تازيون خبرون
ڪاري ناڻي کي اڇو ڪرڻ جو موقعو، وفاقي ڪابينا ايمنسٽي اسڪيم جي منظوري ڏئي ڇڏي - ڪشمور: مسافر وين کي باهه،3 عورتن ۽ ٻارڙي سميت 5 ڄڻا سڙي فوت، 6 زخمي - حڪومتي ادارا سياسي انتقام لاءِ استعمال ٿي رهيا آهن: ن ليگ - سنڌ اسيمبلي ۾ رڳو هڪٻئي جا پٽڪا لاهڻ لاءِ بحث ٿيندو آهي: سنڌ هاءِ ڪورٽ - سڌ سماءِ صلاحڪار جي صدر سان ملاقات، صدر ميڊيا جا مسئلا حل ڪرڻ بابت ذميواري ڏني آهي: فردوس عاشق اعواڻ - آمريڪا پاڪستان تي ڪا ويزا پابندي نه لڳائي آهي، ميڊيا ۾ ڪوڙيون خبرون آيون هيون: شاهه محمود قريشي - حڪومت شهرين جي حفاظت بدران سياسي انتقام ۾ رُڌل آهي: آصف زرداري - پاڪستان پن بجلي جي پيداوار صلاحيت ۾ تازي واڌ جي حوالي سان سڄي دنيا ۾ ٽئين نمبر تي رهيو: رپورٽ جاري - انجينئر امير مقام جي پٽ ۽ سئوٽ جي گرفتاري جي مذمت، ٻه نمبري نئون پاڪستان نه کپي : شهباز شريف - ڪراچي مان ٻه مهينا اڳ پراسرار نموني گم ٿي ويل ايم بي بي ايس جي شاگردياڻي عروج صديقي جي ڊرامائي انداز ۾ گهر واپسي

Daily Archives: April 26, 2019

پاڪستان وائٽ ڪالر ڪرائيم جي خاتمي لاءِ ڀرپور قدم کڻي رهيو آهي: عمران خان

بيجنگ (اين اين آءِ) وزيراعظم عمران خان چين جي ميگا منصوبا جا ثمر عوام تائين پهچائڻ لاءِ پنج نقطا پيش ڪرڻ لاءِ چيو آهي ته موسم جي تبديلين جا اثر گهٽائڻ لاءِ گڏيل ڪوششون، سياحت کي هٿي وٺرائڻ ڪرپشن۽ وائيٽ ڪالر ڪرائيمز جي خلاف گڏيل حڪمت عملي، غربت کي گهٽائڻ لاءِ فنڊ قائم ڪرڻ واپار ۽ سيڙپڪاري لاءِ ماحول بهتر بنائڻ جون ڪوششون ڪيون وڃن پاڪستان ۽ چين سي پيڪ جي اڳئين فيز ڏانهن وڌي رهيو آهي جنهن ۾ اسپيشل اڪنامڪ زون قائم ڪرڻ هوندو بيلٽ اينڊ روڊ منصوبي سان پاڪستان ۾ توانائي بحران ۾ گهٽتائي ۽ چين جي سهڪار سان گوادر تيزي سان دنيا جو واپاري مرڪز بڻجي رهيو آهي سي پيڪ جي ايندڙ مرحلي ۾ چين سان آزاد واپار جو معاهدو ٿيندو وائيٽ ڪالر ڪرائيم ئي ترقياتي ڪمن کي برباد ڪري ٿو خاتمي لاءِ پاڪستان ڀرپور قدم کڻي رهيو آهي پاڪستان پرڏيهي سيڙپڪارن کي بهترين موقعا فراهم ڪري رهيو آهي پاڪستان ۾ سيڙپڪاري جي دعوت ڏيون ٿا اسان جي گهاٽي دوستي پاٽنرشپ ۽ ڀائراڻا لاڳاپا هر قسم جي چئلينج دوران اهڙي طرح مضبوط ۽ محفوظ رهندا جملي تي بيلٽ اينڊ روڊ فورم جي افتتاحي تقريب کي خطاب ڪندي وزيراعظم عمران خان چيو ته پاڪستان ۽ چين وچ ۾ آزاد واپار جو معاهدو اهميت وارو هوندو اسان بنيادي سرشتي ريلوي، آءِ ٽي ۽ توانائي ۾ چين سان سهڪار چاهيون ٿا ان سان گڏ زراعت صحت ۽ تعليم ۾ تعاون کي هٿي وٺرائڻ چاهيون ٿا وزراعظم عمرانخ ان چيو ته غربت گهٽائڻلاءِ پاڪستان ۾ احساس جي نالي سان هڪ پروگرام شروع ڪيو آهي جيڪو چين جي ماڊل کان متاثر ٿي شروع ڪيو ويو آهي ڇو ته چين 30 سالن کان گهٽ عرصي ۾ 800 ملين کان وڌيڪ ماڻهن کي غربت مان ڪڍيو آهي اسان خانگي شعبي جي پاٽنرشپ سان اقتصادي ۽ سماجي ترقي جا حدف حاصل ڪري رهيا آهيون وزراعظم چيو ته هڪ خطو هڪ شاهره جو چين جي صدر جو ويزن دانشمندي گڏيل عزت ۽ احترام ۽ خوشحالي جو ماڊل آهي هن چيو ته اسان موسمياتي تبديلي جي اثرن تي ڪنٽرول ڪرڻ کي بنيادي اهميت ڏيئي رهيا آهيون جنهن تي اسان سڀني کي گڏجي ڪم ڪرڻ گهرجي. هن چيو ته اسان گذريل پنجن سالن دوران هڪ صوبي خيبرپختونخواهه ۾ 5 ارب ٻوٽا لڳايا آهن جڏهن ته ايندڙ پنجنس الن دوران سڄي ملڪ ۾ 10 ارب ٻوٽا لڳايا ويندا هن چيو ته فورم ۾ شريڪ ملڪ گڏجي موسمياتي تبديلين جي نقصانن تي ڪنٽرول ڪرڻ لاءِ اسان سان تعاون ڪن وزراعظم عمران خان چيو ته اسان سياحت جي شعبي جي ترقي تي خاص ڌيان ڏيئي رهيا آهيون جنهن سان ماڻهن جا ماڻهن سان رابطا بحال ٿيندا فورم ۾ شريڪ ملڪ پاڪستان ۾ سياحت وڌائڻ ۾ سهڪار ڪن. عمران خان تقريب ۾ ويٺلن کي خاطري ڪرائي ته پاڪستان وائيٽ ڪالر ڪرائيم ختم ڪرڻ لاءِ ڀرپور قدم کڻي رهيو آهي ڇو ته وائيٽ ڪالر ڪرائيم ئي ترقياتي ڪمن کي برباد ڪري ٿو. وزيراعظم چيو ته هن وقت تائين 122 ملڪ ۽ 49 دنيا جي تنظيمن بي آر آءِ منصوبي تي صحيحون ڪيون آهن ۽ هي هڪ تاريخي ۽ يادگار اڳڀرائي آهي هن چيو ته پاڪستان کي هن تبديلي ۾ چين سان سهڪار تي فخر آهي اسان بي آر آءِ جي پهرين ۽ پرجوش حامين ۾ آهيون.

 

وفاقي سرڪار مڪمل ناڪام ٿي چڪي، جمهوريت سان ڪجهه ماڻهو ڊيل ريل ٿي ويا آهن: وڏو وزير

ڪراچي (اسٽاف رپورٽر) سنڌ جي وڏي وزير سيد مراد علي شاهه چيو آهي ته حضرت لال شهباز قلندر رحمت الله عليه جي عرس مبارڪ جي موقعي تي پاڪستان توڙي پرڏيهه مان لال سائين جا عقيدتمند مزار تي حاضري ڏيڻ ايندا آهن، حڪومت سنڌ پاران کين ڀرپور سهولتون فراهم ڪرڻ لاءِ اپاءُ ورتا ته جيئن کين ڪنهن به قسم جي پريشاني نه ٿئي. اهڙن خيالن جو اظهار هن حضرت لال شهباز قلندر جي عرس مبارڪ جي ٽن ڏينهن وارين تقريبن جي پڄاڻي تي مزار تي چادر چاڙهي فاتحه خواني ڪرڻ بعد ميڊيا سان ڳالهائيندي ڪيو. ان موقعي تي صوبائي وزير اوقاف فراز ڏيرو، ميمبر قومي اسيمبلي سردار سڪندر علي راهپوٽو پڻ ساڻس گڏ هئا، جڏهن ته صوبائي سيڪريٽري اوقاف محمد نواز، ايڊيشنل آئي جي غلام سرور جمالي، ڊي آئي جي حيدرآباد محمد نعيم شيخ، ڪمشنر حيدرآباد محمد عباس بلوچ، چيئرمين شهباز ميلا ڪميٽي ڊپٽي ڪمشنر ڄامشورو ڪيپٽن رٽائرڊ فريد الدين مصطفيٰ، چيف ايڊمنسٽريٽر اوقاف منور علي مهيسر، ايس ايس پي ڄامشورو توقير محمد نعيم ۽ ٻيا موجود هئا. هن چيو ته گذريل سالن جي مقابلي ۾ هن سال سخت گرمي باوجود پانڌيئڙن جي تعداد ۾ 8 لکن تائين اضافو ٿيو آهي ۽ الله تعاليٰ جو شڪر آهي ته عرس مبارڪ جون تقريبون خير و خوبي سان پڄاڻي طرف وڌي رهيون آهن، عرس مبارڪ جا ٽئي ڏهاڙا چيئرمين شهباز ميلا ڪميٽي ڊپٽي ڪمشنر ڄامشورو سان رابطي ۾ رهي پانڌيئڙن کي ملندڙ سهولتن جي خود نگراني ڪئي، ضلعي انتطاميه پانڌيئڙن جي سهولت لاءِ بهترين انتظام ڪيا جيڪي قابل تعريف آهن. گورنر سنڌ جي هاڻوڪي بيان بابت پڇيل سوال تي وڏي وزير چيو ته ملازمن جي پگهارن جي ادائيگي کان پوءِ حڪومت جي معاشي صورتحال ڪمزور ٿي وڃي ٿي ۽ گورنر صاحب کي معاشي معاملن جي ڄاڻ نه آهي ۽ نه ئي سندس اهو ڪم آهي. وڏي وزير چيو ته ٽيڪس جمع ڪرڻ ۾ وفاقي حڪومت مڪمل طور تي ناڪام ٿي چڪي آهي ۽ وفاقي حڪومت جيڪو به ٽيڪس وصول ڪري ٿي ان ۾ صوبن جو 57.5  سيڪڙو حصو آهي، ناڪام معاشي پاليسين سبب صوبا مالي مسئلن جو شڪار آهن. صدارتي نظام بابت پڇيل سوال تي هن چيو ته صدر عارف علوي بيان ڏنو آهي ته ارڙهين ترميم کي ختم ڪرڻ ۽ صدارتي نظام بابت خبرن ۾ ڪابه صداقت نه آهي. وڏي وزير چيو ته چيئرمين پاڪستان پيپلز پارٽي بلاول ڀٽو زرداري سميت هر باشعور شخص جو موقف آهي ته جمهوري نظام هلڻ کپي پر ڪجهه ماڻهو جيڪڏهن جمهوريت کي ڊي ريل ڪرڻ چاهين ٿا ته الله سائين انهن کي هدايت ڏي. سيوهڻ ۾ ترقياتي ڪمن جي حوالي سان سندس چوڻ هو ته نه صرف سيوهڻ پر پوري صوبي توڙي ملڪ ۾ ڪٿي به نئين ترقياتي اسڪيم شروع نه ٿي آهي، ضلعي سالانه ترقياتي پروگرام لاءِ جيڪي پئسا ڏنا هئا انهن مان جاري اسڪيمن جا خرچ به پورا نٿا ٿين. هن چيو ته ٻيا صوبا معاشي صورتحال بابت ڪنهن مجبوري سبب نٿا ڳالهائين پر سنڌ حڪومت ڳالهائي ٿي ته اهو سمجهيو وڃي ٿو ته سنڌ حڪومت جي ڪارڪردگي صحيح نه آهي جڏهن ته وفاقي حڪومت جي ناڪام پاليسين سبب ملڪ معاشي بحران ۾ آهي. هڪ سوال تي سندس چوڻ هو ته اين ايف سي مان سنڌ کي 120 ارب روپيا گهٽ مليا آهن ۽ وفاقي حڪومت تحت هلندڙ ترقياتي ڪمن لاءِ پڻ 11 ارب روپيا گهٽ مليا آهن جڏهن ته وفاقي حڪومت کي 15 ارب روپيا ڏيڻا هئا جنهن مان هن مهل تائين صرف 4 ارب روپيا مليا آهن. هن چيو ته فنڊز جي کوٽ سبب سڀ کان اول ترقياتي اسڪيمون متاثر ٿين ٿيون ان حوالي سان سنڌ اسيمبلي جي فلور تي تفصيلي ڳالهه ٻولهه ڪندس. هڪ سوال تي هن چيو ته گذريل سال ترقياتي ڪمن تي 204 ارب روپيا خرچ ڪيا ويا هئا ۽ اهو پهريون ڀيرو هو ته ترقياتي پروگرام هيٺ 200 ارب کان مٿي رقم خرچ ڪئي ويئي، هن سال 75 کان 80 ارب روپيا ترقياتي اسڪيمن تي خرچ ٿيا آهن ۽ مونکي 100 ارب روپيا خرچ ٿيندي نظر نٿا اچن. هن چيو ته جيڪي ماڻهو چون ٿا سنڌ حڪومت ۾ خرچ ڪرڻ جي اهليت نه آهي انهن کان اهو سوال ٿو ڪريان ته گذريل سال سنڌ حڪومت ترقياتي پروگرام ۾ 204 ارب روپيا ڪيئن خرچ ڪيا. هڪ سوال جي جواب ۾ وڏي وزير چيو ته الله تعاليٰ نه ڪري ته هن سال وفاقي حڪومت پاران انسان دشمن بجيٽ پيش ڪئي وڃي، اسان جي خواهش آهي ته وفاقي حڪومت هوش کان ڪم وٺي پنهنجو قبلو درست ڪري ۽ عوام جي ڀلائي لاءِ ڪم ڪري. سندس چوڻ هو ته اسان جيڪڏهن ڪو مشورو ڏيون ٿا ته چيو وڃي ٿو ته اين آر او گهري رهيا آهن، اسان چئون ٿا ته اسان کي ڪنهن به اين آر او جي ضرورت نه آهي توهان کي جيڪو ڪرڻو اهي اهو ڪريو پر عوام جو خيال ڪريو ۽ ان سان دشمني نه ڪريو. هڪ سوال تي هن چيو ته ڪڻڪ جي خريداري نه ڪرڻ جا ڪجهه سبب آهن جن ۾ هڪ گذريل سال جي اسٽاڪ جي موجودگي کان سواءِ ڪڻڪ خريد ڪرڻ لاءِ سبسڊي جو معاملو آهي جنهن لاءِ سنڌ حڪومت وٽ پئسا نه آهن. هڪ سوال تي وڏي وزير چيو ته سنڌ واحد صوبو آهي جتي سرمائيڪاري لاءِ عالمي ادارا موثر طريقي سان ڪم ڪن پيا ۽ ورلڊ بينڪ پاران ڪراچي سميت ٻين شهرن ۾ مختلف ترقياتي رٿائون هلي رهيون آهن. هڪ سوال جي جواب ۾ هن چيو ته سنڌ پوليس جون پگهارون ٻين صوبن جي ڀيٽ ۾ وڌيڪ آهن. عمران خان پاران پيپلز پارٽيءَ جي قيادت خلاف تڪليف ڏيندڙ لفظ استعمال ڪرڻ بابت سوال تي وزيراعليٰ سنڌ چيو ته عمران خان معذرت ڪرڻ جو هنر سکيو ئي نه آهي ۽ مونکي نٿو لڳي ته وفاقي حڪومت جي گاڏي اڳيان هلي سگهندي.

 

 

شاهد خاقان عباسي ۽ مفتاح اسماعيل سميت 7 ڄڻن جا نالا اي سي ايل ۾ شامل

اسلام آباد (ويب ڊيسڪ ) گهرو وزارت نيب جي درخواست تي اڳوڻي وزيراعظم شاهد خاقان عباسي  ۽ مفتاح اسماعيل سميت ستن ڄڻن جا نالا اي سي ايل ۾ شامل ڪري ڇڏيا.  نيب ستن ڄنن کي پرڏيهه وڃڻ کان روڪڻ لاءِ سندن نالا اي سي ايل ۾ شامل ڪرڻ جي سفارش ڪئي.  گهرو وزارت طرفان نيب کي باقاعده هڪ خط موڪليو ويو آهي جنهن ۾ موڪليل سمورا نالا اي سي ايل ۾ وجهڻ بابت آگاهه ڪيو ويو آهي. گهرو وزارت جي خط ۾ ٻڌايو ويو آهي ته احتساب بيورو جي درخواست تي ستن ڄڻن جا نالا اي سي اي ۾ شامل ڪيا ويا آهن، جنهن ۾ اڳوڻو وزيراعظم ۽ مسلم ليگ ن اڳواڻ شاهد خاقان عباسي، مسلم ليگ ن اڳواڻ ۽ ناڻي واري وزير مفتاح اسماعيل جا نالا به شامل آهن. مبين صولت، شاهد اسلام الدين، عمران خان الحق، عظميٰ عادل  خان ۽ عامر نسيم جا نالا به اي سي ايل ۾ شامل ڪيا ويا آهن.  اڳوڻي وزيراعظم شاهد خاقان عباسي ۽ مفتاح اسماعيل خلاف نيب ايل اين جي ڪيس جي جاچ ڪري رهي آهي، شاهد خاقان عباسي ڪيترائي ڀيرا نيب ۾ پيش به ٿي چڪو آهي، جڏهن ته مفتاح اسماعيل عدالت ۾ عبوري ضمانت به حاصل ڪري رکي آهي.

 

گودامن تي نيب جا ڇاپا، ڪڻڪ بدران ٻورين ۾ مٽي ڀريل . 2 لک ٻوريون غائب هئڻ جو انڪشاف

سکر/ڪنڌڪوٽ(نمائندن وٽان) ڪشمور ايٽ ڪنڌڪوٽ ۾ خوراڪ کاتي جي گودامن اندر ٻوريون ۾ ڪڻڪ بدران مٽي ڀريل هئڻ ۽ ڪڻڪ جون 2 لک ٻوريون غائب هئڻ جو انڪشاف، نيب ڪيترائي گودام سيل ڪري ڇڏيا، نيب ذريعن جو چوڻ آهي ته ڊي جي نيب کي خوراڪ کاتي ڪشمور ايٽ ڪنڌڪوٽ ۾ ڪرپشن جو اطلاع ملڻ بعد ڪارروائي عمل ۾ آندي وئي، نيب سکر جي ٽيم ضلعي جي مختلف گودامن تي ڇاپا هنيا، ذريعن جو چوڻ آهي ته ڇاپن دوران گودامن مان 50 ڪروڙ رپين جون 2 لک ٻوريون غائب هيون، ان کانسواءِ ڪيترن ئي گودامن اندر ڪڻڪ بدران مٽي سان ڀريل ٻوريون هٿ آيون، جنهن بعد ڪيترائي گودام سيل ڪيا ويا آهن.نيب ذريعن موجب ضلعي جي گودامن تي ڇاپن جو سلسلو جاري آهي، ذريعن جو چوڻ آهي ته نيب جي ساڳي ٽيم ڪنڌڪوٽ ۾ تعليم کاتي جي آفيس تي به ڇاپو هنيو، جتان 2012 ۾ مبينا جعلي ڀرتين واري ڪيس جي حوالي سان ريڪارڊ تحويل ۾ ورتو ويو.

 

فخر آهي ته منهنجو خاندان هندوستان کان پاڪستان آيو، اسان دنيا جي هڪ اهم ۽ ترقي يافته قوم بڻجي سگهون ٿا: عارف علوي

لاهور (اين اين آءِ) پاڪستان جي صدر ڊاڪٽر عارف علوي چيو اهي ته مذهبي نفرت جي باهه جيڪڏهن ٻاري ويئي ته پوءِ اجامي نه سگهندي اسان وانگر ڀارت کي به تاريخ مان سبق حاصل ڪرڻ گهرجي دنيا ۾ پيدا ٿيندڙ بدامني جو مذهب سان ڪوبه تعلق نه آهي سمورا مذهب امن جو پيغام ڏين ٿا پر هتي انسان مذهب جي آڙ ۾ هڪٻئي کي قتل ڪري رهيا آهن نئين پاڪستان ۾ هر مذهب لاءِ امن جو پيغام آهي هتي ڪنهن قسم جي مذهبي نفرت برداشت نه ڪئي ويندي اهڙن خيالن جو اظهار هن جمعي ڏينهن لاهور جي مقامي هوٽل ۾ قومي بين الامذاهب امن ڪانفرنس کي خطاب ڪندي ڪيو ان موقعي تي خاتون اول بيگم عارف علوي، قومي اسيمبلي ميمبر شنيلا روت، خطيب بادشاهي مسجد لاهور مولانا سيد عبدالخبير آزاد سميت سک عيسائي هندو ۽ ڀاٽي مذهب جا اڳواڻ به موجود هئا صدر چيو ته اها ڳالهه سٺي آهي ته موجوده حالتن ۾ بين المذاهب هم آهنگي کي هٿي وٺرائڻ جون ڪوششون ڪيون پيون وڃن مان سمورن مذهبن کي پڙهيو ته اندازو ٿيو ته سڀ مذهب امن جو پيغام ڏين ٿا پر انسان مذهب کي پنهنجي ناپاڪ مقصدن لاءِ استعمال ڪري ٿو ۽ ان کي بهانو بنائي ٻين ماڻهن کي ماري ٿو جنهن جو ڪنهن مذهب سان ڪوبه تعلق نه اهي هي سڀ ماڻهو اندر موجود نفرتن جي ڪري آهي انسان ۾ محبت همدردي ۽ اخلاص جو جذبو موجود آهي پر هڪ ٻيو پاسي نفرت ۽ فوبيه جو به آهي جنهن سبب خاندان ۾ به نفرتون پيدا ٿي وڃن ٿيون صدر چيوت ه اسان جي نبي معاف ڪرڻ جي هدايت ڪئي بدقسمتي سان اسان جي معاشري ۾ سوشل ميڊيا جي ڪري غيبت وڌي چڪي اهي جنهن جي اسلام ۾ سخت منع ڪيل آهي سوشل ميڊيا ڪنهن واقعي جي حقيقتن کي پاسي تي رکندي ٽوڙي مروڙي شيون بيان ڪري ٿو جيڪي غيبت جي زمري ۾ اچن ٿيون هن چيو ته پاڪستان وڌيون قربانيون ڏيئي دهشتگردي ۽ شدت پسندي مان گهڻو ڪجهه سبق سکيو پر پاريسري ملڪ ڀارت ان مان سبق نه سکيو ڳڻتي آهي ته ڀارت ۾ مذهبي نفرت جي راند کيڏي پئي وڃي ۽ ان کي پتو هئڻ گهرجي ته جيڪڏهن هي باهه ٻرڻ شروع ڪيو ته پوءِ وسامي نٿي سگهي هي وڏو الميو آهي جو هندستان نفرت ۾ گهڻو اڳتي نڪري آيو آهي مان ڀارت ۾ موجود مائٽن سان فون تي به ڪڏهن ناهي ڳالهايو ڇو ته ان ڳالهه جو پتو ناهي ته ڪهڙي ڳالهه کي ڪهڙو رنگ ڏنو وڃي جڏهن ته ڀارت کي به تاريخ مان سبق سکڻ گهرجي ڀارت سان تازي صورتحال ۾ هر پاڪستاني امن چاهي ٿو پر ٻئي پاسي نفرت پيدا ڪئي پئي وڃي جيڪو ان ڳالهه جو ثبوت آهي ته اسان تاريخ مان سبق سکيو پر ڀارت ناهي سکيو.

 

ڪوڊ ۾ تبديلي سبب ميراج 2000 ايئر ڪرافٽ پنهنجو گهربل حدف پورو نه ڪري سگهيو: ڀارتي ايئر فور ناڪامي قبولي ورتي

نئين دهلي (اين اين آءِ) ڀارتي ايئرفورس عملدارن پهريون ڀيرو بالاڪوٽ ايئر اسٽرائيڪ جي حوالي سان پنهنجي ناڪامي جو اعتراف ڪندي تسليم ڪري ورتو آهي ته هن حملي ۾ ڀارتي هوائي فوج گهربل حدف حاصل ڪرڻ ۾ ڪامياب نه ٿي دي هندستان ٽائيمز ۽ ٻين ڀارتي ميڊيا رپورٽ موجب ڀارتي ايئرفورس جي رپورٽ جنهن جو عنوان حاصل ٿيل سبق هو ۾ ان جو اعتراف ڪيو ويو آهي ڀارتي ٽيڪنيشنز پاران هٿيارن جي پروگرامن جي ڪوڊ ۾ تبديلي سبب ميراج 2000 ايئر ڪرافٽ پنهنجو گهربل حدف پورو نه ڪري سگهيو ڀرتي ايئرفورس عملدارن پاران جاري ڪيل هن رپورٽ کان اڳ سشما سوراج به هڪ تقريب ۾ ان ڳالهه جو اعتراف ڪيو هو ته بالاڪوٽ حملي ۾ نه ته ڪو پاڪستاني شهري يا فوجي مارجي ويو ۽ نه ئي ڪو ماڻهو زخمي ٿيو ڀارتي ايئرفورس عملدارن جي تازي رپورٽ آسٽريليا جي اسٽريٽجڪ پاليسي انسٽيٽيوٽ جي رپورٽ جي تصديق ڪري ڇڏي آهي جنهن ۾ چيو ويو هو ته ڀارت جي پرسيشن گائيڊيڊ هٿيارن، پي جي ايمز جي پروگرامنگ کي صحيح نموني سان سيٽ نه ڪيو ويو هو جنهن تحت ڀارتي ايئرفورس گهربل حدف حاصل نه ڪري سگهي.

 

عالمي مالياتي سامراج پاڪستان کي سي پيڪ مان ڪڍڻ لاءِ دٻاءُ واڌئي رهيو آهي: رضا رباني

اسلام آباد ( ويب ڊيسڪ ) سينيٽر ۽ پ پ جي سينيئر اڳواڻ رضا رباني چيو آهي ته عالمي مالياتي سامراج سي پيڪ مان پاڪستان کي ڪڍڻ لاءِ دٻاءَ واڌائي رهيا آهن. سينيٽ اجلاس ۾ رضا رباني سي پيڪ پروگرامن  لاءِ خاص ڪمن لاءِ 27 ارب مان 24 ارب ٻيهر مخصوص ڪرڻ تي ڌيان ڏياريو نوٽيس ڏنو.  رضا رباني چيو ته سي پيڪ مان خاص پروگرامن جا ٽي ارب رپيا گهٽايا ويا آهن، جڏهن کان حڪومت اقتدار ۾ آئي آهي تڏهن کان حڪومت آمريڪي سامراج ڏانهن جهڪاءُ وڌي ويو آهي، خطي ۾ به اسان جو جهڪاءَ آمريڪي اتحادين طرف آهي.   رضا رباني چيو ته عالمي مالياتي سامراج سي پيڪ مان پاڪستان کي ڪڍڻ لاءِ دٻاءَ وڌائي رهيا آهن،  ايف اي ٽي ايف ۽ آءِ ايم ايف ذريعي دٻاءَ وڌو پيو وڃي، ڀارت آءِ ايم ايف کي چئي رهيو آهي ته پاڪستان کي بيل آئوٽ پئڪيج نه ڏنو وڃي، ٻڌايو وڃي ته آءِ ايم ايف سان قرضن جا ڪهڙا شرط آهن.

 

سومر کان باضابطا ڳالهيون شروع ٿينديون، پاڪستان ۽ آءِ ايم ايف وچ ۾ شيڊول طئي ٿي ويو

اسلام آباد (اين اين آءِ) پاڪستان ۽ آءِ ايم ايف وچ ۾ ڳالهين جو شيڊول تيار ٿي ويو جنهن موجب سومر کان ڳالهيون شروع ٿينديون. بين الاقوامي مالياتي فنڊ جي جائزي واري مشن ڊائريڪٽر ارنسٽوڙ ميريز ريگو جي سربراهي ۾ 29 اپريل تي پاڪستان پهچندو ۽ 7 مئي تائين پاڪستان ۾ ترسندو ان دوران مشن مختلف ادارن جو دورو به ڪندو نئين پروگرام لاءِ 29 اپريل کان ڳالهيون شروع ٿينديون ذريعن موجب ناڻي وزارت سمورين لاڳاپيل وزارتن ۽ ادارن کي پيغام جاري ڪري ڇڏيو ۽ آءِ ايم ايف سان ڳالهين لاءِ ايف بي آر سميت لاڳاپيل وزارتن کان ڊيٽا گهري ورتو ۽ جائزو وري مشن سان ڳالهين لاءِ 9 مهينن جي اقتصادي انگن اکرن تي ٻڌل ڊيٽا تيار ڪرڻ جون هدايتون به ڪري ڇڏيون آهن ناڻي وزارت جي هدايت تي ايف بي آر جي سمورن لاڳاپيل ونگز ڊيٽا تيار ڪرڻ شروع ڪري ڇڏيو ذريعن موجب آءِ ايم ايف پاڪستان جي ٽيڪس امدني جي ڊي پي جي 13.2 سيڪڙو تائين وڌائڻ جو مطالبو ڪري رهيو آهي پاڪستان حڪومت 12.7 سيڪڙو تائين وڌائڻ جي خاطري ڪرائي آهي آءِ ايم ايف سان ٿيندڙ ڳالهين ۾ روينيو فريم ورڪ تي به خيالن جي ڏي وٺ ڪئي ويندي روينيو فريم ورڪ ۾ بجيٽ ۾ 729 ارب رپين جا نوان ٽيڪس لڳائڻ جون تجويزون غور هيٺ آهن ذريعن موجب آءِ ايم ايف جائزي واري مشن سان وفاقي بجيٽ لاءِ تجويزون ۽ بجيٽ اسٽريٽجي پيپر تي خيالن جي ڏي وٺ ٿيندي ايندڙ بجيٽ ۾ جي ڊي پي جي 1.4 سيڪڙو جي برابر ٽيڪس لڳائڻ جو امڪان آهي بجيٽ ۾ ايڪسپورٽ ۽ مينوفيڪچرنگ جي شعبي لاءِ ٽيڪس ۾ رليف به ڏنو ويندو ۽ بجيٽ ۾ 634 ارب رپيا ان لينڊ روينيو ۽ 95 ارب رپيا ڪسٽمز ڊيوٽي جي مد ۾ جڏهن ته انڪم ٽيڪس جي مد ۾ 334 ارب رپيا، سيلز ٽيڪس جي مد ۾ 150 ارب ۽ فيڊرل ايڪسائيز ڊيوٽي جي مد ۾ 150 ارب رپين جا نوان ٽيڪس لڳائڻ جون تجويزون آهن.

 

شهاب الدين جي پٽ جي ايم پي او جي تحت گرفتاري بدترين سياسي انتقام آهي: ن ليگ

لاهور(ويب ڊيسڪ) پاڪستان مسلم ليگ ن جي ترجمان مريم اورنگزيب پنهنجي پارٽي جي اڳواڻ ۽ قومي اسيمبلي ميمبر شهاب الدين جي پٽ جي گرفتاري ۽ ضلعي بدري جي مذمت ڪئي آهي. مريم اورنگزيب چيو ته شهاب الدين جي پٽ جي ايم پي او جي تحت گرفتاري بدترين سياسي انتقام آهي، سياسي ڪارڪنن کي جيل ۾ وجهي پي ٽي آءِ جي آمريت کليل نموني سامهون اچي وئي، جلال الدين کي ضلعي بدر ڪرڻ انتها آهي. مريم اورنگزيب چيو ته عمران نيازي سراپا آمريت آهي، جلال الدين کي باجوڙ مان هري پور ضلعي بدري ڪرڻ جو مقصد سچ لڪائڻ آهي، سرڪاري ادارن، پارليامينٽ ۽ پوليس تي حملا ڪندڙ نيازي صاحب سياسي مخالفن جي زبان بندي ڪري رهيو آهي. قبائلي ضلعي باجوڙ مان جلال الدين جي گرفتاري کان پوءِ هڪ مهيني لاءِ هري پور جيل موڪليو ويو آهي. هن کي ڊي سي باجوڙ جي حڪم تي سول ڪالوني خار مان گرفتار ڪيو ويو. ڊپٽي ڪمشنر باجوڙ جو چوڻ آهي ته ڄاڻايل خاندان سرڪاري اهلڪارن کي پنهنجي علائقي ۾ ناهي وڃڻ ڏيندو.

 

ٺل لڳ پلاٽ جي تڪرار تان جهيڙو، ڀائٽي هٿان چاچو قتل، پيءُ مرڻينگ

ٺل (م.ڊ) ٺل لڳ پلاٽ جي تڪرار تان جهيڙو، ڀائٽي هٿان چاچو قتل، ٺل ويجهو ميرپورٻرڙو ٿاڻي جي حد ڳوٺ هزار خان ٻرڙي ۾ پلاٽ جي معاملي تان ٻن ڀائرن وچ ۾ جهيڙو ٿي پيو، جتي ڀائيٽي گوليون هڻي پنهنجي چاچي الهداد برڙو کي قتل ڪري ڇڏيو،گوليون لڳڻ سبب پيءُ مرزا ٻرڙو شديد زخمي ٿي پيو، جنهن کي نازڪ حالت ۾ جيڪب آباد منتقل ڪيو ويو، پوليس موجب ٻن ڀائرن ۾ پلاٽ جي مامري تان جهيڙو ٿيو، ڀائٽي شعبان گوليون هڻي چاچي کي قتل ۽ پيءُ کي شديد زخمي ڪري ڇڏيو، جوابدار کي جلد گرفتار ڪيو ويندو، اڃان تائين ڪا به گرفتاري ناهي ٿي سگهي.