تازيون خبرون

Daily Archives: October 23, 2017

 ن ليگ ۽ پي ٽي آءِ سياست جو جنازو ڪڍي ڇڏيو، عمران جي تبديلي صرف ڪوڙ آهي: بلاول ڀٽو زرداري

پشاور (ويب ڊيسڪ): پيپلز پارٽي چيئرمين بلاول ڀٽو زرداري چيو آهي ته اوهان کي پاڻ کي فيصلو ڪرڻو آهي، ڪهڙي پارٽي پختونن کي سڃاڻپ ڏني، جلسي کي خطاب ڪندي بلاول ڀٽو زرداري چيو ته پيپلز پارٽي حڪومت خيبر پختونخواهه جو نالو رکيو، ڪوڙ، گار گند ڪندڙن، نااهل سياستدانن کي شڪست ڏيڻي آهي، اين ايف سي ايوارڊ به قوم لاءِ پيپلز پارتي جو تحفو آهي، 18هين ترميم سان صوبن کي انهن جو جائز حق ڏنو ويو، بلاول ڀٽو زرداري چيو ته ن ليگ، پي ٽي آءِ جي حڪومتن ملڪ ۽ صوبي کي ڪهڙي هنڌ پهچائي ڇڏيو، ن ليگ ۽ پي ٽي آءِ سياست جو جنازو ڪڍي ڇڏيو آهي، خان صاحب هر قيمت تي هر قسم جو هٿڪنڊو استعمال ڪري اقتدار ۾ اچڻ چاهي ٿو، هر اهو ڪم ڪرڻ لاءِ تيار آهي، جيڪو ان کي بني گالا کان وزيراعظم هائوس تائين پهچائي ڇڏي، هن چيو ته نااهل ترين وفاقي حڪومت عوام کي دوکي کانسواءِ ڪجهه ناهي ڏنو، ميان صاحب عدالت مان نااهل ٿيڻ بعد ڪرسي سان چنبڙيل رهيو، ملڪ جو ڪوئي طبقو حڪومتي پاليسي مان خوش ناهي، بلاول ڀٽو زرداري چيو ته ترقي هجي ها ته روزگار جا موقعا ملن ها، عوام جي معاشي حالت بهتر ٿيندي آهي، خاڪ ترقي ٿي آهي، سڀ پريشان ۽ روئي رهيا آهن، ن ليگ ۽ تحريڪ انصاف سياست ۽ اخلاقيات جو جنازو ڪڍي ڇڏيو آهي، ڇا خاڪ ترقي ٿي، هاري، آبادگار، پينشنرز ۽ ملازم سڀ پريشان آهن، عوام نه رڳو شريف خاندان خوشحال ٿي رهيو آهي، بلاول ڀٽو زرداري چيو ته ملڪ ۾ ملز ۽ ڪارخانا بند ٿي رهيا آهن، خان صاحب جي تبديلي جي دعويٰ به ڪوڙي نڪتي، هي ماڻهو ملڪ ۾ انتشار ڦهلائڻ چاهين ٿا، جمهوريت انهن ليڊرن جي ڪري باقي آهي، جن قربانيون ڏنيون، هن چيو ته تبديلي جو دهل وڄائيندڙ ٻڌائين ته ڇا انهن ڪرپشن جو خاتمو ڪيو، ٻين تي ڪرپشن جو الزام لڳائي پاڻ کي فرشتو ثابت ڪرڻ جي ڪوشش ڪئي پئي وڃي، سرڪاري تعليمي ادارن جي نجڪاري جون ڳالهيون ڪيون پيون وڃن، نجي اسڪولن مان ٻار کڻي سرڪاري اسڪولن ۾ آڻڻ جو ثبوت ڏنو وڃي، تعليم ۽ صحت جي شعبي ۾ تبديلي دعويٰ به ڪوڙي آهي، هن چيو ته ڪرپشن خلاف ڳالهيون ڪندڙ ميگا ڪرپشن ڪيسز جي جاچ ڇو نه ڪري رهيا آهن، خيبر بينڪ جو اسڪينڊل آيو، ڪيڏانهن ويو پي ٽي آءِ جو احتساب ڪميشن؟، استاد احتجاج ڪري رهيا آهن، عوام به احتجاج ڪري رهيو آهي، سنڌ ۾ بهترين اسپتالون بڻايون ويون، جتي غريبن جو مفت علاج ٿيندو آهي، خيبر پختونخواهه جي وسيلن کي پنجاب ۾ پنهنجي سياست لاءِ استعمال ڪيو پيو وڃي، عمران خان اعتراف ڪيو وفاقي حڪومت ملي ها ته ان جو حال به ڪي پي جهڙو هجي ها، تبديلي جا نعرا لڳائيندي لڳائيندي پي ٽي آءِ پاڻ تبديل ٿي وئي، بلاول ڀٽو زرداري چيو ته 26 آڪٽوبر جو ڏينهن سوچي فيصلو ڪرڻ جو ڏينهن آهي، اسان دهشتگردن ۽ دهشتگردي خلاف ڳالهائيندا آهيون، 26 آڪٽوبر تي عوام ڪوڙ ۽ دوکي جي سياست ڪندڙن کي رد ڪري ڇڏي، پيپلز پارٽي غريبن، مزدورن، واپارين ۽ شاگردن جي ڳالهه ڪندي آهي، تڪ اين اي 4 جا مسئلا اسان جا مسئلا آهن، انهن کي حل ڪنداسين، اقتدار ۾ اچي حقدارن کي انهن جو جائز حق ڏينداسين.

 

ڪراچي ۾ مقابلو، انصار الشريعه جي امير سميت 8 دهشتگرد مارجي ويا

ڪراچي  (اين اين آءِ) ڪراچي جي علائقي بلديا ٽائون رئيس ڳوٺ ۾ رينجرز ۽ سي ٽي ڊي  جي ڪاروائي موجب 8 دهشتگرد مارجي ويا ، ميڊِيا موجب رئيس  ڳوٺ ۾ رينجرز ۽ سي ٽي ڊي  دهشتگردن جي موجودگي جي اطلاع  تي ڪاروائي ڪئي. رينجرز ترجمان موجب ان دوران سخت  فائرنگ جي ڏي وٺ ٿي جنهن تي وڌيڪ  نفري گھرائي وئي، رينجرز جي ترجمان مطابق رينجرز ۽ سي ٽي ڊي سان مقابلي وقت پنج دهشتگرد مارجي ويا ۽ ٽي زخمي حالت ۾ گرفتار ڪيا ويا جيڪي  بعد ۾ فوت ٿي ويا، جڏهن ته رات جي اونداهي مان فائدو وٺندي ڪجھه دهشتگرد ڦرار ٿي ويا، جن جي ڳولا لاءِ آپريشن شروع ڪيو ويو، ڪاروائي ۾ ٻه رينجرز ۽ سي ٽي ڊي جو هڪ اهلڪار پڻ زخمي ٿيو.  فوتي ۽ گرفتار دهشتگردن جي رهائشگاهه تان  هٿيار ، بارود ۽ ٻيو سامان به هٿ آيو آهي.

 

نواز شريف جي وڪيٽ ڪيرائي ڇڏي، هاڻي زرداري جو وارو آ: عمران خان

سيوهڻ (اين اين آءِ) پاڪستان تحريڪ انصاف جي چيرمين عمران خان چيو ته ڪرپشن ۽ زرداري هڪ ئي نالو  آهي پر اسان کي گڏجي ان ڪرپٽ معافيا جو مقابلو ڪرڻون آهي جڏهن ته نوازشريف جي وڪيٽ ڪري پئي  ۽ هاڻِ زرداري جو وارو آهي، پاڪستان  جو سڀ کان وڏو مئسلو ڪرپشن آهي ، پاناما ڪيس جي ڪري پهريون ڀيرو پاڪستان جي ماڻهن کي ڳالهه دماغ ۾  ويٺي آهي ته ڪرپشن ڇا آهي. سنڌ ڪرپشن کان  سڀ کان و ڌيڪ متاثر ٿيو، ڇو ته ڪرپشن ۽ زرداري هڪ ئي شئي جا ٻه نالا آهن، پاڪستان ۾ روزانون ٻه ارب رپين جي ڪرپشن ٿئي ٿي، جڏهن ته ساليانون چار هزار ارب رپين جي ڪرپشن ٿئي ٿي، جيڪڏهن اسان انکي ختم ڪريون ته عوام جا سمورا مسئلا حل ٿي سگھن ٿا، تعليم ۽ پيئڻ جي صاف پاڻي جي مسئلا به حل ٿي سگھن ٿا، پنجاب جي استپالن ۾ جڳهه نه هجڻ جي ڪري مائرون رستن تي  ويم ڪري رهيون آهن، شهباز قلندر جي مزار تي ڌماڪو ٿيو ته هتي اسپتال نه هجڻ جي ڪري ماڻهن کي ڏورانهين شهرن ۾ کڻي وڃڻو  پيو، ملڪ ۾ استپال نه هئڻ جو سبب پيسو نه هجڻ آهي. جيڪڏهن اسان ڪرپشن تي ڪنٽرول ڪريون ته اهي مسئلا حل ٿي سگھن ٿا.  مان سنڌ  گھميو آهيان جيتري غربت سنڌ ۾ آهي ايتري ملڪ جي ڪنهن به حصي ۾ ناهي، ان جو  سبب آصف زرداري آهي. جيڪو ڪرپشن جو بادشاهه آهي. آصف زرداريءَ جي چوري، ڌاڙا ۽ قتل ڪرائڻ تي مڪمل ڪتاب آهي. عزير بلوچ جي آئي ٽي کي ٻڌايو آهي ته زرداري جي ڀاءُ مظفر ٽپي سان گڏجي شگر مل تي قبضو ڪيو ۽ اهڙي طرح مرتضيٰ ڀٽو جا گھر ڀاتي چون ٿا ته زرداري ان کي قتل ڪرايو هو. سنڌ پوليس کي غريبن کي ڊيڄارڻ لاءِ استعمال ڪيو پيو وڃي. سنڌ پوليس کي به ڪي پي ڪي جي پوليس وانگر بڻائينداسي. نوازشريف ملڪ بدران پنهنجي خاندان کي ايشين ٽآئيگر بڻائي ڇڏيو. اهڙن خيالن جو اظهار هن آچر تي  سنڌ جي وڏي وزير جي اباڻي شهر سيوهڻ ۾ عام جلسي کي خطاب  ڪندي ڪيو، جلسي  کي شاهه محمود قريشي ، ڊاڪٽر عارف علوي، لياقت جتوئي سميت ٻين پڻ خطاب ڪيو، عمران خان چيو ته ايف بي آر 3500 ارب جو ٽيڪس گڏ ڪري ٿو، جڏهن ته 3200 ارب جي ڪرپشن ڪري ٿو جيڪڏهن اسان ڪرپشن جي ڪنٽرول ڪريون ته اسان وٽ عوام کي سموريون سهولتون ملي سگھن ٿيون، جڏهن مشرف  جو اقتدار ختم ٿيو ته هر پاڪستاني 25 هزار جو قرضي هيو، اڄ هر پاڪستاني هڪ لک ويهه هزار جو قرضي آهي. زرداريءِ ۽ نوازشريف عوام کي قرضن ۾ ڦاسائي ڇڏيو.  پاڪستان مان هر سال هڪ هزار ارب رپين جي مني لانڊرنگ ٿئي ٿي جيڪڏهن هي ناڻون ملڪ ۾ خرچ ٿئي هان ته هتي روڊ رستا ٺهن هان، فيڪٽريون لڳن هان ۽ نوجوانن کي روزگار ملي هان پر مني لانڊرنگ جي ڪري اسانکي پنهنجون ضرورتون پوريون ڪرڻ لاءِ قرض وٺڻون پوي ٿو ۽ قرض جي قسط ڏيڻ جي لاءِ عوام تي ٽِيڪس لڳي ٿو. مهانگائي وڌي ٿي ۽ عوام وڌيڪ قرض سبب پريشان ٿئي ٿو، هن آصف علي زرداري تي ڇتي تنقيد ڪندي چيو ته سندس چوڻ تي عزير بلوچ بلاول هائوس جي ڀرپاسي جا زبردستي گھر خالي ڪرايا، عزير بلوچ  ماهوار فريال ٽالپر کي ڀتو ڏيندو هو، عمران خان چيو ته اسان بلاول کي ڪي پي ڪي ۾ جلسن کان ناهي روڪيو پر اسانکي سيوهڻ ۾ جلسي کان جھليو ويو. انشآءَ الله هاڻي سنڌ ۾ به اسان اليڪشن کٽنداسين ۽ هتي به غير سياسي پوليس بڻائينداسي. پ پ پ اڳواڻ پوليس کي ماڻهن کي ڊيڄارڻ لاءِ استعمال ڪن ٿا. سيوهڻ جا ساٿيون اسانکي گڏجي ڪرپٽ معافيا جو مقابلو ڪرڻون آهي، اڄ ڪي پي ڪي سڀني صوبن کان وڌيڪ پر امن آهي. اسان اها پوليس بڻائينداسي جيڪا طاقتور جي نه پر ڪمزور جي مدد ڪندي. عمران خان چيو ته سنڌ ۽ پنجاب ۾ اسان جي پارٽِي جي ماڻهن تي ايف آئي آر ڪٽرايو ويون اسان ڪنهن سياسي  پارٽي جي ماڻهن تي ايف آئي آر ناهي ڪٽرائي، هن چيو ته مان چوٿين گريڊ جو ملازم به ڪي پي ڪي ۾ خود ناهي رکرايو، عمران خان سيوهڻ وارن کي چيو ته اسان کي حڪومت ملي ته مان هر ڪمزور طبقي سان گڏ هوندس، هر هاري آبادگار ۽ هر نوجوان سان گڏ هوندس، طاقتور ۽ ڪمزور کي گڏ بيهاريندس. اڄ ڪي پي ڪي ۾ غربت اڌ ختم ٿي وئي آهي جنهن سبب اسان سڌارا آهن.  اسان اسپتالون ٺيڪ ڪيون، صوبي جي سٺ سيڪڙو ماڻهن  کي هيلٿ ڪارڊ ڏنا، اسڪولن جو نظام ٺيڪ ڪيو ، هاڻي 100 سڪيڙو اسڪول ۾ استاد موجود آهن، 40 هزار ماڻهن کي ميرٽ تي ٽيچر ڀرتي ڪيو، ٻنهي جماعتن ڇهه ، ڇهه دفعا حڪومت ڪئي اسان صرف هڪ واري ورتي آهي ۽ ساڍا ٽي سئو ننڍا ڊيم ٺاهيا آهن ، جنهن مان غريبن کي گھٽ قيمت بجلي ملي رهي آهي. عمران خان اعلان ڪيو ته چين وانگر اسان به پنهنجي ماڻهن کي غربت مان ڪڍنداسي، اسان ڪي پي ڪي ۾ هڪ ارب وڻ پوکيا آهن ته جيئن ماحول بهتر ٿئي پر سنڌ ۾ ڪڏهن به ڪنهن انسان ۽ ماحوليات جو ناهي سوچيو ، منڇر ڍنڍ تباهه ٿي ويو آهي، اقتدار مليو ته هر صوبي ۾ هڪ هڪ ارب وڻ لڳائندس، سيوهڻ وارا مان اوهان سان وچن ڪريان ٿو ته  ملڪ ۾ وڏي تبديلي اچي رهي آهي. نوازشريف سان گڏ  ٻيا به ڪيترائي ماڻهون به چوندا ته اسان کي ڇو ڪڍيو ويو ، نواز کان پوءِ شهباز کي نه اچڻ ڏينداسي، ان جي خلاف حديبيا پيپر مل جو ڪيس آهي، 21 سالن کان عوام کي اٽي لٽي ۽ اجھي جي نالي تي ڌوڪو ڏنو پيو وڃي. هن چيو ته اڳوڻي چيرمين نيب جي مطابق هڪ ڏينهن 12 اربن رپين جي ڪرپشن ٿئي ٿي، ڪرپشن جي ڪري هر شئي تي ٽِڪس لڳايو پيو وڃي. جيڪڏهن اها ڪرپشن روڪي وڃي ته ملڪ کي قرض نه وٺڻون پوي. سنڌ جي حڪمرانن پنهنجي لاءِ محل بڻائي ورتا آهن جڏهن ته عوام جي حالت ويتر خراب ٿيندي پئي وڃي. جلسي ۾ عوام جي وڏي انگ شرڪت ڪئي.

 

آئين تي هڪ ڏينهن به عمل ناهي ٿيو، نواز ۽ زرداري ڪرپٽن نظام جي پيداوار آهن: جماعت اسلامي

لاهور (ويب ڊيسڪ) جماعت اسلامي جي امير سراج الحق چيو آهي ته حڪمرانن هڪ ڏينهن به آئين تي عمل ناهي ڪيو، جيڪڏهن نيب چيئرمين جسٽس (ر) جاويد اقبال انصاف نه ڪري سگهي ته پوءِ چئوواٽن تي عدالتون لڳنديون. لاهور ۾ جلسي کي خطاب ڪندي سراج الحق چيو ته پاناما ليڪس ۾ 436 ماڻهن جا نالا آهن ۽ اسان سڀني جو احتساب چاهيون ٿا، نيب چيئرمين کي چوان ٿو ته قوم توهان ڏانهن واجهائي رهي آهي، جيڪڏهن توهان به انصاف نه ڪري سگهو ته پوءِ چئوواٽن تي عدالتون لڳنديون. سندس چوڻ هو ته اڄوڪي سياست نظرين نه پر شخصيتن جي چوڌاري گهمي ٿي، نواز شريف ۽ سندس خاندان پنجاب ۾ رنجيت سنگهه کان وڌيڪ عرصو حڪومت ڪئي پر ايترو عرصو حڪومت کانپوءِ به اڄ لاهور ۾ پيئڻ جو صاف پاڻي نٿو ملي. سراج الحق چيو ته پاڪستان تي ڊرگ ۽ لينڊ مافيا قبضو ڪيو، حڪمرانن ڪجهه ڊالرن عيوض عافيا صديقي ۽ ايمل ڪانسي کي به وڪرو ڪيو. سڄو نظام ڪجهه خاندانن ۽ وي آءِ پيز لاءِ آهي، جنهن ۾ اسان جا نوجوان به محروم آهن، غريبن کي ڊگريون هجڻ باوجود نوڪريون نه ٿيون ملن، اڄ هن ملڪ ۾ سفارش، رشوت ۽ ڪرپشن جو ڪلچر آهي. سندس چوڻ هو ته جيستائين اهو نظام رهندو نواز شريف ۽ آصف زرداري پيدا ٿيندا رهندا، خدا جي واسطي انهن سياسي پنڊتن جي گهرن جو طواف نه ڪيو.27

 

ترڪي جي دفاعي پيدوار جي صنعت دنيا جي بهترين صنعت آهي، جنهن جو ڪو مقابلو نه ٿو ڪري سگهي: وزيراعظم

استنبول(ويب ڊيسڪ) وزيراعظم شاهد خاقان عباسي چيو آهي ته ترڪي جي دفاعي پيدوار جي صنعت دنيا جي بهترين صنعت آهي، جنهن جو ڪو مقابلو نه ٿو ڪري سگهي. آچر تي ڊي ايٽ ڪانفرنس ۾ شرڪت بعد وطن واپسي کان اڳ ترڪش جنگي جهاز هيلي ڪاپٽر ٽي ۱۲۹ ۾ آزمائشي اڏام ڪئي ۽ ان کي متاثر ڪندڙ ۽ سٺي مشين قرار ڏنو. آزمائشي اڏام کان پوءِ پاڪستاني ۽ ترڪ ميڊيا سان ڳالهائيندي وزيراعظم چيو ته ترڪ هوابازي جي صنعت ساراهه جوڳي آهي جڏهن ته ان سان گڏوگڏ ترڪ صدر رجب طيب اردگان جون دفاعي پيداوار جي حوالي سان ڪاميابيون به واکاڻ جوڳيون آهن. ٽي ۱۲۹ هيلي ڪاپٽر جي خريداري جي حوالي سان هڪ سوال جي جواب ۾ هن چيو ته اسان جي فوج ان هيلي ڪاپٽر جو جائزو وٺي رهي آهي ۽ اسان ان جي معاهدي ۽ شرطن تي ڳالهيون ڪري رهيا آهيون. ان کان اڳ وزيراعظم هيلي ڪاپٽر جو معائنو ڪيو جتي کيس ترڪ هوابازي جي کاتي جي اعليٰ عملدارن هيلي ڪاپٽر جي فني مهارتن بابت آگاهه ڪيو. ترڪ ايرو اسپيس انڊسٽرز جي صدر ۽ چيف ايگزيڪيوٽو آفيسر تيمل ڪوتل اي پي پي کي ٻڌايو ته ٽي ۱۲۹ هيلي ڪاپٽر هڪ گهٽ وزني ۽ ميزائلن ۽ گن سان ليس هيلي ڪاپٽر آهي. هي چوٿون ۽ موثر آهي. هن چيو ته پاڪستان ۽ ترڪي وچ ۾ مضبوط دفاعي ناتا آهن ۽ دفاعي پيداوار جي شعبي ۾ به سهڪار ڪري رهيا آهن.

 

مائنس ون بابت فيصلو پارليامينٽ کي ڪرڻ گهرجي: خورشيد شاهه

سکر  (اين اين آءِ) قومي اسيمبلي ۾ مخالف ڌر جو اڳواڻ سيد  خورشيد شاهه چيو ته اڄ نئون پاڪستان ٺآهڻ  جا نعرا لڳي رهيا آهن پر نئون پاڪستان ڀٽو ٺاهي ڏنو هو پر بلاول ڀٽو ان جي  ناني واري سياست کي اڳتي وڌائندو ، ملڪ ۾ گار گند وارا سياستدان نه ٿا هلي سگھن، پارٽيون تبديل ڪرڻ و ارا ڪوڙا آهن پيپلز  پارٽي ڪوڙِي سياست نه ٿي ڪري، حڪمرانن جي غلط پاليسين سبب هاري تباهه ، فيڪٽريون  بند  ٿي رهيون آهن ماڻهون اڄ به بيروزگاري سبب پريشان آهن، عوامي اجتماع ۾ خورشيد شاهه چيو ته ماڻهون جمهوريت جو لباس پائي وڏيون دعوائون ڪن ٿا وقت بدلجڻ تي  ماڻهون پکين وانگر اڏامي وڃن ٿا، پ پ پ عوام کي پنهنجو رت ڏئي ٿي ۽ اوهان عوام جو رت پي رهيا آهيو، هن چيو ته قرض وٺي ملڪ هلائڻ جي ڪوشش ڪئي پئي وڃي. جيڪي پنهنجن ورڪرن ۽ ٻارن کي نه ٿا بچائي سگھن اهي قوم جي  ڇا  حفاظت ڪندا، سيد خورشيد شاهه چيو ته ماضيءَ ۾ سيڙپڪاري نه هجڻ ناڪامي آهي، حڪمرانن جي غلط پاليسين جي ڪري هاري تباهه فيڪٽريون بند  ٿي رهيون آهن پر حڪمران ارب پتي بڻجي ويا هيءِ ڪهڙي جمهوريت آهي جنهن حڪمران عوام جو رت پيئن ٿا،  خورشيد شاهه چيو ته اسان ڪولڊ وار جو حصو بڻجي تباهه ٿي وياسين، 35 لک افغانين کي اسان پناهه ڏني دهشتگردي جي خلاف جنگ تي اسان جا اربين رپيا لڳي ويا، هن چيو ته گار جي سياست ملڪ کي تباهه ڪري ڇڏيو، ملڪ ۾ گار گند وارا سياستدان نه ٿا هلي  سگھن، هن چيو ته مايئنس ون  پروگرام ڪافي پراڻون آهي، وزيراعظم جڏهن ڦاسي پوندو آهي ته معافيون وٺي ٻاهر هليو ويندو آهي، اپوزيشن ليڊر چيو ته پاڪستان جي خلاف سازشون ٿي رهيون آهي ، ڀارت مسلم ملڪن کي اسانجي خلاف ڀڙڪاري رهيو آهي، خورشيد شاهه چيو ته بلاول ڀٽو تمام وڏو  ليڊر ثابت ٿيندو، پ پ پ واحد جماعت آهي جيڪا 50 سال مڪمل ڪري رهي آهي ايندڙ مهيني ان جا 50 سال مڪمل ٿي ويندا، اپوزيشن ليڊر چيو ته پارٽيون مٽائيندڙ ڪوڙا آهن پي پي پي ڪوڙي سياست ناهي ڪندي.

 

نوابشاهه ۾ ٽريڪٽر جو موٽرسائيڪل کي ٽڪر، ۳ نوجوان فوت

نوابشاهه(ويب ڊيسڪ) نوابشاهه دوڙ روڊ ڳوٺ پير بخش زرداري اسٽاپ وٽ موٽر سائيڪل ۽ ٽريڪٽر جي ٽڪر لڳڻ سبب ۳ نوجوان فوت ٿي ويا، فوتين ۾ ۲۰ سالا عبدالله چانڊيو، فيصل رند ۽ عرفان رند شامل آهن. فوتي نوجوان عبدالله چانڊيو ڊي ايس پي رجب علي چانڊيو جو پٽ ۽ پ پ اڳواڻ راجا چانڊيو جو ڀائيٽيو آهي. فوتين جا لاش سندن رهائشگاهه سوسائٽي واري علائقي ۾ پهچڻ تي علائقي ۾ ڪهرام مچي ويو. فوتي ٽئي نوجوان ڳوٺ سوالي رند کان نوابشاهه اچي رهيا هئا ته مهراڻ هاءِ وي پير بخش زرداري وٽ حادثو پيش آيو. فوتي نوجوان عبدالله چانڊيو کي سوين آلين اکين سان نوابشاهه لڳ ڳوٺ فقير جي کوهي ۾ اباڻي قبرستان ۾ سپرد خاڪ ڪيو ويو، جنازي نماز ۾ پ پ پ ڪارڪنن ۽ چانڊيا برادري جي ماڻهن وڏي انگ ۾ شرڪت ڪئي. جڏهن ته ٻن نوجوانن فيصل رند ۽ عرفان رند کي پڻ ڳوٺ سوالي رند لڳ اباڻي قبرستان ۾ سپرد خاڪ ڪيو ويو.

 

دهشتگرديءَ خلاف جنگ ۾ افغانستان سان گڏ آهيون: پرڏيهي ترجمان

اسلام آباد( ويب ڊيسڪ ) پرڏيهي آفيس جي ترجمان نفيس ذڪريا چيو آهي ته دهشتگرديءَ خلاف لعنت خلاف ويڙهه ۾ پاڪستان افغانستان سان گڏ آهي. پرڏيهي آفيس جي ترجمان نفيس ذڪريا هڪ بيان ۾ چيو ته پاڪستان ڪابل ملٽري اڪيڊمي ويجهو دهشتگرد حملي جي مذمت ڪري ٿو ۽ خوفناڪ حملي ۾ قيمتي جاني نقصان تي کين افسوس آهي. هن چيو ته هو زخمين جي تيزيءَ سان صحتيابي لاءِ دعاگو آهن، دهشتگرديءَ جي لعنت خلاف ويڙهه ۾ افغان حڪومت سان گڏ آهن، جڏهن ته دهشتگرديءَ جي خاتمي لاءِ رياستن ۾ ويجهي سهڪار جي ضرورت آهي.

 

سرڪاري اسڪولن ۾ بائيوميٽرڪ سسٽم جا سٺا نتيجا نڪري رھيا آهن: ناصر حسين شاهه

سکر(ويب ديسڪ) سنڌ جي اطلاعات ۽ ٽرانسپورٽ کاتن جي وزير سيد ناصر حسين شاهه چيو آهي ته سنڌ پاڪستان جو واحد صوبو آهي، جتي سرڪاري اسڪولن جا شاگرد تعليمي بورڊن جون پوزيشنون ماڻي رهيا آهن ۽ سنڌ حڪومت سرڪاري اسڪولن جو بنيادي ڍانچو مضبوط ۽ بهتر ڪرڻ لاءِ هلندڙ مالي سال واري بجيٽ ۾ سڀ کان وڌيڪ رقم تعليم تي رکي آهي. ليومنس يوٿ اسڪول ۾ امپاورمينٽ ويلفيئر آرگنائيزيشن جي سهڪار سان ڪرايل يوٿ ٽيلينٽ ڪامپيٽيشن جي پڄاڻيءَ تي ايوارڊ ورهائڻ واري تقريب ۾ ڳالهائيندي سيد ناصر حسين شاھ چيو ته سنڌ جي نوجوانن ۽ ٻارڙن ۾ تمام گهڻو ٽيلينٽ موجود آهي، جنهن کي اجاڳر ڪرڻ لاءِ اهڙا پروگرام ٿيڻ گهرجن، تنهن لاءِ سنڌ حڪومت مڪمل سهڪار ڪرڻ لاءِ تيار آهي. هن چيو ته اسان جي پوري ڪوشش آهي ته خواندگيءَ جي شرح وڌائي وڃي ۽ تعليم ۾ بهتري لاءِ استادن ۽ والدين جي ڀرپور سهڪار جي ضرورت آهي. ھن چيو ته سکر ۾ تعليم جي ترقيءَ لاءِ وومين يونيورسٽي، آرٽ اينڊ ڊزائن ڪاليج ۽ يو ايس ايڊ جا پنجن کان وڌيڪ اسڪول قائم ڪيا ويا آهن، جڏهن ته سنڌ حڪومت جو پرائمري تعليم تي تمام گهڻو ڌيان آهي، جيڪڏهن ٻار جي بنيادي تعليم مضبوط هوندي ته هو اڳتي آسانيءَ سان وڌي سگهندو. سيد ناصر حسين شاهه چيو ته سرڪاري اسڪولن ۾ بائيوميٽرڪ سسٽم لڳائڻ سنڌ حڪومت جي ڪاميابي ۽ دلچسپيءَ جو سبب آهي، جنهن جا سٺا نتيجا ملي رهيا آهن، ان سسٽم ذريعي هيڊآفيس مان مانيٽرنگ ڪئي پئي وڃي. هن چيو ته سکر آءِ بي اي يونيورسٽي ۾ سڄي دُنيا مان ٻار پڙهڻ لاءِ اچي رهيا آهن، ٽيلينٽ هنٽ پروگرام سڄي سنڌ ۾ هلي رهيو آهي ۽ اسڪالرشپ به ڏني پئي وڃي، جنهن ۾ سنڌ حڪومت جو کين ڀرپور سهڪار حاصل آهي. ان کان اڳ صوبائي وزير يوٿ مقابلا کٽندڙن ۾ ايوارڊ ورهايا. نائب ميئر سکر طارق چوهاڻ، ڊپٽي ڊائريڪٽر سوشل ويلفيئر نصير حسين شاهه، ڊپٽي ڊائريڪٽر پرائيويٽ اسڪولز مظهر ڀٽو، جميل شيخ، اعجاز کوکر ۽ ٻين پڻ تقريب کي خطاب ڪيو

 

شريف خاندان کي رعايت ڏيڻ ملڪ سان غداري هوندي: طاهر القادري

لاهور( ويب ڊيسڪ ) عوامي تحريڪ جي سربراهه ڊاڪٽر طاهر القادري چيو آهي ته نواز شريف کي رعايت ڏيڻ جو مطلب، آئين ۽ عدليه جي ڀڃڪڙي ۽ ملڪ توڙي قانون سان غداري هوندي. پارٽي جي سينٽرل ڪور ڪميٽيءَ جي ميمبرن سان فون تي ڳالهائيندي طاهر القادري چيو ته نواز شريف ۽ شهباز شريف ٻئي ڦورو آهن، معاشي دهشتگرد جي جاءِ تي قاتل اعليٰ کي آندو ويو ته بحران طوفان ۾ تبديل ٿي ويندو. هن چيو ته ادارا ڳري، سڙيل ۽ ڪرپشن سٽيل نظام بدران پاڪستان کي بچائڻ جي ڳڻتي ڪن، سپريم ڪورٽ طرفان ڪوڙو ثابت ٿيل شخص کي پارٽي صدر بڻائڻ سموري ن ليگ قوم کي اهو پيغام ڏنو آهي ته هو ڪوڙ، ڪرپشن ۽ ڦرلٽ جا حامي آهن. سندس چوڻ هو ته نواز شريف عادي ڀاڄوڪڙ آهي، هو پنهنجو سامان پرڏيهه منتقل ڪري چڪا آهن، سندن ملڪ ۾ اقتدار کانسواءِ ڪجهه ناهي. طاهر القادري چيو ته نواز شريف معاشِ دهشتگرد ثابت ٿي چڪو آهي، قاتل اعليٰ جا ڪرتوت جسٽس باقر نجفي جي رپورٽ ۾ آهن، هو  رپورٽ پڌري ٿيڻ جو انتظار ڪري رهيا آهن.