تازيون خبرون

Daily Archives: March 29, 2019

سلمان خان، دپيڪا پڊوڪون سان ڪم نه ڪرڻ بابت ٻڌائي ڇڏيو

ممبئي (ويب ڊيسڪ) سبالي ووڊ مداح سلمان خان ۽ دپيڪا پڊوڪون کي به فلم ۾ گڏ ڏسڻ چاهيندا آهن ڇو جو هن وقت تائين ٻنهي گڏجي ڪنهن به فلم ۾ ڪم ناهي ڪيو پر ان جو سبب ڪهڙو آهي؟ سلمان خان پهريون ڀيرو ان راز تان پڙدو کٽي ڇڏيو. ميڊيا طرفان پڇيل سوال جو جواب ڏيندي هن دلچسپ انداز ۾ چيو ته سچ ڳالهه ته اها آهي جو مان پاڻ  به حيران آهيان ته دپيڪا پڊوڪون سان گڏ ڪڏهن ڪم ڪندس. سلمان خان ان پٺيان انا پرستي کي سبب قرار ڏيڻ بابت خبرن کي رد ڪري ڇڏيو ۽ کلندي چيو ته هن وقت تائين ڪنهن به مونکي دپيڪا سان ڪاسٽ ئي ناهي ڪيو. دپيڪا پڊوڪون هڪ سپر اسٽار آهي ۽ هن سان ڪم ڪرڻ لاءِ مونکي هن جي لائق ٿيڻو پوندو.

 

ڀارتي ميڊيا صحيح ڪردار ادا نه پئي ڪري: ننديتا داس

ممبئي (شوبز نيوز) ڀارتي ميڊيا جي زهر اوڳاڇيندڙ پراپيگينڊا کي جتي عالمي سطح تي ڪوڙو قرار ڏنو ويو اتي پاڪستان ۾ دوکي تي ٻڌل ڀارتي حملي بابت حقيقتون سامهون اچڻ تي ڀارت ۾ ان کي شديد تنقيد جو نشانو بڻايو ويو آهي. ميڊيا رپورٽن موجب بالي ووڊ اداڪارا ننديتا داس ڀارتي ميڊيا کي بي جي پي جي پراپيگينڊا مشين قرار ڏئي ڇڏيو آهي. ننديتا داس سوشل ميڊيا تي ڀارتي ميڊيا کي تنقيد جو نشانو بڻائيندي چيو آهي ته پلوامه حملي بعد ڀارتي ميڊيا ثابت ڪري ڇڏيو ته اهي حڪمران جماعت ڀارتيا جنتا پارٽي جي پراپيگينڊا مشين آهن. سندس چوڻ هو ته ڀارتي ميڊيا پنهنجون پيشيوراڻيون خدمتون انجام ڏيڻ بدران ناڪاري پراپيگينڊا سان عوام کي جنگ لاءِ مڇرائي رهي آهي.

 

پاڪستان ۾ ڪرڪيٽ شروع، دبئي اختياريون پريشاني جي ور چڙهي ويون

دبئي(اسپورٽس نيوز) پاڪستان ۾ ڪرڪيٽ جي واپسي سان يو اي اي فڪرمند آهي، جڏهن ته ابوظهبي مستقبل لاءِ حڪمت عملي جوڙيندي ٽي 10 ليل جا حق 5 سالن لاءِ حاصل ڪري ورتا آهن. پاڪستان ۾ پي ايس ايل جون 8 ميچز ٿيڻ ۽ ايندڙ سال سموري ليگ پاڪستان ۾ ڪرائڻ واري اعلان گڏيل عرب امارتن کي مستقبل بابت سوچڻ تي مجبور ڪري ڇڏيو آهي. سڀ کان پهرين ابوظهبي حڪمت عملي طئه ڪرڻ ۾ رڌل آهي، هن ٽي 10 جا حق به 5 سالن لاءِ خريد ڪري ورتا آهن، جنهن جو نالو ابوظهبي ٽي 10 ليگ هوندو، جنهن جا گذريل 2 ايونٽس شارجا ۾ ٿيا هئا. ايونٽ جي چيئرمين شجيع الملڪ جو چوڻ اهي ته شارجا ۾ گنجائش گهٽ هئڻ جي ڪري اسان ٻيون وينيوز ۾ به مقابلا ڪرائڻ جي رٿابندي ڪري رهيا هئاسين، ابوظهبي جي آڇ اهڙي هئي جو ايونٽ کي اتي محدود ڪري ڇڏيو جيڪو 23 آڪٽوبر کان شروع ٿيندو.هوڏانهن ابوظهبي ڪرڪيٽ جي وقتي چيف ايگزيڪيوٽو ميٽ بائوچر چيو آهي ته پي ايس ايل جا آخري مقابلا پاڪستان ۾ ٿيڻ مان واضح ٿي ويو ته ايندڙ سال پاڪستان پنهنجي ئي ملڪ ۾ ايونٽ ڪرائيندو، اسان مستقبل کي نظر ۾ر کي ٽي 10 جا حق خريد ڪري ورتا آهن.