تازيون خبرون

Daily Archives: February 19, 2019

ڪرتارپور راهداري کولڻ جي سراهه، سعودي عرب پاڪستان ۾ 20 ارب ڊالرن جي سيڙپڪاري ڪندو: گڏيل پڌرنامو

اسلام آباد ( ويب ڊيسڪ ) صدر عارف علوي سعودي ولي عهد محمد بن سلمان کي پاڪستان جو اعليٰ ترين سول اعزاز نشان پاڪستان /ڏسو صفحو 2 بقايا نمبر 30

عطا ڪري ڇڏيو.  ايوان صدر ۾ ٿيل تقريب ۾ وزيراعظم عمران خان ۽ صدر عارف علوي کانسواءِ ٽنهي هٿياربند فوجن جي سربراهن، چيئرمين سينيٽ، قومي اسيمبلي جي اسپيڪر ۽ ڪابينا جي ميمبرن به شرڪت ڪئي.  تقريب جي شروعات قرآن پاڪ جي تلاوت سان ڪئي وئي، ٻنهي ملڪن جي قومي تراني جون ڌنون به وڄايون ويون. وزيراعظم عمران خان، صدر عارف علوي ۽ سعودي ولي عهد هڪ اسٽيج تي ويٺل رهيا. ان کان اڳ معزز مهمان وزيراعظم هائوس کان وزيراعظم عمران خان سان گڏ صدارتي بگي ۾ ويهي ايوان صدر لاءِ روانو ٿيو، جنهن دوران پريزيڊنٽ باڊي گارڊ دستي سندس سڪيورٽي سنڀالي. ساڳي رجمينٽ کي قائد اعظم محمد علي جناح جي پهرين حفاظتي جٿي جو اعزاز حاصل آهي، يونٽ 1173ع ۾ بنارس ۾ گورنر جنرل گارڊ جي نالي سان قائم ڪيو ويو. ايوان صدر پهچڻ تي محمد بن سلمان جي شاندار آجيان ڪئي وئي، جتي مرڪزي دروازي تي صدر عارف علوي معزز مهمان جي آجيان ڪئي جڏهن ته وفاقي وزير به موجود هئا. ٻئي طرف  سعودي ولي عهد محمد بن سلمان جي پاڪستاني دوري بابت پاڪستان حڪومت پڌرائي جاري ڪري ڇڏي، جنهن موجب سعودي عرب پاڪستان ۾ 20 ارب ڊالرن جي سيڙپڪاري جو اعلان ڪيو آهي. تفصيلن موجب پاڪستان حڪومت ولي عهد جي دوري جي سرڪاري پڌرائي جاري ڪري ڇڏي، گڏيل پڌرائي ڪجهه دير ۾ جاري ڪئي ويندي. پڌرائي موجب محمد بن سلمان وزيراعظم جي دعوت تي پاڪستان جو دورو ڪيو، پاڪستان ۽ سعودي عرب جي لاڳاپن ۾ هڪ نئون بابت رقم ڪيو ويو. سياسي، سفارتي،اقتصادي، سيڙپڪاري جو فريم ورڪ طئي ڪيو ويو، دورو سپريم ڪوآرڊينيشن ڪائونسل کي قائم ڪرڻ ٻه طرفا لاڳاپن کي مضبوط ڪندو. دوري دوران سيڙپڪاري، واپاري لاڳاپن کي ترجيح ڏني وئي، سعودي عرب پاڪستان ۾ 20 ارب ڊالرن جي سيڙپڪاري جو اعلان ڪيو، سعودي عرب سان معاهدن، مفاهمتي يادداشتن تي صحيحون ڪيو ويون، ٻنهي ملڪن ۾ تاريخي ڀائپي وارا لاڳاپا مضبوط ٿيندا. پڌرائي موجب سعودي عرب پاران ڪرتارپور بارڊر کولڻ جي فيصلي جي ساراهه ڪئي وئي، سعودي عرب پاڪستان ڀارت کي ڳالهين جي آڇ جي ساراهه ڪئي، ٻنهي ملڪن جي علائقائي امن، مسئلن کي ڳالهين ذريعي حل ڪرڻ تي اتفاق ٿيو آهي، ٻنهي ملڪن جي مسلمانن خلاف تشدد، انساني حقن جي خلاف ورزين جي مذمت ڪئي وئي. والاريل ڪشمير ۾ ڀارتي انساني حقن جي خلاف ورزين کان آگاهه ڪيو  ۽ چيو ته ڪشمير مسئلي جو حل يواين ٺهراءُ، ڪشمير جي خواهشن موجب ٿيڻ گھرجي، ٻنهي ملڪن جي خطي ۾ امن امان ۽ سيڪيورٽي تي واضح موقف آهي.

 

 

آشيانه هائوسنگ اسڪينڊل ريفرنس: شهباز شريف سميت 10 جوابدارن تي فرد جرم لاڳو

لاهور( ويب ڊيسڪ ) احتساب عدالت مسلم ليگ ن جي صدر ۽ قومي اسيمبليءَ ۾ مخالف ڌر جي اڳواڻ شهباز شريف سميت 10 جوابدارن تي آشيانه هائوسنگ اسڪينڊل ريفرنس ۾ فرد جرم لاڳو ڪري ڇڏيو پر جوابدارن /ڏسو صفحو 3 بقايا نمبر 38

ڏوهه قبول ڪرڻ کان انڪار ڪري ڇڏيو آهي. احتساب عدالت جي جج سيد نجم الحسن ڪيس جي ٻڌڻي ڪئي. ان موقعي تي شهباز شريف، احد چيما، فواد حسن فواد سميت ٻيا جوابدار عدالت ۾ پيش ٿيا. ٻڌڻي شروع ٿي ته شهباز شريف جي وڪيل موقف اختيار ڪيو ته نيب پي ايل ڊي سي جي اڳوڻي سي اي او طرفان ڏنل رڪارڊ کي ريفرنس جو حصو نه بڻايو جنهن تي عدالت پڇاڻو ڪيو ته ان جو فيصلو ڪير ڪندو ته رڪارڊ کي ريفرنس جو حصو نه بڻايو ويو آهي. شهباز شريف جي وڪيل چيو ته ضمني ريفرنس ۾ شهباز شريف کي جوابدار نامزد ڪيو ويو، اسان کي فراهم ڪيل ريفرنس جي 18 واليم ۾ رڪارڊ موجود ناهي، جڏهن ته اسرار سعيد، عارف مجيد بٽ، اڪبر ۽ ڪاشف جي بيانن کي به ريفرنس ۾ شامل نه ڪيو ويو، سندن بيانن جا نقل نه ملڻ انصاف ناهي. نيب پراسيڪيوٽر چيو ته ضمني ريفرنس جا نقل فراهم ڪيا وڃن، اسان کي ڪو به اعتراض ناهي، نقل جون ڪاپيون فرد جرم لاڳو ڪرڻ ۾ ته رنڊڪ نه آهن. شهباز شريف جي وڪيل فرد جرم جي مخالفت ڪندي چيو ته قانون تحت ريفرنس جا نقل فراهم ڪرڻ کانسواءِ شفاف ٽرائل ممڪن ناهي، ريفرنس جون ڪاپيون ڏيڻ کانپوءِ ئي فرد جرم لاڳو ڪري سگهجي ٿو.  ٻڌڻي دوران شهباز شريف جي وڪيلن جي نيب پراسيڪيوٽر سان منهن ماري ٿي جنهن تي جج مداخلت ڪندي شهباز شريف جي وڪيلن کي وڏي آواز ۾ ڳالهائڻ کان روڪي ڇڏيو.  عدالت چيو ته اهو رويو اختيار نه ڪيو، ايئن نه هلندو.  ٻڌڻي دوران فاضل جج شهباز شريف کان پڇاڻو ڪيو ته توهان ڪيس بابت ڪجهه چوڻ چاهيو ٿا؟ ان تي شهباز شريف چيو ته مان صحت جي مسئلن باوجود معزز عدالت آڏو پيش ٿيو آهيان، تاريخ ٻڌائيندي ته مان هن ڪيس ۾ بيڏوهي آهيان. شهباز شريف چيو ته مان پنهنجي اختيارن واري دائري کان ٻاهر ناهيان نڪتو، مون ملڪ ۽ قوم جا اربين رپيا بچايا، نيب وڏي جعلسازي ڪئي ۽ اصليت جلد قوم آڏو ايندي. ن ليگي صدر چيو ته مون خلاف ڪوڙو ڪيس ٺاهيو ويو، اها ڳالهه ثابت ٿي وئي آهي ته لطيف اينڊ سنز ڪمپني جي بئنڪ گارنٽي جعلي هئي، قسم کائي چوان ٿو ته هي ڪيس ڪوڙو آهي.ڌرين جي وڪيلن جي دليلن بعد احتساب عدالت شهباز شريف سميت 10 جوابدارن تي آشيانه هائوسنگ اقبال اسڪينڊل ۾ فرد جرم لاڳو ڪري ڇڏيو.

 

سعودي ولي عهد سان آرمي چيف جي ملاقات، دفاعي سهڪار تي اتفاق

اسلام آباد ( ويب ڊيسڪ ) سعودي ولي عهد شهزادي محمد بن سلمان آرمي چيف جنرل قمر جاويد باجوه سان ملاقات ڪئي.  سعودي ولي عهد شهزادي محمد بن سلمان آرمي چيف جنرل قمر جاويد باجوه سان وزيراعظم هائوس ۾ ملاقات ڪئي.  ملاقات دوران ٻنهي شخصيتن پاڪ سعودي دفاعي سهڪار سميت خطي جي صورتحال تي ڳالهيون ڪيون جڏهن ته افغان طالبان سان ٿيل ڳالهين تي به غور ڪيو ويو.  ڳالهين ۾ ڊي جي آءِ ايس پي آر ميجر جنرل آصف غفور به شرڪت ڪئي. شهزادي محمد بن سلمان پاڪستان جي هٿياربند فوج جي پيشور صلاحيتن جي واکاڻ ڪئي. ٻنهي ملڪن ۾ دفاعي ۽ فوجي سهڪار وڌيڪ مضبوط ڪرڻ تي اتفاق ڪيو ويو. ملاقات ۾ سعودي شاهي خاندان جي اهم شخصيتن به شرڪت ڪئي. شهزادي محمد بن سلمان سينيٽ جي چيئرمين صادق سنجراڻي جي سربراهيءَ ۾ 11 رڪني پارلياماني وفد سان ملاقات ڪئي.

 

 

پاڪ-سعودي وچ ۾ 7 مفاهمتي يادداشتن تي صحيحون، 10 گڏيل ورڪنگ قائم

اسلام آباد ( ويب ڊيسڪ ) سعودي پرڏيهي وزير عادل الجبير چيو آهي ته پاڪستان کي خيرات نه ڏئي رهيا آهيون، سيڙپڪاري ڪري رهيا آهيون.  اسلام آباد ۾ شاهه محمود قريشي سان پريس ڪانفرنس ڪندي سعودي پرڏيهي وزير عادل الجبير چيو ته سعودي عرب مفاهمتي يادداشتن تي صحيحون ڪيون ته جيئن رخ مقرر ٿي، اسان سيڙپڪاري جو ارادو ظاهر ڪيو جنهن کي پاڪستان قبول ڪيو، هاڻي ٽيڪنيڪي ۽ مالياتي شعبي جا ماهر منصوبن/ڏسو صفحو 2 بقايا نمبر 15

تي ڪم ڪندا ۽ عملي صورت ڏيندا.  هن چيو ته اسان پاڪستان جي معاشي ترقي ۾ ڪردار ادا ڪرڻ چاهيون ٿا، ٻنهي ملڪن ۾ دهشتگردي خلاف سڪيورٽي سهڪار موجود آهي ۽ گهرا فوجي لاڳاپا آهن. سندس چوڻ هو ته  وزيراعظم عمران خان پاڪستان کي ترقي جي ايندڙ درجي تي وٺي وڃڻ لاءِ تيار آهي، پاڪستان تي پڪ نه هجي ها ته ڪڏهن به سيڙپڪاري نه ڪيون ها. سعودي پرڏيهي وزير چيو ته حيرت جي ڳالهه آهي ته ايران پاڻ دهشتگردي برآمد ڪندڙ ملڪ آهي پر ٻين تي دهشتگردي جو الزام هڻي رهيو آهي، ايراني پرڏيهي وزير دهشتگردي پکيڙڻ جو ذريعو آهي، ايران جي انقلاب کانپوءِ ايران دهشتگردي جو سڀ کان وڏو حامي آهي،  آمريڪا ۽ سعودي عرب سميت ڪيترن ئي ملڪن ۾ دهشتگرد حملن ۾ ايران ملوث رهيو آهي، ايران دهشتگرد تنظيمن کي هٿيار ۽ بارود ڏيندو آهي.  هن چيو ته نائن اليون کانپوءِ ايران القاعده قيادت ۽ اساما بن لادن جي پٽ کي پناهه ڏني آهي، دهشتگرد آزاد نموني ايران ۾ چرپر ڪندا آهن،  سعودي عرب پاڻ ايران جي دهشتگردي جو نشانو بڻيو آهي پر اسان هوشيار آهيون، دهشتگردن ۽ سندن مددگارن خلاف ڪارروائي ۾ بي رحم آهيون، ايران طرفان يمن، شام ۽ ٻين ملڪن ۾ داخلي معاملن ۾ مداخلت ڪئي ويندي آهي.، شاهه محمود قريشي چيو ته سعودي عرب پاڪستان ۾ 20 ارب ڊالر جي سيڙپڪاري ڪري رهيو آهي، سعودي عرب سان 7 مفاهمتي يادداشتن تي صحيحون ڪيون جڏهن ته 10 گڏيل ورڪنگ قائم ڪيا ويا آهن. هن چيو ته سعودي عرب ويزا في ۾ گهٽتائي بابت پاڪستان جو پراڻو مطالبو قبولي ورتو آهي جڏهن ته وزيراعظم سعودي عرب کان حاجين لاءِ اميگريشن جي سهولت جي درخواست ڪئي آهي.  هن چيو ته پاڪستان ۽ سعودي عرب کي هڪ جهڙا چئلينجن آهن، جڏهن ته پاڪستان ۾ سيڙپڪاري جا وسيع موقعا آهن، ٻنهي ملڪن جي قيادت منصوبن ۽ ٺاهن تي عمل ڪرڻ لاءِ پرعزم آهي. سعودي عرب جي پرڏيهي وزير عادل الجبير چيو ته سعودي عرب پاڪستان سان لاڳاپن کي اهميت ڏئي ٿو،  پاڪستان سان مختلف شعبن ۾ سهڪار ۽ سيڙپڪاري ڪري رهيا آهيون. هن چيو ته دهشتگردي هڪ گڏيل عالمي چئلينج بڻجي وئي آهي، اسان دنيا مان دهشتگرديءَ جو خاتمو چاهيون ٿا،  جنهن لاءِ آمريڪا، سعودي عرب ۽ پاڪستان ڪارروائي ڪري رهيا آهن. سندس چوڻ هو ته سعودي عرب جي ترقي ۾ پاڪستاني هنر مند اهم ڪردار ادا ڪري رهيا آهن، پاڪستاني تعليم، انجنيئرنگ، صحت ۽ ٻين شعبن ۾ خدمتون سرانجام ڏئي رهيا آهن.

 

 

سعودي شهزادي پاران عمران خان جي ساراهه، عظيم قيادت پاڪستان کي درست طرف وٺي وڃي رهي آهي: محمد بن سلمان

اسلام آباد (ويب ڊيسڪ) سعودي ولي عهد شهزادي محمد بن سلمان وزيراعظم عمران خان کي ساراهيندي چيو آهي ته عظيم قيادت پاڪستان کي درست رخ ڏانهن وٺي وڃي رهي آهي. پاڪستان جي ٻن ڏينهن جو دورو مڪمل ٿيڻ /ڏسو صفحو 2 بقايا نمبر 17

عد روانگي جي موقعي تي نور خان ايئر بيس تي ميڊيا سان ڳالهائيندي سعودي ولي عهد شهزاده محمد بن سلمان چيو ته پاڪستان پاڪستان جغرافيائي لحاظ کان اهم ملڪ آهي ۽ اهم ملڪ آهي ۽ اسان ان کي پنهنجو گھر سمجهندا آهيون. عمران خان جي عظيم قيادت ۾ پاڪستان ترقي ڪري رهيو آهي ۽ ايندڙ سالن ۾ وڏو معيشت بڻجندو، ان لاءِ پنهنجي سيڙپڪاري ۽ ڪوششون هتي لڳائي رهيا آهيون، جيڪي سمجهوتا ٿيا اها رڳو شروعات آهي، ۽ مستقبل ۾ وڌيڪ سيڙپڪاري ڪنداسين. محمد بن سلمان جو چوڻ هو ته پاڪستان جي عظيم قيادت ملڪ کي درست رخ ڏانهن وٺي وڃي رهي آهي، 2030ع ۾ پاڪستان دنيا جي ٻين وڏي معيشت بڻجندو ۽ چين پهرين نمبر تي هوندو، پاڪستان کي يقينن پنهنجي پاڙيسري ملڪ مان فائدو پهچندو. ان موقعي تي وزيراعظم عمران خان چيو ته سوشل ميڊيا تي سعودي ولي عهد جو پاڻ کي پاڪستان جو سفير چوڻ جي بيان تي ساراهيو ويو. جيڪڏهن محمد بن سلمان پاڪستان ۾ اليڪشن وڙهندو ته هن کي مون کان گھڻا ووٽ ملندا، پاڪستان کاي توهان پنهنجو ٻيو گھر سمجهو. وزيراعظم سعودي جيلن مان پاڪستاني قيدين کي آزادي تي محمد بن سلمان جو ٿورو مڃيندي چيو ته ٻنهي ملڪن ۾ گھڻين مفاهمتي يادداشتن تي صحيحون ٿيون.

 

سعودي شهزادي پاڻ کي پاڪستان جو سفير چئي پاڪستانين جون دليون کٽي ورتيون آهن: وزيراعظم

اسلام آباد(بيورو)  وزيراعظم عمران خان چيو آهي ته سعودي ولي عهد شهزادي محمد بن سلمان پاڻ کي پاڪستان جو سفير چئي پاڪستانين جون دليون کٽي ورتيون آهن. وزيراعظم عمران خان سماجي رابطن واري ويب سائيٽ/ ٽوئيٽر تي جاري پنهنجي بيان ۾ چيو ته جڏهن هن سعودي شهزادي کي چيو ته سعودي عرب ۾ ڪم ڪندڙ 25 لک پاڪستانين سان اهڙو ورتاءَ ڪيو وڃي جيئن هو توهان جا پنهنجا ماڻهو هجن.

وزيراعظم عمران خان چيو ته شهزادي محمد بن سلمان منهنجي ڳالهه جي  جواب ۾ چيو ته مون کي سعودي عرب ۾ پاڪستان جو سفير سمجهيو وڃي.

 

سنڌ سرڪا ٻڌائي 2 ارب ڪيڏانهن ويا، وفاق سنڌ کي پئسا ڏنا ته ڏائڻ کائي ويندي: پير پاڳارو/ذوالفقار مرزا/ايازلطيف پليجو

ڪراچي (اسٽاف رپورٽر) پير پاڳاري جي صدارت هيٺ جي ڊي اي جي اجلاس ۾ فيصلو ڪيو ويو آهي ته مڪاني چونڊن ۾ حصو ورتو ويندو ۽ ٽڪيٽ هولڊرز جي حوالي سان هالا، ڪراچي، حيدرآباد ۽ لاڙڪاڻي ۾ اجلاس ڪيا ويندا. اجلاس کانپوءِ گڏيل پريس ڪانفرنس ڪندي صدر الدين شاهه راشدي چيو ته جي ڊي آءِ طرفان مڪاني چونڊن ۾ ڀرپور نموني حصو وٺڻ جو فيصلو ڪيو ويو آهي، اُن سلسلي ۾ ايندڙ اجلاس هالا ۾ ٿيندو. هُن چيو ته وفاقي سرڪار سمورن صوبن کي هڪ نظر سان ڏسي، پر سنڌ سرڪار ٻڌائي ته 2 هزار ارب رُپيا مليا هئا، اُهي ڪيڏانهن ويا. اياز لطيف پليجو چيو ته سنڌ حڪومت ٻڌائي ته اڃا تائين پبلڪ اڪائونٽس ڪميٽي جو چيئرمين ڇو مقرر نه ڪيو آهي؟ صوبائي اين ايف سي جو اجلاس ڇو ناهي ٿيو؟ ڊاڪٽرز جي هڙتال دوران فوت ٿيل مريضن جو حساب ڪير ڏيندو؟ سموري پاڪستان ۾ سڀ کان وڌيڪ ڪرپشن سنڌ ۾ ٿي رهي آهي، بدين، ميرپور خاص ۽ ٽنڊو الهيار ته تباهه ٿي چڪا آهن، پهرين ڪمند ۽ هاڻ ڪڻڪ جا اگهه نه ڏئي سنڌ جي زراعت کي تباهه ڪيو پيو وڃي. 20 مارچ تي سمورن ٽڪيٽ هولڊرز جو اجلاس ٿيندو ۽ 11 اپريل تي ٻيو اجلاس لاڙڪاڻي ۾ صفدر عباسي جي گهر تي ٿيندو. اجلاس ۾ ارشاد رانجهاڻي، رمشا وساڻ ۽ گونگي ناري شيرين بروهيءَ جي قتل جي به سخت لفظن ۾ مذمت ڪئي وئي. اُن موقعي تي ڳالهائيندي ذوالفقار مرزا  چيو ته وفاق کي ڊيڄارڻ جي ڪوشش ڪئي پئي وڃي، جنهن ڏينهن سنڌ کي پئسا ملندا ته ڏانئڻ کائي ويندي. وزيراعظم جلد سنڌ جي دوري تي ايندو.

 

العزيزيه ريفرنس: مناسب هوندو ته نواز شريف جي ميڊيڪل رپورٽ ڏسي اڳتي وڌون: اسلام آباد هاءِ ڪورٽ

اسلام آباد ( ويب ڊيسڪ ) اسلام آباد هاءِ ڪورٽ العزيزيه اسٽيل ملز ريفرنس ۾ اڳوڻي وزيراعظم نواز شريف جي ضمانت جي درخواست تي جناح اسپتال جي نئين ميڊيڪل رپورٽ طلب ڪري ورتي آهي.  اسلام آباد هاءِ ڪورٽ ۾ العزيزيه ريفرنس ۾ طبي بنيادن تي داخل ضمانت جي درخواست ۽ فليگ شپ ريفرنس ۾ نيب جي اپيل تي ٻڌڻي ڪئي وئي.  نواز شريف جي وڪيل خواجه حارث کي دليل مڪمل ڪرڻا هئا پر عدالت نواز شريف جي جناح اسپتال جي نئين ميڊيڪل رپورٽ طلب ڪئي آهي.  عدالت قومي احتساب بيورو نيب کان به اڄ دليل ۽ ڪيس جو رڪارڊ طلب ڪيو هو. عدالت العزيزيه اسٽيل ملز ۾ نواز شريف جي ضمانت جي درخواست تي ٻڌڻي 20 فيبروري تائين ملتوي ڪري ڇڏي. نواز شريف جي فليگ شپ ريفرنس ۾ بريت خلاف نيب جي اپيل تي ٻڌڻي 2 اپريل تائين ملتوي ڪئي وئي. نيب العزيزيه ريفرنس ۾ سزا ۾ اضافي لاءِ عدالت سان رابطو ڪيو آهي. اسلام آباد هاءِ ڪورٽ رمارڪس ڏيندي چيو آهي ته بهتر ٿيندو ته نواز شريف جي ميڊيڪل رپورٽ ڏسي ئي اڳتي وڌون.

 

 

سعودي شهزادي کي ڀليڪار، ڪشميرين کي حق ملي ها ته پلواما جهڙي دهشتگردي جا واقعا پيش نه اچن ها: بلاول ڀٽو

ميونخ (اين اين آءِ) پ پ پ چيئرمين بلاول ڀٽو زرداري چيو آهي ته جيڪڏهن ڪشميرين کي سندن حق ملکي ها ته پلواما جهڙا دهستگردي جا واقعا نه ٿين ها واقعي کان پوءِ ڀارت جو ردعمل هڪ فطرتي عمل آهي ڀارت پاران/ڏسو صفحو 3 بقايا نمبر 42

پاڪستان تي لڳايل الزام جذباتي نوعيت جا آهن جرمني جي شهر ميونخ ۾ هڪ سيڪيورٽي ڪانفرنس ۾ بلاول ڀٽو زرداري ينگ گلوبل ليڊر جي حيثيت سان شرڪت ڪئي جنهن کان پو3 ميڊيا سان ڳالهائيندي هن چيو ته ڀارت پاران پاڪستان تي لڳايل الزام جذباتي نوعيت جا آهن پ پ پ چيئرمين چيو ته دهشتگردي جي معاملي تي پاڪستان جو چٽو موقف آهي دهشتگردي جي نه ته حمايت ڪيون ٿا ۽ نه ئي دهشتگردي چاهيون ٿا پ پ پ چيئرمين سعودي ولي عهد شهزاد محمد بن سلمان جي پاڪستان اچڻ تي کيس ڀليڪار چيو ۽ چيو ته چاهيون ٿا ته پاڪستان جي پرڏيهي پاليسي خطي جي حالتن کي نطر ۾ رکندي وسيع بنيادن تي طئي ڪرڻ گهرجي هن چيو ته پاڪستان صرف هڪ ملڪ سان لاڳاپا بهتر نٿو رکي سگهي پر سڀني سان سٺا سفارتي لاڳاپا رکڻ گهرجن بلاول ڀٽو زرداري وزيراعطم کي مخاطب ٿيندي چيو ته بهتر ٿئي ته جيڪڏهن وزيراعظم پرڏيهي پاليسي ۾ پارليمان جي راءِ شامل ڪري ها سعودي ولي عهد جي دوري جي معاملي تي وزيراعظم مخالف ڌر کي ٻاهر رکيو ان جي باوجود مخالف ڌر جماعتن ان معاملي تي سياست نه ڪئي وزيراعظم کي سليڪٽڊ وزيراعظم جو لقب ڏيڻ جي بيان تي بلاول ڀٽو چيو ته هو ملڪ اندر رهندي مٿس تنقيد ڪري ٿو ڇو ته هو پاڪستان ۾ نه آهي تنهنڪري وزيراعظم کي سليڪٽڊ نه چوندو تحريڪ انصاف جي حڪومتي پاليسين تي تنقيد ڪندي بلاول ڀٽو زرداري چيو ته پرڏيهي پاليسي هجي يا اقتصادي، حڪومت جو منصوبو واضح نه آهي هر فيصلي تي يوٽرن وٺڻ سان نه ته معيشت هلي ٿي، نه ئي رياست ۽ نه ئي سياست بلاول ڀٽو زرداري چيو ته سندس جماعت وائيٽ پيپر تيار ڪرڻ تي ڪم ڪري رهي آهي جيڪو جلد عوام آڏو پڌرو ڪيو ويندو چونڊن جا نتيجا صرف آئين کي تڪراري نه بئاڻ جي ڪري قبول ڪيا پاڪستان ۾ ٽين جمهوري حڪومت پاڪستان پيپلزپارٽي جي نطريي جي فتح آهي پ پ پ چيئرمين وزيراعظم عمران خان کي مشورو ڏنو ته مفاهمت جي سياست ڪري ۽ اپوزيشن موڊ مان نڪري حڪومتي ذميواري قبول ڪري حڪومت کي اپوزيشن جماعتن سان گڏجي ملڪ جي مسئلن جو حل ڪڍڻ گهرجي.

 

ڪلڀوشن ڪيس: ارتي وڪيل عالمي عدالت ۾ پاڪستان جي سوالن جا جواب نه ڏئي سگھيو

دي هيگ (ويب ڊيسڪ) پاڪستان ۾ دهشتگردي ۾ ملوث ڀارتي جاسوس ڪلڀوشن ياديو جي ڪيس ۾ ڀارتي وڪيل عالمي عدالت ۾ پاڪستان جي سوالن جا جواب نه ڏئي سگھيو. تفصيلن موجب هيگ ۾ موجود عالمي /ڏسو صفحو 3 بقايا نمبر 44

عدالت ۾ ڪلڀوشن ياديو ڪيس ۾ اڄ جي ٻڌڻي مڪمل ٿي وئي، ڀارتي وڪيل عدالت ۾ پنهنجا دليل پيش ڪيا. اطلاعن موجب عدالت ۾ ڀارت پاران ڪلڀوشن ياديو ڪيس ۾ واويلا ڪئي وئي، ڀارتي سينيئر وڪيل هريش سالوي دليل بي جا بيان ڪندو رهيو. ڀارتي وڪيل دهشتگرد ڪلڀوسن جو فوجي عدالت ۾ هلڻ جو نقطو اٿاريو پر هو عدالت ۾ پاڪستان جي سوالن جا جواب نه ڏئي سگھيو. اڳ کان اڳ انصاف واري عالمي عدالت جي 15 رڪني بينچ ڪيس جي ٻڌڻي ڪئي، ججن جي بينچ ۾ هڪ ڀارتي جج دلوير به موجود هو. واضح رهي ته اڄ جي ڏينهن ڀارتي وڪيلن کي پنهنجا دليل پيش ڪرڻا هئا، جڏهن اڱاري 19 فيبروري تي پاڪستان جوابي دليل ڏيندو، 20 ۽ 21 فيبروري تي عدالت ڪيس بابت غور ڪندي، اها ٻڌڻي چار ڏينهن جاري رهندي، پاڪستان پاران 6 سوال اٿاريا ويا آهن، جن مان فهرست ۾ مٿيون سوال آهي ته دهشتگرد ڪمانڊر ڪلڀوشن ڪڏهن نيوي مان رٽائرڊ ٿيو.