تازيون خبرون

Daily Archives: January 18, 2018

نوازالدين صديقي هالي ووڊ ۾ انٽري ڏيڻ لاءِ تيار

 

مبئي(شوبز نيوز) بالي ووڊ اداڪارا نوازالدين صديقي به هالي ووڊ ۾ انٽري ڏيڻ لاءِ تيار آهي جڏهن ته ان جي هالي ووڊ ويب سيريز فلم جي پهرين جهلڪي منظرعام تي اچي وئي.بالي ووڊ جي فلم ڪڪ، بدلاپور، بجرنگي ڀائيجان ۽ رئيس جهڙين سپر هٽ فلمن ۾ اداڪاري جا جوهر ڏيکاريندڙ نوازالدين صديقي هميشه نوان ۽ منفرد ڪردار ادا ڪندو آهي ۽ پنهنجي حقيقي اداڪاري سان انهن ۾ ايئن سمائجي ويندو آهي جو اهو نه صرف مداحن جو پسنديدا ڪردار بڻجي ويندو آهي پر اداڪار جي سڃاڻپ به بڻجي ويندو آهي جڏهن ته هاڻ هن هالي ووڊ ۾ به انٽري ڏئي ڇڏي آهي.ڀارتي ميڊيا رپورٽن جي مطابق بالي ووڊ اداڪار نوازالدين صديقي سماجي رابطن واري ويب سائيٽ انسٽا گرام تي پنهنجي هالي ووڊ ويب سيريز جو پوسٽر جاري ڪندي چيو ته ميڪ مافيا منهنجي پهرين عالمي ويب فلم سيريز هوندي ۽ اها تمام حيرت انگيز هوندي.ٻئي طرف هالي ووڊ جي ڊائريڪٽر ۽ ميڪ مافيا سيريز ۾ هدايتڪار جا فرض سرانجام ڏيندڙ جيمس واٽڪن خوشي جو اظهار ڪندي چيو ته فلم گينگ آف واسي پور ۾ نوازالدين صديقي جي حيرت انگيز اداڪاري ڏسي منهنجي خواهش هئي ته مان نواز سان گڏ ڪم ڪندس ڇو ته هو هڪ زبردست اداڪاري آهي جيڪو نه صرف هر ڪردار ۾ سمائجي وڃي ٿو پر اسڪرين تي پنهنجي موجودگي جو به احساس ڏياري ٿو.

 

اداڪارا جينيفر لوپيز ڏيڍ لک روپين جا جوراب پائڻ لڳي

 

نيويارڪ(شوبز نيوز) دنيا جي مشهور ترين ڳائڻي ۽ اداڪارا جينيفر لوپيز کي ڪير نه ٿو سڃاڻي، جينيفر لوپيز کي گانن سان گڏوگڏ اداڪاري مان شهرت ملي جڏهن ته اها پنهنجي بهترن لباس سان به دنيا کي حيران ڪندي رهندي آهي.ڪجهه ڏينهن اڳ ئي جينيفر لوپيز ڪپڙن جي مشهور ترين ڪمپني گوچي جا جوراب پاتا آهن، انهن جورابن جي خاص ڳالهه اها آهي ته انهن جي قيمت پاڪستاني روپين ۾ 146000 روپين کان وڌيڪ ٺهي ٿي.انهن جورابن جي قيمت وڌيڪ هجڻ جو سبب اهو آهي ته ان جوراب ۾ هيرا لڳل آهن، جينيفر لوپيز پنهنجي سوشل ميڊيا اڪائونٽ تي لکيو ته اڄ مون نوان جوراب پاتا آهن.

 

پاڪستان خلاف نيوزيلينڊ جي ٽي ٽوئنٽي اسڪواڊ جو اعلان

 

ويلنگٽن(اسپورٽس نيوز) نيوزيلينڊ پاڪستان خلاف ٽن ميچن تي ٻڌل ٽي ٽوئنٽي سيريز لاءِ اسڪواڊ جو اعلان ڪري ڇڏيو.پاڪستان کي ون ڊي سيريز ۾ شڪست ڏيڻ کانپوءِ نيوزيلينڊ ٽي ٽوئنٽي اسڪواڊ جو اعلان ڪري ڇڏيو جڏهن ته سيريز جي شروعات 22 جنوري تي ٿيندي.نيوزيلينڊ جي اسڪواڊ ۾ ڪجهه رانديگر هڪ يا ٻن ميچن لاءِ موجود هوندا، اسڪواڊ ۾ ڪپتان ڪين وليمسن، مارٽن گپٽل، ڪولن منرو، گلين فلپس، روس ٽيلر، مچل سينٽنر، ٽرينٽ بولڊ، ٽام بروس، ڪولن ڊي گرينڊ هوم، لوڪي فرگوسن، ايش سوڌي، ٽم سائوٿي، بين ويلر ۽ انارو ڪچن شامل آهن.ٽم سائوٿي پهرئين ۽ ٽئين جڏهن ته راس ٽيلر پهرين ٽي ٽوئنٽي لاءِ موجود هوندو، فاسٽ بالر ٽرينٽ بولٽ کي پهرين ٽي ٽوئنٽي ميچ لاءِ آرام ڏنو ويو آهي ۽ هو ٻئين ۽ ٽئين ميچ لاءِ موجود هوندو.

 

نيوزيلينڊ جي باڪسر سوني بل وليمز پاران سعودي عرب جو دورو، عمري جي ادائيگي

 

ويلنگٽن(اسپورٽس نيوز) نيوزيلينڊ جي باڪسر ۽ رگبي رانديگر سوني بل وليمز هلندڙ مهيني عمري جي ادائيگي لاءِ سعودي عرب جو دورو ڪيو ۽ مقدس جاين جون تصويرون مداحن سان شيئر ڪيون.سوني بل وليمز واحد مسلم باڪسر ۽ رانديگر آهي جيڪو نيوزيلينڊ لاءِ کيڏندو آهي.هو انٽرنيشنل هيوي ويٽ چيمپيئن جو فاتح به آهي ۽ 2011ع ۽ 2015ع ۾ رگبي ورلڊ ڪپ به کٽي چڪو آهي.سون بل وليمز 2009ع ۾ اسلام قبول ڪيو ۽ ديني تعليم حاصل ڪئي. سوني وليمز ڪجهه ڏينهن اڳ مڪي شريف ۾ عمرو ادا ڪيو ۽ مديني شريف جي زيارت به ڪئي، جنهن جون تصويرون هن پنهنجي ٽوئيٽر اڪائونٽ تي شيئر ڪيون آهن.سوني وليمز مسجد نبوي جي احاطي جي هڪ تصوير ٽوئيٽر تي شئير ڪندڙ پنهنجن جذبن جو اظهار ڪيو آهي لکيو ته مديني ۾ مسجد نبوي صه جي زيارتي ڪرڻ ڪيڏو زبردست احساس آهي