تازيون خبرون

Daily Archives: November 6, 2017

شرجيل ميمڻ گرفتاريءَ کي احتساب عدالت ۾ چئلينج ڪري ڇڏيو، سندس جوڊيشل رمانڊ ۾ واڌ

ڪراچي  (اين اين آءِ) سنڌ جي اڳوڻي انفارميشن وزير شرجيل ميمڻ نيب پنهنجي هٿان گرفتاري کي غيرقانوني ڪوٺيندي ان کي احتساب عدالت ۾ چيلنج ڪري ڇڏيو آهي جڏهن ته احتساب عدالت شرجيل ميمڻ جي جوڊيشل رمانڊ ۾ واڌ ڪندي ڪيس جي ٻڌڻي 18 نومبر تائين ملتوي ڪري ڇڏي سومر تي ڪراچي ۾ احتساب عدالت ۾ اطلاع واري کاتي ۾ پنج ارب 76 ڪروڙ رپين جي ڪرپشن جي ڪيس جي ٻڌڻي  ٿي ان موقعي تي شرجيل ميمڻ سميت 11  جوابدارن کي عدالت ۾ پيش ڪيو ويو، شرجيل ميمڻ عدالت ۾ پنهنجي گرفتاري کي چيلنج ڪري ڇڏيو ٻڌڻي و قت شرجيل ميمڻ جي وڪيل اپيل ڪئي ان جي موڪل جي گرفتاري کي غيرقانوني ۽ اجايو بند ڪري رکڻ قرار ڏنو وڃي ڇو ته 23 اڪٽوبر تي سندس گرفتاري جي لاءِ و ارنٽ جاري نه ٿيا نيب جي پراسيڪيوٽر عدالت کي ٻڌايو ته وارنٽ پهريان جاري ٿي چڪا هئا معطل  وارنٽ درخواست ضمانت رد ٿين کانپوءِ بهال ٿي ويا، شرجيل ميمڻ جي وڪيل عامر نقوي ايڊوڪيٽ چيو ته جيڪڏهن ڳالهه مڃي وڃي ته هي ٻين 11 جوابدارن جي غيرقانوني گرفتاري جو اعتراف آهي، هن چيو ته نيب جا اختيار آهن ته جوابدارن جابه حق آهن، گريڊ 20 جي سيڪريٽري کي هٿ ڪڙيون لڳايون ويون آهن. شرجيل ميمڻ جي وڪيل چيو ته نيب جو رويو توهين عدالت جي برابر آهي، عامر رضا نقوي چيو ته نيب شرجيل ميمڻ ۽ ٻين جوابدارن جي گرفتاري ظاهر ڪرڻ عدالت کي گمراهه ۽ ڪوڙ ڳالهايو ويو  ته جوابدارن کي پاسپورٽ آفيس مان گرفتار ڪيو ويو جيتوڻيڪ گرفتاريون حد مان ٿيون،  وڪيل چيو ته نيب سنڌ هائيڪورٽ جي حڪم متعلق به غلط بياني ڪئي جنهن تي ان جي خلاف ڪاروائي ٿيڻ گھرجي ۽ نيب جي بيان جي حوالي سان ٻين جوابدارن جي گرفتاري غير قانوني آهي، جڏهن ته جوابدران کي جيل ۾  بي ڪلاس جي سهولت ڏني وڃي ان کانپوءِ احتساب عدالت شرجيل ميمڻ جي جوڊيشل رمانڊ ۾ واڌ ڪندي ڪيس جي ٻڌڻي 18 نومبر تائين ملتوي ڪري ڇڏي.

 

ڪوهيڙي سبب گڊو ٿرمل پاور اسٽيشن جو سموريون لائنون ٽرپ، 1750 ميگا واٽ بجلي سسٽم مان نڪري وئي

اسلام آباد / لا هور / ڪشمور( ويب ڊيسڪ ) ڪوهيڙي سبب گڊو ٿرمل پاور اسٽيشن جون سموريون ٽرانميشن لائنون ٽرپ ڪري ويون آهن ۽ 1750 ميگا واٽ بجلي سسٽم مان نڪري وئي آهي.  ذريعن موجب ٽرانسميشن لائن ٽرپ ٿيڻ سبب لاڙڪاڻي، حيدرآباد، سکر، رحيم يار خان ۽ جعفر آباد سميت سنڌ، پنجاب ۽ بلوچستان جي مختلف شهرن ۾ 16 ڪلاڪن کان بجلي بند آهي. اختيارين جو چوڻ آهي ته ٽرانسميشن لائن جي مرمت جو ڪم جاري آهي جنهن ۾ وڌيڪ ڪجهه ڪلاڪ گهربل آهن.  ٻئي طرف ملڪ جا مختلف علائقا ڪوهيڙي ۽ سموگ جي وڪڙ ۾ آهن جڏهن ته لاهور سميت پنجاب جي ڪيترن ئي علائقن ۾ ڪوهيڙي سبب ٽريفڪ حادثن ۾ اضافو ٿيو آهي. ڪوهيڙي ۽ سموگ سبب لاهور ايئرپورٽ تي ڪيترين ئي اڏامن جو شيڊول پڻ متاثر ٿيو آهي، جنهن سبب پرڏيهه مان ايندڙ 4 اڏامون دير جو شڪار ٿيون آهن، جڏهن ته اندروني ملڪ اڏامون به معطل ٿيون آهن.  موٽروي اختيارين ڊرائيورن کي هدايت ڪئي آهي ته گاڏين جي رفتار گهٽ رکي وڃي ۽ فوگ لائٽس جو استعمال ڪيو وڃي.

 

مشهور اداڪارا اليانا ڊي ڪروز پاران خودڪشي جي ڪوشش

ممبئي(شوبز نيوز) مشهور ڀارتي اداڪارا انڪشاف ڪيو آهي ته مان سخت ذهني دٻاءُ  جو شڪار ٿي وئي هئس ان ڪري مان سوچيندي هئس ته مان خودڪشي ڪري ڇڏيان مشهور ڀارتي اداڪارا اليانا ڊي ڪروز انڪشاف ڪيو آهي ته ذهني دٻاءُ عام ڳالهه آهي مان به ذهني دٻاءُ مان گذري چڪي آهيان هن پنهنجي بيان ۾ چيو ته ذهني دٻاءُ هجڻ وڏي ڳالهه ناهي وڏي ڳالهه اها آهي ته اوهان کي ان جي خبر هجي ته اوهان ذهني دٻاءُ ۽ بيچيني مان گذري رهيا آهيون ۽ پوءِ اوهان ان سان وڙهڻ جو فيصلو ڪيو.

 

مشهور مصري اداڪارا جنسي حراسان جو نشانو بڻجي وئي

قاهرا(شوبز نيوز)مصر جي مشهور اداڪارا رانيا يوسف انڪشاف ڪيو آهي ته هڪ  ڀيرو ان کي عوامي جاءِ تي جنسي طور تي حراسان ڪيو ويو هو هن تنگ ڪندڙ شخص کي پاڻ پڪڙڻ جي ڪوشش ڪئي پر ڪامياب نه ٿي سگهي ان ڳالهه جو انڪشاف هن هڪ انٽرويو دوران ڪيو پرڏيهي چينل کي انٽرويو ڏيندي رانيا يوسف جو چوڻ هو ته هوءَ ڪڏهن به هاڻ ساٿي اداڪارن غدا عبدالرزاق ۽ زينا سان گڏ فلم ۾ ڪم نه ڪندي ڇو ته هوءَ جڏهن به انهن سان گڏ ڪم ڪندي آهي ڪو نه ڪو تڪرار پيدا ٿي ويندو آهي.

 

پي سي بي هڪ ڀيرو ٻهير فواد عالم مٿان مهربان، نيشنل ڪرڪيٽ اڪيڊمي طلب

لاهور(اسپورٽس نيوز) ماضي ۾ نظرانداز ڪيل قومي ڪرڪيٽر فواد عالم مٿان هڪ ڀيرو ٻهير پي سي بي مهربان ٿي وئي آهي ڊوميسٽڪ ڪرڪيٽ ۾ بهترين ڪارڪردگي باوجود  فواد عالم کي مسلسل نظرانداز ڪيو پيو وڃي، جنهن سبب گذريل ڪيتري ئي عرصي کان قومي سلڪيشن ڪميٽي مٿان تنقيد جو سلسلو جاري آهي. ذريعن وٽان مليل ڄاڻ موجب پي سي بي چيئر مين جي ذاتي ڪوششون وٺندي فواد عالم کي اڄ نيشنل ڪرڪيٽ اڪيڊمي لاهور طلب ڪيو ويو آهي جتي هيڊ ڪوچ مڪي آرٿر، چيف سليڪٽر انضمام الحق ۽ ٻين ڪوچن جي نگراني ۾ سندس صلاحيتن کي پرکيو وينديو. فوام عالم قومي ٽيم طرفان پنهنجي ڊبيو ٽيسٽ ۾ سينچري اسڪور ڪئي هئي.ذريعن جو وڌيڪ چوڻ هو ته جيڪڏهن  مڪي آرٿر فواد عالم جي شموليت جو گرين سگنل ڏنو ته کيس قومي ٽيم جو حصو بڻائي سگهجي ٿو. ان حوالي سان لاهور ۾ شيڊول هڪ تقريب دوران چيف سليڪٽر انضام الحق جو چوڻ هو ته فواد عالم سميت ڪنهن به رانديگر سان ناانصافي نه ڪئي ويندي. کيس ڄاڻي واڻي نظر انداز ڪرڻ وارو تاثر غلط آهي، فواد عالم کي نيشنل ڪرڪيٽ اڪيڊمي ۾ گهرائي رهيا آهيون. انضمام الحق وڌيڪ چيو ته هڪ ڏينهن ۽ ٽي 20 فارميٽ ۾ ٽيم سيٽ آهي جڏهن تي ٽيسٽ ڪرڪيٽ ۾ تبديليون ڪري سگهجن ٿيو

 

احمد شهزاد جي مسلسل ناڪامي کان پوءِ کيس  قومي ٽيم مان ڊراپ ڪرڻ جو اصولي فيصلو 

لاهوور(اسپوٽس نيوز) ٽيسٽ اوپنر احمد شهزاد جي مسلسل ناڪامي کان پوءِ کيس  قومي ٽيم مان ڊراپ ڪرڻ جو اصولي فيصلو ڪيو آهي. ويسٽ انڊيز خلاف 3 ٽي ٽوئنٽي انٽرنيشنل ميچن ۾ احمد شهزاد پاڪستان جي ٽيم جو حصو نه هوندو. جڏهن ته سيليڪشن ڪميٽي هيڊ ڪوچ مڪي آرٿر کي تجويز ڏني آهي ته هو آل رائونڊر عامر يامين ۽ محمد نواز کي موقعو ڏين ته جيئن انهن ۾ موجود ٽيلينٽ جو اندازو ٿي سگهي. احمد شهزاد تازي ميچن ۾ بيٽنگ جي صلاحيتن جو مظاهرو ڪرڻ ۾ ناڪام رهيو جنهن جي سبب ان کي لاهور ۾ سريلنڪا خلاف ٽي 20ميچ مان ڊراپو ڪيو ويو هو. احمد شهزاد سري لنڪا خلاف ابو ظهبي ۾ کيڏيل 2 ٽي ٽوئنٽي ميچن ۾ هن 27 ۽ 22 رنز ٺاهيون هون جڏهن ته ون ڊي سيريز ۾ هن صفر ۽ 8 رنز ٺاهيون. 25 سالن جي احمد شهزاد پاڪستان طرفان ٽئي فارميٽن ۾ سنچريون بڻايون آهن. احمد شهزاد لاهور ۾ کيڏيل ميچ ورلڊاليون خلاف آخري ٽي ٽوئنٽي ميچ ۾49 رنز ٺاهيون،جڏهن ته پاڪستان پاران 13 ٽيسٽ 81 ون ڊي انٽرنيشنل ۽ 53 ٽي ٽوئنٽي انٽرنيشنل ميچون کيڏندڙ احمد شهزاد کي سپر ليگ جي ٽيم ڪوئٽيا گليڊي ايٽرز به جاري ڪري ڇڏيو آهي ۽ ته هن وقت  احمد شهزاد ڪا به فرنچائز ناهي.

 

اکين ۾ اوجاڳن جي لکيل ڪهاڻي……..: پروفيسر منير ڊومڪي

انسان ۽ ٻين مخلوقن ۾ ٻين ڪيترن ئي فرقن مان هڪ اهو به فرق آهي ته انسان ڪهاڻيون ٻڌائيندڙ مخلوق هوندي آهي.انسان نه فقط ڪهاڻيون ٻڌائيندڙ بلڪه پنهنجي ڪهاڻين کي سرجيندڙ به هوندا آهن،جڏهن ته فطرت جي ٻي مخلوق ان ڏانءُ کان محروم آهي.اڄوڪي اسان پنهنجي هن لکڻيءَ ۾ شاعر بدر انصاريءَ جي شاعريءَ جي مجموعي ”سانڍ سپنا سانوري “مان هن جي نامياري غزل”محبت جي لکيل ڪهاڻي“تي هڪ نظر وجهنداسين. بدر انصاري شاعريءَ جي غزل واري صنف جو لاڙڪاڻي جو نئون اڀرندڙ خوبصورت تخليقڪار آهي.هن جي غزل جي شاعري غنائيت سان معمور آهي.فني حوالي کان هن جي غزل جو پهريون شعر ۽ آخري شعر اڪثر معني خيز ۽ فڪر جي گھرائپ سان سرجيل هوندا آهن.وڌيڪ اهو ته هو پنهنجي غزل ۾ ساده،سهڻا ۽ دل کي ڇهيندڙ لفظ ڪتب آڻي ٿو،جيڪي لفظ سڌو سئنون پڙهندڙن جي دلين تي گھر ڪري ڇڏين ٿا.ادب ۾ ڪنهن به ننڍي يا وڏي ڪهاڻيءَ کي لکندڙ کي يا ته ڪهاڻيڪار چئبو آهي،ڊرامه نويس،يا ناول نگار يا وري ڪو شاعر.پر پهرين ٽنهي ڪهاڻيڪارن جي ڀيٽ ۾ شاعر کي ٿورڙي سرسي وڌيڪ هوندي آهي،اهو ان ڪري جو شاعر وٽ ڏات جي اها وسيع دولت هوندي آهي جو هو ڪنهن به ڪهاڻيءَ کي خواهه پوءِ اها ڪيتري به وڏي ڇو نه هجي،ان ڪهاڻيءَ کي چند ۽ مختصر لفظن ۾ بيان ڪرڻ جوهن کي نه فقط گر اچي ٿو،پر دلفريب موسيقيءَ سان ڀريل لفظن جي ذريعي هوان مختصر داستان سان نڀاءُ ڪرڻ جواسلوب  به خوب ڄاڻي ٿو.

پيار جي پيڙاءَ مان گذرندڙعاشق جي ننڊ هن کان هر وقت رُٺل هوندي آهي،هن جي انهن سورن ۽ دردن جي داستانن کي ڪنهن کي جيڪڏهن ڏسڻو ۽ پڙهڻو آهي ته ان عاشق لاچار جي اڪثر اوجاڳيل نيڻن کي ڏسي پڙهي سگھجي ٿو ته دنيا وارن جي اڳيان رنگين نظر ايندڙ محبت جي لڪيل حقيقت ڪجهه ٻي هوندي آهي،اها اِها ته محبت خوشين جي نه،بلڪه سمنڊ جيڏي وسيع ڳوڙهن جي لکيل ڪهاڻي هوندي آهي.اها محبت جي هڪ اهڙي حقيقت آهي،جنهن جي باري ۾ اسان کي شاعر بدر انصاري جي هن غزل جي پهرين شعر ”مطلع“مان خبر پوي ٿي.بظاهر پڙهندڙن کي غزل جي هن مطلع ۾ اداسي ۽ مايوسيءَ جو عنصر نظر اچي ٿو،پر ٻئي پاسي شاعر پڙهندڙن کي محبت جي اصل ڪهاڻي کان به آشنا ڪرائي ٿو:

اکين ۾ اوجاڳن جي لکيل ڪهاڻي،

پڙهي آهي ڳوڙهن جي لکيل ڪهاڻي.

درد ٻن قسمن جا هوندا آهن،هڪڙا ظاهري درد ۽ ٻيا باطني درد.ظاهري درد دنيا وارن کي نظر ايندا آهن،جڏهن ته باطني درد عشق ڪندڙ جي اندر جا درد هوندا آهن.عاشق جڏهن ان ڏک جو اظهار وڏي واڪي ڪري ته هن جي اندر جي درد جي صدا کي دنيا ۾ ٻڌڻ وارو ڪير به ناهي،نه دلبر نه دنيا وارا.ته پوءِ هو بيوس پنهنجي اندر جي دنيا جي دردن ۽ اڌمن جي لکيل ڪهاڻي آخر ٻڌائي ته ڪنهن کي ٻڌائي؟!هن جي اندر جي اڌمن جي ڪهاڻي هميشه هن جي اندر ئي رهجي ويندي آهي.

صدا درد واري نه پنهنجي ٻڌي آ،

اندر ۾ آ اڌمن جي لکيل ڪهاڻي.

لازوال عشق يادن جي لکيل ڪهاڻي هوندي آهي.اهي يادون جيڪي عاشق ۽ محبوب جي هڪ ٻئي کان وڇڙڻ کانپوءِ ڪل ميراث هونديون آهن. محبوب سان گھاريل لمحا جيڪي بعد ۾ يادن جو روپ ڌارين ٿا ،تنهائي جي عالم ۾ محبوب جي خال کي ڀرڻ واريون اهي خوبصورت يادون ائين سمجهو ته آشنه کي اڪيلو رهڻ نٿا ڏين.ڀلا!جيڪو عاشق پل پل پنهنجي تنهائي کي دلربا جي نانءَ سان آباد ڪري،اهو ڪيئن ممڪن آهي جو هو تنها هجي؟نه هرگز نه:

نه سمجهوائين آئون تنها رهان ٿو،

آ پل پل ۾ يادن جي لکيل ڪهاڻي.

بدر انصاريءَ جي مٿين بيان ڪيل غزل جو مٿيون ٽيون بند هن جي سموري غزل جو ”شاهه بند“ آهي.

وڇڙڻ اڪثر محبت جو مقدر هوندي آهي،پراهو به سچ آهي ته محبت واعدن جي لکيل ڪهاڻي به هوندي آهي،محبوب جا عاشق سان ڪيل اهي وچن ته ”اچبو ضرور اچبو،ملبو ضرور ملبو“.شاعر بدر انصاريءَ جي غزل جي اڳين سٽن ۾ مهه جبين لاءِ هر وقت بي چين ۽ ڪوشان رهندڙ عاشق جي دل ۾ اها آس ۽ اميد جا ديپ جلن ٿا ته هن جي ماهه نور اجهو هن سان واعدا وچن پورا ڪرڻ لاءِ هن ڏانهن ملڻ اچي ٿي،پرساڳئي وقت محبوب کي هن جي ڪيل واعدن وچنن جي ياد به ڏيرائي وڃي ٿي.

اجهوتون اچين ٿو ائين دل چوي ٿي،

آهي ياد واعدن جي لکيل ڪهاڻي.

غزل ”محبت جي لکيل ڪهاڻي“ جي مطلع ۾ پڙهندڙن کي اداسي ۽ مايوسي جو عنصر ته ملي ٿو،پر هن ئي غزل جي آخري شعر”مقطع“۾ شاعر بدر انصاري زندگيءَ کان ناخوش ۽ خفا رهندڙ ماڻهو توڙي محبت ڪندڙن کي ان حقيقت کان به آگاهه ڪري ٿو ته ٺيڪ آ!عشق و محبت جي دنيا سورن،دردن ۽ ڳوڙهن جي دنيا آهي ته به ان حالت ۾ به زندگيءَ کي پرجهڻ سمجهڻ جي ضرورت آهي،جيڪي پراميد هوندا آهن،جيون انهن لاءِ خوشين جي لکيل ڪهاڻي به هوندي آهي .

الئه ڇو پڙهي ئي نٿو ڪو بدر اڄ،

آ جيون ۾ گلڙن جي لکيل ڪهاڻي.

Muneer03337569110@gmail.com

 

سعودي شاهي ڪٽنب جي جهيڙو جا دنيا تي پوندڙ اثر: صاحب خان ڀٽي

سعودي دنيا جو واحد ملڪ آهي، جتي بادشاهي حڪومت قائم آهي، ڪيترائي بادشاهه آيا ۽ ڪيترائي ويا هليا پر اڄ تائين ڪنهن به شاهي حڪومت خلاف آواز اٿارڻ جي ڪوشش نه ڪئي وئي، ايران، عراق، شام ۽ ٻين اسلامي ملڪن ۾بادشاهي حڪومت نه هلي رهي سگهي آهي، هونئن ته دنيا جي ڪيترن ئي ملڪن ۾ شاهي ڪٽنب ته موجود آهن پر انهن جو ايترو اثر ملڪن ۾ نه رهيو آهي، جيترو سعودي عرب آهي، سعودي عرب ۾ نه ته جمهوريت آهي ۽ نه ئي وري اتي ڪو صدارتي نظام آهي، مطلب ته اتي بادشاهي حڪومت آهي، هڪ بادشاهه مرندو ته ان جي جاءِ ته ڪنهن ٻئي کي بادشاهه ڪيو ويندو آهي، 1876ع ۾ جنم وٺندڙ عبدالعزيز بن عبدالرحمان ال سعود 22سيپٽمبر 1932ع ۾ سعودي جو بادشاهه ٿيو هو، جنهن 9 نومبر 1953ع تائين بادشاهت ڪئي، سندس لاڏاڻي کانپوءِ سعود بند عبدالعزيز ال سعود 9 نومبر 1964ع ۾ سعودي جو بادشاهه رهيو، جنهن کانپوءِ 2 نومبر 1964ع ۾ فيصل بن عبدالعزيز ال سعود کي سعودي عرب جي بادشاهه جو تاج پارايو ويو، جنهن 25 مارچ 1975ع تائين سعودي عرب ۾ بادشاهت ڪئي. ان کانپوءِ خالد بن عبدالعزيز ال سعود جو وارو آيو، جنهن 25 مارچ 1975 کان 13 جون 1982ع سعودي عرب ۾ پنهنجي بادشاهت جا جوهر ڏيکاريا، جڏهن خالد بند عبدالعزيز ال سعود 69 ورهين جي ڄمار ۾ فوت ٿيو ته پوءِ فهد بن عبدالعزيز ال سعود کي 13 جون 1982ع ۾ سعودي عرب جو بادشاهه بڻايو ويو، جنهن پهرين آگسٽ 2005ع تائين سعودي عرب ۾ بادشاهت ڪئي.

فهد بن عبدالعزيز ال سعود جي 84 ورهين جي ڄمار ۾ فوت ٿيڻ کانپوءِ به سعودي عرب ۾ بادشاهت جو سلسلو رڪجي نه سگهيو ۽ سندس لاڏاڻي کانپوءِ عبدالله بن عبدالعزيز ال سعود کي پهرين آگسٽ 2005ع تائين  سعودي عرب جو بادشاهه ٿيو، جنهن 90 ورهين جي ڄمار ۾ دم ڌڻي حوالي ڪيو. ان کانپوءِ سلمان بن عبدالعزيز ال سعود جو وارو آيو، جنهن کي 23 جنوري 2015ع ۾ سعودي عرب جو بادشاهه بڻايو ويو، جيڪو اڄ به سعودي عرب جو بادشاهه آهي، سندس حڪومت ۾ به کوڙ سارا واقعا پيش آيا، ايتري قدر جو  سعودي  عرب شيعا اڳواڻ ۽ عالم آيت الله شيخ باقر نمر النمر کي موت جي سزا ڏني، جنهن کانپوءِ ايران ۽ سودي عرب وچ ۾ ڇڪتاڻ وڌي وئي، سعودي عرب حڪومت پاران شيعا اڳواڻ تي جيڪي الزام لڳايا ويا، اهي ڪجهه ٻيا هئا پر جيڪي اخبارن ۾ مختلف اڳواڻن پاران بيان ڏنا ويا، انهن ۾ چيو ويو ته هنن بادشاهي حڪومت خلاف آواز اٿاريو هو ۽ احتجاج ڪيو هو، جنهن سبب شاهي ڪٽنب سندس خلاف هو، رڳو شيعا اڳواڻ کي ڦاهي نه ڏني وئي هئي، پر سندس ساٿين کي به ڦاهي ڏني وئي هئي، اهو ئي سبب هو جو ايران ۾ سعودي عرب جي سفارتخاني آڏو به احتجاج ٿيو هو، جڏهن ٻنهي ملڪن ۾ اختلاف وڌي ويا هئا ته ان وقت سعودي عرب جي شهزادن  پاڪستان جو رخ ڪيو هو ۽ نوازشريف سعودي عرب جا چڪر ڪاٽڻ لڳو هو ۽ پاڪستان ۾ به ٻنهي ملڪن ۾ڇڪاڻ سبب صورتحال ڳڻتي جوڳي  ٿي وئي هئي، هر هڪ اهو ئي سوچي رهيو هو ته جيڪڏهن انهن ٻنهي ملڪ ۾ ڇڪتاڻ ٿي ان جا سڀ کان وڌيڪ اثر پاڪستان تي به پئجي سگهن ٿا،

هڪ ته  ملڪ طالبانائيزيشن تمام وڌيڪ هئي ۽ آهي، جنهن سبب مسجدن، امام بارگاهن ۽ صوفي بزرگن تي حملا معمول بڻيل آهن، جنهن سبب هزارين معصوم ماڻهو پنهنجيون جانيون زيان ڪري چڪا آهن، هي اهڙا ته خطرناڪ دهشتگرد آهن، جيڪي نه ته انسان کي انسان ٿا سمجهن، نه ئي وري ڪو انسان تي رحم ٿا ڪن، جنهن سبب هن ملڪ ۾آپگهاتي حملا مزان تي معمول بڻيل آهن، اهڙن دهشتگردن کي نه ته هتان جا سڪيورٽي ادارا روڪي سگهيا آهن ۽ نه ئي ڪو انهن جي خلاف فتويٰ جاري ڪرڻ لاءِ تيار آهي، بهرحال اسان جي ملڪ ۾ انهن ڪاررواين پٺيان ڪيترن ئي انسان دشمن ملڪن جو هٿ ٿي سگهي ٿو، جن انهن وحشين کي ٺاهيو آهي، جيڪي اڄ پنهنجيون وحشي ڪارروايون ڪري رهيا آهن. رهي ڳالهه سعودي عرب جي ته  تي اهو سڄي دنيا ۾ مسلمان ملڪن جو قلعو سمجهيو ويندو آهي، مطلب ته آهي، ان ملڪ ۾ جمهوريت يا صدارتي نظام نه آهي پر اتي جيئن ته بادشاهي حڪومت آهي، جنهن سبب عوام نه ته ڪنهن کي پنهنجو ليڊر چونڊي سگهي ٿو ۽ نه ئي ڪنهن بادشاهه کي خراب چئي گهر ڀيڙو  ڪري سگهي ٿو، جيئن اسان جي ملڪ ۾ جڏهن به جمهوريت قائم ٿي، تڏهن سڀ چور ٿي ويا ۽ باقي ٻيا سڀ سٺا ۽ صافت سٿرا آهن،

جڏهن کان سعودي عرب جو بادشاهه سلمان بن عبدالعزيز ٿيو آهي، تڏهن کان سرحدن تي حملا ۽ سعودي عرب ۾ ڌماڪن جا واقعا به پيش اچڻ شروع ٿيا  آهن ۽ سندس ئي حڪومت ۾ معاشي بحران به آيو، ايتري قدر جو ڪرين ڪرڻ سبب ڪيترائي حاجي سڳورا  فوت ٿي ويا هئا، ان کان علاوه جيڪي مزدور ويچارا مختلف ملڪن لاءِ سعودي عرب مختلف ڪمپنين ۾ ڪم ڪرڻ لاءِ پهتا هئا، انهن کي به پورهيو ڏيڻ بدران پنهنجن پنهنجن ملڪن ڏانهن اماڻيو ويو هو.

هڪ سال اڳ جڏهن سعودي بادشاهه شاهه سلمان بند عبدالعزيز پنهنجي ڀائٽي محمد بن نائف کي سمورن عهدن تان هٽائي پنهنجي پٽ شهزادي محمد بن سلمان کي نئون ولي عهد مقرر ڪيو  هو ته ان وقت سندس  پٽ جي عمر 31 سال هئي ۽ وقت محمد بن نائف کي عهدي تان هٽائڻ جو ڪو به سبب نه ٻڌايو ويو هو. جيڪو ملڪ جوگهرووزير به هو. جڏهن شاهه سلمان اقتدار ۾ آيو ته2015ع ۾هن پنهنجي ماٽيلي ڀاءُ مقررن بن عبدالعزيز کي هٽائي ڀائٽي محمد بن نائف کي مقرر ڪيو هو. هن اسلامي اتحاد ٺاهيو، جنهن جي قطر بائيڪاٽ ڪيو هو پر هاڻ ان کان به وڌيڪ وڏو فيصلو سعودي بادشاهه ڪيو آهي، جيڪو ٻڌي سڄي دنيا حيران ٿي وئي آهي، هاڻ ڏهن وري هڪ ڀيرو ٻيهر سعودي عرب ۾ هڪ ٻيو حڪم جاري ٿيو آهي، جنهن مان لڳي رهيو آهي ته سعودي عرب ۾  هاڻ حالتون تبديل  ٿي رهيون آهن، ڇاڪاڻ ته شيعا اڳواڻ جي ڦاهي کان پوءِ سعودي عرب ۾ به هڪ ڇڪتاڻ هلي رهي آهي ۽ جيڪو اسلامي اتحاد ٺهيو آهي، اها به ان جي  هڪ ڪڙي آهي،

جيڪڏهن اوچتو ڪا سعودي عرب جي اندر ڪا سعودي بادشاهن خلاف مزاحمت ٿئي ته ان کي به ان اتحاد سان خاموش ڪرائي سگهجي ٿو، ان جو هڪ نظارو اسلامي اتحاد ٺهڻ اڳ به سعودي دنيا نظارو ڏسي چڪي آهي، بهرحال هن وقت ڳالهه هلي رهي آهي سعودي عرب جي شاهي ڪٽنب جي، جن ۾ ڌڙا بندي ٿي وئي آهي، ان جو پهريون مثال ته سعودي بادشاهه سلمان بن عبدالعزيز جي اچڻ کان پوءِ محسوس ٿي ويو هو، جنهن ايندي ئي پنهنجي ڀائيٽي کي هٽائي سندس جاءِ تي پنهنجي پٽ کي مقرر ڪيو هو ۽ هاڻ وري ڪرپشن ڪندڙن خلاف ڪريڪ ڊائون  شروع ڪيو ويو آهي، جنهن دوران 11 شهزادن ۽ چئن اڳوڻن وزيرن سميت ڪيترن ئي ماڻهن کي گرفتار کي گرفتار ڪيو ويو آهي. جن کي به سعودي بادشاهه جي حڪم تي گرفتار ڪيو ويو آهي، انهن ۾ اڳوڻن ۽ موجوده وزيرن جو انگ 38 ٻڌايو ويو آهي، جڏهن ته ڪجهه جا نالا به ظاهر ڪيا ويا آهن،

سعودي عرب جا عملدار چئي رهيا آهن ته اهو سڀ ڪجهه احتساب تحت ٿي رهيو آهي، جن به ڪرپشن ڪئي آهي، انهن خلاف ڪريڪ ڊائون شروع ڪيو ويو آهي، بهرحال پاڪستان کانپوءِ سعودي عرب ۾ احتساب جي شروعات تمام گهڻو تعجب واري ڳالهه لڳي رهي آهي، ڇاڪاڻ ته سعودي عرب اهڙو واحد ملڪ آهي، جتي چوري جو ڪير تصور ئي نه پيو ڪري سگهي، ڇاڪاڻ ته ان ملڪ ۾ ڪو چوري ڪندو آهي ته ان جو هٿ ڪٽيو ويندو آهي پر هاڻ ڏسڻو اهو آهي، جيڪي به سعودي عرب جا شهزادا ڪرپشن جي الزام هيٺ گرفتار ٿيا آهن، انهن سان ڪهڙو حشر ڪيو ٿو وڃي، جيڪڏهن اهي سمورا شهزادا ڪرپشن ۾ ملوث آهن ته پوءِ انهن جي ملڪ جي قانون موجب، سزا ملڻ ضروري آهي، رهي ڳالهه احتساب جي ته اهو سٺو عمل آهي پر هو سڀني لاءِ هجڻ گهرجي، ته ان سان ڪي شڪ به پيدا نه ٿيندا،

جڏهن سعودي عرب گرفتارين وارو عمل شروع ٿيو ته ان وقت اهي به خبرون ٻڌڻ ۾ آيون هيون ته سعودي ڪابينا ۾ وڏي پئماني تي تبديليون ڪيون ويون هيون، سعودي نيشنل گارڊ ۽ معيشت جي وزيرن کي برطرف ڪيو ويو هو، ايتري قدر جو سعودي نيوي جي ڪمانڊر عبدالله سلطان کي به تبديل ڪتر سعودي نيوي جي ڪمان فهد الغفلي حوالي ڪئي وئي. ظاهري طور ته سعودي عرب ۾ احتساب عمل  ٿيندي نظر اچي رهيو آهي ۽ جهڙي ريت شهزادن کي گرفتار ڪرڻ جو حڪم جاري ڪيو ويو، جنهن مان لڳي رهيو آهي  ته سعودي عرب ۾ تمام جلد انقلاب اچڻو آهي ۽ اهو انقلاب سعودي بادشاهت لاءِ فائديمند هوندو يا نقصانڪار اهو چوڻ وقت کان اڳ هوندو. رهي ڳالهه سعودي عرب  ۾ ٿيندڙ اٿل پٿل جي ته، ان بابت چيو وڃي ٿو ته اهو صرف بادشاهت  تي جهيڙو  هلي رهيو آهي. مطلب ته سعودي عرب جو بادشاهه شاهه بند عبدالعزيز پنهنجي محمد بن عبدالعزيز کي سعودي عرب ۾ تمام گهڻو مضبوط ڪرڻ چاهي ٿو ته  ان جو  اندازو اسان سندس  اقتدار جي اچڻ کانپوءِ کنيل قدمن مان به لڳائي سگهون ٿا.

جڏهن  شاهه سلمان بن عبدالعزيز سعودي عرب جو بادشاهه ٿيو هو ته ان وقت ئي هن پنهنجي پٽ کي نوازڻ شروع ڪيو هو ۽ هاڻ به نوازي رهيو آهي.  جيتوڻيڪ هن وقت سعودي عرب جو بادشاهه  شاهه سلمان بن عبدالعزيز سعودي عرب جو بادشاهه آهي پر ان باوجود  سندس قدمن مان لڳي رهيو آهي ته هو  پنهنجي مخالفن کي اقتدار مان  ڪڍڻ چاهي ٿو ته جيئن سندس پٽ  لاءِ رستا کلي وڃن ۽ ڪو به سندس مخالفت ڪرڻ لاءِ نه بچي   ۽ سندس  فوت ٿيڻ کانپوءِ هو  سعودي عرب ۾ ڪنهن سٺي عهدي تي رهي. هاڻ ڏسڻو اهو آهي ته سعودي  عرب ۾ جيڪا  بادشاهي خاندان ۾  ويڙهه هلي رهي آهي ته اها صرف سعودي عرب تائين محدود رهندو يا وري ان جو رخ ڪنهن ٻئي ملڪ ڏانهن به موڙيو ويندو.

sahibalisindhi@gmail.com

 

پانامه بعد پيراڊايئز ليڪس جا ٻڙڌڪ…

دنيا ۾ هلچل مچائيندڙ پاناما ليڪس کانپوءِ آءِ سي آءِ جي طرفان ” پيراڊائيز  ليڪس “  ميدان تي اچي ويو آهي جنهن ۾ به مختلف ملڪن جي اهم شخصيتن بابت اهم انڪشاف ٿيا آهن . ان ڏس ۾صحافين جي عالمي ڪنسور  شيم ( آءِ سي آءِ جي )  پيراڊائيز  ليڪس جاري ڪيو آ هي.  جنهن ۾ هڪ ڪروڙ 34 لک کان وڌيڪ دستاويز سامهون آيا آهن.  پيراڊائيز ليڪس ۾ 25 هزارن کان وڌيڪ ڪمپنين جو انڪشاف ٿيو آهي، جڏهن ته ليڪس جو وڏ حصو ڪمپني ايپل بائي جي دستاويز ن تي ٻڌل آهن. اهي دستاويز سنگاپور  ۽ برمودا  جي ٻن ڪمپنين مان حاصل ڪيا آهن. پيرا ڊائيز پيپرز جرمن اخبار حاصل ڪيو  ۽ آءِ سي آءِ جي سان شيئر ڪيو. دستاويزن ۾180 ملڪن جي 25 هزارن کان وڌيڪ ڪمپنين، ٽرسٽ ۽ فنڊن جا انگ اکر  شامل آهن، جڏهن ته  پيپرز ۾ 1950 کان 2016 تائين جي ڊيٽا موجوجود آهي. هن جاچ ۾ 67 ملڪن جي 381 صحافين حصو ورتو جنهن ۾ آءِ سي آءِ جي  ميمبر  پاڪستان جي سينئر صحافي عمر  چيما به شامل هو. پيراڊائيز ليڪس ۾ پرويز مشرف جي دور ۾ پاڪستان جي وزير اعظم شوڪت عزيز جو نالو هئڻ جو پڻ انڪشاف ٿيو آهي  جنهن ۾ هن جا ٻه ٽرسٽ سامهون آيا آهن، سٽي ٽرسٽ لميٽيڊ ۽ سٽي بينڪ طرفان بهاماس ۾ قائم ڪيو ويو.شوڪت عزيز  بحيثيت بينڪ عهديدار  جي ڊائريڪٽر بڻيو. شوڪت عزيز انٽارڪٽ ترسٽ به قائم ڪيو. جنهن ۾ سندس گهر واري رخسانا عزيز پٽ عابد عزيز، ماها عزيز  ۽ ان جون ڌيئر لبنيٰ خان ۽ تانيا خان فائدو حاصل ڪيو. دستاويزن موجب ناڻي وارو وزير بڻجڻ کان ڪجهه عرصو پهريان شوڪت عزيز ڊيلا ويز  ( آمريڪا ) ۾ ٽرسٽ قائم ڪيو جنهن مان بر مودا  مان هلايو ويندو هو. پيراڊائيز  ليڪس موجب شوڪت عزيز اهي اثاثا ڪڏهن به  ظاهر نه ڪيا. شوڪت عزيز نيويارڪ ۾ پنهنجي وڪيل ذريعي ٻڌايو ته هن کي ٽرسٽ پاڪستان ۾ ظاهر ڪرڻ جي ضرورت نه هئي.پاڪستان جي هڪ ٻئي وڏي شخصيت جو نالو ظاهر ٿيڻ جو انڪشاف ٿيو آهي جنهن ۾ اين آءِ سي ايل جي اڳوڻي چيئرمين اياز خان نيازي جو نالو شامل آهي جنهن ۾ برٽش ورجن آئلينڊ  ۾ چار آف شور اثاثا ظاهر ٿيا آهن. جنهن ۾ هڪ اينڊا لوشين ڊسڪريشنري ٽرسٽ، اينڊا لوشين اسٽيبلشمينٽ، اينڊا لوشين انٽر پرائسز لميٽيڊ ۽ اينڊا لوشين هولڊ نگز لميٽيد شامل آهن. اياز نيازي جا ٻه ڀائر حسين خان نيازي ۽ محمد علي خان نيازي ان مان فائدو حاصل ڪيو ۽ سندس والد عبدالرزاق خان  ۽ والده فوزيا رزاق  ڊائريڪٽر طور ڪم ڪيو. ٻاهرين ملڪن مان برطانيا جي راڻي ملڪه ايلزبيٿ  ٽو جو نالو سامهون آيو آهي. آمريڪي پرڏيهي وزير ريڪس ٽلرسن، آمريڪا جي واپار واري وزير ولبر راس ، آمريڪي صدر ڊولنڊ ٽرمپ جي ويجهن 13 ساٿين،  ڪينڊيا جي اڳوڻن ٽن وزير اعظم، ساٿين ۽ وزيرن ۽ صلاحڪارن جا نالا به شامل آهن. پيراڊائيز  ليڪس جي نون انڪشافن مان گوڪاره ميڊونا ۽ پاپ سنگر بونو به شامل آهن .   پيراڊائيز  ليڪس  ۾ جن ملڪن جا وڌيڪ شهري شاملآهن انهن ۾ پهرين نمبر تي آمريڪا آهي، آمريڪا جا 25 هزار 414 شهري شامل آهن، ٻئي نمبر تي برطانيا آهي جنهن جا 12 هزار 707 شهري شامل آهن ۽ ٽئين نمبر تي برموداس آهي جنهن جا 5 هزار 124 شهري شامل آهن  جن جا غير قانوني اثا آهن.نوازشريف جي ٻارن، سعودي شاهه، ڀارتي سياستدانن، چيني صدر ۽ ترڪ وزيراعظم جي مائٽن جا نالا به شامل، قطر جي اڳوڻي وزير اعظم،  اڳوڻي آمريڪي جنرل ۽ ٻين جا به نقلي اثاثا ظاهر ٿي پيا آهن.