تازيون خبرون

Daily Archives: September 27, 2017

نواز شريف احتساب عدالت ۾ پيش، فرد جرم لاءِ تاريخ مقرر، سندس اولاد ۽ ناٺي جا وارنٽ جاري

اسلام آباد (اين اين آءِ) احتساب عدالت اڳوڻي وزيراعظم نوازشريف جي خلاف نيب رفرنسز ۾ فرد جرم لاڳو ڪرڻ جي لاءِٰ 2 آڪٽوبر جي تاريخ مقرر ڪندي ان جي پٽ حسن ، حسين نواز، مريم نواز ۽ رٽائر ڪيپٽن صفدر نواز جي گرفتاري جا وارنٽ جاري ڪري ڇڏيا، جڏهن ته حسن، حسين ، مريم نواز ۽ ڪيپٽن صفدر کي 2 آڪٽوبر تي پيش  ٿيڻ جو حڪم ڏيندي 10، 10 لک جمع ڪرائڻ جي هدايت ڪئي آهي،  اڱاري تي احتساب عدالت ۾ نوازشريف جي خلاف نيب رفرنس جي ٻڌڻي ٿي ، نوازشريف  سخت سيڪيورٽي ۾ اسلام آباد ۾ پنجاب هائوس کان احتساب عدالت ۾ پهتو جتي کيس حاضري لڳائن  کانپوءِ واپس وڃڻ جي اجازت ڏني وئي. احتساب عدالت ۾ رفرنس 18، 19 ۽ 20 جون ڪاپيون نوازشريف جي وڪيل خواجا حارث کي فراهم ڪيون ويون. ان کانپوءَ احتساب عدالت ۾ ڪاروائي دوران وڪيل خواجا حارث اپيل ڪئي ته نوازشريف کي عدالت ۾ پيشيءَ کان رعائت ڏني وڃي، ڇو ته هو اڳوڻون وزيراعظم رهي چڪو آهي ۽ کيس سيڪيورٽي خدشا آهن ٻڌڻي دوران نيب پراسيڪيوٽر جو چوڻ هيو ته نيب رفرنس جي حوالي سان پاڪستان ۾ موجود واحد جوابدار نوازشريف آهي انڪري کيس ملڪ کان ٻاهر وڃڻ جي اجازت نه ڏني وڃي ۽ نه ئي کيس پيشي کان رعائت ملڻ گھرجي. نيب جي پراسيڪيوٽرن نيب جي قانون جو حوالو ڏيندي چيو ته  بيمار ڪلثوم نواز جي سار سنڀال جي لاءِ نواز شريف جا سمورا  ٻار لنڊن ۾ موجود آهن انڪري کيس وڃڻ جي اجازت ناهي ۽ رفرنسز جو ڪيس رڪڻ نه گھرجي. نوازشريف جي حاضريءَ تان رعائت جي درخواست تي عدالت چيو ته ان تي فيصلو فرد جرم لاڳو ڪرڻ کانپوءِ ڪيو ويندو، نيب جي پراسيڪيوٽر سردار مظفر عباس عدالت ۾ شڪايت ڪئي ته اسلام آباد پوليس اسانکي نيب عدالتن ۾ پيش ٿيڻ کان  هر جڳهه تي روڪيو. رائيونڊ تي سيڪيورٽي اهلڪار حسن، حسين نواز جي ثمن کان وٺڻ کان انڪار ڪري ڇڏيو، نيب عدالت جي جج محمد بشير  نيب جي پراسيڪيوٽر کي لکت ۾  درخواست ڏيڻ جي هدايت ڪئي، نيب جي پراسيڪيوٽر چيو ته پاڪستاني سفارتخاني جي سيڪنڊ سيڪريٽري حسن  نواز کي ثمن وصول  ڪرائي حسن نواز شريف فيملي بالغ ميمبر آهي. سيڪيورٽي اهلڪار چيو ته حسن ، حسين ۾ پرڏيهه ڍ۾ رهن ٿا ثمن اوڏانهن موڪلي ته حسين نواز ثمن وصول ڪرڻ کانپوءِ عدالت ۾ پيش نه ٿيو اها عدالت جي توهين آهي ، احتساب عدالت وڌيڪ ٻڌڻي 2 آڪٽوبر تائين ملتوي ڪري ڇڏي.

 

نشانو اسان پر سزا سڄي قوم ۽ ايندڙ نسلن کي ملي رهي آهي: نواز شريف

اسلام آباد (ويب ڊيسڪ) اڳوڻي وزيراعظم نواز شريف چيو آهي ته مان اڳ به سنگين حالتن کي منهن ڏنو آهي ۽ اڄ به ڏئي رهيو آهيان، ڪڏهن آمريت اڳيان جهڪيا ناهيون. اسلام آباد ۾ پريس ڪانفرنس ڪندي نواز شريف چيو ته اڄ عدالت ۾ جيڪو واقعو پيش آيو، ان تي ڏُک پهتو آهي، عدالتن مان فرار ٿيڻ اسان جو طريقو ناهي، مان سدائين عدليا جي آزادي لاءِ ڪردار ادا ڪندو رهيس. سندس چوڻ هو ته ملڪي تاريخ ۾ پاناما پهريون ڪيس آهي، جنهن جي بچاءَ ۾ سڀ آئيني ۽ قانوني حق صلب ڪيا ويا. کليل اکين سان ڏسي رهيا آهيون ته انصاف ۽ قانون جا تقاضا خراب طريقي سان پامال ٿي رهيا آهن پر اسان ڪارروائي ۾ شامل رهياسين، جڏهن فيصلو آيو ته هڪ پائي جي ڪرپشن، بدعنواني يا اختيارن جي غلط استعمال جو ڪو نڪتو سامهون نه آيو. اڳوڻي وزيراعظم چيو ته اسان جي آءِ ٽي اڳيان ڪيترائي ڀيرا پيش ٿياسين، جن کي واٽس ايپ ڪالز ذريعي چونڊيو ويو، جي آءِ ٽي ۾ اهي هيرا به هئا، جن خلاف جاچ هلي رهي آهي ۽ سپريم ڪورٽ به انهن خلاف ڪارروائي نٿي ڪري سگهي. نواز شريف وڌيڪ چيو ته هاڻ به اميد آهي ته ڪٿي نه ڪٿي انصاف ضرور آهي، ظاهري طور نشانو مان ۽ منهنجو خاندان آهي پر سزا سڄي قوم ۽ انهن جي ايندڙ نسلن کي ملي رهي آهي.27

 

پاڪستان خطي ۾ گڏيل سهڪار جون ڪوششون جاري رکندو: آرمي چيف

راولپنڊي  (اين اين آءِ)  پاڪ  فوج جي سربراهه جنرل قمر جاويد باجوا  سان پاڪستان ۾ مقرر چيني سفير سن ويڊانگ الوداعي ملاقات ڪئي ڪئي. پاڪ فوج جي شعبي عام تعلقن (آئي ايس پي آر )  جي مطابق چيني سفير آرمي چيف جنرل قمر جاويد باجوا  سان الوداعي ملاقات ڪئي جنهن ۾ گڏيل دلچسپي   تي خيالن جي ڏي وٺ ڪئي وئي . آئي ايس پي آر جي مطابق  چيني سفير خطي م امن ۽ استحڪام جي  لاءِ پاڪ فوج جي ڪردار جي تعريف ڪئي جڏهن ته آرمي چيف پاڪستان ۾ خدمتون سر انجام ڏيڻ تي چيني سفير جو شڪريو ادا ڪيو.

 

دهشتگردن جا پروڊڪشن آرڊر جاري ڪرڻ جو ذميوار هڪ سزا ماڻيندڙ ڏوهاري هو: رپورٽ

ڪراچي (ويب ڊيسڪ) سي ٽي ڊي سينٽرل جيل مان ٻن دهشتگردن جي فرار ٿيڻ بابت جاچ رپورٽ ۾ جيل جي اندرين سيڪيورٽي صورتحال کي انتهائي خطرناڪ قرار ڏنو آهي. ڪائونٽر ٽيررازم ڊپارٽمينٽ سينٽرل جيل مان فرار ٿيل خطرناڪ دهشتگردن بابت رپورٽ گهرو کاتي کي جمع ڪرائي ڇڏي، جنهن ۾ انڪشاف ڪيو ويو هو ته ٻئي دهشتگرد افغانستان فرار ٿي ويا آهن. سي ٽي ڊي جاچ بابت رپورٽ دهشتگردي ٽوڙ عدالت ۾ به جمع ڪرائي ڇڏي آهي. رپورٽ ۾ سنگين انڪشاف ڪيا ويا هئا ته واقعي جي رات 11 وڳي جيل کي تالو لڳايو ويو، دهشتگردن جا پروڊڪشن آرڊر جاري ڪرڻ جو ذميوار هڪ سزا ماڻيندڙ ڏوهاري هو، ڏوهاري ارشد علي ڏوهاري نديم جي جاءِ تي محمد احمد عرف منا کي پروڊڪشن آرڊر جاري ڪيا. رپورٽ موجب جيل انتظاميا ڏوهاري ارشد علي کي جيل ڪلرڪ ياسر علي جو اسسٽنٽ بڻائي رکيو هو ۽ فرار ٿيندڙ دهشتگرد شيخ محمد ممتاز کي وارڊن جي سيڪيورٽي جو ذميوار بڻايو ويو هو. رپورٽ ۾ ٻڌايو ويو آهي ته سينٽرل جيل جي ٻاهرين سيڪيورٽي جا انتظام مناسب آهن پر اندرين سيڪيورٽي جي صورتحال الارمنگ آهي، عملي کي دهشتگردن جي وارڊ ۾ ويهڻ جي اجازت نه هئي، جڏهن ته دهشتگردن کي رڪارڊ روم ۽ حساس دستاويزن تائين رسائي هئي. رپورٽ موجب وارڊ نمبر 25 ۽ 26 ۾ قيد دهشتگرد ڪيترائي ڀيرا عملي کي تشدد جو نشانو بڻائي چڪا هئا پر دانهن باوجود بااثر قيدين خلاف ڪا ڪارروائي نه ڪئي وئي. سي ٽي ڊي رپورٽ ۾ سينيئر سپرنٽينڊنٽ ۽ ڊپٽي سپرنٽينڊنٽ جيل سميت 10 آفيسرن ۽ اهلڪارن کي نوڪري مان ڪڍڻ جي سفارش ڪئي آهي.27

 

عوام ان وزيراعظم سان انصاف ٿيندي ڏسڻ چاهي ٿو، جنهن کي ووٽ ڏئي وزيراعظم بڻايو: مريم اورنگزيب

اسلام آباد  (اين اين آءِ) سڌ سماءَ جي مملڪتي وزير مريم اورنگزيب  چيو آهي ته سڄو پاڪستان ڏسي رهيو آهي ته خدشن باجود ادارن جو احترام، قانون ۽ آئين جو احترام ڪير ڪري رهيو آهي ۽ ادارن کي ڌمڪائي گارگند ڏئي معافي ڪير وٺي رهيو آهي، محمد نواز شريف احتساب عدالت ۾ پيش ٿي اڄ به پاڪستان جي آئين ۽ قانون جو احترام ڪيو ۽ ادارن کي مضبوط ڪرڻ جو نئون مثال قائم ڪيو، فيئر ٽرائيل محمد نواز شريف ۽ ان جي خاندان جو آئيني حق آهي، اڱاري تي جاري ڪيل بيان ۾ هن چيو ته خدشن جي باوجود ادارن جو احترام ڪير ڪري رهيو آهي ۽ اهو پاڪستان ڏسي رهيو آهي ته ادارن کي ڌمڪائي گارگند ڏئي پوءِ معافي ڪير گهري رهيو آهي. هن چيو ته نواز شريف سمورا قانوني حق هجڻ جي باوجود عملي طور تي قانون جي پاسداري ڪئي ۽ ادارن جي عزت ڪئي، ٻين وانگر چيلهه جي سور ۽ مٿي جي سور جو بهانو نه بڻايو پر سڄي خاندان کي پاڪستان جي قانون اڳيان پيش ڪيو، هن چيو ته پاڪستان جي ڪهڙي وزيراعظم ۽ خاندان ان کان اڳ اهڙو مثال قائم ڪيو آهي، پاڪستان جو عوام ان وزيراعظم سان انصاف ٿيندي ڏسڻ چاهي ٿو جنهن کي پاڪستان جي عوام ووٽ ڏئي وزيراعظم بڻايو. محمد نواز شريف پاڪستاني قوم جي ووٽ جي تقدس ۽ تحفظ جو ٻيڙو هلايو آهي، هن چيو ته پاڪستان جي عوام جي ووٽ جي تقدس سان ئي پاڪستان جو تحفظ لاڳاپيل آهي.

 

ڪراچي سنڌ جو اڻٽٽ حصو آهي، ڌار صوبي جي ڳالهه نه ڪئي وڃي: خورشيد شاهه

جيڪب آباد  (اين اين آءِ) قومي اسيمبلي ۾ مخالف ڌر جي اڳواڻ سيد خورشيد شاهه چيو ته ڪراچي سنڌ جو اٽوٽ حصو آهي صوبي جي الڳ ٿيڻ جي ڳالهه نه ڪئي وڃي. ڪنڌڪوٽ ۾ ميڊيا سان ڳالهائيندي خورشيد شاهه چيو ته سياستدانن کي برداشت جو مظاهرو ڪرڻ گھرجي. ملڪ هن وقت نازڪ صورتحال مان گذري رهيو آهي . پاڪستان جي خلاف وڏيون سازشون ۽ ان کي ٽوڙڻ جون ڳالهيون ٿي رهيون آهن، پر اسان ٻڌائڻ ڇاهيون ٿا ته ڪراچي سنڌ جو اٽوٽ حصو آهي ۽ ڌار صوبي جون ڳالهيون نه ڪيون وڃن. هن چيو ته اسان هميشا جمهوريت ۽ پارليمينٽ جي ڳالهه ڪئي، اسانجي خواهش وزيراعظم بڻجن جي نه آهي پر پارليمينٽ ۽ جمهوريت کي مضبوط ڪرڻ جي خواهش آهي. اسان عمران خان  کي روڊن تان کڻي پارليمينٽ ۾ پڪڙي آندو سي ۽ 8مهينن جون پگھارون به ڏياريون، جڏهن ته ايم ڪيو ايم کي پارليميٽ ۾ واپس آڻڻ وارا به اسان ئي اهيون، پرويز مشرف ٻآهر ويهي گدڙ واريون ڀبڪيون هڻي رهيو آهي. جڏهن ته بينظير ڀٽو پنهنجي زندگي ۾ مشرف کي پنهنجو قاتل قرار ڏئي چڪي هئي.

 

 

ڪراچي: وڏي وزير طارق روڊ تي واقع شاپنگ سينٽر جي پارڪنگ عوام لاءِ کولڻ جو حڪم ڏئي ڇڏيو

ڪراچي (اسٽاف رپورٽر): سنڌ جي وڏي وزير سيد مراد علي شاهه چيو آهي ته طارق روڊ تي واقع شاپنگ سينٽرز جي پارڪنگ کي عوام لاءِ کوليو وڃي ته جيئن ماڻهن کي گاڏين جي پارڪنگ ۾ سولائي ٿئي ۽ سندن گاڏيون روڊ تي نه بيهارن ڇاڪاڻ ته ان سان ٽريفڪ جي رواني متاثر ٿيندي آهي. هن اها ڳالهه اڄ طارق روڊ ٽريڊز ويلفيئر ايسوسيئيشن جي صدر اسلم ڀٽيءَ جي اڳواڻيءَ ۾ هڪ وفد سان وزيراعليٰ هائوس ۾ ملاقات دوران ڪئي. وفد ۾ طارق روڊ ٽريڊز ويلفيئر ايسوسيئيشن جو صدر اسلم ڀٽي، محمد اسد توفيق، جنرل سيڪريٽري فواد خان، پريس سيڪريٽري هارون اظفر، نائب صدر (بلاڪ بي) محمد عظيم، نائب صدر (بلاڪ ڊي) ظفر اقبال، نائب صدر (بلاڪ اَي) محمد محمود سميت وڏي وزير جي پرنسپل سيڪريٽري سهيل راجپوت ۽ ٻين شرڪت ڪئي. ملاقات ۾ طارق روڊ ٽريفڪ جي موجوده صورتحال کي بهتر بڻائڻ ۽ ٽريفڪ جي رواني متاثر ڪندڙ حددخلين کي هٽائڻ، شاپنگ سينٽرز جون پارڪنگ کولرائڻ سميت ٻين معاملن تي خيالن جي ڏي وٺ ڪئي وئي. وڏي وزير چيو ته طارق روڊ تي واقع ڪجهه شاپنگ سينٽرز کي پارڪنگ هوندي به عوام لاءِ نه پئي کولي وڃي. هن وفد کي پارڪنگ کولرائڻ ۽ حددخليون جي خاتمي لاءِ وڌيڪ اپاءَ وٺڻ جا حڪم ڏيندي هدايت ڪئي ته اسان طارق روڊ جي تعمير ڪئي آهي، هاڻ اوهان کي ان جي سارسنڀالڻ ڪرڻ گهرجي. هن چيو ته دڪاندار رات داري دڪان بند ڪرڻ کانپوءِ پنهنجو ڪچرو روڊ تي اڇلائيندا آهن جنهن سان عوام جي ڏکيائين ۾ واڌ ٿيندي آهي جيڪو ڳڻتيءَ جوڳو عمل آهي. جنهن تي ايسوسيئيشن جي وفد سمورن دڪاندارن پاران ڪچرو نه اڇلائڻ جو يقين ڏياريو. وڏي وزير چيو ته هن خالد بن وليد روڊ تي شورومز ٻاهران روڊن تي ٻيهر گاڏيون بيهارڻ جون شڪايتون مليون آهن. هن ڊي آءِ جي ٽريفڪ کي هدايت ڪئي ته شورومز ٻاهران گاڏين جي پارڪنگ نه ڪرڻ واري حڪم تي سختيءَ سان عمل ڪرايو وڃي ڇاڪاڻ ته گاڏين جي پارڪنگ سبب ٽريفڪ جام جهڙي مسئلا پيدا ٿي رهيا آهن انڪري ان مسئلي جو فوري حل ضروري آهي. وڏي وزير لاڳاپيل اهلڪارن کي شهر ۾ قبرستان ڏانهن ويندڙ رستن مان حددخليون ختم ڪرڻ جون به هدايتون جاري ڪيون.

 

آزاد ۽ شفاف چونڊون اسان جي اولين ترجيح آهي، پر چونڊ نتيجن کي مڃڻ به انتهائي اهم آهي: محمد زبير

ڪراچي (پ.ر) گورنر سنڌ محمد زبير چيو آهي ته آزاد ۽ شفاف چونڊون اسان جي اولين ترجيح آهي، پر چونڊ نتيجن کي مڃڻ به انتهائي اهم آهي. ايندڙ چونڊن ۾ عوام ڪارڪردگي ۽ اهليت جي بنياد تي ووٽ ڏينداسين. نواز شريف جي نااهلي سان متعلق سپريم ڪورٽ جي فيصلي جي مثال دنيا ۾ نه ملندي. حڪومت سنڀالي ته سڄي خرابين کي تبدريج درست ڪيو. امن و امان ۽ معاشي صورتحال هاڻ تمام بهتر ٿي چڪي آهي. ماضي ۾ ڪراچي کي خراب حالت کي بهتر ڪرڻ ۾ سياسي خواهش جو فقدان هو. مشرف دور ۾ ماڻهن کي مارڻ جو لائسنس مليل هو. اهڙن خيالن جو اظهار هن ڪونسل آف پاڪستان نيوز پيپر ايڊيرز جي آفيس ۾ ميٽ دي ايڊيٽرز پروگرام کي خطاب ڪندي ڪيو. هن چيو ته نواز شريف جي مقدمي کان وٺي نااهلي تائين معاملي سان توهان سڀ ماڻهو بخوبي واقف آيو. سپريم ڪورٽ جي فيصلي سان اسان مطمئن نه آهيون. پٽ جي پگهارن کي ظاهر ڪرڻ خراب اڪائونٽنگ چورائيندي آهي. ان سان اهو مطلب به نڪري سگهجي ٿو ته ان جو مقصد ڪجهه ٻيو آهي.

 

نواز شريف کي سرڪاري پروٽوڪول ڏيڻ وڏي شرم جوڳي ڳالهه آهي: عمران خان

اسلام(ويب ڊيسڪ)پاڪستان تحريڪ انصاف جي چئيرمين عمران خان چيو آهي ته نااهل وزيراعظم کي پروٽوڪول ڏئي معاشري کي اهو پيغام ڏنو ته طاقتور بناخوف جي قانون ٽوڙي سگهي ٿو. جڏهن ته عمران خان سماجي رابطن واري سائيٽ توئٽر تي جاري ڪيل پنهنجي بيان ۾ چيو ته “هڪ بي عزت ۽ نا اهل وزير اعظم کي سراڪاري پروٽوڪول ڏنو ويو، هو نه صرف نااهل آهي پر ٽيڪس چوري، جعل سازي، مني لانڊرنگ، ۽ ٻيا الزام آهن ان کي سرڪاري پروٽوڪول ڏيڻ وڏي شرم جوڳي ڳالهه آهي.پاڪستان تحريڪ انصاف جي چئير مين عمران خان آئي بي چيف کان اسٽيفيٰ جو مطالبو ڪري ڇڏيو آهي. آئي جي بي چيف کي رياست جو وفادار هئڻ گهرجي نواز شريف جو نه، آئي جي بي چيف اهو 4 ڏينهن لنڊن ۾ ڇا ڪري رهيو هو ؟ ڇا هو نااهل وزير اعظم سان ملڻ وي هو؟ عمران خان چيو ته آئي بي چيف رياست جو نمائندو آهي شريف خاندان جو نه ان کي فوري طور تي اسٽيفيٰ ڏئيڻ گهرجي.

 

هڪ شخص کي بچائڻ لاءِ قانونن ۾ ترميم ڪئي پئي وڃي، ملڪ ۾ سياست، جمهوريت ۽ ادارا يرغمال بڻيل آهن: سراج الحق

پشاور(م.ڊ)  امير جماعت اسلامي سينيٽر سراج الحق جو چوڻ آهي ته هڪ شخص کي بچائڻ لاءِ قانونن ۾ ترميم ڪئي پئي وڃي، ملڪ ۾ سياست، جمهوريت ۽ ادارا يرغمال بڻيل آهن، ميڊيا سان ڳالهائيندي هن وڌيڪ چيو ته اسيمبلين کي پنهنجو مدو پورو ڪرڻ گهرجي، وقت کان اڳ اليڪشن واري ڳالهه عمران خان جي ذاتي راءِ آهي، ساڻس ان بابت ڪابه مشاورت ناهي، هن چيو ته نواز شريف عدالت ۾ پيش ٿيو، جيڪا سٺي ڳالهه آهي، هاڻي ته وڏن ماڻهن به عدالتن ۾ حاضري ڏيڻ شروع ڪئي آهي، هن چيو ته غريب ماڻهو پارليامينٽ تائين پهچي نه ٿو سگهي، اسان اهڙو پاڪستان چاهيون ٿا، جتي سڀني کي برابري جي بنيادي تي حق حاصل هجي.