تازيون خبرون

Daily Archives: February 16, 2018

رنوير سنگھه شادي ۾ اڌ ڪلاڪ جي شرڪت عيوض 2 ڪروڙ رپين جي آڇ رد ڪري ڇڏي

 

ممبئي (شوبز نيوز) بالي ووڊ جي مشهور اداڪار رنوير سنگھه شادي ۾ اڌ ڪلاڪ جي شرڪت عيوض 2 ڪروڙ رپين جي آڇ رد ڪري ڇڏي. بالي ووڊ ۾ فلم ”بينڊ باجا بارات“ سان ڊيبيو ڪندڙ اداڪار رنوير سنگھه کي انڊسٽري جو سڀ کان شرارتي اداڪار سمجھيو ويندو آهي جنهن فلم ”رام ليلا“ ۽ ”باجي راءُ مستاني“ جهڙين فلمن ۾ حقيقي اداڪاري کان گھٽ وقت ۾ مداحن سميت نالي وارنن فلمسازن کي پنهنجو ديوانو ڪري ڇڏيو. هن فلم ”پدماوت“ ۾ پنهنجي اداڪاري سان اهڙو جادو جاڳايو جو بالي ووڊ جي مهانگن اداڪارن جي لسٽ ۾ شامل ٿي فلم فلمسازن جي پهرين ترجيح بڻجي ويو ۽ هاڻي خبر سامهون آئي آهي ته رنوير سنگھه شادي جي هڪ تقريب ۾ اڌ ڪلاڪ جي شرڪت عيوض ٻه ڪروڙ رپين جي آڇ رد ڪري ڇڏي. ڀارتي ميڊيا رپورٽ موجب رنوير سنگھه آڇ رد ڪرڻ جو سبب ٻُڌايو ته آئون فلم جي شوٽنگ دوران پنهنجو سمورو ڌيان ٻي آڇ بدران پنهنجي ڪردار کي بهتر بڻائڻ تي رکندو آهيان. رنوير سنگھه جي ويجھي ذريعن جو چوڻ آهي ته رنوير هڪ باڪمال شخص آهي جيڪو شوٽنگ دوران پنهنجو سمورو ڌيان رڳو شوٽنگ تي ڏيندو آهي ۽ هو هن وقت فلم “گلي بواءِ” جي شوٽنگ ۾ صبح 6 کان شام 6 وڳي تائين مصروف رهندو آهي ان دوران هو مختلف شهرن جو سفر به ڪندو آهي پوءِ واپس اچي فلم جي سيٽ تي رپورٽ ڪندو آهي.

 

ڪانسرٽ دوران اسٽيج ڪرڻ سان ڳائڻي عيني خالد زخمي

 

گوجرانواله (شوبز نيوز) پنجاب جي شهر گوجرانواله ۾ خانگي ڪاليج جي هڪ ڪانسرٽ دوران اسٽيج ڪري پيو جنهن جي نتيجي ۾ ڳائڻي عيني خالد سميت 10 شاگردياڻيون زخمي ٿي پيون. گوجرانواله جي جناح اسٽيڊيم ۾ خانگي ڪاليج جي انتظام هيٺ هڪ ميوزيڪل ڪانسرٽ ڪرايو ويو هو، جتي عيني خالد پرفارم ڪري رهي هئي، انهيءَ دوران ڳائڻي سان گڏ سيلفي وٺڻ لاءِ ڪجهه شاگردياڻيون به اسٽيج تي چڙهي ويون. تنهن هوندي اسٽيج گھڻن ماڻهن جو وزن برداشت نه ڪري سگھيو ۽ هيٺ ڪري پيو، جنهن جي نتيجي ۾ ڳائڻي عيني خالد ۽ 10 شاگردياڻيون زخمي ٿي پيون. واقعي ۾ زخمي ٿيلن کي فوري طور طبي امداد ڏني وئي. ڪاليج جي پرنسپل پروفيسر سليم موجب ڳائڻي عيني خالد کي ڪُلهي تي ڌڪ لڳو ۽ هو پرفارمنس ڇڏي لاهور هلي وئي. عيني خالد جي مشهور گانن ۾ ”ماهيا“ ۽ “تو ميرا دل” شامل آهي.

 

حسن علي پي ايس ايل جون شروعاتي ميچون نه کيڏي سگهندو

 

 

لاهور(اسپورٽس نيوز) پاڪستان ڪرڪيٽ ٽيم جو اسٽار فاسٽ بالر حسن علي گوڏي جي انجري سبب پاڪستان سپر ليگ ٿري جي شروعاتي ميچن دوران ايڪشن ۾ نه هوندو.حسن علي نيوزيلينڊ جي دوري دوران آخري ٽي ٽوئنٽي کان اڳ زخمي ٿي پيو هو ۽ هينئر تائين مڪمل ريڪور ناهي ٿيو جنهن سبب هو پاڪستان سپر ليگ جون ٽي کان چار ميچون نه کيڏي سگهندو.ان جي ڪور جي طور تي پشاور زلمي ٽيم ۾ عميد آصف کي شامل ڪري ورتو آهي. ٻئي طرف پشاور سپليمنٽري ويسٽ انڊيز جي ايوين لوئس کي به اسڪواڊ مان رليز ڪري ڇڏيو آهي.لوئس ورلڊ ڪپ ڪواليفائرز ۾ ويسٽ انڊيز سان مصروفيتن سبب پاڪستان سپر ليگ لاءِ موجود نه هو

 

ويرات ڪوهلي جهڙو ڪرڪيٽر بڻجڻ چاهيان ٿو: بابر اعظم

 

لاهور(اسپورٽس نيوز) قومي ڪرڪيٽ ٽيم جي مڊل آرڊر بيٽسمين ۽ ڪراچي ڪنگز جي رانديگر بابر اعظم چيو آهي ته ويرات ڪوهلي هڪ وڏو ۽ تجربيڪار رانديگر آهي هميشه ان کي فالو ڪندو آيو آهيان، ڪوهلي جهڙو ڪرڪيٽر بڻجڻ جي خواهش آهي.بابر اعظم جو چوڻ هو ته ويرات ڪوهلي بهترين ڪرڪيٽر آهي، ان جهڙو رانديگر بڻجي نه ٿو سگهان پر ڪوشش ڪندو آهيان، ماڻهن جي تنقيد پنهنجي جاءِ تي منهنجي پوري توجهه ڪرڪيٽ تي آهي.هن چيو ته بهترين پرفارمنس ڏيڻ لاءِ محنت ڪري رهيو آهيان، پي ايس ايل ۾ اعليٰ ڪارڪردگي پيش ڪرڻ جي ڪوشش ڪنداسين، اهم ڳالهه فٽنيس جي آهي جيترو فٽ رهنداسين ايتري سٺي فيلڊنگ ۽ بيٽنگ رهندي