تازيون خبرون

Daily Archives: September 26, 2017

پدماوتي ۾ دوپيڪا پڊڪون کي هيروئين ڪاسٽ ڪرڻ تي هنگامو

ممبئي(شوبز نيوز)  ڀارتي فلمساز سنجي ليليٰ ڀنسالي تاريخي واقعن تي فلمون ٺاهڻ جي حوالي سان مشهور آهي، جڏهن ته ان جي هر فلم ڪنهن نه ڪنهن تڪرار ۾ ضرور ڦاسي پوندي آهي. تازو ئي سنجي ليليٰ ڀنسالي جي نئين فلم جو پوسٽر جاري ٿيو جنهن ۾ فلم جي هيروئن دوپيڪا پڊڪون کي راني پدماوتي جي روپ ۾ ڏيکاريو ويو آهي، جڏهن ته ڀارتي شهري ان ڪردار لاءِ دوپيڪا پڊڪون کي چونڊن  تي ناراض ٿي ويا آهن، جڏهن ته انهن جو چوڻ هو پدماوتي ڪافي خوبصورت ۽ رنگ اڇو آهي جڏهن ته دوپيڪا سانوري  آهي  انڪري هوءِ ان ڪردار جي لاءِ صحيح ناهي، فلم پهرين ڊسمبر تي رليز ڪئي ويندي ۽ ان فلم ۾ دوپيڪا سان گڏ رنوير سنگھه به گڏ هوندو جيڪو علاوءُ الدين خلجي جو ڪردار ادا ڪندو، سماجي رابطن جي ويب سائيٽ تي  ڀارتي شهرين  دوپيڪا کي ڪاسٽ ڪرڻ تي فلمسازن جي وڏي تنقيد ڪئي ، تنقيد ۾ ماڻهن چيو ته انهن کي شڪ آهي ته سنجي ليليٰ ڀنسالي تاريخ کي ڀڃ ڊاهه ڪري پيش ڪندو ۽ ڪجھه جو چوڻ آهي ته ان فلم ۾ دوپيڪا جي بدران گوري رنگ واري ڪنهن هيروئين کي ڪاسٽ ڪرڻ گھرجي جھڙوڪ ڪترينا ڪيف يا ايشوريا رائي.

 

ڪرن واهي فلم ”هيٽ اسٽوري فور“ ۾ هيرو طور نظر ايندو

ممبئي(شوبز نيوز) ڀارتي ٽي وي اداڪار ڪرن واهي فلم ”هيٽ اسٽوري فور“ ۾ هيرو طور نظر ايندو. ميڊيا رپورٽن مطابق ڪرن واهي، اروشي روٽيلا، سان فلم ”هيٽ اسٽوري فور“ ۾ نظر ايندو. فلم ”هيٽ اسٽوري“ سلسلي جي فلمن ۾ ان کان اڳ ٻه ٽي وي اداڪار شامل ٿي چڪا آهن، جن ۾ جيا ڀنسالي ۽ ڪرن سنگهه گروور شامل آهن. جيڪي هيٽ اسٽوري ۽ هيٽ اسٽوري ٿري جو حصو هئا ۽ هاڻي ان سلسلي جي چوٿين فلم ۾ ڪرن واهي نظر ايندو.

 

پاڪستاني ڪرڪيٽرن بورڊ کي پاڻ کانسواءِ معلومات فرهم ڪرڻ کان صاف انڪار

لاهور (شُوبز نيوز) سينٽرل ڪانٽريڪٽ ۾ شامل ڪرڪيٽر پي سي بي کي پاڻ کانسواءِ معلومات فراهم ڪرڻ کان صاف انڪار ڪري ڇڏيو، ذريعن ٻڌايو آهي ته ڪجھه عرصو اڳ پي سي بي جي اينيٽي ڪرپشن يونٽ ۾ خدمتون ڏيندڙ ڪرنل رٽائرڊ اعظم پاران رانديگرن کي هڪ خط لکيو ويو جنهن ۾ سينٽرل ڪانٽريڪٽ ۾ شامل 35 ڪرڪيٽرن سان ان جي زال، ڀيڻ ۽ ڀائرن سيمت والدين جي مالي اثاثن  ۽ ملڪيت جا تفصيل طلب ڪيا ويا، پهريان ته ڪرڪيٽرن اهڙي قسم جي معلومات  ڏيڻ جي حوالي سان حيرانگي ظاهر ڪئي ۽ چٽن لفظن ۾ ٻڌايو ته هو پنهنجي حوالي سان ته سموري معلومات بورڊ سان شِئر ڪرڻ لاءِ تيار آهن پر پي  سي  بي جي اعظم جي گھربل گذارشن تي تفصيل فراهم ڪرڻ ان لاءِ ڏکيائي نه پر نا ممڪن هوندو. خاص طور تي شعيب ملڪ ته الٽو پي سي بي کي سوال ڪيو ته ان جي گھر واري ته ڀارتي شهري آهي هوءَ ڪيئن پي سي بي کي ان جا بينڪ اڪائونٽ ۽ ملڪيت جا تفصيل  ادا ڪري سگھي ٿي.

 

ميگ لينگ انجري سبب وومينز ايشز سيريز کان ٻاهر

سڊني (شُوبز نيوز) ڪرڪيٽ آسٽريليا ريڪل هائنز کي انگلينڊ خلاف شيڊول وومينز ايشز سيريز لاءِ وومين ٽيم جو نئون ڪپتان مقرر ڪيو آهي. ان کي ريگيولر ڪپتان ميگ لينگ بدران اها ذميواري ڏني وئي آهي. جيڪا انجري مسئلن سبب سيريز مان ٻاهر ٿي چڪي آهي. آسٽريليا ڪرڪيٽ طرفان جاري ڪيل بيان مطابق ميگ لينگ ورلڊڪپ دوران ڪنڌ جي انجري جو شڪار ٿي هئي صحت صحيح ٿيڻ جي عمل کان گذري رهي آهي. هوءَ ايشز سيريز ۾ به ٽيم ۾ شامل نه ٿيندي. ياد رهي ته آسٽريليا ۽ انگلينڊ وومينز ٽيمن وچ ۾ ايشز سيريز ۲۲ آڪٽوبر کان شروع ٿيندي.

 

اسحاق ڊار ۽ نواز شريف سان ٿيندڙ احتساب ۽ عوام  جا حق ..!: غلام مصطفيٰ جمالي

پاڪستان جواڳوڻو وزيراعظم ميان نواز شريف پاڪستان ايئر لائين جي جهاز نمبر 786جي ذريعي لنڊن مان پاڪستان پچهي ويو جتي کيس عدالت جي اڳيان پنهنجو احستاب ڏيڻو هو،جڏهن ته ميان نواز شريف جئين پاڪستان پهتو ته جهاز مان لهڻ وقت سندس جهڙي جي هلڪي مسڪرهٽ موجود هئي ۽ ائين لڳي رهيو هو لنڊڻ مان ميان نواز شريف خوشيون پاڻ سان گڏ کڻي آيو آهي،پنجبا هائوس تي جڏهن ميان نواز شريف پهتو ته ايازصادق پرويزرشيد،۽ خواجه سعيد رفيق سان ملاقات ڪئي،ان موقعي تي ميان نواز شريف چيو ته هن ڪا به ڪرپشن ناهي ڪئي هن ڪو به پسئو ناهي کاڌو،جڏهن ته اڄ ميان نواز شريف عدالت اندر پيش ٿيدو،جڏهن ته ٻئي پاسي پاڪستان جو ناڻي وارو وزيرجڏهن پنهجو احستاب ڏيڻ لاءِ عدالت پهتو ته مسلسل پنهنجا ئي نهن چٻاڙيندو رهيو ۽ سندس چهري تي پريشاني صاف ۽ واضَع ڏسڻ ۾ اچي رهي هئي،جنهن مان اهو صاف ظاهر ٿو ته اڳيان اسحاق ڊار لاءِ وقت وڏيون مصبتون کڻي ايندو ،برحال سنڌي ۾ هڪ چوڻي آهي ته کائيندڙ هڪ ڏينهن اوجهه ضررو ڏيندو آهي،انڪري پاڪستان حڪمرانن به هاڻي عوام جي لٽيل پسئي جو اوجه ڏئي رهيا آهن،هوئن ڏٺو وڃي ته جيتيري قدر دنيا اندر ڪيترن ئي  حڪومتن جو راج آهي.ڪٿي جهموريتي نظام،صدارتي نظام،پارليامينٽي نظام،ته ڪٿي ڊڪٽيئرشپ،يا بادشاهت،ته ڪٿي حزب اختلاف،پر مان سمجان ٿو ته جهموريت معاشري جو لازمي جز آهي.انساني زندگي لاءِ جمهوريت شهه رڳ آهي.۽  جمهوريت مان جي ترقي ٿيندي آهي ۽  عوام کي تمام گهڻو فائدو پهچندو آهي  شايد انهي ڪري پاڪستان اندر آمريت جي دور اندر ۽  جمهوريت کان اقتدار ڦريندڙ آمريت خلاف گڏجي سموري عوام هڪ ٿي ڪري آواز اٿاريو ۽ آمرييت کي ختم ڪري وري ترقي اندر هڪ نئي جمهوريت کي کي جنم ڏنو، پر اها واضع حقيقت آهي ته جمهوريت مان فائدو ئي آهي جي فائدو نه هجي هان ته ترقي جي عوام مرڻ مارائڻ جي حد تائيئن نه وڃي ها.! اڄ انهي مسلمان ملڪ ترڪي جو اهڙو عروج آهي جو هن تي ڪنهن به ملڪ جو قرض ناهي ۽ آمريڪا کانپوءِ واحد اهو ترڪي ملڪ آهي جيڪو دنيا جي ملڪ ۾ فنڊنگ ڪندو آهي،پر اتي پاڪستان اندر ڏٺو ويو آهي  جمهوريت رڳو ناهي جي آهي هتي  جي معيشت تباهه ٿي چڪي آهي ۽  عوام وڏي مسئلن جي وڙ چڙهيل آهي،پر تنهن هوندي به پاڪستاني عوام انهي لوڙِي لنگڙِي جهموريت کي پسند ڪندي آهي، پر اتي سوال اهو به آهي ته ڇا اها جهموريت صوبن کي برابري جي اک سان ڏسي  ٿي،۽ ڇا پاڪستان اندر هر صوبي کي برابري جا حق ملي رهيا آهن.؟ڇا هر صوبي جي عوام جا مسئلا مسائل هڪ جهڙا آهن ۽ انهن جي حل لاءِ ڪوششون به هڪ جهڙيون آهن.؟ ڇوته جيڪا جهموريت صوبن ۽ عوام جي جذبات  ۽ احساس ۽ مشڪلاتن،۽ مسئلن جي ترجماني ڪري ٿي ۽ ملڪ جي حڪومت کي به سڌي رستي تي هلڻ ۾ مدد ڪري .انهي کي ئي اصل جمهوريت چئبو آهي.پر اهو دنيا اندر ضرور ڪٿي نه ڪٿي هوندو ۽ آهي ته پر پاڪستان اندر اهڙو ڪو به ماحول ناهي جنهن جي جهموريت اندر عوام کي رليف مليو هجي، هي پاڪستان اندر2008۾ شروع ٿيڻ واري جهموريت جي ٻيو دور هو. جڏهن ته 1999کان وٺي 2007تائين مشرف جي ڊڪٽيئرشپ قائم هئي. ضياالحق جي مارشلا ۾ 1985 اندر غيرجماعتي اليڪشن سان هڪ نئي سياسي سفر جي شروعات ٿي.ته 1999تائين ڪا به سياسي پارٽي پنهنجي آئيني مدت پوري ڪري نه سگهي.سڀ کان پهرين محمد خان جويڻيجو صاحب کي جرنل ضياالحق گهر ڀيڙو ڪيو .پوءِ محترمه بينظير ڀٽو ٻه دفعا ۽  ميان نواز شريف ٽي  دفعا گهر ڀيڙو ٿيو.جون 2013جي موقعي جي اهو پهريون هو جڏهن سياسي حڪومت پنهنجي آئيني مدو پورو ڪيو ۽ هڪ ٻئي سياسي پارٽي پنهنجو آئيني حق سنڀاليو.پر اهي به ڳاليهون عام آهن ته آصف علي زرداري جي صدر ٿي ۽ يوسف رضا گيلاني جي وزيراعظم واري دور اندر پاڪستان ۾ ميگاڪرپشن ٿي هئي.جنهن جي هن وقت جاچ هلي رهي آهي.جنهن جي جاچ جي نيب وٽ ڪيترائي ڪيس موجود آهن. جڏهن ته ڊاڪٽر عاصم به  نيب ڪرپشن ڪيس اندر جيل ۾ بند آهي.جنهن کان سندس دور اندر ٿيندڙ ميگاڪرپشن جي جاچ هلي رهي آهي.جڏهن ت ڳالهه رڳو ڊاڪٽر عاصم جي ناهي بلوچستان واري ريئساڻي جو به اوهان قصو ضرور ٻڌو هوندو جيڪو به  ڪرپشن جو چٽو ثبوت آهي جنهن جي بيڪري جي پيڪٽن مان به پئسا نڪتا هئا ۽ گهرمان ته ايترا پئسا نڪتا جو پئسا ڳڻڻ واريون مشنيون به ڪم ڪرڻ ڇڏي ويو هنيون، هي اهو دور هو جنهن دور اندر عوام  واقعي عذاب ڀوگيندڙ دور مان گذري رهي هئي،بدترين لوڊشينگ عوام جو جيئڻ جنجال ڪري ڇڏيو هو.منگهائي عروج تي پهتل هئي.جڏهن ته نوڪريون پئسن تي وڪرو ڪيون ويون.غريب مسڪين ماڻهن جي حقن تي ڌاڙا هنيا ويا.مئي 2013اندرٿيندڙ ايڪشن انهي ڳالهه جي گواه بڻي ته پ پ پاڪستاني قوم سان ڪيتري وفا ڪئي.عوام پ پ جي نمائيندن جي سراسر مايوسي ڏني ۽ پ پ صرف سنڌ صوبي تائين محدود رهجي وئي.اها به ڳوٺن ۽ ننڍن شهرن تائين…!ڇو ته سنڌ اندر وڏن شهرن ۾ ته ايم ڪيو ايم جو راج بڻجي ويو .جيڪو خد سنڌ لاءِ خطرو آهي .خطرو انهي لاءِ انهي ته هو اليڪشن کٽي ڪري اچي اقتدار جون ڪرسيون ولاريندي پر خطرو انهي ڳالهه جو آهي انهن هميشه سنڌ ورهائڻ جي ڳالهه ڪئي آهي جيڪا سنڌ ٽوٽڻ جو مصنصوبو ۽ هڪ وڏو خطرو آهي ،جڏهن ته ڪي پي ڪي اندر عمران خان صاحب پنهنجي حڪومت ٺاهڻ ۾ ڪامياب  ويو.پر اها به حقيقت آهي ته جيڪڏهن ميان نواز شريف مولانا فضل الرحمان جي ڳالهه مڃي وڃي ها ته شايد پوءِ عمران خان لاءِ به ڪي پي ڪي ۾ حڪومت ٺاهڻ مشڪل ٿي پوي ها.بلوچستان اندر قوم پرست  نيشل پارٽي کي حڪومت ٺاهڻ جو موقعو ڏنو ويو.پنجاب ته نواز شريف وٽ ئي رهيو.ان ڪري سمورا صوبا جمهوريت تي قائم رهيا ۽ وري به هڪ جمهوري حڪومت پاڪستان اندر قائم ٿي ، جمهوريت هڪ وڏي ڳالهه آهي.جنهن اندر سمورين صوبن کي برابري جو حق حاصل هوندو آهي.پر اڄ هن سياسي دور اندر اهڙو ڪو به حق ڏسڻ ۾ نه پيو اچي.بقول سابق وزيراعظم ميان نواز شريف جي ته هن پنجاب اندر ترقياتي ڪمن جا ڄار وڇائي ڇڏيا آهن،هاري پيڪج کان ويندي تعليم جي معيار لاءِ شاگردن جي وضيفا،بيروزگارن کي روزگار جا موقعا،معذورن لاءِ اي ٽي ايم ڪارڊ ذريعي هر ميهني اندر ملندڙ رقم،ميٽرو بس سروس وغيره ڏينون آهن پر اها سندس سمورا ڪارنامه ڪارڪردگيون هڪڙي پاسي رکي ڪري پاناما ليڪس معاملي تي کيس نااهل ڪيو ويو.جيڪو جنهن اندر جواز اهو ڄاڻايو ويو هو ته هن سندس پٽ جي فيڪٽري مان پگهار نه کنيو هو، جنهن کان پوءِ جهموريت دل جي ڏسائيندڙ سابق وزير اعظم سندس گهر واري ڪلثوم نواز جيڪا ڪينسر جي مرض ۾ متبلا آهي ۽ لنڊن اندر زيراعلاج آهي انهي جي سارسنڀال لهڻ لاءِ لنڊن روانو ٿي وي ۽ ڪيترا ئي ڏينهن لنڊن ۾ گذاري ڪري ڪالهه وري وري پاڪستان آيو مان مان سمجهان ٿو ته ڪلثوم نواز جي ڪينسر ۽ ميان نواز شريف جي لنڊن واري دوري ۽ پاڪستان وزيراعظم خاقان عباسِي جو جي لنڊن روانگي ۽ وري پاڪستان اچڻ کانپوءِ ان ڏينهن کان وٺي هن وقت تائين جمهوريت بيمار آهي،ڇو ته پاڪستان وزيراعظم ڀلي خاقان عباسي هجي ته اڄ ته نواز شريف پاڻ کي وزيراعظم تسليم ڪري ٿو ۽ اهو ئي سبب آهي جو بيمار جمهوريت تي هن وقت  مسلسل تنقيد ٿي رهي آهي،انهي جمهوري نظام اندر  صوبي سنڌ تي هڪ نظر وجهون ته سموري صوبي اندر اهو سڀ ڪجهه جنهن سان پنجاب کي نوازيو ويو آهي.انهي مان ٿور ئي سهي پر سنڌ کي ڪجهه به ناهي ملي سهگيو آهي .مان ته سمجهان ٿو ته سموري سنڌ اندر اهڙو ڪو روڊ ناهي جنهن جي ميٽرو بس هلي سگهن.سنڌ حڪومت سنڌ صوبي جي سموري کاتن ۾ نظرانداز ڪيو ۽ پنجاب وفاقي حقن ۽ پيش ڪيل بجيٽ ۾ عوام جي ماري ڇڏيو .پر ان سان گڏ وفاق تي افسوس به آهي ته انهن صوبن کي بي يارو مدد گار ڇڏي ڏنو آهي.جنهن جي ڪري صوبا ترقي ڪرڻ بجاءِ هر ڏينهن پوئتي جي طرف ڌڪبا پيا وڃن.هر ڏينهن شهر کنڊارت جو ڏيک ڏيڻ لڳا آهن،سموري صوبي اندر صحت جو نالو ئي ناهي.ويچاري عوام تڙپي تڙپي مري رهي آهي.بک بدحالي جو راڪاس ڦري ويا آهن. هر هنڌ ڏٻرا جسم نظر ۾ اچي رهيا آهن.جتي سنڌ حڪومت نااهلي واري ڪرادر ادا ڪري رهي آهي.اتي قيامت جي ڏينهن وفاق جو به گلو ضرور پڙڪيو ويندو.هن وقت پنجاب جا قلمارڪار ن ليگ جي حق ۾ سهرا لکي رهيا آهن.پر شايد انهن کي به سنڌ جو سور وسري ويو آهي.ن ليگ حڪومت اچڻ کان پهرين سڀ کان اول ڪم پاڪستان مان بجلي جي لوڊشينگ تي ختم ڪرڻ جو عزم ڪيو هو پر اڄ تائين نه بجلي جو بحران گهٽيو ۽ نه اهي اهڙي ڪا راهه ڏسڻ ۾ پئي اچي جنهن مان اهو اندازو لڳي ته 2018تائين ملڪ مان بجلي جو بحران ختم ٿي ويندو.۽ هاڻ ته اهو تصور به ناهي جيڪو بجلي جي هام هڻندو هو. دنيا جي عالمي منڊين اندر تيل پاڻي جي اگهه ۾ وڪرو ٿي رهيو آهي.اسان وٽ هر روز تيل جو قيمتون گهٽجڻ بجاءِ وڌي رهيون آهن.پوري ملڪ اندر بجلي سان گڏ گئس جو به وڏو بحران هلي رهيو آهي.مٿان وري حڪومت بحران ختم ڪرڻ بجاءِ گئس جي ڳرو ٽيڪس لڳاءِ ڇڏيو آهي.پاڪستان ڪيترن ئي ملڪن سان پنهنجي ترقي جا منصوبا جوڙيندو پيو اچي.پر اها ترقي سواءِ پنجاب صوبي جي ٻئي ڪنهن به صوبي اندر نظر نه پئي اچي.ان ڪري جهموريت هڪ بهترين عمل آهي.پر ان عمل جو بهترين ڪم اهو آهي ته ان سان صوبن کي فائدو ٿي.هن وقت ن ليگ پنهنجي صوبي پنجاب تائين محدود ٿي ناني ڪننڙي وارو ڪم ڪري رهي آهي.ان سان سنڌ جي عوام ضرور مايوسي جو شڪار آهي.ڇو ته سنڌ حڪومت هوئن به سنڌ وارن جي سار لهڻ ڇڏي ڏني آهي.جنهن جو مثال سنڌ اندر هر طرف وڌندڙ بک بدحالي آهي .پر هاڻ ملڪي حڪومت جو به ڪو آسرو ڏسڻ ۾ نه پيو اچي.ان ڪري سنڌ جي عوام لاءِ ڪهڙا جعما ڪهڙا ڇنڇر ويهي ڳڻجن.هن عوام سان هر دور ۾ ظلم ۽ سور ساڳيو ئي آهي.پوءِ چاهي جهموريت هجي يا آمريت ڪهڙو ٿو فرق پوي…

mustafa.03333737575@gmail.com

 

حسينيت امن ، سلامتي جو نظريو آهي ….: مسرور سيال

عام طور تي هي سوال اٿاريا ويندا آهن ته ڪربلا ۾ جنگ ٿي هئي يا نه …..؟ ڪربلا جي جنگ آخر ڇو ٿي ….؟ انهن سوالن جي بنياد تي  اِها ڪوشش ڪئي وئي آهي ته ڪربلا سانحي کي جنگ جو رنگ ڏجي ۽ اُها جنگ ٻن شهزادن وچ ۾ اقتدار جي جنگ ثابت ڪرڻ جي ڪوشش ڪجي ان لاءِ ڪيترن ئي بيان  ڪرڻ جي ڪوشش ڪئي ، تحرير ڪيو پر عزاداري امام حسين اهڙن سمورين ڪوششن کي بدنيتي جو هجڻ  ثابت ڪيو آهي …… ۽ اِهو ثابت ڪيو ته  هي جنگ نه پر سانحو هو هي مظلوم جي آوازِ حق کي دٻائڻ لاءِ آمريتي ظلم هو جنگ ان کي چئبو آهي جيڪو ٻن ملڪن يا رياستن وچ ۾ ٿئي ٿي يا  ٻن ڌرين ۾هڪ ئي  مخصوص مفاد لاءِ  ٿئي ٿي  پر هتي ته نه ٻه ملڪ هئا نه وري ٻن  ڌرين جو هڪ ئي مخصوص مفاد هو ، هتي ته هڪ مظلوم هو ٻيو ظالم حڪمران هو ظالم جو  ته مفاد هو…….  ۽ اُهو هي هو  ته مظلوم سندس حمايت ڪري جئين سندس اقتدار قانوني شڪل وٺي سگھي  پر مظلوم جو اقتدار مفاد نه هو نه ئي ظالم حڪمران کان ڪو مطالبو مڃرائڻو هو مظلوم ته چٽو پٽو کيس فاجر فاسق ، ظالم قرار ڏئي ٿو کيس عوام مٿان حقِ حڪمراني جي لائق نٿو سمجھي ۽ مظلوم کي ان بنياد تي گھيري ۾ آندو وڃي ٿو  ته  جئين هو اقتدار جي طاقت ، فوجي دٻدٻي ، هٿيارن جي خوف ۾ اچي بعيت لاءِ راضي ٿئي ۽ سندس مقصد هو ته هي مظلوم سندس ناجائز حاڪميت کي تسليم ڪري وٺي  ۽ هن جي  هٿ تي بعيت ڪري ……  اِها بعيت ئي هئي جيڪا هن ناجائز توڙي ظالم  حاڪم جي حاڪميت کي جائز قرار ڏئي  پئي سگھي …… ٻيو هتي هڪ حڪمران جي بعيت جو به رڳو سوال نه هو پر ان نظريي کي به تسليم ڪرڻ جو مسئلو هو جيڪو يزيد ملعون ڏنو هو مطلب الله جي وحي جو انڪار ، نبوت جو انڪار ، حرام کي حلال ۽ حلال کي حرام ڪرڻ واري سوچ ، خلافت مان ملوڪيت ۾ تبديل ٿيل حڪمراني ، عوام مٿان ڏاڍ ، واري ظالماڻي سوچ کي تسليم ڪرڻ جو مسئلو هو امام حسين عليه السلام جي بعيت کان انڪار ٻن نطرين کي وجود ڏنو هڪ حسيني نظريو ٻيو يزيدي نظريو …….. جڏهن وليد بن عتبه گورنر مدينه امام حسين عليه السلام  کي دربار ۾ گھرائي بيعت لاءِ چيو يا نتيجه ڀوڳڻ جي ڌمڪي ڏني ته ان وقت امام ع جيڪو خطبو ڏنو اُن جو هي جملو ڪافي آهي جنهن ۾ پاڻ فرمايائون ته مون جھڙو ، يزيد جهڙي  جي بعيت ڪري اِهو ٿي نٿو سگھي …. مطلب مون جهڙو معنيٰ وقت جو محمد مصطفيٰ ص ….. يزيد جهڙي يعنيٰ وقت جي ابوجھل جي بعيت ڪري ممڪن ناهي …..! هن مان ثابت ٿئي ٿو ته ابوجھلي نظريو خيبر ، خندق ، تبوڪ حنين  سميت سمورين جنگين ۾ شڪست کائي مڪمل طور ڪمزور ٿيڻ کان پوءِ جيڪو  طاقتور ٿي يزيد جي صورت ۾ سامهون آيو هو ان دور جي محمد ص کي چئلينج ڪيو ته فرزندِ رسول  امام حسين ع محمدِ مصطفيٰ ص  بڻجي ان چئلينج کي قبول ڪيو ۽ ابوجھلي نظريي کي ٺڪرائي ميدانِ ڪارساز ۾ اچي نظريي محمدي کي نظريي حسيني جو غلاف پارائي پرچمِ وحدانيت و نبوت  کي پرچمِ عباس ع جو ويس پهرائي وقت جي آمر ، ظالم کي للڪاريو  ۽ چيو ته اڳ جڏهن اوهان مشرڪ هئا ته الله جي راھه ۾ اوهان جا ڪنڌ ڪپي ڏيکارياسين هاڻ جڏهن اوهان مسلمان جو روپ وٺي ميدان ۾ آيا آهيو ته پوءِ اسان پنهنجا ڪنڌ ڪپائي اوهان کي قيامت تائين ذليل ۽ خوار ڪري ڇڏينداسين . يزيد جيڪو سياسي نظريو اختيار ڪيو هو ۽ امام حسين ع کي حڪومتي ڏاڍ توڙي فوج ۽ هٿيارن جي زور تي ڪمزور ڪرڻ جي ڪوشش پئي ڪئي اتي امام حسين ع  جي صبر ، استقامت مظلومن کي هڪ اهڙو نظريو ڏنو جيڪو قيامت تائين مظلومن جي رهنمائي ڪندو رهندو ، ڪربلا پهچي امام ع سرزمين ڪربلا کي بني اسد قبيلي کان 70 هزار ڌرم عيوض  خريد ڪري هدايت جو رستو ڏنو ته هي حسين  ع جي ذاتي ملڪيت آهي اتي حڪومتي فوج چڙهائي ڪري رياستي دهشتگردي ڪئي آهي مظلومن جي امام ع ان دهشتگردي خلاف پنهنجو دفاع ڪيو آ … يزيدي سياست  حڪومتي مشينري سان عوام ۾ اِهو تاثر ڏنو ته  باغين اعلانِ جنگ ڪيو هو انهن خلاف ڪاروائي ڪئي وئي آهي جڏهن ته  حسيني تحريڪ اِهو فڪر ڏنو ته يزيد جنهن کي باغي چئي پيو اُهو امام حسين ع آهي جيڪو فرزندِ رسول ص آهي نورِ عين علي ع آهي جگر گوشه بتول س آهي  جيڪو باغي نه پر پنهنجي وجود  ۾ مڪمل دين آهي  جنهن تي نماز کي ناز آهي ، جنهن تي دين کي ناز آهي  جنهن تي عبادت ، رياضت کي فخر آهي …… اصل ۾ يزيد  امام حسين ع کان بعيت طلب ڪري دين سان بغاوت ڪرڻ جو ڏوھه ڪيو هو  ۽ ان سوال جو جواب به ڏئي ڇڏيو ته هي يزيد دهشتگردي ڇو ڪئي

قتلِ حسين ع تي جيڪا سياست ڪئي وئي اُها سڀني کي وائکو ڪري ڇڏيو ته فتح مڪه ۾ جيڪي هڪ رٿابندي هيٺ مسلمان ٿيا هئا انهن جا اصل عزائم ڪهڙا هئا   اُهي ظاهر ٿي دنيا جي سامهون اچي ويا ….. يزيد قتلِ حسين ع کي جائز قرار ڏيڻ لاءِ درباري ملن جو وجود  عمل ۾ آندو جن کي دولت ڏني وئي  ۽ انهن فتويٰ ڏئي ڇڏي  ته حسين ع جو قتل جائز آهي ……. دولتمند شاهوڪارن جي مال ملڪيت ضبط ڪرڻ توڙي سندن ٻچن کي قتل ڪرڻ جون ڌمڪيون ڏنيون ويون يزيد جي حمايت ڪرڻ تي کين وزارتون ۽ چڱ مڙسيون آڇيون ويون تاريخ گواھه آ ته چند امير گھراڻن جي باقي  سڀني يزيد جي آڇ کي قبول ڪيو ۽ امام حسين ع بجاءِ يزيد ملعون جو ساٿ ڏنائون ان وقت به غريب ۽ متوسط طبقي يزيد  لعنتي خلاف بغاوت ڪئي ان دور جو پورهيت طبقو ڪڏهن به نه وڪامجي سگھيو امام حسين ع جي حمايت ڪئي مثال ڪوفي ۾ ابنِ زياد قتلِ عام ڪرايو ،اُهي ڪير هئا ….. اُهي غريب ۽ پورهيت هئا سانحيءِ ڪربلا کان پوءِ جيڪي بغاوتون ڪيون اُهي ڪير هئا سي به غريب پورهيت يا قيدي هئا …… مطلب ڳالھه جو ته يزيدي سياست جيڪا ان دور ۾ شروع ٿي اُها اڄ به موجود آهي جتي به مظلوم تي ڏاڍ ٿئي ظالم ظلم ڪري محڪوم ، محروم  غلام قومن جا حق غضب ڪري ، حقدار کي حق نه ڏئي پنهنجي اقتدار کي بچائڻ لاءِ لالچون آڇي ، غريب ، مسڪينن مٿان ڏمرجندو هجي اُهو يزيد ملعون ئي ٿي سگھي ٿو يا ان جي سياست جو پوئلڳ ٿي سگھي ٿو ……… ان ڪري اِها ڳالھه سمجھڻ گھرجي ته اسان وٽ جيڪا سياست هلي رهي آهي ان جو واسطو ڪنهن سان آهي ……..! ڇا يزيد لعنتي جي واٽ واري سياست سان آهي يا مظلوم امام حسين عليه السلام جي عالمِ انسانيت جي بقاءَ واري فڪر سان لاڳاپو آهي …… جيڪڏهن امام مظلوم ع جي فڪر جا قائل آهيون ته پوءِ پاڻ کي اِهو ڏسڻو پوندو ته معاشري ۾ اسان کي ڪهڙي نگاھه سان ڏٺو وڃي ٿو جيڪڏهن احترام جي  نگاھه سان ڏٺو وڃي ٿو ته اسان جي  وابسطگي اثر ڏيکاري رهي آهي پر جي نفرت جي نگاھه سان ڏٺو وڃي ٿو ته پوءِ ان نفرت جو سبب ڪهڙو آهي …….. !؟ اُها نفرت ڪرڻ وارا اوهان کان اوهان جي سچ ۽ حق ڳالهائڻ جي بنياد تي ڪن ٿا ته پوءِ اوهان جي ڪاميابي آهي ان ڪري ته ان نفرت جو بنياد ئي محبتِ اهلبيت آهي …… ان ڪري امام محمد باقر عليه السلام فرمائن ٿا ته هڪ چاليھه گھرن تي مشتمل ڳوٺ هجي اتي صرف هڪ اسان جو مڃڻ وارو رهندو هجي ۽ اُتي ڪو مسافر اچي ۽ پڇا ڪري ته اوهان منجھان وڌيڪ سچو ، ايماندار ، متقي ، پرهيزگار ڪير آهي ته سڀ جا سڀ ان هڪ ڏانهن  اشارو ڪري چون ته هي جيڪو اهلبيت ع جي مڃڻ وارو آهي اُهو سچو ، ايماندار ، متقي ، پرهيزگار آهي ……. امام ع جي چوڻ جو مطلب هي آهي ته اوهان سان ماڻهونءُ اسان جي لاڳاپي  ڪري ڀل نفرت به ڪندا هجن تڪليفون به ڏيندا هجن پر جڏهن ڪردار جي  ڳالھه اچي ته اُهي سڀئي ان ڳالھه جي گواهي ڏين ته ڪردار ۾ ، افڪار ۾ هي اڪيلو سڀني کان مٿاهون آهي ۽ ڏسجي ته اِهو عمل ئي يزيدي سياست کي تباھه ۽ برباد ڪري ڇڏيندو آهي ڪربلا ۾ امام مظلوم ع هر موڙ تي پنهنجو تعارف ڪرائيندو رهيو ۽ يزيدين کي ٻڌائيندو رهيو ته ڏسو مان ڪير آهيان ، منهنجو ڪردار ڇا آهي ، منهنجي تربيت ڪهڙي ٿيل آهي ، منهنجو حسب نسب ڪهڙو آهي .. اوهان مون کي سڃاڻي وٺو ته يزيد جي لشڪر مان نڪري ويندو ۽ هڪ وڏي گناھه ڪرڻ کان بچي ويندو اِهو امام ع ان وقت جملا چيا ها جڏهن سندس جوان يوسف کان به هزار دفعا سهڻو پٽ سندس قمر جو زور ، اکين  جي ديد شهزادو علي اڪبر پنهنجي دل واري پاسي سيني تي ڀرڇي جھلي هئي ۽ جڏهن امام ع حضرت ابراهيم کي مخاطب ٿي چيو هو/ڏسو صفحو 3 بقايا نمبر 01

ته ڏاڏا ابراهيم ع اچ ڪربلا ۾ اچي ڏس ته مان پنهنجو اسماعيل ڪئين قربان ڪري رهيو آهيان منهنجي اسماعيل جا هٿ پير به ٻڌل ناهن اکين تي پٽي ناهي نه ئي منهنجي اکين تي پٽي آهي مان پنهنجي اسماعيل علي اڪبر ع جي سيني مان ڀرڇي ڪڍا ٿو ….. هي جملا مولا ع ان وقت به چيا ها جڏهن شهزادي علي اصغرع  جي ڳلي تي تير لڳڻو هو اي فوج عشقيه مون حسين ع  کي هاڻ به سڃاڻو مان ڪير آهيان منهنجي معرفت اوهان لاءِ نجات جو سبب بڻبي پر بدلي ۾ حسين ع جي 6 مهينن جي لال کي ڳلي ۾ تير برداشت ڪرڻو پيو ، مولا پنهنجي معصوم شهيد جي ڳلي مان نڪتل خون جڏهن زمين ڏانهن موڪليوپئي ته زمين تڙپي چيو هو مولا هي خون ناحق مان برداشت نه ڪري سگھندس قيامت تائين اناج ڏيڻ واري صلاحيت وڃائي ويهنديس ، مولا اُهو خون آسمان ڏانهن موڪلڻ جي ڪوشش ڪئي ته آسمان تڙپي پيو مولا جي علي اصغر ع  جو خونِ ناحق مون ڏانهن موڪلئي ته مان قيامت تائين بلندين تي بادل بيهارڻ واري صلاحيت وڃائي ويهندس …. مولا اُهو خون پنهنجي ڏاڙهي مبارڪ تي مَليو ۽ پنهنجي تلوار سان ننڍڙي قبر ٺاهي شهزادي علي اصغر ع کي  دفن ڪري جھولي ڇنڊي واپس خيمي آيو ، سندس خالي  جھولي جڏهن  صغير شهزادي جي امڙبيبي رباب س  سميت سمورين پرديدارن ڏٺي ته خيمن ۾ ماتم برپا ٿي ويو ….. مان چوندس ته مولاءَ حسين آخري قرباني وقت به هن دنيا ۽ انسانيت کي بچايو ڪاش امام ع جي معرفت حاصل ٿي وڃي ها ته ڪيترائي گناھهِ عظيم کان بچي پئي سگھيا ، اڄ به معرفتِ امام ع ئي معيار بڻيل آهي …… يزيدي سياست جو اِهو مقصد رهيو آهي ته دنيا حسين ع ۽ حسينيت جي پيغام کان غافل رهي ته جئين دنيا ۾ فساد هجي ۽ هي اڄ ڪلھه فسادي سياست اصل ۾ يزيدي سوچ جو تسلسل آهي جنهن سوچ امام حسين ع ۽ سندس آل ، اصحابن جانثارن کي دردناڪ انداز ۾ شهيد ڪيو ۽ سندن محرمات کي قيدي بڻايو بازارن ۾ آندو ، دربارن ۾ آندو پٿر هنيا تازيانه هنيا پر حسيني فڪر، يزيدي سياست کي دنيا ۾ ذليل و خوار ڪري  هن کي قيامت تائين لعنت ۽ ڦٽڪار جو طوق پارائي ڇڏيو ۽ تڏهن کان وٺي يزيديت بدتر سياسي نظريي جو نالو بڻجي وئي آهي ۽ حسينيت مظلومن ، محرومن ، محڪومن حريت پسندن ، امن پسندن ، انسانيت پسندن جو فڪر آهي جنهن تي سمورا انسان فخر ڪن ٿا …….

 

نواز شريف جي اڄ نيب اڳيان پيشي….!

اڳوڻو وزيراعظم نواز شريف سمورين اڳڪٿين کي غلط ثابت ڪندي واپس ملڪ پهچي ويو. اڄ نئب جي عدالت ۾ اڪيلو پيش ٿي حاضري کان آجپي جي درخواست ڏيندو.  ان سلسلي ۾ نجي ٽي وي جي رپورٽ آهي ته نواز شريف جي گهرو ذريعن ٻڌايو آهي ته نواز شريف ملڪ پهچي اڄ اڱاري تي وڪيلن کان سواءِ اڪيلو احتساب عدالت ۾ پيش ٿيندو. شريف پنهنجي گهر ڀاتين سان صلاح بعد ملڪ موٽڻ جو فيصلو ڪيو . نواز شريف کي نئب عدالتن ۾ پيش نه ٿيڻ جي صلاح ڏني وئي هئي. هن پاڻ ان جي ابتڙ فيصلو ڪيو آهي. نواز شريف ۽ ٻارن خلاف 3 ريفرنس  آهن. جن ۾ العزيزيه  اسٽيل مل، جدا اسٽيل مل ۽ لنڊن فليٽ جا ڪيس شامل آهن. مريم نواز في الحال لنڊن ۾ ئي رهندي. ڇاڪاڻ ته بيگم ڪلثوم نواز جا 3 آپريشن تازو ئي مڪمل ٿيا آهن. نواز شريف کي سندس وڪيلن واپس اچڻ جي صلاح ڏني هئي. شهباز شريف سان به ان معاملي تي ڳالهيون ڪيون ويون. حسين نواز، حسن نواز ۽ مريم نواز واپس نه پيا اچن. ن ليگ اڳواڻ ڊاڪٽر مصدق ملڪ تصديق ڪندي چيو آهي ته نواز شريف سياسي ۽ عدالتي ٻنهي معاملن جي ڪري واپس آيو آهي، نواز شريف پهرين شنوائي تي اڳين حاضرين مان آجپي جي درخواست ڏيندو. ٻي ٻڌڻي تي نواز شريف جا ٻار به پيش ٿيندا. جڏهن ته ڪيس ۾ نئب سان سهڪار ڪرڻ يا نه ڪرڻ جو فيصلو بعد ۾ وڪيلن جي صلاح سان ڪيو ويندو.

اڳوڻي وزيراعظم نواز شريف وطن واپسي کان اڳ پنهنجي گهر ٻاهران ميڊيا سان ڳالهائينديچيوته اسان ڪابه ڪرپش نه ڪئي آهي نه ئي سرڪاري پئسو کاڌو آهي. مون هر هر چيو ته اسان تي ڪرپشن ڪڪ بيڪ يا ڪميشن جو ڪو به ڪيس نه آهي ڳالهه پاناما جي هئي ته پوءِ سزا اقاما تي ڇو ٻڌائي وئي. ريفرنس پئسا کائڻ يا ٺيڪن مان پئسا ڪمائڻ جو هجي ها ته هي ڪهڙي قسم جو احتساب آهي. فيصلو به انهن ئي ڏنو، اپيل به انهن ئي ٻڌي ۽ هاڻ نگران جج اهي ئي بڻجي ويا آهن. اهو ارادو نه هو ته لنڊن ويٺو رهندو ۽ واپس نه ويندس. گهر واري جي طبعيت پڇڻ لاءِ آيو هيس.