تازيون خبرون

Daily Archives: December 7, 2018

ٿر ڪول منصوبو نيب حوالي، سپريم ڪورٽ ڊاڪٽر ثمر خلاف ڪارروائي جو حڪم ڏئي ڇڏيو

اسلام آباد (اين اين آءِ) سپريم ڪورٽ ٿر ڪول گيسيفڪيشن پاور پراجيڪٽ بابت ڪيس ۾ نيب کي مشهور ايٽمي سائنسدان ڊاڪٽر ثمبر مبارڪ ۽ ٻين خلاف جاچ جو حڪم ڏئي ڇڏيو، خميس تي چيف جسٽس ثاقب نثار جي سربراهي ۾ 3 ميمبرن واري بينچ ٿر ڪو گيسيفڪيشن پاور پراجيڪٽ بابت ڪيس جي ٻڌڻي ڪئي، آڊيٽر جنرل پاران آڊٽ رپورٽ پيش ڪئي وئي، ڊپٽي اٽارني جنرل عدالت کي ٻڌايو ته هن منصوبي کي هلائڻ سنڌ حڪومت جي ذميواري هئي، جنهن تي جسٽس اعجاز الحسن ريمارڪس ڏنا ته گذريل ڏينهن سنڌ حڪومت چيو ته 8 کان 10 ارب رپيا لڳڻ کانپوءِ نئين گاج ڊيم نه گهرجي، ٿر ڪول منصوبي تي 4 ارب رپيا لڳي چڪا آهن سڀ چون ٿا ته اهو منصوبو نه گهرجي، ان تي ڊپٽي اٽارني جنرل چيو ته هن وقت تائين 4 ارب 69 ڪروڙ خرچ ٿيا آهن، اٽڪل پوڻا 5 ارب رپيا خرچ ٿيڻ جي باوجود بجلي پيدا ناهي ٿي، جنهن تي چيف جسٽس ريمارڪس ڏنا ته ثمر مند مبارڪ چيو هو ته بجلي سان ملڪ کي مالا مال ڪندس، جيڪي اربين رپيا خرچ ٿيا انهن جو حساب ڪير ڏيندو، ثمر مبارڪ چيو ته هڪ ارب رپيا فزيبلٽي تي لڳي ويا، حڪومت وڃي ڏٺو ته منهنجو منصوبو هلي رهيو آهي ان کانپوءِ منصوبو منظور ٿيو، جنهن تي ڊپٽي اٽارني جنرل عدالت کي ٻڌايو ته هي منصوبو هلائڻ سنڌ حڪومت جي ذميواري آهي، چيف جسٽس ريمارڪس ڏنا ته آڊٽ رپورٽ اچي وئي آهي، نيب ايڪشن کڻي، ثمر مبارڪ مند ۽ ٻين جي خلاف ايڪشن وٺي، چيف جسٽس چيو ته سڌي ڳالهه آهي ته 4 ارب رپين کان وڌيڪ پيسا لڙهي ويا، ذميوار ثمر مبارڪ آهي، هن وڏي دعويٰ ڪئي هئي ته پاڪستان کي بجلي مفت ملندي، ايترا پيسا خرچ ٿيڻ کانپوءِ منصوبو بند ڪيو ويو، هاڻ ته ان وٽ 20 بهانا هوندا. هن ريمارڪس ڏنا ته ٿر ڪول منصوبي جي هنڌ وٽان ماڻهو سامان به کڻي ويا، منصوبي سان قومي خزاني کي وڏو نقصان ڏنو ويو، ايڊووڪيٽ جنرل سنڌ ٻڌايو ته سنڌ حڪومت منصوبي جي سمورين شين تي قبضو ڪرڻ چاهي ٿي جنهن تي چيف جسٽس چيو ته ان حوالي سان وفاقي حڪومت سان رابطو ڪريو جنهن کانپوءِ عدالت ٿر ڪول منصوبو نيب ڏانهن موڪليندي حڪم ڏنو ته آڊٽ رپورٽ جي نتيجي ۾ نيب ثمر مند مبارڪ ۽ ٻين جي خلاف ڪارروائي ڪري، عدالت ٿرڪول منصوبي تي وفاقي حڪومت کي 6 هفتن ۾ جائزي واري رپورٽ پيش ڪرڻ جي هدايت ڪندي ٻڌڻي اڻڄاتل مدي تائين ملتوي ڪري ڇڏي.

 

 

آمريڪا افغانستان مسئلي تي تحريڪ انصاف جو موقف قبوليو: وزيراعظم

اسلام آباد ( ويب ڊيسڪ ) وزيراعظم عمران خان چيو آهي ته پاڪستان اڄ ٽياڪڙي لاءِ مرڪزي ڪردار ادا ڪري رهيو آهي،  افغانستان جي مسئلي تي آمريڪا تحريڪ انصاف جو موقف قبولي رهيو آهي. وفاقي ڪابينا جي اجلاس کي خطاب ڪندي وزيراعظم عمران خان چيو ته آمريڪي خاص نمائندي زلمي خليل زاد سان ملاقات ٿي جنهن ۾ افغان امن عمل تي ڳالهيون ٿيون آهن، خوشي آهي ته 15 سالن کان اسان جيڪو چئي رهيا آهيون ته افغان مسئلي جو حل فوجي ناهي پر هاڻي آمريڪا به قبول ڪري ٿو آمريڪا تحريڪ انصاف جي موقف کي قبول ڪيو آهي. هن چيو ته آمريڪا افغانستان ۾ امن ۽ افغان طالبان سان ڳالهين لاءِ لاءِ اسان جي همدردي چاهي ٿو، پاڪستان اڄ ٽياڪڙي لاءِ مرڪزي ڪردار ادا ڪري رهيو آهي،  مان هميشه سمجهندو هيس ته ڊو مور بدران اسان جو ڪردار ٽياڪڙي جو هئڻ گهرجي ته جيئن اسان امن لاءِ ڪردار ادا ڪيون پر اسان کي اهڙي نموني ٽريٽ ڪيو ويو ته ڪنهن ٻئي جي جنگ وڙهڻ لاءِ امداد ڏني پئي وڃي. سندس چوڻ هو ته ڪنهن ٻئي جي جنگ جي جنگ جو حصيدار ٿيڻ بدران اسان جو اصل ڪردار ٽياڪڙي ڪرائڻ آهي، اسان يمن ۾ امن عمل اڳتي وڌائڻ جي ڳالهه ڪئي، ايران ۽ سعودي عرب کان ان حوالي سان ڳالهيون ڪيون، ايراني پرڏيهي وزير اسان کي يمن جنگ  ختم ڪرڻ ۾ ڪردار ادا ڪرڻ جو چيو.  وزيراعظم عمران خان چيو ته ڪرتارپور راهداري کي ڀارت بدقسمتي سان سياسي فائدي جو رنگ ڏنو آهي، معاملي تي حڪومت پورو زور ڀريو، اهو اسان جو فرض آهي، جيڪڏهن پاڪستان ۾ ڪنهن جا مذهبي هنڌ آهن ته سندن مدد ڪرڻ گهرجي، اسان ڪي نيون شيون نه ڪري رهيا آهيون اهو اسان جي منشور جو حصو آهي. هن چيو ته ڪرتارپور معاملي تي سک برادري جيڪو رد عمل ڏيکاريو تنهن تي خوشي آهي، جهڙي نموني اسان لاءِ مدينو آهي سکن لاءِ ڪرتاپور، اميد ڪيون ٿا ته ڀارت عمل به رد عمل ڏيندو.  معاشي صورتحال تي ڳالهائيندي وزيراعظم عمران خان چيو ته مشڪل حالتن ۾ معاشي ٽيم پرفارم ڪيو جنهن جو کيس اسپيشل ڪريڊٽ ڏيڻ چاهيان ٿو، واپار، ناڻي ۽ منصوبابندي خراب حالتن ۾ پنهنجو ڪردار ادا ڪيو.هن چيو ته مخالف خراب حالتن جي اڳڪٿي ڪن ٿا، جيڪڏهن خراب حالتون هجن ها ته سيڙپڪاري ڪئين اچي ها، اڄ سوزوڪي، ڪوڪ، پيپسي ۽ ايگزون ملين ڊالر سيڙپڪاري جو فيصلو ڪيو آهي، فونٽين وارا ٽيڪنالوجي ٽرانسفارمر ڪرڻ لاءِ اسڪول کوليندا ۽ اسان جي ماڻهن کي تربيت ڏيندا، سمورين شين جو ڪريڊٽ اسان جي معاشي ٽيم کي وڃي ٿو، مشڪل حالتن ۾ اسان اهڙو ماحول ٺاهيو جو ماڻهو سيڙپڪاري ڪرڻ لاءِ اچي رهيا آهن، سيڙپڪاري سان ئي ملڪ مٿي ويندو آهي.

 

 

 

وقت کان اڳ چونڊن لاءِ هر وقت تيار آهيون: نواز شريف

اسلام آباد (اين اين آءِ) پاڪستان مسلم ليگ (ن) جي اڳواڻ اڳوڻي وزيراعظم نوازشريف چيو آهي ته مسلم ليگ (ن) وقت کان اڳ چونڊن لاءِ تيار آهي وقت کان اڳ چونڊن جي ڳالهه تي عوام خوشي جو اظهار ڪيو آهي عوام خوش آهي ته جلد اسان جي جند آجي ٿيڻ واري آهي خميس تي محمد نوازشريف احتساب عدالت ۾ صحافين سان غير رسمي ڳالهه ٻولهه ڪندي چيو ته وقت کان اڳ چونڊن جي ڳالهه تي عوام خوشي ظاهر ڪئي آهي. عوام خوش آهي ته جلد اسان جي جند ڇٽڻ واري آهي هن چيو ته فافن جي رپورٽ موجب 53 حلقن جو فتح جو مارجن رد ٻن ووٽن کان گهٽ آهي رپورٽ مان ظاهر اهي ته 53 حلقن ۾ ڌانڌلي ٿي اڳوڻي وزيراعظم چيو ته اسان سنجيده سياست جا قائل آهيون ۽ مسلم ليگ (ن) وقت کان اڳ چونڊن جي لاءِ هر وقت تيار آهي نوازشريف آصف علي زرداري جي ڪرپشن ڪيسن تي ڳالهائڻ کان پاسو ڪندي چيو ته هي ته پنهنجي مٿان عدم اعتماد ڪرڻ واري ڳالهه آهي.

 

 

اصولن جي سياست ڪئي يوٽرن ناهي ورتو، جيئي ڀٽو جو نعرو هڻي اسان ٽن آمرن کي گهر موڪليو : بلاول ڀٽو زرداري

اسلام آباد ( ويب ڊيسڪ ) افغان معاملن بابت آمريڪي سفير زلمي خليل آزاد جي پاڪستان جي دوري بابت گڏيل پڌرنامو جاري ڪيو ويو آهي ته مفاهمت عمل جو مقصد اهو آهي ته افغانستان مستقبل ۾ ڪڏهن به عالمي دهشتگردي لاءِ استعمال نه ٿي سگهي. پڌرنامي موجب زلمي خليل آزاد وزيراعظم، پرڏيهي وزير، پرڏيهي سيڪريٽري، آرمي چيف ۽ ڪيترن ئي سفيرن سان ملاقاتون ڪيون جنهن ۾ هن مسئلي جي سياسي حل لاءِ آمريڪي عزم جي واکاڻ ڪئي. پڌرنامي ۾ چيو ويو آهي ته مفاهمتي عمل جو مقصد اهو آهي ته افغانستان مستقبل ۾ ڪڏهن به عالمي دهشتگردي لاءِ استعمال نه ٿي،  40 سالن جي وڳوڙن جي خاتمي لاءِ خطي جي سڀني ملڪن کي فائدو ٿيندو. آمريڪي خاص نمائندو زلمي خليل زاد دورو مڪمل ڪري خاص جهاز ذريعي ڪابل روانو ٿي ويو آهي.