تازيون خبرون
شاهد خاقان عباسي نيب هٿان گرفتار، نيب ۽ نيازي تماشو لڳائي رهيو آهي: ن ليگ - ن ليگ جي خواهش پوري ٿي، شاهد خاقان چوري کائڻ وارو مجنو نه بڻجي: فردوس عاشق - ادارا قانون جي بالادستي کي يقيني بڻائن، حڪومت ڪم ۾ مداخلت نه ڪندي: عمران خان - سياسي اڳواڻن جون گرفتاريون بني گالا مان ملندڙ هدايتن تي پيون ٿين: مرتضيٰ وهاب - حڪومت گرفتارين ذريعي ناڪاميون لڪائڻ چاهي ٿي، اپوزيشن خلاف امتيازي احتساب قبولڻ جوڳو ناهي: بلاول ڀٽو زرداري - پنهنجي پارٽي ۾ پاڻ کي مڃرائڻ ۽ پنهنجي جاءِ بڻائڻ جي لاءِ ڏاڍيون قربانيون ڏيڻيون پيون: مريم نواز جو انٽرويو - ايڇ آءِ وي تي ڪنٽرول ۽ پکيڙجڻ کي روڪڻ لاءِ 600 ملين رپيا مختص، متاثرن جي بحاليءَ لاءِ ھڪ ارب فنڊ قائم ڪيو آھي: وڏو وزير - شاهد خاقان کي گرفتاري جي خبر هئي، ايل اين جي ڪيس ۾ اڃان به ڪيتريون ئي گرفتاريون ٿينديون؛ شيخ رشيد - جج ويڊيو اسڪينڊل: ايف آءِ اي ٽيم جو ميان طارق جي دڪان ۽ آفيس تي ڇاپو، اهم دستاويز هٿ - نيب جو نالو تبديل ڪري ن ليگ احتساب بيورو رکيو وڃي، عمران خان کي پاڪستاني هٽلر ٿيڻ نه ڏينداسين: احسن اقبال/مريم اورنگزيب

Daily Archives: February 13, 2019

جيڪڏهن عورتن کي هيسائجڻ کان نٿا بچائي سگھو، اسان کي شرم اچڻ گھرجي: سپريم ڪورٽ

اسلام آباد (ويب ڊيسڪ) سپريم ڪورٽ عورتن جي ڪم ڪرڻ واري هنڌن تي هيسائڻ جي قانون کي وڌيڪ مضبوط بڻائڻ جي هدايت ڪري ڇڏي. عورتن کي هيسائڻ جي معاملن واري وفاقي محتسب ياسمين عباسي پاران لاهور هاءِ ڪورٽ جي جج کي توهين عدالت نوٽيس جي معاملي تي ٻڌڻي ٿي. جسٽس عظمت سعيد کوسا جي سربراهي ۾ ٽي رڪني بينچ ڪيس جي ٻڌڻي ڪئي. سپريم ڪورٽ اٽارني جنرل ۽ صوبائي حڪومتن کان قانون جي تشريح جي حوالي سان جواب طلب ڪري ورتو. جسٽس عظمت سعيد کوسا ريمارڪس ڏنا ته اهو انتهائي اهم معاملو آهي. اٽارني جنرل ۽ صوبائي ايڊووڪيٽ جنرل عالمي قانون سان عدالت کي قانوني مدد فراهم ڪري. عدالت عورتن کي ڪم ڪرڻ واري هنڌن تي نه هيسائڻ واري قانون کي مضبوط بڻائڻ جي هدايت ڪندي چيو ته اهو قانون جي تشريح جو معاملو آهي. صوبن کي ٻڌڻ گھڻو ضروري آهي.جسٽس عظمت سعيد چيو ته جيڪڏهن عورتن کي هيسائجڻ کان نٿا بچائي سگھو ٿي اسان کي شرم اچڻ گھرجي. قانون اهڙا بڻايا وڃن ته جيئن عورتون شڪايتون داخل ڪرائي سگھن. هراسمنٽ واري وفاقي محتسب عورت ڪشمالا طارق چيو ته سنڌ ۾ شڪايتون زيرو آهي. جسٽس عظمنت سعيد چيو ته ماڻهو ان معاملي ۾ ڳالهائڻ کان پاسو ڪندا آهن. جيڪڏهن شڪايت ناهي ايندي ته ان جو مطلب اهو آهي ته مسئلو نه آهي. مسئلو اهو آهي ته توهان عورتن کي اعتماد ۾ ناهي ورتو.هن چيو ته ان قانون کي اهڙي ريت ٺاهيو وڃي جيئن عورتون پنهنجون شڪايتون داخل ڪرائي سگھن. صوبائي حڪومتون عورتن جي هراسمنٽ واري قانون ۾ ترميم نه ڪن ته سٺو آهي ۽ جيڪڏهن ترميم ڪرڻي آهي ته ان قانون کي وڌيڪ مضبوط بڻايو. ايڊيشنل ايڊووڪيٽ جنرل پنجاب موقف اختيار ڪيو ته پنجاب حڪومت ان قانون کي ڪمزور نه ڪندي. ڪشمالا طارق درخواست ڪئي ته سڀني صوبن مان عورتن جي کي هيسائڻ جا انگ اکر گھرايا وڃڻ.سپريم ڪورٽ ٻڌڻي مارچ جي پهرين هفتي تائين ملتوي ڪري ڇڏي.عورتن جي هراسمنٽ واري اڳوڻي وفاقي محتسب ياسمين عباسي لاهور هاءِ ڪورٽ جي اڳوڻي چيف جسٽس منصور علي شاهه کي توهين عدالت جا نوٽيس جاري ڪيا هئا.

 

 

 

ساهيوال سانحو: ليبارٽري کي موڪليل سب مشين گنون ۽ پسٽل سانحي ۾ استعمال ئي نه ٿيڻ جو انڪشاف

لاهور (ويب ڊيسڪ) پنجاب فارنزڪ ليبارٽري ساهيوال سانحي جي جاچ ۾ ڌوکو ڏيڻ جي ڪوشش جو پول کلي ويو ۽ ان ڳالهه جو انڪشاف ٿيو آهي ته ليبارٽري کي موڪليل سب مشين گنون ۽ پسٽل سانحي ۾ استعمال ئي ناهن ٿيا. ٻئي پاسي موقعي تي هلايل پوليس جون گاڏيون فارنزڪ ايجنسي کي ٽرڪ ۾ لوڊ ڪري موڪليون ويون حالانڪه انهن جا فيول ۽ اليڪٽرانڪ سسٽم تباهه هئڻ جي دعويٰ ڪئي وئي هئي. فارنزڪ سائنس ايجنسي جي ذريعن چيو آهي ته ليبارٽري کي جاچ لاءِ 100 کان وڌيڪ گولين جا خول، 4 مشين گنون ۽ 2 نائن ايم ايم پسٽل موڪليا ويا هئا پر اهي خول انهن جي فراهم ڪيل سب مشين گنن ۽ پسٽلن جا نه هئا. ٻئي پاسي نائن ايم ايم جو ڪو خول يا گولي نه موڪلي وئي، ان ڪري نائن ايم ايم جا ٻه پسٽل فرنزڪ لاءِ موڪلڻ جو ڪو جواز ئي نه هو ذريعن جو چوڻ آهي ته ساهيوال سانحي ۾ استعمال ٿيندڙ سب مشين گنون تبديل ڪري ان بدران ٻيون سب مشين گن موڪليون ويون هيون. ذريعن جو اهو به چوڻ آهي ته ائين لڳي ٿو ته پوليس جي گاڏي ۾ لڳڻ واريون چار گوليون به پاڻ پوليس پاران ئي هلايون ويون هيون. ٻئي پاسي پوليس جي ٽرڪ ۾ لوڊ ڪري فارنزڪ سائنس ايجنسي موڪليو ويو، جڏهن ته ساهيوال سانحي وقت پوليس جي گاڏي کي اتان هلائي کنيو ويو هو. پوليس گاڏي جو اليڪٽرانڪ ۽ فيول سسٽم اڏي ويو ته ان کي ڪيئن هلايو ويو؟ مقتول ذيشان جي ڪار کي هلندي  ۽ بيٺي گوليون هنيون ويون جڏهن ته هڪ فٽ جي مفاصلي کان به ڪار کي گوليون لڳيون، متاثر ڪار کي هڪ ئي پاسي کان چارچار گوليون به لڳيون جيڪي هلندڙ گاڏي ۾ لڳڻ ممڪن نه هو.

 

 

ٿر ۾ خوراڪ جي کوٽ ۽ مختلف بيمارين وگهي وڌيڪ 2 ٻارڙا موت جو کاڄ بڻجي ويا

مٺي(رپورٽر) سول اسپتال مٺي ۾ خوراڪ جي کوٽ ۽ مختلف بيمارين وگهي وڌيڪ 2 ٻارڙا موت جو کاڄ بڻجي ويا آھن جنهن کان پوءُ هلندڙ مهيني فوتي ٻارڙن جو انگ 26 ۽ ھلندڙ سال 93 ٿي ويو آھي فوتي ٻارڙن ۾ 3 مهينن جو اشوڪ ڪولهي ۽ گلاب ميگهواڙ جو تازو ڄاول ٻار شامل آھي. جڏھن ته رڳو مٺي سول اسپتال ۾ 47 ٻارڙا زير علاج آھن. جڏھن ته سنڌ سرڪار پاران علاج ۽ بنيادي سهوليتن واريون دعوائون رڳو مٺي شھر تائين محدود آھن ضلع جي باقي شھرن توڙي 26 سئو کان به ڳوٺن ۾ علاج جون سهولتون اڃان تائين پهچي نه سگهيون آھن. جنهن سبب موت وارن واقعن تي ضابطو اچڻ مشڪل بڻيل آھي. ڇاڪاڻ ته فوت ٿيندڙ ٻارن جو 90 سيڪڙو تعلق ٻھراڙي جي ڳوٺن سان آھي.

 

پي اي سي جو ميمبر بڻجڻ لاءِ پاڻ ناهي چيو عمران خان جي خواهش هئي، اسپيڪر غلط پيو وڃي: شيخ رشيد

ڪراچي(ويب ڊيسڪ) ريلوي جي وفاقي وزير شيخ رشيد چيو آهي ته پبلڪ اڪائونٽس ڪميٽي جو ميمبر بڻجڻ لاءِ پاڻ ناهي چيو وزير اعظم عمران خان ان خواهش جو اظهار ڪيو آهي جڏهن ته قومي اسيمبلي جو اسپيڪر ان حوالي سان غلط ڪري رهيو آهي.  هن چيو ته هڪ ڀيرو پبلڪ اڪائونٽس ڪميٽي تي ڳالهه ٿي ۽ شهباز شريف خلاف ايندڙ هفتي سپريم ڪورٽ وڃڻ جو اعلان ڪيو. هن چيو ته منهنجي لاءِ اسپيڪر قابل احترام آهي. پر هو هڪ غلط فيصلو ڪري رهيو آهي، مان پي اي سي جو ميمبر بڻجڻ لاءِ پاڻ ناهي چيو  عمران خان قانون واري وزير خان پاڻ پڇو هو ته منسٽر پي اي سي جو ميمبر بڻجي سگهي ٿو. جنهن تي فروغ نسيم هڪ وزير جي سامهون چيو ته شيخ رشيد اي پي سي جو ميمبر بڻجي سگهي ٿو. مان نعيم الحق کان پڇو ته ان مونکي نوٽيڪيشن پڪڙائي ڇڏيو ۽ وزير اعظم اسپيڪر جو کي هدايت ڏني آهي، هاڻي اسپيڪر غلط فيصلو ڪري رهيو آهي  آئين ۽ قانون جي تحت ان کي ڪو به حق ناهي. هن جو چوڻ آهي ته منهنجو پي ٽي آءِ جي ٻين ميمبرن سان ڪو به مسئلو ناهي، اسپيڪر جو جيڪو فيصلو عمران خان ڪيو اهو اکين تي آهي، اسپيڪر صاحب جيڪڏهن منهنجي باري ۾ تحفظات آهن ته مونکي معلوم ناهي پر اسپيڪر جي باري ۾ حڪومت ۾ ڪجهه تحفظات آهن، سٺو نٿو لڳي ته مان اسپيڪر بابت تحفظات جي باري ۾ ٻڌايان ، منهنجي لاءِ هو قابل احترام آهي.

 

سنڌ جي ٿر ۾ 610 ملين ڪيوبڪ ميٽر پاڻي جي موجودگي جو انڪشاف

حيدرآباد (م.ڊ) سنڌ جي ٿر زون جي ٻئي نمبر جر ۾ 610 ملين ڪيوبڪ ميٽر (0.5 ملين ايڪڙ فٽ) پاڻي جي موجودگي جو انڪشاف ٿيو آهي. اهڙو انڪشاف سنڌ جي آبپاشي کاتي پاران سال 2014ع کان 2016ع تائين ڪرايل هڪ سروي ۾ ٿيو آهي. اهو سروي آبپاشي کاتي جي بئراج امپروومينٽ پراجيڪٽ نگراني ۾ ٿيو جنهن ۾ سپارڪو، ڊبل اي ڪنسلٽنٽ ڪمپني ۽ ڊيپراڪ ڊرلنگ ڪمپني جون خدمتون به حاصل ڪيون ويون هيون. ان سروي تي مجموعي طور 6 ڪروڙ رپيا خرچ ڪيا ويا. سروي مطابق ٿر کي 4 زونز ۾ تقسيم ڪيو ويو هو جنهن ۾ هڪ زون رحيم يار خان وارو ٿر، ٻيو زون اڇڙو ٿر، ٽيون زون کوکرو پار وارو ٿر ۽ چوٿون زون مٺي ۽ اسلام ڪوٽ تي ٻڌل واري جي ڀٽن وارو ٿر شامل هئا. پهرين زون جي سروي ۾ اهو انڪشاف ٿيو ته سنڌ طاس معاهدي مطابق ڀياس ۽ ستلج درياهه هندستان جي حوالي ڪرڻ ۽ هنڌستان پاران انهن درياهن تي ڊيم ٺاهڻ جي ڪري ان زون ۾ پاڻي جي شديدکوٽ پيدا ٿيل آهي ۽ ان زون جا ماڻهو پيئڻ جي پاڻي جي حوالي سان سخت تنگي جو شڪار بڻيل آهن. سروي مطابق ٿر جو ٻيون زون جيڪو اڇڙي ٿر جي ايراضي تي مشتمل آهي ۾ به پيئڻ جي پاڻي جي وڏي کوٽ آهي جنهن جي نتيجي ۾ نه رڳو انسان پر جانور به پيئڻ جي پاڻي جي حوالي سان مشڪلاتن جو شڪار هجن ٿا. رپورٽ مطابق ٿر جي ٽيئن زون جي جر واري پاڻي ۾ ججهي مقدار ۾ فلورائيڊ هجڻ جي ڪري اهو پاڻي به انساني صحت لاءِ هاڃيڪار آهي جڏهن ته اهڙي مليل جليل صورتحال چوٿين زون سان به لاڳو آهي. رپورٽ ۾ ڄاڻايو ويو آهي ته ٿر زون جي جر جي 10 سيڪڙو پاڻي ۾ نمڪيات هڪ هزار پي پي ايم تائين موجود آهي جنهن پاڻي کي انسان واپرائي ۽ محدود زراعت لاءِ ڪتب آڻي سگهن ٿا. 30 سيڪڙو پاڻي ۾ نمڪيات هڪ هزار کان 3 هزار پي پي ايم آهي، جيڪو پاڻي پڻ جانورن ۽ قدرتي نباتات جي استعمال ۾ آڻي سگهجي ٿو. جڏهن ته 60 سيڪڙو پاڻي ۾ نمڪيات جو مقدار 3 هزار کان 5 هزار پي پي ايم تائين آهي جنهن کي آر او پلانٽس ذريعي مٺو بڻائي سگهجي ٿو ۽ ان پاڻي تي ٿر جي نباتات ۽ مڇين کي به پالي سگهجي ٿو جنهن سان ٿر ۾ غذائي کوٽ ختم ڪرڻ ۾ هٿي ملي سگهي ٿي. رپورٽ ۾ سفارش ڪئي وئي آهي ته گڊو بئراج وٽان نڪرندڙ ريڻي ڪئنال جي آر ڊي نمبر 180 وٽان 5 هزار ڪيوسڪ جي ڊسچارج رکندڙ ٿر ڪئنال ڪڍيو وڃي ته جيئن ٿر جي جر جي پاڻي کي ريچارج ڪرڻ سان گڏوگڏ انساني آبادين ۽ جانورن جي واهپي ۾ ڪم آڻي سگهجي. ذريعن موجب ان حوالي سان هڪ پي سي ون به تيار ڪئي وئي آهي جنهن ۾ تجويز ڪيو ويو آهي ته ريڻي ڪئنال جي آر ڊي 180 جي ديهه کنجهو مان ٿر ڪئنال ڪڍيو وڃي جنهن کي پهرين فيز ۾ اڇڙي ٿر جي ڊرينهن وارن ڍنڍن ۾ ڇوڙ ڪيو وڃي جنهن جو تعداد لڳ ڀڳ 40 کن آهي. ريڻي ڪئنال جي آر ڊي 180 کان ڊرينهن وارين ڍنڍن تائين تجويز ڪيل ٿر ڪئنال جي ڊيگهه 145 ڪلو ميٽر ڄاڻائي وئي آهي. ٿر ڪئنال جي پهرين فيز جي لاڳت جو تخمينو 20 ارب رپيا لڳايو ويو آهي. انهي رپورٽ ۾ ٿر ڪئنال جو ٻيو فيز به تجويز ڪيل آهي جنهن ۾ ڄاڻايو ويو آهي ته اڇڙي ٿر جي ڊرينهن وارن ڍنڍن کان ٿر ڪئنال جو ٻيو فيز شروع ڪيو وڃي جنهن کي ڇاڇري وٽ آڻي اتي پاڻي جي ذخيري لاءِ تلاءُ ٺاهيو وڃي ته جيئن ڇاڇري جي علائقي ۾ به جر ريچارج ٿي سگهي. ٿر ڪئنال جي ٻئي فيز جي ڊزائين ڊسچارج هڪ هزار ڪيوسڪ تجويز ڪيل آهي جنهن جي لاڳت جو تخمينو 5 ارب رپيا لڳايو ويو آهي. ذريعن موجب اها پي سي ون سنڌ حڪومت وٽ جمع به ڪرائي وئي آهي جنهن تي پلاننگ اينڊ ڊولپمينٽ ڊپارٽمينٽ ٻه اجلاس به ڪري چڪو آهي. پي سي ون موجب ٿر ڪئنال جي تعمير جو ڪم واپڊا حوالي ڪرڻ جي تجويز پڻ ڏني وئي آهي هوڏانهن ٿر جي علائقي ۾ پاڻي جي موجودگي جي حوالي سان سروي ڪندڙ آبپاشي کاتي جي ٽيڪنيڪل آفيسر حبيب عرساڻي جو چوڻ آهي ته ٿر ۾ پيئڻ جي پاڻي جي دستيابي جي حوالي سان سازدا کان وٺي ايريگيشن کاتي پاران 1988ع کان 2016ع تائين مختلف منصوبن تي ڪم ڪيو ويو آهي. اسان پنهنجي سروي رپورٽ ۾ اهو تجويز ڪيو آهي ته گڊو بئراج کان ٿر ڪئنال ڪڍي ان وسيلي اڇڙي ٿر جي ڊرينهن وارين ڍنڍن تائين پاڻي پهچائجي ته جيئن ٿر جي جر جي پاڻي جي ريچارج وارو مسئلو حل ٿي سگهي. هن چيو ته ٿر ۾ پاڻي پهچائڻ جو اهو ئي ڪار آمد حل آهي. هن چيو ته ڇاڇري ۾ پيئڻ جو پاڻي صحت لاءِ هاڃيڪار آهي جنهن کي حل ڪرڻ لاءِ ڇاڇري ۾ پاڻي جو ذخيرو ٺاهي ان کي به ٿر ڪئنال وسيلي پاڻي مهيا ڪري سگهجي ٿو. هڪ سوال جي جواب ۾ هن چيو ته اسان ٻن سالن دوران جيڪا سروي ڪئي آهي ان جي رپورٽ سنڌ حڪومت وٽ جمع ڪرائي ڇڏي آهي.

 

احسن اقبال ٻڌائي ملتان سکر موٽروي جي ڊيل ڪرائڻ وارو ڪير هيو. ڇا جاويد صادق پرڏيهي ڪمپني جو ايجنٽ ۽ آپڪا فرنٽ مين نه هيو؟ : مراد سعيد

اسلام آباد (ويب ڊيسڪ) مواصلات واري وفاقي وزير مراد سعيد اڳوڻي مواصلاتي وزير احسن اقبال خلاف اين ايڇ اي جي منصوبي ۾ 70 ارب رپين جي مبينا ڪرپشن جا دستاويزي ثبوت سامهون آندا. تفصيل موجب اين ايڇ اي جي منصوبي ۾ پرڏيهي ڪمپني جي مدد سان ستر ارب رپين جي مبينا ڪرپشن ڪئي وئي، معاهدي تي اڳوڻي مواصلات واري وزير صحيحون به ڪيون، جڏهمن ته ان کان اڳ هو ان کي منظور ڪرڻ کان انڪار ڪري چڪو هو. مراد سعيد احسن اقبال ۽ مبينا فرنٽ مين جاويد صادق بابت اهم انڪشاف ڪندي چيو ته احسن اقبال ٻڌائي ملتان سکر موٽروي جي ڊيل ڪرائڻ وارو ڪير هيو. ڇا جاويد صادق پرڏيهي ڪمپني جو ايجنٽ ۽ آپڪا فرنٽ ۾ نه هيو؟ ڇا جاويد صادق احسم اقبال کي پرڏيهي ڪمپني ۾ نه وٺي ويو؟ هن چيو ته جنهن معاهدي کان انڪار ڪيو ويو، ان تي احسن اقبال جون صحيحون ڇو آهن؟ احسن اقبال معاهدي تي مواصلات وزير طور صحيحون ڇو ڪيون؟ 259 جو پي سي ون 300 ارب ۾ ڪيئن تبديل ڪيو ويو؟ ۽ پي سي ون جي منظوري بابت ڪابينا ۽ لاڊپارٽمنٽ کي ڇو بي خبر رکيو؟ مراد سعيد اهو به چيو ته اڳوڻي حڪومت چوندي آهي ته منصوبو سي پيڪ لاءِ شروع ڪرڻو هو، جڏهن ڊيل ڪئي وئي ان وقت سي پيڪ منصوبو شروع ئي نه ٿيو هو. مراد سعيد ميڊيا کي بريفنگ ۾ ملتان سکر موٽروي منصوبن ۾ ن ليگ جي ڪرپشن کي بي نقاب ڪندي نواز شريف، احسن اقبال، جاويد صادق ڪمپني سان معاهدو ڪيو، ن ليگ وڏي وڏا منصوبا ڪميشن حاصل ڪرڻ لاءِ شروع ڪيا ۽ حڪومت جي بدانتظامي سبب منصوبن جي لاڳت وڌي. مراس سعيد چيو ته ن ليگ حڪومت ملتان سکر موٽر وي ۾ قومي خزاني کي گھٽ ۾ گھٽ سٺ کان ستر ارب رپين جو نقصان پهچايو، وڏي گھپلي جا ثبوت موجود آهن، گھپلي جو مرڪزي ڪردار احسن اقبال ۽ جاويد صادق آهن، ن ليگ جاويد صادق کي فرنٽ مين جي حيٽيت سان رکيو، پاڪستاقن جي پيسي کي بي دردي سان لٽيو ويو، نيب وٽ ويندڙ ڪيسن جا تفصيل ڄاڻڻ چاهيون ٿا.

 

سلمان خان ۽ ڪترينه ڪيف جي فلم ”ڀارت“ مختلف ٻولين ۾ ريليز ڪئي ويندي

ممبئي(شوبز نيوز)بالي ووڊ اداڪار سلمان خان ۽ ڪترينه ڪيف جي فلم ”ڀارت“ مختلف ٻولين ۾ ريليز ڪئي ويندي،ميڊيا رپورٽن مطابق علي عباس جي هدايتڪاري ۾ ٺهندڙ فلم ڀارت مختلف ٻولين ۾ 5 جون تي ريليز ڪئي ويندي،فلم ۾ اداڪر سلمان خان ،ڪترينه ڪيف،تبو ۽ ديشا پتاني شامل آهن جڏهن ته اداڪار ورون ڌون فلم ۾ مختصر ڪردار ۾ نظر ايندو.

 

مشهور فلم ”دل“ جو سيڪوئل ٺاهڻ جون تياريون 

ممبئي (شوبز نيوز) باليووڊ جي مسٽر پرفيڪشنسٽ عامر خان ۽ ماڌوري ڊڪشٽ جي مهشور فلم ”دل“ جو سيڪوئل ٺاهڻ جون تياريون مڪمل ڪيون ويون. 90 واري ڏهاڪي ۾ رليز ٿيندڙ بلاڪ بسٽر فلم ”دل“ ۾ عامر خان ۽ ماڌوري جي جوڙي کي خوب پسند ڪيو ويو هو ۽ فلم ٻنهي اداڪارن جي ڪيريئر جي بهترين فلمن مان هڪ هئي، جنهن عامر خان ۽ ماڌوري ڪريئر ۾ به وڏو عروج ڏنو. هن رومانوي فلم کي هڪ ڀيرو ٻيهر ٺاهڻ جون تياريون جاري آهن. ڀارتي ميڊيا موجب مشهور ڀارتي هدايتڪار اندرا ڪمار جو چوڻ آح يته ڪافي عرصي کان ”دل“ فلم جو سيڪوئل ٺاهڻ جي رٿابندي ڪري رهيا هئاسين، هاڻ فلم جو اسڪرپٽ جاندار ڪهاڻي سان مڪمل ڪيو ويو آهي، جنهن جو نالو “دل اگين” رکيو ويو آهي. فلم جو اسڪرپٽ مڪمل ٿيڻ کانپوءِ هدايتڪار مرڪزي اداڪارن جي ڳولا شروع ڪري ڇڏي آهي. اندرا ڪمار جي هدايتڪاري ۾ ٺهندڙ فلم “ٽوٽل ڌمال” هلندڙ مهيني 22 فيبروري تي رليز ٿيندي.

 

ثانيا مرزا پاڻ متان ٺهندڙ فلم جي تصديق ڪري ڇڏي

ممبئي(شوبز نيوز) گذريل سال آگسٽ ۾ خبر سامهون آئي هئي ته ڀارتي ٽينس اسٽار ثانيه مرزا جي زندگي تي فل ٺاهي ويندي. اهو پهريان ئي طئي هو ته ان فلم ۾ ثانيه مرزا جي زندگي تي روشني وڌي ويندي، جنهن لاءِ پروڊيوسر حق حاصل ڪرڻجي ڪوشش ۾ هئا، جنهن بعد ممبئي مرر جي رپورٽ موجب آگاهي ڏني وئي ته پروڊيوسر روني اسڪرو والا کي اها فلم ٺاهڻ جا حق ملي ويا آهن. پر هاڻ مشهور ٽينس اسٽار ثانيه مرزا پاڻ سندس زندگي تي فلم ٺهڻ جي تصديق ڪئي آهي.هن خوشي جو اظهار ڪندي چيو ته پنهنجي زندگي کي فلم جي پردي تي ڏسڻ سندس خواب هو.

 

 

پاڪستاني آل رائونڊر ناهيده خان جون ون ڊي انٽرنيشنل ڪيريئر جون هزار رنسون مڪمل

دبئي (اسپورٽس نيوز ) پاڪستان ويمن ٽيم جي آل رائونڊر ناهيد خان ون ڊي انٽر نيشنل ڪرڪيٽ ۾ ڪيريئر جون هزار رنسون مڪمل ڪري ورتيون آهن . هو اهيو اعزاز حاصل ڪندڙ پنجين پاڪستاني رانديگر بڻجي وئي آهي . هزار رنسون مڪمل ڪرڻ تي قومي وومين ٽيم جي آل رائونڊ ناهي خان خوشي جو اظهار ڪندي چيو آهي ته اصل خوشي تڏهن ٿيندي آهي جڏهن قومي ٽيم جي ڪنهن به ميچ ۾ فتح ٿيندي آهي