تازيون خبرون
شاهد خاقان عباسي نيب هٿان گرفتار، نيب ۽ نيازي تماشو لڳائي رهيو آهي: ن ليگ - ن ليگ جي خواهش پوري ٿي، شاهد خاقان چوري کائڻ وارو مجنو نه بڻجي: فردوس عاشق - ادارا قانون جي بالادستي کي يقيني بڻائن، حڪومت ڪم ۾ مداخلت نه ڪندي: عمران خان - سياسي اڳواڻن جون گرفتاريون بني گالا مان ملندڙ هدايتن تي پيون ٿين: مرتضيٰ وهاب - حڪومت گرفتارين ذريعي ناڪاميون لڪائڻ چاهي ٿي، اپوزيشن خلاف امتيازي احتساب قبولڻ جوڳو ناهي: بلاول ڀٽو زرداري - پنهنجي پارٽي ۾ پاڻ کي مڃرائڻ ۽ پنهنجي جاءِ بڻائڻ جي لاءِ ڏاڍيون قربانيون ڏيڻيون پيون: مريم نواز جو انٽرويو - ايڇ آءِ وي تي ڪنٽرول ۽ پکيڙجڻ کي روڪڻ لاءِ 600 ملين رپيا مختص، متاثرن جي بحاليءَ لاءِ ھڪ ارب فنڊ قائم ڪيو آھي: وڏو وزير - شاهد خاقان کي گرفتاري جي خبر هئي، ايل اين جي ڪيس ۾ اڃان به ڪيتريون ئي گرفتاريون ٿينديون؛ شيخ رشيد - جج ويڊيو اسڪينڊل: ايف آءِ اي ٽيم جو ميان طارق جي دڪان ۽ آفيس تي ڇاپو، اهم دستاويز هٿ - نيب جو نالو تبديل ڪري ن ليگ احتساب بيورو رکيو وڃي، عمران خان کي پاڪستاني هٽلر ٿيڻ نه ڏينداسين: احسن اقبال/مريم اورنگزيب

Daily Archives: February 20, 2019

نابالغ حڪومت کي سمجهه ناهي، پوري قوم فوج سان گڏ آهي، ڀارت جو ڄمي مقابلو ڪنداسين: آصف زرداري

اسلام آباد ( ويب ڊيسڪ ) اڳوڻي صدر آصف علي زرداري چيو آهي ته نيب جو مقابلو ڪنداسين، گرفتارين سان اسان جو گهرو تنگ نه ٿيندو، جيل اسان جو ٻيو گهر آهي. اسلام آباد ۾  پريس ڪانفرنس ڪندي اڳوڻي صدر آصف علي زرداري چيو ته اڄ سنڌ اسيمبلي جي اسپيڪر آغا سراج دراني کي گرفتار ڪيو ويو آهي، ايئن هر دور ۾ ٿيندو رهندو آهي، هميشه پنهنجن ئي اسان سان دوکو ڪيو آهي. اسلام آباد ۾ پريس ڪانفرنس ڪندي اڳوڻي صدر آصف علي زرداري چيو ته اسان پنهنجي دور ۾ ججن جي پگهار ۾ 3 کان 4 سيڪڙو وڌائي، سٺن وڪيلن ۽ ججن کي عدالتي شعبي ۾ آڻڻ جي ڪوشش ڪئي. هن چيو ته اسپيڪر کي گرفتار ڪري جمهوريت کي چئلينج ڪيو ويو آهي. سندس چوڻ هو ته جيڪڏهن مون کي جيل وڃڻو پوي ته سڀني کي خبر آهي ته اهو شروع کان ئي منهنجو گهر آهي، ڪو مسئلو ۽ ڏک ناهي، بلاول منهنجو ۽ پنهنجي ماءُ جو پٽ آهي، ان کي ڊيڄاري نه ٿو سگهجي، ڊڄاريو انهن کي جن ڪجهه نه ڏٺو آهي. اڳوڻي صدر آصف علي زرداري چيو ته هن وقت هنگامي حالتون آهن ۽ معاملو نهايت اهم موڙ تي پهچي ويو آهي، اسان پنهنجي دور ۾ ممبئي حملن کانپوءِ صورتحال کي سفارتي سطح تي حل ڪيو.  هن چيو ته هن وقت نالابالغ حڪوت کي سمجهه ۾ نه ٿو اچي ۽ ڊرائيونگ سيٽ تي ويٺل سياست نه ٿو سمجهي، تنهن ڪري مسئلو وڌي رهيو آهي. سندس چوڻ هو ته  قوم کي پڪ ڏياريان ٿو ته ڀارت اڳرائي ڪئي ته سموري قوم گڏ هوندي. اڳوڻي صدر آصف علي زرداري چيو ته پ پ پنهنجي فوجي ڀائرن سان گڏ هوندي ۽ ڄمي ڀارت جو مقابلو ڪنداسين. هن چيو ته پاڪستان ڪيتري ئي وقت کان اڪيلائي جو شڪار آهي جڏهن ته تحريڪ انصاف حڪومت اچڻ بعد وڌيڪ اڪيلائي جو شڪار آهي، اها اڪيلائي ختم ڪرڻ جي ڪوشش ڪرڻ گهرجي. سندس چوڻ هو ته گهڻو ٿي ويو، هاڻي حڪومت کي وڌيڪ وقت نه ڏينداسين.

 

سنڌ اسيمبلي جو اسپيڪر آغا سراج دراني اسلام آباد ۾ نيب هٿان گرفتار

اسلام آباد ( ويب ڊيسڪ ) نيب سنڌ اسيمبليءَ جي اسپيڪر آغا سراج دراني کي گرفتار ڪري ٽن ڏينهن جو راهداري رمانڊ حاصل ڪيو آهي. نيب سنڌ اسيمبلي جي اسپيڪر آغا سراج دراني کي اسلام آباد مان گرفتار ڪري ورتو. آغا سراج دراني تي سرڪاري فنڊن ۾ گهوٻين، سنڌ اسيمبلي جي نئين عمارت جي فنڊن ۾ بيقاعدگي ۽ آمدني کان وڌيڪ اثاثن جو الزام آهي. ذريعن موجب نيب ڪافي عرصي کان آغا سراج دراني خلاف جاچ ڪري رهي هئي جنهن ۾ هاڻي گهڻي اڳڀرائي ٿي آهي، جنهن جي بنياد تي نيب پ پ اڳواڻ ۽ سنڌ اسيمبلي جي اسپيڪر کي گرفتار ڪرڻ جو فيصلو ڪيو. ذريعن موجب ان حوالي سان نيب هيڊ ڪوارٽر اسلام آباد ۾ اڄ اهم اجلاس ٿيو جنهن ۾ نيب ڪراچي جي اختيارين شرڪت ڪئي جڏهن ته اجلاس ۾ آگاهه ڪيو ويو ته آعا سراج دراني اسلام آباد ۾ ئي موجود آهي. ذريعن موجب نيب ڪراچي نيب راولپنڊي جي مدد سان ڪارروائي ڪئي ۽ آغا سراج دراني کي اسلام آباد جي هڪ خانگي هوٽل مان گرفتار ڪيو. آغا سراج دراني جي گرفتاري جي منظوري نيب چيئرمين جاويد اقبال ڏني آهي. آغا سراج دراني کي هوٽل مان نيب جي آفيس منتقل ڪيو ويو، جتي سندس پهرين طبي چڪاس ڪرائڻ بعد راهداري رمانڊ لاءِ عدالت ۾ پيش ڪيو ويو. احتساب عدالت آغا سراج دراني جو ٽن ڏينهن جو راهداري رمانڊ منظور ڪري ورتو. راهداري رمانڊ کانپوءِ آغا سراج دراني کي ڪراچي منتقل ڪري جاچ ڪئي ويندي. نيب جي بيان موجب نيب ڪراچي نيب راولپنڊي ۽ نيب هيڊ ڪوارٽرز جي انٽيلجنس ونگ جي مدد سان آغا سراج کي گرفتار ڪيو.

 

وفاق سنڌ کي آئيني حقن موجب گئس فراهم ڪري، حقن لاءِ جنگ وڙهنداسين: وڏو وزير

ڪراچي (اسٽآف رپورٽر) سنڌ جي وڏي وزير سيد مراد علي شاهه چيو آھي تھ سنڌ کي آئيني حق مطابق گيس فراھم ڪئي وڃي ۽ سنڌ وفاق کان پنھنجي حقن لاءِ وڙھندي رھندي. ھن چيو تھ سنڌ ۾ پرڏيھي سيڙپڪاري پھرين ترجيح آھي ۽ اسان سنڌ کي معاشي مرڪز بڻائڻ لاءِ ڀرپور ڪم ڪري رھيا آھيون، ڪراچيءَ ۾ ڪيترن ئي ترقياتي رٿائن تي ڪم ھلندڙ آھي. سنڌ ۾ پرڏيھي سيڙپڪارن لاءِ رجسٽريشن وارو عمل سولو بڻائي رھيا آھيون ۽ اسان ڪاروبار کي سولو بڻائڻ لاءِ ڪيترائي اپاءَ ورتا آھن ۽ ھاڻي وفاق کي بھ ڪاروبار سولو بڻائڻ وارو ھدف پورو ڪرڻ گھرجي. اھڙن خيالن جو اظھار ھن اڄ ڪراچي جي ھڪ مقامي ھوٽل ۾ سنڌ ڊوئنگ پورٽل بزنس رفارمز ايگزيبيشن تقريب ۾ خاص مھمان طور خطاب ڪندي ڪيو. وڏي وزير سيد مراد علي شاھھ جي تقريب واري پروگرام ۾ پھچڻ تي صوبائي وزير سعيد غني، مڪيش ڪمار چاولا، چيئرمين پي اينڊ ڊي محمد وسيم، سنڌ بورڊ آف انويسٽمينٽ جي آفيسرن ۽ ٻين شاندار آجيان ڪئي، انھيءَ تقريب ۾ وزيراعظم جو صلاحڪار رزاق دائود ۽ ورلڊ بينڪ جو ڪنٽري ڊائريڪٽر پيچاموٿو الانگوان پڻ شريڪ ھئا. نمائش ۾ پاڪستان خاص طور تي سنڌ ۾ واپار جي واڌاري ۽ سڌارن تي بريفنگ ڏني وئي. وڏي وزير سيد مراد علي شاھھ سنڌ بزنس رجسٽريشن پورٽل جو افتتاح پڻ ڪيو ۽ چيئرمين پي اينڊ ڊي محمد وسيم سنڌ بزنس رجسٽريشن پورٽل جي حوالي سان شرڪت ڪندڙن کي آگاھھ ڪيو. ايزي آف بزنس ھڪ انڊڪس آھي جيڪا ورلڊ بينڪ ھر سال پيش ڪندي آھي. وڏي وزير سيد مراد علي شاھھ ورلڊ بينڪ جي ڪنٽري ڊائريڪٽر پيچاموٿو الانگوان سان گڏجي ايزي آف ڊوئنگ بزنس پورٽل جو افتتاح ڪيو جنھن لاءِ سنڌ بلڊنگ ڪنٽرول اٿارٽي ۽ سنڌ بورڊ آف روينيو وچ ۾ معاھدن تي يادداشتي صحيحون ڪيون ويون. سنڌ جي وڏي وزير سيد مراد علي شاھھ پنجاب حڪومت جي آءِ ٽي کاتي جي ثناءَ شيخ جي خدمتن کي ساراھيندي سرٽيفڪيٽ ڏنو. تقريب کي خطاب ڪندي وڏي وزير سيد مراد علي شاھھ چيو تھ ھن وقت دنيا تيزيءَ سان تبديل ٿي رھي آھي ان تبديليءَ ۾ معيشت جو وڏو ڪردار آھي، تيزيءَ سان تبديل ٿيندڙ دنيا ۾ اسان اھڙا موقعا ضايع نٿا ڪري سگھون، اسان کي گڏجي ڪري انساني ترقيءَ تي خاص ڌيان ڏيڻ گھرجي.  وڏي وزير چيو تھ ورلڊ بينڪ جي ڊوئنگ بزنس رپورٽ سيڙپڪارن لاءِ تمام اھم آھي، سيڙپڪار اھڙي رپورٽ کي ڏسي سيڙپڪاري لاءِ ملڪن جي چونڊ ڪندا آھن. سياسي طور تي ان انڊڪس کي بھ گھڻي اھميت حاصل آھي، ان انڊڪس سان دنيا ۾ سيڙپڪاري آڻڻ سان گڏ سولائي پيدا ڪرڻ لاءِ مقابلو ڪيو ويندو آھي. ھن چيو تھ ورلڊ بينڪ جي انڊڪس ۾ گذريل سال پاڪستان 11 پوائنٽ سڌارا ڪيا جنھن ۾ ڪراچي 65 سيڪڙو جڏھن تھ لاھور 35 سيڪڙو ڪردار شامل آھي ۽ سندس حڪومت ان ڳالھھ کان بخوبي واقف آھي تھ پرائيوٽ سيڙپڪاري سان ئي عوام ۾ خوشحالي پيدا ڪندا آھن جنھن کي ڏسندي اسان سيڙپڪارن کي مراعتون فراھم ڪرڻ لاءِ ڄاڻايل پورٽل جو افتتاح ڪيو آھي. ھن چيو تھ ڪاروبار ۽ سيڙپڪاري ۾ سولائيءَ پيدا ڪرڻ سان مقامي ۽ عالمي سيڙپڪار فائدو حاصل ڪري سگھندا. اسان سيڙپڪارن لاءِ وڌيڪ مراعتون فراھم ڪرڻ لاءِ سڌارا آندا آھن. ھن چيو تھ سيڙپڪاريءَ سان حڪومتي روينيو پيدا ٿيندو آھي جنھن سان ھنرمند فورس سامھون ايندي آھي. ھن چيو تھ وفاق سنڌ جا مسئلا حل ڪري اسان ورلڊ بينڪ ۾ ٽاپ ٽين تي اچي وينداسين. ھن چيو تھ سنڌ حڪومت ڪاروبار کي سولو ڪرڻ لاءِ ڪيترائي اپاءَ ورتا آھن، پاڪستان کي بھ ڪاروبار آسان بڻائڻ واري ھدف کي پورو ڪرڻ گھرجي. وڏي وزير چيو تھ سيڙپڪاريءَ ۾ اضافو ۽ عوام جي خوشحاليءَ واري ڪم ۾ بين الصوبائي ۽ وفاقي حڪومت جو ھڪ ٻئي سان سھڪار لازمي آھي. دي سنڌ بزنس رجسٽريشن پورٽل ذريعي ڪاروباري ماڻھو سندن رجسٽريشن چئن صوبائي کاتن انڊسٽريز، ليبر، ايڪسائيز اينڊ ٽيڪسيشن ۽ ايس اِي ايس ايس آن لائين ڪري سگھندا ۽ انشاءَ اللھ تمام جلد ھن پورٽل ۾ سمورن صوبائي کاتن کي ڳنڍيو ويندو جنھن سان لائسنس، پرمٽس، رجسٽريشن ۽ اين او سيز آن لائين حاصل ڪري سگھبا. وڏي وزير ڄاڻايل پورٽل لاءِ سھڪار ڪرڻ تي ورلڊ بينڪ جي ڪنٽري ڊائريڪٽر جا ٿورا مڃيا ۽ ورلڊ بينڪ ٽاپ 20 بزنس سٽيز انيشيٽو 2020ع پروگرام جي واکاڻ ڪندي چيو تھ سنڌ بھ ان ٽاپ 20 بزنس سٽيز لاءِ باقائدھ مقابلو ڪندي. وڏي وزير سيد مراد علي شاھھ چيو تھ ايندڙ آءِ سي سي اجلاس ۾ وفاق کان گيس جي مامري تي ڳالھھ ٻول ڪئي ويندي، وفاقي حڪومت کي درخواست آھي تھ سنڌ کي آئيني حق مطابق گيس فراھم ڪئي وڃي. ھن چيو تھ اسان سنڌ جي حقن لاءِ وڙھنداسين ۽ گڏيل مفادن واري ڪائونسل (سي سي آءِ) ۾ گيس جي مسئلي تي ڳالھايو ويندو. سنڌ حڪومت چاھي ٿي تھ گيس فيلڊ وارن علائقن کي گيس ڏني وڃي. ھن  چيو تھ ڪراچي سميت ٻين شھرن کي گيس، بجلي ۽ پاڻي ڏيڻ سان پاڪستان ڪاروباري لحاظ سان ٽاپ 10 ملڪن واري فھرست ۾ شمار ڪيو ويندو. تقريب کي زبير موتي والا پرائيوٽ سيڪٽر طرفان سندس خطاب ۾ چيو تھ اڄ سنڌ حڪومت تمام اھم ڪم ڪيو آھي، ڄاڻايل پورٽل سان ڪاروباري طبقي کي ڪيتريون کي سھولتون ملنديون جنھن سان سيڙپڪاري ڪرڻ ۾ مدد ملندي.

 

 

وفاقي ڪابينا جو اجلاس اڄ طلب، احتساب جي وچ ۾ ڪنهن کي به نه اچڻ ڏينداسين: عمران خان

اسلام آباد(ويب ڊيسڪ) وزير اعظم عمران خان چيو آهي ته احتساب جي وچ ۾ ڪنهن کي به نه اچڻ ڏينداسين ۽ احتساب تي ڪو به سمجهوتو نه ٿيندو. ميڊيا جي رپورٽن موجب وزير اعظم عمران خان جي صدارت هيٺ  پارليماني پارٽي جو اجلاس ٿيو جنهن ۾ عمران خان ميمبرن کي سعودي ولي عهد شهزادي محمد بن سلمان جي دوري بابت آگاهه ڪيو ۽ ان کي ڪامياب دورو قرار ڏنو. اجلاس کي خطاب ڪندي وزير اعظم عمران خان چيو ته احتساب جي وچ ۾ ڪنهن کي به نه اچڻ ڏينداسين ۽ احتساب تي ڪو به سمجهوتو نه ٿيندو، مخالف ڌر کي گرفتارين تي جمهوريت ياد اچي ويندي آهي، جمهوريت کي ڪو به خطرو ناهي. هن چيو ته حڪومت جي ڪاڪردگي کي اجاڳر ڪرڻ جي ضرورت آهي، پي ٽي آءِ جي حڪومت عام ماڻهو جي زندگي ۾ انقلاب آڻيندي، پاڪستان معاشي بحران مان ڪامياب سان نڪري رهيو آهي، ان کي جلد ترقي جي رستي گامزن ڪنداسين. ٻئي پاسي سرڪاري ٽي وي موجب وزير اعظ۾ جي صدارت هيٺ مني لانڊرنگ جي خاتمي بابت اهم اجلاس ٿيو جنهن ۾ قانون واري وزير بيرسٽر فروغ نسيم وزير اعظ۾ جي خاص مددگار شهزاد اڪبر ۽ گهرو سيڪريٽري شرڪت ڪئي. اجلاس ۾ مني لانڊرنگ جي خاتمي لاءِ بندوبستن تي اڳڀرائي جو جائزو ورتو ويو ۽ گهرو سيڪريٽري وزير اعظم کي بريفنگ ڏني. وزير اعظم چيو ته مني لانڊرنگ ۾ ملوث ماڻهو قوم جا ڏوهاري آهن، مني لانڊرنگ ۾ ملوث عنصر ڪنهن به رعايت جا حقدار ناهن. عمران خان وڌيڪ چيو ته مني لانڊرنگ ڪندڙن ملڪ کي قرضن جي دلدل ۾ ڌڪيو، نيب خودمختيار ادارو آهي، احتساب جو عمل غير جانبداري سان اڳتي وڌي رهيو آهي.

ٻئي طرف  وزيراعظم عمران خان وفاقي ڪابينا جو اجلاس اڄ طلب ڪري ورتو، جنهن ۾ 13 نڪاتي ايجنڊا تي غور ڪيو ويندو. وفاقي ڪابينا جو اجلاس سڀاڻي ساڍي 3 وڳي وزيراعظم هائوس ۾ ٿيندو، جنهن ۾ سرڪاري آفيسرن جي ملازمن جي مدي جي تحفظ جو معاملو، سگريٽ ۽ نقصان ڏيندڙ مٺن شربتن تي هيلٿ ليوي ٽيڪس لاڳو ڪرڻ جي منظوري جي ايجنڊا شامل هوندي. وفاقي ڪابينا نادرا جي اڪائونٽن جي آڊٽ جي منظوري ڏيندي ۽ پاسپورٽ ۾ پيشو تبديل ڪرڻ جو معاملو به غور هيٺ ايندو، ان سان گڏوگڏ برطانوي شهري عبدالقادر احسن جي حوالگي جو معاملو، اي او بي آءِ ۽ آءِ ٽي اين اي چيئرمين جي مقرري سميت پاڪستان ۽ چين جي ادارن ۾ مختلف ايم او يوز تي صحيحن جي منظوري ڪابينا ايجنڊا جو حصو آهي.

 

ڀارت ٻڌي ڇڏي ته جيڪڏهن ڪنهن قسم جي جارحيت ڪئي وئي ته پاڪستان به چوڙيون ناهن پائي رکيون: فواد چوڌري

اسلام آباد(ويب ڊيسڪ) سڌُ سماءَ واري وفاقي وزير فواد چوڌري چيو آهي ته ڀارت ٻڌي ڇڏي ته جيڪڏهن ڪنهن قسم جي جارحيت ڪئي وئي ته پاڪستان به چوڙيون ناهن پائي رکيون. سڌُ سماءَ واري وفاقي وزير فواد چوڌري جو ميڊيا سان ڳالهائيندي چوڻ هو ته ڪلڀوشن وٽ اصل ڀارتي پاسپورٽ آهي، برطانوي ڪمپني به تصديق ڪئي آهي ته ڪلڀوشن جاديو جو پاسپورٽ اصل آهي. سندس چوڻ هو ته ڪلڀوشن جي عمر جي حد کان اڳ 47 سالن جي عمر ۾ ريٽائرڊ ڇو ڪيو ويو، جيڪڏهن پاسپورٽ اصلي هو ته ڪلڀوشن پاڪستان ۾ ڇا ڪري رهيو هو؟ هن چيو ته ڀارت جو موقف آهي ته ڪلڀوشن کي ايران مان پڪڙيو ويو ته ڇا ڀارت ايران کان پڇيو؟ دنيا ڀارتي موقف کي تسليم ناهي ڪري رهي. وفاقي وزير چيو ته ڀارتي جاسوس ڪلڀوشن جاديو بابت زبردست ڪيس وڙهيو ۽ زبردست دليل ڏنا، پاڪستان جو ڪيس ڏاڍو مضبوط آهي. هن چيو ته اڄ ڀارت سڄي دنيا ۾ اڪيلو آهي، ڊونلڊ ٽرمپ جي بيان مان واضح ٿي ويو ته دنيا ڀارت جي موقف کي قڀول نه ڪندي. فواد چوڌي چيو ته نريندر مودي ٻڌائي ته هن ڀارتي عوام جي لاءِ ڇا ڪيو؟ مودي اليڪشن ۾ ڪارڪردگي جي بنياد تي وڃي نه ته پاڪستان دشمني جي بنياد تي. هن چيو ته ڀارت طرفان جارحيت جون ڳالهيون ٻاراڻيون آهن، جيڪڏهن جارحيت ٿي ته اسان به چوڙيون ناهن پاتيون، پاڪستاني عوامي پنهنجي فوج ۽ حڪومت سان گڏ آهي. هن چيو ته ڀارتي فورسز طرفان ڪشميرين جو نشانو بڻجڻ تي اسان کي سخت ڳڻتي آهي، اسان خطي ۾ ڇڪتاڻ ۾ واڌ نٿا چاهيون، پلواما واقعي تي وزير اعظم ڀارت کي جاچ ۽ ڳالهين جي واضح آڇ ڪئي آهي. سڌُ سماءَ واري وزير چيو ته اسان ڀارت سان لاڳاپا معمول تي آڻڻ چاهيون ٿا ڇڪتاڻ نٿا چاهيون، پر جيڪڏهن توهان چڙ ڏياريندا ته ساڳي ٻولي ۾ جواب ڏنو ويندو، ۽ جيڪڏهن توهان ڳالهيون ڪندا ته اسان ان جي لاءِ به تيار آهيون. فواد چوڌري چيو ته پي ٽي آءِ جي پارليماني پارٽي جي اجلاس ۾ ڀارت جي رويي جي مذمت ڪئي وئي، پارليماني پارٽي جي اجلاس ۾ ڪشميري تي ڀارتي ظلمن جي به مذمت ڪئي وئي. هن چيو ته بي جي پي ۽ ٻين پرتشدد پارٽين طرفان ڪشميرين ۽ ڀارتي مسلمانن کي نشان بڻائڻ تي ڳڻتي آهي. سنڌ اسيمبلي جي اسپيڪر آغا سراج دراني جي گرفتاري جي حوالي سان ڳالهائيندي فواد چوڌري جو چوڻ هو ته نيب سنڌ اسيمبلي جي اسپيڪر کي گرفتار ڪيو، سراج دراني جي گرفتاري جو وفاقي حڪومت سان ڪو به تعلق ناهي. هن چيو ته نيب پنجاب مان اسان جي سينيئر وزير عليم خان کي گرفتار ڪيو پر اسان سمجهون ٿا ته احتساب کي سياست سان جوڙڻ نه گهرجي.

 

 

سنڌ جي مختلف شهرن ۾ بهار جو پهريو وسڪارو، روڊ رستا پاڻي سان ڀرجي ويا، موسم خوشگوار

اسلام آباد/ڪراچي(نمائندن وٽان ) سنڌ جي مختلف علائقن ۾ ڪٿي هلڪي ته ڪٿي وري تيز وسڪاري سيءُ ۾ واڌ ڪري ڇڏي، هيٺانهن علائقن ۾ پاڻي بيهجي ويو. ڪراچي، لاڙڪاڻي، جيڪب آباد، سکر، ڪنڌڪوٽ، گهوٽڪي، شڪارپور، خيرپور ضلعن جي وڏن توڙي ننڍن علائقن ۾ رات دير کان برسات جو سلسلو شروع ٿيو، جيڪو صبح تائين وفقي وقفي سان جاري رهيو. مورو شھر م رات کان پوندڙ ھلڪي برسات ميونسپل ڪاميٽي جي پت وائکي ڪري ڇڏي، پاڻي نيڪال نه ٿيڻ سبب برساتي پاڻي مين روڊ سميت مختلف چوراهن ۽ گھٽين م بيهجي ويو دڙو ۾ هلڪي برسات بعد بجلي بند ٿي وئي، ڳڙهي ياسين شهر توڙي ڀرپاسي تيز هوا سان گڏ برسات بعد موسم خوشگوار ٿي وئي، جڏهن ته مواصلاتي نظام درهم برهم ٿي ويو ڪشمور گڊو سميت ڀرپاسي ۾ بھار جي پھرين وسڪارو سبب موسم خوشگوار ٿي وئي، شڪارپور شھر ۽ ڀرپاسي ۾ برسات بعد ٿڌ ۾ ٿيڻ ڪري ماڻھون گھرن تائين محدود ٿي ويا، ڪرمپور، ميان صاحب، ڪنڌڪوٽ ۽ ڀرپاسي وارن علائقن ۾ گذريل 5 ڪلاڪن کان برسات جو سلسلو جاري رهيو. نئون ديرو ۽ ڀرپاسي ۾ برسات سبب ٿڌ ۾ اضافو ٿي ويو، هيٺانهن علائقن ۾ پاڻي بيهي ويو، ٺل ۽ آس پاس وارن علائقن ۾ تيز برسات سبب ٿڌ وڌي وئي ۽ بجلي بند ٿي وئي، پکو شھر ۽ آس پاس وارن علائقن ۾ رات کان وقفي وقفي سان برسات جو سلسلو جاري رهيو، ٿڌ ۾ واڌ ٿي وئي. ڳڙهي خيرو ۽ ڀرپاسي وارن علائقن ۾ برسات جو وسڪاري سيءُ ۾ واڌ ڪري ڇڏي، ماڻھو گھرن تائين محدود ٿي ويا، مواصلاتي نظام به درھم برهم ٿي ويو، ميروخان، وڳڻ، گڊو، اوٻاوڙو، ڏھرڪي، ڄام صاحب ۽ ٻين ڪيترن ئي علائقن ۾ برسات بعد ٿڌ وڌي وئي، ڪٿي وري هلڪي برسات سبب موسم خوشگوار ٿي ويو، ماڻهن تفريحي ماڳن ڏانهن رخ ڪيو.  پر ڪڻڪ جي آڳاٽي  فصل، سرنهن ، تورئي ۽ ٻين فصلن  کي نقصان پهتو آهيکير ٿر جابلو پٽي تي لاڳيتو وسڪاري بعد نئن گاج 13 فوٽ وهي آئي، ڪاڇي ۾ خوشي جي لهر پکڙجي وئي، 50 کان ڳوٺن جو دادو ۽ جوهي جي شهرن سان رابطو ڪٽجي ويو. دادو شهر سميت ضلعي جي مختلف شهرن جوهي، واهي پانڌي ۽ ٻين علائقن ۾ رات کان وٺي برسات جو سلسلو وقفي وقفي کان جاري آهي، گورک سميت کيرٿر جي جابلو سلسلي ۾ برسات پوڻ بعد نئن گاج 13 فوٽ وھي آئي آهي. برسات جي ڪري نئن گاج سميت مختلف 8 نئيون وهي اچڻ ڪري ڪاڇي جي ماروئڙن جا چهرا خوشي وچان ٻهڪي پيا، ان کانسواءِ نئيون وهي اچڻ ڪري ڪاڇي جي 50 کان وڌيڪ ڳوٺن جو جوهي ۽ دادو شهرن سان رابطو به ڪٽجي ويو آهي، مقامي آبادگارن جو چوڻ آهي ته تيز برسات سبب ڪڻڪ، ٽماٽرن ۽ مرچن جي فصل کي ڪپاري نقصان رسيو آهي. انهن حڪومت کان مطالبو ڪيو ته آبادگارن کي سبسڊي ڏئي کين معاشي نقصان کان بچايو وڃي.   ٻئي طرف موسميات کاتي اڄ ۽ سڀاڻي ڪراچي، لاهور، اسلام آباد ۽ ڪوئيٽا سميت ملڪ جي مختلف علائقن ۾ برسات جي اڳڪٿي ڪئي آهي. موسميات کاتي مطابق سنڌ جي مختلف حصن ۾ اڄ برسات جو امڪان آهي، جڏهن ته اسلام آباد، راولپنڊي، لاهور، گوجرانوالا ۽ سرگوڌا سميت ٻين علائقن ۾ به ڪڪر وسندا. ٻئي پاسي خيبرپختونخواهه ۽ بلوچستان ۾ پڻ تيز برسات جو امڪان آهي، ڪوئيٽا، زوب، مڪران ۽ قلات ۾ تيز برسات جي اڳڪٿي سبب نالن ۽ ندين ۾ ٻوڏ جو امڪان آهي.