تازيون خبرون

Daily Archives: September 7, 2017

1965ع جي شهيدن کي خراج تحسين پيش، ملڪ جو دفاع پنهنجي رت سان ڪنداسين: آرمي چيف

راولپنڊي/اسلام آباد/ڪراچي/لاهور(م.ڊ) سڄي ملڪ ۾ يوم دفاع ملي جوش ۽ جذبي سان ملهايو ويو،  1965ع واري جنگ جي شهيدن کي خراج عقيدت ۽ غازين کي سلام پيش ڪيو ويو، 1965ع جي شهيدن کي خراج تحسين پيش ڪرڻ لاءِ خاص تقريبون منعقد ڪري وطن جي دفاع لاءِ هر قسم جي قرباني ڏيڻ جو عزم ورجايو ويو،  پنجاب، سنڌ، خيبر پختونخواهه، بلوچستان، آزاد ڪشمير، گلگت بلتستان ۽ فاٽا سميت ملڪ جي ننڍن وڏن شهرن ۾ يوم دفاع ڀرپور قومي جوش ۽ جذبي سان ملهايو ويو، ملڪ جي ڪنڊڪڙڇ ۾ هر طرف پاڪستان زنده آباد جي نعرن جي گونج، 1965ع واري جنگ جي شهيدن کي خراج عقيدت پيش ڪرڻ لاءِ ننڍن توڙي وڏن شهرن ۾ خاص تقريبون منعقد ڪيون ويون.. تقريبن ۾ شهيدن ۽ غازين کي خراج عقيدت پيش ڪري وطن جي حفاظت لاءِ هر قسم جي قرباني ڏيڻ جو عزم ورجايو ويو، مختلف شهرن ۾ فوجي ڇانوڻين توڙي يونٽن ۾ جنگي سامان جي نمائش به لڳائي وئي، جتي عورتن ۽ ٻارڙن سميت وڏي انگ ۾ شهري پهتا . ٻئي طرف ڪراچي ۾ قائداعظم محمد علي جناح جي مزار تي گارڊز جي تبديلي واري تقريب منعقد ڪئي وئي، لاهور ۾ مزار اقبال تي گارڊز تبديل ڪيا ويا، ميجر شبير شريف شهيد سميت ٻين شهيدن جي مزارن تي به حاضري ڀري گلن جون چادرون چاڙهيون ويون،  قائداعظم محمد علي جناح جي مزار تي گارڊز جي تبديلي واري تقريب ٿي، ايئر فورس جي جوانن گارڊز جون ذميواريون سنڀالي ورتيون.. تقريب جو خاص مهمان ايئر وائيس مارشل عمران خالد، ايئر آفيسر پي اي ايف اڪيڊمي اصغر خان ۽ ٻيا هئا. لاهور ۾ علامه اقبال جي مزار تي به گارڊز جي تبديلي واري تقريب ٿي، رينجرز جي جوانن گارڊز طور ذميواريون سنڀالي ورتيون. اڳوڻي آرمي چيف جنرل رٽائرڊ راحيل شريف گهرڀاتين سميت لاهور ۾ نشانِ حيدر ميجر شبير شريف شهيد جي مزار تي حاضري ڀري گلن جي چادر چاڙهي. ٻئي طرف آرمي چيف جنرل قمر جاويد باجوه چيو آهي ته شهيدن جو خون اسان مٿان قرض آهي، جيڪي قومون شهيدن کي وساري ڇڏينديون آهن، اهي اڳتي ناهن وڌي سگهنديون، جي ايڇ ڪيو ۾ يوم دفاع جي تقريب کي خطاب ڪندي آرمي چيف جنرل قمر جاويد باجوه جو چوڻ هيو ته تقريب ۾ شرڪت ڪرڻ تي حاضرين، شهيدن جي وارثن ۽ غازين جو ٿورائتو آهيان، آرمي چيف چيو ته ياد رکو ته پاڪ فوج دهشتگردن کي ختم ڪري سگهي ٿي پر دهشتگردي ۽ دهشتگردن جي خاتمي لاءِ ضروري آهي ته وطن جو هر فرد ردالفساد جو سپاهي هجي، اسان جي دين ۾ حڪم آهي ته جهاد رياست جي ذميداري آهي ۽ اهو حق رياست وٽ ئي رهڻ گهرجي، اسان کي قومي جهنڊي جي سائي ۽ اڇي رنگ ٻنهي تي فخر آهي، هن چيو ته قومي اتحاد اڄ وقت جي اهم ضرورت آهي، آرمي چيف چيو ته اسان نه چاهينداسين ته ڪو به رنگ، نسل، زبان ۽ قوميت جي بنياد تي ويڇا وجهي، هن چيو ته اسان جا دشمن ڪو به حربو استعمال ڪن پر اسان هميشه متحد رهنداسين، آرمي چيف چيو ته اسان پنهنجي ملڪ جو دفاع پنهنجي رت سان ڪنداسين، پاڪستان هڪ امن پسند ملڪ آهي، پاڪستاني اها قوم آهن، جن 40 سالن جي بدامني باوجود حالتن کي منهن ڏنو، آرمي چيف چيو ته قومي اتحاد اڄ وقت جي اهم ضرورت آهي، يقين ڏياريان ٿو ته رت جي حرمت جو مان رکنداسين، ويجهي ماضي ۾ گهڻو نقصان کڻي ورتو، وطن جي بنيادن ۾ لکين شهيدن جو خون شامل آهي، اسان جو دشمن ڄاڻي وٺي ته اسان ڪٽجي مري وٺنداسين پر هڪ هڪ انچ جو دفاع ڪنداسين، هاڻي دنيا کي چوان ٿو ته ورلڊ ڊو مور، هن چيو ته عالمي طاقتون هٿ مضبوط نه ٿيون ڪري سگهن ته پنهنجي ناڪامين جو ذميدار به نه قرار ڏين، بلوچستان جي غيرت مند عوام تي فخر آهي دهشتگردن، عليحدگي پسندن کي رد ڪري ڇڏيو، سي پيڪ نه رڳو پاڪستان پر پوري خطي جو سرمايو ۽ امن جي ضمانت آهي، آرمي چيف چيو ته دشمن ڪو به حربو آزمائي وٺن اسان هميشه متحد رهنداسين، هن چيو ته اسان کان وڌيڪ وسيلن وارا ملڪ ٽوڙ ڦوڙ جو شڪار ٿي چڪا آهن، اسان جنگ خلاف ۽ برابري جي بنياد تي لاڳاپا چاهيون ٿا، لائن آف ڪنٽرول تي هٿين خالي ڪشميرين کي نشانو بڻائڻ جو عمل بند ڪيو وڃي، دهشتگردي خلاف جنگ ۾ پاڪستان کان وڌيڪ ڪنهن ملڪ ڪردار ادا ناهي ڪيو، پاڪستان کي امن جو گهوارو بڻائڻ تائين جنگ جاري رهندي، عالمي طاقتون جيڪڏهن اسان جو ساٿ نه ٿيون ڏئي سگهن ته اسان تي الزام به نه مڙهين، آرمي چيف جنرل قمر جاويد باجوه چيو ته الله نه ڪري پاڪستان ناڪام ٿيو ته خطو عدم استحڪام جو شڪار ٿي ويندو، پاڪستان ذميدار ملڪ آهي، افغانستان کي پنهنجي بساط کان وڌيڪ سهارو ڏيڻ جي ڪوشش ڪئي آهي، اسان دشمن جي تدبيرن تي به نظر رکيون ويٺا آهيون، دشمن بلوچستان جون حالتون خراب ڪرڻ چاهي ٿو، بلوچستان کي انهيءَ ريت رت ڏيڻ لاءِ تيار آهيون، جيئن ان جي پٽن ڏنو آهي، اسان جنگ ۽ دهشتگردي جي خلاف آهيون، ڀارت کي سمجهي وٺڻ گهرجي ته والاريل ڪشمير جي جدوجهد درانداز جي محتاج ناهي، ڪشميرين جي حمايت کان اسان کي ڪير به روڪي نٿو سگهي، هن چيو ته آمريڪا کان امداد نه عزت سان گڏ لاڳاپا چاهيون ٿا، اسان جي سڪيورٽي خدشن کي نظر ۾ رکڻو پوندو، ادارا مضبوط هوندا ته پاڪستان مضبوط ٿيندو، آرمي چيف چيو ته ايندڙ نسلن جو اسان تي قرض آهي ته اسان انهن کي دهشتگردي کان پاڪ پاڪستان ڏيون، اسان امداد نه عزت ۽ اعتماد چاهيون ٿا، هن چيو ته پاڪستان جي اصل طاقت جو سرچشمو اسان جا نوجوان آهن، فوج قوم جي سهڪار ۽ حمايت کانسواءِ ڪجهه به ناهي، هن چيو ته قوم جو سهڪار ۽ مدد رهي ته تمام جلد دهشتگردي کي پاڙئون پٽي اڇلائينداسين، يقين رکو پاڪ فوج هر مشڪل وقت ۾ اوهان سان گڏ آهي.هوڏانهن صدر ۽ وزيراعظم 1965 واري جنگ ۾ ملڪ لاءِ جان ڏيندڙن کي خراج تحسين پيش ڪندي چيو آهي ته 6 سيپٽمبر يادگار ڏينهن آهي، پاڪستانين بي مثال قومي اتحاد جو مظاهرو ڪيو، ملڪ جي دفاع لاءِ ڪا به قرباني ڏيڻ کان نه ڪيٻايو ويندو… صدر ممنون حسين يوم دفاع تي پنهنجي پيغام چيو آهي ته 6 سيپٽمبر يادگار ڏينهن آهي، پاڪستانين بي مثال قومي اتحاد جو مظاهرو ڪيو. صدر چيو ته پاڪستان هڪ بهادر قوم آهي، جيڪا پنهنجي ملڪ لاءِ قربانيون ڏيڻ ڄاڻي ٿي، 65 واري جنگ ان جو ثبوت آهي، ملڪ مان دهشتگردي جو مڪمل خاتمو ڪيو ويندو، عوام پاڪ فوج سان گڏ بيٺو آهي. شاهد خاقان عباسي چيو آهي ته دشمن ڄاڻن ٿا ته پاڪستان کي کليل جارحيت جو نشانو نٿو بڻائي سگهجي، اسان جي معيشت جو شمار دنيا جي اڀرندڙ معيشتن ۾ ٿي رهيو آهي، آپريشن ضرب عضب، رد الفساد ۽ خيبر 4 دشمنن جي چيلهه ٽوڙي. يوم دفاعِ پاڪستان جي موقعي تي پنهنجي پيغام ۾ وزير اعظم شاهد خاقان عباسي چيو ته بهادري ۽ استقلال جو جذبو قومن کي ڪامياب ڪندو آهي، پاڪستاني قوم ڪنهن به جارحيت کي منهن ڏيڻ جي مڪمل صلاحيت رکي ٿي ۽ اڄ جو پاڪستان 1965ع جي ڀيٽ ۾ گهڻو مضبوط آهي، وزير اعظم چيو ته اڄ اسان هڪ ايٽمي قوت آهيون ۽ اسان جون فوجون پهرين کان وڌيڪ تربيت يافته ۽ چوڪس آهن، قوم جي جذبي حب الوطني ۾ اڄ تائين ڪا به گهٽتائي ناهي آئي. شاهد خاقان عباسي چيو ته اسان جي نئين نسل وڌيڪ پرجوش آهي، فوجون ۽ عوام ۾ وحدت فڪر عمل آهي ۽ خطرن کي منهن ڏيڻ لاءِ1965 واري جذبي جو مظاهرو ڪرڻو پوندو. هن وڌيڪ چيو ته اتحاد، ايمان ۽ تنظيم سان دشمن جو مقابلو ڪيو، دشمن مذهب، رنگ نسل يا علائقي سڃاڻپ جي نالي تي اسان جي وحدت کي نقصان پهچايو.اڄ جو پاڪستان 1965 جي مقابلي ۾ وڌيڪ مضبوط آهي. وزيراعظم چيو ته اڄوڪو ڏينهن عزم وڌيڪ مضبوط ڪري ٿو، اندرين ۽ ٻاهرين خطرن خلاف وڌيڪ متحد ٿيڻو پوندو. شاهد خاقان عباسي چيو ته ملڪي سلامي ۽ دفاع لاءِ پاڪ فوج ڀرپور ڪردار ادا ڪيو آهي، دهشتگردي جي ناسور کي ختم ڪري ملڪ ۾ امن قائم ڪيو ويندو.

 

سنڌ حڪومت پاران آدمشماري جي هر بلاڪ جا نتيجا وٺڻ ۽ ٻيهر جاچ پڙتال ڪرائڻ جو اعلان

ڪراچي (اين اين آءِ) سنڌ جي وڏي وزيرسيد مراد علي شاهه چيوآهي ته اسان جي فوج ملڪي دفاع کي ناقابل تسخير بڻايو آهي،هوائي فوج سنه 1965ع واري جنگ ۾ اهم ڪرداراداڪيو ۽ پاڪستان ايئر فورس انهيءَ جنگ ۾ بهادريءَ جي تاريخ رقم ڪئي، پي اي ايف جا هيرواڄ به اسان جي دلين ۾ زنده آهن جڏهن ته هلندڙ دهشتگردي جي لهر اسان لاءِهڪ چيلنج آهي. هن اهڙن خيالن جو اظهاراڄ دفاع ڏهاڙي جي موقعي تي شهيدن کي خراج تحسين پيش ڪرڻ لاءِپاڪستان ايئر فورس پاران مسروربيس۾ رٿيل پُروقارتقريب کي خطاب ڪندي ڪيو. پي اي ايف مسروس بيس ۾ وڏيوزيرسيد مراد علي شاهه جي پهچڻ تي ايئروائس مارشل محمدحسيب پراچا آجيان ڪئي. تقريب ۾ ميئرڪراچي وسيم اختر،فوجي آفيسر،ايئرفورس جا آفيسر ۽ سويلين سميت شهيدن جي گهرڀاتين پڻ شرڪت ڪئي. تقريب جي شروعات قرآن پاڪ جي تلاوت سان ڪئي وئي، تنهن کانپوءِ قومي ترانو پيش ڪيوويو، جڏهن ته پاڪستان ايئرفورس اسڪول جي ٻارن ايئرفورس جي شهيدن کي خراج عقيدت طور قومي نغماپڻ پيش ڪيا.وڏي وزيرسيد مراد علي شاهه تقريب کي خطاب ڪندي چيو ته پاڪستان ايئر فورس پاران ضرب عضب آپريشن ۾ اڻٿڪ خدمتن سبب اهم ڪاميابيون حاصل ٿيون آهن، اسانکي هڪ ٿي ملڪ جي دفاع کي مضبوط بڻائڻوآهي. پاڪستان ايئر فورس سڀني آپريشنز ۾ اهم ڪردارادا ڪيو، پاڪستان ايئر فورس سنه 1965ع واري جنگ ۾ لاهورجو بهادريءَسان دفاع ڪيو. هن چيوته مونکي فخرآهي ته اڄ مان 1965ع واري جنگ جي 52 هين سالگرهه تقريب ۾ شرڪت ڪري رهيو آهيان. هن چيو ته پاڪستان ايئر فورس انهيءَجنگ ۾ بهادري جي تاريخ رقم ڪئي ۽ پي اي ايف جاهيرواڄ به اسانجي دلين ۾ زنده آهن. تقريب دوران وڏي وزيرسيد مراد علي شاهه مسرورايئربيس ماڙيپور ۾ پاڪستان ايئر فورس جي ايئرشو ۽ اسٽالن جوافتتاح ڪندي مختلف اسٽالن جودورو پڻ ڪيوجتي سندس مختلف شين بابت معلومات ڏني وئي.سنڌ جي وڏي وزير سيد مراد علي شاهه ايف 16 جنگي جهاز ۾ ويهي ايف 16 جهاز بابت معلومات حاصل ڪئي. تقريب کانپوءِ هن ميڊياسان ڳالهائيندي چيو ته 1965ع جي جنگ هجي يا 1971ع جي پاڪستان ايئر فورس سدائين پنهنجي پاڻ کي مڃرائي چڪي آهي. پاڪستان ايئرفورس جي قابليت ۽ مهارت کي پوري دنيا مڃي ٿي.اسانجي ملڪ جي دفاعلاءِبهترينفورسموجودآهي. جانورنجيآلائشن کڻڻبابتسوالجيجواب ۾ وڏي وزير چيوتهمونکيٻڌايوويوآهي تهعيد الضحيٰ جي موقعي تي ڪراچيشهر ۾ 20 لککانوڌيڪقربانيءَ جا جانور ذبحڪيا ويا،جڏهن ته صفائي شهر ۾ پهرئين ڏهاڙي کان ئي ڪرڻ گهرجي ها پرايئن نه ٿي سگهيو، ان بابت ڪوشش ڪنداسين ته جيئن ٻيهرشڪايتون نه ملن. ٻئي طرف سنڌجي وڏي وزيرسيدمراد علي شاهه چيوآهي ته آدمشماريءَ تي خدشا آهن جڏهن ته عوام کي به نتيجن تي اعتماد نه آهي. هن چيو ته بلاڪن جا تفصيل سنڌ حڪومت کي ڏنا وڃن ته جيئن ڪائونٽر چڪاس ٿي سگهي، آدمشماريءَ ۾ ڄامشوري کي 40 سيڪڙو شهري ڏيکاريو ويو آهي. اها ڳالهه هن اڄ وزيراعليٰ هائوس ۾ رٿيل بين الصوبائي رابطه ڪميٽي (Inter-Provincial Coordination Committee)(آءِ پي سي سي) جي 25هين ميٽنگ جي تياريءَ بابت اجلاس جي صدارت ڪندي ڪئي. اجلاس ۾ صوبائي وزير ڄام مهتاب ڏهر، ڊاڪٽر سڪندر مينڌرو، چيف سيڪريٽري رضوان ميمڻ، چيئرمين ايڇ اي سي سنڌ ڊاڪٽر عاصم، وڏي وزير جو پرنسپل سيڪريٽري سهيل راجپوت، سيڪريٽري يونيورسٽي اينڊ بورڊ نويد شيخ، سيڪريٽري توانائي آغا واصف، سيڪريٽري ڪاليجز پرويز سيهڙ ۽ ٻين لاڳاپيل آفيسرن شرڪت ڪئي. بين الصوبائي رابطه ڪميٽي (آءِ پي سي سي) جي ايجنڊي ۾ آدمشماري، هائير ايجوڪيشن ڪميشن ۽ ايل اين جي درآمد وغيره شامل هئا. اجلاس ۾ آدمشماريءَ جي نتيجن تي بحث ڪيو ويو. اجلاس ۾ وڏي وزير ٻڌايو ته اها ڳالهه واضح آهي ته اسان کي آدمشماريءَ تي خدشا آهن جڏهن ته عوام کي به نتيجن تي اعتماد نه آهي. هن چيو ته بلاڪن جا تفصيل سنڌ حڪومت کي ڏنا وڃن ته جيئن ڪائونٽر چڪاس ڪري سگهجي. هن چيو ته ڪراچي اوڀر، ڪورنگي ۽ ملير ضلعن ۾ وڌنڌڙ آبادي 2.6 سيڪڙو ڏيکاريوئي آهي جيڪا 19 سالن ۾ 55 لک ٿئي ٿي، آدمشماريءَ ۾ ڄامشوري کي 40 سيڪڙو شهري ڏيکاريو ويو آهي، ڪراچي ۽ حيدرآباد ۾ ورٽيڪل گروٿ ٿي آهي. هن چيو ته آدمشماريءَ جا حتمي نتيجا اپريل جي آخر ۾ جاري ڪرڻ چاهيون ٿا. ان بعد اليڪشن ڪميشن کي چونڊون ڪرائڻ لاءِ 5 مهينا گهربل هوندا. وڏي وزير چيو ته آئيني طور تي چونڊون نئين آدمشماري جي حساب سان ٿينديون آهن، ان لاءِ آئين ۾ ترميم ڪرڻي پوندي. انهيءَ تي بحث ڪرڻ لاءِ آدمشماريءَ نتيجا آءِ پي سي سي ۾ موڪليا ويا آهن. هن چيو ته سنڌ حڪومت چاهي پئي ته چونڊون وقت تي ٿين، چاهيون ٿا ته صوبائي نتيجن تي به چونڊون ڪرايون وڃن، ڪنهن به صورت ۾ چونڊون ملتوي ڪرڻ نه پيا چاهيون. هن آءِ پي سي سي واري اجلاس ۾ اليڪشن ڪميشن سان ڳالهائڻ جو فيصلو ڪندي ٻڌايو ته چونڊون وقت تي ڪرڻ لاءِ ڇا ڪرڻ گهرجي، اها ڳالهه ته واضح آهي ته اسان کي آدمشماريءَ تي خدشا آهن. هن پنهنجو موقف پيش ڪندي چيو ته وفاقي حڪومت جيڪو به ڪري چونڊون وقت تي ڪرائي. اجلاس ۾ هائير ايجوڪيشن جي ايجنڊي تي سيڪريٽري يونيورسٽي اينڊ بورڊز نويد شيخ وڏي وزير کي آگاهي ڏيندي ٻڌايو ته گڏيل مفادن واري ڪائونسل (سي سي آءِ) ان لاءِ سب ڪميٽي جوڙي هئي، پر اڃا تائين ان جي گڏجاڻي ناهي ٿي سگهجي. جنهن تي وڏي وزير چيو ته سنڌ حڪومت سمجهي ٿي ته اعليٰ تعليم صوبائي سبجيڪٽ آهي. اجلاس ۾ چيئرمين سنڌ هائير ايجوڪيشن ڪميشن ڊاڪٽر عاصم ٻڌايو ته 18هين ترميم بعد هائير ايجوڪيشن ڪيمشن ختم ٿي چڪي آهي. وڏي وزير چيو ته وفاقي هائير ايجوڪيشن ڪميشن رڳو پنهنجو معيارصحيح ڪري باقي عملدرآمد سنڌ حڪومت ڪندي. وڏي وزير حتمي فيصلو ٻڌائيندي چيو ته اسان پنهنجي هائير ايجوڪيشن ڪميشن مضبوط ڪري رهيا آهيون. وفاقي هائير ايجوڪيشن ڪميشن رڳو صوبائي هائيرايجوڪيشن ڪميشن ذريعي فنڊن ڪري. انهيءَ کانسواءِ اجلاس ۾ ايل اين جي درآمد بابت سنڌ حڪومت پنهنجو موقف ٻڌائيدي چيو ته ايل اين جي پاليسي گڏيل مفادن واري ڪائونسل (سي سي آءِ) ۾ شامل ٿيڻ گهرجي. وڏي وزير چيو ته گيس شعبن ۾ سڌارن سميت اپ اسٽريم ۾ ريگيوليٽر باڊيز هئڻ گهرجي جنهن ۾ صوبائي حڪومتن جي نمائندگي هجي.

 

نيب ڪرپشن جو سهولتڪار بڻجي چڪو آهي: سپريم ڪورٽ

اسلام آباد(ويب ڊيسڪ) سپريم ڪورٽ پاناما جي آءِ ٽي جي ميمبر ۽ ڊي جي نيب بلوچستان عرفان نعيم منگي جي ڪارڪردگي تي سخت عدم اطمينان جو اظهار ڪيو آهي. سپريم ڪورٽ قومي احتساب بيورو جي ناقص ڪارڪردگي تي سخت ڪاوڙ جو اظهار ڪندي چيو آهي ته نيب ڪرپشن جو سهولتڪار بڻجي چڪو آهي. جسٽس دوست محمد پنهنجي ريمارڪس ۾ چيو ته عرفان نعيم منگي خلاف ڪالهه انڪوائير ٿي رهي هئي اڄ هو هيرو بڻجي چڪو آهي، رڳو عدالتي فيصلي جي ڪري عرفان نعيم منگي ۾ هٿ نٿا وجهي سگهون. سپريم ڪورٽ ڪڻڪ ڪرپشن ڪيس ۾ گرفتار بلوچستان حڪومت جي اڳوڻي خوراڪ واري وزير اسفنديار خان ڪاڪاڙ جي پنجاهه لک رپين جي مچلڪن عيوض ضمانت منظور ڪئي. ان موقعي تي عدالت عظمي ڊي جي نيب بلوچستان ۽ پاناما جي آءِ ٽي جي ميمبر عرفان نعيم منگي جي ڪارڪردگي تي عدم اطمينان جو اظهر ڪندي سخت ڪاوڙ جو اظهار ڪيو. جسٽس فائز عيسيٰ پنهنجي ريمارڪس ۾ چيو ته ڇو ته ڊي جي نيب بلوچستان کي به شريڪ جوابدار بڻايو وڃي، نيب اهلڪارن خلاف ڪيس بڻجندا تڏهن ئي بهتري ايندي، نيب ڪرپشن جو سهولتڪار بڻجي چڪو آهي، بلوچستان ۾ ڪيترائي اهم ڪيس دير جو شڪار آهن. بلوچستان ۾ سر عام پڪڙيل ماڻهو به ڇڏائجي ويندا آهن، نيب ڪرپشن ڪيسن کي مذاق بڻائي رکيو آهي.

 

پاڪستان ۾ دهشتگردي ۾ ملوث عنصرن جون پاڙون افغانستان ۾ آهن: اعزاز چوڌري

اسلام آباد (ويب ڊيسڪ): آمريڪا ۾ پاڪستاني سفير اعزاز چوڌري چيو آهي ته پاڪستان ۾ دهشتگردي ۾ ملوث عنصرن جون پاڙون افغانستان ۾ آهن، پاڪستان دهشتگردن جا سمورا محفوظ ٺڪاڻا ختم ڪري ڇڏيا آهن، هن چيو ته هاڻي افغانستان جو وارو آهي ته اهو محفوظ ٺڪاڻن جو خاتمو ڪري، پاڪستان افغانستان سان گڏجي ڪم ڪرڻ لاءِ تيار آهي، هن چيو ته نئين افغان پاليسي بعد ڪيترائي نڪتا بحث طلب آهن، پاڪستاني سفير چيو ته پاڪستان دهشتگردي خلاف جنگ ۾ اربين رپين جو نقصان کنيو، پاڪ آمريڪا لاڳاپن کي رڳو افغانستان جي تناظر ۾ نه ڏسڻ گهرجي، اعزاز چوڌري وڌيڪ چيو ته سفيرن جي ڪانفرنس ۾ اسان نئين آمريڪي پاليسي ۽ ٻين معاملن تي ڳالهه ڪئي.

 

ڌرتي اسان جي ماءُ آهي ۽ ان جي دفاع تان سڀ قربان آهيون: آصف زرداري

لاهور (ويب ڊيسڪ): اڳوڻي صدر آصف زرداري چيو آهي ته پاڪستان اسان جو ملڪ ۽ اسان جو شان آهي، هن چيو ته ڌرتي اسان جي ماءُ آهي ۽ ان جي دفاع تان سڀ قربان آهيون، هن چيو ته وطن جي دفاع لاءِ جانيون ڏيندڙ جوان اسان جي سر جو تاج آهن، اڳوڻي صدر آصف زرداري چيو ته پيپلز پارٽي جوهري پروگرام، ميزائل ٽيڪنالاجي ڏئي ملڪي دفاع کي ناقابل شڪست بڻايو، هن چيو ته وطن جي دفاع لاءِ هر وقت تيار ۽ پاڪ فوج سان گڏوگڏ بيٺا آهيون.

 

ملڪ کي درپيش خطرن کي شڪست ڏيڻ لاءِ اتحاد جي ضرورت آهي: بلاول ڀٽو زرداري

ڪراچي (اين اين آءِ) پاڪستان پيپلز پارٽي جي چيئرمين بلاول ڀٽو زرداري چيو آهي ته انتهاپسندي ۽ دهشتگردي جي صورت ۾ ملڪ کي پيش خطرن کي شڪست ڏيڻ لاءِ قوم کي ان ئي جذبي ۽ ايڪي جي ضرورت آهي، جنهن جو مظاهرو 1965ع واري جنگ دوران ڪيو ويو هو. يوم دفاع جي قومي ڏهاڙي جي موقعي تي جاري ڪيل پيغام ۾ پي پي پي چيئرمين چيو ته مضبوط ۽ ناقابل تسخير دفاع فقط قومي ايڪي سان ئي ممڪن آهي. بلاول ڀٽو زرداري چيو ته وزيراعظم شهيد ذوالفقار علي ڀٽي ايٽمي پروگرام جو تحفو ڏنو ۽ وزيراعظم شهيد بينظير ڀٽو ميزائيل ٽيڪنالاجي جو پروگرام ڏنو. پي پي پي چيئرمين چيو ته اُهي سمورا سپاهي، جن پاڪستان جي دفاع خاطر پنهنجي جانين جون قربانيون ڏنيون، اهي تاريخ ۾ سدائين ياد رهندڙ هيرا آهن. بلاول ڀٽو زرداري ان عزم جو ارادو ڪيو ته هو قائداعظم محمد علي جناح جي فلسفي جي روشني ۾ پاڪستان جي نظرئي جي پوئيواري ناقابل تسخير دفاع جي صورت ۾ ڪندو.  هن وڌيڪ چيو ته يوم دفاع جي موقعي تي اسان پنهنجي شهيدن کي خراج عقيدت پيش ڪريون ٿا ۽ سندن ڪٽنبن کي خاطري ڏيون ٿا ته اسان جي حمايت ۽ همدردي ساڻن گڏ آهي.

 

ذوالفقار علي ڀٽو ايٽمي قوت جو بنياد رکي ملڪي دفاع کي ناقابل شڪست بڻايو: خورشيد شاهه

اسلام آباد (ويب ڊيسڪ): قومي اسيمبلي ۾ مخالف ڌر اڳواڻ سيد خورشيد شاهه چيو آهي ته 6 سيپٽمبر جذبو حب الوطني، ايثار، جرئت ۽ قرباني جي علامت آهي، يوم دفاع موقعي تي پنهنجي پيغام ۾ مخالف ڌر اڳواڻ جو چوڻ هيو ته جوانن ۽ آفيسرن جي قربانين تي خراج تحسين پيش ڪريون ٿا، پنهنجي محسنن سان گڏ محبت جي رشتي ۾ جڙيل آهيون، هن چيو ته ذوالفقار علي ڀٽو ايٽمي قوت جو بنياد رکي ملڪي دفاع کي ناقابل شڪست بڻايو.

 

افغانستان سان گڏ سڪيورٽي سميت سمورن شعبن ۾ ڪم ڪرڻ لاءِ تيار آهيون: خواجا آصف

اسلام آباد (ويب ڊيسڪ): پرڏيهي وزير خواجا آصف چيو آهي ته پاڪستان افغانستان سان پنهنجي لاڳاپن کي اهميت ڏئي ٿو، پاڪستان افغانستان سان گڏ سڪيورٽي سميت سمورن شعبن ۾ ڪم ڪرڻ لاءِ تيار آهي، هن چيو ته افغانستان ۾ امن ۽ استحڪام لاءِ افغان قيادت جي امن عمل جي حمايت ڪريون ٿا، پرڏيهي ترجمان موجب پرڏيهي وزير خواجا آصف جو افغان هم منصب سان ٽيليفون تي رابطو ڪيو آهي، ترجمان موجب ٻنهي پرڏيهي وزيرن جو ويجهي سهڪار لاءِ رابطو رکڻ تي اتفاق ٿيو آهي.

 

خيبر پختونخواهه جو مڪاني نظام تاريخ جو سڀ کان موثر ۽ جديد نظام آهي: عمران خان

اسلام آباد (اين اين آءِ) پي ٽي آئي جي چيرمين عمران خان چيو ته  ڪي پي ڪي ۾ صوبائي حڪومت غربت وڏي گھٽتائي آڻڻ ۾ ڪامياب رهي آهي، اربع تي جاري بيان ۾ هن چيو ته نمائشي منبصوبن جي بدران غربت ۾ ڪي ڪي پي ڪي ۾ اسانجي ترجيح هئي. ڪيترن ئي قدمن سبب ڪي پي ڪي مان غربت ختم ڪرڻ ۾ ڪاميابي ٿي آهي. هن چيو ته قابليت ۽ اهليت جي بنياد تي نوڪرين سان صوبي ۾ روزگار جا موقعا پيدا ٿيا. بهتر  تعليمي ادار ۽ سڌارن واري صحت جي نظآم ۽ غريبن جي لاءِ صحت ڪارڊ جاري ٿيڻ سان به ڪافي مدد ملي آهي. عمران خان چيو آهي ته ڏورانهن علائقن ۾ قائم ٿيل ننڍن پن بجلي گھرن مان عوام کي سستي توانائي ملندي. ان پن بجلي گھرن ۽ بلين ٽري منصوبن سان به عوام جي روزگار جا دروازا کليا، هن چيو ته عوام جي ڀلائي لاءِ اسانجي گڏيل منصوبابندي ڪامياب رهي  ۽ اسان صوبي مان غربت ختم ڪرڻ ۾ ڪامياب رهيا آهيون.

 

عمران خان ناڪام سياستدان قرار، سنڌ جو گورنر ن ليگ جي سياست سنڌ ۾ پيو ڪري، ايئن نه ٿيڻ گهرجي: نثار کهڙو

لاڙڪاڻو (ويب ڊيسڪ): سينئر صوبائي وزير نثار کهڙو چيو آهي ته سنڌ جو گورنر ن ليگ جي سياست سنڌ ۾ ڪري رهيو آهي، خوراڪ واري وزير ايوان تجارت ۽ صنعت کي خطاب ڪندي چيو ته اسان سنڌ جي گورنر کي پهرين زباني ڪلامي منع ڪنداسين ته اهو ايئن نه ڪري، اڳوڻي گورنر متحده تان استعيفيٰ ڏئي اڻ ڌريو طريقو اختيار ڪيو هيو، هن چيو ته موجوده گورنر جو هڪ ڀاءُ پي ٽي آءِ ۾ ويٺو آهي، عمران خان ناڪام ترين سياستدان آهي، هن چيو ته عمران خان عوام بدران ڪنهن ٻئي جي اشاري تي نچندو آهي.