول ڀٽو ڌماڪي ۾ ٿيل قيمتي جاني نقصان تي ڏک جو اظهار ڪندي چيو ته داتا درٻار حملي ۾ ملوث جوابدارن کي جلد گرفتار ڪيو وڃي.

 

وفاق جي ناڪامي سبب صوبن جو ڏيوالو پيو نڪري، حڪومت آءِ ايف ايف اڳيان جهڪيل آهي: بلاول

اسلام آباد (اين اين آءِ) پ پ چيئرمين بلاول ڀٽو واضح ڪيو آهي ته جيڪڏهن آءِ ايم ايف سان ڊيل پارليامينٽ ۾ پيش نه ڪئي وئي ته ايوانن اندر ۽ ٻاهر احتجاج ڪنداسين، وفاقي حڪومت ٽيڪس اڳاڙي نٿي سگهي ته ڪم سنڌ کي ڏنو وڃي، سئو سيڪڙو هدف پورو ڪنداسين، ٽيڪس اڳاڙي ۾ وفاقي حڪومت جي ڪاڪردگي خراب آهي، 18 هين ترميم خلاف بيان ڏيڻ وفاق تي حملو آهي، هي ڪيڏو نه بزدل وزيراعظم آهي جو ڪنهن کي جواب نٿو ڏئي سگهي، عوام حڪومت جي نااهلي جو بار ڪيسيتائين کڻندو، جهانگير ترين ڊپٽي وزيراعظم بڻجي ويو آهي، کيس مبارڪ ڏيان ٿو، اربع تي پارليامينٽ هائوس ٻاهران ميڊيا سان ڳالهائيندي هن چيو ته جيڪڏهن آءِ ايم ايف سان ڊيل پارليامينٽ مان منظور نه ڪرائي وئي ته اسان ان کي رد ڪنداسين، آءِ ايم ايف سان ٿيندڙ معاهدو پارليامينٽ ۾ نه آندو ويو ته احتجاج ڪنداسين، بلاول ڀٽو چيو ته پ پ به آءِ ايم ايف سان معاهدو ڪيو، جڏهن ته ملڪ جي معيشت تي ڪا سوديبازي نه ڪئي، آءِ ايم ايف کان پگهار وٺندڙ کي اسٽيٽ بينڪ جو گورنر مقرر ڪيو ويو آهي، هن چيو ته معاشي بحران ۾ حڪومت ملڪ جي غريب عوام کي اڪيلو ڇڏي ڏنو آهي، سياسي استحڪام سان ئي معاشي استحڪام ايندو آهي پر حڪومت سياسي استحڪام نٿي چاهي تنهنڪري معاشي استحڪام نه پيو اچي، هن چيو ته جيڪڏهن وزيراعظم ناڻي وزير سان مليو ئي نه هو ته هي فيصلا ڪير ڪري رهيو آهي، ڪٿي ائين ته نه آهي ته آءِ ايم ايف فيصلا ڪري رهيو آهي، آءِ ايم ايف فيصلا ڪندو ته ناڻي وزير ۽ اسٽيٽ بينڪ جو گورنر ڪير ٿيندو، آءِ ايم ايف جي ڳالهه مڃيندي ايف بي آر جي چيئرمين کي به هٽايو ويو، هن چيو ته اهڙي صورتحال ۾ معيشت کي نقصان ته ٿيندو، اسان سڀ ڄاڻون ٿا ته عام ماڻهو ڏکيائين کي منهن ڏئي رهيو آهي، وزيراعظم چوي ٿو ته 18 هين ترميم سبب وفاق جو ڏيوالو نڪري ويو آهي، 18 هين ترميم خلاف بيان ڏيڻ وفاق تي حملو آهي، وفاق پنهنجا هدف حاصل نه پيو ڪري وفاق جي ناڪامي سبب صوبن جو ڏيوالو نڪري رهيو آهي، سڀ کان وڌيڪ ٽيڪس سنڌ مان وصول ٿي رهي آهي، صوبي وٽ اختيار آهي ته اهو سيلز ٽيڪس وٺي سگهي ٿو، وفاقي ٽيڪس ڪليڪشن جو اختيار سنڌ حڪومت کي ڏئي ڇڏيو، سئو سيڪڙو هدف حاصل ڪنداسين. پ پ چيئرمين حڪومت تي زور ڀريو ته اها ڪمزور طبقي جو خيال رکي ۽ چيو ته اسان سڀ ڄاڻون ٿا ته ماڻهو سخت ڏکيائين کي منهن ڏئي رهيا آهن. ٻِئي طرف پ پ جي ڪو چيئرمين ۽اڳوڻي صدر آصف زرداري چيو آهي ته غير پاڪستاني کي اسٽيٽ بينڪ جو گورنر مقرر ڪرڻ غلط آهي، پرڏيهي کي اسٽيٽ بينڪ جو گورنر مقرر ڪرڻ پاڪستان جي تاريخ ۾ ياد رکيو ويندو، خبر نه آهي ڪنهن جي اين آر او جون ڳالهيون ٿي رهيون آهن، خان پاڻ کي اين آر او ڏئي رهيو آهي، اسلام آباد هاءِ ڪورٽ ۾ پيش ٿيڻ کانپوءِ صحافي سوال ڪيو ته رات ن ليگ لاهور ۾ پاور شو جو مظاهرو ڪيو، ڇا ڪا سياسي تبديلي ڏسي رهيا آهيو، جنهن تي آصف زرداري چيو ته مان ته ڪا تبديلي نه پيو ڏسان ڇا توهان کي نظر اچي رهي آهي، صحافي سوال ڪيو ته پرڏيهي وزير چوي ٿو ته جيڪو قرض ڏئي ٿو اهو هدايتون به ڏيندو آهي، آصف زرداري چيو ته ٻاهرين ماڻهو کي پاڪستان جي اسٽيٽ بينڪ جو گورنر مقرر ڪرڻ وڏي غلطي آهي، صحافي سوال ڪيو ته خان صاحب لڳاتار چئي رهيو آهي ته اين آر او نه ڏيندس، ڪير گهري رهيو آهي اين آر او، آصف زرداري جواب ڏنو ته خان صاحب ڪٿي پاڻ کي اين آر او نه ڏئي ڇڏي.

 

اپوزيشن جي ڀيٽ ۾ حڪومت ڪرڻ ڏاڍو سولو ڪم آهي: وزيراعظم

اسلام آباد ( ويب ڊيسڪ ) پاڪستان تحريڪ انصاف جي پارلياماني اجلاس جي اندورني ڪهاڻي سامهون اچي وئي جنهن ۾ اسيمبلي ميمبرن ڪابينا ۾ غير چونڊيل ماڻهن جي شموليت تي وزيراعظم اڳيان شڪايت ڪئي . وزيراعظم عمران خان جي صدارت هيٺ پاڪستان تحريڪ انصاف جي پارلياماني پارٽي جو اجلاس قومي اسيمبلي ۾ ٿيو جنهن ۾ اڳوڻي ناڻي واري وزير اسد عمر، اڳوڻي صحت واري وزير عامر ڪياني ۽ سائنس ۽ ٽيڪنالوجي واري وزير  فواد چوڌري شرڪت نه ڪئي. ذريعن موجب ڪابينا ۾ غيرچونڊيل ماڻهن جي شموليت تي ميمبرن وزيراعظم سان خدشن جو اظهار ڪندي چيو ته مخالف ڌر چوي ٿي ته غيرچونڊيل ماڻهو اچي ويا آهن، حڪومتي پاليسين ۾ عوام جي نمائندن جو ڪو به ڪردار نظر نه پيو اچي،  پارليامنٽ ۾ اهل ماڻهو موجود آهن تنهنڪري غير چونڊيل ماڻهن کي اڳتي اچڻ قبول ڪرڻو جوڳو عمل ناهي، اسان مخالف ڌر کي پاڻ تنقيد ڪرڻ جو موقعو ڏئي رهيا آهيون. اسيمبلي ميمبرن جي شڪايت تي وزيراعظم چيو ته ملڪي معيشت کي ٺيڪ ڪرڻو آهي،  پنهنجن فيصلن جي ذميواري کڻان ٿو، اوهان جا خدشا پنهنجي جاءِ تي ٺيڪ آهن پر ڪجهه سخت فيصلا ڪرڻا پوندا آهن.

 

آءِ ايم ايف ٽيڪس شرطن کان پوئتي هٽڻ کان انڪار ڪري ڇڏيو

اسلام آباد (ويب ڊيسڪ) پاڪستان ۽ آءِ ايم ايف ۾ ڳالهيون جاري آهن ۽ ٽيڪس شرطن تي انٽرنيشنل مانيٽري فنڊ پوئتي هٽڻ کان انڪار ڪري ڇڏيو آهي. ذريعن موجب آءِ ايم ايف پاڪستاني اختيارين کان بجيٽ ۾ 700 ارب رپين جو واڌو ٽيڪس لڳائڻ جو مطالبو ڪيو آهي، آءِ ايم ايف، ايف بي آر کان 700 ارب رپين جو ٽيڪس پلان گهري ورتو آهي. ذريعن جو چوڻ آهي ته پاڪستان جو پاليسي قدمن ذريعي واڌو ٽيڪس لڳائڻ جو پلان آهي، نون قدمن ذريعي ٽيڪس آمدني وڌائڻ جو پلان پيش ڪيو ويو آهي. ذريعن موجب آءِ ايم ايف ٽيڪسن جي حوالي سان شرط نرم ڪرڻ لاءِ تيار ناهي ۽ عالمي مالياتي ادارو ايف بي آر جو ٽارگيٽ 5200 ارب رپين کان وڌيڪ مقرر ڪرڻ چاهي ٿو. ذريعن جو چوڻ آهي ته حڪومت بجلي ۽ گئس وڌيڪ مهانگي ڪرڻ جا آءِ ايم ايف جا شرط مڃي ورتا آهن، بجلي ۽ گئس جي مد ۾ 340 ارب رپيا ٽن ورهين ۾ واهپيدارن جي کيسن مان ڪڍيا ويندا، حڪومت نيپرا ۽ اوگرا کي بجلي ۽ گئس جا اگهه مقرر ڪرڻ لاءِ خود مختيار بڻائڻ تي رضامندي ظاهر ڪري ڇڏي آهي. ذريعن موجب حڪومت ننڍن واهپيدارن کانسواءِ سڀني لاءِ سبسڊي ختم ڪرڻ جو فيصلو ڪيو آهي، صنعتي واهپيدارن ۾ رڳو ايڪسپورٽ انڊسٽري کي محدود سبسڊي ڏني ويندي.

 

بلاول آءِ ايم ايف بابت پريشان نه ٿئي، بلاول ۽ ايان علي جو جوائنٽ اڪائونٽ ڇا حسن اتفاق آهي؟: فردوس عاشق اعواڻ : فردوس عاشق

اسلام آباد (اين اين آءِ) وزيراعظم جي سڌ سماءَ بابت صلاحڪار فردوس عاشق اعواڻ چيو آهي ته بلاول آءِ ايم ايف بابت پريشان نه ٿئي، سنڌ حڪومت جي مالي گهوٻين ۽ صوبائي خزاني تي ڌاڙو هڻڻ جو جواب ڏئي، بلاول سنڌ ۾ ايڊز ۾ ورتل ماڻهن ۽ سندن خاندانن کي دلجاءِ ڏيڻ ڇو نه ويو، اربع تي فردوس عاشق اعواڻ بلاول ڀٽو جي ميڊيا ٽاڪ تي رد عمل ڏيندي چيو ته وفاق پاران ڏنل اربين رپيا هڙپ ڪري اوڳرائي نه ڏيندڙ وفاق سان ڪهڙي ڳالهه جي شڪايت ڪري رهيا آهن، هن چيو ته لانچن ۽ گهرن مان جيڪي پيسا هٿ آيا اهي قوم جا پيسا آهن، اهي واپس ڪرڻا پوندا، هن چيو ته ٻئي سياسي پارٽيون هڪ ٻئي کي دوکو ڏيڻ جي تاڙ ۾ رهن ٿيون جنهن جو پهريان داع لڳي وڃي، ٻيو روئيندو رهي ٿو، فردوس عاشق اعواڻ بلاول ڀٽو پي اي سي جي چيئرمين جي حوالي سان بيان تي تبصرو ڪندي چيو ته اعليٰ ادارن ۾ خدمتون ادا ڪندڙ ذهين پاڪستانن لاءِ ملڪ جا دروازا بند نٿا ڪري سهگجن، هن چيو ته عمران خان جي نئين پاڪستان ۾ صلاحيتن جو قدر ڪيو وڃي، فردوس عاشق اعواڻ چيو ته بلاول ڀٽو جواب ڏئي ته سندس ۽ ايان علي جو جوائنٽ اڪائونٽ ڇا حسن اتفاق آهي، هن چيو ته بي رحمي سان قوم کي لٽيندڙ اڄ واڳو وارا ڳوڙها ڳاڙي رهيا آهن انهن پنهنجا مقصد حاصل ڪرڻ لاءِ بک، بيروزگاري ۽ بيماري کي سنڌ جي عوام تي مڙهيو.

وزيراعظم جي خاص مددگار فردوس عاشق اعواڻ چيو آهي ته عوامي مفاد جي قانونسازي ٿيڻ ضروري آهي، ميڊيا اپوزيشن کي سياسي پوائنٽ اسڪورنگ نه ڪرڻ ڏئي، پي آر اي جي حلف کڻڻ واري تقريب ايوان صدر ۾ٿيندي، انتظام ڪيا ويا آهن، سياست ۾ عورتن اڳيان ڪافي چئلينجز آهن، اربع تي فردوس عاشق اعواڻ پارليامينٽ جي پريس گيلري جو دورو ڪيو، صدر بي آر اي بحزاد سليمي ۽ ٻين عهديدارن خاص مددگار جي آجيان ڪئي، خاص مددگار نون چونڊيل پارلياماني رپورٽرز ايسوسئشن جي عهديدارن کي مبارڪ ڏيندي چيو ته 10 سالن جو سلسلو 2013 کانپوءِ ڪٽجي ويو جيڪو ٻيهر شروع ٿيو آهي، هن چيو ته جمهوريت ۾ اظهار جي آزادي سڀني جو حق آهي، ميڊيا جي حقن جي ذميواري مون کي ڏني وئي آهي، مون کي جتي ذميواري ڏني اتي مون کي اختيار مليو آهي، هن چيو ته وزيراعظم جي خاص هدايت مان هتي آئي آهيان، مون کي اختيار توهان جي حقن کي تحفظ ڏيڻ جو ڏنو ويو آهي، فردوس عاشق اعواڻ چيو ته پاڪستان کي پيش ايندڙ چئلينجز کي گڏجي منهن ڏيڻو پوندو، هن چيو ته سڌ سماءَ جي وزارت جو ڪم ئي صحافين کي سهولتون ڏيڻ آهي، هن چيو ته پارليامان اندر وقت قيمتي آهي، هڪ هڪ منٽن تي لکين رپيا خرچ ٿين ٿا، هن چيو ته سياست ۾ عورتن کي ڪافي چئلينجز آهن، فردوس عاشق اعواڻ چيو ته عورتن کي پنهنجي حقن لاءِ آواز اٿارڻو پوي ٿو، هن چيو ته ميڊيا ۾ پگهارون نه ملڻ واري معاملي تي مالڪن سان ملاقات ڪري رهي آهيان، هن چيو ته ڪوشش آهي ته رمضان شريف ۾ صحافين جا مالي مسئلا حل ٿي وڃن، هن چيو ته اصل طاقت ته ورڪنگ جنرلسٽس آهن، هن چيو ته پي بي اي وڌيڪ چئلنجز جي لائسنس جي نيلامي تي عدالت ۾ وئي آهي، پي بي اي کي درخواست واپس وٺڻ جي درخواست ڪنداسين، هن چيو ته جيڪو چئنل پرفارم ڪندو اهو هلندو رهندو ۽ جيڪو نه ڪندو اهو پوئتي رهجي ويندو.

 

حڪومت ڊاڪٽر عافيه صديقي کي پاڪستان واپس آڻڻ جو معاملو آمريڪي اختيارين آڏو کنيو: شاهه محمود قريشي

اسلام آباد(ويب ڊيسڪ) پرڏيهي وزير شاهه محمود قريشي ٻڌايو آهي ته آمريڪا ۾ قونصل جنرل سان ملاقات کان پوءِ اتي قيد پاڪستاني شهري ڊاڪٽر عافيه صديقي پنهنجي آزادي جي لاءِ اپيل داخل ڪرڻ جتي راضي ٿي وئي آهي. سينيٽ ۾  سوالن واري وقفي دوران پرڏيهي وزير شاهه محمود قريشي طرفان جمع ڪرايا ويا لکت واري جواب ۾ ٻڌايو ويو ته حڪومت ڊاڪٽر عافيه صديقي کي پاڪستان واپس آڻڻ جو معاملو آمريڪي اختيارين آڏو کنيو. سندس چوڻ هو ته هوسٽن ۾ قونصل جنرل 18 اپريل 2019ع تي ڊاڪٽر عافيه صديقي سان آخري ملاقات ڪئي آهي، ان ملاقات ۾ عافيه صديقي آزادي لاءِ اپيل داخل ڪرڻ تي راضپو ظاهر ڪيو آهي. لکت واري جواب ۾ ٻڌايو ويو ته آمريڪي عدالتي نظام جي موجب اپيل داخل ڪرڻ جو فيصلو رڳو عافيه صديقي ئي ڪري سگهي ٿي. گڏوگڏ ئي اِهو به ٻڌايو ويو ته هوسٽن ۾ قونصل جنرل عافيه صديقي سان ملاقات ڪندو آهي جيئن سندس صحت معلوم ڪري سگهجي ۽ سندس پيغام وارثن تائين پهچائي سگهجي. ان دوران پارليماني معاملن بابت وفاقي وزير اعظم سواتي چيو ته اسان جي حڪومتي سميت هر حڪومت ڊاڪٽر عافيه صديقي جو ڪيس آمريڪا جي آڏو هر سطح تي کنيو آهي. هن چيو ته منهجي ٻار ۽ ڀيڻوو آمريڪا ۾ ڊاڪٽر عافيه  صديقي جي ڪيس تي ڪم ڪري رهيا آهن. پرڏيهي وزير طرفان ڏنل لکت واري جواب ۾ سينيٽر طلحه محمود چيو ته اسان جي ڪميٽي آمريڪا ۾ ڊاڪٽر عافيه صديقي سان ملاقات ڪرڻ وئي هئي، ان ڪيس جي حوالي سان ڪجهه ناهي ٿي رهيو. هن سينيٽ ۾ درخواست ڪئي ته ڊاڪٽر عافيه صديقي بابت ڪيس لاڳاپيل اسٽيڊنگ ڪميٽي ڏانهن موڪليو. ان کان سواءِ پرڏيهي وزير طرفان جمع ڪرايل لکت واري جواب ۾ اِهو به ٻڌايو ويو آهي ته سعودي عرب جي العصا جيل ۾ 88 پاڪستاني قيد آهن، جنهن مان 46 کي سزا ملندي جڏهن ته 42 ڪيس ٻڌني هيٺ آهن. هن ٻڌايو ته جيل ۾ 9 پاڪستاني پنهنجي سزا پوري ڪري چڪا آهن پر ڏنڊ جي عدم ادائيگي جي ڪري آزادي جو انتظار ڪري رهيا آهيون. هوڏانهن سينيٽ اجلاس ۾ مخالف ڌر جي واڪ آئوٽ جي ڪري حڪومت ايوان ۾ اڪثريت نه رکڻ جي باوجود اليڪشن ايڪٽ ۾ ترميم جو بل منظور ڪرائڻ ۾ ڪامياب ٿي ويا. سينيٽر اعظم سواتي طرفان اليڪشن ايڪٽ ۾ ترميم جو بل پيش ڪيو ويو ۽ چيو ويو ته ان بل جي اهميت کي نظر ۾ رکندي بل کي فوري منظور ڪيو وڃي. اعظم سواتي جو چوڻهو ته بل اڳوڻي ايف آر علائقن تي ٻڌل هڪ تڪ بڻائڻ بابت آهي، بل قومي اسيمبلي مان گڏيل طور تي منظور ٿي چڪو آهي. ان تي سينيٽ چيئرمين بل جي شق وار ايوان مان منظوري ورتي، پر انهيءَ دوران سينيٽر غوث نيازي طرفان ڪورم جي نشاندهي ڪئي وئي. پرسينيٽ چيئرمين غوث نيازي جي ڪورم جي نشاندهي نظرانداز ڪري ڇڏي. بعد ۾ بل جي منظوري بعد سينيٽ چيئرمين جو غوث نيازي سان مڪالمو ڪيو ته  ته توهان ڪجهه چئي رهيا هئا، پر بل جي ريڊنگ دوران ڪورم جي نشاندهي نٿي ٿي سگهي.