تازيون خبرون

Daily Archives: November 7, 2017

رنوير جو فلم “پدماوتي” ۾ پنهنجي ڪردار جي حوالي سان اهم انڪشاف

ممبئي (شوبز نيوز) باليوڊ جي  اداڪار رنوير سنگھ  جو چوڻ آهي  ته فلم پدماوتي کي سائن ڪرڻ جي لاءِ هن گھڻو وقت ورتو، ڇو ته علاوءَ الدين خلجي جو منفي ڪردار ادا ڪرڻ ان لاءِ ڏاڍو ڏکيو هو، بينڊ باجا بارات، ۽ را م ليلا جھڙي سپر هٽ فلم جي ڪري باليوڊ ۾ خاص سڃاڻ ٺاهيندڙ اداڪار رنوير سنگھه هر ڀيري هڪ نئين ڪردار سان مداحن کي حيران ڪندو رهيو آهي جڏهن ته تازو ئي مشهور هدايتڪار  سنجي ليلي  ڀنسالي جي فلم پدماوتي ۾ پهريون ڀيرو منفي ڪردار ۾ هوندو، واضع رهي ته فلم پدماوتي ۾ رنوير سنگھه، شاهد ڪپور ۽ ڊپيڪا پڊڪون مرڪزي ڪردار ۾ نظر ايندا جڏهن ته فلم پهرين ڊسمبر تي  رليز ڪئي ويندي.

 

مشرفي مرتضيٰ ”زيرو“ نمبر واري شرٽ پائڻ جو راز فاش ڪري ڇڏيو

سلٽ (اسپورٽس نيوز) مشرفي مرتضيٰ زيرو نمبر واري شرٽ پائڻ جي راز تان پردو کڻي ڇڏيو. مشرفي مرتضيٰ بنگلاديش پريميئر ليگ ۾ رنگپور رائيڊرن جي نمائندگي ڪندي ”زيرو“ نمبر جي جرسي پاتي هئي. ڪرڪيٽ جي مداحن ان جو نوٽيس وٺندي پردي پويان لڪيل ڳالهيون ڄاڻڻ جي ڪوشش شروع ڪري ڇڏي. هاڻ بگلاديشي پيسر پاڻ ان راز تان پردو کڻي ڇڏيو. آل رائونڊر ٻڌايو ته اڳوڻي آفريقي بيٽسمين  هرشل گبز هڪ انٽرويو ۾ چيو هو ته ”ڊبل زيرو“ جو  مطلب نئي ”شروعات“ هوندو آهي. ان ڪري مون هن ڀيرو ”زيرو“ نمبر چونڊي نئون آغاز ڪرڻ پئي چاهيو.

 

وويمنز رينڪنگ ۾ ثناءَ مير ٽاپ 10 بالرن ۾ شامل ٿي وئي

لاهور (اسپورٽس نيوز) آئي سي سي ون ڊي رينڪنگ ۾ پاڪستان هڪ پوائنٽ جي واڌاري سان به ستين نمبر تي موجود آهي جڏهن ته بالنگ ۾ ثناءَ مير ٽاپ 10 ۾ شامل ٿي وئي. آئي سي سي وويمنز ون ڊي رينڪنگ بالنگ ۾ آل رائونڊر ۽ اڳوڻي ڪپتان ثناءَ مير سيريز ۾ 7 وڪيٽون حاصل ڪندي 8 درجي جي ٽپي سان گڏ ستين پوزيشن تي اچي وئي ان کان سواءِ ڪو ٻيو پاڪستاني بالر  ٽاپ 10 ۾ شامل ناهي. سعديا يوسف 8 درجا بهتري سان 17هين پوزيشن تي اچي وئي. ماريزاني ڪيپ پڻ ٽاپ تي موجود آهي. جهولان گوسوامي، اسٽيفني ٽيلر، ميگن شيٽ، جيس جوناسن، آنيا شربسول، ثناءَ مير، ايابونگا کاڪا، ڊي وين نيڪرڪ ۽ شبنم اسماعيل ترتيبوار واضع پوزيشنن تي موجود آهن جڏهن ته آل رائونڊرن ۾ اليسي پيري پهرين نمبر تي آهي. پاڪستان ۽ نيوزي لينڊ  وچ ۾ 3 ميچن جي ون ڊي سيريز بعد نئي ون ڊي رينڪنگ هلائي وئي آهي. آسٽريليا ٽيم 129 پوائنٽن سان پهرين نمبر تي آهي. انگلينڊ 127 پوائنٽن سان ٻئين نمبر تي آهي. پاڪستان هٿان ٽين ون ڊي ۾ شڪست تي نيوزي لينڊ جي 2 پوائنٽن جي گهٽتائي سان 116 پوائنٽون ٿي ويون. ڀارتي ٽيم جون به ايتريون ئي پوائنٽون آهن تنهن هوندي اعشارين جي فرق سان نيوزي لينڊ ٽئين ۽ ڀارت چوٿين نمبر تي آهي. ويسٽ انڊيز 103 پوائنٽن سان پنجين، ڏکڻ آفريقا 93 پوائنٽن سان ڇهين جڏهن ته پاڪستان هڪ پوائنٽ جي واڌ سان 73 پوائنٽن سان ستين نمبب تي موجود آهي.

 

صُوفي شاھ عنايت شھيد جي زندگي جو فلسفو..! : فداحسين ڪُٻر

جنگ ٻن ڌُرين ۽ ٻن قومن جي وچ ۾ نه ھُئي جنگ ٻن فلسفن ۽ نظرين جي وچ ۾ جُٽيل ھُئي. ھڪ پاسي غريبن کي پنھنجي حق ڏيارڻ لا۽ نيڪي پنھنجو ڪردار ادا ڪري رھي ھُئي ته ٻئي پاسي عوام جي حق غضب ڪرڻ لا۽ برائي ور کُنجو ويٺل ھُئي. صوفيت جو نظريو ھُيو حقدار کي پنھنجو حق ڏيارڻ, ڪنھن جي ڪيل محنت جو انھي کي اجورو ڏيڻ, پر نيڪي جي رستي تي سدائين برائي ٽنگ ضرور اٽڪائيندي آھي. نظريو ھُيو ‘جو کيڙي سو کائي’! جيڪو ھر ھلائي زمين کيڙي محنت ڪري انھي جو ئي ان ڦل تي حق آھي. ھزارين اھڙا الله جا ڪامل وليھ پيدا ٿيا جن جي زندگي جو مقصد, لفظن جو فلسفو, ۽ روحانيت جو نظريو صرف امن, پيار ۽ مُحبت آھي. صوفي شاھ عنايت شھيد به الله جو ڪامل وليھ ٿي گُذريو آھي. سندس نظريو ۽ فلسفو ھُيو ته غريب ۽ اٻوجن کي پنھنجي حق ڏيارڻ, جيڪڏھن ڪير محنت ڪري ٿو ته ان شي تي حق به اُنھي جو ھُجڻ گھُرجي. ڪنھن غريب جو حق دٻائي رکڻ ھرگز نه کپي. صوفي شاھ عنايت شھيد جو جنم سن 1066ع ۾ ٽٺي ضلعي جي ويجھو ميرانپور, جھوڪ شريف ۾ ٿيو. ۽ سندس وفات 7 جنوري 1718ع مطابق 17 صفر 1130 ھ تي ٿي. ھي قصعو,ڪٿا جيڪا لڳ ڀڳ مغلن جي دور سان تعلق رکي ٿي. صوفي شاھ عنايت شھيد ھڪ روحاني پيشوا, سماجي ورڪر, ۽ صوفي شائر ھُيو, سندس قوم لا۽ شاھ سائين پنھنجي خوائشن جو ھزارين ڀيرا قربانيون ڏنيو ۽ سندن حقن لا۽ سڌو بيٺو رھيو ۽ ڪڏھن به پنھنجي ڪوششن ۾ لچڪ کي ڪردار نڀائڻ نه ڏنائين! صوفي شاھ عنايت شھيد سنڌ جي عامل ۽ ڪامل وليھن حضرت سچل سرمست,  حضرت شاھ عبدالطيف ڀٽائي, ۽ روحل فقير جي روحانيت کان متاثر ٿي انھن جي پيران کڻڻ لڳو. شاھ عنايت شھيد ٽٺي ضلعي جي علائقي ميرانپور جھوڪ ۾ پيدا ٿيو ۽ اُتي ئي نپنو سندس اباڻا مائٽ درحقيقت بغداد ۾ رھندا ھُئا جتان لڏي اچي اُچ شريف وسايائون جنھن کان پو۽ اچي جھوڪ شريف ۾ پنھنجا بسيرا اڏي زندگي بسر ڪرڻ لڳا. شاھ عنايت پنھنجي وقت ۾ عربي ۽ فارصي ۾ ماھر ھُوندو ھُيو, کيس انھن ٻولين منجھ وڏو اُبور حاصل ھُيو. شاھ عنايت شھيد پنھنجي باعزت استاد شاھ عبدالمالڪ وٽ علم جي فيزيابي وٺڻ لڳو, شاھ عبدالمالڪ کان مڪمل تعليم پرائڻ کان پو۽ شاھ عبدالمالڪ 1699 ۾ شاھ عنايت شھيد کي وڌيڪ تعليم ڏيارڻ لا۽ دھلي جي شھر ھندستان ۾ شاھ غلام محمد ڏانھن موڪليو.  دھلي, ھندستان کان واپسي اچڻ وقت شاھ سائين جو روحاني علم ۽ عقيدو آسمانن جي بلندين کي ڇُئڻ لڳو. جھوڪ جي ماڻھن لا۽ سندس دل ۾ پيار حدون, سيمائون, ريکائون پار ڪرڻ لڳو, پر سندن ھر نسل لا۽ پيار, مُحبت, امن, برداشت, ٻڌي, برابري جو پيغام ھُيو ۽ آھي. سندس ماڻھن جي حقن لا۽ اُڀرندڙ آواز ڏسي اُتي جا ماڻھُون سندس روحانيت جي علم ۾ وڌڻ لڳا, وٽس عقيدو رکڻ لڳا.

شاھ عنايت شھيد جون غريبن لا۽ اُڀريل حقن جو آواز ميان يار محمد ڪلھوڙو کي پسند نه آيو! سندس مقصد ٺٽي تي قبضو ڪرڻ ھُيو ۽غريبن جا حق کائڻ جو ھُيو, جتي مغلن جي حڪومت قائم ھُئي. يار محمد ڪلھوڙي کي شاھ عنايت شھيد جي سرگرمين سبب سندس مقصد پُختو ۽ لاچار نظر اچڻ لڳو ته سندس جاني دشمن ٿي پيو, تنھنڪري زميندارن ۽ آسپاس جي وڏيرن سان پاڻ ۾ صلاح مشورو ڪري دھلي حڪومت ڏانھن نياپا موڪليائون ته شاھ عنايت ۽ سندس ساٿين خلاف بغاوت ڪئي وڃي, ۽ کين قتل ڪيو وڃي! مغلن جي گورنرن پاران ڪلھوڙن ۽ مغلن جي وچ ۾ جنگ جو ممڻ ٻري ويو. ٻئي طرف شاھ عنايت شھيد کي دشمنن ۽ مخالفن پاران ڪجھ عرصو جھوڪ ڇڏڻ جا آديش جاري ڪيا پر شاھ سائين اُھو شرط قبول کان انڪار ڪندي پنھنجا پير پُختا رکيا. جنھن کان پو۽ آخرڪار شاھ عنايت شھيد تي 1 جنوري 1718ھ تي دشمن تي حملو ڪرڻ ڪاھ ڪرڻ لا۽ سنڌرو ٻڌايو ويو. شاھ ڪلھوڙي گورنر شھداد خان ٽالپر جي مٿي تي قرآن رکي موڪليو, ته شاھ عنايت ڳالھيون ڪري مُزاڪرات ڪري! شاھ عنايت قرآن جي لڄ رکندي ڳالھيون ڪرڻ لا۽ راضي ٿيو, پر دوکي سان دشمن يار محمد ڪلھوڙي کيس گرفتار ڪري مغل گورنرن جي حوالي ڪري ڇڏيو. شاھ عنايت شھيد کان ھزارين ڳجھا سوال ڪُڇا ويا, ۽ کيس ازيتون ۽ تڪليفون ڏنيون ويون, برحال آخرڪار 7 جنوري 1718ع تي شاھ عنايت کي شھيد ڪيو ويو! سندس آخري جملا ھُيا ته “توھان مون کي ھستي جي زنجيرن کان آزاد ڪيو آھي, خدا توھان جي ھنڃر نه حفاظت ڪري ته ان کان پو۽ به”! شاھ عنايت جو ڪُٺل ڪنڌ دھلي, ھندستان جي درٻار ۾ مغلن جي اڳيان تحفي طور پيش ڪيو ويو. جنھن ڪُٺل ڪنڌ ست سو آيتون, سورتون پڙھيون ۽ ثابت ڪيائون ته شھيد ڪڏھن به مرندا نه آھن. شاھ عنايت شھيد جھوڪ ۾ دفن ٿيل آھي, جتي سندس ست ساٿي پڻ دفن ٿيل آھن, جن کي ‘گنبد-شھيد’ ڪوٺيو ويندو آھي, ھن جنگ دوران چوويھ ھزار ماڻھون شھيد ڪيا ويا. جيڪا سنڌ جي تاريخ ۾ وڏي جنگ ھُئي. جنگ ٻن ڌُرين جي وچ ۾ نه ھُئي جنگ ٻن نظرين ۽ فلسفن جي وچ ۾ ھُئي. جنگ شاھ عنايت ۽ يار محمد ڪلھوڙي جي وچ منجھ نه ھُئي پر جنگ حق ۽ ناحق تي ھُئي, شاھ عنايت جي زندگي جي فلسفي مان اسان کي سبق ملي ٿو ته اسان سنڌين کي پيار, مُحبت, امن, ميٺ, محبت ۽ برابري سان رکڻ گھرجي. ھڪ مُٺ ٿي سنڌ ڌرتي کي پنھنجا حق ڏجن. جن حقن کي فرض سمجھي عامل اولياھ پنھنجون قربانيون ڏئي ويٺا اسان کي به عامل وليھن جي پيرن تي پيرڻا رکي ھلن کپڻ جي ضرورت آھي.

 

نو ڊو مور….!!

پاڪستان آمريڪا ٽريڪ ٽو ڊائيلاگ جي چوٿين اجلاس کي خطاب ڪندي خواجه آصف چيو ته پاڪستان هٿ جي ٺاهيل دهشتگردن ۽ پناهگيرن جي مسئلي کي منهن ڏئي رهيو آهي، آمريڪا سان ڊگهي مدي وارن لاڳاپن، نئين آمريڪي پاليسي سان اختلاف آهي، پاڪ ڀارت لاڳاپن کي معمول تي آڻڻ تي آمريڪا جي ڪردار کي ساراهينداسين، پاڪستان جي ڪوششن سان آمريڪا ۽ يورپ ڪيترن دهشتگرد حملن کان بچي ويا آهن، اسان جي ڪوششن سان آمريڪا ۽ يورپ ڪيترن ئي دهشتگردن جي حملن کان بچي ويا. خطي ۾ صورتحال ڏکي آهي، اڄ افغانستان حڪومت اختلافن جو شڪار آهي. افغانستان ۾ منشيات جي پيداوار ۽ لاقانونيت عروج تي آهي. افغانستان ۾ حالتن جي خرابي جو الزام پاڪستان تي نه ٿو ڏئي سگهجي، اسان افغانستان ۾ افغانين جي لاءِ امن چاهيون ٿا. پاڪستان ۾ دهشتگردن جو ڪو به منظوم وجود نه آهي. پاڪستان ۾ هٿ جي ٺاهيل دهشتگردن ۽ پناهگيرن جي مسئلن کي منهن ڏيڻو آهي، اسان کي پاڻي وسيلن، افغانستان ۾ دهشتگردن جي محفوظ ٺڪاڻن کي منهن ڏيڻو پوندو. امن عمل جي لاءِ وڌيڪ ڪم پاڻ افغانستان ۾ ٿيڻو آهي. اسان جي معيشت هن وقت دنيا ۾ تيزي سان ترقي ڪندڙ معيشت آهي. ان ڳالهه ۾ ڪو به شڪ نه آهي ته آمريڪا سان اعتماد جي کوٽ اڄ به برقرار آهي ۽ آمريڪا جي مشروط پاليسي سان افغان مفاهمتي عمل کي ڌچڪو پهتو آهي. خطي ۾ صورتحال ڏکي آهي ۽ نئين آمريڪي پاليسي سان اختلاف آهن. اسان هڪ مستحڪم ۽ محفوظ افغانستان چاهيون ٿا، هڪ ورهايل معاشرو مفاهمتي عمل کي مشڪل بڻائي رهيو آهي. افغانستان ۾ حڪومت پاڻ مشڪلاتن جو شڪار آهي، منشيات ۽ لاقانونيت عروج تي آهي ان لاءِ افغان مسئلن جو الزام پاڪستان تي نه ٿو هني سگهجي. افغانستان ۾ دهشتگردن جي محفوظ ٺڪاڻن کي ختم ڪرڻو پوندو. افسوسناڪ ڳالهه آهي جو پاڪستان تي قربانين باوجود الزام لڳي رهيا آهن. دهشتگردي جي مڪمل خاتمي لاءِ انٽلييجنس تعاون اڻٽر آهي. اسان نه ٿا چاهيون ته پاڪستان جي سرزمين ڪنهن به پاڙيسري ملڪ خلاف استعمال ٿئي. افغانستان ۾ وڏي ۽ وسيع ڪردار جي خلاف آهيون. افغانستان ۾ پاڪستان ۽ آمريڪا جو ڪردار اهميت جوڳو آهي. پاڪستان ۽ آمريڪا سوويت يونين ۽ القاعده کي گڏجي خطي مان ڪڍيو. پاڪستان ۽ آمريڪا جي وچ ۾ ڇڪتاڻ واري ڪيفيت سٺي نه آهي ان لاءِ ٻنهي ملڪن کي لاڳاپا بهتر ڪرڻ جي لاءِ ڪوششون ڪرڻيون پونديون. دهشتگردن جي خلاف ڪارروائي پنهنجي ملڪي مفادن ۾ ڪري رهيا آهيون. دهشتگردي خلاف جنگ پاڪستان جي دفاع جي جنگ آهي ۽ پاڪ ڀارت تڪرار جي خاتمي لاءِ آمريڪي ڪردار جي آجيان ڪريون ٿا. هن وقت اختلاف موجود آهن ۽ آمريڪا سان اعتماد جي کوٽ اڄ به برقرار آهي پر رابطا ضرور قائم ٿيا آهن. دهشتگردن جي ٺڪاڻن جي باري ۾ افغانستان کي پاڻ قدم کڻڻو پوندو باقي آمريڪا پاران پاڪستان تي الزام هڻڻ قطعي غلط ڳالهه آهي. ڪيترائي مسئلا افغانستان جي پنهنجي اندر موجود آهن جيڪي افغان حڪومت کي حل ڪرڻا آهن، اسان چاهيون ٿا ته اسان جا افغان ڀائر امن سان رهن، افغان امن اسان جي اولين ترجيح آهي ڇو ته افغانستان ۾ امن پاڪستان جي لاءِ ضروري آهي. افغانستان ۾ امن اسان جي خواهش آهي پر الزام تراشي بدران مثبت ڪردار ادا ڪرڻ گهرجي. افغانستان دهشتگردي جي سهولتڪار جو ڪردار ادا ڪري رهيو آهي. افغانستان جي سڄي معيشت ۽ منشيات جي ڪاروبار جي ڪري پريشر گروپ چاهين ٿا ته اها جنگ جاري رهي. جڏهن ته افغان پناهگيرن جي باري ۾ آمريڪا جي الزام تراشي قابل قبول نه آهي.

 

آمريڪا جو پاڪستان تي افغان امن لاءِ ڪوششون تيز ڪرڻ تي زور، پاڪستان ڊو مور کان صاف انڪار ڪري ڇڏيو

اسلام آباد (اين اين آءِ)امريڪي سفير ڊيوڊ هيل چيو آهي ته  ڀارت تي پ اڪستان سان لاڳاپا بهتر بڻائڻ جي لاءِ دٻاءُ وڌو آهي پاڪستان ۽ امريڪا جي وچ ۾ ٽريڪ ٽو جي ڳالهين جي چوٿين دور ۾ خيالن جو اظهار ڪندي پاڪستان ۾ مقرر امريڪي سفير ڊيوڊ هيل چيو ته پاڪستاني قيادت   افغآنستان ۾ امن قائم ڪرڻ جي لاءِ ڪوششون وڌائڻ جو يقين ڏياريو آهي، اسان چاهيون ٿا ته پاڪستان دهشتگردن جي خلاف فيصلائتي ڪاروائي ڪري، ٽرمپ انتظاميا ڀارت کان افغآنستان ۾ اقتصادي سطح تي ڊو مور جو مطالبو ڪندي ان تي زور ڀريو آهي ته پاڪستان سان لاڳاپا بهتر بڻايا وڃن امريڪي سفير چيو ته اسانکي  طالبان تي  ان وقت تائين دٻاءُ جاري رکڻون  آهي جيستائين هو ڳالهين جي بنچ تي نه ٿو اچي ۽ عورتن  جو احترام ۽  اقليتن کي  تحفظ فراهم نه ٿو ڪري، هن چيو  ته ٽرمپ حڪومت   سمورن  هٿياربند گورپن سان هڪ ئي نموني سان منهن ڏيندي، ڊيود هيل خطي ۾ امن جي پالسي تي وضاهت ڪندي چيو  ته امريڪا جي نئين حڪمت عملي علائقائي بنيادن تي آهي جنهن جو مقصد  دهشتگردن جا محفوظ ٺڪاڻا تباهه ڪرڻ ۽ اقتصادي خوشحالي وڌائڻ آهي. پرڏيهي وزير خواجا آصف چيو آهي ته امريڪا سان اعتماد جي کوٽ   اڄ به برقرار آهي امريڪا جي مشروط  پاليسي سان مفاهمتي عمل کي ڌڪ لڳو، خطي ۾ صورتحال  پيچيده ۽ نئين امريڪي پاليسي تي اختلاف رائي آهي افغانستان ۾ ننشيات ۽ لاقانونيت عروج تي آهي، افغان مسئلن جو الزام پاڪستان تي نه ٿو ڏئي سگھجي، دهشتگردي جي مڪمل پاڙ پٽڻ جي لاءِ انٽيليجنس اهڪار ڪري رهي آهي. ٻنهي ملڪن کي لاڳاپا بهتر بڻائڻ جي لاءِ ڪوششون ڪرڻيون پونديون ، سومر  تي اسلام آباد ۾  جاري پاڪستان ۽ امريڪا جي وچ ۾ ٽريڪ ٽو جي ڳالهين جي چوٿين  دور ۾ خيالن جو اظهار ڪندي هن چيو ته خطي ۾ صورتحال پيچيده ۽ نئين امريڪي پالييسي تي اختلاف رائي آهي اسان هڪ مستحڪم ۽ محفوظ افغانستان ڇاهيون ٿان، هڪ روهايل معاشرو مفاهمتي عمل کي مشڪل بڻائي رهيو آهي افغانستان ۾ حڪومت اختلافن جو شڪار جڏهن ته منشيات ۽ لاقانونيت عروج تي آهي تنهن ڪري افغان مسئلن جو الزام پاڪستان تي نه ٿو ڏئي سگھجي هن چيو ته افغانستان ۾ دهشتگردن جا  محفوظ ٺڪاڻا ختم ڪ رڻا پوندا، جڏهن ته پاڪستان جي قربانين جي باوجود به پاڪستان  تي الزام لڳائڻ   افسوس جوڳي ڳالهه آهي . دهشتگردي جي پاڙ پٽڻ جي لاءِ انٽيليجنس تعاون اڻٽر آهي اسان نه ٿا چاهيون ته پاڪستان سرزمين ڪنهن به پاڙيسري  ملڪ جي خلاف استعمال ٿئي.

 

پوري دنيا دهشتگردي جي باهه ۾ سڙي پئي، صوفين جو پيغام عام ڪيو وڃي: بلاول ڀٽو

رپورٽ :   نادر علي ٻگھيو  : ڀٽ شاهه: پاڪستان پيپلز پارٽي جو چيئرمين بلاول ڀٽو زرداري ڀٽ شاهه پهچي عرس مبارڪ جي اختتامي تقريب ۾ شرڪت ڪئي، جتي درگاهه حضرت شاهه عبداللطيف ڀٽائي جي سجاده نشين سيد وقار حسين شاهه لطيفي، صوبائي وزير ثقافت سيد سردار علي شاهه سميت ٻين اهم شخصيتن سندس شاندار استقبال ڪيو. ان موقعي تي هن حضرت شاهه عبداللطيف ڀٽائي رح جي ۲۷۴ هين عرس مبارڪ جي ٽن ڏينهن وارين تقريبن جي پڄاڻي تي مزار تي حاضري ڀري چادر چاڙهي فاتحه خواني ڪئي، جڏهن ته ڀٽ شاهه شهر ۾ پاڪستان پيپلز پارٽي جي چيئرمين جي آمد جي موقعي تي سيڪيورٽي جا سخت انتظام ڪيا ويا هئا. جڏهن ته ايڇ ٽي سورلي هال ڀٽ شاهه ۾منعقد ڪيل عرس مبارڪ جي پڄاڻي واري تقريب کي خطاب ڪندي پاڪستان پيپلزپارٽي جي چيئرمين بلاول ڀٽوزرداري چيو ته اڄ سڄي دنيا دهشتگردي جي باهه ۾ سڙي رهي آهي ۽ مذهبي انتها پسنديءَ واري رجحان سبب درگاهون پڻ محفوظ نه آهن، ڇاڪاڻ ته ڪجهه ماڻهن مذهب جي روح کي زخمي ڪري مذهب کي فقط پنهنجي مقصد لاءِ استعمال ڪري رهيا آهن. هن چيو ته صوفي ازم جو فلسفو علاقائي نه بلڪه هڪ عالمگير حيثيت رکي ٿو ۽ شاهه لطيف جو امن وارو پيغام دشمن عنصرن خلاف آهي ۽ سندس انهي پيغام کي دنيا ۾ عام ڪرڻ جي ضرورت آهي. هن چيو ته هر سال لکين پانڌيئڙا حضرت شاهه عبداللطيف ڀٽائي رح جي مزار تي اچي حاضري کين خراج عقيدت پيش ڪندا آهن. هن چيو ته اسان کي انسانيت ۽ مذهبي رواداري کي فروغ ڏيڻ گهرجي. هن چيو ته شاهه صاحب جي سر سسئي ۾ سسئي جي جدوجهد بابت پڙهڻ کان پوءِ مونکي منهنجي ماءُ جي آمريت خلاف جدوجهد ياد ايندي آهي جڏهن ته مارئي جي جلاوطني جو قصو پڙهي مونکي منهنجي ماءُ جي جلاوطني ياد ايندي آهي جتي هن پنهنجي ماروئڙن کي ياد ڪندي ڏکيو وقت گذاريو مونکي فخر آهي منهنجي ملڪ جي عوام تي جنهن منهنجي ماءُ کي ماروي ملير جي لقب ڏنو ۽ هو به اوهان سان بي لوث محبت ڪندي هئي بلاول ڀٽو چيو ته شاهه لطيف ڀٽائي اڄ زنده هجي ها ته هو به شهيد راڻي جي شهادت ڏسي ان کي پنهنجي آخري سورمي قرار ڏئي ان تي سر بينظير لکي ها. هن چيو ته شاهه ڀٽائي پنهنجي شاعري ۾ هيٺين طبقي کي محور بڻايو آهي ۽ عورتن تي لکيل سرن سان شاهه صاحب عورتن جي اعليٰ مقام ۽ احترم کي ظاهر ڪيو آهي. هن چيو ته کيس تمام گهڻي خوشي آهي ته هو اڄ سڀ کان وڏو لطيف ايوارڊ ورهائي رهيو آهي. هن ٻڌايو ته ڀٽ شاهه ثقافتي مرڪز جو افتتاح سندس ناني شهيد ذوالفقار علي ڀٽو ۱۹٦۲ ۾ ڪيو هو. جڏهن ته سندس والده شهيد راڻي محترمه بينظير ڀٽو به هتي حاضري ڀري هئي ۽ روايت تحت هو پاڻ اڄ هتي حاضر آهي.  وڏي وزير سيد مراد  علي شاهه چيو ته مونکي خوشي آهي ته آئون پنهنجي پارٽي جي چيئرمين بلاول ڀٽو زرداري سان گڏ شاهه عبداللطيف ڀٽائي جي مزار تي آيس. هن چيو ته سنڌ ڌرتي صوفين ۽ درويشن جي ڌرتي آهي جتان امن۽ پيار جو پيغام ملي ٿو. سنڌ جي چئني پاسن کان اولياء ۽ صوفي بزرگن جون مزارون موجود آهن  هن ڌرتي  هميشه پيار ۽ محبت جو درس ڏنو آهي  پر افسوس آهي ته  شايد هن ڌرتي کي به نظر لڳي وئي آهي  ۽ اها  نظر شهيد ذوالفقار علي ڀٽو جي دور کانپوءِ لڳي آهي هن چيو ته سندس خيال مطابق شهيد ذوالفقار علي ڀٽو جي شهادت بعد جيڪو دور شروع ٿيو اهو دور صوفين جي پيغام سان نفرت ڪندڙ هو جنهن اسان جي محبتي ماڻهن کي ايترو سخت ڪري ڇڏيو جو اسان جو محبت وارو درس اسان جي نسل مان وسري ويو. هن چيو سيوهڻ شريف جي ڌماڪي واري واقعي کان پوءِ به اسان صوفين جي درس تي عمل ڪندي ڀائيچاري ۽ امن و امان واري فضا کي  قائم رکيو آهي . هن چيو ته اسان کي محبتي ميڙ مچائڻو آهي. هن چيو ته اسان جي پارٽيءَ جو ليڊر بلاول ڀٽو زرداري پاڻ به صوفين جي درس تي يقين رکي ٿو ۽ سندس پاران مليل هدايتن تي اسين علمدرآمد ڪندا آهيون. هن پنهنجي عزم جو اظهار ڪندي چيو ته اسان کي سنڌ صوبي کي محبت ۽ امن وارو صوبو بنائڻو آهي ۽ هن ڌرتي کي اهڙي سلامتي واري ڌرتي بنائڻو آهي جو دشمن سمجهي وڃن ته اهي هتي ڪنهن کي به متاثر نه ڪري سگهندا. وڏي وزير ثقافت کاتي جي صوبائي وزير ۽ انهن جي ٽيم جي ڪلچر کاتي لاءِ ڪيل  ڪمن کي ساراهيندي چيو ته  ٿوري ئي عرصي ۾ ثقافت کاتي ۾  مثبت  تبديل نظر آئي آهي  جنهن سان ثقافتي سرگرمين کي  هٿي ملي آهي

 

ايف بي آر پيراڊائز ليڪس ۾ نالو آيل پاڪستانين جي جاچ جو اعلان ڪري ڇڏيو

اسلام آباد (ويب ڊيسڪ): ايف بي آر چيو آهي ته پيراڊائز ليڪس ۾ جن پاڪستانين جا نالا آيا آهن، انهن خلاف جاچ ٿيندي، ايف بي آر ترجمان موجب پيراڊائز ليڪس جو جائزو ورتو پيو وڃي، جنهن ۾ هڪ ڊگهي فهرست آهي، پيراڊائز ليڪس ۾ ايندڙ پاڪستانين جي نالن جو جائزو وٺي رهيا آهن، ترجمان جو چوڻ هو ته پيراڊائز ليڪس ۾ ايندڙ پاڪستانين کي نوٽيس جاري ڪنداسين، جڏهن ته في الحال پاڪستانين جي نالن جو جائزو ورتو پيو وڃي، خيال رهي ته تحقيقاتي صحافين جي عالمي ڪنسورشيم (آءِ سي آءِ جي) طرفان جاري ڪيل ”پيراڊائز ليڪس“ ۾ اڳوڻي وزيراعظم شوڪت عزيز سميت لڳ ڀڳ 135 پاڪستانين جا نالا سامهون آيا آهن، پيراڊائز ليڪس ۾ پاڪستانين جي حوالي سان ملندڙ اڪثر رڪارڊ برمودا، برٽش ورجن آءِ لينڊ، ڪيمين آئي لينڊ، مالٽا ۽ ٻين ملڪن مان مليو آهي، پيراڊائز ليڪس ۾ جن پاڪستانين جا نالا سامهون آيا آهن، انهن يا ته پنهنجي يا وري آف شور ڪمپني جي نالي سان سوئس بئنڪن ۾ اڪائونٽس بڻايا هئا.

 

 

 

زرداري ۽ شريف وٽ پئسو عوام جو آهي، انهن وٽ ايترو پئسو نه هيو: عمران خان

اٽڪ (ويب ڊيسڪ): پي ٽي آءِ چيئرمين عمران خان چيو آهي ته دنيا ۾ هر ملڪ ۾ ٻه قسمن جي سياست ٿيندي آهي، اٽڪ ۾ جلسي کي خطاب ڪندي عمران خان چيو ته اهڙن مفاد پرستن کان ماڻهو نفرت ڪن ٿا، ڪجهه ماڻهو ذاتي مفادن لاءِ سياست ۾ ايندا آهن، انسانيت لاءِ ڪم ڪندڙن کي الله عزت ڏني، ماڻهو ڪارخانا ۽ دولت بڻائڻ لاءِ سياست ۾ ايندا آهن، هن چيو ته جنهن عوام جي لاءِ ڪم ڪيو، ماڻهو ان کي ياد ڪندا آهن، اسان جي جماعت ۾ رڳو اهي ئي ماڻهو ايندا، جيڪي عوام جي خدمت ڪندا، رڳو قوم جو سوچيندڙن کي پنهنجي ڪابينا ۾ وزير بڻائينداسين، اسان کي پاڪستان کي پنهنجي پيرن تي بيهارڻو آهي، اسان کي ڪنهن جي آڏو جهڪڻو نه ئي قرض وٺڻا آهن، هن چيو ته جيڪو قرض ڏيندو آهي، اوهان جي آزادي کسي وٺندو آهي، ايران گئس لائن بڻائي، جيڪڏهن اسان وٺون ها ته ايل اين جي کان سستي پوي ها، عمران خان چيو ته اسان پنهنجي پرڏيهي پاليسي بڻائينداسين، ڪنهن جي پرواهه نه ڪنداسين، جتي ظلم ٿيندو آهي، اتي ڪڏهن الله جي مدد ناهي ايندي، اسان پاليسي بڻائينداسين 10 ڪروڙ پاڪستانين کي غربت مان ڪيئن ڪڍڻو آهي، هن چيو ته اسان کي قرض ڏيندڙن ايران مان گئس وٺڻ جي اجازت نه ڏني، هن چيو ته تحريڪ انصاف انهن کي آڻيندي، جيڪي عوام جي خدمت ڪندا، هن چيو ته زرداري ۽ شريف پنهنجي لاءِ بيٽنگ ڪندا آهن، پاڪستان لاءِ ڪڏهن ناهن کيڏيا، نواز ۽ زرداري کي ڏسو اقتدار کان اڳ ڇا هيا ۽ هاڻي ڇا ٿي ويا آهن، زرداري وٽ پئسو عوام جو آيو آهي، نواز شريف وٽ پئسو عوام جو آيو آهي، عمران خان چيو ته احسن اقبال معصوميت سان چوندو آهي، سڄي دنيا ۾ ڪرپشن ٿيندي آهي.

 

آدمشماري تي خدشا آهن، عام چونڊون وقت تي ٿيڻ گهرجن: خورشيد شاهه

اسلام آباد (اين اين آءِ) قومي اسيمبلي ۾ مخالف ڌر اڳواڻ خورشيد شاهه چيو آهي ته تڪبندين جي فيصلي تي يو ٽرن ناهي ورتو ايندڙ اليڪشن 1998 جي آدمشماري تي ڪرائڻ ۾ ڪو هرج نه آهي، وقت کان اڳ چونڊن جو حامي نه آهيان، وزيراعظم نااهل شخص کي وزيراعظم سڏي ٿو، نواز شريف ڀڳو ته نااهل ٿي ويندو، سومر تي ميڊيا سان ڳالهائيندي پ پ جي سينيئر اڳواڻ چيو ته اسان جا تحفظات هئا، سنڌ ۾ ڏيکاريل آبادي گهٽ آهي، اسان جي آبادي جي لحاظ کان 10 کان 12 سيٽون وڌڻ گهرجن ها، ايندڙ اليڪشن 1998 جي آدمشماري تي ڪرائڻ ۾ ڪو هرج نه آهي، دعاگو آهيان ته 2018 جي جولاءِ آگسٽ ۾ چونڊون ٿيون، پ پ اڳواڻ چيو ته سال جو سڀ کان وڏو مذاق آهي ته وزيراعظم نااهل شخص کي وزيراعظم سڏي ٿو، هن چيو ته نواز شريف ڀڳو ته تباهه ٿي ويندو، هو ڄاڻي ٿو ته سندس دشمن ڪير آهي، نواز شريف جا ويجها ماڻهو ان خلاف سازش ڪري رهيا آهن، خورشيد شاهه چيو ته سعودي عرب تي اسان جي جان به قربان آهي، سعودي عرب جي تازن واقعن جا اثر سڄي دنيا تي پوندا، هن چيو ته آدمشماري تي سواليا نشان آهي، اليڪشن مقرر وقت تي ٿيڻ گهرجي، هڪ ٻئي سوال تي هن چيو ته شاهد خاقان عباسي وقتي وزيراعظم آهي، اسان پنهنجي پنهنجي ويڙهه ۾ لڳا پيا آهيون غريبن لاءِ به سوچڻ گهرجي.