تازيون خبرون

Daily Archives: October 3, 2017

هريتڪ روشن اداڪار ڪنگنا رناوت جي خلاف ڪيس داخل ڪري ڇڏيو

ممبئي (شوبز نيوز) باليوڊ جي ايڪشن هيرو هريتڪ ر وشن اداڪارا ڪنگنا رناوت جي خلاف ڪيس داخل ڪري ڇڏيو، ميڊيا رپورٽ موجب پهريون دفعو ريتڪ روشن پاران ڪنگنا رناوت جي خلاف داخل ڪيل قانوني ڪيس جي تفيصيل سامهون اچي وئي، جنهن ۾ هن اداڪارا پاران بليڪ ميلنگ جي شڪايت ڪئي آهي، ريتڪ روشن پاران قانوندان مهيش ڪنگنا رناوت جي خلاف ممبئي پوليس جي ڪرائيم برانچ کاتي ۾ 29 صفحن تي ٻڌل درخواست سان گڏ ڪيس داخل ڪرايو.، ريتڪ روشن جي قانوني ٽيم پاران ممبئي پوليس جي سائبر ڪرائيم سيل ۾ هلندڙ سال 8 آپريل تي ڪنگنا رناوت جي خلاف درخواست ڏني وئي جڏهن ته ان جي تفصيل هاڻي سامهون اچي وئي ، ريتڪ روشن پاران داخل ڪيل ڪيس جي تفصيلن جون ڪاپيون حاصل ڪري ورتيون جنهن ۾ اداڪار جي قانوني ٽيم کان ڪنگنا رناوت تي ڪيترائي الزام مڙهيا ويا آهن رپورٽ ۾ ٻڌايو ويو ته ريتڪ روشن کي ڪنگنا پاران  غلط اي ميل موڪلي وئي هئي. اداڪار کي بليڪ ميل ۽ پريشان ڪيو ويو. ڪنگنا اداڪار کي پنهنجو عبدي پريمي  مڃيدي هئي، ٻنهي اداڪارائن جي وچ ۾ رابطن جي مڪمل ڪهاڻي به ٻڌائي جنهن موجب ريتڪ روشن  ۽ ڪنگنا جي وچ ۾ پهريون رابطو فلم ڪائيٽ جي سيٽ تي ٿيو جتان کان انهن جي  وچ ۾ لاڳاپا اڳتي وڌيا . درخواست ۾ ٻڌايو ويو ته ڪنگنا ۽ ريتڪ روشن  هڪ ٻئي سان گڏ 2009 کان 2013 تائين جڙيل رهيا . جڏهن ته انهن جي جڙيل رهڻ کي پروفيشنل  لاڳاپن جو نالو ڏنيو ويو آهي جنهن بابت دليل ڏنا ويا آهن ته ان عرصي دوران ٻنهي جي وچ ۾ فلمن ۽ پروفيشنل سببن  تي لاڳاپا قائم رهيا . درخوست ۾ اعتراض ڪيو ويو ته ريتڪ روشن ڪنگنا کي پنهنجي والد ۽ ڀيڻ جي سالگرهه  پارٽي ۾ شرڪت جي لاءِ دعوت به ڏني. درخواست ۾ دعوا ڪئي وئي ته ان واقعي کانپوءِ ڪنگنا ريتڪ روشن کي اي ميل ڪرڻ شروع ڪيا جن ۾ غلط ۽ فهش اي ميل به شامل آهن. ڪنگنا ريتڪ  پاران داخل ڪيل ڪيس جا تفصيل  سامهون اچڻ کانپوءِ دعوا ڪئي آهي ته اهو ڪيس ختم ٿي چڪو آهي. جڏهن ته ريتڪ روشن جي قانوني ٽيم چيو ته ڪيس ختم نه ٿيو آهي.

 

بالي ووڊ کي غلام، راز ۽ 1920 سيريز سميت ڪيتريون وڏيون فلمون ڏيندڙ فلمساز کي شهرت جي وڏي قيمت ادا ڪرڻي پئي

ممبئي (شوبز نيوز) باليووڊ کي غلام، راز سيريز  ۽ 1920 سيريز سميت  ڪيتريون وڏيون فلمون ڏيندڙ فلمساز وڪرم بٽ  چيو ته  ان کي شهرت جي وڏي قيمت ادا ڪرڻي پئي آهي. ڀارتي ميڊِيا جي مطابق  وڪرم بٽ پنهنجي تازي گفتگو ۾ چيو ته  حقيقت آهي ته  باليووڊ  ان کي گھڻو ڪجھه ڏنو آهي، هن  چيو ته جڏهن توهان مشهور ٿيندا آهيو ته  توهان جي هر حرڪت تي ميڊيا جي نظر هوندي آهي.  وڪرم بٽ چيو ته ميڊيا ان جي خبرن  جي ڪري ان جي زال اديتي جيڪا  هن ننڍپڻ جي دوست هئي طلاق ورتي آهي ۽  ڌيءُ ڪرشنا جي به نگراني حاصل ڪري ورتي.  هن چيو ته اڄ  هو ڪامياب آهي پر اڪيلو آهي ۽ هاڻي صرف  ڪم تي توجه  جو مرڪز بڻيل آهي. جلدي ئي نئين فلم پروجيڪٽ جو اعلان ڪندس.

 

مشهور فٽبالر پال پوگبا جون پراسرار ڇوڪريءَ سان ملاقاتون

ميامي(اسپورٽس نيوز)  مانچيسٽر يونائيٽيڊ فٽبال ڪلب سان تعلق رکندڙ دنيا جي مهانگي فٽبالر پال پوگبا کي گذريل ڪجهه ڏينهن کان هڪ پراسرار اڻڄاتل ڇوڪريءَ سان گڏ ڏٺو پيو وڃي، جنهن جو برطانوي ميڊيا ڏس پتو لڳائي نه سگهي آهي. گذريل ڏينهن مڊ فيلڊر پال پوگيا ميامي ۾ پريڪٽس سيشن دوران به ساڳئي ڇوڪريءَ سان گڏ نظر آيو. ۲۴ ورهين جو پوگبا هيمسٽرنگ انجريءَ سبب في الحال پنهنجي ڪلب لاءَ دستياب ناهي، تنهن ڪري اڻڄاتل گرل فرينڊ کي وقت ڏئي رهيو آهي، ان کان اڳ ساڳئي ڇوڪريءَ کي هالي ووڊ ۾ ٿيل هڪ تقريب ۾ پڻ پال پوگبا سان گڏ ڏٺو ويو هو.

 

پاڪستان ۽ سري لنڪا ڪرڪيٽ ٽيمن جي و چ ٻي ۽ آخري ميچ 6 آڪٽوبر کان دبئي انٽرنيشل اسٽيڊيم ۾ شروع ٿيندي

دبئي (اسپورٽس نيوز)پاڪستان ۽ سري لنڪا جي ڪرڪيٽ ٽيمن جي وچ ۾ ٻن ٽِسٽ سيريز جي ٻي ۽ آخري ميچ  6 آڪٽوبر کان دبئي انٽرنيشل اسٽيڊيم ۾ شروع ٿيندي، سري لنڪا کي پاڪستان جي خلاف ٻن ميچن جي سيريز ۾ 0.1 جي برتري حاصل آهي، سري لنڪا  پاڪستان کي پهرين ميچ ۾ 21 رنسن تان شڪست  ڏني هئي. ٻنهي ٽيمن جي وچ ۾ 5 ون ڊي ميچن جي سيريز جي پهرين ميچ 13 آڪٽوبر تي دبئي ۾ کيڏي ويندي ۽ ٻين ميچ 16 آڪٽوبر تي ابو  ظهبي ۾ کيڏي ويندي ٽين ميچ 18 آڪٽوبر تي ابو ظهبي ،  چوٿين ميچ 20 آڪٽوبر تي شارجه ۾ کيڏي ويندي جڏهن 5 آ خري ون ڊي ڪرڪيٽ ميچ 23 آڪٽوبر تي شآرجه ۾ کيڏي ويندي ان کانپوءِ ٻنهي ٽيمن جي وچ ۾  3 ٽي ٽويئٽي سيريز جي پهرين ميچ 26 آڪٽوبر تي ابو ظهبي ۾  کيڏي ويندي ، ٻين ميچ 27 آڪٽوبر تي ابو ظهبي ۾ کيڏي ويندي جڏهن ٽين ۽ آخري ٽي ٽوينٽي ميچ 29 آڪٽوبر تي قذافي اسٽيڊيم لاهور ۾ کيڏي ويندي.

 

نوجوانن جون زندگيون کسيندڙ موتمار گيم…..!

بلو وھيل گيم جي اثر سبب دنيا جي مختلف ملڪن ۾ خودڪشيون ڪندڙ اڪثر نوجوان اڻڄاڻائي يا تجسس سبب ھن موت مار راند جو شڪار ٿيا آھن پر ڪجھھ نوجوان ته ڄاڻ ھوندي به فقط ھن گيم جي اصليت معلوم ڪرڻ جي ڪوشش سبب به ھن راند جي ڄار ۾ ڦاٿا آھن . اھڙو ئي مثال پشاور جي اسپتال ۾ علاج لاءِ پھچندڙ مردان شھر جي انھيءِ نوجوان جو آھي جيڪو انفرميشن ٽيڪنالاجيءَ جو ماھر آھي ۽ جنھن ھن شيطاني گيم جي حقيقت ڄاڻڻ چاھي پر آءِ ٽي ماھر ھئڻ باوجود ذھني انتشار جو شڪار ٿي ويو ۽ کيس نفسياتي علاج لاءِ اسپتال ۾ داخل ڪيو ويو ھن گيم جو شڪار ٿي اسپتال تائين پھچندڙ نوجوان کي ته خوشقسمتي سمجڻ گھرجي ، جو ھي جڏھن گيم جي چيلنج مطابق پاڻ کي زخم رسائڻ کان پوءِ تڪليف سبب رڙيون ڪن ٿا يا سخت ذھني دٻاءَ سبب والدين جي نظر ۾ اچي وڃن ٿا تڏھن ئي کين اسپتال تائين پھچايو وڃي ٿو جنھن جي ڪري ئي سندن زندگيون بچي وڃن ٿيون، پشاور جي اسپتال ۾ داخل ڪجھھ نوجوان به بلو وھيل پاران مليل چيلنج سبب جڏھن پنھجي ٻانھن تي بليڊ سان بلو وھيل جو اسڪيچ ٺاھن جي ڪوشش ڪئي ته سخت تڪليف سبب گھر وارن کي خبر پئجي وئي جنھن ڪري زندگيون بچي ويو ، چيو وڃي ٿو ته بلو وھيل گيم ھڪ روسي نوجوان 2013 ۾ ايجاد ڪئي ھئي ، جنھن کي سزا طور جيل موڪليو ويو  آھي پر تيسين دير ٿي چڪي ھئي ۽ اھا تخريبي ذھن رکندڙن ڪيترن ماڻھن جي ھٿن ۾ اچي چڪي ھئي ھن گيم سبب خودڪشيءَ جو پھريون واقعو 2015 ۾ رپورٽ ٿيو ھو ھن موت مار راند بابت حاصل ڪيل ڄاڻ مطابق گيم شروع ڪرڻ سان ئي کيڏندڙ گيم جي ايڊمنسٽريٽر سان رابطي ۾ اچي وُڃي ٿو . ايڊمنسٽريٽر پاران اڳ ۾ گيم کيڏندڙ کان سندس ذاتي/نجي معلومات حاصل ڪئي وڃي ٿي ۽ گھر ۾ ڀاتين جو تصويرون به ورتيون وڃن ٿيون جنھن کان پوءِ گيم کيڏندڙ کي پنجاھھ ڏينھن تائين مختلف ٽاسڪ  ڏنا وڃن ٿا ، شروع ۾ ملندڙ  ڪنھن حد تائين آسان ۽ معمولي نوعيت جا آھن جھڙوڪ ايڊمن پاران موڪيل موسيقي ٻڌڻ يا ڪجھه ڀوائتيون ويڊيو ڪلپس ڏسڻ پر پوءِ آھستي آھستي انتھائي سخت ۽ ذھني توڙي جسماني طور تي اذيتون پھچائيندڙ حڪم ملڻ شروع ٿي وڃن ٿا حڪم نه مڃڻ جي صورت ۾ ايڊمنسٽريٽر پاران گيم کيڏندڙ کي سندس حاصل ڪيل ذاتي زندگي معلومات آڌار بليڪ ميل ڪري مجبور ڪيو وڃي ٿو ته ھو نه صرف پاڻ کي اذيتون ڏي به اھي مختلف ٽاسڪ ھر صورت ۾ پورا ڪري پر ثبوت طور انھن جو تصويرون به موڪلي انھن منجھان ڪجهه حڪم ھي ھجن ٿا : روز صبح جو 4:20 وڳي ننڍ مان اٿو ۽ ايڊمن پاران موڪليل خوفناڪ فلمون  اڪيلائي ۾ ڏسو ، پنھنجي ھٿ جي رڳ کي ٽي چڪ ڏيو ، پر اھي ھلڪا ھجن ، پنھنجي ٻانھن تي بليڊ يا ڪنھن ٻي تيز ڌار واري اوزار سان وھيل جو اسڪيچ ٺاھيو ، اڌ رات جو اٿي قبرستان وڃو ، صبح سوير ريلوي ٽريڪ تي وڃي گھمو ، ڇت تي وڃي ٽنگون لڙڪائي ويھو ۽ پوءِ آخر ۾ راند کيڏندڙ کي حڪم ڏنو ٿو وڃي ته ھو ڇت تان ٽپو ڏئي ڇڏي يا ڪنھن به طريقي سان خودڪشي ڪري ڇڏي ڪو حڪم نه مڃڻ جي صورت ۾ راند کيڏندڙ کي سندس پيءُ ، ماءُ توڙي ٻين گھر ڀاتين لاءَ موتمار ڌمڪيون ڏنيون وڃن ٿيون انھيءَ وقت تائين لڳاتار پنجاھ ڏينھن راند کيڏندڙ ايترن ذھني ۽ جسماني عذابن مجھان گذري چڪو ھوندو آھي مٿان وري کيس پيءُ ماءُ ۽ ٻين پيارن جي قتل جون ڌمڪيون ملنديون آھن ته سواءِ خودڪشيءِ جي ھن کي نجات جو ٻيو ڪو به رستو سمجھه ۾ ناھي ايندو نتيجي طور ھو ڪنھن بلڊنگ جي ڇت تان ٽپو ڏئي ، سامھون ايندڙ ريل کي ڏسي پٽڙين تي ويھي ياڪنھن به طريقي سان خودڪشي ڪري ڇڏيندو آھي، هتي والدين کي گذارش رکنداسين ته پنھنجن ٻارن جي ذھني ڪيفيتن ۽ مونجھارن تي به نظر رکو متان ڪو ٻار يا نوجوان خودڪشيءَ لاءِ مجبور ڪندڙ اھا خطرناڪ راند کيڏندو ھجي..!

ڇا جمهوريت يرغمال آهي؟: صاحب خان ڀٽي

اڳوڻي وزيراعظم نوازشريف لاءِ 1998ع وارو دور واپس اچي رهيو آهي، بس فرق ايترو آهي جو ان دور ۾ اڳوڻي آمر پرويز مشرف سندس حڪومت جو تختو اونڌو ڪيو هو پر هاڻ کيس پاناما ليڪس جي ڪري نااهل قرار ڏئي ويو آهي، نواز ليگ اڳواڻ به پاناماليڪس واري فيصلي کي مڃڻ لاءِ تيار ئي نه آهن، جڏهن ته اڳوڻي وزيراعظم نوازشريف چيو آهي ته نواز ليگ عدالتن جو احترام ڪندي آهي ۽ هميشه ڪندي رهندي، نواز ليگ اڳواڻ چئي رهيا آهن ته فيصلي تي ڳالهائڻ انهن جو حق آهي، خواجا سعد رفيق چئي رهيو آهي ته هنن کي سپريم ڪورٽ مان انصاف ملندي نظر نه آيو هو ۽ احتساب عدالت مان کين انصاف ملندي نظر نه پيو اچي،

جڏهن اڳوڻو وزيراعظم نواز شريف احتساب عدالت ۾ پيش ٿيو هو ته ان وقت به عدالت ٻاهران ڇڪتاڻ واري صورتحال نظر آئي، ايتري قدر جو وفاقي گهرو وزير احسن اقبال کي به احتساب عدالت ۾ وڃڻ جي اجازت نه ڏني وئي هئي، جنهن تي هو ڪاوڙجي پيو هو ۽ وفاقي گهرو وزير احتساب عدالت ۾ رينجرز ۽ ايف سي اهلڪارن جي سڪيورٽي واري معاملي جو نوٽيس ورتو  هو، جنهن بابت اهو چيو ته اسلام آباد پوليس رينجرز کي خط لکيو هو، جنهن سبب سڪيورٽي فراهم ڪئي وئي هئي. بهرحال جڏهن وفاقي گهرو وزير احسن اقبال احتساب عدالت پهتو ته ۽ هن جڏهن اهلڪارن جو رويو ڏٺو ته هن  ڪاوڙ ۾ چيو هو ته رياست اندر رياست قائم نه ٿيڻ ڏني ويندي، ايتري قدر جو احسن اقبال استعيفيٰ جا ڌمڪي به ڏني هئي ۽ چيو هو ته  کيس ڪو به اختيار نه ڏنو ويو آهي.

ان جي رد عمل پنجاب جي قانون واري وزير راڻا ثناءُ چيو هو ته هاڻ دنيا کي خبر پئجي وئي ته گهرو وزير کي ڪي به اختيار نه ڏنا ويا آهن، راڻا ثناءُ الله ته اهو به چيو ته اڳوڻي گهرو وزير چوڌري نثار کي به اختيار نه ڏنا ويا هئا، جڏهن اهو بيان راڻا ثناءُ جو ميڊيا تي آيو ته نوازشريف جو سڀ کان وڌيڪ پياري دوست اڳوڻي گهرو وزير چوڌري نثار جو ترجمان به جاڳي پيو هو، چوڌري نثار جي ترجمان پنهنجي بيان ۾ چيو ته احسن اقبا جو معاملو الڳ آهي، جنهن  کي چوڌري نثار سان نه جوڙيو وڃي، ڇاڪاڻ ته چوڌري نثار هڪ بااختيار گهرو وزير هو، اهڙي بيان کان پوءِ واضع ٿي ويو آهي ته نوازشريف ۽ چوڌري نثار ۾ ڪيتري حد تائين اختلاف موجود آهن.

بهرحال نيب ريفرنس ۾ جڏهن اڳوڻو وزيراعظم نوازشريف احتساب عدالت ۾ پيش ٿيو ته مٿس فرد جرم لاڳو نه ٿي سگهيو هو بس سندس پٽن ۽ ناٺي جي غير حاضريءَ تي ضمانت نه ٿيڻ جوڳا گرفتاري وارنٽ جاري ڪيا ويا هئا، جڏهن ته سندس ڌيءُ مريم نواز جا ضمانت ٿيڻ جوڳا وارنٽ جاري ڪيا ويا، جنهن تي نواز ليگ اڳواڻن پاران رد عمل به ظاهر ڪيو ويو هو. قانون واري وزير راڻا ثناءَ الله چيو آهي ته عام ماڻهن کي سمجهه ۾ اچي ويو ته رياست اندر رياست ڇا ٿيندي آهي، احتساب عدالت يرغمال بڻيل آهي

جيڪڏهن ڏٺو وڃي ته نوازليگ اڳواڻن هن وقت تائين اهو واضح طور نه ٻڌايو آهي ته آخر اهي ڪهڙا هٿ آهن جن جمهوريت کي يرغمال بڻايو آهي. هونئن ته هن رياست اندر ڪيترائي ڀيرا جمهوريت جا جنازا نڪري چڪا آهن، ڪڏهن شهيد بينظير ڀٽو جي جمهوريت جو جنازو ڪڍيو ويو ته ڪڏهن نوازشريف جو حڪومتي تختو اونڌو  ڪيو ويو،   پر  سچي صورتحال جو نقصان  سياستدانن کي گهٽ ۽ عوام کي تمام گهڻو ٿيو آهي، ڇاڪاڻ ته جمهوري حڪومت هجي يا آمريت هر دور ۾  هن ملڪ جي خوشحالي لاءِ قرض کنيا ويا آهن ۽ اهي قرض ڪڏهن به واپس نه ڪيا ويا آهن جنهن سبب هي ملڪ قرضن ۾وڪوڙجي ويو آهي ۽ ان قرض کي لاهڻ لاءِ عوام مٿان ٽيڪسن جو بار وڌو ويو آهي، سڄي دنيا ۾ پيٽرول سستو آهي پر هن ملڪ ۾ ٻيڻ تي پيٽرول وڪرو ٿي رهيو آهي، جنهن سبب عوام خوشحال ٿيڻ بدران ڏينهون ڏينهن پوئتي ڌڪجي رهيو آهي ۽ غريب ماڻهو غريب ٿيندو پيو وڃي.قرض ڪنهن به کنيو هجي پر ڀوڳڻو عوام کي پيو آهي،

جيڪڏهن ايڏا قرض نه کنيا  ويا وڃن ها ته اڄ ملڪ اندر خوشحالي هجي ها ۽ نه مذهبي دهشتگرد ايڏو سرگرم ٿي وڃن ها، ان سڄي صورتحال جو ذميوار ٻيو ڪو به هن ملڪ کي هلائيندڙ طاقتور ڌريون ئي آهن، ڇاڪاڻ ته طاقتور ڌرين هن ملڪ کي عالمي يتيم خانو بڻائي ڇڏيو آهي.  جيڪڏهن ڳڻپ کاتو آدمشماري درست نموني ڪري ها ته لکين ڪروڙين مهاجر هتي ترسيل ڏيکاريا وڃن ها پر افسوس جيئن ته هن ملڪ کي هلائينڊر  ڪامورا ئي مهاجرن جي آبادڪاري ۾ ملوث رهيا آهن، جيڪي پنهنجي آقائن کي خوش ڪرڻ لاءِ مهاجرن کي هن ملڪ پناهه ڏئي رهيا آهن، جن کي ڪيمپن ۾ ترسائڻ گهرجي ها انهن کي جنگلي جانورن جيان شهرن ۾ ڇڏي ڏنو ويو، جنهن سبب هن ملڪ ۾ مذهبي انتهاپسندي، دهشتگردي پکڙجي وئي ۽ مهاجرن جي آڙ ۾ لکين دهشتگرد هن ملڪ اندر داخل ٿي ويا جيڪي مختلف وقتن تي حملا به ڪندا رهندا آهن، اڳوڻي آمر مشرف جي دور ۾ جيڪي مهاجر هن ملڪ اندر  آباد ڪيا ويا، ان جو مثال تاريخ ۾ نٿو ملي.

بهرحال هن وقت نواز ليگ جي بحران بابت ڳالهه ٿي رهي آهي، جيئن ته نوازشريف جي ڪٽنب خلاف گرفتاري جا وارنٽ  جاري ٿي چڪا آهن، جن کي ڪڏهن به حراست ۾ وٺي عدالت ۾ پيش ڪرڻ جا امڪان به وڌي ويا آهن. نوازليگ ليگ به نااهل واري شق کي پنهنجي پارٽي آئين مان ختم ڪري ڇڏيو آهي.   ايتري قدر جو قومي اسيمبلي چونڊ سڌارن بابت بل 2017ع منظور ڪري ورتو آهي، جڏهن ته ڪجهه پارٽين پاران ترميمن کي رد ڪيو ويو آهي، جڏهن قومي اسيمبلي جو اجلاس اسپيڪر اياز صادق جي صدارت هيٺ ٿيو. تڏهن قانون واري وزير زاهد حامد چونڊ سڌارن بابت بل 2017ع پيش ڪيو، جنهن جي مخالف ڌر جي اڳواڻ خورشيد شاهه، شاهه محمود قريشي ۽ ٻين ميمبرن مخالفت ڪئي هئي، ايتري قدر جو اسپيڪر طرفان شاهه محمود قريشي کي ڳالهائڻ جي اجازت نه ڏيڻ تي مخالف ڌر طرفان نعريبازي ڪئي وئي هئي ۽ اسپيڪر جي ڊائيس جو گهيراءُ ڪري ايجنڊا جون ڪاپيون ڦاڙيون ويون هيون.

جيڪڏهن چونڊ سڌارن واري بل تي صدر ممنون حسين صحيح ڪري ٿو وٺي ته پوءِ نوازشريف ٻيهر نواز ليگ پارٽي و صدر به بڻجي سگهي ٿو.  تحريڪ انصاف جي سينيئر وائيس چيئرمين شاهه محمود قريشي چيو آهي ته بل 203 تي نظرثاني ڪئي وڃي، نواز شريف آرٽيڪل 62 ۽ 63 تي پورو نٿو لهي. شاهه محمود قريشي ته اهو به چيو هو ته چونڊ سڌارن بابت بل جي تياري ۾ تحريڪ انصاف به محنت ڪئي، پر اڄ بل ۾ ڪلاز 203 شامل ڪري قانون سازي ڪئي پئي وڃي، جيڪا آئين سان ٽڪراءَ ۾ آهي. بهرحال هاڻ  نوازشريف لاءِ  سياست ڪرڻ تمام گهڻو مشڪل ٿي وئي آهي، هر طرف سندس خلاف آواز اٿي رهيو آهي، پيپلزپارٽي به نواز ليگ جو ساٿ ڏيڻ لاءِ تيار نه آهي،صرف ايم ڪيو ايم، جماعت اسلامي، جي يو آءِ (ف) پاران سندس ساٿ ڏنو پيو وڃي، جيڪو ناڪافي آهي، ڇاڪاڻ ته اڄ جي حالتن ۽ ماضي جي حالتن ۾ ڏينهن رات جو فرق آهي. جڏهن لاهور جي تڪ اين اي 120تي  چونڊ ٿي هئي ته پهريون ڀيرو پنجاب جي سڀ کان وڏي جماعت نواز ليگ دانهون ڪيون هيون ته سندن  پارٽي ورڪرن کي کنڀيو ويو آهي،

جيڪڏهن ڏٺو وڃي ته نوازشريف  جڏهن وزيراعظم هو، ان وقت سنڌ توڙي ٻين علائقن ۾ ماڻهن  کي کنڀي گم ڪرڻ خلاف احتجاج ڪيا ويا هئا، ايتري قدر جو سنڌ ۾ جيڪي ماڻهو گم ٿيل  ماڻهن جي ڳولا لاءِ نڪتا اهي پاڻ گم ٿيل ماڻهن جي فهرست ۾ شامل ٿي ويا، جيئن ته هت ڪير ٻڌڻ وارو نه آهي ۽ نه ڪو غريبن، لاچارن ۽ بي پهچ ماڻهن جي دردن جو درمان ڪرڻ وارو آهي، اهڙي ريت  اڄ نوازشريف جو به اهو ساڳيو ئي حشر ٿي رهيو آهي ۽ سندس ڪو به ساٿ نه ڏئي رهيو آهي، صرف لنڊن  مان هڪ شخص سندس حمايت ۾ بيان ڏئي رهيو آهي ۽ ساڻس همدردي جو اظهار ڪري رهيو آهي، جنهن جي همدردي سان نوازليگ کي ويتر تمام گهڻو نقصان ٿيندو ۽ان شخص   پاران نوازليگ جي حمايت  ۾ ڳالهائڻ سان نواز ليگ جي لاءِ تمام گهڻو نقصان پهچندو ڇاڪاڻ ته ان لنڊن واري شخص کي مختلف  ٽي وي چينل تي وٺل اينڪر پرسن  پاران غدار چيو  پيو وڃي، بهرحال هاڻ ڏسڻو اهو آهي ته نوازشريف جي لاءِ نرمي اختيار ڪئي ويندي يا وري نوازشريف جي لاءِ سياست جي لاءِ هميشه دروازا  بند ٿي ويندا.

sahibalisindh@gmail.com

 

 

سياست کي انا جي جنگ نه بڻايو…؟؟: غلام مصطفيٰ جمالي

هن وقت پاڪستان جي سياست اندر اهڙي صورتحال پيدا ٿي وئي آهي جنهن کي ڏسي ڪري چئي سگهجي ٿو ته پاڪستان اندر سياست نه پر هڪ انا جي جنگ وڙهي پئي وڃي.!جنهن جي هڪڙي جهلڪ اوهان ڏسي چڪا هوندا.؟ ميان نواز شريف احستاب عدالت اندر پيش ٿيو. جنهن وقت ميان نواز شريف کي گيٽ ئي روڪيو ويو جنهن جي ڪري نواز شريف جو چهرو سڄو ڪاوڙ مان ڳاڙهو ٿي ويو ۽ ميان نواز شريف ڪاوڙ واري لجهي ۾ مسلسل ڪجهه نه ڪجهه ڳالهيندو رهيو.جڏهن ته ميان نواز شريف اهو بلڪل به وساري چڪا هئا ته سندس وات مان نڪتل هر لفظ جي معنيٰ ۽ وڏي حيثيت آهي،ڇو ته ميان نواز شريف ڀلي هن وقت نااهل هجي ۽ وٺس وزيراعظم وارو عهدو نه به هجي ته ميان نواز شريف تي هن وقت پاڪستان جي پوري ميڊيا جو نظرون کتل آهن،سندس زبان مان نڪتل هر لفظ کي نوٽ ڪيو پيو وڃِي ۽ سندس وک وک تي نظر رکي پئي وڃِي. ميان نواز شريف احتساب عدالت اندر پيش ٿيو ته گيٽ تي کيس روڪيو ويو ته ان وقت ميان صاحب آپي کان نڪري ويو هو ۽ کيس اها خبر نه هئي ته سندس هر لفظ جي هڪ وڏي زميداري آهي، جنهن وقت ميان نواز شريف کي گيٽ تي روڪيو ويو ته هن وقت اتي ٻيٺل ريجنرس جي جوانن مان ميان نواز شريف ناخوش هئا،جڏهن ته ميان نواز شريف هڪ رياست اندر رياست مخالف جون ڳالهيون شروع ڪري ڏنيون،پر ميان نواز شريف کي اهڙو رويو بلڪل به نه رکڻو هو. ۽ کيس ڪرڻو اهو هو جو هُو پنهنجي آفيس وڃي ڪري ٿڌي دماڳ مان انهي سموري معاملي جي جانڇ ڪري ها.ته کيس ڇو روڪيو ويو، ڇو ته ميان نواز شريف کي اها خبر هجڻ گهرجي هان ته هڪ ڏينهن پهرين اها خبر نشر ۽ شايع ٿي چڪي هئي ته احستاب عدالت اندر وزيرن روڪيو ويو آهي،جڏهن ته ايف سي جي اهلڪارن کي انهي روڪڻ واري جاءِ تي مقرر ڪيو ويو آهي، پر ڳالهه اها به آهي ته انهي خبر جي بنياد تي وزيرداخلا به ان ڏينهن تي اهڙو ڪو پلان ڇو نه ٺاهيو.؟

احستاب عدالت اندر رجسٽرار ۽ ريجنرس سان ميٽنگ ڇو نه ڪئي.؟جڏهن ته ميان نواز شريف کي روڪڻ ته وزيرداخلا سخت لفظن ۾ مذمت ڪئي ۽ نوٽيس وٺڻ جو اعلان ڪيو آهي،پر کيس اهو به ياد ناهي ته جڏهن وزيراعظم ميان نواز شريف جي پهرين احستاب عدالت اندر پيشي ٿي وئي ته هن وقت عدالت جو ڪيترو تقدس پامال ٿيو هو.ان پهرين پيشي تي ميان نواز شريف سان گڏ اسحلو رکندڙ هڪ وڏي سڪيورٽي عدالت اندر گهڙي وئي هئي،جنهن جي پاڪستان جو آئين نه اجازت نه ٿو ڏي،ڇا ان وقت ميان نواز شريف کي اها سوچ نه هئي ته هو جنهن عدالت اندر پيش ٿيڻ وڃي رهيو آهي اها عدالت هر ملڪ اندر هڪ وڏي حيثيت رکندڙ ادارو آهي ان وقت ميان نواز شريف کي اهو به وسارڻ نه گهرجي هان ته انهي عدالت کيس پاڪستان جي ڪرسي تان هٽائي ڪري هڪ عام ماڻهو واري حيثت تي آڻي بيهاري ڇڏيو آهي، انڪري ميان نواز شريف کي پهرين پيشي تي ايڏي اسحلي واري سڪيورٽي وٺي اچڻ جي ضرورت به ڪهڙي هئي،مان سمجهان ٿو ته ٻئي پيشي تي ميان نواز شريف کي روڪڻ جو سبب ئي پهرين پيشي تي عدالت اندر هٿيارن واري سيڪورٽي وٺي اچڻ آهي،ان ڪري هن وقت پاڪستان جو وزيرداخلا عدالت کان اهو انصاف گهڙي رهيو آهي تي ميان نواز شريف کي عدالت جي گيٽ تي ڇو روڪيو ويو،ان ڪري مان اهو ضرور چوندس ته عدالت کان انصاف گهرڻ بجاءِ وزيرداخلا کي پنهنجي دامن ۾ جانچي ڏسڻ گهرجي،ڇو ته سڪيورٽي جا سمورا انتظام وٺس آهن جيڪڏهن پهرين پيشي تي ميان نواز شريف کي آگاهه ڪيو وڃي ها ۽ ٻئي پيشي تي اهڙو واقعو ئي نه ٿي ها،جيڪڏهن انجي باوجود به وزيرداخلا ميان نواز شريف لاءِ انصاف گهري رهيو آهي ته انهي ۾ ڪو شڪ ناهي ته هو پاڻ پنهنجي فرض ۾ ڪوتاهي ڪري رهيو آهي،

ميان نواز شريف جي ٻئي پيشي اندر جيڪو ڪجهه ٿيو مان سمجهان ٿو ته اهو صرف ۽ صرف پاڻ ۾ رابطن جي ڪمي جي ڪري ٿيو آهي.۽ ائين لڳي رهيو آهي ته ڪي ڳالهيون ميان نواز شريف ۽ احستاب عدالت جي تحفظ فرام ڪرڻ واري جي وچ اندر اهڙيون راز رکيو ويون هنيون نه ته ائين هرگز به نه ٿي ها ته ته وزيرداخلا ۽ انهي جي ٻين وزيرن کي اها خبر نه هئي ته ميان نواز شريف کي احستاب عدالت جي ٻاهران روڪيو ويندو ۽ کين خبر ئي نه پوندي،برحال مان سمجهان ٿو ته انهي ڳالهه ۾ ڪو راز ضرور آهي، ڇو ته  اها ڳالهه ڪنهن کان لڪل نه هئي ته ميان نواز شريف احستاب عدالت اندر ٿيندو ۽ اها به سڀني کي خبر هئي ته ميان نواز شريف جي احستاب عدالت اندر اچڻ تي ڪيتري رش هوندي،۽ ان موقعي ته سڀئي عدالت ۾ داخل ٿيڻ جي ڪوشش به ڪندا،ان جي باوجو به وزيرداخلا احسن اقبال چئي به رهيو آهي ته اسلام آباد جي چيف ڪمشنر سڪيورٽي جا سمورا انتظام مڪمل ڪري ڇڏيا هئا،پر اتي سوال اهو به آهي ته جيڪڏهن سڪيورٽي جا سمورا انتظام مڪمل ڪيا ويا هئا ته انهن جي آگاهي رجسٽرار ۽ ريننجرس کي ڏني وئي يا نه .؟ڇو ته خبر ته اها خبر نشر ڪئي وئي هئي ته احتساب عدالت اندر وزيرن کي روڪڻ ۽ عدالت اندر نه اچڻ جو چيو ويو هو جنهن تي سموري وزيرن کي روڪيو ويو هو،جڏهن ته عدالت جي حفاظت لاءِ ريجنرس سڪيورٽي کي مقرر ڪيو ويو هو،ان وقت چيف ڪمشنر جو اهو فرض هو ته سڀني کي گڏ ڪري سڪيورٽي معاملن جي ڳالهيون ڪرين ها.پر ائين نه ٿي سگهيو،

انڪري ٻئي پيشي جي پاڪستان ملسم ليگ جا ڪيترائي ڪارڪنن ۽ وزيرعدالت اندر پهچي چڪا هئا جن جي روڪيو نه وڃي ها ته اهوئي ٿي ها جيڪو پهرين پيشي تي ٿيو هو. ان تي حيرت ۾ وجهندڙ ڳالهه اها به آهي ته وزيرداخلا کي ريجنرس جي مومنٽ جي خبر ئي نه پئي ته هو ڪنهن وقت پنهنجي جاءِ تان نڪري ڪري اچي احتساب عدالت اڳيان ٻيهي رهي،جڏهن ته اهو صاف ظاهر آهي ته هو صبح جو سوير جي عدالت ۾ پهچي وئي هوندي،۽ وزيرداخلا کي انهي سموري معاملي جي ڪا به خبر ناهي ۽ کيس خبر هن وقت ٿي پوي جڏهن ميان نواز شريف کي احستاب عدالت جي اڳيان روڪيو ٿو وڃِي.! برحال ملڪ اندر جهموري بالا دستي آهي يا سول بالا دستي انهي جو اندازو اڃان لڳائڻ مشڪل لڳي رهيو رهيو آهي پر مان اهو سمجهان  ٿو ته ملڪ اندر هن وقت هڪ اهڙي انا جي جنگ وڙهي پئي وڃي جنهن جا نتيجا تمام گهڻا خطرناڪ نڪرندا.ڇو ته هڪ صرف پاڪستان جون عدالتون آهن ته ٻئي پاسي ميان نواز شريف جو ٿيڻ وارو احستاب ۽  ٽئي پاسي وري ميان نواز شريف پنهنجو مان  سڀني کان مٿائون رکڻ جي چڪر ۾ ڏاڍو روز لڳائي رهيو آهي،ڇو ته موجوده صورتحال اندر هڪ نئي ڳالهه اها به سامهون اچي وئي آهي ته آئين ۾ ترميم ڪري ميان نواز شريف  کي پاڪستان جو صدر بنائڻ جو اعلان ڪيو ويو آهي.ميان نواز شريف ڀلي ملڪ جو وزيراعظم نه هجي ڀلي ملڪ جو صدر ٿي پر مان سمجهان ٿو ته ڇا ميان نواز شريف صدر ٿيڻ کانپوءِ به آرام ۾ رهندو مٿس جيڪا احستاب جي تلوار لٽڪيل آهي انهي جو ڇا ٿيندو،جڏهن ته هن ملڪ اندر هڪ سوال اهو به آهي ته هن ملڪ اندر اٿس حڪومت ڪهڙي آهي ۽ ڪنهن جو زور آهي،پاڪستاني عدالت جو جهوريت جو يا فوج جو،جڏهن ته ميان نواز شريف اڃان به اهو ذهن ۾ رکيو اچي ته حڪومت سندس اشارن تي هلي رهي آهي پر آئيني طور تي هو حڪومت جو حصو ناهن،انڪري ميان نواز شريف جي سياسي ساک کي نقصان پهتو آهي 1999ع اندر جڏهن ميان نواز شريف جي هٽايو ويو هو ان وقت ميان نواز شريف عوام جي خوف همدري حاصل ڪئي ۽ عوام کي کيس بي انتها چاهيو ڇو ته هن وقت هڪ جهموريت جو باب ختم ٿيو هو ۽ آمريت ملڪ جون واڳون سنڀالي ورتيون هينون،پر هن وقت ميان نواز شريف کي هٽايو ويو آهي ۽ ملڪ اندر جهوريت به قائم آهي پر ملڪ اندر هڪ بالاستي جي جيڪا جنگ وڙهي پئي وڃي اها تمام گهڻي خطرناڪ آهي،جڏهن ته اسان وٽ جهموريت جي تمام گهڻي عزت آهي ۽ عوام جو هڪ حسن آهي جهموريت. انڪري مان سمجهان ٿو ته سياست اندر اهڙي ڪابه بالادستي جي جنگ نه وڙهي وڃي جنهن سان نه رڳو ملڪ پر انجي جي عوام جو به نقصان ٿي.هن وقت ميان نواز شريف پاڪستان مسلم ليگ ن جو صدر ٿي ويو آهي جڏهن ته ميان نواز شريف لاءِ اهڙي صورتحال اندر هڪ وڏي خوش خبري آهي.!!

 

قومي اسيمبلي ۾ چونڊ اصلاحات بل منظور، مخالف ڌر جو احتجاج، ڪاپيون ڦاڙيون ويون

اسلام آباد(م.ڊ) مسلم ليگ ن جي اڳوڻي صدر نواز شريف جي ٻيهر پارٽي سربراهه بڻجڻ جو رستو صاف ٿي ويو، سينيٽ جي بعد قومي اسيمبلي به اليڪشن بل 2017ع ترميمن سان گڏ منطور ڪري ورتو، چونڊ بل 2017ع وفاقي وزير قانون زاهد حامد پيش ڪيو، بل جي منظوري بعد نواز شريف جي مسلم ليگ ن جو صدر بڻجڻ جي آخري رنڊڪ به ختم ٿي وئي، ان موقعي تي اپوزيشن ايوان ۾ سخت هنگامو ڪيو، پاڪستان تحريڪ انصاف ۽ عوامي مسلم ليگ بل جي خلاف عدالت ۾ وڃڻ جو اعلان ڪري ڇڏيو، پارليامينٽ يا ڪنهن مقامي حڪومت جو ميمبر ٿيڻ جو اهل هجي يا نه هجي هاڻي سرڪاري ملازم کان سواءِ هر شهري سياسي جماعت بڻائڻ يا ان جو ميمبر بڻجڻ، لاڳاپيل هجڻ، سياسي سرگرمين ۾ حصو وٺڻ يا عهديدار بڻجڻ جو اهل هوندو. سينيٽ بعد قومي اسيمبلي به اليڪشن بل منظوري ڪري ورتو، جڏهن به بم ۾ جماعت اسلامي جون ترميمون به رد ڪيون ويون، اپوزيشن پارٽين اسپيڪر جي ڊائيس اڳيان احتجاج ڪندي بل جون ڪاپيون ڦاڙي ڇڏيون ۽ اپوزيشن ليڊر کان اسپيڪر جي ڊائيس جي گهراءُ جو مطالبو پڻ ڪيو.

 

نواز شريف عدالت ۾ پيش، حاضري کان ڇوٽ واري درخواست رد، اولاد جا ناقابل ضمانت وارنٽ جاري

اسلام آباد (اين اين آءِ) اڳوڻي وزيراعظم نوازشريف  قومي احتساب بيورو  جي طرفان  پنهنجي خلاف داخل ٿيل رفرنسز  جي سلسلي ۾ وفاقي گادي واري هنڌ اسلام آباد جي احتساب عدالت  ۾ ٻيو دفعو پيش ٿيو، جڏهن ته ان تي فرد جرم لاڳو نه ٿي سگھيو.  جڏهن ته عدالت ۾ پيش نه ٿيڻ تي نوازشريف جي اولاد حسن، حسين، ناٺِي صفدر ۽ مريم نواز جي گرفتاري جي وارنٽ جاري ڪيا ويا، ٽي نيب رفرنسز جي ايندڙ ٻڌڻي سومر تي ٿيندي، تفصيل موجب شريف خاندان جي خلاف ٽي نيب رنفرس جي ٻڌڻي سومر تي احتساب عدالت ۾ ٿي ، نوازشريف ٻيو دفعو احتساب عدالت ۾پيش ٿيو، عدالت جي اڳيان نوازشريف جي اولاد ۽ ناٺي جي پيش نه ٿيڻ تي ان جي وڪيل عدالت  جي اڳيان دليل ڏيندي چيو ته ڪلثوم نواز جي بيماري سبب ان جي اولاد عدالت ۾ پيش نه ٿي ۽ ايندڙ تاريخ تي ضرور  پيش ٿيندي، عدالت وڪيلن جي خاطري ڪرائڻ جي باوجود ان جي موقف سان اتفاق نه ڪيو ۽ ان جي اولاد جي گرفتاري  جا وارنٽ جاري ڪري ڇڏيا  ۽ حڪم ڏنو ته ايندڙ ٻڌڻي تي جوابدارن کي پيش ڪيو وڃي، وڪيلن موقف ڏنو ته نوازشريف جي اولاد ايندڙ ٻڌڻي تي ضرور پيش ٿيندا، انکان پوءِ عدالت اڳوني نوازشريف جي فرد جرم لاڳو ڪندي ايندڙ ٻڌڻي تي 9 آڪٽوبر تي  نوازشريف کي عدالت ۾ پيش ٿيڻ جو حڪم ڏئي ڇڏيو، ٻڌڻي کانپوءِ ميڊيا سان ڳالهائنيدي نوازشريف جي وڪيل چيو ته نوازشريف تي سومر تي فرد جرم لاڳو نه ٿي سگھيو، هن چيو ته نوازشريف جي اولاد پاڪستان واپس اچڻ چاهي ٿي . نوازشريف جي حاضري کان رعايت بابت درخواست تي فيصلو نه ٿي سگھيو.

 

رينجرز گهرو وزير ۽ ٻين وزيرن کي عدالت ۾ وڃڻ کان روڪي ڇڏيو، ڇڪتاڻ

اسلام آباد (اين اين آءِ) اڳوڻي وزيراعظم نوازشريف جي احتساب عدالت ۾ پيشي جي موقعي تي  گھرو وزير احسن اقبال راجا ظفر الحق دانيال عزيز سميت  ڪابينا جي ڪيترن ئي  ميمبرن کي دروازي تي روڪيو ويو. سومر تي احتساب عدالت ۾ نوازشريف جي پيشي جي موقعي تي سڪيورٽي جي سخت انتظآم ڪيا ويا ۽ پوليس جي بدران رينجرزن سڪيورٽي انتظآم سنڀاليو، وفاقي گھرو وزير احسن اقبال سينيٽ ۾ قائد ايوان راجا ظفراالحق، مملڪتي وزير طارق فضل چوڌري، دنيال عزيز ۽ طلال چوڌري کي احتساب عدالت جي دروزاري تي ئي روڪيوويو، رينجرز اهلڪارن قومي اسيمبلي جي ميمبر مائزا حميد اسلام آباد جي ميئر شيخ عنصر عزيز ۽ پرويز رشيد کي به احتساب عدالت ۾ داخل ٿيڻ جي اجازت نه ڏني . ريلوي واري وزير خواجا سعيد رفيق احتساب عدالت پهتو ته انکي به اهلڪارن عدالت جي دروازي تي روڪي ڇڏيو  جنهن تي هن اندر وڃڻ جي ڪوشش نه ڪئي واپس گاڏي ۾ ويٺو، وفاقي گھرو وزير کي روڪڻ تي هن رينجرز جي برگيڊير کي طلب ڪيو جڏهن ته ان موقعي تي هو احتساب عدالت  جي دروازي تي بيٺو رهيو جنهن تي گھرو وزير سول ايڊمنسٽريٽر جي حڪم عدوليءَ جي اعليٰ سطح تي جاچ جو حڪم  ڏئي ڇڏيو.