تازيون خبرون
وڏي ڪريڪ ڊائون جو اعلان، ڪنهن کي نفرت پکيڙڻ نه ڏينداسين: وفاقي حڪومت - نئوديرو ۾ هٿياربندن هٿان 3 پورهيت قتل، وڏي وزير نوٽيس ورتو، جوابدارن جي گرفتاري جي هدايت - ڊيل گهرجي نه وري ڪا ڍر، اين آر او گهرندڙن جا نالا ته کڻو: پيپلز پارٽي - ارشاد رانجهاڻي قتل واري واقعي کي لساني رنگ نه ڏنو وڃي، اهو انسانيت جو قتل هوۡ: مراد علي شاهه - جيڪڏهن عورتن کي هيسائجڻ کان نٿا بچائي سگھو، اسان کي شرم اچڻ گھرجي: سپريم ڪورٽ - ساهيوال سانحو: ليبارٽري کي موڪليل سب مشين گنون ۽ پسٽل سانحي ۾ استعمال ئي نه ٿيڻ جو انڪشاف - ٿر ۾ خوراڪ جي کوٽ ۽ مختلف بيمارين وگهي وڌيڪ 2 ٻارڙا موت جو کاڄ بڻجي ويا - پي اي سي جو ميمبر بڻجڻ لاءِ پاڻ ناهي چيو عمران خان جي خواهش هئي، اسپيڪر غلط پيو وڃي: شيخ رشيد - احسن اقبال ٻڌائي ملتان سکر موٽروي جي ڊيل ڪرائڻ وارو ڪير هيو. ڇا جاويد صادق پرڏيهي ڪمپني جو ايجنٽ ۽ آپڪا فرنٽ مين نه هيو؟ : مراد سعيد - سنڌ جي ٿر ۾ 610 ملين ڪيوبڪ ميٽر پاڻي جي موجودگي جو انڪشاف

Daily Archives: February 5, 2019

آپريشن رد الفساد، سڪيورٽي فورسز جي ڪارروائي ۾ 3 دهشتگرد مارجي ويا

راولپنڊي ( ويب ڊيسڪ ) آپريشن رد الفساد تحت ڪيل انٽيليجنس بيسڊ آپريشن ۾ سڪيورٽي فورسز ڪي پي ۾ دهشتگردي جي وڏي ڪارروائي ناڪام بڻائي ڇڏي.  آءِ ايس پي آر موجب انٽيليجنس بيسڊ آپريشن ڏکڻ وزيرستان ۽ بلوچستان جي سرحدي علائقي گل ڪچ ۾ دهشتگردن جي هڪ ٿاڪ تي ڪيو ويو. فورسز کي ڏسي ڳجهي ٿاڪ ۾ لڪل دهشتگردن فائرنگ شروع ڪري ڏني ۽ ويجهن پهاڙن ۾ لڪي ويا. سڪيورٽي فورسز دهشتگردن جو پيڇو ڪيو ۽ فائرنگ جي شديد ڏي وٺ ۾ سمورا دهشتگرد مارجي ويا. ڪارروائي ۾ سمال مشين گنون، هينڊ گرنيڊز، مواصلاتي اوزار ۽ مقامي ڪرنسي هٿ ڪئي وئي. مارجي ويل دهشتگردن وٽان سڃاڻپ ڪارڊن کانسواءِ تحريڪ طالبان پاڪستان جا ڪارڊ به مليا آهن، ان ڳالهه جو پتو لڳايو پيو وڃي ته دهشتگردن جي سڃاڻپ ڪهڙي آهي ۽ ڪنهن سان واسطو آهي.

 

 

 

بلاول ڀٽو زرداري سان ٺاهه جي دعويٰ تنقيد ڪندڙ اِهو ناهن سوچي رهيا آهن ته اسان کي لٽيل پاڪستان ڏنو ويو: شيخ رشيد

فيصل آباد(ويب ڊيسڪ) ريلوي واري وفاقي وزير شيخ رشيد جو چوڻ آهي ته هن بلاول ڀٽو زرداري سان ٺاهه ڪري ورتو آهي. فيصل آباد ۾ پريس ڪانفرنس دوران شيخ رشيد چيو ته تنقيد ڪندڙ اِهو ناهن سوچي رهيا آهن ته اسان کي لٽيل پاڪستان ڏنو ويو، عوام کي بجلي ۽ گيس ۾ مار آصف زرداري ۽ نواز شريف جي ڪري کائڻي پئي، ڪيترائي ماڻهو آمريڪي صدر وٽ ويندا ته ڪاغذ تي لکيل پاس رکندا هئا، عمران خان ملڪ کي ڏيوالو ٿيڻ کان بچايو، هن جي پاليسين کي عالمي دنيا ۾ پذيرائي ملي رهي آهي. 2019ع ۾ عمران خان قوم کي ڏکيائين مان ڪڍندو. ريلوي واري وزير جو چوڻ هو ته غريب ماڻهو جي ڪيترن ئي سالن تائين ضمانت ناهي ٿيندي، پاڪستان ۾ وڏي ماڻهو کي گرفتار ناهي ڪيو ويندو، اقتدار ختم ٿيڻ بعد هي بيمارين ۾ مبتلا ٿي ويندا آهن، هي پڪڙجندا آهن ته مردن جيان ڪري پوندا آهن، وڏن چورن کي آئين ۽ قانون جي پڪڙ ۾ آڻڻ گهرجي، جيڪڏهن ائين ئي ڪرڻو آهي ته پوءِ ننڍن چورن کي به آزاد ڪيو وڃي. شيخ رشيد احمد جو چوڻ هو ته اسپيڪر روزاني شهباز شريف جا پروڊڪشن آرڊر جاري ڪندو آهي، مون کي خبر آهي ته پروڊڪشن آرڊر ڇو جاري ڪيا ويندا آهن، ان معاملي تي عمران خان جي دوستي جي ڪري چپ آهيان، جنهن ڏينهن مون ڳالهايو ته ڳالهه پري پري تائين ويندي.

 

 

 

” رانجها رانجها “ جي نوري انسٽاگرام تي به مشهور شخصيت بڻجي وئي

ڪراچي ( شو بز نيوز ) پاڪستاني ڊراما انڊسٽري ۾ پنهنجي اداڪاري جا جوهر ڏيکاريندڙ اقرا عزيز کي اداڪاري بعد هاڻ سماجي رابطن واري مشهور فوٽو شيئرنگ ايپ انسٽاگرام تي به مداحن طرفان ڀرپور موٽ ملي رهي آهي. اداڪارا اقرا عزيز 24 نومبر 1997ع تي سنڌ جي صوبائي راڄڌاني واري شهر ڪراچي ۾ هڪ سنڌي گهراڻي ۾ اک کولي ۽ 14 ورهين جي عمر کان فني سفر جي شروعات ڪئي، ڊراما سيريل مقدس ۾ ادا ڪيل مقدس جي ڪردار کيس شهرت جي بلندين تي پهچائي ڇڏيو.  ننڍڙي عمر ۾ اقرا عزيز ٽيليويزن جي مشهور ترين ڊرامن ڇوٽي سي زندگي ۽ خاموشي جو حصو رهي. اڄڪلهه اقرا عزيز مشهور ڊراما سيريل رانجها رانجها ۾ نوري جو ڪردار ادا ڪري رهي آهي. 17 ملين فالورن سان گڏ اقرا عزيز انسٽاگرام جي مشهور ترين شخصيتن ۾ شامل ٿيڻ جي ويجهو آهي. اقرا پنهنجي انسٽاگرام تي تمام گهڻو متحرڪ نظر ايندي آهي ۽ مداح سندس تصويرن تي تعريف ڪرڻ ڪڏهن ناهن وساريندا.

 

تاپسي پنو فلم ” مشن منگل “ جي شوٽنگ مڪمل ڪري ورتي

ممبئي (شوبز نيوز )بالي وڊ اداڪاره تاپسي پنو فلم ” مشن منگل “ جي شوٽنگ مڪمل ڪري ورتي .ڀارتي سڌ سماءِ جي ذريعن موجب ادڪاره تاپسي پنو انسٽا گرام تي هدايتڪار جگن شڪتي جي فلم ” مشن منگل “ جي سيٽ تي ٺاهيل تصوير شيئر ڪندي چيو آهي ته هڪ ٻيو خوبصورت سفر ختم ٿي ويو آهي . ان فلم سان مون کي ٽيم ورڪ جو هڪ حقيقي ڊيمو مليو آهي ۽ زبردست اسٽار ڪاسٽ سان گڏ ڪم ڪرڻ جو تجربو گهڻو شاندار هو . فلم هلندڙ سال 15 آگسٽ تي ريلز ڪئي ويندي .

 

عثمان شنواري ٽي 20 انٽرنيشنل ڪرڪيٽ ۾ مهانگو ترين پاڪستان بالر بڻجي ويو

جوهانسبرگ(اسپورٽس نيوز) عثمان شنواري ٽي 20 انٽرنيشنل ڪرڪيٽ ۾ مهانگو ترين پاڪستاني بالر بڻجي ويو. هن ڏکڻ آفريقا خلاف ٻي ٽي 20 ميچ ۾ 4 اوورز ۾ 63 رنسون اسڪور ڪرايون. هن ان اعزاز ۾ هم وطن بالر فهيم اشرف کي پويان ڇڏي ڏنو جنهن 2018ع ۾ نيوزيلينڊ خلاف ميچ ۾ 4 اوورز ۾ 55 رنسون اسڪور ڪرايون هيون.

 

گورنمينٽ گرلس ڊگري ڪاليج شڪارپور ۾ انٽر ڪاليجئيٽ گرلس ٿرو بال جا مقابلا

شڪارپور (اسپورٽس نيوز) سنڌ ڪاليج گيمز جي حوالي سان ۾ گورنمينٽ گرلس ڊگري ڪاليج شڪارپور جي ميزباني ھيٺ انٽر ڪاليجئيٽ گرلس ٿرو بال جا مقابلا ٿيا جنھن ۾ گورنمينٽ گرلس ڊگري ڪاليج شڪارپور، گورنمينٽ گرلس جيڪب آباد، گورنمينٽ گرل ڊگري ڪاليج لاڙڪاڻو ۽ بيگم نصرت ڀٽو گورنمينٽ گرل ڪاليج لاڙڪاڻو جي ٽيمن شرڪت ڪئي. فائنل ميچ ۾ گورنمينٽ گرلس ڊگري ڪاليج شڪارپور جي ٽيم، گرلس ڪاليج جيڪب آباد جي ٽيم کي 4-15- ۽ 7-15 جي اسڪور تان شڪست ڏئي لاڙڪاڻو ريجن جو چيمئن جو اعزاز حاصل ڪيو. ان ۾ مھمان خاص محمد افضل شيخ، ھئا جن کٽيندڙ ۽ ھارئيندڙ ٽيمن کي ٽرافيون، ميڊل ۽ ٻيا انفرادي انعام ڏنا، جڏھن ته پرنسپال ميڊم ڪزبانو خاص مھمان کي اجرڪ ۽ گلن جو تحفو پيش ڪيو. جڏھن ته خاص مھمان تقريب کي خطاب ڪندي چيو ته رانديون صحت مند معشاري جي نشاني آھي ۽ ان سلسلي کي جاري رکنديو ويندو. ھن چيو ته ٻار تمام بھترين محنتي ڪري رھيا آھن جن کي جس ھجي ان موقعي تي نصر الله ميمڻ ڊائريڪٽر فزيڪل ايجوڪيشن جن موجود ھئا جن سمورو پروگرام آرگنائيز ڪيو سندس کي شاندار آرگنائيزيشن ڪرڻ تي شيلڊ پيش ڪئي.