تازيون خبرون

Daily Archives: August 16, 2017

سماج ۾ تبديلي لاءِ هر ماڻهو کي ڪردار ادا ڪرڻو پوندو: وديا بالن

نئين دهلي(شوبز نيوز) بالي ووڊ جي خوبصورت اداڪارا ۽ ڀارتي سينسر بورڊ جي ميمبر وديا بالن چيو آهي ته فلمون اسان جي سماج جو آئينو آهن، اهي عام ماڻهن جي سوچ ۽ زندگي تي اثرانداز ٿين ٿيون، ماڻهو فلمن ۾ اٿاريل مختلف معاملن تي سوچڻ ۽ بحث ڪرڻ لڳن ٿا. هڪ انٽرويو ۾ وديا بالن چيو ته اڄڪلهه ڪيترين ئي فلمن ۾ اهڙن معاملن کي آندو پيو وڃي اڳ ۾ جن کي ڪارپيٽ هيٺان ڍڪيو ويندو هو. هن چيو ته سئنيما حقيقت جي عڪاسي ڪري ٿي، سماج ۾ جيڪو ڪجهه ٿي رهيو آهي، اهو فلمن ۾ ڏيکاريو پيو وڃي ۽ انهن معاملن تي جاڳرتا پيدا ڪئي پئي وڃي. هڪ سوال جي جواب۾ هن چيو ته فلمون ڪرڻ جو مقصد ماڻهن کي اداڪار طور هڪ ڪهاڻي ٻڌائڻ آهي پر ان فلم مان ڪنهن کي جو پيغام ملي ٿو ۽ اهو ان تي سوچڻ تي مجبور ٿئي ٿو ته اها سٺي ڳالهه هوندي.

 

دپيڪا پڊوڪون ۽ پريانڪا چوپڙا هالي ووڊ ۾ فلاپ ٿي ويو

نيويارڪ(شوبز نيوز)بالي ووڊ اداڪاره دپيڪا پڊوڪون ۽ پريانڪا ٻنهي هالي ووڊ ۾ انٽري ڪئي هئي ۽ فلمن ۾ ڪم ڪرڻ به شروع ڪيو هو، جن ۾ هنن کي ڪجهه حد تائين ڪاميابي به حاصل ٿي هئي، پر ٻنهي اداڪارائن کي اهو توجهه نه مليو جيڪو هنن کي هالي ووڊ جي ڪيريئر جي شروعات ۾ مليو هو، ڀارتي ميڊيا موجب بالي ووڊ نگري ۾ اداڪاره پريانڪا ۽ دپيڪا شاندار اداڪاري کانپوءِ هالي ووڊ ۾ به نالو ڪمايو، جڏهن ته پنهنجي پنهنجي هالي ووڊ جي پهرين ڪامياب فلمن کانپوءِ انهن ٻين فلمن ۾ به ڪم ڪرڻ شروع ڪري ڇڏيو، اداڪارائن کي ٽين چوائس ايوارڊز به مليا هئا، اداڪاره پريانڪا چوپڙا کي ان فلم ۾ ”بي واچ“ جي لاءِ نامزد ڪيو ويو هو، جڏهن ته دپيڪا پڊوڪون کي فلم ”ٽرپل ايڪس آف دي زينڊر ڪيج“ جي لاءِ نامزد ڪيو ويو هو، پر ٻنهي اداڪارائن ايوارڊ حاصل نه ڪري سگهيا، واضع رهي ته اداڪارا دپيڪا ۽ پريانڪا چوپڙا ٻئي ئي هالي ووڊ فلم انڊسٽري ۾ ناڪام ٿي چُڪيون آهن.(۰۲)

 

ڊيوڊ وارنر ڪنڌ ۾ بال لڳڻ سبب سخت زخمي ٿي پيو

ڊارون(اسپورٽس نيوز) آسٽريليا جو بئٽسمين ڊيوڊ وارنر ڪنڌ ۾ بال لڳڻ سبب سخت زخمي ٿي پيو آهي. ڊارون ۾ بنگلاديش جي دوري لاءِ لڳايل تربيتي ڪئمپ ۾ پريڪٽس ميچ دوران ڊيوڊ وارنر جوش هيزلي ووڊ جي بائونسر کي هُڪ ڪرڻ جي ڪوشش ڪئي پر تيز بال ڪنڌ ۾ لڳڻ سبب هو زمين تي ڪري پيو. بالر جوش هيزلي ووڊ ۽ اسڪپر اسٽيون سمٿ فوري طور تي اڳتي وڌيا ۽ ڊيوڊ وارنر کي اٿاريو پر ڪنڌ ۾ ڌڪ لڳڻ سبب هو گرائونڊ کان ٻاهر هليو ويو.

 

محمد عامر پي ايس ايل ۾ ڪراچي ڪنگز ٽيم ڇڏي ڏني

ڪراچي(اسپورٽس نيوز)اسٽار فاسٽ بالر محمد عامر پاڪستان سپر ليگ ۾ پنهنجي ٽيم ڪراچي ڪنگز سان ٻن سالن جو ساٿ ختم ڪرڻ جو فيصلو ڪري ڇڏيو آهي. ڪراچي ڪنگز ٽيم پي ايس ايل جي شروعاتي ٻنهي سيزن ۾ ناڪام رهي ۽ پلي آف مرحلي تائين پهچي نه سگهي هئي. جڏهن ته ٽيم ۾ ڪپتاني تان اختلاف به سامهون آيا هئا. ذريعن جو چوڻ آهي ته محمد عامر ڪراچي ڪنگز ٽيم کي خير باد چوڻ جو حتمي فيصلو ڪيو آهي، جنهن بعد هو ٽئين سيزن ۾ ڪوئيٽا گليڊيئيٽرز ٽيم ۾ شموليت اختيار ڪري سگهي ٿو

 

ملڪي سياست جي جھلڪ ۽ ڪجھه حقيقتون: ڪامريڊ منان چانڊيو

ميان نواز شريف پاناما پيپرس, جي آء ٽي ۽ عدالت سڳوري جي ٽه طرفي طاقت ۽ غيض غضب جي پڪڙ ۾ اچي اسلام آباد جھڙي بي وفا پر پُررونق شھر ۾ قائم پرائيم منسٽر ھائوس جي رنگين ڪمرن بخملي بيڊن سونھري صوفن بادامي باٿ رومن مان بي دخل ٿي وزارت عظمي کي مجبوري مان الوداع چئي اکيون اشڪبار ڪندي ۽ غمذده چھرو بنائيندي ويندي ويندي پوئتي منھن ڪري ڪنڌ ھيٺ ڪري چپ بند ڪري مٺيون ڀڪوڙي آھستي آھستي قدم کڻي نڪتو ھوندو ته اھو منظر سندس جي لئه ڀوائتو ۽ عجيب غريب ھيو, خير اھو پھريون ڀيرو نه ھيو جو ميان صاحب پي ايم ھائوس مان رسوا ٿي پھريون جيل پوء ڀلي پار ۽ بعد ۾ رائيونڊ جھڙي وادي جنت ۾ داخل ٿيو ھجي پر پوء به گذريل جولاء جي 28 تاريخ وارا اھي لمحا ھن لاء ڪنھن وڏي المئي کان گھٽ نه ھيا جڏھن سپريم ڪورٽ جي پنج رڪني بينچ متفقه راء سان کيس صادق ۽ امين نه ھئڻ ڪري نااھلي جو مٿس ٺپو ھڻي گھر ڀيڙو ڪري ڇڏيو, ۽ اھڙي ريت ھو ,ٻين ڪيترن ئي پنھنجي ھم منصب معززين ۽ محترمين جي ڊگھي قطار ۾ وڃي جڳھ والاري, اسان پنھنجي وڏڙن کان پشت به پشت ٻڌندا پيا اچون ته وقت جي اعلي عدالتن يا قاضي ڪورٽن جي منصفن جي قلم جي نوڪ جتي ھڪ مظلوم ڌر ۽ فرد جي گردن ڪٽڻ لاء استعمال ٿئي آھي,اتي وري بادشاھن راجائن ۽ حڪمرانن پاران مقرر ڪيل ڪھارن ۽ جلادن جي تلوارن نيزن خنجرن سنگينن جون تکيون تيز چوٽين به ساڳيو ڪم سرانجام ڏنو آھي , اھا پڻ حقيقت آھي ته ازل کان ئي عدالتون قاضي ڪورٽون ۽ بادشاھتون ھڪ ئي دڳ تي ھلندي پنھنجي مفادن واري طئه ٿيل منزل طرف روان دوان آھن , پر ڪڏھن ڪڏھن انھن ۾ اڻبڻت پيدا ٿيڻ جي ڪري ھڪٻئي جي رچايل راند ۾ رس چس نه رھندي آھي جنھن ڪري معاملا بگڙجي ويندا آھن ۽ نتيجن اصل معاملو منظرعام تي اچي ويندو آھي ۽ ھمراھ سياري واري سوڙ پاڻ ڏانھن سورڻ کي لڳي ويندا آھن بھرحال ماضي جي پڳ مٽ يارن ۾ ڪھڙن سببن جي ڪري ڇڪتاڻ شروع ٿي وئي آھي ان جي سربستي خبر کين ئي ھوندي, ميان صاحب پي ايم ھائوس کان تڙجي ٻارنھن ڏينھن تائين ڪوھ مري جي من موھيندڙ نظارن ۽ ٿڌڙين ھوائن جي مرڪزي وادين ماٿرين ۾ رھڻ کانپوء جنت الفردوس جون سڪون لاھڻ ۽ منظر پيش ڪندڙ رائيونڊ روانو ٿيو ته ساڻس کوڙ خدائي خلق اوڏانھين راھي ٿئي رمندي رھي ۽ مزي جي ڳالھ ته جنھن راولپنڊي جي راڻن سندس جي بقول کيس اقتداري سيج تان جولاء مھيني جي ٽاڪ منجھند جو اٿاري ڇڏيو تنھن راولپنڊي عرف ڪوفي شھر ۾ پھرين رات پنھنجي حامين سميت بصر ڪئي, اسان راولپنڊي کي ڪوفي شهر سان نسبت ان ڪري ڏيون ٿا ت اتي ملڪ جي هڪ پهرين اڻ چونڊيل وزير اعظم لياقت علي کي سرڪاري تقريب ۾ اسٽيج تي گولين سان گهائي ڇڏيو ,

هڪ ٻئي پهرين چونڊيل وزير اعظم ذوالفقار علي ڀٽو کي جسٽس مولوي مشتاق ۽ جسٽس ايس انوارالحق جي ٿرو تارا مسيح جهڙي بدنام زمانا جلاد هٿان ٽياس تي ٽنگائي ڇڏيو ۽ اهڙ ي ريت هڪ ٽئين وزير اعظم محترما بينظير ڀٽو جنهن کي اسلامي دنيا جي پهرين ۽ پوري دنيا جي ننڍي عمر واري وزيراعظم جو اعزاز مليل هيو , تنهن کي پڻ هڪ رٿابندي تحت قتل ڪيو ويو ان ڪري اهڙن بيدردانا ۽ جئ جهريندڙ سانحن برپا ٿين ڪري راولپنڊي کي وزيراعظمن جو قاتل شهر پڻ چئي سگهجي ٿو , بھرحال ميان محمد نواز شريف نااهل ٿيڻ کان پو۽ اسلام آباد کان جيٽي روڊ رستي لاهور تائين چند ڪلاڪن وارو فاصلو چئين ڏينهن اندر طئه ڪري وڏي ڌام ڌوم سان لاھور پھتو ميان صاحب جي ان عوامي قافلي ۽ سفر ۾ ڪھڙا ۽ ڪيترا ماڻھو گڏ ھيا ۽ رستي ۾ ماڻھن جا ھجوم ھيا يا ولر , ھن جو والھانه يا معمولي استقبال ٿيو اھي ڳالھيون به وڏي اھميت رکن ٿيون ليڪن سڀ کان وڌ ھن ۽ ھن جي ساٿين لئه جيڪا خوشي جي خبر يا سٺو سوڻ ھيو اھو نوازليگ جو وکرڻ کان بچي وڃڻ آھي , ڇو ته عام راء اھا ھئي ته ميان صاحب جي نااھلي کانپوء سندس پارٽي مختلف گروپن ۾ ورھائجي ويندي يا وري ليگي ھمراھ ٻين سياسي پارٽين ڏانھن پرواز ڪندا يا مورڳو ئي سياست کي خيرباد چئي ذاتي ڌنڌن ۾ جنبي ويندا جيتوڻيڪ ميان صاحب جي ڪابينا جو طاقتور دادلو ۽ رسڻو وزير چوڌري نثار علي خان فلحال مڙئي ڪجھ ڪنڊائتو ٿي چيلھ جي سور کي گھٽائڻ جون تدبيرون ڪرڻ ۽ ستيون ڦڪيون ڦڪڻ کي اوليت ڏئي رھيو آھي, ھا ٻئي اھا ڳالھ پڻ چئي پئي ويئي ته ميان صاحب نااھل ٿيڻ کان ڪجھ وقت لئه سياسي ڪومه ۾ ھليو ويندو ۽ جاتيء امراء ۾ آرام ڪرڻ کانپوء رائوينڊ جي تبليغي مرڪز ۾ وڃي اتان روحاني فيض پندو, پر ائين ڪون ٿيو ۽ يار , مين نھي مانتا , جي ٻولي ٻولڻ شروع ڪري ڏني آھي ھن نه صرف پاڻ سان سندس جي چوڻ موجب ملڪ جي اصل واڳ ڌڻين جي بي واجبي ۽ ڏاڍ مڙسي جي دانھن ڪئي آھي پر سائين جي ايم سيد, نواب اڪبر بگٽي شيخ مجيب سردار عطاءُ اللله مينگل نواب خيربخش مري خان غفار خان سميت ٻين سنڌي بلوچ پختون ۽ بنگالي قومپرست ترقي پسند سياستندانن توڙي ذوالفقار علي ڀٽو بيظير ڀٽو محمد خان جوڻيجو يوسف رضا گيلاني سميت ٻين وزيراعظمن سان ٿيل ذيادتن جي ھڪ ڊگھي رام ڪھاڻي ٻڌائڻ لڳو آھي, ۡحيرت جي اھا ڳالھ آھي ته ميان صاحب کي مس مس وڃي ھاڻي اھو پتو پيو آھي ملڪ جي ڪروڙين ووٽرن جي ووٽن تي سوين چونڊيل عوامي عيوضن تي مشتمل پارليامينٽ جي معرفت متخب ٿيل وزيراعظم کان وڌيڪ به ڪي سگھاريون قوتون ٿينديون آھن جن کي جنرلز ججز ۽ اسٽيبلشمينٽز چيو وينديو آھي جن جي عقابي نظرن شاتر ذھنن فولادي ھٿن خاڪي وردين سونھري قلمن ۽ من پسند فيصلن کان ويچاري خدائي خلق ۽ انھن جي نمائندن جي بولتي بند ھوندي آھي ته ڇا اھڙن ازغيبي ادارن ۽ قوتن کي جيڪي بي رحمانه ناقابل شڪست اختيار مليل آھن سي کين ڄائي ڄم کان ورثي ۾ نصيب ٿيا آھن يا اسان وارن چونڊيل ھمراھن پاڻ وڻائڻ لئه پارليامينٽ هي زريعي ملڪ جي آئين ۾ ڏنگيون ۽ڦڏيون ترميمون ڪري منجھس ڪيتريون ئي اڻ ڳڻيون ۽ سمجھ ۾ نه ايندڙ آرٽيلڪز ۽ شقون چنبڙائي پنھنجي پير تي پاڻ ڪھاڙو ھڻي خود کي ھيڻو ڪنھن نه وھيڻو ۽ لڪير جو فقير بنائي ڇڏيو آھي , انڪري جيڪو ڌڪ لڳي سو ڪاڻي اک ۾ , بھرحال ميان صاحب کي ھاڻي اھا پرک پئي آھي ته ھتي جيڪو ڏاڍو سو گابو وارو سلسلو ھلندڙ آھي ۽ ان کي ھاڻي ھلڻ نه ڏبو , ميان صاحب اسلام آباد کان لاھور تائين جيڪو عوامي لشڪر ساڻ ڪري پھتو ته رستي ۾ ننڊن توڙي وڏن شھرن ۾ پنھنجي پارٽي جي متوالن جي پُرھجوم ميڙاڪن کي جوش جذبي ۽ وڏي وات خطاب ڪندي چيو ته مان ھاڻي انقلابي ۽ نظرياتي سياستدان ٿي ويو آھيان انڪري مونکي اھو پڪي پروڙ پئجي وئي آھي ته ڪن آڱر تي ڳڻڻ جيترن مخصوص قسم جي ڌرين ادارن ۽ فردن پنھنجي سياسي اقتداري ۽ مالي مفادن جي حاصلات لاء ھڪ طرف ملڪي ماڻھن جي معاشي سماجي ثقافتي ۽ انساني حقن کي پائيمال ڪيو آھي ته وري ٻئي طرف جھموري ۽ عوامي حڪومتون تي راتاھا ھڻي لاتعداد وزيراعظمن کي آئيني ۽ قانوني طور تي پنھنجي پنھنجي حڪومتن جو مدو پورو ڪرڻ ڪون ڏنو آھي, اسانکي ميان صاحب جون حقيقت تي مبني ڳالھيون اکين تي آھن پر ميان صاحب توھان تمام گھڻي دير ڪري ڇڏي آھي انڪري ڏڌل کير ٿڻن ۾ واپس ڪون ورندو آھي آخر ۾ ملڪ جي سڀني سياستدانن کي اپيل ٿا ڪيون خدارا عام ماڻھن ۽ پنھنجو پاڻ تي رحم ڪري ماضي جي غلطين کي نه ورجايو ۽ انھن جي ناڪاري نتيجن مان سبق پرائي غير جھموري قوتن جي غلط روين ارادن ۽ عملن جي راھ ۾ رڪ جي ديوار بنجي وڃو,.

 

جمهوري ۽ آمريتي دور ۾ پسجندڙ “آئين ”: صاحب خان ڀٽي

ملڪ کي 70 وريهه وهامي وڃڻ باوجود جمهوريت مضبوط نه ٿي سگهي آهي،  ڪڏهن آمرن جمهوريت حڪومت جو تختو اونڌو ڪري  حڪومت ڪئي ته ڪڏهن وري جمهوريت لاءِ جدوجهد ڪندڙن کي مختلف لقب ڏئي انهن کي ڀت سان لڳايو ويو، جيڪو سلسلو اڄ به جاري آهي، جنهن جا ذميوار هن ملڪ جا سياستدان  ئي آهن، ڇاڪاڻ ته جڏهن ڪنهن سياستدان خلاف  ڪارروائي ٿيندي آهي يا وري کي هٽائي جلاوطن ڪيو ويندو آهي ته ٻيون پارٽيون اهو تماشو  ڏسنديون رهنديون آهن، هن ملڪ ۾ شهيد محترمه بينظير ڀٽو کان ويندي ٻيا ڪيترائي سياستدان  رهيا آهن جن کي جلاوطني گذارڻي پئي آهي پر ان باوجود سياسي پارٽين ۾ ڪو به اتحاد نه ٿي سگهيو آهي،.

ڪجهه سياسي پارٽيون آمرن جي ڇانوَ پلجنديون آهن ته جيئن اهي ڳچ عرصو اقتدار ۾ رهي سگهن ۽ جيڪي پارٽيون آمريت  خلاف هونديون آهن، انهن جي اڳواڻن کي آمريتي دور يا ته هن ملڪ کي ڇڏڻو پوندو آهي يا وري روپوش ٿيڻو پوندو آهي، ڇاڪاڻ ته آمريت دور سمورن سياسي  پارٽي جي اڳواڻن جا اڇا ڪارا پڌرا ٿي ويندا آهن،ڪرپشن جي ذڪر به ٿيندو آهي ته غداري جا الزام به لڳندا آهن پر ان باوجود  ڪجهه سياسي پارٽيون آمريت کي لبيڪ چونديون  آهن ته ڪجهه پارٽيون وري جمهوريت لاءِ جدوجهد ڪنديون آهن، انهن مان پيپلزپارٽي ۽ نواز ليگ به هڪ آهن، شايد ٻيون پارٽي به هجن پر ظاهري طور اهي ٻئي پارٽيون وڏيون سياسي پارٽين طور مڃيون وينديون آهن، ڇاڪاڻ ته انهن ٻنهي پارٽين جي  هدايتن تي عوام روڊن تي به نڪرندو آهي.  پر جڏهن به آمريت آئي يا جمهوري دور قائم ٿيو، تڏهن صرف هڪ ئي ڪم ضرور ٿيندو آهي، اهو هوندو آهي ته آئين ۾ پنهنجي سولائي لاءِ ترميم ڪئي وڃي پر ان باوجود سياسي پارٽين کي ڪو به فائدو نه پهچندو آهي.

آمريت ۾  “آئين ” ۾ پنهنجي مرضي موجب ترميم ڪئي وئي ته جمهوريت ۾ به  “ آئين” سان ساڳيو حشر ڪيو ويو، هن وقت به اهڙيون ئي حالتون پيدا ٿي چڪيون آهن،  مسلم ليگ ن طرفان آئين کي تبديل ڪرڻ جون  ڳالهيون ڪيون پيون وڃن،  اڳوڻي وزيراعظم نوازشريف به  چيو آهي ته آئين کي تبديل ڪرڻ جي ضرورت آهي، نوازشريف ته نئين پاڪستان جو به ذڪر ڪري رهيو آهي، هاڻ  ته هن ملڪ جو عوام به تمام گهڻو پريشان ٿي چڪو  آهي، ڇاڪاڻ ته تحريڪ انصاف سربراهه عمران خان چئي رهيو آهي ته هو نئون پاڪستان ٺاهيندا ته ٻي طرف نوازشريف سپريم ڪورٽ پاران نااهل قرار ڏيڻ واري فيصلي کانپوءِ نئين پاڪستان جو نعرو هڻي رهيو آهي، جنهن سبب هن ملڪ جو عوام اهو سوچڻ  تي مجبور ٿي ويو آهي ته آخر نئون پاڪستان ڪنهن جو بهتر هوندو.

نوازشريف جو پاڪستان بهتر هوندو يا وري عمران خان جو پاڪستان بهتر هوندو؟ مطلب ته هن ملڪ جو عوام منجهاري جو شڪار ٿي ويو آهي. بهرحال نئون پاڪستان ٺهي يا نه ٺهي پر آئين  کي تبديل ڪرڻ لاءِ نواز ليگ  تمام گهڻو سرگرم نظر اچي رهي آهي، پير بابا  جي پارٽي جي حمايت به نوازشريف کي ملي چڪي آهي، مطلب ته پيربابا جي پارٽي ۽ نوازليگ ۾ ٺاهه بعد  ڪراچي جو ته هاڻ الله ئي حافظ آهي، جيئن ماضي ۾ پير بابا جي پارٽي ۽ اڳوڻي صدر آصف علي زرداري وچ ۾ ٺاهه ٿيو هو ته ڪراچي جون حالتون پنجن سالن دوران ڪڏهن به بهتر نه ٿيون ۽ عوام امن لاءِ هوڏانهن هيڏانهن نهاريندو رهندو هو ، نه سڪيورٽي ادارا ڪراچي  ۾ امن ڪرائي سگهيا هئا ۽ نه ئي سياسي پارٽيون امن لاءِ  ڪراچي ۾ احتجاج ڪري سگهن پيون. بهرحال هن وقت حالتون تبديل ٿي چڪيون آهن، اهو صرف نوازشريف  جي حڪومتي دور ۾ ئي امن قائم ٿيو، هاڻ اڳتي ڇا ٿيندو، ان بابت چوڻ وقت کان اڳ هوندو، هاڻ ڏسڻو اهو آهي ته آخر نوازشريف آئين جي آرٽيڪل 62 ۽ 63 کي ڪهڙي ريت ختم ٿو ڪري.

جيڪڏهن نوازشريف آئين ۾ ترميم ڪرڻ ۾ ڪامياب به ٿي وڃي ٿو ته پر پوءِ سندس نااهلي ختم ٿيڻ ڏاڍو مشڪل آهي، هڪ دفعو جيڪو نااهل ٿي ويو، سو ٿي ويو، هاڻ ڀلي سندس نااهلي  به ٿي وڃي پر عوام کيس نااهل وارو لقب ڏئي چڪو آهي، مطلب ته عدالت طرفان مٿس اهو ٺپو لڳي چڪو آهي، جيڪو شايد سندس سڄي عمر تائين  مٽجي نه سگهندو. سپريم ڪورٽ جي فيصلي کان پوءِ ڪجهه سياستدان نوازشريف جو ساٿ ڏئي رهيا آهن ته ڪجهه وري ان ڳالهه ۾ ڏاڍو خوش نظر اچي رهيا آهن ته سندن لاءِ  رستو مڪمل طور صاف ٿي ويو آهي، اڳوڻو وزيراعظم نوازشريف چئي ٿو  ته اسان کي طئي ڪرڻو پوندو ته هر قيمت تي ووٽ جو تقدس قائم رکيو ويندو۽ نعرو هنيو  آهي ته کيس  قائد اعظم ۽ علامه اقبال جو پاڪستان ٺاهڻو آهي، جنهن لاءِ آئين ۽ قانون تي عملدرآمد ڪرڻو پوندو.

نوازشريف ته اهو به چيو آهي ته جمهوريت عوام جي ووٽ جي تقدس جو نالو آهي، وقت اچي ويو آهي ته پاڪستان کي قائد اعظم جي طئي ڪيل رستي تي گامزن ڪيو وڃي. نوازشريف هڪ وڏي اهم ڳالهه اها به چئي آهي ته هڪ ٻانهن ڪٽجي بنگلاديش بڻجي ويو، جڏهن ته باقي بچل حصي ۾ ڏڦيڙ ڏٺو ويو آهي.اڳوڻي وزيراعظم نواز شريف اهو به چيو هو چاهي ٿو پاڪستان اقتصادي طور مضبوط هجي، پاڪستان جي سرزمين 20 ڪروڙ عوام جي ملڪيت آهي، ڪجهه ماڻهن جي جاگير ناهي. 70 ورهين کان هلندڙ تماشو بند نه ٿيو ته اهو ملڪ کي ڪنهن حادثي جي ور چاڙهي ڇڏيندو ۽ ملڪ ڪو وڌيڪ حادثو برداشت نه ٿو ڪري سگهي.  نوازشريف جيڪي لفظ اچي چئي رهيوآهي، اهي لفظ اسان گذريل ڪيتري ئي عرصي کان ٻڌندا پيا اچون پر نه ته بلوچستان جون حالتون بهتر ٿي سگهيون آهن، هاڻ ته ويتر سنڌ جون حالتون به بلوچستان کان وڌيڪ خراب ڪرڻ جي ڪوشش ڪئي پئي، ڏينهن ڏٺي ماڻهو گم ٿي وڃن ٿا، جيڪڏهن انهن جي بازيابي لاءِ به ڪو روڊن تي نڪري ته اهي به غائب ٿي وڃن ٿا، جن جي نه ته قانون لاڳو ادارن کي خبر هوندي آهي ۽ نه ئي وري پوليس ڪجهه ٻڌائڻ  جي زحمت ڪندي آهي، بهرحال صوبن ۾ احساس محرومي گذريل ڪيتري ئي عرصي کان آهي،جنهن جي خاتمي لاءِ  ڪنهن به قدم نه کنيو آهي.

هن وقت نوازشريف عوام کي اپيل ڪري رهيو آهي ته سندس ساٿ ڏنو وڃي ته جيئن هو پنهنجي  مرضي موجب آئين ۾ ترميم ڪري سگهي، آئين ۾ بار بار ترميمون ڪرڻ سبب هاڻ خبر ئي نه ٿي پئي ته  ڀُٽي جو ڏنل آئين ساڳي حالت بچيو به آهي يا سياستدان ۽ آمرن ان جو هليو ئي بگاڙي ڇڏيو آهي. جماعت اسلامي جي امير سراج الحق چيو آهي ته  آئين ملڪي سالميت ۽ بقا جي ضمانت آهي، آئين جي آرٽيڪل 62 ۽ 63 سان ڇيڙ چاڙ ڪئي وئي ته اهو ملڪي سلامتي سان کيڏڻ جي برابر هوندو، سراج الحق اهو به چيو آهي ته آئين کي تبديل ڪرڻ بدران حڪمران پاڻ کي تبديل ڪن، نوازشريف پاران آئين تبديل ڪرڻ واري بيان کانپوءِ ته آئين جا محافظ سامهون اچي ويا آهن ۽ اهڙا بيان ڏنا پيا وڃن  ته جيئن هو، شهيد ذوالفقار علي ڀٽي طرفان ڏنل آئين جي حفاظت ڪرڻ جو ٺيڪو کنيو هجي.

جماعت اسلامي جي امير سراج الحق هڪڙي ڳالهه تمام بهتر به ڪئي آهي ته آئين سان هٿ چراند ڪندڙ  آمرن جو به احتساب ڪرڻ گهرجي ۽ انهن خلاف آرٽيڪل 6 تحت ڪارروائي ٿيڻ گهرجي، جماعت اسلامي جي امير سراج الحق چيو آهي ته کيس نوازشريف جو پاڪستان نه کپي، صرف کيس قائداعظم ۽ علامه اقبال جو پاڪستان چاهي ٿو.  سينيئر سياستدان  مخدوم جاويد هاشمي چئي ٿو ته آرٽيڪل 62 ۽ 63 کي ضياءُ الحق پنهنجي مخالفن لاءِ آئين جو حصو بڻايو هو ۽ هو شروعات کان وٺي ان جي خلاف هو،  جاويد هاشمي ته اهو به انڪشاف ڪيو آهي ته سندس اڳيان سازشون ڪيون ويون ۽ هو ميڊيا سان گڏ نوازليگ کي به آگاهه ڪندو رهيو. سپريم ڪورٽ پاران نااهل قرار  ڏنل  اڳوڻي وزيراعظم نوازشريف جي ناٺي ڪيپٽن (ر) صفدر چيو آهي ته شهيد ذوالفقار علي ڀُٽي کي آئين ٺاهڻ جي ڏوهه ۾  سزا ڏني وئي، مطلب ته جنهن شخص هن ملڪ کي آئين ڏنو، اهو آئين ان جي حفاظت ئي نه ڪري سگهيو.

بهرحال هن وقت آئين کي تبديل ڪرڻ وارو بحث ڏينهون ڏينهن  وڌندو پيو وڃي، جنهن جا نتيجا تمام گهڻا خراب  نڪري سگهن ٿا، ڇاڪاڻ ته نااهلي  واري فيصلي کانپوءِ  نوازشريف عوام آڏو پنهنجو ڪيس رکي ڇڏيو  آهي ۽ آئين ۾ تبديلي جون ڪوششون به ڪيون پيون وڃن، هونئن ته وفاق ۾ نوازليگ جي حڪومت آهي، صدر به نوازليگ جو آهي ته وزيراعظم به نواز ليگ جو آهي، جيڪي چاهين ته آئين ۾ تبديلي آڻي سگهن ٿا، پيپلزپارٽي جي چيئرمين بلاول ڀٽي زرداري ته صاف صاف چئي ڇڏيو  آهي ته هو ڪنهن به صورت ۾ نوازشريف جو ساٿ نه ڏيندا، ڇاڪاڻ ته پيپلزپارٽي جا ڪجهه اصول آهن ۽ هو ان تحت ئي هلندا،.

بلاول ڀٽو زرداري ته اهو به چيو ته جيڪڏهن آئين ۾ ترميم ٿي به وڃي ٿي ته ان جو نوازشريف کي ڪو به فائدو نه ٿيندو. هاڻ ڏسڻو اهو آهي ته آخر نوازشريف ڪهڙي ريت آئين جي آرٽيڪل 62 ۽ 63 کي ختم ٿو ڪري ۽ مخالفن کي راضي ڪرڻ ۾ ڪامياب ٿي وڃي ٿو. جيڪڏهن هن وقت سموريون پارٽيون متحد هجن ته اڄ ملڪ ۾ سياسي بحران پيدا نه ٿئي ها ۽ نه مائنس ون وارو فارمولو ڪامياب ٿئي ها ۽ نه ئي ضياءُ الحق جي ڏنل ترميم جي ڪو حمايت ڪرڻ لاءِ  نوازشريف سان مهاڏو اٽڪائڻ جي ڌمڪي ڏئي ها.

Sahibalisindhi@gmail.com

 

 

پ پ آئين ۾ تبديلي ۽ ڪلثوم نواز جي مخالف…!

اڳوڻي وزير اعظم ميان نواز شريف جي پانامه ڪيس ۾ نااهلي بعد سندس گهر واري بيگم ڪلثوم نواز ميدان ۾ لٿي آهي جنهن چونڊ وڙهڻ لاءَ نامزدگي ڪاغذ به جمع ڪرائي ڇڏيا آهن،  پاڪستان عوامي تحريڪ کان پوءِ پيپلز پارٽي به بيگم ڪلثوم نواز جي نامزدگي وارن ڪاغذن کي اليڪشن ڪميشن ۾ چيلينج ڪري ڇڏيو آهي، پيپلز پارٽي جي اين اي 120 مان اميدوار فيصل مير به  اليڪشن ڪميشن ۾ درخواست ڪندي چيو آهي ته بيگم ڪلثوم نواز نامزدگي وارن ڪاغذن ۾ گهڻيون شيون لڪايون آهن جنهن تي هو صادق ۽ امين ناهي رهي ان ڪري آئين جي آرٽيڪل 62 ۽ 63 جي تحت ان کي اليڪشن جي لاءِ نااهل قرار ڏنو وڃي. مٿان وري پ پ قيادت به واضح طور مخالفت ڪري ڇڏي آهي، پاڪستان پيپلزپارٽي جي چيئرمين بلاول ڀٽو زرداري چيو آهي ته آئين ۾ ترميم لاءِ نوازليگ جو ساٿ نه ڏينداسين، قائداعظم جي مزار تي حاضري ڀرڻ بعد ميڊيا سان ڳالهائيندي سندس چوڻ هو ته پيپلزپارٽي جا پنهنجا اصول آهن، اسان پنهنجن اصولن تي سياست ڪنداسين، ملڪ جي امن امان لاءِ جدوجهد جاري رکنداسين، نوازشريف جي نااهلي بعد حڪومت حد کان وڌڻ جي ڪوشش ڪري رهي آهي ۽ آئين ۾ ترميم ڪرڻ جي پويان پئجي وئي آهي، جيڪڏهن اهي ماڻهو ترميم ڪندا به ته ان جو نوازشريف کي ڪو فائدو نه ٿيندو، جيڪو هي چاهين ٿا اهو نه ٿيندو، جڏهن ته پيپلزپارٽي ان معاملي ۾ نوازليگ جو ڪڏهن به ساٿ نه ڏيندي، موجوده صورتحال ۾ سياسي ڇڪتاڻ مناسب ناهي، ان مشڪل وقت ۾ سوچڻ گهرجي ته اسان جي سرحدن تي ڇا ٿي رهيو آهي، سمورين ڌرين کي پنهنجي ملڪ بابت سوچڻ گهرجي. دبئي موجود اڳوڻي صدر ۽ پ پ شريڪ چيئرمين آصف زرداري  انٽرويو ۾ واضاحت ڪندي چيو آهي ته نواز شريف معافين ۽ منٿن جا پيغام پيو موڪلي، پر بلاول سرچاءُ نه ٿيڻ بابت چئي ڇڏيو آهي.  نواز شريف پنجاب ۾ حصو ڏيڻ جي آڇ به ڪئي پر بلاول انڪار ڪيو. نواز شريف پرڏيهي مدد وٺي. پاڪستاني ادارن سان اٽڪي رهيو آهي. نواز شريف جي نااهلي سان جمهوريت تي فرق نه پوندو. نواز شريف وزارت عظميٰ لاءِ ڪلثوم نواز کي ايم اين اي بعد وزيراعظم چونڊرائڻ چاهي ٿو، جنهن بعد هو ان ذريعي حڪومت ڪرڻ چاهي ٿو. اهو قوم سان مذاق هوندو. گيلاني جي نااهلي خلاف ريلي ڪڍون ها ته نقصان ٿئي ها. اسان ادارن خلاف نه وڙهياسين. مير شڪيل سدائين پ پ خلاف رهيو پر اسان جيو جي دفتر تي حملو نه ڪيو. ڪجهه ماڻهو عهدن لاءِ ملڪ کي ڪمزور ڪن ٿا، افتخار چوڌري عهدي لاءِ ڇاڇا نه ڪيو. نواز شريف مني ٽريل نه ڏئي سگهيو. نواز شريف عوام کي رستن تي آڻڻ ۾ ناڪام ٿي ويو.