تازيون خبرون

Daily Archives: November 25, 2017

 سياستدان ن تي ڪرپشن ۽ غداري جا الزام پيا لڳن، چونڊن ۾ دير جو ذميوار زرداري هوندو: ن ليگ

جاتي امرا(ويب ڊيسڪ) ريلوي واري وفاقي وزير خواجا سعد رفيق چيو آهي ته پيپلز پارٽي جي قيادت لاءِ هي وقت فڪر جو آهي، چونڊون وقت تي نه ٿيون ته ذميوار آصف زرداري هوندو. اسان جو آندل قانون ئي ڀٽي جو قانون آهي. جاتي امرا ۾ ميڊيا سان ڳالهائيندي سعد رفيق چيو ته عمران خان قابل رحم شخص آهي، آئيني ترميم جي منظوري رد ٿي ذميواري آصف زرداري تي هوندي ۽ جيڪڏهن چونڊون بر وقت نه ٿيون تڏهن به ذميوار زرداري ئي هوندو، الزام نيا ناهن رڳو رانديگر نوان هوندا آهن. هن چيو ته سياسي پارٽي جي قيات ڪير ڪندو اهو فيصلو سياسي ڪارڪن ئي ڪندا آهن، اسان جيڪو قانون آندو آهي اهو ئي ڀٽي جو قانون آهي. سياستدانن تي ڪرپشن ۽ غداري جا الزما لڳايا پيا وڃن، عمران خان رڳو پروپيگنڊا ۽ گاريون ڏيندو ٿو وتي ۽ جيڪڏهن اقتدار لاءِ عمران خان کي شطان سان اتحاد به ڪرڻو پيو ته هو ڪندو.اسان ٻين پارٽين کي به آواز ڏيندا رهنداسين ۽ آئيني ترميم ۾ اسان جو نه سموريي پارٽين جو مفاد آهي.

 

آئي ايس ائي جي رپورٽ موجب ڌرڻي وارن جا سياسي مقصد آهن: سپريم ڪورٽ

اسلام آباد (اين اين آءِ) سپريم ڪورٽ فيض آباد انٽرچينج تي مذهبي جماعت جي ڌرڻي تي گذريل ڏينهن ڪيل ٻڌڻي جو لکت ۾ حڪم جاري ڪري ڇڏيو آهي جنهن ۾ چيو ويو آهي ته آئي ايس آئي جي رپورٽ مطابق ڌرڻي وارن جا سياسي مقصد آهن، مظآهرو ڪندڙن کي حڪم ڏنو وڃي ٿو ته هو قرآن  پاڪ جي تعليم تي عمل ڪن، لکت ۾ حڪمنامي ۾ چيو ويو ته اسلام امن جو دين آهي، امن جو بحث ڏئي ٿو، ڌرڻي وارا قرآن پاڪ جي تعليم جي خلاف قدم کڻِي رهيا آهن. سپريمڪورٽ جي  لکت واري حڪم ۾ چيو ويو ته ضروري ناهي ته ڌرڻون ختم  ڪرڻ جي لاءِ تشدد جو رستو اختيار ڪيو وڃي، رپورٽس موجب مظاهرو ڪندڙن پوليس اهلڪارن تي به تشدد ڪيو، جڏهن ته آئي جي  پوليس جي مطابق رپورٽ ۾ چيو ويو ته هڪ معصوم ٻارڙو طبي امداد نه ملڻ تي فوت ٿي ويو، عدالت ۾ چيو ويو ته  اٽارني جنرل ٻڌايو ته ڌرڻي وارن احتجاج ۾ قانون اجازت نه ورتي ۽ انهن 21 نومبر جي عدالتي حڪم تي هنن  ججن جي خلاف گٿي زبان استعمال ڪئي، حڪومت عدالتي حڪم جو اردو ۾ ترجمو ڪرائي ۽ وڏي انگ ۾ مظاهر و ڪندڙن تائين  پهچائي،واضع رهي ته جسٽس مشِير عالم ۽ جسٽس قاضي فائز عيسيٰ تي ٻڌل سپريمڪورٽ جي ٻه رڪني بينچ 21 نومبر تي ڌرڻي جو نوٽيس ورتو هو، عدالتي حڪم سان ڌرڻي وارن فيض آباد انٽرچينج تان هٽائڻ جي لاءِ عدالت 30 نومبر تائين اڳڀرائي رپورٽ گھري آهي.

 

پشاور ۾ خودڪش ڌماڪو، ايڊيشنل آءِ جي هيڊڪوارٽر گن مين سميت شهيد

پشاور (اين اين آءِ) پشاور جي علائقي حيات آباد فيض ٽو ۾ ايڊيشنل اشرف نور آپگهاتي ڌماڪي جي حملي ۾ شهيد ٿي ويو موٽر سائيڪل بمبار گاڏي جي ويجھو   پهچندي ئي پاڻ کي اڏائي ڇڏيو، حيات آباد ۾ بمبار ايڊِيشنل آئي جي اشرف نور جي گاڏيءَ موٽر سائيڪل ٽڪرائي ڇڏي،  ايڊيشنل آئي جي اشرف نور گھر کان آفيس وڃي رهيو هو، ڌماڪي ۾ ايڊِيشنل آئي جي اشرف نور ۽ان جو گن مين مارجي ويو جڏهن ته 6 ڄڻا زخمي ٿيا، زخمين کي حيات آباد جي استپال ۾ پهچايو ويو جتي هڪ جي حالت ڳڻتي  جوڳي آهي ڌماڪي ۾ 15 کان 20 ڪلو بارودي مواد استعمال ڪيو ويو، موٽرسائيڪل ۾ به بارود رکيو ويو هو.

ٻئي طرف وزير اعظم شاهد خاقان عباسي، پنجاب جي وڏي وزير شهباز شريف ۽ پي ٽي آءِ جي چيئرمين عمران خان حيات آباد ڌماڪي جي ڀرپور مذمت ڪئي ۽ ايڊيشنل آءِ جي اشرف نور ۽ سندس گن مين جي شهادت تي افسوس جو اظهار ڪندي چيو ته ملڪ کي دهشتگردي کان پاڪ ڪرڻ جي عزم کي ڪمزور نٿو ڪري سگهجي، دهشتگردي خلاف ويڙهه کي منطقي انجام تائين پهچائينداسين، شاهد خاقان عباسي زخمين کي فوري طور طبي امداد جي فراهمي جي به هدايت جاري ڪئي. جڏهن ته پنجاب جي وڏي وزير شهباز شريف ايڊيشنل آءِ جي هيڊڪوارٽر محمد اشرف ۽ سندس گن مين جي شهادت تي ڏک جو اظهار ڪندي چيو ته ايڊيشنل آءِ جي فرض جي ادائيگي دوران پنهنجو سِرَ جو نذرانو پيش ڪيو آهي، شهيد هميشه زندهه رهندا آهن، سڄي قوم کي شهيدن تي فخر آهي. هوڏانهن پي ٽي آءِ چيئرمين عمران خان جو چوڻ آهي ته فساد جا ٻج ڇٽيندڙ ڪڏهن به پنهنجن عزمن ۾ ڪامياب نه ٿيندا، حملو دهشتگردي جي بدترين مثال آهي، ڏوهارين کي ڪٺهڙي ۾ آڻڻو پوندو.

 

فاٽا جو عوام سيڪيورٽي فورسز جي امن بحالي لاءِ قربانين کي ضايع ٿيڻ نه ڏيندو: آرمي چيف

راولپنڊي( ويب ڊيسڪ ) آرمي چيف جنرل قمر جاويد باجوه پشاور ۾ دهشتگردن هٿان شهيد ٿيل ايڊيشنل آءِ جي اشرف نور خان کي ڀيٽا پيش ڪندي چيو آهي ته اشرف نور جي قرباني کي سلام پيش ڪريون ٿا. آءِ ايس پي آر موجب آرمي چيف جنرل قمر جاويد باجوه چيو ته دهشتگرد ڪاررواين سان اسان جي حوصلن کي ڪمزور نه ٿو ڪري سگهجي. هن چيو ته پوليس سان تعلق رکندڙ ساٿين جي عظيم قربانين کي ڀيٽا پيش ڪريون ٿا. سندس چوڻ هو ته وطن کي درپيش خطرن کي نظر ۾ رکندي اسان جو عزم مضبوط آهي، ڌرتي ماءُ کي دهشتگردن مان ڇوٽڪاري لاءِ اسان جو عزم ڪڏهن به ڪمزور نه ٿيندو.

ٻئي طرف  آرمي چيف جنرل قمر جاويد باجوه جو چوڻ آهي ته فاٽا جو عوام سيڪيورٽي فورسز جي امن بحالي لاءِ قربانين کي رائيگان نه وڃن ڏيندو، هن اهو پيغام فاٽا يوٿ وفد جي آءِ ايس پي آر جي دوري جي موقعي تي پنهنجي پيغام ۾ ڏنو. پاڪ فوج جي شعبي آءِ ايس پي آر موجب فاٽا يوٿ وفد آءِ ايس پي آر جي دوري دوران فاٽا جي مستقبل بابت يوٿ وفد پنهنجي خيالن جو اظهار ڪيو، وفد فاٽا ۾ امن جي بحالي لاءِ پاڪ فوج جي قربانين کي ساراهيو. ڊي جي آءِ ايس پي آر ميجر جنرل آصف غفور امن بحالي ۾ فاٽا جي بهادر عوام جي حمايت کي به ساراهيو.

 

ملڪ ۾ جمهوريت کان سواءِ ٻيو ڪو به رستو ناهي: نواز شريف

لاهور(ويب ڊيسڪ) اڳوڻي وزير اعظم نواز شريف سان جاتي امرا ۾ مسلم ليگ ن جي ڪارڪنن ملاقات ڪئي ۽ بيگم ڪلثوم نواز جي طبيعت بابت پڇاڻو ڪيو. ملاقات ۾ ملڪي سياسي صورتحال تي به ڳالهيون ڪيون ويون. تفصيل موجب مسلم ليگ جي سربراهه ميان نواز شريف سان جاتي امرا ۾ مسلم ليگ ن جي ڪارڪنن ملاقات ڪئي، ان موقعي تي اڳوڻي وزير اعظم جو چوڻ هو ته ملڪ ۾ جمهوريت کان سواءِ ٻيو ڪو به رستو ناهي، جمهوري ادارن جي بلندي لاءِ قربانين کان پاسو نه ڪنداسين.

 

عمران سڄي ملڪ جو ٺيڪو کنيو آ، پر ڪي پي ۾ احتساب ڪميشن کي تالا لڳل آهن: مريم اورنگزيب

اسلام آباد(ويب ڊيسڪ) سڌُ سماءَ واري مملڪتي وزير مريم اورنگزيب چيو آهي ته عمران خان صاحب توهان ڏڦيڙ پکيڙڻ ڪڏهن بند ڪندئو، خان صاحب پاڻ سڄي ملڪ جو ٺيڪو کنيو آهي پر سندس صوبي ۾ احتساب ڪميشن کي تالا لڳل آهن. ميڊيا سان ڳالهائيندي مريم اورنگزيب چيو ته سڄو پاڪستان عمران خان جي اصليت ڄاڻي ٿو، عمران جي حرڪتن سبب پاڪستان جو عوام ساڻس نفرت ڪندو آهي، هن عمران خان سان مخاطب ٿيندي چيو ته توهان استعيفيٰ ڪڏهن ڏيندا، توهان جهانگير ترين ۽ گنڊاپور کان استعيفيٰ ڪڏهن وٺندا، توهان جي پارٽي ڪرپٽ مافيا آهي جنهن جا سرپرست توهان آهيو، عمران خان توهان کي عوام ۽ ايندڙ نسل ڪڏهن به معاف نه ڪندو. ڪي پي ڪي ۾ توهان جي حڪومت واري ڪاري دور کي هميشه ياد رکيو ويندو.

 

ملڪ جو سڀ کان وڏو مسئلو تعليمي نظام آهي: خورشيد شاهه

اسلام آباد(ويب ڊيسڪ) مخالف ڌر جي اڳواڻ خورشيد شاهه چيو آهي ته پاڪستان جو سڀ کان وڏو مسئلو تعليم جو نظام آهي، ملڪ ۾ 77 سيڪڙو عورتون اڻ پڙهيل آهن. تفصيل موجب خورشيد شاهه پنهنجي بيان ۾ چيو آهي ته سمورا مسئلا تعليمي نظام خراب هئڻ ڪري آهن، پاڪستان جو سڀ کان وڏو مسئلو تعليمي نظام آهي جڏهن ته حڪومت کي اصل مسئلن تي ڌيان ڏيڻ جي ضرورت آهي ڇو ته پاڪستان ۾ 77 سيڪڙو عورتون اڻ پڙهيل آهن. هن چيو ته سنڌ حڪومت 5 هزار نوان ڊاڪٽر ڀرتي ڪيا پر موجوده حڪومت وٽ نظام جي بهتري لاءِ ڪو به پاليسي ناهي، ڪيترائي چيلينج آهن، حڪومت ڪيترن مسئلن کي منهن ڏيندي.

 

نواز شريف تڪرار واري سياست ڇڏي ته ڳالهيون ٿي سگهن ٿيون: بلاول ڀٽو زرداري

ڪراچي(ويب ڊيسڪ) پاڪستان پيپلز پارٽي جي چيئرمين بلاول ڀٽو زرداري چيو ته آهي ته نواز شريف تڪرار جي سياست ڇڏي ته ڳالهيون ٿي سگهن ٿيون. ن ليگ ميثاق جمهوريت تي ڳالهيون ڪرڻ چاهي ٿي ته پهرين بندوبست ڪري. بلاول ڀٽو پنهنجي بيان ۾ چيو آهي ته نواز شريف جي سياست ۾ نئون ڪجهه به ناهي، هو پنهنجي ذات جي سياست ڪندو آهي. هن وڌيڪ چيو ته نواز شريف خطرناڪ راند کيڏي رهيو آهي، هو جمهوريت ڪمزور ڪرڻ جي ڪوشش ڪري رهيو آهي. بلاول ڀٽو چيو ته نواز شريف واقعي ميثاق جمهوريت تي ڳالهائڻ چاهي ٿو ته تڪرار جي سياست ڇڏي ڳالهيون ڪري.

 

ڊار علاج لاءِ لنڊن ۾ آهي، ضامن اسحاق ڊار کي پيش لاءِ ٽن هفتن جي مهلت گهري ورتي

اسلام آباد(ويب ڊيسڪ) اڳوڻي ناڻي واري وفاقي وزير اسحاق ڊار جي ضامن احمد علي قدوسي کيس احتساب عدالت جي آڏو پيش ڪرڻ لاءِ ٽن هفتن جو وقت گهريو آهي. تفصيل موجب احتساب عدالت ۾ ناڻي واري وفاقي وزير اسحاق ڊار خلاف آمدن کان وڌيڪ اثاثا بڻائڻ واري ڪيس جي ٻڌڻي ٿي. اڳوڻي ناڻي واري وزير طرفان سندس ضامن احمد علي قدوسي عدالت ۾ پيش ٿيو ۽ شوڪاز نوٽس جو جواب جمع ڪرايو. ضامن جي جواب ۾ اپيل ڪئي وئي ته اسحاق ڊار لنڊن ۾ علاج هيٺ آهي ان ڪري هو عدالت ۾ پيش ناهي ٿي رهيو، عدالت اسحاق ڊار جو 50 لک رپين عيوض زر ضمانت ضبط نه ڪري ۽ اسان کي 3 هفتن جي مهلت ڏني وڃي. عدالت اسحاق ڊار جي 50 لک رپين جي ضمانت ضبط ڪرڻ جي معاملي تي نيب کان دليل طلب ڪندي ڪيس جي ٻڌڻي 29 نومبر تائين ملتوي ڪري ڇڏي.

 

اسحاق ڊار کي سڀ خبر آهي ته نواز شريف جا پيسا ڪٿي پيل آهن: عمران خان

حافظ آباد(ويب ڊيسڪ) پاڪستان تحريڪ انصاف جي سربراهه عمران خان چيو آهي ته جڏهن وزير اعظم پيسا چوري ڪندو آهي ته سمورو نظام ڪرپٽ ٿي ويندو آهي، اسحاق ڊار کي سڀ خبر آهي ته نواز شريف جا پيسا ڪٿي پيل آهن. حافظ آباد ۾ جلسي کي خطاب ڪندي عمران خان چيو ته جڏهن وزير اعظم پيسا چوري ڪندو آهي ته هيٺ تائين سمورو نظام ڪرپٽ ٿي ويندو آهي. بيروزگاري ۽ مهانگائي جو وڏو سبب ڪرپشن آهي، روڊ ٽٽا پيا آهن ۽ پيئڻ جو صاف پاڻي به ناهي. نواز چيو ته هو هڪ نظرئي جو نالو آهي، نواز شريف جو اهو نظريو ڪرپشن آهي. نواز شريف کي ان ڪري ڪڍيو ويو جو هن ملڪ جا جا 3 سئو ارب رپيا ٻاهر موڪليا، پاڪستان جو وزير دبئي ۾ نڪري ڪري ته نواز شريف کيس نٿو روڪي سگهي، نواز شريف هن کي ان ڪري نه روڪي سگهندو ڇو ته هو پاڻ نوڪري ڪري رهيو هو. پاڪستانيون! توهان جا 3 سئو ارب رپيا چوري ٿي ٻاهر ويا، بدقدسمتي آهي ته هتي نواز شريف ۽ زرداري جهڙا ماڻهو اقتدار ۾ آيا. هن وڌيڪ چيو ته شاهد خاقان عباسي ۾ ايتري همت آهي جو هو اسحاق ڊار کي ڪڍي. اسحاق کي سڀ خبر آهي ته نواز شريف جا پيسا ڪٿي پيل آهن.