تازيون خبرون

Daily Archives: August 17, 2017

گرينڊ ڊائيلاگ جو حصو نه بڻجنداسين، نواز شريف سان رابطو ئي نٿو رکڻ چاهيان ته ڊائيلاگ ڪهڙو؟: زرداري

لاهور (اين اين آءِ) اڳوڻي صدر آصف علي زرداري چيو آهي ته نواز شريف سان نه رابطو آهي ۽ نه ئي رکڻ چاهيان، گرينڊ نيشنل ڊائلاگ جو حصو نه بڻجنداسين، هن وقت جمهوريت کي نه پر نواز شريف جي سياست کي خطرو آهي، اقتدار ۾ رهي 62 ۽ 63 گرينڊ نيشنل ڊائلاگ ۽ نئون عمراني معاهدو ڇو نه ياد هو. ذريعن موجب اڳوڻي صدر آصف علي زرداري جي صدارت ۾ بلاول هائوس لاهور ۾ اهم اجلاس ٿيو جنهن ۾ پارٽي جي سينيئر قيادت شرڪت ڪئي، اجلاس ۾ ملڪ جي موجوده سياسي صورتحال تي تفصيلي ڳالهيون ڪندي پنجاب ۾ پارٽي کي وڌيڪ فعال بڻائڻ جي حوالي سان حڪمت عملي تي غور ڪيو ويو، ان موقعي تي آصف زرداري چيو ته بلاول ڀٽو ميدان ۾ لهي چڪو آهي جنهن سان پارٽي جي مقبوليت ۾ واڌ ٿيندي ۽ پ پ جو چنيوٽ جو ڪامياب جلسو سياسي مخالفن جون اکيون کولڻ لاءِ ڪافي آهي، هن چيو ته نواز شريف سان ڪو به رابطو نه آهي ۽ نه ئي ان سان رابطو رکڻ چاهيون ٿا. اڄ جڏهن هو مشڪل جو شڪار آهي ان کي سڀ ڳالهيون ياد اچي رهيون آهن.

 

ڪشمير تڪرار جي حل بغير علائقائي امن ۽ ترقي ممڪن نه آهي: وزير اعظم

ويب ڊيسڪ  : اسلام آباد: قومي سلامتي ڪميٽي ڪنٽرول لائين تي ڀارتي فوج پاران لاڳيتو سرحد پار فائرنگ جي واقعن تي گهري ڳڻتي جو اظهار ڪندي ان عزم کي ورجايو آهي ته ڄمون ۽ ڪشمير جي پراڻي تڪرار سميت سمورن حل طلب مسئلن جي حل کانسواءِ علائقائي امن ۽ ترقي ممڪن نه آهي. قومي سلامتي ڪميٽي (اين ايس سي) جو اجلاس اربع ڏينهن هتي وزيراعظم شاهد خاقان عباسي جي صدارت ۾ ٿيو. اجلاس ۾ اندروني ۽ ٻاهرئين سلامتي جي صورتحال ۽ علائقائي ۽ عالمي ڏس ۾ پاڪستان جي پرڏيهي پاليسي جي گهرجن جو جائزو ورتو ويو. اجلاس جي شرڪت ڪندڙن افغانستان ۾ امن ۽ استحڪام لاءِ افغانين تي ٻڌل ۽ انهن جي قيادت ۾ امن عمل جي حمايت جي عزم کي ورجائيندي افغانستان جي عوام ۽ حڪومت سان سمورين سطحن تي گڏجي سمورين رڪاوٽن بشمول بار بار سرحد پار فائرنگ ۽ افغانستان ۾ پاڪستان ۾ دهشتگردي جي واقعن ۾ ملوث نيٽ ورڪس جي خاتمي جو عزم ڪيو. قومي سلامتي ڪميٽي ڪنٽرول لائين تي ڀارتي فوج پاران لاڳيتو سرحد پار فائرنگ جي واقعن تي گهري ڳڻتي جو اظهار ڪيو ۽ ڀارتي فورسز پاران والاريل ڄمون ۽ ڪشمير ۾ انساني حقن جي سنگين خلاف ورزين ۽ معصوم ڪشميرين تي ظلم جي سخت مذمت ڪئي. اجلاس جي شرڪت ڪندڙن ان عزم کي ورجايو ته علائقائي امن ۽ ترقي ان وقت تائين ممڪن نه آهي جيستائين ڄمون ۽ ڪشمير جي پراڻي تڪرار سميت سمورن حل طلب مسئلن جو حل نه ٿو ڪڍيو وڃي. قومي سلامتي ڪميٽي متفقه طور تي آپريشن ردالفساد ۽ آپريشن خيبر فور سميت دهشتگردي جي خاتمي جي سمورن آپريشنن ۾ ملندڙ ڪاميابين تي اطمينان جو اظهار ڪيو ۽ دهشتگرد عنصرن جا آخري نشان مٽائڻ تائين آپريشنز جاري رکڻ جو عزم ظاهر ڪيو. ڪميٽي ملڪ جي ۷۰ هين آزادي جي ڏهاڙي کي قومي جوش ۽ جذبي، اتحاد ۽ شاندار انداز ۾ ملهائڻ کي ساراهيو. اجلاس ۾ دفاع واري وفاقي وزير خرم دستگير خان، ناڻي واري وفاقي وزير محمد اسحاق ڊار، پرڏيهي وزير خواجه محمد آصف، جوائنٽ چيفس آف اسٽاف ڪميٽي جي چيئرمين جنرل زبير محمود حيات، چيف آف آرمي اسٽاف جنرل قمر جاويد باجوه، چيف آف نيول اسٽاف ايڊمرل محمد ذڪاءُ الله، پاڪ فضائيه جي سربراهه ايئر چيف مارشل سهيل امان، قومي سلامتي جي صلاحڪار ليفٽيننٽ جنرل (ر) ناصر خان جنجوعه، آءِ ايس پي آر جي ڊائريڪٽر جنرل ليفٽيننٽ جنرل نويد مختار ۽ سينيئر سول ۽ عسڪري عملدارن شرڪت ڪئي.

 

سنڌ هاءِ ڪورٽ نيب کي سڄي صوبي ۾ ڪارروايون جاري رکڻ جو حڪم ڏئي ڇڏيو

ڪراچي(اين اين آءِ) سنڌ هائي ڪورٽ نيب کي سنڌ ۾ ڪم جاري رکن جو حڪم ڏيندي ڪيس ۾ ملوث پارليامينٽ ميمبر ۽ سرڪاري آفيسرن جي لسٽ طلب ڪئي آهي، عدالت وڌيڪ ٻڌڻي 22 آگست تائين ملتوي ڪندي ڌرين کي نوٽيس جاري ڪري ڇڏيا آهن. اربع تي سنڌ حڪومت نيب قانون کي ڪاالعدم قرار ڏيڻ خلاف ايم ڪيو ايم پاڪستان جي فاروق ستار فنڪشنل ليگ جي شهريار مهر ۽ نصرت سحر عباسي، نون ليگ، پي ٽي آئي جي خرم شيرزمان ۽ پي ٽي آئي جي علي زيد جي درخواست جي ٻڌڻي ٿي. چيف جسٽس سنڌ هائي ڪورٽ جسٽس احمد علي شيخ ايندڙ ٻڌڻي تائين نيب کي سنڌ ۾ ڪاروائي رکڻ جي هدايت ڪندي نيب انڪوائري ۾ سان منهن ڏيندڙ پارليامينٽ جا ميمبر ۽ سرڪاري آفيسرن جي لسٽ به طلب ڪئي آهي، درخواست ڪندڙ جي وڪيل فيصل صديقي چيو ته سنڌ حڪومت آفيسرن کي هدايت ڪري رهي آهي ته ڪو به رڪارڊ نه ڏنو وڃي، روز نيب بورڊ ۾ درخواست داخل ڪئي ويندي آهي. ته  ٻڌڻي نه ڪئي وڃي. نيب جي پراسيڪوٽر عدالت کي ٻڌايو ته سنڌ حڪومت جي قانون سان اسانجو ڪم متاثر ٿي رهيو آهي. ايڊووڪيٽ جنرل سنڌ دليل  ڏيندي چيو ته 18 ترميم جي تحت سنڌ اسيمبلي کي ان بل جي منظوري جو اختيار آهي ، چيف جسٽس سنڌ هائي ڪورٽ چيو ته ان جو مطلب آهي وفاقي اينٽي ڪرپشن ڪورٽ کي تالا هڻي ڇڏيون. دهشتگردي توڙ واري خاص عدالتون اينٽي نارڪوٽس ڪورٽ کي به تالا هڻي ڇڏيون، ايڊووڪيٽ جنرل سنڌ چيو ته سنڌ ۾ نيب آرڊيننس ختم ڪرڻ جو معاملو سپريم ڪورٽ ۾ به ٻڌڻي هيٺ آهي. چيف جسٽس پڇا ڪئي ته ڇا معاملو گڏيل ڪونسل ۾ ويندو جنهن تي ايڊوڪيٽ جنرل چيو ته وفاق ۽ صوبي جي وچ ۾ تڪرار هجي ته معاملو سپريم ڪورٽ ڏانهن ويندو آهي، ايڊيشنل اٽارني جنرل سپريم ڪورٽ درخواست داخل ڪرڻ کان لاعلمي جو  اظهار ڪندي چيو ته انکي اهڙو ڪوبه اطلاع ناهي، نيب جي پراسيڪيوٽر جنرل به چيو ته اسانکي سپريم ڪورٽ کان ان حوالي سان ڪابه ڪاپي نه ملي آهي. عدالت درخواستن جي ٻڌڻي 22 آگست تائين ملتوي ڪندي عارف علوي  ۽ سوسل سوسائيٽي ۽ ٻين جي درخواست تي به ڌرين کي نوٽيس جاري ڪري ڇڏيا.

 

وقت ايندو جو ڪراچي ۾ تدفين لاءِ به جاءِ نه بچندي، قبرستان به وڪڻيا ويندا: سنڌ هاءِ ڪورٽ

ڪراچي(ويب ڊيسڪ) سنڌ هاءِ ڪورٽ جي چيف جسٽس  احمد علي شيخ چيو آهي ته هڪ وقت ايندو جڏهن ڪراچي ۾ تدفين جي جاءِ به نه بچندي ۽ قبرستان  به وڪڻيا ويندا. سنڌ هاءِ ڪورٽ بلديا عظمي جي ايراضي جي غير قانوني الاٽمينٽ بابت ڪيس ۾ ڪي ايم سي آفيسرن جي ضمانت جي درخواستن جي ٻڌڻي ڪئي. عدالت پيس نه ٿيڻ تي ڪي ايم سي آفسر ذيشان حيدر جي ضمانت رد ڪري ڇڏي. سنڌ هاءِ ڪورٽ جي چيف  جسٽس غير قانوني الاٽمينٽ تي ڪاوڙ جو اظهار ڪندي چيو ته جيڪڏهن اهڙي طرح الاٽمينٽ ٿيندي رهي ته قبرستان به وڪڻيا ويندا ۽ هڪ وقت ايندو جڏهن تدفين جي جاءِ به باقي نه رهندي.  جوابدار ذيشان حيدر جي وڪيل چيو ته جوابدار رستي ۾ آهي ۽ پهچڻ وارو آهي جنهن تي چيف جسٽس ريمارڪس ڏنا ته اهو داءُ پيچ اسان ڄاڻون ٿا اسان کي نه سيکاريو، ٻڌڻي دوران پيش ٿيو ته ضمانت بحال ٿي سگهي ٿي، بدعنوانين کي پرڏيهه وڃڻ ڏنو ويندو آهي ته ۽ اتان کان وڪالت ناما اچي ويندا آهن.  نيب پراسيڪيوٽر عدالت کي ٻڌايو ته جوابدار اسلم پراچا، ذيشان حيدر ۽ ٻيا ڪلفٽن ۾ پلاٽن جي غير قانوني الاٽمينٽ ۾ ملوث آهن. جوابدارن جي وڪيل دليل پيش ڪندي چيو ته هاڻ سنڌ ۾ نيب آرڊيننس رد ٿيڻ کان پوءِ نئون قانون بڻجي ويو آهي ۽ نيب جا ڪيس اينٽي ڪرپشن ڏانهن منتقل ٿي رهيا آهن، جنهن تي چيف جسٽس احمد علي شيخ چيو ته توهان کي اينٽي ڪرپشن جو حال خبر آهي، ان جون اعليٰ اختيارين ته پاڻ ڪيسن ۾ ملوث آهن، غير قانوني الاٽمينٽ ۾  ڪيترا قوم جا خادم ملوث آهن، انهن وڏي خدمت ڪئي آهي.

 

ٽيڪنوڪريٽ حڪومت جي ڪا گنجائش ناهي، عوام جي فيصلي کانسواءِ ڪو به فيصلو ڪري قبول ناهي: سعد رفيق

اسلام آباد /لاهور(ويب ڊيسڪ): وفاقي گهرو وزير احسن اقبال چيو آهي ته ڪراچي ملڪي معيشت جي ريڙهه جي هڏي جي حيثيت رکي ٿو، ڪنهن به شخص، جماعت ۽ ماڻهن کي ڪراچي شهر جي امن سان کيڏڻ نه ڏينداسين، وفاقي گهرو وزير احسن اقبال جي صدارت هيٺ ڪراچي ۾ امن امان جي صورتحال بابت اجلاس ٿيو، گهرو وزارت طرفان جاري ڪيل بيان موجب اجلاس ۾ ڊي جي رينجرز سنڌ ۽ وزارت جي اعليٰ عملدارن شرڪت ڪئي، گهرو وزير اجلاس کي خطاب ڪندي چيو ته ڪراچي پاڪستان جي معيشت جي ترقي لاءِ ريڙهه جي هڏي جي حيثيت رکي ٿو ۽ ڪنهن کي به ڪراچي جو امن خراب ڪرڻ جي اجازت نه ڏينداسين، ملڪ دشمن عنصرن سان ڪنهن قسم جي نرمي نه ڪئي ويندي پر پرامن سياست جو احترام ڪيو ويندو، ان موقعي تي ڊي جي رينجرز گهرو وزير کي بريفنگ ڏني، جڏهن ته گهرو وزير رينجرز جي صلاحيتن ۽ خدمتن کي ساراهيندي چيو ته رينجرز جي ڪاوشن سان شهر ۾ ڏوهن جي شرح ۾ تمام گهڻي گهٽتائي آئي آهي.ٻيئ طرف  وفاقي وزير خواجا سعد رفيق چيو آهي ته اسان نٿا چاهيون رانديگر عدالت مان نااهل ٿئي، عدالتي نااهلي ۽ مارشل لا سياست دان کي عوام کان پري نٿا ڪن، لاهور ۾ تقريب کي خطاب ڪندي ريلوي واري وفاقي وزير خواجا سعد   ته ٽيڪنوڪريٽ حڪومت جي ڪا گنجائش ناهي، عوام جي فيصلي کانسواءِ ڪو به فيصلو ڪري رفيقچيوقبول ناهي، هن چيو ته پاڪستان کي افغانستان، يمن، مصر ۽ شام بڻجڻ نه ڏينداسين، عالمي طاقتن جو کيل پاڪستان ۾ نه هلڻ ڏينداسين، سندس چوڻ هو ته پاڪستان جو مستقبل جمهوريت سان جڙيل اهي، ملڪ ووٽ جي ذريعي بڻيو آهي، سياست ۾ جڏهن هڪ ٻئي جي چهرن کي ڪارو ڪنداسين ته ڳالهه پري تائين ويندي، اهي ئي ماڻهو سڀاڻي روئيندا ته اسان ڇا ڪيو، سعد رفيق چيو ته سي پيڪ ڪراچي ۽ پشاور جوڙيندو ۽ فاصلا گهٽ ٿيندا، ملڪ صحيح رخ ۾ وڃي رهيو هيو ۽ سيڙپڪاري اچي رهي هئي، پاڪستان افراتفري ۽ انتشار برداشت نٿو ڪري سگهي، هن چيو ته ٽرينن جو وڏو انگ اپ گريڊ ٿي چڪو آهي، جڏهن ته اچ وڃ به وقت تي آهي، ايندڙ سال ريلوي جو منافعو 50 ۽ 53 ارب رپين جي وچ ۾ هوندو، پاڪستان ريلوي جي ورڪرز محنت ڪري اداري کي بهتر ڪيو، سندس وڌيڪ چوڻ هيو ته آزادي ٽرين پوري ملڪ ۾ ويندي، سمورن صوبن جو ڪلچر ٽرين جو حصو آهي.

 

آصف زرداري سان بلاول ڀٽو جي ملاقات، چترال ۽ چنيوٽ جي ڪامياب جلسن جي حوالي سان آگاهه ڪيو

اسلام آباد (اين اين آءِ) اڳوڻي صدر آصف علي زرداري سان پ پ چيئرمين بلاول ڀٽو زرداري جيڪو اڄ ڪراچي کان لاهور پهتو ملاقات ڪري موجوده سياسي صورتحال تي ڳالهه ٻولهه ڪئي، پ پ چيئرمين بلاول ڀٽو زرداري آصف علي زرداري کي چترال ۽ چنيوٽ جي ڪامياب جلسن جي حوالي سان آگاهه ڪيو، ان کانپوءِ آصف زرداري، ميان منظور وٽو، فرحت الله بابر، سينيٽر ڊاڪٽر قيوم سومرو، قمر زمان ڪائرا ۽ ٻين سان ملاقات ڪئي، ملاقات دوران ملڪ جي موجوده سياسي صورتحال تي ڳالهه ٻولهه ڪئي وئي. اڳوڻي صدر پ پ پنجاب جي قيادت جي جلسن جي ڪاميابي تي انهن جي تعريف ڪندي مبارڪ ڏني. آصف زرداري اين اي 120 تي ننڍي چونڊ جي حوالي سان پارٽي اڳواڻن سان مشورو ڪيو ۽ حڪمت عملي اختيار ڪرڻ جي هدايت ڪئي، اڳوڻي صدر پارٽي عهديدارن کي هدايت ڪئي ته اهي ڪارڪنن کي سرگرم ڪن ۽ عهديدار ڏينهن رات ڪم ڪري فيصل مير جي چونڊ مهم هلائين. هن چيو ته تازو ئي پ پ گلگت ۽ ڪراچي جون سيٽون کٽي اهو ثابت ڪيو آهي ته پ پ عوام جي دلين ۾ موجود آهي.

 

پيپلز پارٽي جي نئين سياسي حڪمت عملي تيار، فريال ۽ آصفه ڀٽو سنڌ سنڀالينديون

ڪراچي(ويب ڊيسڪ) پيپلز پارٽي چوننڊن جي لاءِ نئين حڪمت عملي جوڙي ڇڏي آهي جنهن جي تحت فريال ٽالپر ۽ آصفه ڀٽو سنڌ کي سنڀالينديون جڏهن ته بلاول ڀٽو زرداري پنجاب م جلسن کي خطاب ڪندو. پنجاب جي اهم شخصيتن آصف علي زرداري سان رابطو ڪيو آهي جنهن تي اڳوڻي صدر پراڻي سياسي ساٿين سان گڏجي اڳتي وڌڻ جو سنگل ڏنو آهي. پيپلز پارٽي جي نئين سياسي حڪمت عملي جي تحت سنڌ ۾ پيپلز پارٽي  جا معاملا فريال ٽالپر ۽ آصفه ڀٽو سنڀالينديون ۽ صوبائي اسيمبلي جي سيٽ تان اليڪشن وڙهنديون جڏهن ته مخالف ڌر اڳواڻ خورشيد شاهه به صوبائي اسيمبلي مان اليڪشن وڙهندو جڏهن ته بلاول ڀٽو زرداري پنجاب کي ڪور ڪندو ۽ جلسن کي خطاب ڪندو جنهن جي لاءِ سڄي پنجاب ۾ جلسن جي لاءِ رابطا مهم تيز ڪئي وئي آهي ۽ چونڊ مهم دوران سينٽرل پنجاب ۾ ڊور ٽو ڊور چونڊ مهم شروع ڪئي ويندي.

 

احتساب واري قانون کي چيلينج ڪندڙ ان ۾ خاميون ٻڌائن: سعيد غني

ڪراچي(ويب ڊيسڪ) پيپلز پارٽي جي اڳواڻ ۽ سنڌ اسيمبلي جي ميمبر سعيد غني چيو آهي ته احتساب جو قانون چيلينج ڪرڻ وارا ان ۾ خرابيون ٻڌائن. سنڌ هاءِ ڪورٽ ٻاهران ميڊيا سان ڳالهائيندي سعيد غني چيو ته هڪ ئي ڏوهه جي خلاف 2 ادارن جو ڪم ڪرڻ عجيب ڳالهه آهي، سنڌ ۾ اينٽي ڪرپشن ادارو احتساب ڪميشن جي جاءِ وٺندو. سعيد غني چيو ته سنڌ کان پهرين ڪي پي ڪي ۾ احتساب ڪميشن بڻجي چڪو آهي پر تحريڪ انصاف سنڌ ۾ نيب کي قائم رکڻ چاهي ٿي ۽ احتساب ڪميشن خلاف عدالت ۾ اچي وئي آهي. سعيد غني جو چوڻ هو ته صوبائي اسيمبلي وٽ قانون سازي جو اختيار آهي، لاڳو نيب قانون صوبن تان ختم ڪرڻ واري تجويز سان پي ٽي آءِ به اتفاق ڪيو هو. هن وڌيڪ چيو ته اينٽي ڪرپشن جو سربراهه اسپيڪر کي رکيو آهي، جيڪڏهن مخالف ڌر کي اسپيڪر تي اعتراض آهي ته راءِ ڏئي اسان کي ڇا ڪرڻ گهرجي. نيب آرڊيننس ختم ڪرڻ بابت عدالت جو جيڪو به فيصلو ايندو ان کي قبول ڪنداسين.

 

ملڪ نازڪ دور مان پيو گذري، ملڪي سياست ۾ ٽن کان چار مهينا اهم آهن: چوڌري نثار

راولپنڊي: اڳوڻي وفاقي گهرو وزير چوڌري نثار علي خان چيو آهي ته ملڪ هن وقت تمام گهڻي نازڪ دور مان گذري رهيو آهي، ٽن کان چار مهينا ملڪي سياست جي تاريخ جي حوالي سان اهم ترين آهن، هن چيو ته انسان جي عزت عهدن سان نه پر ڪردار سان ٿيندي آهي، تڪ جي ترقياتي ڪم نه رکيا ويا، سمورن ناظمن جي مشاورت سان ترقياتي منصوبا جلد مڪمل ڪيا ويندا.

 

نواز شريف نااهلي بعد به درست رستو اختيار نه ڪيو: سراج الحق

اسلام آباد (ويب ڊيسڪ): جماعت اسلامي امير سراج الحق چيو آهي ته نواز شريف نااهلي بعد به درست رستو اختيار نه ڪيو، هن چيو ته ملڪ ۾ڪرپشن هڪ وبا جي شڪل اختيار ڪري ورتي آهي، ڪرپشن ۾ اڪثر اهي ماڻهو ملوث آهن، جيڪي وڏن عهدن تي آهن، هن چيو ته نواز شريف ڪرپٽ سسٽم جو سڀ کان موثر حصو هيو، نواز شريف کي سزا ملڻ سان اميد آهي ڪرپشن ۾ ڪجهه گهٽتائي ايندي.