تازيون خبرون
مودي نئين دور جو هٽلر قرار، ڪشمير تي حملو پاڪستان تي حملي جي برابر آهي: فردوس عاشق - الله جي ڳالهه ڪڏهن به تبديل ناهي ٿيندي، مسلمان پاڻ کي سياسي طور مضبوط ڪن: حج جو خطبو - وفاقي حڪومت جو اورسيز پاڪستانين لاءِ صحت کارڊ جاري ڪرڻ جو اعلان - وطن لاءِ حياتي ڏيڻ سڀ کان وڏي قرباني آهي، شهيد قوم جا هيرو آهن : آرمي چيف - ڀارت جو سمجهوتا ايڪسپريس ۽ ٿر ايڪسپرين بحال ڪرڻ جو مطالبو رد، آرمي چيف ۽ عمران خان هڪ ئي گاڏي جا ٻه ڦيٿا آهن: شيخ رشيد - فريال ٽالپر ۽ آصف زرداري خلاف ٽئڪس اوڳاڙي جو نوٽيس معطل، عدالت ايف بي آر کي ٽئڪس اوڳاڙڻ کان روڪي ڇڏيو - وفاقي حڪومت گيس ٽيرف ۾ 200 سيڪڙو تائين واڌ کان پوءِ  ڏيڍ مهيني اندر وڌيڪ 39 سيڪڙو واڌ ڪري ڇڏي - سپريم جوڊيشل ڪائونسل، جسٽس قاضي فائز عيسيٰ تي فرد جرم لاڳو ڪري ڇڏيو - ڪراچي سميت سنڌ ۾ سانوڻي جو وسڪارو، روڊ رستا ٻڏي ويا، مواصلاتي نظام درهم برهم، ڪرنٽ لڳڻ سبب 4 فوت - هزارين ڪشميرين جو پاڪستاني جهندي واري مارچ ڀارت جي لاءِ اڻٽٽ ڀت آهي: سراج الحق

Daily Archives: February 6, 2019

پڪ آهي ته ڪشميرين جي آزادي جي جدوجهد رنگ لائيندي: صدر / وزيراعظم

مظفر آباد /اسلام آباد ( ويب ڊيسڪ ) پاڪستان سميت سموري دنيا ۾ اڄ ڪشمير ڏهاڙو ملهايو پيو وڃي ۽ ان سلسلي ۾ تقريبن جو سلسلو جاري آهي. اسلام آباد جي ڊي چوڪ تي تقريب ۾ ڪشمير معاملن بابت وفاقي وزير ۽ ٻين شرڪت ڪئي ۽ صبح 10 وڳي هڪ منٽ جي خاموشي اختيار ڪئي وئي. پاڪستان ۽ ڪشمير کي ملائيندڙ مظفرآباد کي ڪوهالا پل سميت مختلف هنڌن تي انساني هٿن جي زنجير ٺاهي وئي، ٻارن سهيلي سرڪار پل کان آزادي چوڪ تائين مارچ ڪيو.ڪشمير ڏهاڙي جي موقعي تي ڪشميرين سان ٻڌي جي اظهار لاءِ سموري ملڪ ۾ عام موڪل آهي، سموري ملڪ ۾ ريليون ڪڍيون وينديون ۽ والاريل ڪشمير ۾ جاري ڀارتي ظلمن خلاف احتجاج ڪيو ويندو. صدر عارف علوي آزاد ڪشمير جي قانون ساز اسيمبلي جي اجلاس سان خطاب ڪندو جڏهن ته وزيراعظم آزاد ڪشمير اسيبملي ميمبرن سان گڏ عالمي قومن جي آفيس  ۾ مذمتي ٺهراءُ جمع ڪرائيندو. مختلف سياسي جماعتن طرفان به سموري ملڪ ۾  ڪشميرين سان يڪجهتي جي اظهار لاءِ ريليون، سيمينار ۽ ڪانفرنسون ڪوٺايون وينديون جنهن ۾ والاريل ڪشمير ۾ ڀارتي فوج جي وحشياڻن ظلمن، عورتن جي بي حرمتي، نوجوانن کي گم ڪري مارڻ جهڙن افسوناڪ واقعن تي عالمي برادري اڳيان آواز اُٿاريو ويندو .والاريل ڪشمير ۾ ظلمن خلاف اسپين جي شهر بارسلونا ۾ احتجاج ڪيو ويو جڏهن ته اٽلي جي شهر ميلان ۾ به احتجاج ٿيو، بليجيئم جي گادي واري شهر برسلز ۾ ڏيئا ٻاري ڪشميرين سان يڪجهتي جو اظهار ڪيو ويو، لنڊن ۾ تاريخي ريلي لاءِ بريڊ فورڊ، برمنگھم، مانچسٽر ۽ گلاسگو سميت مختلف شهرن ۾ تياريون مڪمل ڪيون ويو آهن. واضح رهي ته پاڪستاني 1990ع کان 5 فيبروري کي ڪشميرين سان ٻڌي جي اظهار طور ملهائي رهيا آهن جنهن جو مقصد ڀارتي ظلمن جو شڪار ڪشميري عوام جي حمايت ڪرڻ آهي. ڪشميري مسلمان جي جدوجهد جاري آهي. صدر عارف علوي چيو آهي ته ڪشمير تي رڳو  ڪشميرين جو حق آهي، ڪشمير جي مستقبل جو فيصلو رڳو ڪشميرين کي ڪرڻو آهي. مظفر آباد ۾ قانونسازي اسيمبلي کي خطاب ڪندي صدر عارف علوي چيو ته ننڍي کنڊ جي ورهاڱي وقت پاڪستان ۽ ڪشمير جي سان ساٿ ناانصافي ۽ سازش ڪئي وئي، بائونڊري ڪميشن مسلم اڪثريتي علائقن کي ڀارت حوالي ڪيو،  بائونڊري ڪميشن سوچي سمجهي منصوبي تحت سازش ڪئي. هن چيو ته صدين سان ڪشميري ڀائر ظلم سهندا آيا آهن، ڪشمير تي رڳو ڪشميرين جو حق آهي، ڪشميرين جي مستقبل جو فيصلو رڳو ڪشميرين کي ڪرڻو آهي، جڏهن ته ڪشمير بابت پاڪستاني سياستدانن ۾ ڪي به اختلاف نه آهن. صدر عارف علوي چيو ته وزيراعظم ڀارت طرف دوستي جو هٿ وڌايو پر قابض ڀارت ڳالهين کان ڀڄندو آهي، ڀارت سان جڏهن به ڳالهين جو چيو هن ڪو نه ڪو بهانو ڪيو، ڪشميرين جي خود اراديت جي حق جي بنا فرق حمايت ڪيون ٿا.صدر عارف علوي ڪشميري عوام سان ٻڌيءَ جو اظهار ڪيو ۽ چيو ته ڀارت جو ڪشميرين تي ظلم دهشتگردي کي هٿي ڏيڻ برابر آهي، ڪشمير مسئلي تي عالمي برادري جو ٻٽو معيار شڪ ۽ شبها پيدا ڪري رهيو آهي. وزيراعظم عمران خان پنهنجي بيان ۾ چيو ته ڇرن واري بندوق سان هٿين خالي ڪشميرين تي ڀارتي ظلم ۽ بربريت جو سلسلو جاري آهي، ڪشميرين جو حريت وارو جذبو ۽  خود اراديت وڌي رهي آهي. هن چيو ته والاريل ڪشمير ۾ آزادي جي جدوجهد کي هر گذرندڙ ڏينهن سان هٿي ملي رهي آهي، افسوس آهي ته ست ڏهاڪا گذرڻ باوجود ڪشمير مسئلو حل نه ٿي سگهيو آهي. پاڪستان ڪشمير واري مسئلي تي پنهنجي اصولي موقف تان پوئتي نه هٽندو. وزيراعظم عمران خان چيو ته 7 ڏهاڪا گذرڻ باوجود والاريل ڪشمير جو تڪرار حل نه ٿي سگهيو آهي، والاريل ڪشمير ۾ بيگناهن جي قتل عام، ٻارڙن تي پيلٽ فائرنگ، تشدد سميت ڀارتي ظلم اڃا تائين جاري آهي ۽ ڪشميري پنهنجي همت ۽ بهادري سان حق خود اراديت حاصل ڪرڻ لاءِ مسلسل ڪوششن ۾ آهن. هن چيو ته ڀارتي فوج ظالماڻي طريقي سان هزارين بيگناهه ڪشميرين کي بي رحماڻي تشدد ۽ غيرقانوني حراست دوران قتل ڪري رهي آهي. هن چيو ته هر سال 5 فيبروري تي ملهائيندڙ يوم يڪجهتي ڪشمير ڪشميرين کي ڀارتي تسلط خلاف ۽ حق خود اراديت لاءِ عزم کي وڌيڪ مضبوط ڪري ٿو.سڌسماءِ جي وفاقي وزير چوڌري فواد حسين چيو آهي ته ڏکڻ ايشيا ۾ جٽادار امن قائم ڪرڻ لاءِ والاريل ڄمون ۽ ڪشمير جي عوام جي خواهشن مطابق ڪشمير مسئلي جو حل اڻٽر آهي چوڌري فواد حسين ڪشمير سان ٻڌي جي ڏهاڙي تي پيغام ۾ چيو ته ڪشميرين جي آزادي واري حق حاصل ڪرڻ جي عظيم جدوجهد ۽ لازوال قربانين کي سلام پيش ڪيون ٿا هن چيو ته هزارين شهادتون، ظلمن ۽ تڪليفن جي باوجود ڪشميرين جهڪڻ کان انڪار ڪيو آهي ڀارتي ظلم سندن آزادي واري حق جي جدوجهد کي ڪمزور ناهي ڪري سگهيو هن چيو ته ڪشمير جا شهيد حريت پسندي، اصول ۽ سچائي جا چمڪندڙ ستارا آهن فواد چوڌري چيو ته ڪشميرين ۾ انساني حقن جي خلاف ورزين جي مذمت ڪيون ٿا هن چيو ته گڏيل قومن سميت سڄي دنيا ڪشمير ۾ وهندڙ رت جو نوٽيس وٺي هن چيو ته موجوده حڪومت وزيراعظم عمران خان جي اڳواڻي ۾ ڪشميري عوام جي بنيادي حقن جي تحفظ لاءِ پنهنجو ڪردار ادا ڪري رهي آهي.

 

والاريل ڪشمير جي آزاديءَ ۾ هاڻي دير ناهي، مظلوم ڪشميري اسان جي روح ۽ دل ۾ وسن ٿا: پ پ قيادت

اسلام آباد (اين اين آءِ/م.ڊ) پ پ پ چيئرمين بلاول ڀٽو زرداري والاري ڪشمير جي عوام سان مڪمل ٻڌي جو اظهار ڪندي چيو آهي ته شهيدن جو خون رنگ لائيندو ڀارت جو مقدر شڪست کان سواءِ ٻيو ڪجهه نه آهي ڪشمير جي تڪرار جي حل کان سواءِ خطي ۾ امن ۽ خوشحالي جو خواب پورو نه ٿيندو مظلوم ڪشميرين جي آزادي واري حق حاصل ڪرڻ جي جدوجهد جي حمايت جاري رکنداسين اڱاري تي ڪشمير ڊي تي پيغام ۾ بلاول ڀٽو زرداري چيو ته عالمي برادري عدل ۽ انصاف جون گهرجون پوريون ڪري مودي کي لغام ڏي بلاول ڀٽو زرداري چيو ته ڀارت کي انساني حقن جي منشور تي عملدرآمد لاءِ پابند ڪيو وڃي بلاول ڀٽو زرداري چيو ته والاريل واڌي ۾ انساني حقن جي جاري خلاف ورزين کي روڪيو وڃي بلاول ڀٽو زرداري چيو ته ڪشمير پيپلزپارٽي جي نظريي جو اهم جز آهي بلاول ڀٽو زرداري چيو ته ڪشمير مسئلي جي حل لاءِ پ پ پ قيادت جون ڪوششون تياريخي آهن بلاول ڀٽو زرداري چيو ته شهيد ڀٽو جنهن نموني ڪسميري عوام جو ڪيس عوامي فورمز تي وڙهيو ان تي پاڪستاني قوم کي ناز آهي بلاول ڀٽو زرداري چيوت ه شهيد بي بي حڪومتي سطح تي هر سال ڪشمير سان ايڪي اتحاد جو ڏينهن ملهائڻ جو اهم فيصلو ڪيو بلاول ڀٽو زرداري چيو ته هي محترمه بينظير ڀٽو ئي گهئي جنهن پارليامينٽ جي خاص ڪشمير ڪميٽي قائم ڪئي بلاول ڀٽو زرداري چيو ته زرداري جي قيادت هيٺ حڪومت ڪسميرين تي ڀارتي ظلمن جي خلاف هر فورم تي آواز اٿاريو. ٻئي طرف   اڳوڻي صدر ۽ پيپلز پارٽي پارليامينٽرين جي صدر آصف علي زرداري چيو آهي ته والاريل ڪشمير جي آزاديءَ ۾ گهڻي دير ناهي، مظلوم ڪشميري اسان جي روح ۽ دل ۾ وسن ٿا. 5 فيبروريءَ تي يومِ ڪشمير تي پنهنجي پيغام ۾ اڳوڻي صدر چيو ته والاريل ڪشمير جي ڀارتي قبضي مان آزادي پاڪستان پيپلز پارٽيءَ جي منشور جو حصو آهي، قائد عوام شهيد ذوالفقار ڀٽو ۽ شهيد محترمه بينظير ڀٽو عالمي سطح تي ڪشميرين تي ٿيل ڀارتي فوج جي ظلمن خلاف آواز بُلند ڪيو. هن چيو ته والاريل ڪشمير جي آزادي سندن بنيادي ۽ جمهوري حق آهي، گڏيل قومن جو اهو اخلاقي فرض آهي ته پنهنجي منشور تي عمل ڪرائي والاريل ڪشمير جي عوام کي آزاديءَ جو بنيادي حق ڏياري. آصف علي زرداري چيو ته عالمي منصف ۽ عالمي ميڊيا والايل ڪشمير جي عوام تي ڀارتي فوج جي وحشياڻي ظلمن خلاف آواز بلند ڪرڻ جي اخلاقي ذميداري پوري ڪن. هن چيو ته ضرورت ان ڳالهه جي آهي ته عالمي سطح تي سفارتي لاڳاپن کي مؤثر بڻائڻ لاءِ پارلياماني وفد جوڙي جيڪي ٻين ملڪن جي حمايت حاصل ڪرڻ لاءِ سياسي ۽ سفارتي فضا کي سازگار بڻائين. هن چيو ته پ پ جون اوورسيز تنظيمون والاريل ڪشمير جي آزاديءَ لاءِ ڀرپور آواز اُٿاري رهيون آهن

صوبن جا ٽيڪس وصولي اختيار ختم ڪريو يا اسان جو ادارو: ايف بي آر

اسلام آباد (م.ڊ) ايف بي آر خدمتن ۽ گُڊز تي جي ايس ٽي ۽ زرعي آمدني ٽيڪس صوبن وٽ هجڻ تي اعتراض واريندي ٽيڪس اوڳاڙي صوبن کان کسڻ جي باضابطا تجويز پيش ڪري ڇڏي، ايف بي آر جي ميمبر حامد عتيق سرور صحافين جي هڪ گروپ کي بريفنگ ڏيندي ٽيڪس گڏ ڪرڻ لاءِ انوکي تجويز پيش ڪئي، هن ٻڌايو ته ايف بي آر ۾ ٽيڪس گڏ ڪرڻ لاءِ سنگل ٽيڪس اٿارٽي قائم ڪرڻ گهرجي، صوبن سان خدمتن ۽ گُڊز تي جنرل سيلز ٽيڪس وصول ڪرڻ تي اختلاف آهن، هن چيو ته يا ايف بي آر کي ختم ڪيو وڃي يا وري صوبن کان ٽيڪس وصول ڪرڻ جا اختيار واپس ورتا وڃن، ايف بي آر عملدارن جو چوڻ آهي ته هلندڙ مالي سال جي 7 مهينن ۾ 20 کرب 60 ارب روپيا ٽيڪس وصول ڪيو ويو آهي، جڏهن ته ٽارگيٽ 22 کرب 51 ارب روپيا هو، 195 ارب ٽيڪس وصولي جي کوٽ آهي، جنوري ۾ 270 ارب روپيا جمع
ڪيا ويا. ستن مهينن ۾ آمدني ٽيڪس مان 630 ارب، وڌ هولڊنگ ٽيڪس مان 511 ارب رپيا اوڳاڙيا ويا. هن چيو ته پگهارن ۽ موبائل فون تي ٽيڪس ۾ گهٽتائي آئي آهي. هن چيو ته عليمه خان سان ڪو به خاص سلوڪ نه پيو ڪيو وڃي. هن کان ٽيڪس ۽ ڏنڊ جي رقم وصول ڪئي وئي آهي.

 

2100ع تائين هماليا ۽ هندوڪش جي هڪ ڏهائي برف رجهي ويندي: ماهرن جو انڪشاف

کٽمنڊو (ويب ڊيسڪ) سموري دنيا ۾ وڌندڙ گرمي يعني گلوبل وارمنگ سبب دنيا جي سڀ کان ڊگھي چوٽي وارو سلسلو هماليا جو هڪ ڏهائي ۾ برف 2100ع تائين رجهڻ جو خدشو آهي. اهو انڪشاف انٽرنيشنل سينٽر فارانٽگريٽڊ ڊيولپمنٽ ( آءِ سي آءِ موڊ) طرفان جاري ڪيل تجزياتي رپورٽ ۾ ڪيو ويو. اها رپورٽ 5 سالن اندر تيار ڪئي وئي جنهن ۾ 22 ملڪن ۽ 185 ادارن جي 350 کان وڌيڪ ماهرن جي مدد سان ورتي وئي.رپورٽ موجب 2100ع تائين هماليا ۽ هندوڪش جي تقريبن هڪ ڏهائي برف رجهي ويندي جنهن جي نتيجي ۾ درياهن ۾ شديد ٻوڏ پيدا ٿي ويندي.واضح رهي ته هماليا سڀني پهاڙي سلسلن مان ڊگھو جابلو سلسلو آهي جنهن ۾ دنيا جي سڀني کان ڊگھي چوٽي نيپال جو “مائونٽ ايورسٽ” موجود آهي. 8 هزار ميٽرن کان دنيا جو سڀئي چوٽيون هن سلسلي ۾ موجود آهن. ان سلسلي جي اونچائي کي سمجهڻ لاءِ اهو ڄاڻڻ ضروري آهي ته ان ۾ 7 هزار 2 سئو ميٽرن کان وڌيڪ اونچون 100 کان وڌيڪ چوٽيون آهن جڏهن ته ان کان ٻاهر دنيا جي بلند ترين چوٽي ڪوهه اينڊيز ۾ موجود اڪونڪا گوا آهي جنهن  جي اونچائي رڳو6 هزار 9 سئو 62 ميٽر آهي. سائنسدانن موجب وسيع برفاني گولن تي مشتمل هندوڪش ۽ هماليا جو اهو خطو انٽارڪٽيڪا ۽ آرڪٽڪ خطي کان بعد ٽيون قطب آهي. اهو خطو 3 هزار 5 سئو ڪلوميٽرن تي مشتمل آهي ۽ جبلن جو اهو سلسلو افغانستان، بنگلاديش، ڀوٽان، چين، ڀارت، ميانمار، نيپال ۽ پاڪستان تائين پکيڙيل آهي.رپورٽ موجب ان جي رجهڻ سبب يانگزي درياهه، ميڪونگ درياهه، سنڌو درياهه، گنگا ۾ ٻوڏ ايندي جتي هاري سوڪڙي دوران برفاني گولن جي رجهڻ سان حاصل ٿيندڙ پاڻي تي گزارو ڪندا آهن.ان ٻوڏ سان فصل کي گھڻو نقصان پهچندو جڏهن ته ڀرپاسي وارا علائقي دنياجي تاريخ تان مٽجي سگھن ٿا. ان خطي ۾ تقريبن 25 ڪروڙ ماڻهو جابلو علائقن ۾ رهن ٿا جڏهن ته ميداني علائقن ۾ رهڻ وارن جو انگ هڪ ارب 65 ڪروڙ آهي. ڄاڻايل رپورٽ جي سربراهي ڪندڙ فلپس ويسٽر جو چوڻ آهي ته اِهو اُهو ماحولياتي بحران آهي جنهن بابت ڪنهن به ناهي ٻڌو. گلوبل وارمنگ 8 ملڪن تان پکيڙجندي هماليا هندوڪش جي سلسلي ۾ موجود برفاني گولن سان ڍڪيل گھڻين چوٽين کي هڪ صدي ۾ ڀتن ۾ تبديل ڪري چڪي آهي. رپورٽ ۾ چيو ويو آهي ته جيڪڏهن 2015ع جي پيرس ماحولياتي مهائدي تحت گلوبل وارمنگ کي روڪڻ لاءِ سخت بندوبست به ڪيا وڃن تڏهن به 2100ع تائين خطي جي هڪ ڏهائي کان وڏيڪ برف رجهي ويندي، ۽ جيڪڏهن اسان هلندڙ سال دوران گرين هائوس گيسز جي روڪ ٿام ڪرڻ ۾ ناڪام ٿي وياسين ته ٻن ڏهائين ۾ برف رجهي ويندي.

 

 

ڪشميرين جي جدوجهد ڪامياب ٿيندي، پاڪستاني عوام ساڻن گڏ آهي: شاهه محمود قريشي

لنڊن (اين اين آءِ) پرڏيهي وزير شاهه محمود قريشي چيو آهي ته والاريل ڪشمير ۾ ڀارتي ظلمن جي خلاف ڀارت ۾ به آواز اٿي رهيو آهي لکين ڪشميرين جو آواز رائيگان نه ويندو ڪنهن بنيادي انساني حقن تحت معصوم ٻارڙن تي پيلٽ گن جي فائرنگ کي جائز سمجهيو پيو وڃي انهن ڏوهن جي جاچ لاءِ ڪميشن آف انڪوائري جو مطالبو ڪيون ٿا هو گذريل ڏينهن برطانوي پارليامينٽ ۾ آل پارٽيز پارليماني گروپ جي اهتمام هيٺ انٽرنيشنل ڪشمير ڪانفرنس کي خطاب ڪري رهيو هو سينيٽ پرڏيهي معاملن بابت اسٽيڊنگ ڪميٽي جي ميمبرن سينيٽر مشاهد حسين سيد جي قيادت ۾ پاڪستاني وفد ۽ برطانوي پارليامينٽ ميمبرن جي ڳچ انگ ڪانفرنس ۾ شرڪت ڪئي شاهه محمود قريشي چيو ته والاريل ڄمون ۽ ڪشمير انٽرنيشنل ڪانفرنس ۾ شريڪ ٿيندڙن جي ڳچ انگ جي موجودگي نهايت فائديمند ۽ حوصلو ڏيندڙ آهي مان پارليامينت ميمبرن، چيئرمين آل پارٽيز پارليماني گروپ جو خاص طور تي ٿورائتو آهيان جو هن نهايت اهم موضوع تي بين الاقوامي ڪانفرنس جو اهتمام ڪيو هن ناروي جي اڳوڻي وزرياعظم مسٽر شيل بونزويڪ، اڳوڻي آسٽريلوي سينترل لي رينن ۽ ملائيشا جي اسلامڪ مشاورتي ڪائونسل جي خاص نمائندي داتڪ سري شيخ احمد آوانگ ۽ ٻين جا ٿورا مڃيا هن چيو ته آل پارٽيز پارلياماني گروپ والاريل ڄمون ۽ ڪشمير ۾ انساني حقن جي خلاف ورزين کي اٿارڻ ۾ پنهنجو ڀرپور ڪردار ادا ڪيو جيڪا سٺي ڳالهه آهي هن چيو ته پارليماني گروپ والاريل ڄمون ۽ ڪشمير ۾ ڀارت ۾ انساني حقن جي خلاف ورزين کي اجاگر ڪرڻ نافذ ڀارتي ڪارا قانون ختم، پيلٽ گن جو استعمال روڪڻ جيلن کي معائني لا3 کوڳلڻ ۽ نامعلوم قبرن جي سڃاڻپ ڪرائڻ جي اهم نقطن تي زور ڀريو آهي هن چيو ته هڪ جمهوريت پسند انسان هئڻ سبب پنهنجي ذاتي حيثيت ۾ ڪشمير جي آزادي واري حق جو حامي ۽ هڪ اهڙي ملڪ جو پرڏيهي وزير آهيان جيڪو مسئلو ڄمون ۽ ڪشمير ۾ شروع کان ڌر طور هلي رهيو آهي اسان انهن آزادي جي متوالن سان ٻڌي جو اظهار ڪرڻ لاءِ گڏ ٿيا آهيون جيڪي ظلم برداشت ڪري به پنهنجي حقن تان نه هٽيا آهن هن چيو ته والاريل ڄمون ۽ ڪشمير ۾ جنت نظير وادي ٻري رهي آهي انسانيت رتورت آهي هر گذرندڙ ڏينهن سان بيگناهه هٿين خالي ڪشميرين تي بي سبب فائرنگ ۽ رتوڇاڻ جا واقعا وڌي رهيا آهن. ان موقعي تي سينيٽر ڊاڪٽر عاصف ڪرماني به شاهه محمود قريشي جي خطاب جي توثيق ڪندي چيو ته ڪشميرين کي ڏاڍ ذريعي سندس حقن کان محروم نٿو ڪري سگهجي.

 

صحت ڪارڊ اسان جي دور جو منصوبو آهي، حڪومت ان تي پنهنجو ليبل پئي هڻي: نواز شريف

لاهور ( ويب ڊيسڪ ) اڳوڻي وزيراعظم نواز شريف چيو آهي ته صحت ڪارڊ اسان جي دور جو منصوبو آهي، حڪومت اسان جي منصوبن تي پنهنجو ليبل هڻي رهيو آهي.  لاهور جي سروسز اسپتال ۾ مسلم ليگ ن اڳواڻن اڳوڻي وزيراعظم نواز شريف جي عيادت ڪئي. ان موقعي تي ميڊيا سان ڳالهائيندي نواز شريف چيو ته حڪومت جي ناقص پاليسين سبب معيشت جو خراب حال آهي. هن چيو ته  ڊاڪٽر مون کي چون ٿا ته ٽينشن نه ڪيو، اها ڳالهه انهن کي ڪرڻ گهرجي جيڪي مون کي ٽينشن ڏئي رهيا آهن.  نواز شريف چيو ته صحت ڪارڊ اسان جي دور جو منصوبو آهي، حڪومت اسان جي منصوبن تي پنهنجو ليبل هڻي رهي آهي.

 

ٽيڪس اوڳاڙي ۽ ملڪيتن جا اگهه طئي ڪرڻ صوبائي اختيار آهن، 18 هين آئيني ترميم کي ڇيڙڻ جا اڳرا نتيجا نڪرندا: خورشيد شاهه

اسلام آباد (بيورو رپورٽ) پ پ اڳواڻ خورشيد شاهه خبردار ڪندي چيو آهي ته 18 هين آئيني ترميم کي ڇيڙڻ جا اڳرا نتيجا نڪرندا.
پنهنجي جاري ڪيل بيان ۾ خورشيد شاهه چيو ته هن چيو ته حڪومت هميشه اسان جي خدشن جي ترديد ڪئي ته 18هين ترميم کي نه ڇيڙيو ويندو پر هاڻي ٻلي ٿيلهي کان ٻاهر اچي وئي آهي، 18هين ترميم جي حوالي سان اسان جا خدشا سچ ثابت ٿيڻ لڳا آهن، اسان هڪ ڀيرو ٻيهر آگاهه ڪرڻ چاهيون ٿا ته 18هين ترميم کي ڇيڙڻ جا نتيجا خطرناڪ هوندا.
هن چيو ته خدمتن تي جي ايس ٽي، زرعي ٽيڪس اوڳاڙي ۽ ملڪيتن جا اگهه طئي ڪرڻ جهڙا اختيار صوبائي اختيار آهن، اهي صوبائي اختيار واپس وٺڻ نه ڏينداسين. خورشيد شاهه چيو ته حڪومت نان اشوز کي اشو بڻائي عوام جو ڌيان اصل مسئلن کان هٽائي رهي آهي، حڪومت آهستي آهستي پنهنجي اصل ايجنڊا طرف اچي رهي آهي ۽ اها ايجنڊا عوام ۽ صوبن جي حقن تي ڌاڙو هڻڻ آهي، پر پيپلز پارٽي پنهنجي ٻين هم خيال جماعتن سان گڏجي حڪومت کي عوام جي حقن تي ڌاڙو هڻڻ نه ڏيندي.

 

شريف خاندان 2 ارب ڊالر ڏيڻ جي آڇ ڪئي ۽ هڪ ملڪ کي به وچ ۾ وڌو: فيصل واوڊا جي دعويٰ

اسلام آباد (اين اين آءِ/  ويب ڊيسڪ ) پاڻي وسيلن واري وفاقي وزير فيصل واوڊا چيو آهي ته شريف خاندان طرفان 2 ارب ڊالر ڏيڻ جي آڇ ڪئي وئي. هڪ انٽرويو ۾ فيصل واوڊا چيو ته عمران خان جي سياست جو طريقو اهو آهي ته ڏوهاري کان پئسا اوڳاڙيا وڃن ۽ کيس سزا به ڏني وڃي. هن چيو ته شريف خاندان مختلف ذريعن کان پئسن جي آڇ ڪئي ۽ هڪ ملڪ کي وچ ۾ به وڌو جنهن سان معذرت ڪئي وئي جڏهن ته 2 ارب ڊالر جي آڇ به ڪئي وئي. سندس چوڻ هو ته مخالف ڌر بار بار حڪومت ڊاهڻ جي ڳالهه ڪري ٿي پر ڪيرائي نه ٿي سگهي. فيصل واوڊا چيو ته جيڪڏهن نواز شريف 7 ارب ڊالر جي ڳالهه ڪري ته اسان وزيراعظم کي درخواست ڪنداسين تي معاملي تي غور ڪري. وفاقي وزير فيصل واوڊا چيو آهي ته هٿين خالي مظلوم ڪشميرين تي پيلٽ گن جي استعمال ڀارت کي بينقاب ڪري ڇڏيو آهي ڪشميرين سان پاڪستانين جو رت جو رشتو آهي بيگناهه ڪشميري نوجوانن ڀائرن ۽ ڀينرن جو رت رائيگان نه ويندو اڱاري تي ڪشمير ڊي تي پنهنجي پيغام ۾ ڀارت پاران ڪشمير ۾ انساني حقن جي خلاف روزين جي سخت مذمت ڪندي هن چيو ته هٿين خالي ڪشميرين تي پيلٽ گن جي استعمال ڀارت کي بي نقاب ڪري ڇڏيو آهي ۽ ڪيترائي بيگناهه ڪشميري پيلٽ گن جو نشانو بڻيا آهن هن ڀارتي فوج پاران ڪشميرين مائرن ڀينرن جي بي حرمتي کي ناقابل قبول قرار ڏيندي چيو ته ڪشمير ۾ سڀ کان وڏي جمهوريت جي دعويٰ ڪندڙ ڀارت جي حقيقت جو پول پڌرو پڌرو ٿي وڃي ٿو هن چيو ته ڀارت ڪشمير تي قبضو ڪيو آهي هزارين بيگناهه ڪشميرين آزادي جي جدوجهد ۾ پنهنجون جانيون قربان ڪيون آهن پر بيگناهه ڪشميري نوجاونن ڀائرن ۽ بينرن جو رت رائيگان نه 0يندو هن چيو ته هاڻي وقت اچي ويو آهي ته عالمي برادري ڀارت تي ڪشمير مسئلي جي حل لاءِ زور وجهي ڪشميرين سان پاڪستانين جو رت جو رشتو آهي هن چيو ته وزيراعظم عمران خان جي اڳواڻي ۾ موجوده حڪومتي دور ۾ ڪشمير مسئلي تي واضح اڳڀرائي ٿيندي ۽ پاڪستان بيگناهه ڪشميرين جي پرامن آزادي جي جدوجهد جي هميشه وانگر حمايت جاري رکندو پاڪستان ڪشمير تي ڪڏهن به ڪنهن قسم جي سوديبازي نه ڪندو.