تازيون خبرون

Daily Archives: February 16, 2018

ڪنهن ڦورو کي پارٽي جي سربراهه طور نٿا قبولي سگهون: سپريم ڪورٽ

اسلام آباد(ويب ڊيسڪ) چيف جسٽس آف پاڪستان ميان ثاقب نثار چيو آهي ته  اهو نٿا قبولي سگهون ته ڪيو ڦورو پارٽي جو صدر بڻجي ملڪ تي حڪومت ڪري ۽ خدا نه ڪري ڪو چور پارٽي جو صدر بڻجي وڃي جڏهن ته نااهل شخص پارليامينٽ ميمبرن کان سڀ ڪم ڪرائي جيڪي هو پاڻ نٿو ڪري سگهي. سپريم ڪورٽ ۾ چيف جسٽس آف پاڪستان جي سربراهي ۾ چونڊ سڌارا ايڪٽ 2017ع جي ٻڌڻي دوران چيف جسٽس ريمارڪس ۾ چيو ته مشاهد حسين لاءِ پارٽي جي ٽڪيٽ تي نواز شريف صحيح ڪئي، فرحت الله بابر پيپلز پارٽي ۽ تحريڪ انصاف جي پارٽي ٽڪيٽ تي عمران خان جي صحيح آهي جنهن تي وڪيل سلمان اڪرم جو چوڻ هو ته آرٽيڪل 62 ۽ 63 جو تعلق اهلڪيت ۽ نااهليت سان آهي، آرٽيڪل 63 اي پارٽي سربراهه ۽ ميمبرن بابت آهي جڏهن ته اليڪشن ايڪٽ 2017ع آئين سان تڪرا ناهي، پارليامينٽ چاهي ته آرٽيڪل 17 ۾ ترميم ڪري سگهي ٿو ڪنهن پارٽي ميمبرن جي غلطي کي معاف ڪرڻ يا ريفرنس موڪلڻ سربراهه جو اختيار آهي، ٻنهي صورتن ۾ اهو سياسي پارٽي جو اندريون معاملو آهي.  چيف جسٽس ريمارڪس ۾ چيو ته اسان جو وزير اعظم چوي ٿو ته سندس وزير اهو ئي آهي، اسان ڏسي رهيا آهيون ته پارٽي صدر جي حيثيت ڪهڙي هوندي آهي، سلمان اڪرم راجا چيو ته منهنجي خيال ۾ سڄو پارليامينٽ نوٽيس وٺي رهيو هوندو، چيف جسٽس ريمارڪس ۾ چيو ته اسان به نوٽ ڪري رهيا آهيون، پارليامينٽ کي قانون بڻائڻ جو اختيار آهي تنهن هوندي اهڙا قانون بڻائڻ جو اختيار ناهي ان ويلڊ هجن جڏهن ته آئون اهو نٿو مڃان ته ڪو ڦورو پارٽي جو صدر ملڪ تي حڪومت ڪري،  وزير اعظم چوي ٿو ته  آئون ته رڳو نمائندو آهيان. سلمان اڪرم راجا چيو ته نيلسن منڊيلا به ڪيترائي سال جيل ۾ رهيو، چيف جسٽس ريمارڪس ۾ چيو ته نيلسن منڊيلا تي سياسي ڪيس هو فوجداري نه جڏهن ته ڇا عدالت جي توهين ڪندڙ پارٽي صدر بڻجي سگهي ٿو، عدالتن جي توهين ڪندڙ رياست سان وفادار ناهي هوندو جنهن تي سلمان اڪرم راجا چيو ته آرٽيڪل 63 ون کي آرٽيڪل 17 ۾ شامل نٿو ڪري سگهجي.  جسٽس اعجاز الاحسن پڇاڻو ڪيو ته ڇا توهان چئي رهيا آهيو ته نااهل پارٽي جو صدر بڻجي سگهي ٿو، جنهن تي وڪيل سلمان اڪرم جو چوڻ هو ته آرٽيڪل 62 ون ايف جي نااهلي پارليامينٽ جي حوالي سان آهي ان ڪري آرٽيڪل 63 ون کي آرٽيڪل 17 ۾ شامل نٿو ڪري سگهجي، سياسي پارٽي جي ميمبرن جي مرضي آهي ته هو جنهن کي به سربراهه بڻائن. چيف جسٽس ريمارڪس ۾ چيو ته نااهل شخص پارليامينٽ جي ميمبرن کان اهي ڪم ڪرائيندو جيڪي هو پاڻ نٿو ڪري سگهي، سلمان اڪرم پنهنجن دليلن ۾ چيو ته پارٽي صدارت لاءِ پابندي هوندي ۽ ڇا نااهل شخص سياسي پارٽي ۾ سيڪريٽري جنلر يا سيڪريٽري فنانس جو عهدو نٿو رکي سگهي، جسٽس اعجاز الاحسن ريمارڪس ۾ چيو ته ڇا قتل ۽ ڌاڙي واري ڪيسل ۾ سزا ڪاٽيل خص سياسي پارٽي بڻائي سگهي ٿو. چيف جسٽس ريمارڪس ۾ چيو ته الله نه ڪري جو ڪو چور پارٽي جو صدر بڻجي وڃي.

 

پي سي او جج هاڻي اخلاقيات جو سبق ڏيندا؟، عمران ۽ چيف جسٽس جي ٻولي ۾ ڪهڙو فرق آ: نواز شريف

اسلام آباد (اين اين آءِ) پاڪستان مسلم ليگ (ن) جي سربراهه اڳوڻي وزيراعظم محمد نوازشريف چيو آهي ته سڀ کان اعليٰ عهدي تي ويٺل جج صاحب جهڙي طرح زبان استعمال ڪري رهيا آهن اها کين جڳائي نٿي پر هي سندن پنهنجي عهدي جي توهين آهي اسان سوڌيبازي ڪرڻ وارا ماڻهو نه آهيون ۽ ڇا پي سي او جج اسان کي اختلاقيات جو درس ڏيندا عمران خان ۽ ججن جي زبان ۾ پوءِ ڪهڙو فرق چئجي سڄو معاملو هڪ طرفو نه هئڻ گهرجي مشرف جي زماني ۾ پي سي او تحت حلف کڻندڙ جج اسان کي اخلاقيات جو درست ڏيئي رهيا آهن اسان کي قبول نه آهي ڪنهن پاڪستاني کي قبول نه ڪرڻ گهرجي هي ماڻهو خود پنهنجي حلف سان غداري ڪن ٿا مان سندس اهڙا فيصلا نٿو مڃان دل ۽ نيت صاف هجي ته الله ساٿ ڏيندو خميس تي احتساب عدالت ۾ پيش ٿيڻ کان پوءِ صحافين سان غير رسمي ڳالهه ٻولهه ڪندي هن چيو ته جهڙي قسم جا لفظ اخبارن ۽ ٽيليويزن تي ڏسي رهيا آهيون ڇا هي سندن عهدي جي توهين نه آهي هن چيو ته جهڙي قسم جا جملا ۽ لفظ استعمال ڪيا پيا وڃن ڇا ان لاءِ به ڪو قانون آهي نوازشريف چيو ته جج جيڪا زبان استعمال ڪري رهيا آهن ساڳي زبان عمران خان به استعمال ڪري رهيو آهي جيڪڏهن چيف جسٽس به استعمال ڪري ته ان جي ۽ عمران خان جي زبان ۾ ڪهڙو فرق آهي نوازشريف چيو ته سڄو معاملو هڪ طرفو نه هئڻ گهرجي پر اسان ان تي صبر ڪيون ٿا جڏهن ته هر انسان جو هڪ ضمير ۽ هڪ ضبط هوندو آهي ۽ اسان ان تي سمجهوتو نٿا ڪري سگهون. هن چيو ته مان ڪنهن به ڪرپشن ۾ ملوث نه آهيان پر هي ماڻهو مون کي پارٽي جي صدارت تان هٽائڻ چاهين ٿا هي ماڻهو پاڻ پنهنجي حلف سان غداري ڪن ٿا ۽ مان انهن جا اهڙا فيصلا نٿو مڃان اڳوڻي وزيراعظم چيو ته هي ماڻهو ٽيڙي بنياد تي 10 ماڙ عمارت تعمير ڪرڻ چاهين ٿا پر دل ۽ نيت صاف هجي ته الله سائين ساٿ ڏيندو.

 

عدليه جو ٻين ادارن جي حدن ۾ اچڻ درست ناهي: خورشيد شاهه

اسلام آباد (اين اين آءِ) قومي اسيمبلي ۾ مخالف ڌر اڳواڻ سيد خورشيد احمد شاهه چيو آهي ته پارليامينٽ 20 ڪروڙ عوام جو نمائنده ايوان آهي اسان کي پارليامينٽ کي اهميت ڏيڻ  گهرجي عدليا پاران ايگزٽو جو ڪم ملڪ لاءِ سٺو سنوڻ نه آهي. خميس تي قومي اسيمبلي ۾ خيالن جو اظهار ڪندي خورشيد شاهه چيو ته حالتون اهي آهن جو آمريڪا پاڪستانين کي ويزا ڏيڻ کان انڪار ڪري ڇڏيو ان جي چوڻ تي اسان 35 لک افغان مهاجرن کي هتي آندو اڄ هو اوهان کي مڃڻ لاءِ تيار ناهي هن چيو ته هاڻي ملڪ ۾ عدليا اچي وئي آهي عدالت فيصلا ڪري رهي آهي ته سنڌ ۾ هيئن ٿيڻ گهرجي ۽ هونءَ ٿيڻ گهرجي جڏهن ته اهو سٺو ناهي، جو ادارا ادارن ۾ اچن خورشيد شاهه چيو ته نواز شريف هن ايوان ۾ ڪل 14 ڏينهن آيو جڏهن ته مخالف ڌر جي اڳواڻ جي حاضري به ڏسو هفتي جي ٽن ڏينهن ۾ پنهنجي علائقي ۾ هوندو آهيان پر پارليامينٽ ايندو آهيان پارليامينٽ سپريم ادارو آهي اسان پنهنجو وقت به پورو ڪيو پارليامينٽ ان وقت سپريم هئي اسان جي وزير ايوان ۾ موجود هوندا هئا. جڏهن وزيراعظم کي اها خبر ناهي ته ملڪ ۾ ڇا ٿي رهيو آهي ان تي کيس اهو حق حاصل نه آهي ته هو ملڪ جو وزيراعظم رهي. جنهن ملڪ ۾ پراڻا سياستدانن پارليامينٽرينز پڇا ڪن ته هاڻي ڇا ٿيندو ته 20 ڪروڙ عوام جو ڇا ٿيندو، پ پ اڳواڻ چيو ته اها تاريخ رهندي ته پارليامينٽ کي اهميت ڏيو، ڪو ماڻهو پارليامينٽ ۾ اچي ٿو ته گيلريون خالي هونديون آهن پوئين حڪومت ۾ گيلريون ڀريل هونديون هيون ڇو ته وزيراعظم ايوان ۾ هوندو هو هن چيو ته اسان کي رڳو پاڪستان گهرجي اهو پاڪستان جيڪو قائداعظم ٺاهيو جڏهن ته ڀٽو ڦاهي تي چڙهيو اسان ليڊر آهيون ۽ ليڊر جو مطلب آهي ته قوم کي سڌو رستو ڏيکاري. مان پاڪستان ۾ ليڊر قائداعظم کي مڃان ٿو خورشيد شاهه چيو ته اڄ پاريسري ملڪ جو ننڍڙو وزير به پاڪستان کي ڌمڪي ڏئي ٿو اڄ آڱر جي اشاري تي اسان وڃي رهيا آهيون جڏهن ته پاڪستان جو عوام اڄ به انهيءَ بهادري ۽ غيرت سان بيٺل آهي اسان کي مظلوم، غريب ۽ بدحال پاڪستان نه گهرجي هي پاڪستان سڀ کان امير بڻجي سگهي ٿو الله تعاليٰ هر شيءِ ڏني آهي رڳو عمل ڪرڻ جي طاقت نه ڏني آهي هن چيو ته ڪمند جي آبادگارن جي حوالي سان اسان جي ڳالهه کي اهميت نه ڏني وئي آبادگار ڪمند جو فصل ساڙي رهيا آهن پنجاب ۾ 110 رپيا اگهه مقرر ڪيو ويو آهي مڊل مين 90 رپيا في مڻ ۾ کڻي رهيو آهي حڪومت جو غير سنجيده رويو آهي اسان کنڊ وڪرو ڪرڻ جي تجويز ڏني هئي ڇو ته 2018 فيبروري تائين اسٽاڪ موجود هو. ان وقت عالمي قيمتون چوٽ تي هيون ۽ هاڻي گهٽجي ويون آهن سنڌ حڪومت وٺ سٺ ڪري 160 رپيا في مڻ ڪمند جو اگهه مقرر ڪيو آهي جڏهن ته مڊل مين 130 في مڻ ڏئي رهيو آهي ملڪ بحران واري حالت مان گذري رهيو آهي سياسي نظام متاثر آهي مهانگائي ۽ بيروزگاري آهي.

 

ميمو گيٽ اسڪينڊل: حسين حقاني جا ريڊ وارنٽ جاري، گرفتاري جو حڪم

اسلام آباد/واشنگٽن ( ويب ڊيسڪ /اين اين آءِ) سپريم ڪورٽ آف پاڪستان ميمو گيٽ ڪيس جي ٻڌڻي دوران حلف جي خلاف ورزي تي آمريڪا ۾ رهندڙ اڳوڻي پاڪستاني سفير حسين حقاني جا گرفتاري وارنٽ جاري ڪري ڇڏيا خميس تي چيف جسٽس ثاقب نثار جي سربراهي ۾ جسٽس عمر عطا بنديال ۽ جسٽس اعجاز الحسن تي ٻڌل سپريم ڪورٽ جي ٽن ميمبرن واري بئنچ ميمو گيٽ ڪيس جي ٻڌڻي ڪئي ٻڌڻي دوران ڊي جي، ايف آءِ اي بشير ميمڻ، سپريم ڪورٽ کي آگاهه ڪيو ته حسين حقاني جي گرفتاري لاءِ ڪارروائي شروع ڪندي ريڊ وارنٽ جاري ڪرڻ لاءِ انٽرپول کي خط لکي ڇڏيو آهي چيف جسٽس ميان ثاقب نثار ريمارڪس ڏنا ته حسين حقاني عدالت سان ڪيل واعدي جي خلاف ورزي ڪئي آهي ان کان پوءِ سپريم ڪورٽ ۾ ميمو گيٽ اسڪينڊل ڪيس جي ٻڌڻي اڻڄايل مدي تائين ملتوي ڪري ڇڏي. ٻئي طرف  آمريڪا ۾ پاڪستان جي اڳوڻي سفير حسين حقاني چيو آهي ته سياسي بنيادن تي ريڊ وارنٽن جي پرڏيهه ۾ ڪابه اهميت ناهي. سپريم ڪورٽ طرفان ريڊ وارنٽ جاري ڪرڻ جي حڪم تي رد عمل ظاهر ڪندي حسين حقاني چيو ته  تمام وڏي افسوس جي ڳالهه آهي ته ملڪ جي سڀ کان وڏي عدالت مقامي ٽي وي چئنلز جي کل جوڳي رپورٽس تي يقين رکي ٿي، اهڙي قسم جي سياسي وارنٽس جي پرڏيهه ملڪن ۾ ماضي ۾ به ڪا اهميت نه ملي ۽ هاڻي به ڪجهه نه ٿيندو.  هن چيو ته مان خير خواهن بابت ڄاڻ حاصل ڪرڻ لاءِ ڪجهه خبرون جي لنڪ شيئر ڪري رهيو آهيان جنهن ۾ سپريم ڪورٽ طرفان اهڙي ريڊ وانٽس جي سنجيدگي جو اندازو لڳائي سگهجي ٿو. سندس چوڻ هو ته اهڙن خبرن کي پڙهي اندازو لڳائي سگهجي ٿو ته اهڙي قسم جي ڪوششن سان ڪهڙو فائدو ٿيو آهي.

 

قبائلي هاڻ وظيفي لاءِ قومي سڃاڻپ ڪارڊ استعمال ڪري سگهن ٿا: آرمي چيف

راولپنڊي(ويب ڊيسڪ) پاڪ فوج جي سربراهه جنرل قمر جاويد باجوه اعلان ڪيو آهي ته فاٽا جا قبائلي هاڻ وطن ڪارڊ بدران پنهنجي قومي سڃاڻپ ڪارڊ جي ذريعي وظيف  حاصل ڪري سگهندا. پاڪ فوج جي شعبي آءِ ايس پي آر جي سربراهه ميجر جنرل آصف غفور سوشل ميڊيا تي پنهنجي پيغام ۾ ٻڌايو ته آرمي چيف فاٽا جي قبائلي ڀائرن کي سهولت ڏيڻ جي هدايت ڪئي آهي. ڊي جي آءِ ايس پي آر ٻڌايو ته پهرين عارضي طور تي بي گهر ٿيل فاٽا جي عوام کي معاوضي لاءِ سڃاڻپ طور ڪارڊ جاري ڪيا هئا پر هاڻ انهن کان تصديق لاءِ قومي سڃاڻپ ڪارڊ ورتا ويندا. ميجر جنرل آصف غفور چيو ته جن ماڻهن وٽ قومي سڃاڻپ ڪارڊ ناهن اهي 31 مئي 2018ع تائين پنهنجا سڃاڻپ ڪارڊ ٺهرائي وٺن ۽ ان دوران هو وطن ڪارڊ استعمال ڪري سگهن ٿا.

 

روپوشن جو نالو اي سي ايل ۾ وڏو ويندو آهي، جيڪي ڏينهن ۾ ٻه دفعا عدالت ۾ پيش ٿين انهن جو نالو وجهڻ مزاق آهي: مريم اورنگزيب

اسلام آباد (اين اين آءِ) سڌسماءَ جي مملڪتي وزير مريم اورنگزيب چيو اهي ته روپوشن جو نالو اي سي ايل ۾ وڏو ويندو آهي جيڪي ڏينهن ۾ ٻه ڀيرا عدالت ۾ پيش ٿين انهن جو نالو اي سي ايل ۾ وجهڻ مزاق آهي ڪيس آخري مرحلن ۾ آهي 6 ريفرنسز ۽ جي آءِ ٽي رپورٽ ۾ ته ڪجهه ناهي مليو آئيني ۽ قانوني طريقي موجب هلنداسين خميس تي ميڊيا سان ڳالهائيندي مريم اورنگزيب چيو ته اي سي ايل ۾ نالو انهن ماڻهن جو وڌو ويندو آهي جيڪي روپوش هوندا آهن. مملڪتي وزير چيو ته ڪيس آخري مرحلن ۾ آهي عدالت جو فيصلو متوقه آهي نيب اي سي ايل لاءِ ان وقت خط لکيو جڏهن فيصلو متوقه آهي نيب کي ڪيئن خبر ته فيصلو ڇا اچڻ وارو آهي هن چيو ته وزارت ڏسندي ته ڇا خط اي سي ايل ۾ وجهڻ جون گهرجون پوريون ڪري رهيو آهي مريم اورنگزيب چيو ته عدالت جڏهن به گهرايو ته اهي پيش ٿي رهيا آهن ميڊيا خود ڏسي رهيو آهي ته ريفرنسز مٿان ريفرنسز آندا پيا وڃن 6 ريفرنسز ۽ جي آءِ ٽي رپورٽ ۾ ته ڪجهه نه مليو جي آءِ ٽي جيڪو صندوق ڀري جمع ڪرايو ان ۾ به ڪجهه نه مليو هڪ وقت تائين هڪ رپئي جي به چوري ثابت ناهي ٿي سگهي هن چيو ته عدالت ۾ پيش ٿي رهيا آهيون ته اي سي ايل ۾ نالو ڇو ٿو وڌو وڃي.

 

سنڌ جي وڏي وزير تعليم کاتي کي 6000 جونئر ايليمينٽري اسڪول ٽيچرز ڀرتي ڪرڻ جي هدايت ڪري ڇڏي

ڪراچي (اين اين آءِ) سنڌ جي وڏي وزير سيد مراد علي شاهه تعليم کاتي کي 6000 جونئر ايليمينٽري اسڪول ٽيچرز (جي اِي ايس ٽي) ڀرتي ڪرڻ جي هدايت ڪئي ته جيئن ارلي چائلڊ هووڊ ايجوڪيشن سسٽم، انگلش ميڊيم ۽ ڪمپري هينسو هاءِ اسڪول شروع ٿي سگهن. هن اها ڳالهه اڄ وزيراعليٰ هائوس ۾ اسڪول ايجوڪيشن ڊپارٽمينٽ بابت اجلاس جي صدارت ڪندي ڪئي. اجلاس ۾ تعليم وارو وزير ڄام مهتاب ڏهر، رٿابندي ۽ ترقي وارو چيئرمين محمد وسيم، وڏي وزير جو پرنسپل سيڪريٽري سهيل راجپوت، سيڪريٽري اسڪول ايجوڪيشن اقبال دراني ۽ ٻيا لاڳاپيل آفيسر شامل هئا. سيڪريٽري اسڪول ايجوڪيشن اقبال درانيءَ وڏي وزير کي بريفنگ ڏيندي ٻڌايو ته انگلش ميڊيم اسڪولن جون تعمير هيٺ 25 عمارتن مان 15 تيار آهن. اسڪول عمارتون جيڪي مڪمل ٿي ڪيون ويون آهن ۽ اتي تعليم شروع ڪئي ويندي انهن ۾ شهيد بينظيرآباد، سکر، لاڙڪاڻي، نوشهروفيرو، سانگهڙ، خيرپور، ميرپورخاص، ٽنڊومحمد خان، گهوٽڪي، ٺٽو، سجاول، بدين، ٽنڊوالهيار، مٽياري ۽ ڄامشورو شامل آهن. اهي اسڪول جيڪي 19-2018ع ۾ مڪمل ٿيندا انهن ۾ حيدرآباد، عمرڪوٽ، دادو، قمبر-شهدادڪوٽ، جيڪب آباد، ٿرپارڪر ۽ ملير شامل آهن، جڏهن ته شڪارپور، ڪشمور ۽ ڪراچيءَ جي ٽن اسڪولن تي ايندڙ سال ڪم شروع ڪيو ويندو. اقبال درانيءَ وڏي وزير کي ٻڌايو ته پنجن اسڪولن جي ايس اين اِي منظور ڪئي وئي آهي جڏهن ته ٻين ڏهن ايس اين اِي اڃا تائين ناڻي کاتي منظور ناهي ڪئي. ان تي ڪاوڙ جو اظهار ڪندي وڏي وزير ناڻي کاتي کان فائل گهرائي ۽ اجلاس دوران منظوري ڏني. وڏي وزير چيو ته سندس ريڊ ٽيپزم کي برداشت نه ڪندو ۽ هر ڪم وقت سر ٿيڻ گهرجي. وڏي وزير سيڪريٽري تعليم کي هدايت ڪئي ته هُو ناليواري تعليمدان ۽ تعليمي ادارن مان ايڪسپريشن آف انٽريسٽ گهرائي. هن چيو ته مان چاهيان ٿو ته اهي انگلش ميڊيم اسڪول خانگي مئنجمينٽ تحت هلايا وڃن ۽ ان سان پبلڪ سيڪٽر ۾ سٺن اسڪولن قيام ۾ مدد ملندي. هن چيو ته حڪومت سمورا خرچ بشمول ٽيوشن في، ٽيسٽ بوڪ، مشقي مواد، رجسٽريشن في، امتحاني في ۽ حالانڪه تدريسي ۽ غيرتدريسي عملي جون پگهارون به برداشت ڪيون وينديون. خانگي شراڪتدارن کي گهرجي ته اهي مئنيجمينٽ کي موئثر طريقي سان هلائيندا. اقبال درانيءَ وڏي وزير کي ٻڌايو ته نون 6000 استادن جي ڀرتيءَ لاءِ قائدن جي تشڪيل ريگيوليشن ونگ تحت عمل هيٺ آهي. انتظامن جي منظوري بعد هر انگلش ميڊيم اسڪول ۾ 69 اسٽاف ميمبر ورتا ويندا جن ۾ 39 ٽيچرنگ اسٽاف شامل آهي. 15 اسڪولن لاءِ فرنيچر خريد ڪيو ويو آهي، هر اسڪول ۾ مڪمل سامان سان آراستا سائنس ليب، ڪمپيوٽر ليب، هڪ بهترين لائبريري ۽ اسٽينڊ باءِ جنريٽر جون سهولتون مهيا هونديون، اهي اسڪول انگلش ميڊيم هوندا ۽ ڪيمبرج سسٽم تحت هلايا ويندا. ان تي وڏي وزير چيو ته حڪومت لاءِ اهو نهايت ڏکيو آهي ته اهي ٻهراڙي وارن علائقن ۾ بهترين او-ليول استاد ڀرتي ڪري انڪري اهو هدف بهترين تعليمي ادارن کي ڏئي سگهجي ٿو. صوبائي تعليم واري وزير ۽ سيڪريٽري اسڪول ايجوڪيشن کي اهو هدف ڏنو ٿو وڃي ته اهي اهم تعليمي ادارن سان گڏ انگلش ميڊيم اسڪولن جي مئنيجمنٽ کي هلائڻ لاءِ ڳالهايو وڃي ۽ پوءِ مثابقتي عمل ذريعي ان جي چونڊي ڪئي وڃي. هڪ سوال جي جواب ۾ سيڪريٽري اسڪول ايجوڪيشن اقبال درانيءَ چيو ته 25 ڪمپري هينسو اسڪولن مان 6 يونٽس مارچ 2018ع تائين تيار ٿي ويندا، جڏهن ته 9 ڊسمبر 2018ع تائين تيار ٿي ويندا ۽ باقي رهيل 10 اسڪولن جي ٽينڊرنگ وارو عمل ايڊوانس مرحلي ۾ آهي. وڏي وزير سيد مراد علي شاهه چيو ته شروعاتي ٻاراڻي تعليم لاءِ استاد کي تخليقي عمل ذريعي ڀرتي ڪيا وڃن پر انهن نون استاد کي لازمي طور تي انگريزي، سائنس ۽ حساب سٺي طريقي سان اچڻ گهرجي، انڪري اهڙي حساب سان استادن جي چونڊ لاءِ سواليا پيپر تيار ڪيا وڃن. هن چيو ته استادن جي سکيا تمام اهم آهي ۽ مان چاهيان ٿو ته سرڪاري شعبي ۾ ڪم ڪندڙ استادن جي استدادڪار ۾ اضافي لاءِ جامع حڪمت عملي جوڙي وڃي.

 

سربراهه کي پارٽي مان ڪڍندڙ ڪارڪنن کي ڇا اهميت ڏيندا؟: فاروق ستار

ڪراچي (ويب ڊيسڪ) ايم ڪيو ايم پاڪستان جي اڳواڻ فاروق ستار چيو آهي ته جيڪي ماڻهو پارٽي سربراهه کي کير ۾ مک جيان ڪڍي اڇلائي ڇڏين، انهن لاءِ ڪارڪنن ۽ عام عوام جي ڇا اهميت هوندي؟. ڪراچي ۾ صحافين سان ڳالهائيندي فاروق ستار چيو ته ڪارڪنن کي گمراهه ڪرڻ جو عمل مذهبي ۽ اخلاقي اعتبار سان غلط آهي. سندس چوڻ هو ته منهنجي صوبائي وزير ڄام خان شوري سان ڪا ملاقات ناهي ٿي، ملاقات جا افواهه پکيڙي ماڻهن ۽ سرڪاري ملازم ڪارڪنن کي گمراهه ڪيو پيو وڃي. سلمان مجاهد تي لڳل الزامن بابت فاروق ستار جو چوڻ هو ته معاملي جي جاچ ٿيڻ گهرجي.27

 

ڪرپشن ريفرنس ۾ شرجيل ميمڻ سميت 12 جوابدارن تي فرد جرم لاڳو

ڪراچي (اين اين آءِ) مقامي احتساب عدالت سڌسماءَ واري کاتي ۾ پوڻا ڇهه ارب ڪرپشن ڪيس ۾ شرجيل ميمڻ سميت ٻين جوابدارن تي فرد جرم لاڳو ڪندي ٻڌڻي 3 مارچ تائين ملتوي ڪري ڇڏي خميس تي ڪراچي جي احتساب عدالت ۾ ٻڌڻي ٿي شرجيل ميمڻ سميت ڪيس ۾ نامزد 12 جوابدار عدالت ۾ پيش ٿيا عدالت ڌرين جا دليل مڪمل ٿيڻ کان پوءِ شرجيل ميمڻ سميت ٻين جوابدارن تي فرد جرم لاڳو ڪري ڇڏيو جج عدالت جي ڪمري ۾ موجود جوابدارن کي فرد جرم پڙهي ٻڌايو جڏهن ته جوابدارن ڏوهه مڃڻ کان انڪار ڪيو جنهن تي عدالت ايندڙ ٻڌڻي تي شاهدن کي گهرائي ورتو آهي. شرجيل ميمڻ سان گڏ فرد جرم لاڳو ٿيندڙ جوابدارن ۾ ذوالفقارعلي شلواڻي، يوسف ڪابورو، انعام اڪبر، سلمان منصور، منصور احمد راجپوت، گلزار علي، منصور هاشمي الطاف حسين ميمڻ، عمر شهزاد، سيد نويد، ۽ مسعود هاشمي شامل آهن. فرد جرم لاڳو ٿيڻ تي جوابدار انعام اڪبر جي وڪيل پاران اعتراض داخل ڪيو ويو اعتراض ۾ ڄاڻايو ويو ته ڪيس ۾ فرد جرم لاڳو نٿو ٿئي منهنجي درخواست ٻڌي وڃي جنهن کان پوءِ احتساب عدالت ڪيس جي وڌيڪ ٻڌڻي 3 مارچ تائين ملتوي ڪري ڇڏي.

 

 لوڌران چونڊن ۾ ن ليگ هر هنڌ پئسا خرچ ڪيا، اين آر او لاءِ عدليه تي مسلسل دٻاءُ وڌو پيو وڃي: عمران خان

اسلام آباد (اين اين آءِ) پاڪستان تحريڪ انصاف جي چيئرمين عمران خان چيو اهي ته پرڏيهي پاليسي جي ناڪامي سبب پاڪستان جو نالو واچ لسٽ ۾ وڌو پيو وڃي. ڇوٽي ميان صاحب قتل ڪرائي ٿو کيس ڪوبه نٿو پڪڙي مون مٿان دهشتگردي جا ڪيس داخل ڪيا ويا شاهد خاقان ڪٺپتلي وزيراعظم آهي عدليه تي اين آر او لاءِ دباءُ وڌو پيو وڃي لوڌران ۾ اسان جو اميدوار حڪومتي اميدوار جي خلاف 91 هزار ووٽ کنيا خميس تي ايس ايس پي تشدد ڪيس ۾ هاضري کان پوءِ ميڊيا سان ڳالهائيندي عمران خان چيو ته نوازشريف کي ڪرپشن ۾ سزا ٿيڻ جي سمورن ڪرپٽ عنصرن کي خوف اهي جڏهن ته وزيراعظم شاهد خاقان عباسي ڪٺپتلي آهي عمران خان چيو ته دولت ملڪ کان ٻاهر کڻي ويا آهن ۽ ڊرامو ڪيو پيو وڃي ته مون کي ڇو ڪڍيو ڪوئي شڪ نه آهي ته هي سمورو ڪرپشن مافيا آهي پهريان نه ڪڏهن سندس چوري ۽ نه ئي جرم پڪڙيو ويو پر هاڻي فرد جرم کان بچڻ لاءِ ڪروڙين رپيا خرچ ڪري جلسا ڪرايا پيا وڃن هن چيو ته لوڌران جي ضمني چونڊن ۾ پئسا خرچ ڪيا ويا ۽ ماڻهن کي قيمي وارا نان کارائي جلسا ڪرايا پيا وڃن ميڊيا سان ڳالهائڻ دوران هيليڪاپٽر گذرڻ تي عمران خان دلچسپ تبصرو ڪندي چيو ته هن هيليڪاپٽر م ميان صاحب ته نه پيو گذري جنهن تي اتي وڏا ٽهڪ ڏنا ويا عمران خان چيو ته ملڪ جو نالو عالمي دهشتگردي جي واچ لسٽ ۾ وڌو پيو وڃي ۽ حڪومت هڪ ڪرپٽ کي بچائڻ ۾ مصروف آهي ملڪي پرڏيهي پاليسي جي ڪمزوري جي ڪري اڄ هي صورتحال آهي اهو به ٻڌو آهي ته ڪنهن ملڪ جو پرڏيهي وزير ڪنهن ٻئي ملڪ کان 16 لک رپيا پگهار وٺندڙ هجي عمران خان چيو ته تحريڪ انصاف جي اميدوار علي ترين لوڌران جي ضمني چونڊ ۾ سخت مقابلو ڪيو ۽ حڪومتي اميدوار جي خلاف 91 هزار ووٽ کنيا.