تازيون خبرون

Monthly Archives: April 2018

خواجه آصف اقامي ڪيس ۾ تاحيات نااهل قرار، فيصلو سپريم ڪورٽ ۾ چئلينج ڪرڻ جو اعلان

اسلام آباد (ويب ڊيسڪ/اين اين آءِ) اسلام آباد هاءِ ڪورٽ پرڏيهي وزير ۽ مسلم ليگ (ن) جي اڳواڻ خواجه آصف کي قومي اسيمبلي جي ميمبرشپ تان نااهل قرار ڏيئي ڇڏيو اهي تفصيل موجب اسلام آباد هاءِ ڪورٽ جي جج مسٽر جسٽس عطر من الله جي سربراهي ۾ ٽن ميمبرن واري لارجر بئنڪ پاڪستان تحريڪ انصاف جي اڳواڻ عثمان ڊار جي درخواست تي ڌرين جا دليل ٻڌڻ کان پوءِ 10 اپريل تائين فيصلو محفوظ ڪيو هو اسلام آباد هاءِ ڪورٽ هڪ ڏينهن اڳ خميس تي فيصلو ٻڌائڻ جو اعلان ڪيو هو اسلام آباد هاءِ ڪورٽ جي جج عطر من الله فيصلو پڙهي ٻڌايو ان موقعي تي عثمان ڊار عدالت ۾ پيش ٿيو ان سان گڏ ٻيا مقامي اڳواڻ به موجود هئا جڏهن ته خواجه آصف سميت مسلم ليگ (ن) جو ڪوبه اڳواڻ عدالت ۾ موجود نه هو 35 صفحن تي ٻڏل فيصلي مطابق خواجه آصف کي آئين جي آرٽيڪل 62 ون ايف تحت سڄي حياتي لاءِ نااهل قرار ڏنو ويو آهي جنهن کان پوءِ سندس قومي اسيمبلي جي ميمبرشپ به ختم ٿي ويئي آهي عدالتي فيصلي ۾ چيو ويو ته خواجه آصف صادق ۽ امين ناهي رهيو فيصلو موجب خواجه آصف 2013 جي اليڪشن به نه پئي وڙهي سگهيو عدالت عاليه فيصلي جي مصدقه ڪاپي اليڪشن ڪميشن کي اماڻڻ جو حڪم به ڏنو جنهن کان پوءِ خواجه آصف کي قومي اسيمبلي تان ڊي سيٽ ڪرڻ جو نوٽيفڪيشن جاري ڪيو ويندو عدالت معلومات لاءِ فيصلي جي ڪاپي قومي اسيمبلي اسپيڪر سردار اياز صادق ڏانهن موڪلن جي هدايت ڪئي بي بي سي موجب هاءِ ڪورٽ جي فيصلي جي آخر ۾ چيو ويو ته اسان هي واضح ڪرڻ چاهيون ٿا ته هي ڪنهن به عدالت لاءِ خوشي جو موقعو ناهي هوندو جڏهن ته ڪو چونڊيل نمائندو نااهل ٿئي جڏهن سياسي قوتون سياسي سطح تي مسئلا حل ڪرڻ بدران عدالت جو رخ ڪن ٿيون ان جا اثر ادارن تي به پوندا آهن ۽ عوام تي به فيصلي ۾ جج صاحبان چيو ته اسان ڏکئي دل سان هي فيصلو ٻڌايو آهي نه صرف ان لاءِ ته هڪ مڃيل سياستدان نااهل ٿيو آهي پر اٽڪل ساڍا 3 لک ووٽرن جي اميدون ۽ خواب به چڪناچور ٿيا اهن ٻئي پاسي مسلم ليگ (ن) جي اڳواڻ خواجه محمد آصف اسلام آباد هاءِ ڪورٽ جي فيصلي کي سپريم ڪورٽ ۾ چئلينج ڪرڻ جو اعڳلان ڪيو آهي ذريعن موجب خواجه آصف مرڪندي فيصلي تي چيو ته اهو اسلام آباد هاءِ ڪورٽ جي فيصلي کي سپريم ڪورٽ ۾ چئلينج ڪندو هن چيو ته هي منهنجو آئيني ۽ قانوني حق آهي جيڪو استعمال ڪندس خواجه آصف چيو ته ان ۾ ڪنهن ڪوئي ڪمال ناهي ڪيو يا ته ان اڪامو لڪايو هو جيڪڏهن لڪايل شئي ٻاهر اچي ها ته ڪمال ٿئي ها مسلم ليگ (ن) جي اڳواڻ چيو ته هو جڏهن کان سياست ۾ آيو هن تڏهن کان پنهنجا اڪائونٽ ۽ اڪاما ظاهر ڪيا هئا جيڪي هن اليڪشن ڪميشن ۾ به ڊڪليئر ڪيا جنهن اڪامي جي تصوير ڏيکاري پئي وڃي اهو خود اليڪسن ڪميشن کي ڏنو آهي ٻئي پاسي ميڊيا سان ڳالهائيندي عثمان ڊر چيو ته هو سڄي پاڪستان ۽ سيالڪوٽ جي عوام آڏو سرخرو ٿيو آهي هن يو ته مان سيالڪوٽ جي عوام کي مبارڪ ڏيان ٿو ته کيس 32 سالن کان پوءِ خواجه آصف کان ڇوٽڪارو مليو آهي هن چيو ته انهن سڀني ماڻهن جا ٿورا مڃان ٿو ته انهن مون کي جذبو ڏياريو ۽ اڄوڪي ڪاميابي جو سمورو ڪريڊٽ عمران خان ڏانهن وڃي ٿو ڇو ته جيڪڏهن هو گڏ نه هجي ها ته مان هن ڪيس کي مڪمل نه ڪري سگهان ها. هوڏانهن  اليڪشن ڪميشن آف پاڪستان خواجا آصف جي قومي اسيمبلي جي رڪنيت ختم ڪندي نوٽيفڪيشن جاري ڪري ڇڏيو آهي. اليڪشن ڪميشن آف پاڪستان طرفان جاري پڌرائي موجب خواجا آصف جي نااهلي جو نوٽيفڪيشن اسلام آباد هاءِ ڪورٽ جي فيصلي تي جاري ڪيو ويو آهي. اليڪشن ڪميشن موجب خواجا آصف هان قومي اسيمبلي جو ميمبر ناهي رهيو ۽ قومي اسيمبلي جي سيٽ اين اي 110 خالي قرار ڏني وئي آهي. خيال رهي ته قومي اسيمبلي جي تڪ اين اي 110 تان 2013ع جي اليڪشن ۾ چونڊجو هو.

 

عدالتي انتقامي ڪارروائي پئي ٿئي، ووٽ کي عزت ملي ته ملڪ ٺيڪ ٿي ويندو: نواز شريف

واشنگٽن /اسلام آباد (اين اين آءِ) اڳوڻي وزيراعظم نواز شريف صاف لفظن ۾ چيو آهي ته ووٽ کي عزت ڏيو جي موقف تي ڪا به سوديبازي نه ڪنداسين، ووٽ کي عزت ملي ته ملڪ ٺيڪ ٿي ويندو، اڄ مون سان اهي ماڻهو گڏ آهن جيڪي ڏکئي وقت ۾ گڏ هئا، جيڪي پارٽي ڇڏي ويا اهي ماڻهو اسان مان هئا ئي ڪون، اليڪشن کان اڳ فصلي ٻٽير پارٽيون تبديل ڪندا رهن ٿا، عوام جي ڏنل مينڊينٽ تي پهريان به عمل ڪيو ۽ هاڻ ڪنداسين ۽ مستقبل ۾ به ڪنداسين، عوام جي مفاد ۾ هميشه ڪم ڪيو، ڪڏهن به خوف ناهي کاڌو، زال جي عيادت لاءِ لنڊن ويس، پاڪستان واپس اچڻ کانپوءِ ابتيون سبتيون ڳالهيون ڪندڙن جا وات بند ٿي ويا، رمضان شريف ۾ سحري ۽ افتاري اسان جي اليڪشن مهم هوندي، مان شهباز شريف ۽ مريم نواز گڏجي رابطا مهم هلائينداسين، سڀ پارٽي اڳواڻ پنهنجن پنهنجن علائقن ۾ پارٽي مهم هلائين، غير يقيني صورتحال سبب اسٽاڪ ايڪسچينج 54 هزار رپين کان 37 هزارن جي سطح تي اچي وئي، اسان تي 22 ڪروڙ عوام جي مستقبل جو قرض آهي، سڄي دنيا کي دهشتگردي جي خلاف اسان جون قربانيون تسليم ڪرڻيون پونديون، خميس تي نواز شريف راولپنڊي ڊويزن جي اڳواڻن کي خطاب ڪندي چيو ته منهنجي والد جي اثاثن جي ڇنڊ ڇاڻ ٿي رهي آهي، پهريان اسان مٿان الزام مڙهيو ويو، هن چيو ته جيڪي اربين رپيا کائي ويهي رهيا اهي تسلي سان ويٺا آهن ۽ انهن کان ڪير به پڇڻ وارو نه آهي، هن چيو ته نيب ۾ سمورا ڪيس ڪرپشن بابت هوندا آهن، اڄ تائين نيب ۾ مون وانگر ڪو به ڪيس نه آيو آهي، هن چيو ته نيب ۾ جيترا به ڪيس هلي رهيا آهن انهن ۾ ڪرپشن، ڪڪ بيڪس شامل هوندي آهي، هن چيو ته اي او بي آءِ، اين ايل سي ڪرپشن ڪيس آهن، نيب جي جاچ جاري آهي، نواز شريف چيو ته منهنجو ڪيس نه ئي اختيارن جو ناجائز استعمال جو آهي ۽ نه ئي ڪنهن ڪرپشن تي ٻڌل آهي، هن چيو ته ڀٽي دور ۾ سموريون فيڪٽريون تحويل ۾ ورتيون ويون، فيڪٽرين کي نيشنلائيز ڪيو ويو پر بدلي ۾ هڪ رپيو نه ڏنو ويو، نواز شريف چيو ته وزيراعظم طور منهنجي سمورن دورن ۾ ڪرپشن جو ڪو به الزام نه آهي، اڊيالا جيل ۽ اٽڪ قلعي ۾ جيل جون سختيون برداشت ڪيون، هن چيو ته هتي روايت پئجي وئي آهي ته ڪنهن ڦاهي ڏيو، ڪنهن کي ٽنگي ڇڏيو، ڪنهن کي وطن مان نيڪالي ڏئي ڇڏيو ڪنهن کي جيل ۾ بند ڪريو، اهو سڀ ڪجهه سياستدانن خلاف ٿيندو رهيو، چونڊيل وزيراعظم جي خلاف ٿيندو رهيو، ان جو سبب سڀني کي معلوم آهي، اهو سلسلو گذريل 70 سالن کان جاري آهي، ذاتي ڳالهه نه آهي، ذاتي مفاد جو به بلڪل تعلق نه آهي، تعلق سڌو سنئون پاڪستان سان آهي، هن چيو ته عوام 3 ڀيرا وزيراعظم چونڊيو جيڪو مون تي اعتماد آهي، هميشه ٻين ادارن جو احترام ڪريو، عدليا جي بحالي لاءِ لانگ مارچ ڪيو، نواز شريف چيو ته عوام جي فائدي ۾ سدائين بيٺا رهياسين، ڪڏهن به خوف نه کاڌو، هن چيو ته پاڪستان جو عوام به الحمد الله حق ۽ سچ سان بيٺو آهي، هن چيو ته مان به انسان آهيان، غلطيون ۽ گناهه ٿيندا آهن، اهو ماڻهو ناهي جنهن کان غلطي نه ٿي هجي، مان ڪو سپر هيومن بينگ نه آهيان، ملڪ ۽ قوم سان محبت آهي. پاڪستان مسلم ليگ (ن) جي اڳواڻ اڳوڻي وزيراعظم نوازشريف چيو آهي ته ان جي خلاف عدالتي انتقامي ڪارروائي ڪئي پئي وڇي جيڪڏهن مون کي سزا ڏيڻ جو پڪو پهه ڪيو ويو آهي ته پوءِ مون وٽ ٻيو ڪوبه رستو نٿو بچي مون کي يقين آهي ته حڪومتون ڪرائڻ ۽ چونڊيل وزيراعظم کي هٽائڻ جو سلسلو پاڪستان ۾ هاڻي ختم ٿيندو آمريڪي اخبار وال اسٽريٽ جنرل ۾ ڇپيل انٽرويو ۾ نوازشريف چيو ته ان جي خلاف عدالتي انتقامي ڪئي پئي وڃي ان جي جنگ ملڪ ۾ جمهوريت ۽ ڏاڍ وچ ۾ جنگ اهي هن چيو ته هو بهادري سان هن جنگ کي پنهنجي وطن ۾ وڙهندو ۽ کيس يقين آهي ته هن جنگ ۾ قانون جي بالادستي ۽ آئين جي فتح حاصل ٿيندي نوازشريف چيو ته منهنجي خلاف ڪيس بي بنياد ۽ ڪمزور اهي جيڪڏهن مون کي سزا ڏيڻ جو پڪو پهه ڪيو ويو آهي ته مون وٽ ٻيو ڪوبه هاڻي رستو ناهي بچيو جڏهن ته مون کي يقين آهي ته حڪومتون ڪيرائيڻ ۽ چونڊيل وزراعظمن کي هٽائڻ جو سلسلو پاڪستان ۾ هاڻي ختم ٿيندو نوازشريف چيو ته کيس ۽ مسلم ليگ (ن) کي برابري مقابلي جي ماحول کان محروم ڪيو پيو وڃي جڏهن ته کيس يقين آهي ته عوام ايئن ٿيڻ نه ڏيندو آمريڪي اخبار وال اسٽريٽ جنرل ۾ هي ڇپيل گيلپ سروي مطابق مقبوليت ۾ مسلم ليگ (ن) سمورين جماعتن کان اڳتي آهي آمريڪي اخبار ۾ گيلپ سروي شايع ٿيو جنهن مطابق مسلم ليگ (ن) هاڻي به پاڪستان ۾ موجود سمورين سياسي پارٽين کان وڌيڪ مقبول آهي ۽ ان جي بتري واضح آهي مارچ 2018 جي گيلپ سروي مطابق مسلم ليگ (ن) عوام ۾ 36 سيڪڙو، پي ٽي آءِ 24 سيڪڙو ۽ پيپلزپارٽي 17 سيڪڙو مقبول اهي ان لحاظ کان پاڪستان ۾ (ن) ليگ سڀ کان وڌيڪ مقبول آهي ۽ پاڪستان تحريڪ انصاف کان 12 سيڪڙو وڌيڪ مقبول آهي.

 

سياسي بنيادن تي ورتل قرض واپس نه ڪيا ويا ته اثاثا ضبط ڪري ڇڏينداسين: سپريم ڪورٽ

اسلام آباد (اين اين آءِ) چيف جسٽس ميان ثاقب نثار قرض معافي واري ڪيس ۾ ريمارڪس ڏنا ته جن قرض معاف ڪرايو انهن کان وصول ڪنداسين ۽ رقم نه ته اثاثا وڪرو ڪري رقم وصول ڪنداسين خميس تي سپريم ڪورٽ ۾ چيف جسٽس پاڪستان جي سربراهي ۾ ٽن ميمبرن واري بئنچ قرض معافي بابت پاڻمرادو نوٽيس ڪيس جي ٻڌڻي ڪئي جنهن سلسلي ۾ نيشنل بئنڪ ۽ خانگي بئنڪ جا وڪيل به عدالت ۾ پيش ٿيا نيشنل بئنڪ جي وڪيل عدالت کي ٻڌايو ته هن ڪيس ۾ مين پارٽي اسٽيٽ بئنڪ آهي خانگي بئنڪ جي وڪيل دليل ڌڏيندي چيو ته اسٽيٽ بئنڪ ريگيوليٽري اٿارٽي آهي ۽ بئنڪن قرض معاف ڪيا خاني بئنڪ جي وڪيل دليل ڏيندي چيو ته نيشنل بئنڪ ڪميشن جو چوڻ آهي ته قضو ماضي جو آهي پر بئنڪ هي پئسا واپس ڪرائڻ ۾ وڏي دلچسپي وٺي ٿي چيف جسٽس پڇاڻو ڪيو ته ڪميشن جي رپورٽ ڪٿي آهي ان تي نيشنل بئنڪ جي وڪيل جواب ڏنو ته مون کي به رپورٽ ڏسڻ جو موقعو ناهي مليو جسٽس ثاقب نثار سوال ڪيو ته پوءِ ڪوئي اندازو آهي ته ڪيترا ارب معاف ٿيا خانگي بئنڪ جي وڪيل ٻڌايو ته 54 ارب رپيا معاف ٿيا چيف جسٽس ريمارڪس ڏنا ته هي ڪيس پراڻا ٿي ويا آهن تنهنڪري انهن کي کولي رهيو آهيان سياسي بنيادن تي جيڪي قرض معاف ٿيا ان جو تفصيل ڪٿي آهي 222 شڪي ڪيس آهن چيف جسٽس چيو ته نيشنل بئنڪ تمام گهڻي رقم جو قرض مختلف ٽيڪسٽائيل ملن کي معاف ڪيو جڏهن کان هي رپورٽ آئي آهي ان کان پوءِ ڪائي ڪارروائي ناهي ٿي هي معاملو اسان وٽ 2007 کان التوا هيٺ آيه اسان کي رپورٽ گهرجي ۽ ان جون سفارشون جن سياسي بنيادن تي قرض معاف ڪرايا انهن کان وصول ڪنداسين چيف جسٽس چيو ته سياسي بنيادن تي معاف ڪيل قرض واپس ڪرائينداسين چيف جسٽس پڇاڻو ڪيو ته رپورٽ ڇا آهي هن ذميواري ڪنهن تي وڌي آهي پوري رپورٽ جي سمري عدالت کي فراهم ڪيو بئريسٽر ظفرالله عدالت کي ٻڌايو ته محمد خان جوڻيجو، يوسف رضا گيلاني، بينظير ڀٽو، نوازشريف ۽ چوڌري ڀائرن به قرض وٺي معاف ڪرايا آهن ان تي چيف جسٽس ريمارڪس ڏنا ته جن غير قانوني قرض معاف ڪرايا انهن کان اڳاڙينداسين جيڪڏهن رقم نه ته اثاثا وڪرو ڪري رقم وصول ڪنداسين.

 

سڄي ملڪ ۾ مڪاني ادارن کي ٽن مهينن لاءِ معطل ڪرڻ جو فيصلو

اسلام آباد ( ويب ڊيسڪ ) اليڪشن ڪميشن سڄي ملڪ ۾ مڪاني ادارن کي ٽن مهينن لاءِ معطل ڪرڻ جو فيصلو ڪيو آهي. معطلي جي صورت ۾ مڪاني ادارا چونڊ عمل مڪمل ٿيڻ تائين ڪم نه ڪري سگهندا. سرڪاري ڀرتين تي پابندي کانپوءِ اليڪشن هڪ وڌيڪ قدم کنيو آهي ۽ چونڊن کان اڳ ڌانڌلي جي امڪان کي ختم ڪرڻ لاءِ اليڪشن ڪميشن مڪاني ادارن کي ڪم کان روڪڻ جو فيصلو ڪيو آهي. ذريعن موجب مڪاني ادارن جي معطلي بابت اليڪشن ڪميشن تياريون مڪمل ڪري ورتيون آهن، معطلي جو نوٽيفڪيشن ايندڙ مهيني جي پهرين هفتي جاري ٿيڻ جو امڪان آهي. معطلي جي صورت ۾ مڪاني ادارا چونڊ عمل مڪمل ٿيڻ تائين ڪم نه ڪري سگهندا ۽ سمورن ترقياتي منصوبن تي ڪم روڪيو ويندو.

 

اين آر او نه ڪيون ها ته جج اڃا تائين جيلن ۾ هجن ها: خورشيد شاهه

اسلام آباد ( ويب ڊيسڪ ) قومي اسيمبليءَ ۾ مخالف ڌر جي اڳواڻ خورشيد شاهه چيو آهي ته بينظير ڀٽو ۽ اين آر او نه ڪيون ها ته جج اڃا تائين جيلن ۾ پيا هجن ها. اسلام آباد ۾ ميڊيا سان ڳالهائيندي خورشيد شاهه چيو ته اين آر او جو آصف زرداري سان ڪو به تعلق ناهي، بينظير ڀٽو جمهوريت لاءِ سياسي اين آر او ڪيو هو. هن چيو ته بينظير ڀٽو اين آر او ذريعي جمهوريت جو رستو هموار ڪيو ۽ ججن کي بچايو. سندس چوڻ هو ته اين آر او نه ڪيون ها ته جج اڄ به جيلن ۾ پيل هجن ها. خورشيد شاهه چيو ته منهنجو ذهن اها ڳالهه مڃڻ لاءِ تيار ناهي ته چوڌري نثار پي ٽي آءِ ۾ ويندو. هن چيو ته نيب قانون ۾ ترميم جو معاملو نئين پارليامينٽ ڏسندي.

 

نواز شريف جي وزيراعظم کي بجيٽ ۾ ڪو به نئون ٽيڪس نه لڳائڻ جي هدايت

اسلام آباد (اين اين آءِ/م.ڊ)  اڳوڻي وزيراعظم محمد نوازشريف وزيراعظم شاهد خاقان عباسي کي بجيٽ ۾ ڪوبه نئون ٽيڪس نه لڳائڻ ۽ عوام کي رليف ڏيڻ جي هدايت ڪئي آهي ميڊيا رپورٽ مطابق اسلام آباد ۾ مسلم ليگ (ن) جي اڳواڻ نوازشريف جي صدارت هيٺ راولپنڊي ڊويزن جي پارٽي اڳواڻن جو اجلاس ٿيو اجلاس ۾ وزيراعظم شاهد خاقان عباسي مريم نواز پرويز رشيد قومي ۽ صوبائي اسيمبلي ميمبر سينيتر ميئرز پارٽي جا ضلعي صدر شرڪت ڪئي. ان موقعي تي وزيراعظم شاهد خاقان عباسي نوازشريف سان ڌار ملاقات به ڪئي ٻنهي اڳواڻ ملڪ جي جملي سياسي صورتحال تي ڳالهيون ڪيون (ن) ليگ جي پارٽي معاملن تي به ڳالهه ٻولهه ڪئي نوازشريف وزيراعظم شاهد خاقان عباسي کي بجيٽ ۾ ڪوبه نئون ٽيڪس نه لڳائڻ ۽ عوام کي رليف ڏيڻ جي هدايت ڪئي وزيراعظم چيو ته بجيٽ ٽيڪس فري هوندي ۽ ترقياتي منصوبا مڪمل ڪرڻ تي ڌيان ڏنل آهي. ٻئي طرف  وزيراعظم شاهد خاقان عباسي چيو آهي ته حڪومت کي برابر موقعا فراهم ڪرڻ لاءِ جوڳا قدم کڻي رهي آهي، ڇوڪرين لاءِ آءِ سي ٽي کي ڊجيٽل اسڪلز پروگرام سان ضم ڪيو ويندو، روزگار فراهم ڪرڻ ۽ انهن جي گهراڻن کي پنهنجي پيرن تي بيهارڻ ۾ مددگار ثابت ٿيندو، ملڪ جي ڏوارنهين علائقن ۾ براڊ بينڊ رابطي سان روزگار جا نوان موقعا ٿيندا، ماڻهن کي سهولتون ملنديون، هو خميس تي وزيراعظم آفيس ۾ وزارت انفارميشن ٽيڪنالاجي اينڊ ٽيليڪميونيڪشن جي احتمام هيٺ ڪمپيوٽر ڪوڊنگ جي تعليم حاصل ڪندڙ ڇوڪرين جي اعزاز ۾ ڪوٺايل هڪ تقريب کي خطاب ڪري رهيو هو، وزيراعظم چيو ته هو سمجهي ٿو ته جيڪڏهن پاڪستاني عورتن کي هڪجيترا موقعا فراهم ڪيا وڃن ته اهي پنهنجون صلاحيتون بهتر نموني ادا ڪري سگهنديون، هن سڄي ملڪ مان ڇوڪرين کي ڪمپيوٽر تعليم جي عملي سکيا فراهم ڪرڻ لاءِ منصوبي کي ساراهيو جنهن سان کين اقتصادي طور تي مضبوط ٿيڻ ۾ مدد ملندي، هن چيو ته هن پروگرام سان 30 هزار عورتن کي ڊجيٽيل مهارت کان ڄاڻ فراهم ڪندو جيڪو پاڪستان بيت المال جو حصو آهي ۽ آءِ سي ٽِي اسڪول پروگرام مان هڪ لک 10 هزار ڇوڪريون فائدو حاصل ڪنديون، هن ملڪ جي ڏورانهن علائقن ۾ انفارميشن ٽيڪنالاجي وزارت جي پهچ جي حوالي سان ڪردار کي ساراهيو، هن چيو ته ٻارڙين لاءِ آءِ سي ٽي کي ڊجيٽيل اسڪلز پروگرام سان ضم ڪيو ويندو، هن عورتن کي بااختيار بڻائڻ لاءِ هن اهم پروگرام کي ساراهيو. ان موقعي تي انوشا رحمان چيو ته هي پروگرام ڇوڪرين کي ڪمپيوٽر مهارت کان ڄاڻ فراهم ڪندو جنهن جي نتيجي ۾ اهي مختلف روزگار حاصل ڪري سگهنديون، هن چيو ته ڇوڪرين ملڪ ۾ قائم 144 مرڪزن ۾ ڪوڊنگ، ڪمپيوٽنگ ۽ ڪوچنگ ۾ تربيت حاصل ڪئي، هن ان پروگرام ۾ معاون حصيدار جو ڪردار ادا ڪرڻ تي يونيورسل سروس فنڊ، مائڪرو سافٽ، يو اين وومين ۽ هواوي جو شڪريو ادا ڪيو، وزيراعظم شاهد خاقان عباسي يونيورسل سپورٽ فنڊ ۽ يو اين وومين جي وچ ۾ ليٽر آف انٽينٽ تي صحيح واري تقريب ۾ شرڪت ڪئي، هن ڊجيٽيل تربيت حاصل ڪندڙ ڇوڪرين ۾ هواوي پاران 150 اليڪٽرانڪ ٽيبليٽس به ورهايون.

 

وفاقي ڪابينا جي اقتصادي رابطا ڪميٽي رمضان ريليف پيڪيج جي لاءِ 1 ارب 73 ڪروڙ رپين جي منظوري ڏئي ڇڏي

اسلام آباد(ويب ڊيسڪ) اقتصادي رابطا ڪميٽي يوٽيلٽي اسٽورن جي رمضان ريليف پيڪيج جي لاءِ هڪ ارب 73 ڪروڙ رپين جي منظوري ڏئي ڇڏي آهي. اٽي، کنڊ، کير، دال ۽ چانورن سميت 19 شين تي سبسڊي ڏني ويندي. اسلام آباد ۾ وزير اعظم شاهد خاقان عباسي جي صدارت هيٺ ڪابينا جي اقتصادي رابطا ڪميٽي جو اجلاس ٿيو. اجلاس يوٽيلٽي اسٽورن جي رمضان ريليف پيڪيج جي لاءِ 1 ارب 73 ڪروڙ رپين جي منظوري ڏئي ڇڏي آهي. اجلاس ۾ جاري ڪيل پڌرائي موجب رمضان المبارڪ ۾ اسٽورن تي 19 شين جي قيمتن ۾ گهٽتائي ڪئي ويندي. اٽي، کنڊ، چانور، کجور، تيل ۽ گيهه، چڻن، بيسڻ، کير ۽ چانهه جي پتي جي قيمتن ۾ گهٽتائي ڪئي ويندي. ڪميٽي مٽياري لاهور ٽرانسميشن لائن جي لاءِ مالي وسيلا حاصل ڪرڻ واري مدي ۾ واڌ ڏيڻ جو به فيصلو ڪيو ويو آهي. پڌرائي ۾ پاور سيڪٽر جي قرض جي ادائيگي جي لاءِ پاور ڊويزن کي پاور هولڊنگ ڪميٽي جي ذريعي 100 ارب قرض کي حاصل ڪرڻ جي به منظوري ڏئي ڇڏي آهي. اجلاس ۾ تماڪ تي سيس ريٽرس تي نظرثاني جي به منظوري ڏئي ڇڏي آهي جنهن موجب پاسڪو کي 5 لک ٽن ڪڻڪ 155 ڊالر في ٽن ريبيٽ تي برآمد ڪرڻ جي اجازت آهي.

 

 

عمران خان کي خواجا آصف جي نااهلي واري فيصلي جي پهرين ئي خبر هئي: مريم اورنگزيب

لاهور(ويب ڊيسڪ) سڌُ سماءَ واري مملڪتي وزير مريم اورنگزيب الزام لڳايو آهي ته عمران خان کي خواجا آصف جي نااهلي واري فيصلي جي پهرين کان ئي خبر هئي. ميڊيا سان ڳالهائيندي مريم اورنگزيب چيو ته عمران خان لاهور ۾/چيو هو ته وڏي وڪيٽ ڪِرڻ واري آهي، لڳي ٿو ته هو ايمپائر سان رابطي ۾ هو ۽ کيس پرڏيهي وزير خواجا آصف جي نااهلي جي فيصلي جي پهرين کان ئي خبر هئي. هن چيو ته فيصلا ڪرپشن تي نه پر اقامن جي بنياد تي ڏنا پيا وڃن، اهڙن فيصلن تي عوام پنهنجو رد عمل ڏئي رهيو آهي، اليڪشن ۾ عمران خان کي پنهنجي مقبوليت جي خبر پئجي ويندي.

 

خواجه آصف ووٽ جي تقدس جي پاڻ لتاڙ ڪئي، گاڊ فادر جو هڪ ٻيو درٻاري اڄ نااهل ٿي ويو: عمران خان

اسلام آباد ( ويب ڊيسڪ ) تحريڪ انصاف سربراهه عمران خان چيو آهي ته خواجه آصف پاڻ ووٽ جي تقدس کي پائمال ڪيو. تحريڪ /ڏسو صفحو 3 بقايا نمبر 16

انصاف سربراهه عمران خان بني گالا ۾ پارٽي اڳواڻ عثمان ڊار سان ملاقات ڪئي. ملاقات دوران خواجه آصف جي نااهلي جي امڪاني فيصلي تي صلاح مشورا ڪيا ويا. عمران خان ڪيس کي جارحاڻي انداز ۾ ويڙهڻ تي عثمان ڊار کي شاباپش پيش ڪئي ۽ فيصلي کانپوءِ ٻيهر ملاقات جي به هدايت ڪئي. ان موقعي تي عمران خان چيو ته هي ڪيس ڪنهن جو ذاتي ناهي، پاڪستان جي مستقل جو آهي، خواجه آصف ووٽ جي تقدس جي پاڻ لتاڙ ڪئي آهي. تحريڪ انصاف جي چيئرمين عمران خان پرڏيهي وزير خواجا آصف جي نااهلي تي رد عمل ڏيندي چيو آهي ته گاڊ فادر جو هڪ ٻيو درباري اڄ ساڳي انداز ۾ نااهل ٿي ويو. سماجي رابطن واري ويب سائيٽ ٽوئيٽر تي پنهنجي بيان ۾ عمران خان چيو ته مني لانڊرنگ ۽ ڪرپشن کي لڪائڻ جي لاءِ اقامي جو سهارو وٺندڙ هڪ ٻيو درٻار نااهل ٿي ويو. عمران خان چيو ته الله حق آهي، خواجا آصف شوڪت خانم اسپتال کي نشانو بڻايرو ۽ اڄ هو نه رڳو ڏيهه پر پرڏيهه ۾ به بدنام ٿي ويو.

 

تحريڪ انصاف جي ٽن اسيمبلي ميمبرن زاهد دراني، عبيد الله مايار ۽ نگينه خان جي آصف زرداري سان ملاقات، پ پ ۾ شموليت جو اعلان

لاهور(ويب ڊيسڪ) تحريڪ انصاف خيبرپختونخواهه جي 3 ميمبرن پيپلز پارٽي ۾ شموليت اختيار ڪري ورتي. تفصيل موجب پيپلز پارٽي تحريڪ انصاف جون ٽي وڪيٽون اڏائي ڇڏيون، پي ٽي آءِ جا ٽي ناراض اسيمبلي ميمبر پيپلز پارٽي جا جيالا بڻجي ويا، تحريڪ انصاف ڪي پي ڪي اسيمبلي جي ميمبرن زاهد دراني، عبيد الله مايار ۽ نگينه خان لاهور ۾ پيپلز پارٽي جي شريڪ چيئرمين آصف علي زرداري سان ملاقات ڪري پارٽي ۾ شموليت جو اعلان ڪيو. بعد ۾ ميڊيا سان ڳالهائيندي زاهد دراني چيو ته اسان پي ٽي آءِ جا فائونڊر ميمبر هئاسين اسان پارٽي کي هڪ مقام تائين پهچايو، اسان تي الزام لڳايا ويا پر اسان انهن جي وضاحت ڪئي پر پوءِ به ڪو ڪميٽي جو ميمبر اسان سان ملڻ نه آيو. عبيدالله مايار جو چوڻ هو ته ڪي پي ڪي جون جيڪي حالتون آهن اُهي سڀني جي سامهون آهن ٻيا به ڪيترائي ساٿي آهن جيڪي پيپلز پارٽي ۾ اچڻ چاهن ٿا اسان پيپلز پارٽي ۾ ورڪر طور ڪم ڪرڻ جا خواهشمند آهيون جڏهن ته اسان جي خلاف پي ٽي آءِ جيڪو ايڪشن ورتو ان جي ڪا به اهميت ناهي. ان موقعي تي نگينه خان جو چوڻ هو ته پي ٽي آءِ جيڪي نوٽيس جاري ڪيا ان ۾ ڪجهه به واضح نه لکيل هو، پي ٽي آءِ جا ڪيترائي ايم پي ايز ناراض آهن اسان کي مختلف پارٽين طرفان آڇون آيو پر اسان پيپلز پارٽي ۾ شامل ٿي رهيا آهيون.