تازيون خبرون

Monthly Archives: August 2017

ايف سي آر قانون ختم نه ڪيو ويو ته اسلام آباد ڏانهن مارچ ڪنداسين: سراج الحق

پشاور (ويب ڊيسڪ) جماعت اسلامي جي امير سراج الحق چيو آهي ته ايف سي آر انگريز جو نظام آهي، قبائلي عوام ايف سي آر تسليم ڪرڻ لاءِ تيار ناهي، سڀ سياسي پارٽيون ايف سي آر جي خاتمي تي راضي آهن، عيد تائين ايف سي آر قانون جي خاتمي ۽ فاٽا ضم ڪرڻ جو وقت ڏيون ٿا. پشاور ۾ ڌرڻي کي خطاب ڪندي سراج الحق چيو ته گورنر قبائلي عوام جو گورنر آهي، ان کي ڌرڻي ۾ ويهڻ گهرجي ها، ايف سي آر قانون ختم نه ڪيو ويو ته 25 سيپٽمبر تي اسلام آباد ڏانهن مارچ ڪنداسين، هي خاموش سمنڊ اسلام آباد پهتو ته مقابلو نه ڪري سگهندئو. سندس چوڻ هو ته قبائلي عوام غلامي کي قبول ناهي ڪيو، قائداعظم قبائي عوام سان واعدا ڪيا هئا، حڪمرانن قبائلي علائقي ۾ هڪ ميڊيڪل ڪاليج ۽ يونيورسٽي تائين قائم ناهي ڪئي، لوڊشيڊنگ ته پري جي ڳالهه فاٽا ۾ بجلي تائين ناهي. سراج الحق چيو ته قبائلي علائقن جي حقيقي مردم شماري ڪئي وڃي، هتي مردم شماري گهٽ ڇو ٿي ڏيکاري وڃي؟ قبائي عوام جي آبادي گهٽ ڏيکاري انهن کي حقن کان محروم ڪرڻ جي رِٿ رٿي وئي آهي، مرڪزي حڪومت فاٽا ريفارمز کان ڀڄي رهي آهي. هن چيو ته آئين جي شق 62، 63 جو بچاءُ ڪنداسين، سياستدانن سميت سڀني جي آرٽيڪل 62، 63 لاڳو ڪيو وڃي.27

 

آمريڪا افغانستان ۾ ناڪامين جي ذميواري پاڪستان تي وجهي رهيو آهي: عمران خان

بني گالا( ويب ڊيسڪ ) تحريڪ انصاف سربراهه عمران خان چيو آهي ته  آمريڪا افغانستان ۾ پنهنجي ناڪام پاليسيءَ جي ذميواري پاڪستان تي وجهي رهيو آهي. آمريڪي صدر ڊونلڊ ٽرمپ جي بيان تي رد عمل ظاهر ڪندي عمران خان چيو ته پاڪستاني حڪومت لاءِ هڪ سبق آهي، ڪڏهن به ڊالرن لاءِ ٻين جي جنگ نه وڙهڻ گهرجي، الزامن جي نئين قسط سان پاڪستان کي نه وساريندڙ سبق حاصل ڪرڻ گهرجي.  هن چيو ته پاڪستان کي سبق حاصل ڪرڻ گهرجي ته ڊالرن عيوض پرائي جنگ کي ڪڏهن به پنهنجي اڱڻ تائين نه آڻڻ گهرجي. سندس چوڻ هو ته ڪشمير ۾ ڪرکڻندڙ مزاحمت پاڻ ڀارت جي ناڪام فوجي حڪمت عمليءَ جو نتيجو آهي پر ڀارت ڪشمير ۾ پنهنجي ناڪاميءَ جو ذميوار پاڪستان کي قرار ڏئي رهيو آهي. عمران خان چيو ته  آمريڪا به ناڪامين جو بار پاڪستان تي وجهڻ جي ڪوشش ڪري رهيو آهي، ڏهاڪن کان ناڪام افغان پاليسي حقيقت ۾ آمريڪي مايوسي جو سبب آهي. هن چيو ته  اسان آمريڪا جي خواهش تي افغانستان ۾ 2 جنگيون وڙهيون ۽ 70 هزار ماڻهن پنهنجي جانين جا نذرانا پيش ڪيا، اهو ئي موقعي آهي ته پاڪستان آمريڪا کي جواب ڏي ته هاڻي ڪڏهن به نه. پي ٽي آءِ چيئرمين عمران خان چيو آهي ته گذريل دورن ۾ پختونخواهه ۾ ٻه سئو ارب رپين جا وڻ وڍيا ويا، هن چيو ته ماحوليات جي تحفظ لاءِ وڏو قدم کڻڻ جي ضرورت آهي، عمران خان چيو ته بلين ٽري منصوبو شروع ڪيو ته ماڻهن وڏي مذاق اڏائي، هن چيو ته دهشتگردي سان سڀني کان وڌيڪ متاثر صوبو خيبر پختونخواهه هيو، حڪومتن جون ترجيحون ايندڙ نسل ناهن رهيا پر ايندڙ چونڊون هونديون آهن، اسان ڪڏهن سوچيو ئي ناهي ته اسان کي ماحوليات جو تحفظ ڪرڻو آهي.

 

زندگي ۾ ڪڏهن به نه سوچو هو ته اداڪار ٿيندس: سڌات ملهوترا

ممبئي(شوبز نيوز) بالي ووڊ ۾ ڪرن جوهر جي فلم اسٽوڊنٽ آف دي ايئر کان پنهنجو ڪيريئر شروع ڪندڙ اداڪار سڌات ملهوترا جو چوڻ آهي ته زندگي ۾ ڪڏهن به نه سوچو هو ته مان اداڪار ٿيندس، ڀارتي ميڊيا موجب بالي ووڊ اداڪار سڌات ملهوترا هڪ انٽريو دوران چيو ته مون کي لڳندو هو ته مان ماڊلنگ ڪندس، هن چيو ته مان اداڪار ٿيڻ جي حُالي سان ڪڏهن به نه سوچو هو، هن چيو ته مون کي ائين لڳندو هو ته اداڪاري ڪرڻ ۾ ڪهڙو فائدو، پر جڏهن مان شاهه رخ خان جي فلم دل والي دلهنيا ۾ ان سان ڪمڪيو ته اداڪاري ۾ دلچسپي وڌي وئي.(۰

 

هما قريشي جي فلم پارٽيشن ۱۹۴۷ تي پاڪستان ۾ پابندي لاڳو

ممبئي(شوبز نيوز)بالي ووڊ اداڪارا هما قريشي جي تازو رليز فلن پارٽيشن ۱۹۴۷ تي پاڪستان ۾ ڏيکارڻ تي پابندي مڙهي وئي آهي. اهڙو اظهار فلم جي ڊائريڪٽر گريندر چڍا سوشل ميڊيا تي پنهنجي هڪ پيغام وسيلي ڪيو. هن ٽوئيٽر تي پنهنجي پيغام ۾ لکيو ته ” اها بدقسمتي آهي جو پاڪستان ۾ فلم تي پابندي مڙهي وئي آهي، پاڪستان منهنجن ابن ڏاڏن جي ڌرتي آهي.“ واضح رهي ته پارٽيشن ۱۹۴۷ هدايتڪاره گريندر چڍا جي ”وائسرائز هائوس“ جو هندي ورزن آهي جيڪا گذريل جمعي تي ڀارت ۾ رليز ڪئي وئي آهي. فلم جي ڪهاڻي ڀارت لاءِ برطانيا جي آخري وائسراءِ لارڊ مائونٽ بيٽن جي زندگي جي چوڦير ڦري ٿي.

 

ڪولنگ ووڊ پاڪستان اچڻ تي راضي، ورلڊ اليون ضرور کيڏندس: رانديگر

انگلينڊ(اسپورٽس نيوز)انگلش ٽيم جو اڳوڻو ڪپتان پال ڪولنگ ووڊ پاڪستان جي دوري تي ورلڊ اليون جو حصو بڻجڻ تي راضي ٿي ويو، برطانوي ميڊيا جي رپورٽ موجب ورلڊ ٽي ۲۰ جي فاتح انگلش ٽيم جي قيادت ڪرڻ جي لاءِ آل رائونڊر ورلڊ الين جي لاءِ پنهنجي دستيابي ظاهر ڪري ڇڏي ۽ هو اينڊي فلاور جي ڪوچنگ ۾ لاهور ايندڙ ٽيم سان گڏ ۱۲، ۱۳ ۽ ۱۵ سيپٽمبر تي ٽوئنٽي ميچز کيڏندو، ورلڊ اليون جي هر ميمبر کي ۷۵ هزار پائونڊ ادا ڪيا ويندا، جنهن کي بين الاقوامي سيريز جو درجو ڏنو ويو آهي، ورلڊ اليون ۾ شموليت جي صورت ۾ ڪولنگ ووڊ جي ڪائونٽي چيمپئين شپ ۾ ڊرهم جي نمائندگي نه ڪري سگهندو، ان کان اڳ پاڪستان جي دورو ڪرڻ وارو عالمي ٽيم جي لاءِ آفريقا جي هاشم آمله ۽ عمران طاهر جو نالو سامهون آيو هو.(

خالد لطيف لاهور هاءِ ڪورٽ جي فيصلي کي سپريم ڪورٽ ۾ چئلينج ڪري ڇڏيو

اسلام آباد(اسپورٽس نيوز)اسپاٽ فڪسنگ ۾ مبينه طور ملوث ڪرڪيٽر خالد لطيف لاهور هاءِ ڪورٽ جي فيصلي کي سپريم ڪورٽ ۾ چئلينج ڪري ڇڏيو آهي. معطل ڪرڪيٽر خالد لطيف جي وڪيل بدر عالم جو چوڻ آهي ته لاهور هاءِ ڪورٽ جي فيصلي خلاف سپريم ڪورٽ ۾ اپيل داخل ڪئي وئي آهي جڏهن ته جلد ٻڌڻي ڪرڻ جي درخواست به ڪئي وئي آهي. خالد لطيف جي وڪيل مطابق پي سي بي جي اينٽي ڪرپشن ٽربيونل خلاف اعتراض آهي جنهن غيرآئيني ۽ غيرقانوني ٻڌڻي ڪئي جڏهن ته ٽربيونل کي لکت ۾ جواب اماڻيو ويو آهي. وڪيل جو چوڻ آهي ته اينٽي ڪرپشن ٽربيونل کي خالد لطيف جو لکت ۾ جواب اڄ ملي ويندو ۽ اي ميل ذريعي به اطلاع ڪري رهيا آهيون.

 

سماج لاءِ ناسور بڻجي ويل ڪرپشن ۽ ناانصافيون!: نسيم بخاري

اسان جي سماج ۾ گهڻ رخيون سازشون سدابهار رهنديون آيون آهن. هر هنڌ ڪو ڪنهن جون ڄنگهون ڪڍڻ ۽ ڪو ڪنهن جو ترو ڪڍڻ ۾ رڌل رهي ٿو. اهڙي ماحول ۾ عام، شريف ۽ فرض شناس ماڻهوءَ کي وک وک تي جن انيڪ للڪارن سان منهن ڏيڻو پوي ٿو، تن جي پيڙا ۽ انهن جو داستان تمام ڊگهو آهي، هتي آئون رڳو هڪ واقعي جو حوالو ڏيڻ ضروري سمجهان ٿو، جيڪو هڪ بئنڪ ڪيشيئر ۽ ان جي خاندان جي زندگيءَ ۾ ڀونچال آڻي ڇڏي ٿو، جنهن جو جُرم رڳو اها بغاوت هوندي آهي ته هو اليڪشن وارن ڏهاڙن ۾ ايم اين اي جي اُميدوار جي حامين کي پنهنجي گهر جو ڪمرو پارٽي آفيس کولڻ لاءِ نه ڏيندو آهي. پوليس جي معرفت ان سان جيڪي جٺيون شروع ٿين ٿيون، سي گهٽجڻ جو نانءُ ئي نه ٿيون وٺن، ويتر اهي وڌنديون ئي رهن ٿيون.

هڪ ڏينهن ٿاڻي جو حوالدار اچي کين زور زبردستي اهو قبولرائڻ جو ڪم وٺي ٿو ته هنن جي گهران ٻارنهن سال اڳ چوري ٿيل ٽيبل فين هڪ چور وٽان هٿ آيو آهي، جنهن ان جرم سميت ڪيترن ئي ٻين ڏوهن جو اعتراف به ڪيو آهي، سو پنهنجي شيءِ هو وصول ڪري هن جي پيءَ بيزار ٿي پکي جي چوريءَ واري ڳالهه مڃي وٺي ٿو، کين پابند بڻايو وڃي ٿو ته ٻئي ڏينهن تي ٿاڻي پهچي پنهنجي امانت وصول ڪئي وڃي. همراهه ٿاڻي پهچي ٿو ته کيس عدالت هلڻ جو چيو وڃي ٿو، جتان جج وٽان سندس پکي حوالي ٿيڻ جي لکت ۾ اجازت وٺڻي آهي. ڪورٽ ٻاهران حوالدار کيس ٻه منٽ انتظار جو چئي هليو وڃي ٿو، جتي ٻن ٽن ٻين پوليس وارن ٻن عورتن ۽ ٻن ٽن ماڻهن کي فحاشيءَ جي تهمت مڙهي گرفتار ڪيو هوندو آهي. هن همراهه کي به ڇڪي ان تهمت جي طوفان آڏو بيهاريو ٿو وڃي. ايتري ۾ حوالدار پهچي وڃي ٿو ۽ پنهنجي ساٿين کي 2000 ڏئي هن جي جان ڇڏائي بعد ۾ اُهي پيسا هن کان واصول ڪري ٿو. همراهه رڙيون ٿو ڪري ته جڏهن ڪنهن ڏوهه ۾ ملوث ئي ناهيان ته رشوت ڇاجي!؟ حوالدار سمجهائي ٿو ته تو ڏوهه ڪيو هجي يا نه پر ان ڳالهه جي منظر عام تي اچڻ سان توکي جيڪو تعارف ملي ها اهو بهتر هو يا 2000 روپيا وڏا آهن!؟

هن کان 100 روپيا ٻيو به وٺي حوالدار چئي ٿو اڄ گواهه ناهي آيو، هيءَ منهنجي خرچي آهي، سڀاڻي توکي پڪ سان پکو ملندو. ٻئي ڏينهن تي وري گواهه نه ٿو اچي، گواهه هڪ ڪيبن هلائيندو آهي، جيڪو ان شرط تي ڪورٽ اچڻ لاءِ آماده ٿئي ٿو ته کيس ڏهاڙي ڀري ڏني وڃي، همراهه اها چٽي به ڀري ٿو، ڪورٽ اچن ٿا ته هن جي وڪيل نه هئڻ وارو معاملو آڏو اچي ٿو، حوالدار کيس وڪيل ڪري ڏيڻ ۽ ان کي گفٽ طور ٽچ وارو وڏو موبائل سيٽ وٺي ڏيڻ تي جبري طور آماده ڪري ٿو. ٽئين ڏينهن تي وري جج موڪل تي وڃي ٿو. گواهه جي ٻئي ڏينهن جي ڏهاڙي به ضايع ٿي وڃي ٿي، اڳين ڏينهن تي پکي جي حاصلات واري رسيد ته ميسر ٿي ٿي وڃي پر سندس ڪورٽ ٻاهران بيهاريل موٽر سائيڪل کسڪائي ٿي وڃي. حوالدار موٽر سائيڪل چورن سان رابطو ڪري انهن وٽ وٺي وڃي ٿو. معاملو 3000 هزار ڀنگ تي طئي ٿئي ٿو. بينڪ ڪئشيئر چوي ٿو چور کي پڪڙي نه ٿو، ڀنگ مون کان ٿو ڀرائين، اهو ڪهڙو انصاف آهي. هنن خلاف ڪارروائي نه ٿي ته مان مٿي تنهنجي شڪايت ڪندس، حوالدار داٻو ڏيندي ڌمڪائي ٿو ته انهن چڪرن ۾ پوندي ته 6 مهينا تڪليف ۾ اچي ويندين.

ڀڳل پکي جي حاصلات توکي گهٽ لوڙايو آهي. مجبور ٿي همراهه کيسي ۾ رکيل 2100 روپيا ڏئي جان ڇڏائي ٿو. ٿاڻي تي پهچي وڏي منشي کان پکو گهري ٿو ته اهو کيس ٿيلهي آڻڻ لاءِ چوي ٿو، جنهن ۾ پکو کيس کڻي وڃڻو آهي. وڏي منشيءَ سان ٿوري ڇڪتاڻ ٿئي ٿي. همراهه پکو ته وٺي گهر پهچي ٿو پر رات جو ايس ايڇ او وٽس پهچي منشيءَ سان منهن ماري واري معاملي تي داٻا ڏئي رشوت وٺي جند ڇڏي ٿو.

بئنڪ ڪيشئر جو سڄو گهر پريشانيءَ ۾ وٺجي وڃي ٿو کيس والد ان منحوس پکي مان جند ڇڏائڻ لاءِ چئي ٿو هو رات جو ٿيلهيءَ ۾ پکو کڻي ڦٽي ڪرڻ لاءِ نڪري ٿو ته روڊ تي بيٺل چيڪنگ لاءِ پوليس کيس تنگ ڪري ٿي. پکي جي مالڪيءَ جي تصديق طلبي ٿي ۽ نيٺ رشوت وٺي اڳتي وڃڻ ڏي ٿي، جنهن پل تان هو نديءَ ۾ پکو اڇلائڻ چاهيندو آهي تنهن تي پوليس جي چرپر ۽ ماڻهن جي اچ وڃ سبب پکو اڇلائي نه سگهندو آهي. ٻئي ڏينهن تي همراهه بس ۾ سوار ٿي سيٽ جي هيٺيان پکو رکي پاڻ لهي وڃي ٿو ته ڀرسان ويٺل همراهه اهو پکو کڻي کيس بينڪ ۾ وڃي ڏئي اچي ٿو. ٽئين ڏينهن تي هو هڪ هوٽل تي چانهه جو آرڊر ڏئي پکو رکي پاڻ هليو وڃي ٿو. ان دوران هڪڙا دهشتگرد به ساڳئي ٿيلهي ۾ بم رکي هليا وڃن ٿا. هوٽل جو بيرو غلطي سان بم وارو ٿيلهو کڻي ڀڄندو همراهه وٽ اچي ٿو ٿورو اڳتي هلي فوٽ پاٿ تي بيهي هو ڪجهه خريد ڪري ٿو ۽ ٿيلهو اتي ئي ڇڏي وڃي ٿو پر ٿوري دير ۾ جنهن کان ڪجهه هن خريد ڪيو هوندو آهي سو ڀڄندو ڀڄندو همراهه جي ٿيلهو حوالي ڪندو آهي.

همراهه نيٺ ٿيلهو نديءَ ۾ اڇلائڻ ۾ ڪامياب وڃي ٿو ته بم ڦاٽي پئي ٿو، پوليس دهشتگردي جي الزام هيٺ کيس گرفتار ڪري وڃي ٿي. ڪيسن سان منهن ڏيڻ ۽ انهن مان جند ڇڏائڻ لاءِ هنن کي پنهنجو گهر وڪڻڻو پئجي وڃي ٿو. همراهه جيئن آزاد ٿي گهر پهچي ٿو ته ڪرپٽ ۽ بدعنوان ايم اين اي به هن وٽ پهچي وڃي ٿو ۽ مبارڪ ڏيڻ سان گڏوگڏ اهو به ٻڌائي ٿو ته اسان جي ورڪرن کي تو ڪجهه ڏينهن جي اليڪشن جي ڪيمپ لاءِ گهر جو هڪڙو ڪمرو نه ڏنو هو هاڻ تنهنجو اهو گهر خريد ئي مون ڪيو آهي، جيڪو تمام جلد پارٽيءَ جي آفيس طور ڪتب ايندو.

اهو ته هڪڙو واقعو ۽ هڪڙو حوالو آهي پر اسان جي سماج ۾ عام ماڻهوءَ کي وک وک تي جن انيڪ عذابن ۽ المين سان منهن ڏيڻو پوي ٿو تن جا وِچُور تمام وڏا آهن. مصيبتن ۽ مشڪلاتن جي هڪڙي اڻ کٽ قطار جو سلسلو آهي، جنهن کي وقت ۽ حالتون تسلسل ته بخشين ٿيون پر ان مان جند نه ٿي ڇُٽي. مٿي جنهن واقعي جو ذڪر ڪري آيو آهيان سو انڊين فلم ”گلي گلي چور هي“ جي ڪهاڻي آهي، جيڪا زندگيءَ جي تلخ حقيقتن جي ترجمان آهي.

ان فلم جو جيڪو نالو آهي اهو ئي ان جو ٽائيٽل سانگ به آهي:

”گلي گلي شور هي، ڪرپشن ڪا دور هي،

چورون سي بندهي هوئي، چورون ڪي ڊور هي.

مٿين صورتحال اڄوڪي تناظر جي سچي پچي تصوير آهي ۽ تبديلي جي ڀرپور تمنائو آهي. اها تبديلي جيڪا وقت ۽ حالتن جي ضرورت آهي ۽ جنهن کانسواءِ هن سماج اندر خوشگوار مثبت ۽ جٽادار سڌارا ممڪن نه ئي آهن. اها اڻٽر آهي هر صورت ۾ ان کي يقيني بڻجڻو آهي ۽ ان سان ئي معاشري جي سمورن مرضن جو علاج ممڪن آهي، جنهن لاءِ ضروري آهي ته اسان کي هر ممڪن حد تائين ڪرپشن مخالف ڪردار ادا ڪرڻو پوندو. مهاڏو اٽڪائڻو پوندو، بغاوت ڪرڻي پوندي.

سماج کي عوام دشمن قوتن جون سرگرميون، نيتون ۽ عمل ايترو نقصان نه ڏيندا آهن جيترو حساس ماڻهو جي لاپرواهي ۽ خاموش تماشائي واري ڪردار جي ادائگي نقصان ڏيندي آهي. هن جي اها سانت ڏوهارين کي ڏڍ بخشيندي آهي. ڪرپٽ سياستدانن ۽ نااهل حڪمرانن جي دل وڌائيندي آهي. اها ڪامورن ڪڙن کي بي لغام بڻائي ڇڏيندي آهي ۽ ان سڄي صورتحال جي نتيجي ۾ جهڙيءَ ريت سماج جو توازن بگڙجندو آهي، تنهن جا حال اسان اوهان سڀني جي آڏو موجود آهن.

اسان جي سماج ۾ عام ماڻهو ۽ ڪميٽيڊ سياسي ورڪرن جا خواب ڪهڙيءَ ريت چڪناچور ٿيندا آهن. ان کي ڏسڻ ۽ محسوس ڪرڻ لاءِ هونئن ته اسان جون حالتون ۽ انهن ۾ پيش ايندڙ واقعا ئي وڏي ڳالهه آهن پر ڪرپٽ سياسي ڪلچر ۽ عوام دشمن قوتن توڙي ڏوهارين جي ڳٺ جوڙ کي وائکي ڪرڻ لاءِ نور الهديٰ شاهه جي ڪيترا سال اڳ پي ٽي وي تي قسطوار سيريل ”تپش“ به انيڪ حقيقتن کي اگهاڙو ڪري عوام جون اکيون کولي وئي هئي. اها سيريل هاڻ به يوٽيوب تي موجود آهي پر اسان مان ڪنهن وٽ ايترو وقت ئي ڪيترو آهي جو اهڙيون سيريلز ڏسون.

حقيقت ته اها آهي ته اهڙين ڊاڪيومينٽريز جون لکين سي ڊيز ٺاهرائي عام ماڻهن ۾ مفت ورهايون وڃن، ڪيبل نيٽ ورڪ جي معرفت هلايون وڃن، اهڙين سرگرمين سان عام ماڻهو ۾ سياسي ۽ سماجي تحرڪ واري گرمي پيدا ڪري سگهجي ٿي.

انڊين فم ”گبر“ ۾ هڪڙو عام ماڻهو سڄي ڪرپٽ سسٽم لاءِ خوف جي علامت بڻجي ويندو آهي. انيل ڪپور جي فلم ”نائيڪ“ ۾ هڪ ڏينهن جي وڏ وزارت سڄي سماج جي صورتحال بدلائي ٿي ڇڏي، اهي فلمون ۽ اهي ڊراما معاشري لاءِ آڪسيجن ۽ اتساهه جي علامت ثابت ٿيڻ ڪاڻ مارڪيٽ ۾ متعارف ڪرايا ويندا آهن پر اسان وٽ ان حوالي سان انهن جو اثرائتو ۽ لاڀائتو ڪردار عملي طور تي ٿي به ۽ ڪڏهن به منظرعام تي نه اچي سگهيو آهي. سوال اهو آهي ته آخر اهو ائين ڇو آهي؟ ڇا سبب آهي جو تبديلي جي تمنا باوجود اسان متحرڪ نه ٿا ٿيون. ٻين جا بار پنهنجي ڪلهن تي نه به کڻون پر پنهنجي حصي جو ڪردار ادا ڪريون ته اها ڳالهه به وڏي غنيمت آهي. اردو جو هڪڙو شعر آهي ته:

شڪوه ظلمت شب سي ڪهين بهتر ٿا،

اپني حصي ڪي ڪوئي شمع جلاتي جلاتي.

هر طرف ۽ هر هنڌ رڳو منفي معاملا آهن، مايوسين ۽ محرومين جا ٿاڪ آهن، ڪٿي به ڪا اُميد جي چڻنگ ٻرندي ۽ دُکندي نظر نه ٿي اچي، ان حوالي سان جيڪڏهن ڪٿي ڪا اتساهيندڙ صورتحال سامهون اچي ٿي ته ان کي اڳتي وڌڻ نه ٿو ڏنو وڃي، ان جي راهه ۾ سوين رڪاوٽون آهن. اها انيڪ الجهنن جي ور چڙهي يا ته وجود ئي وڃائي ويهي ٿي يا ته پنهنجي مقصد کان ئي ٿڙي وڃي ٿي. اوهان ڪو به ٽارگيٽ کڻو، ڪنهن به پراجيڪٽ ۾ هٿ وجهو ۽ ڪنهن به مشن سان اڳتي نڪري پئو، شروع شروع ۾ ته توهان جي ارادي سان ئي هزارين اختلاف ٽڪراءَ ۾ ايندا پر جي توهان ثابت قدم سچار ۽ بااعتماد انسان آهيو ته پوءِ توهان کي نت نون مشورن ۽ صلاحن توڙي تجويزن جا اهڙا ۽ ايڏا ته تحفا ملڻ شروع ٿي ويندا جو اوهان جو دماغ چڪرائجي ويندو. منزل وسري ويندي ۽ مقصد فوت ٿي ويندو.

اسان کي ان رجحان ۽ رويي کي هٿي ڏيڻ بدران ان جو ڳلو گهٽي ساهه ڪڍڻو پوندو، اسان کي اهڙن ماڻهن ۽ عنصرن کان الڳ ئي مثبت سوچ رکندڙ حلقي جي ويجهو اچڻو پوندو، آڪسيجن رڳو وصول ڪرڻ ڪافي ناهي پر ٻين لاءِ آڪسيجن بڻجڻ وارو عزم به پنهنجي ايجنڊائن ۾ شامل ڪرڻو پوندو. ها جڏهن ائين ٿيندو تڏهن ئي ڪرپشن سميت سماج لاءِ ناسور بڻيل سڀني مرضن مان ڇوٽڪاري جي شروعات ٿيندي!

 

سياسي پارٽِيون ۽ احتساب جي گهرُ..؟: غلام مصطفيٰ جمالي

آل پاڪستان مسلم ليگ جي ٽن اڳواڻن جا نالا ته مونکي ياد آهن،جن ۾ هڪ سابق صدر ۽ اڳوڻو آرمي چيف جنرل پرويز مشرف آهي  ۽  ٻيو ڊاڪٽر امجد ۽ ٽيون احمد رضا خان قصوري آهي جنهن کي تازو تازو پارٽي مان نيڪالي ڏني وئي آهي.جيڪا سندس خرچو برداشت  نه ڪرڻ جي سڀ وڌيڪ اهم وجهه آهي،مان سمجهان ٿو ته ڳالهه جيڪڏهن خرچن جي آهي ته پوءِ اها سورهن سچ هوندي. ڇو ته اها واحد  وجهه هوندي آهي جنهن سان پارٽِي جي رهنمائن کي اڪثر نيڪالي ملندي رهندي آهي.!جڏهن ته ڳالهه احمد رضا قصوري جي آهي ته انُ ڊاڪٽر امجد جي باري ۾ چيو الزام لڳايو هو ته فيصل آباد جلسي ۾ آيل هڪ به ماڻهو کي ڏهاڙِي نه ڏني هئي جيڪي هو ٻهراڙِي ۾ في ڏينهن  ڏهاڙي تي وٺي آيو هوُ،جڏهن ته احمد رضا قصوري اهو به چيو ته هن سان وعدو ڪيو ويو هو ته جيڪي به ماڻهو هو ٻهڙاري کان جلسي لاءِ آڻيندو انهن سڀني ماڻهن کي هڪ ڏينهن جي ڏهاڙِي ڏني ويندي، جيڪو وعدو اڳيان هلي ڪري پورو نه ٿي سگهيو،اهڙِي شڪايت کڻي جڏهن احمد رضا قصوري پنهنجي اڳواڻ وٽ پهتو ته پئسا پئسن جي ماڳ الٽو کيس پارٽي ۾ نيڪالي جو حڪم جاري ڪيو ويو ۽ اهڙي ريت احمد رضا قصوري مسلم ليگ کي الواع ڪري ويو،پر ڳالهه جيڪڏهن پئسن جي آهي ۽ ٻهراڙي مان آيل هڪ ڏينهن جي ڏهاڙي تي آيل ماڻهن آهي ته پوءِ اها به ڳالهه  پڪ سان سچي هوندي ته هر پارٽِي اندر ماڻهن جو ايترو هجوم پڪ سان انهن جي محبت ۾ نه ايندو هوندو،ڇو ته هن وقت ڪهڙي پارٽي آهي جنهن عوام کي سک ڏنا آهن،مان سمجهان ٿو ته هن وقت هر پارٽي مان ماڻهو بيزار آهن انڪري احمد رضا قصوري کي ماڻهو وٺي اچڻ ڳچي ۾ پئجي ويا ۽ کيس پارٽي مان خارچ ڪيو ويو آهي،

ڳالهه پئسن جي ڪجي ته اهو معاملو تمام گهڻو ٽيڙو آهي ڇو ته اوهانکي ياد هوندو ته تحريڪ انصاف جو هڪ اڳواڻ به پنهنجا ڏهاڙي وارا پئسا گهرڻ سان گهر هليو ويو هو،تحريڪ انصاف جو اڳواڻ اڪبرايس به پارٽِي کان خرچن جي فنڊنگ گهري جنهن تي مٿس پارٽِي اڳواڻ ناراض ٿيو ته کيس پارٽي مان خارج ڪيو ويو،پر (اڪبر ايس بابر)هار تسليم نه ڪئي ۽ انهي پسئن واري معاملي کي مختلف فورمن تي هڪ التجا واري آواز ۾ بلند ڪندو رهيو،جڏهن ته تحريڪ انصاف سڌي ريت پارٽِي جي فنڊنگ جو احستاب ڏيڻ جي بجاءِ هو اليڪشن ڪميشن  کي چيئلج ڪري رهي آهي ته هوُ ڪنهن به پارٽِي کان پئسن جو حساب نه ٿي گهري،ڳالهه تحريڪ انصاف جي ڪجي ته سندس پارٽِي ۾ ته انصاف جو بول بالا تصور ڪيو پيو وڃي پر جيڪڏهن اهڙِي ڳالهه آهي ته اڪبر ايس بابر کي ڇو رسوا ڪري پارٽي مان ڪڍيو ويو آهي،کيس به پنهنجو انصاف ملڻ گهرجي ها،جيڪڏهن ڪو پارٽي اڳواڻ پارٽي جي فنڊنگ ڪري ۽ پوءِ وري انهي پارٽِي کان فنڊنگ جو حساب گهري ته کيس گهر ڀيڙو ڪيو ويندو وڃي،اهو ڪٿي جو انصاف آهي،نالو ته تحريڪ انصاف پر انصاف نالي به ڪا شيُ ڏسڻ ۾ نه پئي اچي،جيڪڏهن انصاف هجي ها ته اڪبرايس بابر ائين مختلف فورمن تي پارٽي کي چئلنج نه ڪري ها،جيڪڏهن الڪيشن ڪميشن تحريڪ انصاف جا پئسن جو حساب گهري رهي آهي ته کيس حساب ڏيڻ گهرجي ڇو ته بقول پارٽي جي اڳواڻ جي ته سندس پارٽي ۾ بدعنواني جو تصور به ناهي،انڪري کيس پارٽي جو حساب ڏيڻ گهرجي،انڪري تحريڪ انصاف مسلسل انهي ڳالهه کان لهرائي رهي آهي ۽ پاڻ مٿان انصاف جي چادر اوڍڻ جي ڪوشش ڪري رهي آهي.جنهن مان صاف ظاهر آهي ته ڪا نه ڪا گڙٻڙ ضرور آهي.جو تحريڪ انصاف پنهنجو انصاف ڏيڻ کان لهرائي رهي آهي،انڪري انهي ڳالهه انهي پهاڪي مثل آهي ته اٺ ڪهڙي به پاسي ويهي سگهي ٿو،ان ته هڪ تاريخي واقعو ياد اچي ويو ته عالم دين مولانا دائود غزنوي جيڪو قيام  پاڪستان کان پهرين ڪانگريس جي پنجاب شاخ جا فناس سيڪٽري هو،۽ پوءِ جڏهن هوُ اها جماعت ڇڏي پوءِ جڏهن مسلم ليگ ۾ شامل ٿيو ته پنڊت نهرو مولانا عطاالله شاهه بخاري کي چيو ته شاهه جي مولانا دائود ڪانگريس ڇڏي ڪري مسلم ليگ ۾ شامل ٿي ويو آهي جنهن جو کيس حق آهي پر توهان کائونس فنڊنگ جو حساب ته وٺو.؟

جڏهن ته شاهه جي جو ڪانگريس سان ڪوبه تعلق نه هو ۽ نه ئي مسلم ليگ سان ڪو تعلق هو،شاهه نهرو سان لطيفي جي انداز ۾ ڳالهه ڪندي چيو ته پنڊت جي محمود غزنوي ڪو حساب ڏنو هو جو توهان مولانا دائود کان حساب گهري رهيا آهيو، …………….هلندڙ…………..

احمد رضا قصوري ٻهراڙي مان ڏهاري ۾ ماڻهو وٺِي اچڻ ۽ پوءِ انهن ماڻهو جي ڏهاڙي جو پارٽي کان حساب گهرڻ تي  پارٽي کان فارغ ٿي  ڪيو ويو آهي،پر حيرت ته ڳالهه ته اها آهي ته اهي هيٺ ويهڻ وارا ڪٿي آهن،جن جواب ۾ پرويز مشرف کي ئي پارٽي نيڪالي ڏئي ڇڏي،۽ ڪٿي آهن اهي جيڪي پاڻ کي پي ايم ايل جا مکُ اڳواڻ سڏائيندا هئا،ان ڪري افسوس آهي جيڪا مسلم ليگ پارٽي کي هڪ ڪرڻ لاءِ نڪتي هئي اها پارٽي خد حصن ۾ ورهائجي چڪي آهي،ڇو ته هڪ طرف احمد رضا قصوري آهي ۽ ٻئي پاسي پرويز مشرف ۽ ڊاڪٽر امجد ۽ هڪ ٻيو پارٽي اڳواڻ فواد چوڌري جيڪو پهرين ئي پارٽِي کي الواع چڪو آهي،پر ڪنهن زماني اندر عائشه گلالائي به پي ايم ايل جو حصو هئي،جٿان کانپوءِ پوءِ هوُ تحريڪ انصاف ۾ آئي،۽ اها سڀني کي خبر هوندي ته ٿوري وقت ۾ هو پارٽي کان عليدگي اختيار ڪري ورتي آهي،جنهن جي سببن جي به سڀن کي خبرهوندي،پر خير هڪ پارٽِي کان ٻئي پارٽي اندرماڻهن جو اچڻ وڃن ٿيندو رهندو آهي،ڊاڪٽر فرودس اعواڻ به ٿوري عرصي ۾ پ پ کي ڇڏي ڪري تحريڪ انصاف ۾ شامل ٿي چڪي آهي،جڏهن ته سندس ٻه ڀاءُ پهرين ئي تحريڪ انصاف ۾ شامل هئا جن اها پارٽي ڇڏي ڏني آهي،جنهن جو ڪارڻ شايد ڊاڪٽر فرودوس اعواڻ آهي ظاهري ڳالهه آهي ته انهن ٻنهي ڀائرن مان ڪو هڪ ٽڪيٽ جو اميدوار ته ضرور هوندو پر ڊاڪٽر فردوس اعواڻ جي اچڻ کانپوءِ کين يقين تي ويو هوندو ته کين ڊاڪٽر فردوس اعواڻ جي موجودگي ۾ ٽڪيٽ نه ٿو ملي سگهندو انڪري انهن پارٽِي ڇڏڻ کي ئي بهترعمل سمجهيو،انڪري هوُ هن وقت پاڪستان پيپلزپارٽِي ۾ هليا ويا آهن ته شايد اتي کين ڪا چانس ملي وڃي،رهي ڳالهه مسلم ليگ جي ته مسلم ليگ پنهنجي اڳواڻن کي متحد ڪرڻ ۾ اڃان تائين ڪامياب نه وئي آهي جڏهن ته پرويز مشرف جو اها سوچ آهي ته هو ايندڙ اليڪشن کان پهرين پهرين پنهنجي پارٽي کي هڪ مظبوط پارٽي طور سامهون وٺي اچي  ۽ سندس پارٽي جي سياسي قوت حاصل هجي جيڪا ايندڙ اليڪشن ۾ پاڪستان مسلم ليگ ن تحريڪ انصاف ۽ پاڪستان پيپلزپارٽي سان مقابلو ڪري سگهي،پر اڃان مسلم ليگ محتد نه سگهي آهي ۽ نه ئي اهڙي پوزيشن ۾ آهي جو هو هيڏين وڏين پارٽين جو مقابلو ڪري سگهي،ظاهري ڳالهه آهي ته پرويزمشرف ته هن وقت دبئي ۾ ويٺل آهي ۽ پنهنجي پارٽي جو جڏجاڻيون به دبئي ۾ ڪرائي رهيو آهي ۽ پاڪستان اندر چوڌري شجاعت حسين آهي جيڪو مسلم

ليگ جي اڳواڻن کي متحد ڪرڻ جو ڪوششون ڪري رهيو آهي پر اڃان تائين کيس ڪا به ڪاميابي نه ملي سگهي آهي،جڏهن ته چوڌري شجاعت کي اها اميد آهي ته هوُ اليڪشن کان پهرين پنهنجي پارٽِي اڳواڻن کي راضي ڪري وٺندو ڇو ته کيس يقين آهي ته اليڪشن اندر ڪافي ٽائيم پيو آهي،جڏهن ته وزيراعظم خاقان شاهه  عباسي چيو آهي ته هرحال ۾ اليڪشن 2018ع ۾ ٿيندي،پر جماعتن کي يقين آهي ته ايندڙ اليڪشن 2018ع ۾ ٿي يا 2020۾ پر سياسي موسم هڪ جهڙو ئي رهندو انهي ڪري جماعتون پنهنجو پنهنجي احستاب جي بحث هميشه ڇيڙينديون رهينديون آهن،اوهانکي ياد هوندو جنرل ضياالحق وارو دور جڏهن ضياالحق الڪيشن ڪرائڻ جو اعلان ڪيو ۽ جماعتن پنهنجا الڪيشن فارم ڀرائڻ شروع ڪيا ۽ جڏهن اهي نامزدگي فارم وارو عمل شروع آخرکان آخرتائين مڪمل ٿيو ته جنرل ضياالحق اليڪشن ملتوي ڪري ڇڏي،۽ پاڻ پاڪستان جي ڪرسي تي ويهي رهيو اڪٽر پارٽيون سندس احتساب لاءِ هاءِ گهوڙا گهوڙا ڪنديون رهيون،پر ان وقت ضياالحق ڪنهن جي به هڪ نه ٻڌي ۽ آخر پارٽيون وري پاڻ ۾ وڙهڻ شروع ٿي ويون جنهن اندر اڪثرپارٽيون هڪ ٻئي تي الزام لڳائينديون رهيون ۽ چونديون رهيون ته ڪي اهڙيون به پارٽيون آهن جيڪي ضياالحق کان لهرائي ٿيون انڪري سندس مخالف نه ٿيون ڪن،برحال هن وقت اڃان اهڙو ڪوبه وقت ناهي هو اهڙي نوبت اچي،پر ايترو ضرور آهي جو هاڻي سياسي پارٽيون هڪ ٻئي جي خلاف ضرور آهن پر انهن سڀني جو هڪ منشور آهي ته پارٽيون جو احستاب ٿيڻ گهرجي،

 

نواز شريف جي اين آر او جي ترديد…!

گذريل ڏينهن پاڪ فوج جي ترجمان ميجر جنرل آصف غفور چيو ته اڳوڻي آمر پرويز مشرف جي سياست کان لاتعقي جو اظهار ڪندي آپريشن خيبر 4 مڪمل ڪرڻ جو اعلان ڪيو آهي ۽ چيو آهي ته سول ۽ فوج جا ناتا خراب نه آهن، راءِ جو اختلاف ٿي سگهي ٿو، فوج جو پ پ ۽ ن ليگ جي اين آر او سان ڪو به واسطو نه آهي، حڪومت فوج کي رضا رباني جي ڊائلاگ واري تجويز تحت ڳالهين ۾ شامل ٿيڻ جو چيو ته شموليت لاءِ تيار آهيون. حقاني نيٽ ورڪ سميت پاڪستان ۾ ڪو به دهشتگرد نيٽ ورڪ موجود نه آهي، را ۽ ڪلڀوشن نيٽ ورڪ پاڪستان ۾ فرقيواراڻي دهشتگردي ۾ ملوث آهي، ارفع ڪريم ٽاور دهشتگرد حملي جو نشانو پنجاب جو وڏو وزير شهباز شريف هو. حڪومت ڊان ليڪس سميت ڪا به جاچ رپورٽ پڌري ڪرڻ چاهي ٿي ته اها ڪري.  خيبر ايجنسي ۾ جاري آپريشن خيبر فور مڪمل ٿي ويو آهي. 253 ڪلوميٽر علائقو ڪليئر ڪرائي ڇڏيو آهي، ان ۾ 2 سپاهي شهيد ۽ 6 زخمي ٿيا. 52 دهشتگرد مارجي ويا ۽ 31 زخمي ٿي پيا. هاڻ ڪليئرنس آپريشن جاري آهي. هڪ دهشتگرد گرفتار ٿيو ۽ چئن پاڻ ؛ي ماريو، راجگال ۽ شوال ۾ هڪ هڪ دهشتگرد اسان جي نشاني تي هو. سوين بارودي سرنگهون ناڪاره بڻايون ويون. آپريشن ردالفساد تحت ملڪ ۾ 3300 ۽ پنجاب ۾ 1728 آپريشن ٿيا، خيبر فور ۾ افغان فورسز سان به رابطا ڪيا ويا. 2013ع ۾ راولپنڊِ ۾ مسجد تي حملي ۾ ملوث نيٽ ورڪ پڪڙيو ويو آهي، ان جو مقصد فرقيواريت پکيڙڻ آهي ۽ باهه ڏيندڙ ان ئي مسلڪ جا هئا. افغانستان سان ڳالهين ۾ ڀارت جو معاملو به غور هيٺ ايندو آهي. سويلين جنهن ماحول ۾ رهندا آهن،اتي سياست آهي ۽ الزام تراشي آهي، ريٽائر ٿيڻ کانپوءِ آئون به سويلين ٿي ويندس. پاڪستان اقليتن جو به اوترو ئي ملڪ آهي جيترو مسلمانن جو، انهن ۾ ڪو به فرق نه آهي. 59 غير مسلم پاڪستان لاءِ حياتيون قربان ڪري چڪا آهن. فوجي عدالتن ۾ ڪيس وفاقي حڪومت اماڻيندي آهي، پڪڙيل دهشتگردن بابت به جيڪو فيصلو وفاقي حڪومت ڪندي ان تي  عمل ڪيو ويندو. جنرل پرويز فوج ۾ 40 سال ڪم ڪيو، هو دفاع بابت تجرباتي بنياد تي تبصرا ڪندو آهي، هاڻ سياست ۾ آهي، اهو سندس ذاتي ڪردار آهي ۽ سياست ۾ بيان سندس ذاتي راءِ آهي. فوج رياست جو حصو آهي، آمريڪا جي افغان پاليسي تي پرڏيهي آفيس تبصرو ڏيندي. پاڪستان خودمختيار ملڪ آهي ۽ پنهنجي مفادن تحت خطي جي مفادن موجب ڪم ڪندو.  فاٽا سڌارن تي فوج پنهنجي راءِ ڏني آهي. سڌارا ٿي وڃڻ کپن ها. ڪشمير تڪراري خطو آهي، سياسي مدد جاري رکنداسين، اسان ڪنٽرول لائن جي پرئين پاسي ڪا به مداخلت نه پيا ڪريون. ڪشمير ۾ ڪا به دهشتگردي نه آهي، اها آزادي جي جدوجهد آهي.ڪنهن به آءِ ڊي پيز کي زوري نه اماڻيو ويو آهي. نواز شريف کي اين آر او سياسي ڳالهه آهي. ان سان فوج جو ڪو به واسطو نه آهي. سياسي سرگرميون جاري رهنديون ۽ رهڻ کپن. حقاني نيٽ ورڪ هتي نه آهي، پاڪستان اهو ڪندو جيڪو پنهنجي مفاد ۾ آهي. هڪ ماڻهو جي حڪم تي هلجي ته اها جمهوريت نه آمريت ٿي ويندي. ڊان ليڪس سميت ڪنهن جي رپورٽ حڪومت جاري ڪرڻ چاهي ٿي، اها کولي ڇڏي فوج نه کوليندي.  افغانستان آزد ملڪ آهي، ان ڪري اندر گهڙي ڪارروائي نه ٿا ڪري سگهون، سرحدي علائقن ۾ ڪارروائي ڪئي آهي، اسان قانون جي حڪمراني واري پاڪستان طرف وڌون پيا، پوليس، عدليه ۽ سياسي سڌارا آڻڻا آهن، آئيني حڪمراني ۽ تعليمي سڌارن لاءِ ميڊيا پروگرام ڪري. پاڪستاني جهنڊو ساڙيندڙ ۽ ان جو حڪم ڏيندڙ کي ڪو به پاڪستاني معاف ڪرڻ لاءِ تيار نه آهي ۽ فوج قوم سان گڏ آهي، ان لاءِ جاچ جي ڪا به ضرورت نه آهي. ايڪڙ ٻيڪڙ دهشتگردي هر ملڪ ۾ ٿيندي آهي. 100 سيڪڙو رٽ ڪٿي به نه هوندي آهي. سيڪيورٽي فورس جي ڪمزور هوندي ڪو به ملڪ دهشتگردي ختم نه ٿو ڪري سگهجي.

 

خيبر فور آپريشن مڪمل، ڊان ليڪس رپورٽ حڪومت کي کولڻي آهي فوج کي نه: آصف غفور

راولپنڊي (ويب ڊيسڪ): ڊي جي آءِ ايس پي آر ميجر جنرل آصف غفور ميڊيا کي بريفنگ ڏيندي چيو آهي ته خيبر فور آپريشن اڄ مڪمل ٿي ويو آهي، هن چيو ته راجگال ۽ وادي شوال ۾ زميني هدف حاصل ڪيا ويا، آپريشن تمام ڏکيو هيو، 2 سپاهي شهيد ۽ 6 زخمي ٿيا، ميجر جنرل آصف غفور چيو ته خيبر 4 آپريشن 15 جولاءِ کان شروع ڪيو ويو هيو، آپريشن خيبر فور ۾ 253 ڪلوميٽر علائقو ڪليئر ڪرايو، خيبر ويلي ۾ ڪليئرنس آپريشن جاري آهي، هن چيو ته 31 دهشتگرد زخمي، هڪ گرفتار، 4 پاڻ کي حوالي ڪيو، هن چيو ته آءِ اي ڊي بڻائڻ جي هڪ مواد تي ميڊ ان انڊيا جو ليبل آهي، آپريشن دوران 52 دهشتگرد مارجي ۽ 31 زخمي ٿيا، آپريشن ۾ تيار آءِ اي ڊيز به مليون آهن، راجگال ۽ شوال ۾ هڪ هڪ دهشتگرد اسان جي نشاني تي هيو، هن چيو ته آپريشن دوران سوين بارودي سرنگون ناڪاره بڻايون ويون، راجگال وادي ۾ 91 چيڪ پوسٽ بڻايون ويون آهن، ميجر جنرل آصف غفور چيو ته خيبر فور آپريشن لاءِ افغان سڪيورٽي فورسز کان به مدد ورتي وئي، هيل تائين 124 هزار آپريشن سڄي پاڪستان ۾ ڪري چڪا آهيون، 2017 ۾ ڪراچي ۾ دهشتگردي جو هڪ واقعو پيش آيو، پوليس مضبوط هوندي ته اسٽريٽ ڪرائيم ۾ وقت سان گڏ گهٽتائي ايندي، ڊي جي آءِ ايس پي آر موجب پنجاب ۾ انٽيليجنس اطلاعن تي 1728 آپريشن ڪيا ويا، خيبر فور آپريشن ۾ افغان فورسز سان مشاورت به ڪئي وئي، هن چيو ته آپريشن ردالفساد تحت سڄي ملڪ ۾ 3300 آپريشن ڪيا ويا، فاٽا جا ڪيترا ڪيڊٽس پاڪ فوج ۾ تربيت وٺي رهيا آهن، فاٽا ۾ نوجوانن جي رجسٽريشن ڪئي ويندي، فاٽا ۾ 147 اسڪول، 17 هيلٿ يونٽس، 27 مسجدون قائم ڪيون ويون آهن، ڊي جي آءِ ايس پي آر ميجر جنرل آصف غفور موجب آپريشن شروع ٿيو ته فاٽا جا ڪيترائي ماڻهو آءِ ڊي پيز بڻجي ويا، راولپنڊي ۾ 2013 دوران مسجد تي حملي جو نيٽ ورڪ پڪڙيو ويو، راولپنڊي ۾ مسجد ۾ باهه لڳائيندڙن جو مقصد فرقيواريت کي هوا ڏيڻ هيو، هن چيو ته راولپنڊي مسجد تي حملو ڪندڙ انهيءَ ئي مسلڪ جا هيا، 95 سيڪڙو آءِ ڊي پيز پنهنجي گهرن ڏانهن واپس وڃي چڪا آهن، هن وقت پاڪستان ۾ ڪنهن دهشتگرد تنظيم جو ڪو انفرااسٽرڪچر ناهي، ڪنهن به آءِ ڊي پيز کي زبردستي واپس ناهي اماڻيو ويو، پاڪستان سڀني جو آهي، ڪيترن پرڏيهين پاڪستانين لاءِ ڪم ڪيو، پاڪستان جي سرحد کان ٻاهر اسان سڀ هڪ آهيون، هن چيو ته اڳوڻو جنرل پرويز مشرف سياسي بيان هڪ سياسي اڳواڻ جي حيثيت سان ڏيندو آهي، سياسي سرگرميون هلنديون رهنديون آهن، هلنديون رهڻ گهرجن، پاڪستان ۾ ڪنهن دهشتگرد تنظيم جو منظم نيٽ ورڪ موجود ناهي، فاٽا ۾ سڌارا تمام ضروري آهي، سياسي نظام ۾ ان جو طريقيڪار هوندو آهي، پاڪ فوج طرفان فاٽا ۾ سڌارن جون تجويزون حڪومت کي ڏنيون ويون آهن، ڪشمير ۾ جيڪا به تحريڪ ٿئي ڀارت ان کي دهشتگردي قرار ڏئي ڇڏيندو آهي، ڪشمير جو معاملو گڏيل قومن ۾ آهي ۽ اتان جي تحريڪ آزادي جي آهي، آمريڪي وفدن کي واضح ٻڌايو ويو ته پاڪستان ۾ بنا فرق آپريشن ڪيا ويا آهن، اختلاف ٿي سگهن ٿا پر ان کي سول ملٽري لاڳاپن سان نه جوڙيو، سول ملٽري لاڳاپن ۾ ڪي اختلاف ناهن، اسان هڪ پيج تي آهيون، ڊان ليڪس انڪوائري رپورٽ منظر عام تي آڻڻ جو اختيار حڪومت جو آهي، ڊان ليڪس رپورٽ حڪومت کي کولڻي آهي، فوج کي نه، افغانستان سان ڳالهين ۾ ڀارت جو معاملو به غور هيٺ ايندو آهي، حقيقتون ڄاڻڻ عوام جو حق آهي، ڪشمير مسئلي تي گڏيل قومن جا ٺهراءَ موجود آهن، حقاني نيٽ ورڪ سميت سمورن دهشتگردن گروپن خلاف ڪارروائي ڪئي، پرڏيهي مداخلت جون سموريون شاهديون شيئر ڪيون وينديون آهن، جيڪو پاڪستان جو جهنڊو ساڙيندو آهي، ڇا اهو پاڪستاني آهي؟، پاڪستان جو جهنڊو ساڙيندڙ پاڪستاني ناهي، هن چيو ته سولين جنهن ماحول ۾ رهندا آهن، اتي سياست آهي ۽ الزام تراشي آهي، مان جنهن بيڪ گرائونڊ کان آهيان، مون کانسواءِ سڀ سويلين آهن، ريٽائرڊ ٿيڻ بعد مان به سويلين ٿي ويندس، سويلين ۽ ملٽري ۾ ڪو فرق ناهي، ٻئي هڪ آهن، پاڪستان ۾ سول ملٽري لاڳاپن ۾ ڪو مسئلو ناهي.