تازيون خبرون

Daily Archives: November 7, 2017

ڪجهه ماڻهو مايوسي پکيڙي رهيا آهن، سياسي بحران پيدا ٿيو ته محنت لڙهي ويندي: احسن اقبال

پشاور (اين اين آءِ) وفاقي گهرو وزير احسن اقبال چيو ته سال 2013 ۾ پاڪستان جو مثال اهڙي جھآز وانگر هيو جنهن جا سمورا حصا ٽٽي ويا هئا بدقسمتي سان جمهوري پاليسي جي تسلسل قائم نه رهڻ ڏنو ويو پاڪستان ۾ توانائي جي بحران تي جلد ڪنٽرول ڪيو ويندو، دهشتگردي جي خلاف جنگ ۾ سڀ کان گھڻيون  قربانيون ڪي پي ڪي ڏنيون، پشاور ۾ نادرا ميگا سينٽر جي افتتاح کانپوءِ ميڊيا سان ڳالهائيندي احسن اقبال چيو ته پاڪستان ۾ معيشت ۽ سياسي استحڪام کي ناڪام ڪيو ويو، سال 2013 ۾ پاڪستان جو مثال اهڙي جھاز وانگر هيو جنهن جا سمورا حصا ٽٽي ويا هجن. روزانو لاش ڪرندا هئا، پوئين حڪومت م 20، 20 ڪلاڪ لوڊشيڊنگ ٿيندي هئي ڪراچي کان گلگت ت ائين اسانجا سمورا ڪارخانا بند ٿي ويا هئا، 1947 کان 2013 تائين اسان صرف 16 هزار ميگا واٽ بجلي پيدا ڪري سگھِياسي، و فاقي وزير جو چوڻ هيو ته اڄ وري پاڪستان کي الله  تعاليٰ ٽيڪ آف جو موقعو ڏنو آهي.

 

نيب ڪيسن ۾ ٻٽي معيار بابت الزامن کي رد ڪري ڇڏيو،  بدعنواني جو خاتمو سندس اولين ترجيح آهي: جاويد اقبال

اسلام آباد( ويب ڊيسڪ ) قومي احتساب بيورو نيب ڪيسن ۾ ٻٽي معيار جي الزامن کي رد ڪري ڇڏيو، چيئرمين جسٽس رٽائر جاويد اقبال چيو آهي ته ارباب عالمگير، عاصمه ارباب ۽ اسلم رئيساڻي خلاف جاچ جلد مڪمل ڪئي ويندي. هڪ بيان ۾ جاويد اقبال چيو ته پ پ جي اڳوڻي وفاقي وزير ارباب عالمگير، سندس گهر واري ۽ اڳوڻي قومي اسيمبليءَ جي ميمبر عاصمه ارباب ۽ اڳوڻي بلوچستان جي وڏي وزير اسلم رئيساڻي خلاف جاچ جلد مڪمل ڪئي ويندي. هن چيو ته جوابدارن خلاف آمدني کان وڌيڪ اثاثا ٺاهڻ ۽ گوادر ۾ زمينن جي ناجائز الاٽمينٽس جا الزام آهن. سندس چوڻ هو ته بدعنواني جو خاتمو سندس اولين ترجيح آهي، ڪرپشن خلاف زيرو ٽالرنس جي پاليسي تي عمل ڪيو ويندو ۽ سموري نيب جاچ کي قانون ۽ مضبوط شاهدين جي بنياد تي مڪمل ڪيو ويندو. ٻئي طرف نيب ترجمان طرفان جاري ڪيل بيان ۾ چيو ويو آهي ته پ پ سميت سمورين پارٽين جي ڪيسن کي قانون موجب ڏٺو پيو وڃي. هن چيو ته نيب قانون سمورين سياسي پارٽين ۽ شخصيتن تي برابر لاڳو ٿين ٿا، پ پ سميت سمورين پارٽين جي ڪيسن کي قانون موجب ڏٺو پيو وڃي.

 

ڀٽ شاهه: پڄاڻي واري تقريب ۾ بلاول ڀٽو زرداري پاران لطيف ايوارڊ تقسيم ڪيا ويا

ڀٽ شاهه(رپورٽر)  شاهه لطيف ڀٽائي جي عرس مبارڪ جي پڄاڻي واري تقريب دوران چيئرمين پاڪستان پيپلز پارٽي بلاول ڀٽو زرداري سنڌ جي وڏي وزير سيد مراد علي شاهه سان گڏجي شاهه جي راڳي استاد رسول ڏنو، فنڪار الهڏنو جوڻيجو، خماچ پليئر عبدالشڪور مڱڻهار، سگهڙ محمد قاسم راهمون، محقق جامي چانڊيو، ڪمپيئر ياسر قاضي، ڊجيٽائيزر امر فياض ٻرڙو ۽ شبير ڪنڀار جڏهن ته لطيف ايوارڊ جي اسپيشل ڪٽيگري ۾ شاهه جو رسالو جي حافظن ڀاءُ راحت بڙدي ۽ ڀيڻ انتخاب بڙدي، شاهه لطيف جو شاهڪار تاريخي مجسما ٺاهيندڙ پروفيسر نادر علي جمالي ۽ سنڌ جي ناليواري مزاحيا فنڪار قادر بخش مٺو کي لطيف ايوارڊ سان نوازيو. ان موقعي تي پاڪستان پيپلز پارٽي سنڌ جو انفارميشن سيڪريٽري سينيٽر عاجز ڌامراهه، پ پ ڪلچرل ونگ سنڌ جو صدر قاسم سراج سومرو، ڊسٽرڪٽ ڪائونسل مٽياري جي چيئرمين مخدوم فخرالزمان ۽ پ پ ضلعي مٽياري جي اڳواڻ سيد علي حسين شاهه ڄاموٽ، سميت شاعر، اديب ۽ دانشور پڻ ان موقعي تي موجود هئا .