تازيون خبرون

Daily Archives: February 19, 2018

اتفاق سان ڪامياب ٿيندڙ ماڻهو باڪمال هوندا آهن: ريجا علي

 

لاهور (شوبز نيوز) اداڪارا ۽ ماڊل ريجا علي چيو آهي ته سمورن شعبن ۾ اهڙا ڪامياب ماڻهو تمام گھٽ هوندا آهن جيڪي اوچتو ڪنهن به شعبي ڏانهن اچي ته ويندا آهن پر پنهنجي محنت، لڳاءَ، جستجو ۽ صلاحيتن جي زور تي هو اڻڄاڻ شعبن ۾ پنهنجي جاءِ ٺاهي وٺندا آهن. صحافين سان ڳالهائيندي ريجا علي چيو ته منهنجو تعلق شوبز انڊسٽري سان تمام پراڻو آهي ۽ مون جڏهن ان شعبي ۾ قدم رکيو ته آئون هي سوچي ان ڏانهن آيس ته مون کي هتي ڪم ڪندي پنهنجي فني صلاحيتن جو بهتر انداز سان اظهار ڪرڻو آهي ۽ چيلنجنگ ڪردار ادا ڪندي پنهنجو هڪ مقام بڻائڻو آهي پر جيئن جيئن آئون ان فيلڊ جو حصو بڻجڻ لڳيس ته مون کي اهڙا گھڻائي باڪمال ماڻهو ملڻ لڳا جن جو ڪڏهن شوبز  ۾ ڪم ڪرڻ جو ڪو ارادو ئي نه هو پر قسمت کين هن شعي ۾ آندو ۽ پوءِ هو ڪامياب ٿيا. واقعي اهڙا گھڻائي لاجواب ماڻهو شوبز ئي نه پر زندگي جي سمورن شعبن ۾ اسان کي ملندا رهن ٿا. هن چيو ته مون ويجھو ته اهڙا سمورا ماڻهو وڏائي خاص هوندا آهن، جن کي اهو سڀ ڪجهه ملي وڃي ٿو جنهن بابت هو ڪڏهن سوچيندا به ناهن. هن چيو ته هن وقت جيڪڏهن اسان پاڪستان فلم انڊسٽري ڏانهن نظر ڪريون ته هتي به اهرا گھڻا ماڻهو ڪم ڪري رهيا آهن جن ڪڏهن فلم جي وڏي پردي تي اچڻ بابت سوچيو به نه هوندو. پر اتي ئي ماڻهو فلمن ۾ اداڪاري جا جلوا ڏيکاري رهيا آهن پر جيتري تائين ڪاميابي جي ڳالهه آهي ته ان جي لاءِ کين سخت محنت جي ضرورت آهي ڇو جو آئون سمجھان ٿي ته قسمت به انهن ماڻهن تي مهربان ٿيندي آهي جيڪي اڳتي وڌڻ جي جستجو رکن ٿا.

 

اميتاڀ ڪترينا ۽ دپيڪا سان ڪم لاءِ درخواست ڏئي ڇڏي!

 

ممبئي(شوبز نيوز) بالي ووڊ جي ليجنڊ اداڪار اميتاڀ بچن انڊسٽري جي ٻن سندرين ڪترينا ڪيف ۽ دپيڪا پڊوڪون سان گڏ ڪم ڪرڻ جي درخواست ڏئي ڇڏي آهي.ڀارتي ميڊيا جي رپورٽن ۾ ٻڌايو ويو آهي ته سوشل ميڊيا تي سرگرم رهندڙ اميتاڀ بچن ٽوئيٽر تي هڪ پوسٽ رکي آهي جنهن ۾ هڪ خبر شيئر ڪئي وئي آهي، خبر ۾ ٻڌايو ويو آهي ته دپيڪا ۽ ڪترينا ۽ شاهد ڪپور ۽ عامر خان کان قد ۾ ڊگهيون آهن، ان ڪري گڏ ڪم ڪرڻ وقت مسئلو ٿي سگهي ٿو، جنهن تي اميتاڀ مذاق واري انداز ۾ لکيو آهي ته 6 فوٽ 2 انچ قد ۽ 49 سالن جو تجربو رکندڙ اداڪار پنهنجون خدمتون آڇي ٿو جنهن کانپوءِ قد جو مسئلو به نه رهندو.هاڻي ڏسجي ته عامر خان ۽ شاهد ڪپور اميتاڀ بچن جي ان پوسٽ تي ڪيئن ردعمل ظاهر ڪن ٿا پر ڪترينا ۽ دپيڪا جي مک تي ضرور مرڪ اچي وئي هوندي

 

محدود اوورن جي ڪرڪيٽ رانديگرن جي اهليت کي متاثر ڪيو آهي: سرفراز احمد

ڪراچي(اسپورٽس نيوز) قومي ڪرڪيٽ ٽيم جي ڪپتان سرفراز احمد چيو آهي ته محدود اوورن جي ڪرڪيٽ رانديگرن جي اهليت ۽ فٽنيس کي متاثر ڪيو آهي ۽ انضمام الحق جو اهو موقف درست آهي ته محدود اوورن جي ڪرڪيٽ راند جي روح کي متاثر ڪيو آهي.ڪراچي ۾ هڪ تقريب ۾ ڳالهائيندي سرفراز احمد چيو ته پاڪستان ۾ انٽرنيشنل ڪرڪيٽ جون واٽون کلي رهيون آهن، ايندڙ سال پاڪستان ۾ راند کي وڌيڪ هٿي ملڻ جو امڪان آهي، محدود اوورن جي ڪرڪيٽ رانديگرن جي اهليت ۽ فٽنيس کي متاثر ڪيو آهي، پي ايس ايل ٿري ۾ دلچسپ مقابلا ٿيڻ جو امڪان آهي.هن چيو ته چيف سليڪٽر انضمام الحق جو اهو موقف درست آهي ته محدود اوورز جي ڪرڪيٽ راند جي روح کي متاثر ڪيو، ٽيسٽ کانپوءِ 50 ۽ پوءِ 20 اوورز جي ڪرڪيٽ سان پليئرز جي فٽنيس ۽ راند تي اثر پيو آهي، ڪرڪيٽرز پنهنجي ٽريننگ به ان طرز تي ئي ڪن ٿا. هن چيو ته ڊگهي فارميٽ واري ڪرڪيٽ ئي اصل ڪرڪيٽ آهي

 

ڊيرن سيمي جو پاڪستانين لاءِ محبت ڀريو پيغام جاري

 

لاهور (اسپورٽس نيوز) پشاور زلمي جي ڪپتان ڊيرن سيمي پي ايس ايل ٿري کان اڳ پاڪستانين لاءِ محبت ڀريو پيغام جاري ڪيو آهي. جنهن ۾ هن چيو ته اسان پاڪستان ۾ انٽرنيشنل ڪرڪيٽ جي بحالي چاهيون ٿا، گذريل ايڊيشن جي فائنل ۾ به لاهور جي قذافي اسٽيڊيم ۾ زبردست جوش هو، وڏي خوشي آهي ته مون سان گڏ ڪرس جورڊن، مارلون سموئيلز ۽ ڊيوڊ مالان پاڪستانين جي مهمان نوازي سان لطف اندوز ٿيا ۽ انٽرنيشنل ڪرڪيٽ جي بحالي ۾ پنهنجو ڪردار ادا ڪيو، قذافي اسٽيڊيم ۾ ٽائٽل کٽڻ سان ٽور جو مزو ٻيڙون ٿي ويو. ڊيرن سيمي چيو ته اسان مداحن طرفان مليل عزت ڪڏهن وساري نٿو سگھان، پاڪستاني مون سان ۽ آئون پاڪستانين سان تمام محبت ڪندو آهيان. سيمي چيو ته گذريل ايڊيشن ۾ قذافي اسٽيڊيم ۾ ٽرافي کٽي،  هاڻي 25 مار تي ڪراچي ۾ به پنهنجي اعزاز جو بچاءُ ڪندي گذريل سال کان وڌيڪ جشن ملهائيدا سين، پي ايس ايل ۾ مهم لاءِ تياريون مڪمل آهن، هر حريف ٽيم جو احترام ۽ راند جو قدر ڪندا آهن پر ڪنهن جي طاقت جي خوف جو شڪار ٿئي بنا رڳو ڪاميابي جي عزم سان ميدان ۾ لهندا سين.