تازيون خبرون

Daily Archives: June 7, 2018

نيب نواز شريف ۽ شاهد خاقان عباسي خلاف جاچ جي منظوري ڏئي ڇڏي

اسلام آباد(ويب ڊيسڪ) نيب اڳوڻي وزير اعظم نواز ۽ شاهد خاقان عباسي جي خلاف اختيارن جو ناجائز استعمال تي جاچ جي منظوري ڏئي ڇڏي.نيب طرفان جاري ڪيل پريس ريليز موجب چيئرمين نيب جسٽس(ر) جاويد اقبال جي صدارت هيٺ نيب جي ايگزيڪٽو بورڊ جو اجلاس ٿيو جنهن ۾ اڳوڻن وزير اعظمن نواز شريف ۽ شاهد خاقان عباسي سميت ٻين جي خلاف جاچ جي منظوري ڏني وئي. جاري ڪيل پريس ريليز موجب نواز شريف ۽ شاهد خاقان عباسي جي خلاف اختيارين جو ناجائز استعمال ڪرڻ جو الزام آهي، ٻنهي شخصيتن قانون جي خلاف من پسند ڪمپني کي 15 ورهين لاءِ ايل اين جي ٽرمينل جو ٺيڪو ڏنو جنهن سان قومي ناڻي کي مبينا طور تي اربين رپين جو نقصان ٿيو. اڳوڻي وزير اعظم شاهد خاقان عباسي کي ان جاچ ۾ پيٽروليم جي اڳوڻي وزير طور شامل ڪيوويو آهي. نيب پڌرائي ۾ ٻڌايو ويو آهي ته ايگزيڪٽو بورڊ سنڌ جي اڳوڻي وڏي وزير، ثقافت کاتي واري اڳوڻي سيڪريٽري ٽورزم اينڊ اينٽيڪ ڊيپارٽمنٽ حڪومت سنڌ جي آفيسرن ۽ اهلڪارن ۽ ٻين جي خلاف پڻ جاچ جي منظوري ڏني آهي، جوابدارن تي مبينا طور تي اختيارين جو ناجائز استعمال ڪندي سنڌ ثقافت فيسٽول 2014 ۾ قانون جي خلاف ٺيڪو ڏنو ۽ ڪرپشن جو الزام آهي جنهن ۾ قومي ناڻي کي تقريبن 127 ملين رپين جو نقصان پهتو. نيب ايگزيڪٽو بورڊ پنجاب جي اڳوڻي وڏي وزير، لڳاپيل سڪريٽرين، چنيوٽ کان اڳوڻي ايم پي اي ۽ رمضان شوگر ملز لميٽڊ چنيوٽ جي انتظاميا خلاف جاچ جي منظوري ڏني. جوبدارن تي مبينا طور تي اختيارين جو ناجائز استعمال ڪندي قومي ناڻي کي وڏو نقصان پهچائڻ جو الزام آهي. پريس ريليز موجب نيب ايگزيڪٽو بورڊ اڳوڻي چيئرمين ڪراچي پورٽ ٽرسٽ وائس ايڊمرل ريٽائرڊ احمد حيات، اڳوڻي جنرل مينيجر ڪي پي ٽي بريگيڊيئر ريٽائرڊ سيد جمشيد زيدي ۽ ميسرز ڪراچي انٽرنيشنل ڪينٽينرز ٽرمينل جي خلاف ڪرپشن جو ريفرنس داخل ڪرڻ جي به منظوري ڏني وئي. پڌرائي ۾ ٻڌايو ويو آهي ته جوابدارن مٿان مبينا طور تي اختيارين جو ناجائز استعمال ڪندي غيرقانوني طور تي ڪنٽريڪٽ ۾ واڌ ڪرڻ جو الزام آهي جنهن سان قومي ناڻي کي تقريبن 21 ارب رپين جو نقصان پهتو. ايگزيڪٽو بورڊ جي اجلاس ۾ بلوچستان جي اڳوڻي صوبائي وزير شيخ جعفر خان ۽ ڊپٽي ڊائريڪٽر واٽر مينجمنٽ عبدالطيف خان جي خلاف جاچ جي منظوري ڏني، جوابدارن تي مبينا طور تي اختيارن جو ناجائز استعمال ۽ آمدني کان وڌيڪ اثاثا ٺاهڻ جو الزام آهي. نيب طرفان جاري ڪيل پريس رليز موجب بورڊ بلوچستان جي اڳوڻي صوبائي وزير عبيدالله ۽ ٻين جي خلاف انڪوائري جي منظوري ڏني آهي، جوابدارن تي مبينا طور تي اختيارن جو ناجائز استعمال ڪندي فنڊن ۾ ڳوٻهين ۽ آمدني کان وڌيڪ اثاثا ٺاهڻ جو الزام آهي جنهن سان قومي ناڻي کي وڏو نقصان ٿيو.نيب ايگزيڪٽو بورڊ اڳوڻي اسپيڪر، ڊپٽي اسپيڪر۽ عبدالله خانم سيڪريٽري گلگت بلتستان قانون ساز اسمبلي سيڪريٽريٽ ۽ ٻين جي خلاف قانوني جاچ جي منظوري ڏني آهي، جوبدارن تي مبينا طور تي اختيارن جو ناجائز استعمال ڪرڻ جو الزام آهي، جنهن سان قومي ناڻي کي وڏو نقصان پهتو. قومي احتساب بيور جي جاري ڪيل پريس رليز موجب ايگزيڪٽو بورڊ جي اجلاس ۾ اڳوڻي ايم پي اي تحصيل ڪوٽ ادوجواد ڪامران کر ۽ ٻين جي خلاف جاچ جي منظوري ڏني وئي، جوابدارن تي مبينا طور تي مظفرڳڙهه ۾ دستاويزن ۾ خرد بُرد ڪري سرڪاري ايراضي الاٽ ڪرائڻ جو الزام آهي. ان کان سواءِ ايگزيٽو بورڊ پيراگون هائوسنگ سوسائٽي جي انتظاميا ۽ بين جي خلاف به جاچ جي منظوري ڏني.

 

واپڊاچيئرمين ڪالا باغ ڊيم تي سنڌ جي خدشن کي بالڪل درست قرار ڏئي ڇڏيو

اسلام آباد(ويب ڊيسڪ) واٽر اينڊ پاور ڊويلپمينٽ اٿارٽي (واپڊا) جي چيئرمين ڪالا باغ ڊيم تي سنڌ جي خدشن کي بالڪل درست قرار ڏئي ڇڏيو. سينيٽر شميم آفريدي جي صدارت هيٺ سينيٽ جي اسٽيڊنگ ڪميٽي  جو اسلام آباد ۾ اجلاس ٿيو. چيئرمين واپڊا مزمل حسين شرڪت ڪندڙن کي بريفنگ ڏيندي ٻڌايو ته جيستائين اتفاق راءِ نه ٿيندي ڪالا باغ ڊيم تي ڪم شروع نه ڪنداسين، جيڪڏهن ڪالا باغ ڊيم تعمير ٿيو ته ان جو آپريشن سنڌ جي حوالي ڪئي وڃي، سنڌ جا خدشا درست آهن، سنڌ کي خدشو آهي ته ڪالا باغ ڊيم مان پنجاب کي پاڻي ڏنو ويندو. واپڊ جي چيئرمين چيو ته ديامر ڀاشا ڊيم تي ڪم جو آغاز ڪرڻ ۾ زمين جي مالڪن طرفان ڏکيائيون آهن، ڊيم جي زمين خيبرپختونخواهه ۽ گلگت بلتستان ٻنهي ۾ ورهايل آهي، جڏهن به ڪم شروع ڪندا آهيون ته ٻنهي پاسن کان ماڻهو فائرنگ شروع ڪري ڏيندا آهن، هن وقت تائين اسان جا 12 ماڻهو مارجي چڪا آهن، حڪومتون به اسان سان سهڪار ناهن ڪري رهيون، هن وقت تائين ان منصوبي جي لاءِ 80 ارب رپيا ڏئي چڪا آهيون، 2006ع ۾ آبادي جي منتقلي جو منصوبو غلط بڻايو ويو، اسان آبادڪاري جي تجويز ڏني پر اسان جون تجويزون نه پيون مڃيون وڃن. واپڊا جي چيئرمين ملڪ ۾ ڪمند جو فصل پوکڻ جي مخالفت ڪندي چيو ته ڪمند ۽ ٻين وڌيڪ پاڻي استعمال ڪندڙ فصلن جي پوک گهٽ ڪرڻ گهرجي، پنجاب ۽ سنڌ ۾ آبپاشي جي لاءِ استعمال ٿيندڙ 50 سيڪڙو پاڻي ضايع ٿي ويندو آهي، پاڻي ماپڻ جي لاءِ لڳايل ٽيلي  ميٽري سسٽم به ٽوڙيو ويو آهي، پاڪستان وٽ 30 ڏينهن جو پاڻي جو ذخيرو ڪرڻ جي صلاحيت آهي، ڀارت 170 ڏينهن جي لاءِ پاڻي ذخيرو ڪرڻ جي صلاحيت رکي ٿو. مزمل حسين وڌيڪ چيو ته ڀارت وٽ 943 ڊيم آهن، پاڪستان وٽ رڳو 155 ننڍا وڏا ڊيم آهن، پاڻي جي چوري سڀ کان وڏو مسئلو آهي، نو لک 60 هزار ٽيوب ويلز ملڪ ۾ هلي رهيون آهن جنهن جي ڪري زمين هيٺ پاڻي گهٽ ٿي ويو آهي، نيسپاڪ ۾ 192 سفارشي ڀرتي ڪيا ويا آهن، سياسي ڀرتين جي ڪري اِهو ادارو تباهه ٿي چڪو آهي.

 

سويلين ماڻهن کي ايف آءِ اي اڳيان پيش ٿيڻو پوندو: چيف جسٽس

اسلام آباد(ويب ڊيسڪ) واٽر اينڊ پاور ڊويلپمينٽ اٿارٽي (واپڊا) جي چيئرمين ڪالا باغ ڊيم تي سنڌ جي خدشن کي بالڪل درست قرار ڏئي ڇڏيو. سينيٽر شميم آفريدي جي صدارت هيٺ سينيٽ جي اسٽيڊنگ ڪميٽي  جو اسلام آباد ۾ اجلاس ٿيو. چيئرمين واپڊا مزمل حسين شرڪت ڪندڙن کي بريفنگ ڏيندي ٻڌايو ته جيستائين اتفاق راءِ نه ٿيندي ڪالا باغ ڊيم تي ڪم شروع نه ڪنداسين، جيڪڏهن ڪالا باغ ڊيم تعمير ٿيو ته ان جو آپريشن سنڌ جي حوالي ڪئي وڃي، سنڌ جا خدشا درست آهن، سنڌ کي خدشو آهي ته ڪالا باغ ڊيم مان پنجاب کي پاڻي ڏنو ويندو. واپڊ جي چيئرمين چيو ته ديامر ڀاشا ڊيم تي ڪم جو آغاز ڪرڻ ۾ زمين جي مالڪن طرفان ڏکيائيون آهن، ڊيم جي زمين خيبرپختونخواهه ۽ گلگت بلتستان ٻنهي ۾ ورهايل آهي، جڏهن به ڪم شروع ڪندا آهيون ته ٻنهي پاسن کان ماڻهو فائرنگ شروع ڪري ڏيندا آهن، هن وقت تائين اسان جا 12 ماڻهو مارجي چڪا آهن، حڪومتون به اسان سان سهڪار ناهن ڪري رهيون، هن وقت تائين ان منصوبي جي لاءِ 80 ارب رپيا ڏئي چڪا آهيون، 2006ع ۾ آبادي جي منتقلي جو منصوبو غلط بڻايو ويو، اسان آبادڪاري جي تجويز ڏني پر اسان جون تجويزون نه پيون مڃيون وڃن. واپڊا جي چيئرمين ملڪ ۾ ڪمند جو فصل پوکڻ جي مخالفت ڪندي چيو ته ڪمند ۽ ٻين وڌيڪ پاڻي استعمال ڪندڙ فصلن جي پوک گهٽ ڪرڻ گهرجي، پنجاب ۽ سنڌ ۾ آبپاشي جي لاءِ استعمال ٿيندڙ 50 سيڪڙو پاڻي ضايع ٿي ويندو آهي، پاڻي ماپڻ جي لاءِ لڳايل ٽيلي  ميٽري سسٽم به ٽوڙيو ويو آهي، پاڪستان وٽ 30 ڏينهن جو پاڻي جو ذخيرو ڪرڻ جي صلاحيت آهي، ڀارت 170 ڏينهن جي لاءِ پاڻي ذخيرو ڪرڻ جي صلاحيت رکي ٿو. مزمل حسين وڌيڪ چيو ته ڀارت وٽ 943 ڊيم آهن، پاڪستان وٽ رڳو 155 ننڍا وڏا ڊيم آهن، پاڻي جي چوري سڀ کان وڏو مسئلو آهي، نو لک 60 هزار ٽيوب ويلز ملڪ ۾ هلي رهيون آهن جنهن جي ڪري زمين هيٺ پاڻي گهٽ ٿي ويو آهي، نيسپاڪ ۾ 192 سفارشي ڀرتي ڪيا ويا آهن، سياسي ڀرتين جي ڪري اِهو ادارو تباهه ٿي چڪو آهي.

 

وقت کان اڳ چونڊون،  ڌانڌلي جي شروعات ٿي چڪي آهي: نواز شريف

اسلام آباد (اين اين آءِ) پاڪستان مسلم ليگ (ن) جي اڳواڻ اڳوڻي وزيراعظم نوازشريف چيو آهي ته ملڪ ۾ چونڊن کان اڳ ڌانڌلي جو بحث ٿيندو رهي ٿو ۽ ان جي شروعات ٿي چڪي آهي هر ڳالهه تي پاڻمرادو نوٽيس ورتو وڃي ٿو جڏهن مسلم ليگ _(ن) جي ماڻهن کي ٻين جماعتن ۾ شامل ڪيو وڃي ٿو ته نوٽيس ناهي هوندو تبديلي کي ڪوئي روڪي نٿو سگهي تبديلي ضرور هوندي جيڪا ملڪ لاءِ اڻٽر آهي اربع تي احتساب عدالت ۾ صحافين سان غير رسمي ڳالهه ٻولهه دوران نوازشريف چيو ته چونڊن کان اڳ ڌانڌلي جي شروعات کان ان کان وقت کان ٿي جڏهن مون کي مسلم ليگ (ن) جي صدارت تان هٽايو ويو ۽ مون کي سڄي زندگي لاءِ نااهل قرار ڏنو ويو اڳوڻي وزيراعظم چيو ته هر ڳالهه تي پاڻمرادو نوٽيس ورتو وڃي ٿو جڌڏهن مسلم ليگ جي ماڻهن کي ٻين جماعتن ۾ شامل ڪيو وڃي ٿو ته ڪوئي نوٽيس ناهي هوندو نوازشريف چيو ته سينيٽ چونڊن ۾ اسانجي اميدوارن کي پارٽي ٽڪيٽ کان محروم ڪيو ويو ڇا ڪوئي اهڙو مثال موجود آهي ته پارٽي ٽڪيٽ کان محروم ڪيو ويو هجي اڳوڻي وزيراعظم چيو ته تبديلي کي ڪوئي نٿو روڪي سگهي تبديلي ضرور ايندي جيڪا ملڪ لاءِ اڻٽر آهي ريحام خان جي ڪتاب بابت سوال تي نوازشريف چيو ته ريحام خان جي ڪتاب بابت عمران خان يا ان جي ماڻهن کي خبر هوندي مون کي نه آهي ان بابت صرف اخبارن ۾ پڙهي رهيو آهيان صحافي پاران پڇا ڪئي ويئي ته سپريم ڪورٽ اوهان کي گهرايو آهي ڇا چوندا جنهن تي نوازشريف چيو ته ظفرالله صاحب اچي رهيو آهي ان سان مشاورت ٿيندي صحافين تي تشدد ۽ اغوا بابت هن چيوت ه هن ملڪ ۾ اهڙي طرح سان ڪجهه ماڻهو آپريٽ ڪري رهيا آهن.

 

آرمي چيف جي نگران وزير اعظم سان سان ملاقات، مختلف معاملن تي ڳالهيون

اسلام آباد (اين اين آءِ( نگران وزيراعظم ناصرالملڪ سان آرمي چيف جنرل قمر جاويد باجوه ملاقات ڪئي. نگران وزيراعظم ۽ آرمي چيف جنرل قمر جاويد باجوه جي پهرين ملاقات وزيراعظم آفيس ۾ ٿي جنهن ۾ پاڪ فوج جي سربراهه جسٽس (ر) ناصرالملڪ کي عهدو سنڀالڻ تي مبارڪو ڏيندي نيڪ خواهشن جو اظهار پڻ ڪيو. نگران وزيراعظم ۽ آرمي چيف جي ملاقات ۾ ملڪي سلامتي، پيشوراڻي امور ۽ ملڪي سياسي عمالن تي ڳالهه ٻولهه ڪئي ويئي آرمي چيف پاران نگران وزيراعظم کي چونڊن جي سلسلي ۾ مڪمل سيڪيورٽي فراهم ڪرڻ جو يقين ڏياريو. ياد رهي ته نگران وزيراعظم جسٽس (ر) ناصرالملڪ وفاقي حڪومت کي آئيني مدت پوري ٿيڻ کان پوءِ وزيراعظم مقرر ڪيو ويو آهي.

 

اسحاق ڊار خلاف آمدني کان وڌيڪ اثاثا ٺاهڻ واري ڪيس ۾ 21 بينڪ ٽرانزيڪشن جو رڪارڊ عدالت ۾ پيش

اسلام آباد(ويب ڊيسڪ) اسحاق ڊار خلاف آمدني وڌيڪ اثاثا ٺاهڻ واري ريفرنس جي ٻڌڻي 13 جون تائين ملتوي ڪئي وئي، فريادي جي شاهد محمد عظيم تي صفائي واري وڪيل جي جرح جاري رهي. احتساب عدالت جي جج محمد بشير اسحاق ڊار بابت آمدني کان وڌيڪ اثاثا ٺاهڻ واري ڪيس جي ٻڌڻي ڪئي. شاهد اسحاق ڊار جي بينڪ ٽرانزيڪشن جو ريڪارڊ عدالت ۾ پيش ڪري ڇڏيو. ٽنهي نامزد جوابدارن کي عدالت ۾ پيش ڪيو ويو. جوابدار سعيد احمد پيشي بعد وڪيل سان گڏ واپس روانو ٿي ويو. سعيد احمد جي وڪيل عدالت کي ٻڌايو ته سندس طعيت ناساز آهي، ڊاڪٽرن آرام جو مشورو ڏنو آهي، اسان کي اجازت ڏني وڃي، جنهن بعد عدالت انهن جي استدعا منظور ڪري ورتي. شاهد محمد عظيم 21 بينڪن جي ٽرانزيڪشن جو ريڪارڊ دعالت ۾ جمع ڪرايو، جن مان 8 اليڪٽرانڪ ٽرانزيڪشن شامل آهن. ٻڌڻي دوران مددگار وڪيل معظم حبيب جو موبائل وڄڻ لڳو جنهن تي عدالت معظم حبيب مٿان ٻن هزارن رپين جو ڏنڊ هنيو. اسحاق ڊار خلاف آمدني کان وڌيڪ اثاثن واري ضمني ريفرنس ۾ نامزد نيشنل بينگ جي صدر سعيد احمد جي بريت واري درخواست 13 تي ٻڌڻي لاءِ مقرر ڪئي وئي.

 

 

جيڪڏهن نواز شريف کي عدالت اصغر خان ڪيس ۾ گهرايو ويو ته کيس پيش ٿيڻ گهرجي: خورشيد شاهه

سکر(ويب ڊيسڪ) پيپلز پارٽي جي اڳواڻ سيد خورشيد شاهه چيو آهي ته مخالف ڄاڻي ڇڏين ته سکر پاڪستان پيپلز پارٽي جو قلعو آهي. اهڙن خيالن جو اظهار هن سکر ۾ ميڊيا سان ڳالهائيندي ڪيو. هن چيو ته سنڌ ۾ اڪثريت سان ڪاميابي حاصل ڪنداسين. خورشد شاهه چيو ته اسان جي پهرين ترجيح آبادي ۽ پاڻي آهي، پارٽي منشور به هڪ هفتي جي اندر اچي ويندو، صحت، تعليم ۽ ترقي به اسان جي ترجيحن ۾ شامل آهي. هن چيو ته وزير اعظم جي تبديلي کان وڌيڪ اسيمبلي جو مدو پورو ڪرڻ اهم آهي، پيپلز پارٽي جي هميشه ڪوشش رهي ته پارليامينٽ پنهنجو مدو پورو ڪري. خورشيد شاهه چيو ته نيب چيئرمين جي مقرري چيلينج ڪرڻ واري معاملي تي پنهنجو فرض نڀايو، هاڻ معاملو عدالت ۾ آهي، سپريم ڪورٽ بهتر ڄاڻي ٿي ته ڇا ڪرڻو پوندو. هڪ سوال جي جواب ۾ هن چيو ته ريحام خان جي مسئلي ۾ اسان کي نه وڌو وڃي، اصغر خان ڪيس ۾ منهنجو نالو غلطي سان اچي ويو هو، اصغر خان ڪيس ۾ جيڪڏهن نواز شريف کي گهرايو ويو آهي ته هن کي پيش ٿيڻو پوندو. هن چيو ته جمهوريت کي غير مستحڪم ڪرڻ جي لاءِ ڪيترائي محاذ بڻيا، پر سمورا ناڪام رهيا ۽ مستقبل ۾ به ناڪام رهندا.

 

ڪراچي: بلاول هائوس ۾ پ پ لاڙڪاڻي ڊويزن ۽ ضلعي سانگهڙ جي پارٽي اڳواڻن جو اجلاس ٿي گذريو

ڪراچي (06 جون 2018) ملڪ جي اڳوڻي صدر ۽ پي پي پي پارليامينٽرينز جي سربراهه آصف علي زرداري جي صدارت هيٺ لاڙڪاڻي ڊويزن ۽ ضلعي سانگهڙ جي پارٽي اڳواڻن جو هڪ اجلاس بلاول هائوس ۾ ٿي گذريو. اجلاس ۾ پي پي پي ويمن ونگ جي مرڪزي صدر فريال ٽالپر، پي پي پي سنڌ جو صدر نثار احمد کهڙو، مير اعجاز جکراڻي، سهيل انور سيال، ضياءُ الحسن لنجار، روشن جوڻيجو، فدا حسين ڏيرو ۽ ٻيا پڻ موجود هئا.

 

عمران خان جنسي هراسگي وارن معالن ۾ سڌو سنئون ملوث آهي: ريحام خان

اسلام آباد(ويب ڊيسڪ) تحريڪ انصاف جي چيئرمين عمران خان جي اڳوڻي گهرواري ريحامخان چيو آهي ته پاڪستان ۾ زبردستي جنسي لاڳاپن جون رجحان وڌندو پيو وڃي، سياسي پوزيشن حاصل ڪرڻ جي لاءِ جنس کي استعمال ڪيو پيو وڃي، عمران خان جنسي هراسگي وارن معالن ۾ سڌو سنئون ملوث آهي. ڀارتي ميڊيا کي ڏنل انٽرويو ۾ ريحام خان چيو ته عمران خان پاڪستان جي ماڻهن کي مايوس ڪيو آهي، هو اميدن تي پورو ناهي لهندو، آئون ٻيهر عمران خان کي ووٽ نه ڏينديس. هن چيو ته عمران خان ڪڏهن لبرل بڻجي ويندو آهي ته ڪڏهن اسلامسٽ، عمران خان جي رڳو هڪ ايجنڊا آهي ته ڪنهن به طريقي سان ووٽ حاصل ڪري وزير اعظم جي ڪرسي جي ويهجي.

 

ممبئي حملي ڪيس ۾ سمورن پاڪستاني شاهدن جا بيان قلمبند، جرح مڪمل

اسلام آباد(ويب ڊيسڪ) دهشتگردي جي خاتمي واري عدالت ممبئي حملي ڪيس ۾ سمورن پاڪستاني شاهدن جا بيان قلمبند ڪري ورتا جڏهن ته انهن تي جرح به مڪمل ٿي وئي. دهشتگردي جي خاتمي واري عدالت اسلام آباد ۾ ممبئي حملي ڪيس جي ٻڌڻي ٿي. ڪيس جي ٻڌڻي دهشتگردي جي خاتمي واري عدالت جي جج شاهه رخ ارجمند ڪئي. فريادي جو شاهد زاهد اختر عدالت ۾ پيش ٿيو ۽ وڪيل صفائي مٿس جرح مڪمل ڪري ورتي. جوابدارن جي وڪيل راجا رضوان عباسي درخواست ڪئي ته ڀارتي شاهدن بابت حڪم جاري ڪيو وڃي، عدالت چيو ته گهرو وزارت 27 ڀارتي شاهدن جي موجودگي بابت مهلت گهري رکي آهي.  جوابدارن جي وڪيل چيو ته گهرو وزارت ٽي سالن ڪاٿي هئي، هن اڄ تائين ڪو به جواب ناهي ڏنو، ائين نه ٿئي جو 27 جون تي ٻيهر  وقت گهريو وڃي. فاضل جج چيو ته عدالت پنهنجي حڪم نامي ۾ لکيو آهي ته 27 جون آخري مهلت آهي. پراسيڪيوٽر وڪيل جوابدارن کي چيو ته توهان انتظار ڪيو جيڪڏهن رپورٽ پيش نه ڪئي ته ڀارتي شاهدن کان سواءِ فيصلو ٻڌايو ويندو.  عدالت ڪيس جي ٻڌڻي 27 جون تائين ملتوي ڪري ڇڏي. ممبئي حملي ڪيس ۾ 87 شاهدن جا بيان قلمبند ڪيا ويا آهن.  گڏيل طور تي 8 جوابدار نامزد آهن جن ۾ حماد امين، شاهد جميل، ظفر اقبال، عبدالواحد، محمد يونس، جيمل احمد ۽ سفيان ظفر جيل ۾ آهن جڏهن ته زڪي الرحمان لکنوي گرفتاري کان اڳ واري ضمانت تي آهي.