تازيون خبرون

Monthly Archives: October 2017

دنيا کي ٻڌائڻ چاهيان ٿو ته پاڪستان محفوظ ملڪ آهي: عامر خان

لاهور( اسپورٽس نيوز ) جڳ مشهور باڪسر عامر خان چيو آهي ته پاڪ سريلنڪا ٽي 20 ميچ لاهور اچي ڏسڻ جو مقصد دنيا کي ٻڌائڻ آهي ته پاڪستان راندين لاءِ محفوظ ملڪ آهي. برطانوي باڪسر عامر خان پاڪستان ۽ سريلنڪا ۾ ٽي 20 ميچ ڏسڻ لاءِ پاڪستان پهچي ويو آهي. پاڪستان آمد جي موقعي تي ميڊيا سان ڳالهائيندي عامر خان چيو ته مان پاڪستاني ٽيم جو حوصلو وڌائڻ لاءِ لاهور آيو آهيان، پاڪستاني نوجوان راندين سان محبت ڪن ٿا، هتي عالمي راندين جا در کلڻ گهرجن، منهنجي دلي خواهش آهي ته عالمي رانديگر پاڪستان اچن ۽ ڪرڪيٽ کي هٿي ملي. هن چيو ته سڄي دنيا کي ٻڌائڻ چاهيان ٿو ته پاڪستان راندين لاءِ محفوظ ملڪ آهي، ان سلسلي ۾ ايندڙ سال اسلام آباد ۾ سپر باڪسنگ ليگ ڪرائي رهيو آهيان جنهن لاءِ سموري پاڪستاني قوم جي سهڪار جي ضرورت آهي.

 

مارٽينا هنگس هڪ ڀيرو ٻيهر ٽينس تان ريٽائرمنٽ جو اعلان ڪري ڇڏيو

سنگاپور سٽي( اسپورٽس نيوز )سوئس ٽينس اسٽار ۽ اڳوڻي عالمي نمبر ون مارٽينا هنگس هڪ ڀيرو وري بين الاقوامي ٽينس تان رٽائرمينٽ جو اعلان ڪري ڇڏيو آهي، مارٽينا هنگس ان کان اڳ ٻه ڀيرا رٽائرمينٽ وٺي ورتي ٽينس ڪورٽ ۾ واپس اچي چڪي آهي. سريلنڪا ۾ جاري ڊبليو ٽي اي جو ويمنز ڊبلز مارٽينا هنگز آخري ايونٽ هو، ۳۷ سالن جي مارٽينا هنگس ۲۰۰۳ع ۾ ۲۳ سالن جي ڄمار ۾ هن ٽينس کي خير آباد چيو هو، جڏهن ته بعد ۾ مارٽينا هنگس رٽائرمينٽ جو فيصلو واپس ورتو ۽ ڪورٽ ۾ مختصر عرصي لاءِ ڪم بيڪ ڪيو، جنهن کانپوءِ هن ٻيو ڀيرو ۲۰۰۷ع ۾ رٽائرمينٽ اختيار ڪئي هئي پر ستن سالن کانپوءِ يعني ۲۰۱۴ع ۾ هوءَ ٻيو ڀيرو ٽينس جي دنيا ۾ قدم رکي ڇڏيو، اهڙي طرح مارٽينا هنگس ڊبلز جي ميدان تي پاڻ مڃائيندي عالمي نمبر ون جو اعزاز حاصل ڪري وئي، مارٽينا هنگس هلندڙ سال ومبلڊن ۽ يو ايس اوپن مڪسڊ ڊبلز جا ٽائٽل به کٽي چڪي آهي. ياد رهي ته مارٽينا هنگس ومبلڊن ٽينس ٽورنامينٽ جو ويمنز ڊبلز جو ٽائٽل ڀارت جي ٽينس اسٽار ثانيه مرزا سان گڏ کٽيو هو.

 

ڪراچي جو تبديل ٿيندڙ سياسي وايو منڊل: صاحب خان ڀٽي

ڪراچي جو سياسي وايو منڊل ڏينهون ڏينهن تبديل ٿي رهيو آهي، جنهن پارٽي ۾ اچڻ کان پوءِ ماڻهو ڇڏڻ جو نه سوچيندا هئا، اڄ اهي ماڻهو پارٽيون تبديل ڪري رهيا آهن. ڪراچي ۾ وڏي عرصي تائين هلندڙ دهشتگردي کان پوءِ جڏهن امن قائم ٿيو، تڏهن وڃي ڪراچي اندر ٻين پارٽين به پنهنجا پير ڄمائڻ شروع ڪري ڇڏيا آهن، مختلف پارٽين پاران به هن عالمي يتيم خاني ۾  پنهنجي سياسي طاقت جو مظاهرو ڪرڻ جو موقعو مليو ويو  آهي. گذريل ڏينهن به ا يم ڪيو ايم پاڪستان جي وڌيڪ هڪ وڪيٽ ڪري پئي هئي، مطلب ته ايم ڪيو ايم پاڪستان جي ڊپٽي ميئر ارشد وهره پي ايس پي ۾ شامل ٿي ويو آهي، جنهن جو هن باضابطه اعلان  آچر ڏهاڙي پاڪستان هائوس پهچي ڪيو. ان موقعي تي  ارشد وهره چيو هو ته هو ڪراچيءَ جي عوام سان ڪيل واعدو پورو نه ڪري سگهيو . جنهن سبب استعيفيٰ ڏيڻ جو فيصلو ڪيو آهي. هن اهو به چيو ته عوام جي خدمت ڪرڻ بدران اختيار نه هئڻ جو پٽڪو ڪيو ويو پر هاڻي شهرين کي منهن نه ٿا ڏئي سگهون. مصطفيٰ ڪمال شهرين جون اميدون پوريون ڪيون هيون هو سٽي ناظم طور هڪ مثال آهي. ان موقعي تي پي ايس پي اڳواڻ انيس قائمخاني ايم ايم ڪيو ايم پاڪستان جي اڳواڻ کان استعيفيٰ جو مطالبو ڪيو. انيس قائم خاني چيو ته پي ايس پي کي تازين آدمشماري تي تڪ بندي قبول نه آهي. هن چيو ته اسان ايم ڪيو ايم کي چيو هو ته پنهنجي سٺن ۽ خراب ماڻهن جي لسٽ سندن حوالي ڪئي وڃي. سندس چوڻ هو ته اڃا به وڏي لائين لڳل آهي، فاروق ستار ذميواريءَ جو مظاهرو ڪري استعيفيٰ ڏئي ڇڏي. انيس قائمخاني چيو ته ايم ڪيو ايم استعيفائون ڏنيون ته ننڍي چونڊ ۾ پي ايس پي حصو وٺندي. هن چيو ته پي ايس پي ۾ شموليت تي ارشد وهره به ايم ڪيو ايم پاڪستان لاءِ خراب ماڻهو ٿي ويندو. انيس قائمخاني چيو ته اڄ پاڪ سرزمين پارٽيءَ کي مڃيندڙ هزارن جي انگ ۾ آهن.

هاڻ جڏهن ڪراچي شهر ۾ ٿورو امن قائم ٿيو آهي ته ان وقت اڳوڻو آمر پرويز مشرف چئي رهيو آهي ته ڪراچي ۾ سياسي خال پيدا ٿي ويو آهي، جنهن لاءِ هو اتحاد جوڙيندو ۽ اهو خال ڀريندو، هاڻ خبر نه ٿي پئي ته اڳوڻو آمر الائي جي ڪهڙو خال ڀرڻ جي ڪوشش ڪري رهيو آهي، هاڻ ته ڪراچي ۾ دهشتگردي، ڀتي خوري ۽ ٽارگيٽ ڪلنگ به ختم ٿي چڪي آهي، جيڪي دهشتگرد اهي ڪارروايون ڪندا هئا، اهي به الائي جي ڪهڙي ڌنڌي ۾ لڳي ويا آهن، ايم ڪيو ايم پاڪستان  جا  اڳواڻ چئي رهيا آهن ته عوام ساڻن گڏ آهي ۽  پي ايس پي وارا چئي رهيا آهن ته  ايم ڪيو ايم  پاڪستان ۾ شامل ماڻهو سندن پارٽي ۾ شامل ٿي رهيا آهن. ايتري قدر جو جڏهن به ڪراچي ۾ ڪو مسئلو ٿيو آهي ته ايم ڪيو ايم پاران صرف اهو ئي چيو ويو آهي ته  کين اختيار نه پيا ڏنا وڃن، صفائي سٿرائي جو معاملو هجي يا وري ڪو ٻيو مسئلو،ا هو ن وقت ئي حل ٿي سگهي ٿو، جڏهن کين سمورا اختيار مليل هجن.

هاڻ سوچڻ جي ڳالهه آهي ته هيڏي وڏي شهر لاءِ  صرف 60 هزار صفائي ڪندڙ عملو ڪافي هوندو، جيڪڏهن اهي ملازم ٻه ڪروڙ کان وڌيڪ آبادي رکندڙ هن شهر کي صاف سٿرو رکي سگهندا، جيڪڏهن ها ته پوءِ آخر ڇو اڄ ڪراچي شهر گند ڪچري جي ڍيرن ۾ تبديل ٿي ويو آهي. جيڪڏهن ڏٺو وڃي ته هن وقت ڪراچي ۾ سڪيورٽي ادارن جي آپريشن بعد دهشتگرد ۽ ڀتي خور ته وڃي پنهنجي ٻرن ۾ لڪي ويا آهن پر صفائي عملو به ڪراچي جي ڪهڙي به علائقي نظر نه پيو اچي جنهن سبب صفائي جا انتظام اڻپورا نظر اچي رهيا آهن. اهو صرف ان ڪري ٿي  رهيو آهي ته ڪراچي شهر ۾ هر هڪ سياسي پارٽي پنهنجو مڪمل ڪنٽرول حاصل ڪرڻ چاهي ٿي پر افسوس جو هن شهر ۾ ڌارين جي لوڌ تمام گهڻي آهي جنهن سبب سموريون پارٽيون هن وقت تائين پنهنجا پير مضبوط نه ڪري سگهيون آهن، مشرف دور ۾ هن شهر جون واڳون ايم ڪيو ايم جي حوالي ڪيون ويون هيون تنهن بعد هن شهر ۾ تمام گهڻا تعميراتي ڪم ڪرايا ويا هئا پر افسوس جو ان وقت به ڪيترن ئي علائقن کي نظر انداز به ڪيو ويو هو. بهرحال ان وقت سنڌي آبادي وارن علائقن ۾ نه ته ڪي خاص ترقياتي ڪم ڪرايا ويا ۽ نه ئي انهن علائقن کي ليز ڪرڻ لاءِ قدم کنيا ويا، ايتري قدر جو ان دور ۾ ڪراچي جي سنڌي وسندين کي ڊاهڻ جو به سلسلو شروع ٿيو هو، ان وقت به ڪراچي جي ڪچي آبادين ۾ رهندڙ ڌرتي ڌڻي احتجاج ڪري رهيا هئا ۽ هاڻ به اهي ڌرتي ڌڻي احتجاج ڪري رهيا آهن، ان جو سڀ کان وڏو سبب اهو آهي ته بلڊر مافيا ڪڏهن به نه ٿي چاهي ته ڪراچي ۾ قديم سنڌي ڳوٺ قائم هجن تنهن جي ڪري اهي مختلف حربا استعمال ڪري سنڌي وسندين کي ڊاهيندا رهيا آهن، پر نه ته سنڌ حڪومت انهن کي روڪي سگهي آهي ۽ نه ئي وري وفاق ڌرتي ڌڻين جا اجها بچائي سگهيو آهي،

بهرحال هن وقت ڪراچي ۾ امن امان جي صورتحال اڳ جي ڀيٽ تمام گهڻي بهتر آهي، پر اڳوڻي آمر پرويز مشرف کي خال نظر اچي رهيو آهي ۽ ايم ڪيوا يم پاڪستان ۽ پي ايس پي کي به ڪراچي ۾ امن نظر نه پيو اچي، اهو سڀ ڪجهه تڏهن ٿي رهيو آهي، جڏهن ڪراچي ۾ واپارين ۽ شهرين کي تحفظ جو يقين ٿيو آهي. ان وقت پي ايس پي، ايم ڪيو ايم ۽ اڳوڻي آمر پرويز مشرف کي امن نظر نه پيو اچي. هاڻ ڏسڻو اهو آهي ته جيڪو منظور وساڻ خواب ڏٺو هو ته اهي ٽئي پارٽيون ختم ٿي ويندو ۽ هڪ نئين تنظيم سامهون ايندو،ا ها ڪهڙي هوندي ۽ ان جي قيادت مشرف ڪندو يا ڪو ٻيو هوندو، ان جو انتظار ڪرڻو پوندو پر هڪ ڳالهه واضح آهي ته جيڪي به پارٽي آئي ته اها هن شهر ۾ امن امان بحال ڪرائڻ جي ڪوشش ۾ ناڪام ويندي. ڇاڪاڻ ته ڪا به پارٽي مائنس ون فارمولي کان پوءِ خاموش نه ويهندي ۽ ان جو مقصد شهر جي حالتن کي خراب ڪرڻ ڏانهن ئي هوندو.

sahibalisindhi@gmail.com

 

 

ڪرپشن مقابلو ڪرپشن ۽ گرفتاري جو مطالبو گرفتاري سان: مسرور سيال

اڳوڻو طاقتور سمجھيو ويندڙ صوبائي وزير  وڏي شهرت ماڻيندڙ،  وزير ٿيڻ کان اڳ سندس ايتري شهرت نه هئي اڪثريت کيس سڃاڻيندا به نه هئي پر جڏهن پ پ کيس ٽڪيٽ ڏئي  چونڊن ۾ ڪامياب ڪرايو ۽ هُو ارباب رحيم جي اثر هيٺ علائقي مان ايم پي اي چونڊجي ويو ته کيس قائم علي شاھه جي ڪابينا ۾ اطلاعات کاتي جو وزير مقرر ڪيو ويو ۽ ان سان گڏ مڪاني ادارن سميت ڪجهه ٻين کاتن جا به قلمدان ڏنا ويا ، قلمدان ته کيس طاقتور بڻايو پر اصل ۾ جن کيس قلمدان ڏيارا اُهي وڏا طاقتور هئا جن شرجيل ميمڻ کي ميڊيا جي اڳيان آندو ان ڏينهن کان وٺي اڄ ڏينهن تائين ميڊيا اڳيان ئي آهي اڳوڻو  صوبائي وزيرِ اطلاعات ته هاڻ وري ڪرپشن ڪرڻ جي الزام هيٺ گرفتار ٿيو آهي پهرين صوبائي وزير جي حيثيت سان هُو ملڪ کان ٻاهر هليو ويو هو پر پ پ وري کيس ڪنهن ڊيل هيٺ واپس گھرايو هو عدالتن مان ضمانتون ورتيون  وين هيون ۽ ضمانت تي آزاد گھمي ڦري رهيو هو کيس صوبائي وزير جيترو پروٽوڪول مليل هو. ملڪ واپسي تي سندس ساٿين هن کي سون جو تاج پارايو هو اِها خبر ناهي ته سونو تاج کيس ڪهڙي چڱي ڪم سبب پارايو ويو هو ، چڱو ڪم ته خير ڪوبه نظر نه آيو پر پوڻا ڇھه ارب روپين جي ڪرپشن جو جيڪو ڪارنامو انجام ڏنو هو ان عيوض پارايو ويو هوندو خير هن جي  دوستن ۽ پارٽي ورڪرن رڳو سونا تاج نه پارايو پر هن کي  خود سون بڻائي ڇڏيو مطلب لٽيل قومي دولت جو مالڪ هوندي به  هو قانون کان بچي نه سگھيو . گذريل ڏينهن سنڌ هاءِ ڪورٽ پاران سندس ضمانت رد ٿيڻ کان پوءِ عدالت کان ٻاهر ايندي  ئي کيس گرفتار ڪيو ويو اُهو به منظر ڏسڻ وٽان هو عدالت اندر ويهي گرفتاري کان بچڻ جا سمورا هيلا وسيلا هلآئيندو رهيو.

آ خرڪار 12 ڪلاڪن کا پوءِ جڏهن سمورا  رستا بند ٿي ويا ته نيب کي گرفتاري ڏئي ڇڏي .سندس گرفتاري ڏيڻ جو انداز به بلڪل ائين هو جئين ڏوهاري  ڏيندا آهن ٻئي طرف وري ڪجھه صوبائي وزير سندس کي حوصلو ڏيارڻ لاءِ پهتل هئا اِهو ئي سبب هو جو شرجيل ميمڻ حوصلو ڪري گرفتاري ڏني آهي شرجيل ميمڻ  توڙي سندس ساٿاري بيوروڪريٽس  گرفتار ڪيا ويا آهن .  جيڪي پڻ ساڳئي  الزام هيٺ آيل آهن هن سموري صورتحال تي وري پ پ پ وارن جو موقف آهي ته شرجيل ميمڻ جي گرفتاري ٻٽو معيار آهي جڏهن ته نوازشريف کي پڻ گرفتار نٿو ڪيو وڃي  اِها ڳالھه به صحيح آهي ته نون ليگ وارن کي اهڙي ڪابه تڪليف نٿي ڏني وڃي جڏهن ته پ پ پ وارا وڏي  مشڪلاتن سان منهن ڏئي رهيا آهن پر اِهو الزام بي اثرائتو ٿيندو پيو وڃي . ان ڪري به ته جيتري ڪرپشن پ پ پ وارن ڪئي آهي اوتري ٻئي ڪنهن نه ڪئي آهي نوازشريف جي ڀاءُ جي حڪومت پنجاب ۾ آهي پر پنجاب ۾ ڪم ڪيا ويا آهن جڏهن ته سنڌ ۾ پ پ پ جي حڪومت آهي جيڪا گذريل 9 سالن کان هلندي پئي اچي ۽ ايندڙ دور ۾ به حڪومت ڪرڻ لاءِ منصوبابندي ۾ رڌل آهي پر سنڌ جي صورتحال اِها آهي ته هر ادارو ناڪاره بڻيل آهي روڊ رستا اکڙيل آهن شهر کنڊرات جو ڏيک ڏئي رهيا آهن ڪوبه اهڙو شهر ناهي جيڪو مثال طور پيش ڪجي ته هي شهر ٻين صوبي جي شهر سان ڀيٽ لاءِ ڏيکاري سگھجي،

لاڙڪاڻو جيڪو شهيدن جو اباڻو ضلعو آهي ان جو حشر ڇا آهي لاڙڪاڻي جي ترقياتي ڪمن جي اربين روپيا فنڊن کي ڦٻايو ويو نه رڳو اُهي فنڊ پر مڪاني ادارن جا فنڊ به هڙپ ڪيا پيا وڃن جنهن ڪري مڪاني ادارا پڻ ناڪاره بڻيل آهن ۽ اُهي مقامي وڏيرن کي جاگير طور ڏنا ويا آهن اڪثريت ۾ اتي اُهي چئيرمين مقرر ڪيا ويا آهن جيڪي ايم پي اي ، ايم اين اي جي ڪوٽا تي رکيل آهن ظاهر آهي اهڙي حالت ۾ شهرن ۾ بهتري ڪهڙي اچي سگھي ٿي . وري جڏهن اُهي چور قانون جي پڪڙ ۾ اچن ٿا ته وري سياسي بيان ڏنا وڃن ٿا جيڪي پڻ بليڪ ميلنگ جيان هجن ٿا جئين مثال طور شرجيل ميمڻ جي گرفتاري تي پ پ پ  موقف ڏنو آهي ته گرفتارين جي مامري ۾ به ٻٽو معيار رکيو وڃي ٿو مثال پنجاب جو ڪرپٽ گرفتار نٿو ٿئي پر سنڌ جو ڪرپٽ گرفتار ڪيو وڃي ٿو مطلب اهو ٿيو  ته جيڪڏهن پنجاب جو ڪرپٽ گرفتار نٿو ڪيو وڃي ته  پوءِ سنڌ جي ڪرپٽ وزيرن ۽ ڪامورن کي به گرفتار نه ڪيو وڃي .  سٺي سوچ آهي چور ، چور جو مثال ڏئي تحفظ پيو گھري،

ڏسجي ته شريف خاندان جنهن احتسابي مرحلي مان گذري رهيو آهي اُهو سندن لاءِ قيامت کان گھٽ ناهي جيڪڏهن ڀيٽ جي ڳالھه ڪجي ته شرجيل جي گرفتاري جو بيلنس ڪرڻ لاءِ نوازشريف کي گرفتار ڪيو وڃي ته اِهو بيلنس ناهي پر بيلنس اِهو آهي ته پنجاب جو به ڪو ڪرپٽ وزير گرفتار ڪيو وڃي ، نوازشريف جي ڀيٽ ته وري هن جي ڪاٺ ڀت واري سان ٿيندي هاڻي پ پ پ وارا ٻڌائين ته نوازشريف جي گرفتاري عيوض هُو ڪنهن جي گرفتاري پيش ڪرائيندا ظاهر آهي اُهو به نوازشريف جھڙو مها چور ۽ ڪرپٽ هجي ، پ پ وٽ ظاهر ان ڪاٺ بت جا موجود آهن اُهي به ڪرپشن جا بادساھه سڏيا وڃن ٿا پر اُهي به ته آزاد گھمندا ڦرندا وتن ٿا ، اسان جي سياسي پارٽين جو اِهو حال رهيو آهي ته انهن جو  اقتدار عوام کي تحفظ ڏيڻ بجاءِ پنهنجن  ڪرپٽ ساٿين کي تحفظ ڏيڻ لاءِ استعمال ٿي رهيوآهي  سو ڏسجي ته پ پ پ سنڌ جا حڪمران پنهنجن ڪرپٽ وزيرن کي ڪئين تحفظ ٿا ڏيارين . اسان وٽ اِهو به اڪثريت سان عوامي رايو رهيو آهي ته شرجيل ميمڻ هجي يا ٻيا هجن اُهي لک دفعا گرفتار ٿين پر ٿيڻو ڪجهه به  ناهي  ان ڪري ته وري به ساڳيا ڪرپٽ چوندجي اچن ٿا ۽ حڪومت ڪن ٿا سو گرفتاري سان گڏ انصاف به هئڻ گھرجي ڏوهارين کي سزا به ملڻ گھرجي باقي گرفتاريون ته اڳ به ٿينديون رهيون آهن ۽ ساڳيا گرفتار وري اقتدار ۾ به ايندا رهيا آهن ….. ڪهڙي خبر هاڻوڪا گرفتار به ثبوت نه ملڻ جي صورت ۾ باعزت بري ٿي وڃن جئين شرجيل ميمڻ به چوي ٿو ته هُو باعزت بري ٿي ويندو هاڻي اِها به خبر ناهي ته هُو ڪهڙي بنياد تي ائين چئي رهيو آهي شايد هن بنياد تي چوندو هجي ته اسين ڪو ثبوت ڇڏيو ئي ناهي ته پوءِ سزا ڪئين کائينداسين  . هاڻي ڏسجي ته کيس گرفتار ڪندڙ عدالت سڳوري کي ڪهڙا ٺوس ثبوت ڏين ٿا . جيڪڏهن ٺوس ثبوت مليا ته عدالت جو فيصلو ٻڌڻ جھڙو هوندو پر ثبوت نه مليا ته پوءِ واقعي فيصلو شرجيل ميمڻ اڳ واٽ ٻڌائي ڇڏيو آهي سو اسان وارا سياسي مخالف به ايترو خوش نه ٿين تجزيا نگار به هٿ هلڪو رکن ان ڪري ته هن ۾ به ڪو شڪ ناهي ته شرجيل ميمڻ وري اطلاعات جو وزير يا ان کان مٿين ذميواري تي نه اچي وڃي منهنجي هن ڳالھه سان اختلاف ڀلي رکيو وڃي  پر اسان وٽ چٽا پٽا ثبوت موجود آهن ته ڇا ڪالھه جا ڪرپٽ جن مٿان ڪيس به هليا جيل به ويا ڇا اُهي وري حڪمران ناهن ٿيا يا ناهن ٿي رهيا … !ان ڪري اسين ته رڳو سياستدانن جي راند ڏسي رهيا آهيون جيڪا راند به اک ٻوٽ واري آهي مطلب هڪ ٻئي جي ڪرپشن ڳولهي رهيا آهن هڪڙا لڪيو وڃن ته ٻيا ظاهر ٿين وري ظاهر ٿيل وري لڪيو وڃن پاڻ ته رڳو انهن کي ڏسي رهيا آهيون جيڪي ظاهر ٿين ٿا ۽ پڪڙيا وڃن ٿا سو ڏسندا رهون ٿا ته ڪهڙا ڪهڙا لڪيل آهن جيڪي اڃا ظاهر ٿيندا ۽ پڪڙيا ويندا .

 

 

اي ڊي خواجا جي موجودگي ۾ آءِ جي سنڌ کي هٽائڻ جي منظوري….!!

گذريل ڏينهن سنڌ جي وڏي وزير سيد مراد علي شاهه جي صدارت ۾ سنڌ ڪابينا جو اجلاس وزيراعليٰ هائوس ۾ ٿيو، اجلاس ۾ صوبائي وزير نثار احمد کهڙو. سهيل انورسيال، سيد ناصر حيسن شاهه، فياض بٽ، منظور حسين وساڻ سميت ٻيا شريڪ ٿيا، سنڌ ڪابينا 1898 جي پوليس ايڪٽ جي شق 144 ۾ ترميم آڻڻ، هندو ميرج بل، ضياءُالدين يونيورسٽي بورڊ آف هاير ايجوڪيشن، سنڌ ڊويلپمنٽ اينڊ ميٽنينس آف انفرا  اسٽيڪچر ايڪٽ جي منظور ڏئي ڇڏي. جڏهن ته پوليس ايڪٽ ۾ ترميم آڻڻ بابت  قائم ڪميٽي جي رپورٽ ۽ آءَ جي سنڌ جي تجويزن تي غور ڪيو ويو، سنڌ ڪابينا پوليس آفيسرن جي بدلين ۽ مقررين بابت اختيارن بابت آءَ جي سنڌ جي تجويزن کي رد ڪندي 15 ڏينهن اندر نون رولز بڻائڻ لاءِ ڪميٽي قائم ڪري ڇڏي ،سنڌ ڪابينا جي اجلاس بعد اطلاعات کاتي جي صوبائي وزير ناصر حسين شاهه ۽ گهرو وزير سهيل انور سيال صحافين کي بريفنگ ڏيندي ٻڌايو ته ڪابينا جي ايجنڊا ۾ ڏهن کان وڌيڪ ايجنڊا رکيل  هيون، جن مان ڪجهه منظور ڪيو ويون ۽ باقي ڪميٽي حوالي ڪيون ويون آهن، سنڌ پوليس ۾ 1934 ع وارو قانون لاڳو ٿيل آهي جنهن ۾ تبديلي 1968ع ۾ ٿي جنهن بابت سنڌ هاءَ ڪورٽ جي حڪم تحت غور ڪيو ويو آهي ۽ ان ۾ تبديل ڪري رهيا آهيون ان سلسلي ۾ آءِ جي سنڌ ۽ وڏي وزير جي  قانوني ڪميٽي کان سفارشون طلب ڪيون ويون آهن جن تي غور ڪرڻ بعد حتمي فيصلو ڪيو ويندو ۽ انهن کي جلد سنڌ اسيمبلي ۾ منظُوري لاءَ پيش ڪيو ويندو، سنڌ حڪومت آئين ۽ قانون جي پاسداري چاهي ٿي ۽ قانون موجب  صوبي جو آءِ جي 22 هين گريڊ جو هجڻ لازمي آهي جڏهن ته هن وقت آءِ جي سنڌ 21 جو گريڊ جو مقرر ٿيل آهي جيڪو پڻ نٿو ٿي سگهي، آءِ جي جي مقرري بابت ٽن نالن وارو وفاقي مفروضو غلط آھي، سنڌ لاءِ 22 هين گريڊ جي نئين آفيسر لاءَ وفاق کي لکيو آھي قانون موجب 22 گريڊ جو آفيسر آءِ جي ٿي سگهي ٿو، جڏهن ته اي ڊي خواجه خواجه او پي ايس تي ويٺل آھي، هن وقت سنڌ جي مجموعي طور تي امن امان جي صورتحال  بهتر آھي ماضي جي مقابلي ۾ هن وقت امن آهي پر اها مون کان ۽ خواجه کان اڳ بهتر ٿيو آھي، جيترو عدالتن جو احترام اسان ڪيون ٿا ايترو ٻيو ناهي ڪندو، عدالتن جي حڪم تحت اڄ به 80 سيڪڙو آفيسر کي او پي ايس تان هٽايو آهي سنڌ جي مختلف ضلعن ۾  جيڪي پوليس آفيسر مون  مقرر ڪيا انهن کي اي ڊي خواجه به تبديل نه ڪيو آهي، غلط ڪم ڪندڙ عملدار خود ذميدار آھن جيڪڏهن ڪرپشن سبب ڪنهن به آفيسر کي  نئب پڪڙيندي ته  آفيسرز پاڻ ذميوار هوندا، بلديا فيڪٽري سانحي جو مک جوابدار ايم ڪيو ايم لنڊن جو اڳواڻ حماد صديقي جي گرفتاري لاءِ پاڪستان مان ڪابه ٽيم دبئي ناهي وئي، ان سلسلي ۾ وفاقي حڪومت کي انتظام ڪرڻ گهرجن.

 

ڀارتي جبر ڪشميرين جي آزاديءَ واري جذبي کي چيڀاٽي نه ٿو سگهي: وزيراعظم

اسلام آباد/سرينگر/نيو يارڪ( ويب ڊيسڪ ) پاڪستان سميت دنيا جي مختلف ملڪن ۾ والاريل ڪشمير تي ڀارت جي غاصباڻي قبضي خلاف ڪارو ڏينهن ملهايو ويو، والاريل ڪشمير تي ڀارت جي غير قانوني قبضي خلاف مڪمل شٽر بند هڙتال ڪئي وئي ، ڀارت مخالف ريليون روڪڻ لاءِ والاريل واديءَ ۾ فوج ۽ پوليس جي وڏي نفري مقرر ڪئي وئي، قابض انتظاميه مير واعظم عمر فاروق، سيد علي گيلاني، ياسين ملڪ سميت سموري حريت قيادت کي گهرن ۾ نظر بند ڪري ڇڏيو ، جڏهن ته کين جمعي جي نماز ۾ به شرڪت تي به پابندي مڙهي وئي، آمريڪا ۽ برطانيا سميت سڄي دنيا ۾ ڪشميري شهري پنهنجي ڌرتي تي ڀارتي قبضي خلاف ڪارو ڏينهن ملهايو، ان سلسلي ۾ ريليون، جلسا، جلوس ۽ احتجاج ڪيا ويا، جڏهن ته سڀ کان وڏو مظاهرو آزاد ڪشمير جي مرڪزي هنڌ مظفر آباد ۾ ڪيو ويو،وزيراعظم شاهد خاقان عباسي چيو آهي ته ڀارتي جبر ڪشميرين کي آزاديءَ جي جذبي تان پوئتي نه ٿو هٽائي سگهي. وزيراعظم شاهد خاقان عباسي ڪشميرين کي قربانين ۽ جدوجهد تي ڀيٽا پيش ڪندي چيو ته 27 آڪٽوبر 1947ع ۾ ڀارتي فورسز والاريل ڪشمير تي قبضو ڪيو، جڏهن ته ڪيترائي ڀيرا واعدي باوجود ڪشميرين کي سندن حق نه ڏنو ويو. هن چيو ته ڪشمير ۾ انسانيت سوز ظلمن جو سڄي دنيا ۾ مثال نه ٿو ملي،ڀارتي جبر ڪشميرين کي آزاديءَ جي جذبي تان پوئتي نه ٿو هٽائي سگهي، جڏهن ته پاڪستان ڪشميرين جي اخلاقي، سياسي ۽ سفارتي حمايت جاري رکندو.  ٻئي طرف گڏيل قومن ۾ پاڪستان جي مستقل سفير مليحا لوڌي چيو آهي ته ڀارتي اهڙي مهم کان پري رهي جيڪا خطي جي امن لاءِ نقصانڪار آهي، جڏهن ته پاڪستان ڪنهن به اڳرائيءَ کي منهن ڏيڻ لاءِ تيار آهي. والاريل ڪشمير ۾ ڀارتي فوجي قبضي کي 70 سال مڪمل ٿيڻ تي گڏيل قومن ۾ پاڪستان جي مستقل نمائندي مليحا لوڌي هڪ انٽرويو ۾ چيو ته ڪشمير جو هر ڏينهن ڪارو ڏينهن آهي، 70 ورهين کان ڪشميري عوام گڏيل قومن جي ٺهرائن تي عمل جا منتظر آهن، ڪشمير مسئلي جي حل لاءِ گڏيل قومن جا ٺهراءَ امن قائم ڪرڻ جو واحد رستو آهن. هن چيو ته ڪشمير تي ڀارت جي ناجائز قبضي خلاف پاڪستان ڪشمير عوام جي جدوجهد جي حمايت ڪندو رهندو،  ڪشمير مسئلي جو پرامن حل ڏکڻ ايشيا ۾ امن توڙي استحڪام جي ضمانت آهي، ڪشمير تان ڌيان هٽائڻ لاءِ ڀارت ايل او سي جي ڀڃڪڙي ڪري رهيو آهي. سندس چوڻ هو ته ڀارتي ظلم سبب هڪ لک ڪشميري شهيد ٿيا آهن، ڀارت اهو ملڪ آهي جتي اجتماعي طور ڪشميرين کي نور کان محروم ڪيو ويو، جڏهن ته پاڪستان سياسي، سفارتي ۽ اخلاقي طور ڪشميرين جي حمايت ڪندو رهندو.

 

پاڪستان ڀارت کي آمريڪي ڊرونز فراهم ڪرڻ جي مخالفت ڪري ڇڏي

اسلام آباد( ويب ڊيسڪ ) سينيٽ ڄمون ۽ ڪشمير تي ۲۷ آڪٽوبر ۱۹۴۷ع تي ظالماڻي ڀارتي قبضي جي خلاف مذمت واري قرارداد جي منظوري ڏئي ڇڏي آهي ۽ والاريل ڪشمير ۾ جاري تشدد تي عالمي برادري جي مسلسل خاموشي تي افسوس جو اظهار ڪندي ڪشميرين جي اخلاقي، سياسي ۽ سفارتي حمايت جاري رکڻ جي عزم جو ورجاءُ ڪيو ويو. جمعي ڏينهن سينيٽ جي اجلاس ۾ قائدايوان سينيٽر راجا ظفر الحق قرارداد پيش ڪئي، قرارداد ۾ چيو ويو آهي ته سينيٽ ۲۷ آڪٽوبر ۱۹۴۷ع تي ڄمون ۽ ڪشمير تي ڀارتي قبضي جي خلاف ڪاري ڏينهن جي موقعي تي ڀارتي فوجين پاران رياستي دهشتگردي جي مذمت ڪري ٿو ۽ والاريل ڪشمير ۾ جاري تشدد جي معاملي تي عالمي برادري جي مسلسل خاموشي تي افسوس جو اظهار ڪري ٿو، سينيٽ حريت قيادت جي ان موقف جي عزم جو ورجاءُ ڪري ٿو ته پاڪستان جي شموليت کانسواءِ ڳالهين جي لاءِ ڪنهن به قسم جي ڪوشش نه صرف گڏيل قومن جي پراڻي قراردادن جي خلاف هوندي پر ان سان ڀارت پاران خودمختياري واري حق جي عالمي اصولن کان لاغرضي، غير سنجيدگي ۽ ان جي واضح پائمالي جي به عڪاسي هوندي، قرارداد ۾ چيو ويو آهي ته پاڪستان هن اهم مسئلي جي حل لاءِ ڀارت سان ٻه طرفي ۽ ڪيترائي ڀيرا ڳالهين جي لاءِ ڪوششون ڪيون آهن پر ڀارت اهڙين سڀني تجويزن کي سدائين رد ڪيو آهي، گڏيل قومن، انساني حقن وارين تنظيمن ۽ آمريڪي انتظاميه کي خاص طور تي اها ڳالهه سمجهڻ گهرجي ۽ ڪشميري عوام جي خواهشن موجب تڪرار جي پرامن حل لاءِ پنهنجي پراڻن واعدن کي پورو ڪرڻ گهرجي. ايوان هڪ ڀيرو ٻيهر ورجاءُ ڪري ٿو ته ڀارت جيڪا دنيا جي سڀ کان وڏي جمهوريت جو دعويدار آهي، جمهوري قدرن ۽ اصولن جي خلاف ورزي ڪندي مقامي آبادي جي بنيادي انساني حقن کان مڪمل انڪار ڪيو آهي، سينيٽ ڀارت جي جابراڻي حربن ۽ ڪنٽرول لائين تي جنگ بندي جي خلاف ورزين جي مذمت ڪري ٿو، اسان خودمختياري واري حق لاءِ ڪشميرين جي منصفاڻي جدوجهد سان مڪمل يڪجهتي جو ورجاءُ ڪريون ٿا ۽ گڏيل قومن جي قراردادن موجب مڪمل سياسي، اخلاقي ۽ سفارتي حمايت ڪريون ٿا. سينيٽ عالمي برادري تي زور ڏنو آهي ته هو ڀارت کي والاريل ڪشمير ۾ انساني حقن جي خلاف ورزين کان روڪي، ايوان قرارداد جي منظوري ڏني، ان کان اڳ ۲۷ آڪٽوبر ۱۹۴۷ع جي ڪاري ڏينهن جي حوالي سان اظهار ڪندي سينيٽر راجا ظفر الحق،سينيٽر سحر ڪامران، سينيٽر اعظم سواتي، سينيٽر مشاهد الله خان، سينيٽر عبدالقيوم، سينيٽر ڊاڪٽر غوث نيازي، سينيٽر جان ڪينٿ وليمز، سينيٽر عتيق شيخ، سينيٽر نزهت صادق، سينيٽر حافظ حمد الله، سينيٽر عبدالرحمان ملڪ، سينيٽر فرحت الله بابر، سينيٽر نهال هاشمي، سينيٽر مشاهد حسين سيد، سينيٽر ڊاڪٽر اشوڪ ڪمار، سينيٽر نجمه حميد چيو ته ڀارت ۱۹۴۷ع کان والاريل ڪشمير تي ظالماڻو قبضي ڪري رکيو آهي ۽ انساني حقن جي سنگين پائمالي ڪري رهيو آهي، گڏيل قومن جي سلامتي ڪائونسل ڪشميرين جي خودمختياري واري حق لاءِ قراردادون منظور ڪري رکيون آهن، پر ڀارت انهن قراردادن تي عملدرآمد نه پيو ڪري، والاريل ڪشمير ۾ ۲۰۱٦ع کانپوءِ هيستائين سوين بي گناهه ڪشميري شهيد ٿي چڪا آهن جن ۾ عورتون ۽ ٻار به شامل آهن، جڏهن ته پيلٽ گنز جي استعمال سان ماڻهن کي انڌو ڪيو پيو وڃي، انهن کي اغوا ڪيو پيو وڃي ۽ تشدد جو نشانو بڻايو پيو وڃي، هن چيو ته ڪشميرين جي آزادي جي جدوجهد هينئر پنهنجي انتها تي پهچي چڪي آهي، ڀارتي حڪومت جو غير انساني رويو دنيا جي سامهون بي نقاب ٿي چڪو آهي، ڀارت عالمي برادري جي اکين ۾ ڌوڙ نٿو وجهي سگهي، اهو وقت پري ناهي جڏهن ڪشمرين کي انهن جو بنيادي حق ملندو. هنن چيو ته جيستائين ڪشمير جو مسئلو حل نه ٿيندو ڏکڻ ايشيا ۾ امن قائم نٿو ٿي سگهي، هنن چيو ته گڏيل قومن پنهنجي قراردادن تي عملدرآمد ڪرائڻ ۾ ناڪام ٿي چڪو آهي. هنن چيو ته والاريل ڪشمير ۾ ڀارتي ظلم جي دنيا جي تاريخ ۾ مثال نٿو ملي، والاريل ڪشمير ۾ ڀارتي ظلم ۽ ڏاڍ برداشت ڪندڙ ڪشميرين کي سلام پيش ڪريون ٿا، هنن چيو ته نسل در نسل ڪشميرين جون قربانيون آهن، ڪشميري نسلن کان آزادي جو علم بلند ڪري رکيو آهي، ڪشمير جي مسئلي تي پاڪستان جي موقف کي نقصان پهچائيندڙ پرويز مشرف کي واپس وٺي ڪري انصاف جي ڪٽهڙي ۾ بيهاريو وڃي، هنن چيو ته نريندر مودي کي پهرين نمبر جو عالمي دهشتگرد قرار ڏيڻ گهرجي، ڀارت دنيا ۾ سڀ کان وڏو انساني ڏوهه والاريل ڪشمير ۾ ڪري رهيو آهي. ٻئي طرف پاڪستان ڀارت کي آمريڪي ڊرونز فراهم ڪرڻ جي مخالفت ڪندي چيو آهي ته ان سان خطي ۾ طاقت جو توازن خراب ٿي ويندو. اسلام آباد ۾ الوداعي هفتيوار بريفنگ ڏيندي نفيس ذڪريا چيو ته ڀارتي تحريڪ طالبان ۽ ٻين پابندي مڙهيل تنظيمن جي مدد ڪندو آهي، دهشتگردن جو مددگار ملڪ آهي. هن چيو ته ڪشميري سڄي دنيا ۾ ڪشميري ڪارو ڏينهن ملهائي رهيا آهن ۽ 70 سالن کان ظلم جو شڪار آهن. سندس چوڻ هو ته بيگناهه نوجوانن تي تشدد ڪيو پيو وڃي ۽ عورتن سان لڄالٽ کي هٿيار طور استعمال ڪيو پيو وڃي. نفيس ذڪريا چيو ته آزاديءَ جي جدوجهد ۾ پاڪستان ڪشميرين جي جدوجهد جي حمايت ڪري ٿو.  هن چيو ته آمريڪي پرڏيهي وزير جي پاڪستان جي دوري دوران ٻنهي ملڪن ۾ گڏيل سهڪار جاري رکڻ تي اتفاق ڪيو ويو جڏهن ته پاڪستان دهشتگرديءَ جي خاتمي جي ڪاررواين ۽ قدمن بابت آگاهه  ڪيو جنهن تي ريڪس ٽلرسن پاڪستان  جي قربانين ۽ ڪوششن جي واکاڻ ڪئي.

 

اميتاب بچن کي گھر جي غير قانوني اڏاوت تي قانوني نوٽيس

ممبئي (شوبز نيوز) باليوڊ جي ميگا اسٽآر اميتا ب بچن کي پنهنجي گھر ۾ غير قانوني تبديلي تي مقاني بلديا اداري  قانوني نوٽِس اماڻي ڇڏيو، ڀارتي ميڊِيا مطابق ممبئي جي بلدياتي اداري بي ايم سي اميتاب بچن کي قانوني نوٽِس اماڻيو اهي جنهن ۾ چيو ويو ته ممبئي جي علائقي گوري گائون ۾ واقع سندس گھر پر تڪشا ۾ تبديليون ڪيون وييون آهن جيڪ مهاراشتر ريجنل ٽائون پلاننگ ايڪٽ جي قانون مطابق غير قانوني آهي ان لاءِ هو يا ته غير قانوني حصي کي پاڻ ئي ڊاهي پٽ ڪري يا و ري قانون مطابق بلڊنگ  پرپوزل ڊپارٽمينٽ ۾ گھر جو نئون نقشو جمع ڪرائي. اميتاب بچن  جو نئون گھر پرتڪشا ممبئي جي علائقي گوري گائون ۾ واقع آهي  ۽ هي مشهور فلم اسٽوڊيو جي ويجھو آهي.

 

باليوڊ اداڪاره آسن ٿوتمڪل جي گھر ۾ ڌيءُ جنم ورتو

ممبئي (شوبز نيوز) باليوڊ اداڪاره آسن ٿوتمڪل جي گھر ۾ پهرين ڌيءُ جنم ورتو، آسن ۽ راهل جي ويجھي دوست اداڪار اڪشي ڪمار ٻنهي کي ڌيءُ جي جنم  تي مبارڪون ڏيندي سوشل ميڊيا تي نينگري جي پهرين  تصوير به شيئر ڪئي، تفصيل موجب اداڪاره آسن جي ڌيءُ جي جنم تي  اڪشي ڪمار  پيغام ڏنو  ته هيءَءِ اهڙي خوشي آهي جنهن جو ڪو مقابلو ناهي، آسن ۽ راهل کي ڌيءَ جي جنم تي مبارڪ هجي، اڪشِي کانپوءِ  راهل پنهنجي ٽوئيٽر اڪائونٽ  تي ان  خبر جو اعلان ڪيو ته آسن ۽ راهل جي شآدي  گذريل سال جنوري ۾ ٿي هئي.

 

ماريا شيراپووا امدادي ڪمن لاءِ پيوروٽوريڪو پهچي وئي

ماسڪو(اسپورٽس نيوز) روس جي ٽينس رانديگرياڻي ماريا شيرا پووا فلاحي ڪمن ۾ هڪ قدم اڳتي وڌندي پنهنجي ساٿي ٽينس اسٽار مونيڪا سان گڏ پيورٽوريڪو پهچي وئي آهي، جتي ٻنهي گذريل مهيني آيل سامونڊي طوفانن ارما ۽ ماريا سبب متاثر ٿيل هزارين ماڻهن جي مدد شروع ڪري ڇڏي آهي. اولمپڪ گولڊ ميڊلسٽ مونيڪا طوفان سٽيل ماڻهن جي مدد لاءِ فيس بوڪ تي هڪ پيج به ٺاهيو آهي، جنهن تي هن وقت تائين مختلف ماڻهن طرفان ڏيڍ لک ڊالر جي رقم امداد طور ڏيڻ جو اعلان ٿي چڪو آهي، جڏهن ته ماريا شيرا پووا پنهنجي ذاتي ڪاروبار شگر پووا ڪينڊي جي انٽرنيٽ ذريعي هلندڙ سال ٿيل سموري ڪمائي ان نيڪ مقصد ۾ ڏيڻ جو ارادو ڪيو آهي. شيرا پووا ۽ مونيڪا گذريل ڏينهن پيوٽوريڪو جي مختلف متاثر علائقن ۾ وڃي ماڻهن کي گئس جا چلها، دوائون، سلينڊر، کاڌ خوراڪ جو سامان ۽ شمسي توانائي تي هلندڙ ليمپ عطئي طور ڏنا آهن. شيرا پووا پنهنجي ٽوئيٽر اڪائونٽ تي تفصيل ٻڌائيندي چيوته اسان ۱۲۵۰ گئس وارا چلها، ۳ هزار سلينڊر، هڪ هزار سولر پاور وارا ليمپ ۽ ۲۰۰ ماڻهن کي موبائيل فونون عطئي طور فراهم ڪري چڪا آهيون.