تازيون خبرون

Daily Archives: October 16, 2017

موسيقي ۽ اسڪرپٽ جي شعبن کي ترقي وٺرائڻ جي ضرورت آهي: نديم

لاهور(شوبز نيوز)مشهور اداڪار نديم چيو آهي ته فلمن ۾ موسيقي ۽ اسڪرپٽ جي شعبن کي ترقي ڏيڻ جي ضرورت آهي. اسان جي فلمي موسيقي ۽ اسڪرپٽ بحران جي ور چڙهيل آهي، جنهن ۾ بهتري جي سخت ضرورت آهي. هڪ بيان ۾ هن چيو ته ماضي ۾ اسان جي سريلن گانن جي مقبوليت سبب به فلمون ڪامياب ٿينديون هيون پر اڄڪلهه جي فلمن جي گانن ۾ اها ڳالهه ناهي، ان کانسواءِ فلمن جي ڪهاڻين ۾ به بهتري ۽ تبديلي جي ضرورت آهي. نديم چيو ته نون با صلاحيت ماڻهن مان اميد آهي ته اهي سٺو ڪم ڪري فلمسازي کي مضبوط ڪندا.

 

انجلي پٽيل کي ڪاري رنگ سبب مک ڪردارن کان محروم رکيو ويو

ممبئي(شوبز نيوز)بالي ووڊ فلم نيوٽن ذريعي هڪ ڀيرو ٻيهر پنهنجي فني صلاحيتن کي تسليم ڪرائيندڙ اداڪارا انجلي پٽيل بابت انڪشاف ٿيو آهي ته هوءَ انڊسٽري اندر ڪاري رنگ سبب مک ڪردار ماڻڻ کان محروم رکي وئي آهي. ميڊيا جي هڪ رپورٽ ۾ ڄاڻايو ويو آهي ته انجلي پٽيل کي فلم ميڪرز هن وقت تائين صرف خانه بدوش ڇوڪرين جي ڪردارن لاءِ آڇ ڪئي آهي. جڏهن ته انجلي انتهائي باصلاحيت اداڪارا آهي، تنهنڪري سوال اهيو آهي ته کيس مخصوص ڪردارن جي ٿيندڙ آڇ ساڻس غلط ورتاءُ آهي يا ان ڳالهه ۾ ڪا ٻي ڪهاڻي لڪل آهي. ان حوالي سان انجلي وڊيو انٽرويو ۾ چيو آهي ته ڪاري رنگ سبب فلم ميڪرز مون کي گليمر وارا ڪردار نٿا ڏين. هن جو چوڻ آهي ته مون کي چيو ويندو آهي ته تون صرف خانه بدوش ڪردارن لاءِ ئي بهتر آهين.

 

پاڪستان ۽ سريلنڪا جي وچ ۾ سيريز جي ٻي ميچ اڄ 16 آڪٽوبر تي ابو ظهبي ۾  کيڏي ويندي

ابو ظهبي (اسپورٽس نيوز) پاڪستان ۽ سري لنڪا جي وچ ۾ 5 ون ڊي عالمي ميچن تي ٻڌل سيريز  جي ٻي ميچ اڄ 16 آڪٽوبر تي ابو ظهبي ۾  کيڏي ويندي، پاڪستان کي سري لنڪا جي خلاف سيريز ۾ 1.0 جي سرسري حآصل آهي، شيڊول موجب ٻنهي ٽيمن جي وچ ۾ ٽين ميچ 18 آڪٽوبر تي ابو ظهبي ۾ کيڌي ويندي، چوٿين ميچ 20 آڪٽوبر تي شارجه ۾ کيڏي ويندي جڏهن ته پنجين ۽ آخري ميڇ 23 آڪٽوبر شارجه ۾ کيڏي ويندي، انهي کانپوءِ بنهي ٽيمن ۾ ٽن ٽي ٽوينٽي ڪرڪيٽ ميچن  تي ٻڌل سيريز جي  پهرين ميچ 26 آڪٽوبر تي ابو ظهبي ۾ کيڏي ويندي، ٻي ميچ 27 آڪٽوبر تي ابوظهبي ۾ ، جڏهن ته ٽين  ۽ آخري ميچ 29 آڪٽوبر تي قذافي اسٽيڊيم  ۾ لاهور ۾ کيڏي ويندي، پاڪستان پهرين   ون ڊي ميچ ۾ سري لنڪا کي 83 رنسن تا شڪست  ڏني آهي.

 

پاڪستان ڪرڪيٽ بورڊ سپر ليگ جي ايندڙ ايڊيشن جي لاءِ ويڪ 13 نون رانديگرن جي لسٽ جاري ڪري ڇڏي

لاهور (اسپورٽس نيوز)  پي سي بي پاڪستان سپر ليگ جي ايندڙ ايڊيشن  جي لاءِ وڌيڪ 13 نون رانديگرن  لسٽ جاري ڪري ڇڏي، اهي سمورا رانديگر پرڏيهي آهن جن پاڪستان سپر ليگ کيڏڻ تي رضامندي ظآهر ڪري ڇڏي آهي. بورڊ پاران جاري لسٽ ۾ 3 رانديگر نيوزيلينڊ  جا به شامل ٿي ويا، جن جا نالا ڪولن منرو، مچل ۽ ليوڪ رونچي آهن، جڏهن ته انگلينڊ مان عادل رشيد ، آسٽريليا مان جان هيسٽنگ، ڏکن آفريڪا جو ايلمي مورڪل  ۽ وائين پارلر به آهن، انهن 13 نون رانديگرن  جي شامل ٿيڻ کان پوءِ پاڪستان  سپر ليگ جي ٽئين ايڊيشن جي لاءِ سائن ڪندڙ نون پرڏيهه رانديگرن جو انگ هاڻي 20 ٿي ويو آهي، ويسٽ انڊيز ڪرڪيٽ بورڊ پاران 2017 ۾ اجازت نه ملڻ سبب پي ايس ايل مان ٻاهر ٿيندڙ ويسٽ انڊين رانديگر جيسن هولڊر به واپس اچي ويو آهي.  پي سي بي جي سربراهه نجم سيٺي چيو ته هر سال پاڪستان سپر ليگ ۾ بهترين کان بهترين رانديگر شامل ٿي رهيا آهن.  ياد رهي ته پاڪستان سپر ليگ ۾ ايندڙ سال 2018 ۾ هڪ نئين ٽيم ملتان سلطان به شريڪ ٿي وئي آهي ۽ اها ٽورنامينٽ فيبروري 2018 ۾ کيڏي ويندي.

 

وڇڙيو آھين وسريون ناھين : ماما غلام محمد ساريو جو وڇوڙو..: ليکڪ ماما رمضان ساريو

ماما غلام محمد ساريو سان منھنجي ملاقات (1989ع) ۾ پنھنجي شھر باڊھ جي درگاھ محلا ۾ پھتس ته ھڪ مزدور مليو جيڪو مزدوري جو ڪم ڪري رھيو ھو مان ان ڏانھن اڳتي وڌيس انھيءَ کان معلومات ورتي ته ماما غلام محمد ساريو جو گھر ڪٿي آھي ۽ ڪھڙي محلي ۾ آھي انھيءَ مزدور ٻڌايو ته هينئر نورالدين سومرو ھوٽل تي ويندو آھي اتي دوستن سان گڏجي چانھه پيئندو آھي صبح جو ٽيليويزن جي نيوز ٻڌڻ جو تمام گھڻو شوقين آھي اوھان کي اتي ملي ويندو واقعي ھڪ نوجوان شاگرد بازار ۾ مليو انهيءَ کان معلومات ورتي جنھن ٻڌايو ته نورالدين سومرو جي ھوٽل تي ويو آھي مان جڏھن ھوٽل ۾ اندر داخل ٿيس ته مالڪ دخل ڪائونٽر تي ويٺو ھو مان خوشيءَ ۾ اچي ويس اسلام عليڪم چئي کيس ماما غلام محمد ساريو جي معلومات ورتي چيائين ته پ پ جو جيالو مان مرڪندي چيو ته ھا چيائين ته سامھون اتر طرف ڏانھن دوستن سان ويٺو اٿو جنھن کي سنڌي ٽوپي ۽ واسڪوٽي پھريل آھي مان کيس کي ماما چوندي مليس سندس جا ويجھا دوست به مون سان مليا مون کي پنھنجي علاج ڪرائڻ لاءِ ڪاغذات ھئا جيڪي تصديق ڪرائڻ لاءِ ماما غلام محمد ساريو جي اڳيان ٽيبل تي پيش ڪيا مون کي ڏسي چيائين اوھان ڪٿي ويٺا آھيون مون کيس ٻڌايو ڳوٽ ٻلھڙيجي پيرزاداه صاحب خوش آھيو استاد لعل بخش پيرزادو کا اوھان ڪيترا ويجھا آھيو مان کيس کي مرڪندي چيو مان انهيءَ جو ڀائٽو آھيان ماما غلام محمد ساريو انتھائي خوشيءِ ۾ اچي ويو انھي وچ ۾ چانهھ بسڪوٽ به ٿي ويا مان کيس کي ٻڌايو ته منھنجو نالو محمد رمضان ساريو آھي مون کي مادي جو السر آھي علاج ڪرائڻ لاءِ خورشيد احمد جوڻيجو کي درخواست ڏني آھي جنھن اوھان ڏانھن تصديق ڪرائڻ لاءِ موڪليو آھي کلندي چيائين بابا اوھان ساريو آھيو مون کي معاف ڪجو ڳوٺ ٻلھڙيجي ۾ ساريو آھن مان کيس کي ٻڌايو ته ڳوٺ ٻلھڙيجي ساريو برادري جا گھڻي کان گھڻا آباد ھئا پوءِ آھستي آھستي ٻين ڳوٺن ۾ آباد ٿيا ماما غلام محمد ساريو انتھائي خوشي ۾ اچي ويو ڪچھري ختم ٿيڻ کان پوءِ مون کي ڪاغذات تي مھر ھڻي تصديق ڪري ڏنا جنھن کان پوءِ موڪلائي ڳوٺ ڏانھن روانو ٿيس انھيءَ کان پوءِ اسان جي پاڻ ۾ ويجھڙائپ ٿي وئي ڪڏھن ڪم ڪار سانگي لاڙڪاڻي ڪڏھن ڏوڪري شھر ۾ ملاقات ٿيندي ھئي ماما غلام محمد ساريو جا ويجھا دوست جنھن ۾ ماما حافظ رجب سولنگي، ماما بشير احمد سولنگي، استاد ماما شريف ميمڻ، ماما غلام محمد ڏيرو، شفيع محمد ساريو، ماما طالب حسين چنو، ماما عبدالجبار ميمڻ، ماما ممتاز علي جت، ماما نياز احمد ميمڻ، ماما محمد ابراھيم ساريو، ماما ذاڪر علي سومرو، ماما معشوق بڙدي، ماما گل محمد ابڙو، باڊھ شھر جا دوست جنھن ۾ ماما حسين بخش چنو، ماما محمود سومرو سڀني دوستن ماما غلام محمد ساريو جو ساٿ ڏنو پر پيپلزپارٽي جي طرفان ڪو به ليڊر نه پھتو جيڪو ماما غلام محمد ساريو جي ڏکايل دانھن ٻڌي ماما بشير احمد سولنگي روئيندي ٻڌايو ته پيپلزپارٽي جو سچو انسان دوست ڪارڪن ھيو پارٽي جي طرفان کيس کي گھڻي تڪليف آئي ھن کان جنرل سيڪريٽري جو عھدو واپس ورتو ويو ڪافي ڀيرا شھيدن جي مزارن جي اڳيان احتجاج ڪيا ڪنھن پارٽي جي طرفان نوٽيس نه ورتو ويو اليڪشن دوران پيپلزپارٽي جي طرفان جنھن به اميدوار سان گاڏين جي قافلن ۾ گڏ ھوندو ھيو ۽ انھيءَ اميدوار جي سوڀ ٿيندي ھئي تڏھن به ماما غلام محمد ساريو اتي موجود ھوندو ھيو محترم بينظيرڀٽو صاحب اليڪشن دوران ورڪ جا پروگرام ماما غلام محمد ساريو کان معلوم ڪندي ھئي پراڻا فائيل سمورو مواد کيس جي گھر ۾ موجود آھي جيڪو خود اسان اکين سان ڏٺو ماما غلام محمد ساريو آخري گھڙين تائين به پيپلزپارٽي کي نه ڇڏيو.

ماڻھو سڀ نه سھڻا پکي سڀ نه ھنج

.ڪنھن ڪنھن ماڻھو منجهھ اچي بوءِ بھار جي.

ماما غلام محمد ساريو ولد واصل ساريو مزدور جي گھر ۾ (22/8/1952) اک کولي سندس جي عمر جڏھن (5) سال تي پهتي ته پرائمري تعليم باڊهه شهر جي اسڪول ۾ ڪئي انگريزي تعليم مڊل پاس ڪيائين اڳتي تعليم حاصل نه ڪري سگهيو، سماجي ڪم ڪرڻ ۾ سڀني دوستن کان اڳ ڀرو هيو باڊهه شهر ۾ ڪنهن به پارٽي جي طرفان احتجاج ٿيندو هيو ته انهن دوستن سان گڏ هوندو هيو، فوهه جواني ۾ ماما غلام محمد ساريو شادي ڪئي، جنهن کان پوءِ کيس کي اولاد ٿي، جنهن ۾ (5) پٽ جن کي تعليم پرائمري انگريزي باڊهه شهر جي اسڪول مان ڪئي نذير حسين سئي گيس ۾ ملازم منير حسين ڊرائيور فدا حسين ڊرائيور صدام حسين مزدور شفقت حسين شاگرد (5) نياڻيون جن کي تعليم نه ڏياري سگهي غربت جي ڪري ماما غلام محمد ساريو کي شوگر جي تڪليف ٿي پئي، علاج سدائين ساڻ کڻندو هيو ته جيئن ڪٿي وقت ۾ ڪم اچي وڃي، جڏهن به ڪٿي ملاقات ٿيندي هئي ته چانهه پيئڻ جي فرمائش ڪندو هيو پوءِ سڀئي ويٺل دوست چانهه گڏجي پيئڻ کانپوءِ هر ڪوئي پنهنجي ڪم ڪار سان دوسن کان موڪلائي ڳوٺ ڏانهن روانه ٿي ويندا هئا. سدائين دوستن جي اڳيان شهيد جون يادون ٻڌائي پيپيلزپارٽي جي سچن ڪارڪنن کي روئاري ويهاريندو هيو. شهيد راڻي محترم بينظير ڀٽو جڏهن هوائي جهاز ۾ موهن جو دڙو ايئرپورٽ تي لهندي هئي ته لکن جي تعداد ۾ عوام هوندو هيو پاڻي جي سبيل موهن جو دڙو گيٽ کان اولهه پاسي چورنگي تي استاد لعل بخش پيرزادو ڪاڪو محمد ڇٺل ساريو ماما غلام محمد ساريو جي نگراني هيٺ سبيل جو پاڻي عوام کي پياريو ويندو هيو، پ پ جو قافلو ايترو ته شاندار وڏو هيو جو شهيد راڻي محترمه بينظير ڀٽو لاڙڪاڻو پهچندي هئي ته گاڏين جي لائين موهن جو دڙو تائين هوندي هئي قافلي کي ڏسي ٽئي دوست خوش ٿيندا هئا ماما غلام محمد ساريو کي اوچتو دل جي تڪليف ٿي پئي پنهنجي گهر ۾ اربع صبح جو (5) وڳي (26/4/2017) تي دم ڌڻي حوالي ڪيو. سندس جي جنازي نماز باڊهه جي شهر درگاهه تي پڙهي وئي، جنهن ۾ شهر جا سياسي، سماجي، ليکڪ، اديب، صحافي، معزز ماڻهن شرڪت ڪئي، جنهن کانپوءِ تڏي تي تعزيت ڪرڻ جو سلسلو جاري رهيو، جنهن ۾ ايم اين اي نذير خان ٻگهيو، امر خان ٻگهيو، منور عباسي، عبدالحي راشدي خان، محمد سانگهرو، واجد ڌامراه، بدرالدين ساريو، امداد علي ساريو، منصور ساريو، محمد خان چنو تڏي تي موجود هئا. جڏهن ته اسان ٽيجهي تي دوستن سان گڏ جنهن ۾ صحافي عبدالجبار ميمڻ، عامر ڏيرو، ربنواز کوسو، معشوق مشوري، دودو ديشي، غلام محمد ٽي، فقير ارشاد علي ساريو ۽ مان انهن دوستن سان گڏ هيس درگاهه شريف کان لڳ ساريه محله سندس جي اوطاق تي پهتاسون تڏي تي سندس جا پٽ مٽ عزيز شهري ماڻهو موجود هئا. تعزيت ڪرڻ کانپوءِ ماني چانهه ٿي وئي. ماما غلام محمد ساريو جو پٽ نذير حسين کي چيم ته بابا سائين جو فائيل کڻي اچو ته ڪجهه شيون ڏسون فائيل ڏسڻ سان اسان کي معلومات به ملي ۽ خوشي محسوس ٿي. اخبارون جي ڪٽنگ تصويرن شهيدن جون جنهن ۾ ذوالفقار علي ڀٽو، محترمه بينظير ڀٽو، بيگم نصرت ڀٽو انهن سان گڏ دعوت نامه پروگرامن جا موجود هئا. ماما غلام محمد ساريو انتهائي محنتي ماڻهو انسان دوست ڏک ۾ شريڪ ٿيڻ وارو ماڻهو هيو، اسان جون دعائون آهن سندس جي اولاد پٽن کي تي بابا جي رستي واٽ تي هلي شهرين جي بي پهچ عوام جي خدمت ڪندا، جيڪو اوهان جي مٿان فرض رهي ٿو.

 

 

 

درد خوشين جا دشمن…!: عاليه جوڻيجو/لاڙڪاڻو  

محبت عطاعت جي متقاضي آهي اها محبت ئي ناهي جنهن ۾ عطاعت نه هجي ۔انسان پنهنجي غريبان ۾ ڏسي ته هو ڪنهن سان محبت ٿو ڪري ان لاء نه ڪنهن مفتي جي ضرورت آهي نه ڪنهن قاضي جي۔ ان معاملي جي فتوى ۾ هر ڪو قاضي آهي۔ انسانن جي اڪثريت جي محبت جو مرڪز دنيا آهي يا دنيا جو خالقِ۔ اها به حقيقت آهي ته دنيا سان محبت ڪرڻ وارا به دنيا جي خالق سان محبت ڪرڻ جا داعي آهن۔ دراصل اها ڳالهھ سمجهڻ جهڙي آهي ته محبت عطاعت ڇو ڪرائيندي آهي۔ ڪنهن سان محبت ڇو ڪئي ويندي آهي ۔ الله سان محبت جو ڪارڻ ڇا آهي، دنيا سان محبت جي وجه ڇا آهي ۔ اسان دنيا ۽ الله يا آخرت جي ڀنور جا راهي پڻ آهيون۔ ان کان وڏي حقيقت اها آهي ته دنيا و آخرت ٻنهي جو محور انسان آهي، انسان ان مان هڪ ئي وقت ڪنهن هڪ طرف جو راهي آهي ۔ انسان هڪ ئي وقت ٻنهي سوارين جو سوار نه ٿو ٿي سگهي

جواني جي جوڀن جا مزا به نه ماڻي سگهياسين رهياسين ننڍپڻ جي فٽن تي اڃا مرهم لڳائي ئي ڪو نه هئي ته جواني ۾ محبت اچي من ۾ ماڳ ٺاهيو پوء هير به اهڙي لڳي هجر کي جو هر هر پيو هڏڪيون هڻي محبوب بنا ۔ ڪاليج جي وقت ۾ مان جڏهن گذريم ته سائره نالي هڪ ڇوڪري جيڪا منھنجي گھر جي سامهون واري گھٽي ۾ رهندي هئي اها ٿوري عرصي ۾ وڏي ويجھڙائپ ڪري وئي۔ هر روز نيڪ عدائن سان ان جو ڏسڻ وري ڪاليج جي واپسي کان گڏجي واپسي اچڻ هڪ زبردست وقت گذريو ان ٿوري عرصي ۾ ان جي محبت ٿي وئي پر مون کي جن نه ڪن ۔دل ڀائنيو ئي ڪو نه ته محبت آهي ڇا؟ ننڍپڻ کان وٺي جواني تائين رڳو درد ئي ڏٺوسين ۔خير ڪجھ وقت گذرڻ کانپوء سائره ڪافي ڏينھن ڪاليج ۾ نظر نه پئي آئي هفتو گذرڻ کانپوء دل پاڻ کي جنھن ڄار ۾ ڦاسندي محسوس ڪيو ۽ اکيون وري اياڻيون لڳيون ويران ڪاليج جا حال، هاسٽل جون هورون به دل کي نه وڻيون نه ڪي ڪينٽين جي ڪنڊ ۾ ڪوئلن جو مٺڙيون ٻوليون به دل ۾ ٻرنڌڙ ان جي يادن واري باھ کي وسائي نه سگھيون ۔ مونکي پڪ ٿي وئي ته هي بيچيني گھٻراهٽ ۽ دل هي دڙڪن سا محبت جي نشاني آهي۔ڪاليج جي درين منجھ جيڪا ڪالھ بيھي نظر ايندي هئي سي اڄ دريون به بند پيل هيون ۽ پوائنٽ ۾ ٽهڪ ڏيئي گذاريل سفر ۾ تنهائي جو شڪار هيو ۔ مون هڪ ڏينھن ان جي گھر واري پاسي کان گذري ان جو ديدار ڪرڻ جو سوچيو هوء پنھنجي گھر واري گھٽي ۾ موجود ن هئي ويتر دل دڙڪڻ شروع ڪيو الله خير ڪري هوء ڪاليج کي ته ويران ڪري ئي وئي پر پاڙي جون رونقون به کسي وئي! سوچي سوچي خيال ئي عجيب ٿي ويا ۔ ايئن پئي لڳو ڄڻ ته بس منڇر کان ماڳ کسجي ويو، ڄڻ ته گلن کان بھارون کسجي ويون ۽ ديپ اسان جو اجهامي ويو۔ آهستي آهستي اڳتي وڌي آيمِ اوچتو پنھنجي گھر ۾ هڪ وڻ تي نظر پئي جتي هڪ ويڳاڻي ڇوڪري نظر آئي۔

زمانو جي زهر ايڏو ته زنگجي ڇڏيو جو ان جي زنگ مونکان جواني جا رنگ ئي کسي ڇڏيا ۔ جا جواني خوشين منجھ کيڏڻ جي هئي ، جا جواني رانديون رچڻ جي هئي، جا جواني سينگار ڪرڻ جي هئي ان جواني ۾ غربت ۽ پنھنجي جي روئي مونکان منھنجون خوشيون ئي کسي ڇڏيون ، مونکان سينگار ئي کسي ڇڏيا ايئن اجاڙي ڇڏيو ڄڻ ته ويرانو محل هجي ايئن ئي منھنجي دل جو اڱڻ اجڙي ويو۔ ڪو حالي حال به نه ٿيو نه ڪي سهارو بڻيو ۔ زماني جي اڀاڳي اميراڻي ريت منهنجي غريباڻي جهڳي کي ايئن جهوري ڇڏيو جو هوائن جي لرزش مونکي رولي ڇڏيو ۔ غربت ٻيو ته گهڻو ڪجھ مونکان ڇني ورتو پر مونکان منهنجي محبت به کسي ڇڏي سائره هڪ امير گهراڻي سان تعلق رکندي هئي ۽ اسان جو گذر سفر مشڪل سان ٿيندو هيو ۔سائره پنهنجي محبت جو اظهار ڪيترائي دفعا ڪري چڪي هئي ۽ شادي لاء راضپو به ظاهر ڪري چڪي هئي پر ان جي مالڪن کي اها ڳالھ پسند نه هئي ڇو جو هوُ پيا چاهن ته اسان جي ڌيء ڪنهن غريب گهراڻي ۾ پرڻجي وڃي سائره ڪافي دفعا مالڪن تي زور بريو منهنجي تعليم به پوري ٿي وئي آهي ۽ هاڻي مان پنهنجي خوش زندگي گذارڻ چاهيان ٿي پر ان جي مالڪن ان ڳالھ تان صاف انڪار ڪيو هو اهو پيا چاهن مختيار هڪ غريب گهراڻي جو آهي هو توکي ڪيئن هلائي سگهندو باقي تون ٻيو جاتي به چئين ۔۽ هوڏانهن بيچني ۽ بيقراري واري حالت ۾ ويٺل مختيار پنهنجي تقدير تي سوچي رهيو هيو هڪ غربت ان کان سموريون خواهشون کسي ورتيون خوشيون موجون ٽهڪ سڀ کسي ورتا ۽ ٻيو هي آخري دل جي ڌڙڪن بڻيل ان جي محبت سائره جيڪا مالڪ ڏيڻ کان صاف انڪار ڪري چڪا هئا ۔مختيار به ڪافي دفعا ان ڳالھ تي زور رکيو پر ڳالھ گهڻي ڳري هئي ۔سائره مالڪن کان مختيار جي نوڪري تائين ماٺ ڪرڻ جو چيو ۽ مختيار پنهنجي نوڪري جي تلاش ۾ ڏور علائقن ۾ وڃي نوڪري تلاش ڪرڻ لڳي ٿو ڪافي وقت گذرڻ کانپوء هو مايوسي واري حالت ۾ واپسي ڳوٺ اچي ٿو ۽ اميد لڳائي ويٺل سائره ان جي واپسي جو ٻڌي خوشيء منجهان مرڪي پوي ٿي پر شايد هو اهو نه ٿي ڄاڻي ته اڄ فزائون تنهنجي خوشبوء کي وڪوڙي وينديون اڄ مهراڻ جي موجون تنهنجي ٻڏنڌڙ ارمانن کي ن بچائي سگهنديون ، اڄ بهار جي موسم تنهنجا ڪمايل گل وري وکري نه سگهندي، اڄ تمنائن جي جنازي جي مند اچي وئي ، اڄ ٻاگهل مچ مچائڻ ڇڏي وئي ۽ سسئي پڪارڻ ڇڏي ڏيندي ، اڄ تهوار ملهائڻ لاء ٻايون مندر جي پوڄا به شايد نه ڪنديون ۽ ن ئي وري ديويون رقص ڪندي نظر اينديون اڄ آڪاش کان ڪوئي وڇڙي ويندو ۽ گڏ پاڻ سان ڪو ارمان جو ڍهير وٺي ويندو ۔اڄ مارئي ڪوٽن منجهان ت آزاد ٿيندي پر محبوب جو ملڻ مشڪل ٿيندو۔

ڄڻ هڪ ولر کان ڪو پکي وڇڙي وڃي، ۽ پن جيان هو وکري وڃي،ڄڻ هڪ آب ۾ ڪا ترنڌڙ ٻڏي وڃي ۽ وجود جي ڳولا ۾ غافل ٿي وڃي ،ان جي اندر جون آنهون ڪو ٻڌڻ وارو هجي ، ويران دل کي سهارو ڪو ڏيڻ وارو هجي ، هو پاڻ وکيري جيء جهوري ۽ سانئڻ سان سک سک اوري ويٺي ماڳ پنهنجي کي تڪي توري ۽ اياز جي بيتن سان سر سوري پنهنجي غربت تي ويٺي آپي ٿي هوء ڏک انهي ۾ ن ڍاپي ٿي ،۽ شايد اڃا ٻي ڪا گهڙي ن هجي ،۽ شايد اڃا ٻي ڪا اڙي ن هجي ،هن جي معصوم پٽ جي ڪيل خواهش، ۽ شايد ان ٻي ڪا ان جھڙي ن هجي ، ڀلي جا دنيا جون هوريون گڏ ٿين ،پر پٽ جي خواهش کي کان پري ن ٿئي هوء زندان کي زوري ٻيھر فٽي ، مان ڄاڻان ٿو درد انهي جو پر هوء جا ويٺي ٿي ورد ڪري ، ان جي ورد جا ورق مون جو ڏٺا ، اها شايد اها هئي جنهن درد سٺا ، مان ن سهي سگهان ،آزاد قسم پر هوء جا رني ۽ هوء جا لڇي ڇو جو هن کي ن مليو هن جي پٽ جو صنم ،پوء ڪائنات جو ديويون ماتم پيون ڪن، هر ڪو پڄري رهيو هو

 

 

جمهوري گهرجن جو پورائو…!

گذريل ڏينهن پريس ڪانفرنس کي خطاب ڪندي ڊي جي آءِ ايس پي آر ميجر جنرل آصف غفور چيو ته اڳ واري ڪانفرنس ۾ اسان سيڪيورٽي صورتحال تي ڳالهايو هو پاڪستان 15 سالن ۾ سيڪيورٽي جي لاءِ گهڻو ڪم ڪيو آهي ۽ هاڻي ملڪ ۾ ڪٿي به ڪو نوگو ايريا نه آهي، ملڪ کي دهشتگردن کان پاڪ ڪري ڇڏيو آهي، اسان آپريشن ۾ آمريڪا کان به انٽيلي جنس شيئرنگ حاصل ڪئي ۽ افغانستان ۾ 2012ع ۾ اغوا ٿيل ڪينيڊا جي شهرين کي بازياب ڪرايو، اعتماد جوڳن لاڳاپن جا نتيجا اچڻ شروع ٿي ويا آهن ۽ اسين ان نموني ئي اڳتي وڌي سگهون ٿا، پاڪ فوج جي ترجمان چيو ته افغان پناهگيرن جو واپس وڃڻ ضروري آهي ۽ ڏيڍ لک افغاني رجسٽرڊ ۽ ايترا ئي غير رجسٽرڊ آهن، اسان گهڻو ڪجهه ڪري ورتو هاڻي اسان ۾ وڌيڪ ڊو مور جي گنجائش نه آهي، ڪراچي ۾ ايف پي سي سي آءِ سان گڏجي هڪ سيمينار ڪيو جنهن ۾ ٽي اڳوڻا ناڻي وارا وزير ۽ ٻيا به ماڻهو موجود هئا، آرمي چيف به پنهنجو موقف پيش ڪيو، آئون فوج جو ترجمان آهيان ۽ جيڪو به چوندو آهيان اهو فوج جو موقف هوندو آهي هر ذميدار شهري ٽيڪس ڏي ته ملڪ مضبوط ٿيندو، احسن اقبال جي بيان تي فوجي هجڻ جي حيثيت سان مايوسي ٿي آهي، آئون پنهنجي بيان تي اڄ به قائم آهيان، جڏهن ته چيو پيو وڃي ته اهڙو بيان دشمن ڏئي سگهي ٿو، اسان هر اهو ڪم ڪنداسين جيڪو آئين ۽ قانون جي دائري ۾ هوندو، مون ملڪي معيشت کي مستحڪم ڪرڻ جو چيو مون اهو ناهي چيو ته معيشت پستي ۾ هلي وئي آهي،

ملڪ ۾ ڪا به ٽيڪنوڪريٽ حڪومت نه پئي اچي ۽ نه ئي وري ڪا اڻ اعلانيل مارشل لا لڳي رهي آهي، جمهوريت کي جمهوريت جون گهرجون پوريون نه ٿيڻ سبب خطرو آهي، دنيا ۾ اهڙو ڪو به ملڪ ناهي جتي ادارن ۾ اختلاف راءِ ناهي هوندو، مستحڪم پاڪستان جي لاءِ سڀني ادارن کي گڏجي ڪم ڪرڻو پوندو. ڪراچي پاڪستان جي معيشت جي انجڻ آهي ۽ اها هاڻ بهتر ڪم ڪري رهي آهي،اسان کي واپاري برادري جي خدشن کي به ڏسڻو پوندو، جنرل رضوان اختر جي استعيفا کي تڪراري نه بڻائڻ گهرجي،