تازيون خبرون

Daily Archives: November 10, 2017

عمران ۽ ترين نااهلي ڪيس،  آئين ۽ قانون کي نشانو بڻايو پيو وڃي: سپريم ڪورٽ

اسلام آباد (ويب ڊيسڪ) عمران خان ۽ جهانگير ترين نااهلي ڪيس دوران چيف جسٽس آف پاڪستان ريمارڪس ڏنا آهن ته آئين ۽ قانون کي نشانو بڻايو پيو وڃي ۽ عدالت ٻاهران جيڪو ڪجهه ٿي رهيو آهي، ان تي صبر ۽ تحمن جو مظاهرو ڪري رهيا آهيون. چيف جسٽس ميان ثاقب نثار جي سربراهي ۾ سپريم ڪورٽ جي ٽه رڪني بئنچ ن ليگ اڳواڻ حنيف عباسي جي عمران خان ۽ جهانگير ترين جي نااهلي بابت داخل درخواست جي ٻڌڻي ڪئي. ٻڌڻي دوران حنيف عباسي جي وڪيل اڪرم شيخ عدالت کي درخواست ڪئي ته اليڪشن ڪميشن کي چئو عمران خان 1997ع جي نامزدگي ڪاغذ فراهم ڪري، جنهن تي چيف جسٽس چيو ته شيخ صاحب، جيڪڏهن 1997ع جو فارم رهجي به ويو ته ان ڪيس کي ڊيگهه نه ڏني وڃي. ان موقعي تي عمران خان جي وڪيل دليلن ۾ چيو ته رڪارڊ گهرائڻ تي مون کي اعتراض ناهي، جيڪڏهن ڄاڻ درست نه هئي ته آر او نامزدگي ڪاغذ رد ڪري سگهو ٿو. ڌرين جي دليلن کانپوءِ عمران خان جي 1997ع وارن ڪاغذن جي نامزدگي گهرائڻ جي درخوست رد ڪئي وئي. ٻڌڻي دوران جسٽس عمر عطا بنديال وڪيل اڪرم شيخ کي مخاطب ٿيندي چيو ته توهان جو ڪيس نئون رُخ اختيار ڪري ويو آهي، ان وقت 3/184 تحت ڪيس ٻڌي رهيا آهيون، ترديد نه ٿيڻ جوڳن ثبوتن جو ٻوجهه درخواست گذار جي ڪلهن تي آهي، جيڪڏهن جواب مان بظاهر طور مطمئن ٿياسين ته وڌيڪ تفصيلن ۾ نه وينداسين. چيف جسٽس ريمارڪس ڏنا ته ڳالهائڻ نه پئي چاهيوسين پر ڳالهه نڪتي آهي ته ٻڌائي ٿا ڇڏيون آئين ۽ قانون کي نشانو بڻايو پيو وڃي پر اسان انتهائي صبر ۽ تحمل جو مظاهرو ڪري رهيا آهيون، ڇا ان طريقي سان آئين ۽ قانون کي نشانو بڻائڻ محب الوطني آهي. چيف جسٽس چيو داد ڏيو ته اسان سڀ ٻڌي رهيا آهيون پر اها ڳالهه ڪيس تي اثرانداز ٿيڻ ناهيون ڏيندا، ڪمال ڏسو ڳالهيون ٿي رهيون آهن پر اسان صبر ڪري رهيا آهيون، دنيا ۾ انعام ملي يا نه پر صبر ۽ تحمل تي آخرت ۾ مغفرت ضرور ٿيندي. عدالت اڄوڪي ڪارروائي دوران ڌرين جا دليل ٻڌڻ کانپوءِ ٻڌڻي 14 نومبر تائين ملتوي ڪري ڇڏي.27

 

نواز شريف ادارن سان ٽڪراءَ جي خطرناڪ راند کيڏڻ پيو وڃي : آصف زرداري

اسلام آباد (ويب ڊيسڪ): پيپلز پارٽي جي شريڪ چيئرمين آصف زرداري جو چوڻ آهي ته نواز شريف ادارن سان ٽڪراءَ جي خطرناڪ راند کيڏڻ وڃي رهيو آهي ۽ پنهنجي ذات ۽ خاندان لاءِ ملڪي سلامتي داءَ تي لڳائي رهيو آهي، گذريل ڏينهن به نواز سريف جي عدليه بابت بيان تي آصف زرداري ان تي سخت تنقيد ڪندي چيو هيو ته موجوده حالتن ۾ نواز شريف سان سهڪار ملڪ دشمني برابر هوندو، خميس ڏهاڙي اسلام آباد ۾ پارٽي اڳواڻن سان ملاقات دوران ڳالهائيندي اصف زرداري چيو ته نواز شريف ادارن سان ٽڪراءَ جي خطرناڪ راند کيڏڻ وڃي رهيو آهي، اهو پاڪستان کي ان طرف وٺي وڃي رهيو آهي، جتي ڪنهن کان نه سنڀالجي سگهندو، هن چيو ته نواز شريف پنهنجي ذات ۽ خاندان جي لاءِ ملڪي سلامتي داءَ تي لڳائي رهيو آهي، اهو پارليامينٽ ۽ عدليه سميت سمورن ادارن کي ڪمزور ڪرڻ چاهي ٿو، اڳوڻي صدر جو چوڻ هيو ته جتي رياستي ادارا تباهه هجن، اتي گهرو ويڙهه ٿيندي آهي، رياستي ادارا ٽٽي وڃن ته ملڪن جو حال افغانستان، عراق، لبيا جهڙو ٿيندو آهي، جن ملڪن جا رياستي ادارا ٽٽا، انهن کي آمريڪي، نيٽو فوجون به نه سنڀالي سگهيون، پيپلز پارٽي جي شريڪ چيئرمين وڌيڪ چيو ته پيپلز پارٽي نواز شريف کي اها خطرناڪ راند کيڏڻ نه ڏيندي، ڇو ته هي ملڪ تباهه ڪري ڀڄي ويندا پر اسان کي هتي ئي رهڻو آهي.

 

پارٽيون آهن به يا نه خبر ناهي، وڏي وزير پي ايس پي ۽ متحده کان اڻڄاڻائي ظاهر ڪري ڇڏي

ڪراچي (اين اين آءِ) سنڌ جي وڏي وزير سيد مراد علي شاهه، گورنر سنڌ محمد زبير سان گڏ ايڪسپو سينٽر ڪراچيءَ ۾ ٽريڊ ڊولپمينٽ اٿارٽي آف پاڪستان (ٽڊاپ) جي اهتمام هيٺ پاڪستان جي سڀ کان وڏي عالمي نمائش “ڏهين ايڪسپو پاڪستان 2017ع” جو افتتاح ڪيو. وڏي وزير سان گڏ قومي اسيمبليءَ ۾ مخالف ڌر اڳواڻ سيد خورشيد احمد شاهه ۽ وفاقي واپار وارو وزير پرويز ملڪ پڻ هئا. ان موقعي تي وڏي وزير سيد مراد علي شاهه ميڊيا سان ڳالهائيندي چيو ته ايم ڪيو ايم ۽ پي ايس پي پارٽيون موجود آهن يا نه مون کي ڄاڻ نه آهي، سندن پارٽيءَ جو نالو جڏهن فائنل ٿي وڃي ۽ ٻئي جماعتون پنهنجو موقف ظاهر ڪن ته انهن بابت ڳالهائي سگهجي ٿو. هن چيو ته منظور وساڻ اڳئي ٻڌائي ڇڏيو هو ته اهي هڪ ئي آهي. هن چيو ته ٻئي پارٽيون پاڻ ئي وس وسن جو شڪار آهن، گذريل ڏينهن  واري سياسي هلچل سان پاڪستان پيپلز پارٽيءَ تي ڪوبه فرق نه ٿو پوي. اتحاد جي جوڙ بعد ڏٺو ويندو ته اڳواڻ ڪير آهي، اڃا ته سندن خبر نه اٿن ته اڳواڻ ڪير آهي. هن ٻنهي جماعتن جي اتحاد تي پراڻو گيت ورجايو ته ”ڪس نام سي پڪارون، ڪيا نام هي تمهارا“. هڪ سوال جي جواب ۾ هن چيو ته پاڪستان پيپلز پارٽي جمهوريت تي يقين رکندي آهي. هن وڌيڪ چيو ته اڳوڻو جنرل پرويز مشرف ملڪ کان ٻاهر آهي، واپس ايندو ته ڏسنداسين. امن امان جي صورتحال بابت وڏي وزير چيو ته شهر جون حالتون بهتر ٿي رهيون آهن، اهڙي قسم جا ايونٽ ٿيڻ سٺي ڳالهه آهي، امن بحال ٿيڻ سان سيڙپڪار ڪراچي اچي رهيا آهن، ايڪسپو پاڪستان ان جو ثبوت آهي جنهن ۾ 85 ملڪن جا وفد شريڪ ٿيا آهن ۽ ان سان ملڪي برآمد ۾ مدد ملندي.

 

ڪوئيٽا ۾ ڌماڪو، ڊي آءِ جي سميت 3 اهلڪار شهيد، 7 زخمي

ڪوئيٽا  (اين اين آءِ)صوبائي گادي واري هنڌ ڪوئيٽا ۾  جي علائقي ۾ ايئرپورٽ رود تي خودڪش ڌماڪي ۾ ڊي آئي جي ٽيلي ڪميونڪيشن حامد شڪيل سميت ٽي اهلڪار شهيد ۽ پوليس اهلڪارن سميت 7 اهلڪار زخمي ٿي ويا آهن.  ايس ايس پي اپريشن ڪوئيٽا نصيب الله خان جي مطابق خميس تي  صبح جو ڊي آئي جي ٽيلي ڪميونڪيشن حامد شڪيل جي او آر ڪالوني ۾ وقعي رهائشگاهه کان آفيس وڃي رهيو هو ته ايئرپورٽ  روڊ تي چمن هائوسنگ سوسائيٽي  اسڪيم خودڪش ڌماڪي ۾ بمبار  پاڻ کي ان جي گاڏي جي و يجھو اڏائي ڇڏيو. جنهن جي نتيجي ۾ ڊي آئي جي ٽيلي ڪميونڪيشن حامد شڪيل، اي ايس ائي محمد رمضان، ڊرائيور جليل احمد شهيد جڏهن ته پوليس اهلڪار ۽ واٽهڙن سميت 7 اهلڪار زخمي ٿيڻ وارن ۾ ڪانسٽيبل اسلم، ڪانسٽيبل عمران، ڪانسٽيبل عين الدين، نعمان، انور  ۽ عبدالغني شامل آهن زخمين کي طبي امداد جي لاءِ سول اسپتال ۽  سي ايم ايڇ ڪوئيٽا منتقل ڪيو ويو. ايس ايس پي اپريشن ڪوئيٽا نصيب الله خان ٻڌايو ته ڌماڪو خودڪش هيو ۽ حملو ڪندڙ پيدل هيو يا ڪنهن شئي تي سوار هيو انجي باري ۾ ڪجھه به نه ٿا چئي سگھون.  ڊي آئي جي حامد شڪيل ان کان اڳ ايس ايس پي ٽريفڪ پوليس  ڪوئيٽا، اي آئي جي ويجيلنس، سميت ٻين ڪيترن عهدن تي رهيو. ان جي مڙهه کي ڪوئيٽا سي ايم ايڇ ۾ ضروري ڪاروائي کان پوءِ جي او آر ڪالوني ۾ ان جي رهائشگاهه تي پهچايو ويندو.  صوبائي گادي و اري هنڌ ڪوئيٽا جي ايئرپورٽ روڊ تي  چمن هائوسنگ سوسائيٽي  ۾ ڊي آئي جي پوليس حامد شڪيل تي حملو خودڪش هيو ۽ ان  ۾ بال بيئرنگ استعمال ڪيا ويا هئا، جن سان جاني نقصان ۾ اضافو ٿيو. سول ڊفينس جي کاتي جي  بم ڊسپوزل اسڪواڊ  جي شروعاتي رپورٽ جي مطابق ڊي آئي جي پوليس  ٽيلي ڪميونڪيشن جي گاڏي کي خودڪش بمبار نشانون بڻايو. ڌماڪي ۾ 10 کان 15 ڪلو  ڌماڪيدار مواد ۽ ۾ بال بيئرنگ استعمال ڪيا ويا هئا، جنهن جي ڪري آفيسرن ۽ اهلڪارن جي شهادت ٿي هئي. واقعي واري جاءَ تي خودڪش حملو ڪندڙ جاعضوا  گڏ ڪيا ويا آهن، جنهن کي فارنزيڪ ٽيسٽ جي لاءِ  ليبارٽري موڪليو ويو آهي.

پاڪستان جي صدر ممنون حسين ڪوئيٽا ۾ دهشستگرد حملي جي سخت لفظن ۾ مذمت ڪندي چيوته دهشتگردي جي خلاف سڄي قوم متهد آهي آخري دهشتگرد جي پاڙ پٽڻ تائين انهن جي خلاف اپريشن جاري رهندو. جاري ڪيل بيان موجب صدر ممنون حسين ڪوئيٽا ۾  ٿيل دهشتگردي واري حملي جي سخت لفظن ۾ مذمت ڪئي آهي جنهن ۾ اي آئي جي حامد شڪيل ۽ ٻيا پوليس اهلڪار شهيد ٿيا پاڪستان جو صدر جاني نقصان تي ڏک  ۽ افسوس جو اظهار ڪيو ۽ شهيدن جي وارثن سان تعزيت ڪئي ۽ دعا گھري، صدر ممنون حسين لاڳاپيل عملدران کي هديت ڪئي آهي ته  زخمين کي طبي سهولتون مهيا ڪيون وڃن، هن قانون لاڳو ڪندڙ ادارن جي دهشتگردي جي خلاف قربانين کي ساراهيو. وزيراعظم شاهد خاقان عباسي  ڪوئيٽا ڌماڪي جي سخت مذمت ڪندي ڊي آئي جي ۽ ساٿين  جي شهادت تي گھري ڏک جو اظهار ڪيو آهي، هڪ بيان ۾ وزيراعظم شهيدن  جي وارثن  سان تعزيت جو اظهار  ڪندي امن امان  جي قيام ۽ دهشتگردي  جو خاتمو ڪرڻ جي لاءِ پوليس جي ڪوششن ۽ قربانين  کي خراج تحسين پيش ڪيو ، وزيراعظم جو چوڻ هيو ته بزدلاڻي حملو ڪندڙن کي شڪست ملندي، هن وڌيڪ چيو ته بزدلاڻي ڪاروائي دهشتگردي  جي جنگ ۾ اسان جي عزم کي ۽ جدوجھد کي روڪي نه ٿي سگھي. سڌ سماءَ واري مملڪتي وزير  مريم اورنگزيب  جي ڪوئيٽا ڌماڪي جي سخت مذمت چيو آهي ته پاڪستان ۽ ترقي جي دشمن پنهنجي ناپاڪ مقصد ۾ هميشا کان ناڪام ٿي رهيا آهن. هڪ بيان ۾ سڌ سماءَ واري مملڪتي وزير  مريم اورنگزيب  چيو ته پاڪستان جي پوليس، هٿيار بند فوج ۽ قانون نافذ  ڪندڙ ادارن  جي جوان ۽ آفيسر سينو تاڻي عوام جي جان ۽ مال جي سلامتي جي لاءِ قربانيون ڏئي رهيا آهن. وزير  مريم اورنگزيب  جي ڪوئيٽا ڌماڪي جي سخت مذمت چيو آهي ته پاڪستان ۽ ترقي جي دشمن پنهنجي ناپاڪ مقصد ۾ هميشا کان ناڪام ٿي رهيا آهن هن چيو ته پوري قوم دهشتگردي جي خلاف گڏ آهي. مريم اورنگزيب  چيو ته  دهشتگردي جي خاتمي تائين سک سان ساهه نه کڻنداسي. مملڪتي وزير متاثر خاندان سان همدردي ۽ زخمين جي لاءَءِ جلدي صحتيابي جي دعا ڪئي. قومي اسيمبلي ۾ مخالف ڌر جي اڳواڻ سيد خورشيد شاهه ڪوئيٽا ۾ بم ڌماڪي جي مذمت ڪندي چيو آهي ته دهستگردن کي پنهنجي انجام تائين پهچائڻ اسان سڀني جو گڏيل مشن آهي ۽ ان ۾ ڪاميابي  حاصل ڪرڻ جي لا اسانکي ترجيحي بنيادن تي ڪم ڪرڻون  پوندو ، هن چيو ته دهشتگرد پاڪستان دشمنن جا ايجنٽ آهن ۽ اسان جي  امن جي لاءِ دشمنن جي پاڙ پٽڻ  ضروري آهي مخالف ڌر جي اڳواڻ ڌماڪي  ۾ شهيدن جي گھر ڀاتين سان تعزيت ڪئي ۽ زخمين جي جلدي صحتيابي جي لاءِ دعا ڪئي.گھرو وزير پروفيسر احسن اقبال ڪوئيٽا ۾ ٿيل  ڌماڪي جي سخت مذمت ڪندي چيو آهي ته اسان جا سيڪيورٽي اهلڪار وطن جي حفاظت جي لاءِ پنهنجا سر قربان ڪري رهيا آهن سيڪيورٽي ادارا دهشتگردن جي ناپاڪ ارادن کي ڪڏهن به ڪامياب ٿيڻ نه ڏيندا، جاري ٿيل بيان جي مطابق گھرو وزير ڪوئيٽا ۾ ٿيل بم ڌماڪي جي سخت مذمت ڪندي  پوليس آفيسر ۽ اهلڪارن جي شهادت تي ڏک جواظهار ڪيو آهي هن شهيدن جي  وڏن درجن ۽ وارثن جي لاءِ صبر ۾ رهڻ جي دعا ڪئي.

 

آرمي چيف سان آمريڪي سفير ۽ اردن رائل ايئر فورس ڪمانڊر جون ڌار ڌار ملاقاتون

راولپنڊي (ويب ڊيسڪ) چيف آر آرمي اسٽاف جنرل قمر جاويد باجوا سان آمريڪي سفير ۽ اردن رائل ايئر فورس جي ڪمانڊر ڌار ڌار ملاقاتون ڪيون آهن. آءِ ايس پي آر طرفان جاري ڪيل بيان موجب آمريڪي سفير ڊيوڊ هيل جي ايڇ ڪيو جو دورو ڪري آرمي چيف جنرل قمر جاويد باجوا سان ملاقات ڪئي، جنهن ۾ گڏيل دلچپسي جي معاملي ۽ خطي جي سيڪيورٽي صورتحال تي خيالن جي ڏي وٺ ڪئي وئي، ان کانسواءِ اردن رائل ايئر فورس جي ڪمانڊر ميجر جنرل يوسف احمد به جي ايڇ ڪيو ۾ آرمي چيف سان ملاقات ڪئي، جنهن دوران ٻه طرفن عسڪري لاڳاپن بابت خيالن جي ڏي وٺ ڪئي وئي. ان موقعي تي ميجر جنرل يوسف احمد دهشتگردي خلاف جنگ ۾ پاڪ فوج جي ڪاميابين کي ساراهيو ۽ پاڪ فوج جي پيشيوراڻي صلاحيتن جي به واکاڻ ڪئي.27

 

موجوده حڪومت دهشتگردي خلاف فيصلائتي جنگ و ڙهي، ملڪ جي معيشت کي استحڪام ۽ مضبوط انفراستڪچر ڏنو : وزيراعظم

اسلام آباد (اين اين آءِ) وزيراعظم شاهد خاقان عباسي چيو آهي ته موجوده حڪومت دهشتگردي جي خلاف فيصلائيتي جنگ وڙهي ملڪ جي معيشت کي مٿي آندو ۽ مضبوط انفراسٽڪچر ڏنو. اقبال ڊي جي موقعي تي وزيراعظم پيغام ۾ چيو ته علامه محمد اقبال اسانجي فطري روايت جو سڀ کان روشن حوالو آهي، هن هند جي مسلمانن کي هڪ اهڙي دور ۾ منزل جو ڏس ڏنو جڏهن سندن تهذيبي وجود کي  ڪيترائي خطره هئا، علامه اقبال جي فڪر مايوسي ۽ نااميد واري ماحول ۾ اميد جو اهو ڏيئو ٻاريو جنهن نه فقط منزل پر رستي جو به تعين ڪيو. علامه اقبال نه صرف هڪ آزاد ۽ خودمختار رياست جو تصور ڏنو پر ان  ڳالهه جي به پروڙ ڪئي ته  هڪ جديد اسلامي ملڪ کي ڪهڙا ڪهڙا چيلنج آڏو اچي سگھن ٿا، علامه اقبال مسلم رياستن کي اهو رستو ڏيکاريو ته جديد  دوري جي تقاضائن تي پور ولهڻ جي لاءِ کين جمهوري اصولن جي بنياد تي پنهنجي سياسي نئين سر جوڙ جڪ ڪرڻ گھرجي ۽ جمهوري قدرن سان سلهاڙجي شهرين کي سياسي ۽ سماجي عمل جو حصو بڻائڻ گھرجي، پاڪستان مسلم ليگ هڪ اهڙي جمهوري پاڪستان جي لاءِ ڪوشان آهي، جنهن عوام جي بصيرت مان  فائدو و ٺندي  ۽ ان جي رائي جو فائدو وٺندي سندن مسئلن جو هل ڳولهيو وڃي. گذريل چئن سالن کان مسلم  ليگ نون  جي حڪومت ان ڳالهه لاءِ ڪوشان رهي آهي ته پاڪستان کي جديد دور جي هڪ اهڙي  ترقي يافته رياست بڻايو وڃي جيڪا هڪ پاسي مسلم  تهذيب سڃاڻپ جي نگهبان هجي ۽ ٻئي پاسي عالمي اخلاقي قدرن جي علمبردار هجي جنهن ۾ بنا فرق مذهب ۽ رنگ سڀني کي هڪ جھڙا حق حاصل هجن. شاهد خاقان عباسي چيو ته ٽي وي تي ڪهاڻيون ٻڌائيندڙ ن سان مقابلو ڪرڻ ڄاڻون ٿا، فقط ساڍن چئين سالن جي گھٽ مدي ۾ 10 هزار ميگاواٽ کان وڌيڪ بجلي سسٽم ۾ شامل ڪئي آهي، انجنيئرن جي ترقي سان ڪوبه مل اڳتي نه ٿو وڌي سگھي جيڪڏهن انجنيئر پنهنجون ذميواريون بهتر طورتي ادا ڪن ته ڪم ۾ سولائي ٿيندي، سي پيڪ انجنيئرن جي  پروجيڪٽ آهي،  ان حوالي سان  پاڪستان انجنيئرنگ ڪائونسل قائداڻون ڪردار ادا ڪري پاڪستان انجنيئرنگ ڪائونسل (پي اي سي )  جي اهتمام هيٺ سالياني انجنيئرنگ ڪنيونيشن کي خطاب ڪيو هو، خرم دستگير، احسن اقبال ۽ پي اي سي جو چيرمين ان موقعي تي موجود هيو، وزيراعطم چيو ته اميد آهي ته پي اي سي  جو ڪنوينشن هڪ اهڙو ساليانون ايوينٽ ثابت ٿيندو  جتيملڪ ۾ انجنيئرنگ ۽ انجنيئرن جي مسئلن تي ڳالهه ٻول ٿيندي هن چيو ته ملڪ  جو دفاع وارو وزير، گھرو  ۽ رٿابندي و ارو وزير تعليم وارو وزير ۽ ڪيترن ٻين اعليٰ عهدن تي انجنيئر مقرر آهي انهن تي ڳري ذميواري آهي ته اهي انهن عهدن تي رهي بهتر ڪم ڪن، و زيراعطم چيو ته پي اي سي ماضي ۾ سياست جي ور چڙهي وئي پر هاڻي هي ادارو فعال ٿي رهيو آهي انجنيئرن ۽ انجنيئرز  جي ترقي  کانسواءِ ڪوئي ملڪ ترقي نه ٿو ڪري  سگھي هن چيو ته وقت سان گڏ انجنيئنرنگ جي تقاضن ۾ به وڏي تيزي سان تبديلي آئي آهي . انجنيئرز وٽ مسئلي جي حل جي لا3 هڪ طريقو هوندو آهي جنهن کي انجنيئرن جي تعليم چئجي ٿو، ان ڪري جيڪڏهن انجنيئرن پنهنجون ذميواريون بهتر نموني سان نڀائين ته ملڪ ترقي ڪري سگھي ٿو، وزيراعظم چيو ته 2013 ۾ جڏهن  مسلم ليگ نون حڪومت ٺاهي هئي ته ان وقت وزيراعظم نوازشريف مونکي پيٽرول جو قلمدان ڏنو جيڪو منهنجي لاءِ حيران ڪرڻ وارو هيو جڏهن ته مونکي ٻن هفتن ۾ احساس ٿي ويو ته ملڪ ۾ اضافي گيس نه آڻينداسي ته توانائي جو بهران ختم نه ٿيندو ان حوالي سان ڪافي ماڻهن تنقيد ڪئي پر ان سان مسئلا ناهن ٿيندا. مسئلو واضع هيو ته ملڪ کي واڌو گيس گھرجي ۽ اسان ان تي  ڪم ڪيو اڄ انهن قدمن جي نتيجن  تي توانائي جي بحران تي ڪنٽرول ڪري ورتو آهي، هن چيو ته ان وقت گيس تي هلندڙ پاور پلانٽ، فرٽيلائيزر پلانٽ ۽ انڊسٽري بند هئي  ۽ ڳالهه گھريلو استعمال جي لاءِ   ڪئي ويندڙ سپلائي جي بند ڪرڻ تائين پهچي وئي ملڪ۾ بجلي نه هئي جڏهن ته ڀاڻ ٻاهران گھرايو پيو ويو، وزيراعظم چيو ته اها صورتحال چيلنج هئي اسانجي حڪومت مسئلن جي باوجود ڪم ڪري ڏيکاريو آهي. ٽي وي تي ماڻهون جيڪي ڪهاڻيون ٻڌايئن ٿا انهنسڀني جو مقابلو ڪرڻ ڄاڻون ٿا، هن چيو ته ملڪ 70 سالن 17 هزار ميگا واٽ بجلي بڻائي وئي ۽ اسانجي حڪومت فقط ساڍن چئن سالن جي گھٽ مدي ۾  10 هزار ميگاواٽ کان وڌيڪ بجلي سسٽم ۾ شامل ڪئي  آهي، هن چيو ته انجنيئرن جو بنيادي ڪم اعليٰ معيار تي ڪم ڪرڻ آهي تڏهن ملڪ جا مسئلا حل ٿيندا، هن چيو ته انجنيئرن جا سمورا مطالبا انتظامي نويعت جا آهن ۽ اهي حل ڪيا ويندا،. هن چيو ته پاڪستان اهو ملڪ آهي  جنهن نيوڪليئر ٽيڪنالوجي ڊويلپ ڪئي آهي دنيا جا ڪجھه ملڪ ئي ائين ڪري سگھيا آهن، ان ۾ گھڻو ڪم انجنيئرن جوآهي. اسان جيڪڏهن هي ڪري سگھون ٿا ته ٻين شعبن ۾ معياري ڪم ڇونه ٿا ڪري سگھون هيءُ ئي اهو بنياد آهي جنهن سان انجنيئرن جو شعبو ترقي ڪري سگھي ٿو ، جنهن جي نتيجي ۾ ان شعبي سان  لاڳاپيل انجنيئر ڪم به ڪري سگھندا ۽ روزگار به حاصل ڪري سگھندا، هن پي اي سي پاران سالياني انجنيئرز ڪنوينشن جي اهتمام کي ساراهيو.

 

عمران صاحب گلالئي جي سوالن جا جواب نه ڏيڻ تي شرم اچڻ گهرجي: مريم اورنگزيب

اسلام آباد (اين اين آءِ) سڌ سماءَءِ واري مملڪتي وزير مريم اورنگزيب چيو آهي ته  علامه اقبال کي خراج عقيدت پيش ڪرن جو سڀ کان بهريتن طريقو  ان جي فڪر تي عمل ڪرڻ آهي ، اقبال ڊي جي موقعي تي مريم اورنگزيب چيو ته علامه اقبال پنهنجي سموري ڄمار مسلمانن کي جاڳائڻ 7 انهن ۾ احساس ذميواري پيدا ڪرڻ جي لا3 وقف ڪري ڇڏي، هن چيو ته اسانکي روح فڪر اقبال جي روشني ۾ پنهنجي اڄ ۽ مستقبل جي تعمير ڪرڻي پوندي،  مريم اورنگزيب چيو ته نوجوان نسل جي لاءِ اقبال جو پيغام روشن رستو ۽ فڪري تربيت جو بهترين ذريعو آهي مريم اورنگرزيب چيو ته نوجوان اقبال جا شاهين بڻجي سوچ ۽ ترقي جي ميراج حاصل ڪرڻ جي جستجو ڪن، هن چيو ته مسلم ليگ نون جي حڪومت قائداعظم ۽ علامه اقبال جي پاڪستان جي تصور کي تعبير ڏين جي ايجنڊا تي ڪم ڪري رهي آهي هن چيو ته علامه اقبال جو پيغام ڪنهن هڪ ملڪ يا قوم تائين محدود ناهي رهيو.  مريم اورنگزيب چيو ته عمران صاحب اوهان کي عدالت سان گڏ نه عدالت ۾ بيهڻ جي ضرورت آهي، هن چيو ته عمران خان امپائر جي آڱر جو انتظار ڪرڻ تي اوهان کي شرم اچڻ گهرجي، هن چيو ته عمران صاحب چونڊيل حڪومت خلاف ڌرڻي جي سازش تي اوهان کي شرم اچڻ گهرجي، هم چيو ته عرمان صاحب چندي، پارٽي جي فنڊ مان جوا کيڏڻ تي شرم اچڻ گهرجي، مريم اورنگزيب چيو ته عمران صاحب پارليامينٽ تي حملو ڪرڻ تي اوهان کي شرم اچڻ گهرجي، عمران صاحب، پاڪستاني فوجن کي تڪراري بڻائڻ تي اوهان کي شرم اچڻ گهرجي، عمران صاحب آئيني، قانوني ادارن مان فرار يٿڻ تي شرم ڪريو، عمران صاحب گلالئي جي سوالن جا جواب نه ڏيڻ تي شرم اچڻ گهرجي، عمران صاحب اقتدار جي هوس ۾ فساد، انتشار ڦهلائڻ تي شرم ڪريو، هن چيو ته عمران صاحب پنهنجي ڪرپشن لڪائڻ لاءِ احتساب ڪميشن کي تالو لڳائڻ تي شرم ڪريو.

 

متحدا ۽ پي ايس پي جي اتحاد سان پيپلز پارٽي کي ڪوبه نقصان نه پهچندو: خورشيد شاهه

اسلام آباد (اين اين آءِ) قومي اسيمبلي م مخالف ڌر جو اڳواڻ سيد خورشيد شاهه چيو ته ايم ڪيو ايم ۽ پي ايس پي اتحا د سان پ پ پ جو ڪوئي نقصان نه ٿيندو خميس تي ايم ڪيو ۽  ايم پي ايس پي  جي سياسي اتحآد تي خورشيد شاهه پنهنجي ردعمل ۾ چيو ته ڪراچي جو ووٽ  ايم ڪيو ايم ۽ پي ايس پي جي هٿ ۾ ناهي پر ڪنهن ٻئي جي  هٿ ۾ اهي هن چيو ته ايم ڪيو ايم  ۽ پي ايس پي الڳ نه هيا پهريان به گڏ هيا، هن چيو ته انهن جي پنهنجي سياست ناهي اهي مجبور آهن جتي چيو ويندو اوڏانهن هليا ويندا، خور شيد شاهه چيو ته پهريان ئي چئي ڇڏيو هو ته ٻنهي جماعتن کي هڪ ڪيو ويندو، اپوزيشن ليڊر چيو ته مصطفيٰ ڪمال هڪ  ڏينهن چوي ٿو ته ايم ڪيو ايم جو نالو ختم ڪندس، هن چيو ته مصطفيٰ ڪمال چوندو هيو ته ايم ڪيو ايم جي نالي اسانکي چٽو هڻي ڇڏيو آهي، هن چيو ته فاروق ستار چوي ٿو ته ايم ڪيو ايم 35 سالن جي سياسي زندگي آهي ڪيئن ختم ڪيان. خورشيد شاهه چيو ته ٻئي ڏينهن ٻئي جماعتون هڪ ٿي وڃن ٿيون.

 

فاروق ستار پي ايس پي سان ڪالهه ڪيل اتحاد پريس ڪانفرنس سان ختم ڪري ڇڏيو

ڪراچي (ويب ڊيسڪ): ايم ڪيو ايم پاڪستان سربراهه ڊاڪٽر فاروق ستار گذريل ڏينهن پاڪ سر زمين پارٽي سربراهه مصطفيٰ ڪمال سان گڏ پريس ڪانفرنس ذريعي ڪيل اتحاد ختم ڪري ڇڏيو، پريس ڪانفرنس ڪندي ڊاڪٽر فاروق ستار چيو ته ايم ڪيو ايم 22 آگسٽ تائين الطاف حسين ڀائي جي هئي پر 23 آگسٽ کانپوءِ ايم ڪيو ايم مظلوم عوام، پاڪستان ٺاهيندڙن پاڪستانين جي ٿي وئي، مون سان گڏ ويهي چئي رهيو هيو ته ايم ڪيو ايم سان گڏ ويهي نه ٿا سگهون ته پوءِ ڪالهه ڪنهن سان گڏ ويهي پريس ڪانفرنس ڪري رهيو هيو، جيڪڏهن ڪالهه لينڊ ڪروزر جو ذڪر نه ٿئي ها ته مان پنهنجي اثاثن جو ذڪر نه ڪريان ها، 2013 جي چونڊن ۾ طالبان انتهاپسندن کان اسان کي خطرو هيو، اسان جي ڪيترين آفيسن تي حملا ٿيا هئا، ڪالهه ذڪر ٿيو ته فاروق ڀائي وٽ لينڊ ڪروزر آهي ۽ مون وٽ به لينڊ ڪروزر آهي اسان بچي وينداسين، سو مون 90 لک رپين جو حساب ڏئي ڇڏيو، اوهان حساب ڏيو ته اوهان لينڊ ڪروزر ڪٿان آندي آهي، گاڏيءَ جي پئسن جو حساب لکي مون لنڊن به اماڻي ڇڏيو هيو، اوهان پنهنجي گهرن ۽ اثاثن جا تفصيل ڏيو، اوهان وٽ لينڊ ڪروزر ڪيڏانهن آئي، منهنجي خيال ۾ عوام جي سياست ڪندڙن کي 2018 جي چونڊن کان اڳ اثاثن جو جواب ڏيڻ گهرجي، ته 5 نومبر 2017 وارو گذريل آچر وارو اسان جو جلسو دنيا ڏٺو، 4 ڏينهن اڳ جلسي ۾ اسان چئي رهيا هياسين، ”اوقات نهين هي آنک سي آنک ملاني ڪي، ديکو ڪهه رها هي نادان نام مٽاني ڪي، اري جس نام پر هم جيتي هين مرتي هين، اسڪو هم مٽا دين گي“، ايم ڪيو ايم نه توهان جي آهي، نه اسان جي آهي، ايم ڪيو ايم پاڪستان بڻائڻ وارن جي آهي، تاثر ڏنو پيو وڃي ته بيڪ ڊور ڪيتريون ئي پي ايس پي اڳواڻن ملاقاتون ٿيون آهن پر منهنجي انيس قائم خاني سان ڪجهه وقت اڳ رڳو هڪ ملاقات ٿي آهي، باقي مصطفيٰ ڪمال سان اڪيلائيءَ ۾ ڪڏهن ناهيان مليو.

 

ممتاز اديب، دانشور مصنف محمد ابراهيم جويو 102 ورهين جي ڄمار ۾ لاڏاڻو ڪري ويو

حيدر آباد (اين اين آءِ) مشهور اديب، دانشور، مصنف ۽ جي ايم سيد جو ويجهو ساٿي محمد ابراهيم جويو 102 ورهين جي ڄمار ۾ لاڏاڻو ڪري ويو، کيس ساهه جي تڪليف سبب اسپتال ۾ داخل ڪيو ويو هو، محمد ابراهيم جويو 13 آگسٽ 1915 تي ڪوٽڙي جي ڳوٺ آباد ۾ اک کولي، شروعاتي تعليم کانپوءِ سنڌ مدرست الاسلام ڪراچي مان ميٽرڪ پاس ڪئي، جڏهن ته ممبئي يونيورسٽي مان گريجيوئيشن ڪئي، ابراهيم جويو 1938 ۾ سنڌ مدرست الاسلام ۾ انگريزي جي استاد جي حيثيت سان ملازمت ڪئي، ان دوران هن پاڪستان جي قيام جي خلاف سيو سنڌ سيو ڪانٽيننٽ نالي تڪراري ڪتاب لکيو جنهن تي مدرسي جي بورڊ ۽ تعليم کاتي کيس نوڪري ختم ڪرڻ جو نوٽيس ڏنو، ان کانپوءِ کيس ميونسپل هاءِ اسڪول ٺٽي جو هيڊماسٽر مقرر ڪرڻ جي آڇ ڪئي وئي، مشهور دانشور محمد ابراهيم جويو 1991 ۾ سنڌي ادبي بورڊ جو سيڪريٽري مقرر ٿيو، 1955 ۾ ٽه ماهي مهراڻ رسالي جو ايڊيٽر ٿيو، هن ذميواريون سنڀاليون، جڏهن ته 1997 کان 2002 تائين سنڌي ادبي بورڊ جو چيئرمين رهيو، هو جي ايم سيد مرحوم جو ويجهو دوست هو، جي ايم سيد جنهن جي نظريي کان متاثر هو، ابراهيم جويو تعليمي ميدان ۾ وڏيون خدمتون ادا ڪيون، سندس لاڏاڻي سان هڪ دور جو خاتمو ٿي ويو، سندس جنازي نماز صحافي ڪالوني حيدرآباد ۾ ادا ڪئي وئي، سنڌ يونيورسٽي ڄامشور جي قبرستان ۾ کيس مٽي ماءُ حوالي ڪيو ويو.