تازيون خبرون

Daily Archives: August 10, 2017

حيدرآباد ۾ حددخليون هٽائڻ دوران چاپڙ ڪرڻ سبب ۲ دڪاندار فوت، ۴ ڄڻا زخمي، علائقي واسين جو احتجاج، عملو فرار

حيدرآباد(بيورو)  حيدرآباد سول اسپتال وٽ حد دخليون هٽائڻ دوران دڪان جي ڇت جي لٽيل ڇاپڙ ڪرڻ سبب ٦ ڄڻا سخت زخمي ٿي پيا، زخمن جا سور نه سهي ٻه دڪاندار فوت ٿي ويا، هڪ ڄڻي جي حالت ڳڻتي جوڳي، علائقي واسين پاران سخت احتجاجي مظاهرو، حددخليون هٽائيندڙ عملو فرار ٿي ويو. حيدرآباد جي سول اسپتال جي ديوار سان لاڳاپيل حددخليون هٽائڻ لاءِ ضلعي انتظاميه جي نگرانيءَ ۾ ميونسپل ڪارپوريشن حيدرآباد جو عملو پهچي ناجائز طور ڪيل اڏاوتون دڪان، ڪئبنون ۽ ٻيون اڏاوتون هٽائي رهيو هو ته ڊاهيل دڪان جي ملبي جو سامان کڻڻ دوران دڪان جو لٽڪيل ڇاپڙ اوچتو ڪري پيو، جنهن سبب ٦ ڄڻا ان جي هيٺان دٻجي زخمي ٿي پيا، بلديه عملو ماڻهن کي ڪڍڻ بدران واقعي واري هنڌ تان فرار ٿي ويو، علائقي واسين پنهنجي مدد پاڻ تحت ملبي هيٺان ڦاٿل ٦ ماڻهن کي ڪڍي اسپتال ۾ پهچايو جتي ٻه زخمي طاهر قاضي ۽ ساجد راڄپر زخمن جا سور نه سهي فوت ٿي ويا، جڏهن ته ۳ زخمي ڪريم قاضي، محبوب، اطهر زيدي، فهد گاڏهي ۽ آصف زير علاج آهن، جن مان فهد گاڏهي جي حالت نازڪ ٻڌائي وڃي ٿي. هوڏانهن اهڙي واقعي خلاف علائقي واسين گڏ ٿي بلديه ۽ ضلعي انتظاميا خلاف سخت احتجاجي مظاهرو ڪري نعري بازي ڪئي. علائقي واسي ۽ دڪاندارن جو چوڻ آهي ته بلديه عملي جي نااهلي ۽ غيرذميوارانه عمل جي ڪري ٻه نوجوان فوت ٿي ويا ۽ ۴ ڄڻا سخت زخمي ٿيا آهن. هنن مطالبو ڪيو ته حددخليون هٽائڻ واري عمل ۾ شامل ضلعي انتظاميا ۽ بلديه جي عملي خلاف ٻن ڄڻن جي مارجي وڃڻ ۽ ٿيل نقصان جو ڪيس داخل ڪري انصاف ڏنو وڃي.

 

انيل ڪپور هميشه لاءِ معذور ٿيڻ واري خوف ۾ مبتلا

ممبئي(شوبز نيوز) ناليوارو بالي ووڊ اداڪار انيل ڪپور گوڏي جي تڪليف ۾ مبتلا آهي ۽ ننڊ نه ڪرڻ جي صورت ۾ هو هميشه جي لاءِ معذور ٿي سگهي ٿو، انيل ڪپور جو شمار بالي ووڊ جي سدا بهار اداڪارن ۾ ٿيندو آهي، انيل ڪپور ٦۰ سالن جي عمر به ڪنهن نوجوان اداڪار جو ٽڪر ڏيڻ جي ڀرپور صلاحيت رکي ٿو، انيل ڪپور اڄ به ڪنهن نوجوان کان وڌيڪ توانائي ڏيکاري سگهي ٿو، پر انسان هميشه جوان ناهي رهندو ۽ نه ئي اهو هميشه صحتمند رهندو آهي، عمر سان گڏ ان ۾ بيماريون به نظر اينديون وينديون آهن، انيل ڪپور گذريل ڪيتري ئي عرصي کان پنهنجي گوڏي جي سور ۾ مبتل آهي، اها بيماري ايتري قدر خطرناڪ آهي جو هو ان جي ڪري هميشه لاءِ معذور به ٿي سگهي ٿو، هن کي ڊاڪٽرن علاج سان گڏو گڏ ٦ هفتن تائين مڪمل آرام ڪرڻ جو پڻ مشورو ڏئي ڇڏيو آهي

 

باصلاحيت فلم ميڪرز کي پنهنجو قبلو صحيح ڪرڻ گهرجي: صدف ڀٽي

لاهور(شوبز نيوز)اداڪارا ۽ ماڊل صدف ڀٽي چيو آهي ته پاڪستاني فلمن جو معيار ۽ ميڪنگ جو انداز جيستائين بهتر نه ٿيندو، تيستائين غير ملڪي فنڪارن کي سائن ڪرڻ جو سوال ئي پيدا نه ٿو ٿئي، ميڊيا سان ڳالهائيندي اداڪاره صدف چيو ته دنيا اندر مختلف زبانون ڳالهيون وڃن ٿيون ۽ هر هڪ زبان ۾ فلمون به ٺاهيون ويون آهن، پر ان جو اهو مطلب قطئي ناهي ته فلم صرف هڪ ئي زبان لاءِ ٺاهي وڃي ٿي، اصل ته فلم جي ڪهاڻي ۽ فنڪارن جي اداڪاري اهميت رکندي آهي، جنهن کي ڏسڻ کانپوءِ اجنبي زبان هجڻ باوجود ماڻهو پسند ڪندا آهن، جيڪڏهن ائين نه هجي هان ته انگلش زبان ۾ ٺهندڙ هالي ووٽ فلمون ماڻهو گهڻو پسند ڇو ڪن ٿا، اداڪارا جو چوڻ هو ته اسان سڀ ان ڳالهه کان واقف آهيون ته يورپ، آمريڪا، آفريقا ۽ مڊل ايسٽ سميت دنيا جي ڪيترن ئي ملڪن ۾ انگريزي نه ڳالهائي ويندي آهي ۽ نه ئي ان کي سمجهڻ وارن جي تعداد وڌيڪ آهي، پر ان جي باوجود زنگريزي زبان ۾ فلمون سڀ کان وڌيڪ بزنس ڪنديون آهن. جنهن جي سڀ کان وڏي وجهه فنڪارن جي ايٽنگ هوندي آهي.(۰۲)

 

نجم سيٺي بنا مقابلي پي سي بي چيئرمين چونڊجي ويو

هور(اسپورٽس نيوز)شهريار خان جي ملازمت جو مدو پورو ٿيڻ کانپوءِ نجم سيٺي پاڪستان ڪرڪيٽ بورڊ (پي سي بي) جو نئون چيئرمين چونڊجي ويو، نيشنل ڪرڪيٽ اڪيڊمي ۾ پي سي بي بورڊ آف گورنرز جي اجلاس دوران پي سي بي چيئرمين جي چونڊ ڪئي وئي، پي سي بي بورڊ آف گورنرز ۾ شامل ۹ ميمبرن ووٽ ڏنو، جنهن کانپوءِ چيئرمين پي سي بي جي نالي جو اعلان ڪيو ويو، جڏهن ته نجم سيٺي بنا مقابلي چيئرمين چونڊجي ويو، هوڏانهن ٻئي طرف پاڪستان ڪرڪيٽ بورڊ جي اختيارين جو چوڻ آهي ته نجم سيٺي پنهنجون ذميواريون سڀنالي ورتيون آهن

 

اسلام کان لاهور تائين سياسي طاقت جو مظاهرو: صاحب خان ڀٽي

سپريم ڪورٽ پاران تاحيات نااهل قرار ڏنل اڳوڻي وزيراعظم نوازشريف عوامي طاقت جو مظاهرو ڪرڻ جو فيصلو ڪري ڇڏيو آهي ۽ ان حوالي سان پنجاب هائوس اسلام آباد کان لاهور تائين ريلي ڪڍي پئي وڃي، جنهن ۾ لکين نه پر ڪروڙين ماڻهن جي شرڪت جي دعويٰ ڪئي پئي وڃي پر ان  ريلي ۾  شريڪ ماڻهن بابت  جيڪو تعداد ڪيميرا جي اک ڏيکاري رهي آهي، ان کان   ڪو به اڻڄاڻ نه هوندو، ايتري قدر جو  تحريڪ انصاف ۽ پيپلزپارٽي جا اڳواڻ اهو چئي رهيا آهن ته  نوازشريف جي ريلي ۾  ماڻهو  گهٽ آهن، عوامي مسلم ليگ جو سربراهه شيخ رشيد چئي رهيو آهي ته جيترا نوازشريف ريلي ۾  ماڻهو گڏ ڪيا آهن، اوترا ته هو به گڏ ڪري سگهي ٿو. بهرحال مخالف جيڪو به چون پر نوازشريف جيڪو عوامي طاقت جو مظاهرو ڪرڻ جو فيصلو ڪيو آهي، اهو تمام بهتر عمل آهي ۽ ان فيصلي ۾ اڳوڻو وفاقي گهرو وزير چوڌري نثار شريڪ نه آهي پر پرويز رشيد، خواجا سعد رفيق ۽ ٻيا اڳواڻ ساڻس گڏ نظر اچي رهيا آهن،  چوڌري نثار اهو واحد ماڻهو هو جيڪو شريف ڪٽنب جي گاڏي هلائي کين جي آءِ ٽي پهچائيندو پر هن ڀيري الائي ته کيس ڇا ٿي ويو آهي جو هو نوازشريف کي الوداع ڪرڻ لاءِ به پنجاب هائوس نه پهتو ۽ سموري ميڊيا ان ڪوشش ۾ هئي متان ڪٿي سندس ذڪر ٿيئي ۽ متان هو نوازشريف جي حمايت ڪو بيان ڏئي وٺي پر نوازشريف جي  نااهلي کان پوءِ نئين سياسي سفر چوڌري نثار گڏ نظر نه آيو، ڀلي کڻي  چوڌري نثار جون نواز ليگ سان ڪيتريون به ناراضگيون هجن پر هن وقت نوازليگ جنهن ڪراسز مان گذري رهي آهي، شايد اهو نوازليگ جي تاريخ ۾ ڪڏهن به نه ٿيو  آهي، اڳ ۾  آمر اچي حڪومتون هٽائيندا هئا، جنهن سبب  حڪمرانن کي پنهنجي اقتدار تان هٿ کڻڻو پوندو هو پر هن ڀيري معاملو ٿورو ابتڙ ٿيو آهي، هن ڀيري  قانوني جنگ وڙهي پئي وڃي ۽ اها جنگ ڪير وڙهي رهيو آهي، خبر ئي نه پئجي رهي آهي،  تحريڪ انصاف خلاف به عدالتن ۾ ڪيس هلي رهيا آهن ته  نواز  ليگ خلاف عدالتي فيصلا اچي چڪا آهن ۽ هاڻ وري نوازشريف کي وزارت عظميٰ کانپوءِ پارٽي جي سربراهي تان به هٿ کڻڻ پئجي رهيو آهي ۽ ان حوالي سان تحريڪ انصاف جو اڳواڻ بابر اعواڻ به اها دعويٰ ڪري  چڪو آهي ته پوليٽيڪل پارٽيز آرڊر 2002 ايڪٽ 5 تحت ڪو به نااهل شخص پارٽي جي سربراهي نٿو ڪري سگهي ۽ اليڪشن ڪميشن به نواز ليگ کي نوٽيس جاري ڪري  چڪي آهي ته نئون صدر تمام جلد  آگاهه ڪيو وڃي، هاڻ ڏسڻو آهي ته آخر  اهو ڪير شخص هوندو، جيڪو  نواز ليگ جون واڳيون سنڀاليندو. نوازليگ کي اڳ ئي ڪيترائي فيصلا ڪرڻا آهن ته آخر ايندڙ وزيراعظم ڪير ٿيندو؟ هونئن ته اڄ اڳوڻي  وزيراعظم نوازشريف اهو واضع ڪيو آهي ته هو ايندڙ 10 مهينن تائين شاهد خاقان عباسي کي وزيراعظم ڏسڻ چاهي ٿو ۽ اهو به چيو آهي ته  پنجاب جو وڏو و زير شهباز شريف ئي هوندو ، ڇاڪاڻ ته هن پنجاب ۾ رڪارڊ ترقياتي ڪم ڪرايا آهن. هاڻ ڏسڻو اهو آهي ته آخر اهو ڪهڙو خوش نصيب هوندو جيڪو  نوازشريف جي نااهليءَ بعد خالي ٿيل سيٽ تي اميدوار ٿئي.  بيگم ڪلثوم نواز به هڪ خانگي ٽي  وي چينل سان اظهار ڪري چڪي آهي  ته هوءَ قومي اسيمبلي جي تڪ اين اي 120 تي اميدوار بڻجڻ لاءِ تيار آهي ۽ اهي افواهه به هلي رهيا آهن ته بيگم ڪلثوم کي انهي تڪ تان کٽرايو ويندو. بهرحال جيڪو به اميدوار ٿئي پر نوازشريف جي   سياسي طاقت واري مظاهري تي  پيپلزپارٽي جي اڳواڻ قمر زمان ڪائره چيو آهي ته نوازشريف کي هاڻ ياد آيو آهي ته عوام ئي طاقت جو  سرچشمو آهي پر هن عوام ڏانهن وڃڻ ۾  دير ڪري ڇڏي آهي.

جيڪڏهن ڏٺو وڃي تحريڪ انصاف ۽ پاڪستان عوامي تحريڪ اهي ٻئي اهڙيون پارٽيون آهن جيڪي هر دور  ۾ ڪڏهن مفاهمت ڪنديون آهن ته ڪڏهن وري احتجاج ڪنديون آهن، جڏهن آصف علي زرداري صدر هو ته ان وقت انهن ٻنهي پارٽين تمام گهڻو احتجاج ڪيو ۽ هاڻ وري  نواز ليگ جي حڪومت ۾ به احتجاجن، ڌرڻن ۽ بيانن جي  باهه ٻاري ڇڏي آهي. ماضي جي ڀيٽ ۾ تمام وڌيڪ ڇڪتاڻ پيدا ٿي آهي، هڪ طرف اڪيلو نوازشريف آهي ته  ٻي طرف وري سڄي اپوزيشن آهي،  صرف جي يو آءِ سربراهه مولانا فضل الرحمان سندس حمايت ۾ بيٺل آهي.   پي اي ٽي سربراهه طاهر القادري  به ظاهري طور ماڊل ٽائون سانحي جي شهيدن جي انصاف لاءِ ڏيهه پهتل آهي  ۽ چئي رهيو آهي ته اڄ نوازشريف جي جيڪي حالت آهي، اها ماڊل ٽائون سانحي جي متاثرن جي بددعا آهي.  بهرحال هاڻ نوازشريف کي تحريڪ انصاف نه پر پي اي ٽي ۽ پيپلزپارٽي جي اڳواڻن جي بيانن جو جواب ڏيڻ پئجي رهيو آهي،  مولانا طاهر القادري چئي رهيو آهي ته  ماڊل ٽائون سانحي جو حساب وٺندو ڇاڪاڻ  ته تاريخ ۾ پهريون ڀيرو بي گناهه ماڻهن کي قتل ڪيو ويو پر  شايد کيس اها خبر نه آهي ته آمر مشرف جي دور ۾ ڪراچي ۾ جهڙي ريت غريب ماڻهن جو رت وهايو ويو ان جو مثال تاريخ ۾ نه ٿو ملي، مشرف جي حڪومت ۾ ته هڪ پارٽي سربراهه کي به شهيد ڪيو ويو ان جا قاتل به هن وقت تائين گرفتار نه ٿي سگهيا آهن . بهرحال هن وقت نواز ليگ طرفان ڀرپور عوامي طاقت جو مظاهرو  ڪيو پيو وڃي، تحريڪ  انصاف سربراهه عمران خان ۽  عوامي مسلم ليگ سربراهه  شيخ رشيد اها اعلان ڪري چڪا آهن ته هو فوج ۽ عدليا سان گڏ آهن، خبر ناهي ته آخر اهو انهن بيان ڇو ڏنوآهي،  انهن ٻنهين سان گڏ پاڪستان عوامي تحريڪ جي سربراهه مولانا طاهر القادري به اهو ئي چيو آهي ته آخر اها ريلي ڪنهن جي خلاف ڪڍي پئي وڃي ، ان جا مقصد ڪهڙا آهن. اڳوڻي وزيراعظم نوازشريف گذريل ڏينهن اهو بيان ڏنو هو ته هو ريلي صرف  پنهنجي  وڃڻ لاءِ ڪڍي رهيو آهي،   جنهن جا ٻي ڪي به مقصد نه آهن.  تحريڪ انصاف جي اڳواڻ شاهه محمود قريشي چيو آهي ته  نوازشريف جي  احتجاج ۽ شهيد محترمه بينظير ڀٽو جي احتجاج ۾ ڏينهن رات جو فرق آهي، ڇاڪاڻ ته  بينظير جو احتجاج هڪ آمريت خلاف  هو پر نوازشريف جو احتجاج   سپريم ڪورٽ جي فيصلي خلاف آهي.  اهڙو اشارو ريلوي وارو وفاقي وزير خواجا سعد رفيق به ڏئي چڪو آهي جنهن پنهنجي بيان ۾ چيو آهي ته ڪجهه به ٿي پئي هو سپريم ڪورٽ  جي فيصلي کي تسليم نه ڪندا ۽ نه ئي وري هو پنهنجي قائد کي نااهل قرار ڏيندا.

جيڪڏهن ڏٺو وڃي ته هن وقت ملڪ جون حالتون تمام گهڻو خراب ٿي رهيون آهن، جيڪڏهن نوازشريف جو احتجاج فوج ۽ عدليا خلاف آهن ته ان سان به ملڪ اندر حالتون خراب ٿي وينديون ۽ جمهوريت  کي هڪ ڀيرو ٻيهر نقصان به پهچي سگهي ٿو، ان جو اندازو اڳوڻي آمر جنرل رٽائر پرويز مشرف جي  برطانوي اداري کي ڏنل انٽرويو مان به لڳائي سگهجي ٿو، جنهن ۾ مشرف چيو هو ته  پاڪ فوج  طالبان ۽  آمريڪا  سان گڏج سوويت يونين کي ٽوڙيو هو، اهو درست فيصلو هو، هاڻ ان بيان مان اندازو لڳائي سگهجي ٿو ته اهي طالبان اڄ  هن ملڪ ۾ مزارن ، امام بارگاهن ۽  اسڪولن تي حملا ڪري رهيا آهن  ۽ اهي طالبان اڄ ڪيڏا خطرناڪ ٿي چڪا آهن ، ان جو اندازو هن ملڪ ۾ ٿيندڙ ڪهري ڪاررواين مان به لڳائي سگهجي ٿو، طالبان ماضي ۾ جيڪو ڪججهه ڪيو اهو ماضي هو، جيڪو گذري ويو پر مشرف جي هڪ ٻي ڳالهه ته هن سياستدانن ملڪ جو ٻيڙو ٻوڙيو آهي ۽ فوج اچي کي درست  ڪيو آهي. سياستدان چون ٿا ته جمهوريت ڀلي ڪيتري خراب ڇو نه هجي پر آمريت کان سئو ڀيرا بهتر آهي.  ان مان لڳي ٿو ته سياستدانن ۽ اڳوڻن آمرن جي ذهنن ۾ ڪيترو فرق آهي. هاڻ ڏسڻو اهو آهي ته ڇا نوازشريف ۽ فرشتن ۾ معاملا طئي ٿي ويندا يا وري لاهور پهچڻ تائين  هن جمهوريت کي ڪو نقصان ٿو پهچي.

sahibalisindhi@gmail.com

 

 

نواز شريف وزيرِ آعظم هائوس کان جي ٽي روڊ  تائين: مسرورسيال

جڏهن هو مشرف سان ڊيل ڪري فرار ٿي ويو هو تڏهن چيو پئي ويو ته نوازشريف سياست کان ٻاهر نڪري چڪو آهي هاڻ واپس نه ايندو جيڪڏهن واپس اچڻ چاهي به  ته مشرف دور ۾ ته نه اچي سگھندو سو واپس به آيو ۽ مشرف جي دور ۾ ئي واپس آيو سياست به ڪيائين چونڊن ۾ حصو به ورتائين ٽيون ڀيرو وزيرِآعظم به ٿيو…..  هي ڪا سندس دانشمندي نه هئي نه ئي سندس سياسي بصيرت هئي ….  پر اِها شهيد راڻي جي سياسي بصيرت هئي جيڪا ميثاقِ جمهوريت جي بنياد تي  سياست مضبوط ٿي هئي ،هي شهيد راڻي جي جرئت همت هئي جيڪا آمريت جي دور ۾ وطن واپس آئي توڙي جو کيس هر حوالي سان ڌمڪايو پئي ويو سندس قافلو اڳتي وڌندو رهيو توڙي جو رستي ۾ بم ڌماڪا ڪيا ويا سندس ڪارڪن سون جي تعداد ۾ شهيد ۽ زخمي ٿيا قافلو راولپنڊي جي لياقت باغ پهتو جتي محترمه کي گولي جو نشانو بڻايو ويو ۽ هُو شهيد ٿي وئي سندس شهادت کانپوءِ جھڙي نموني ملڪ آخري پساهن ۾ نظر پئي آيو هو اتي ملڪ جي جسم تي  رڳو هڪ  ڇُري سان هڪ جھير ڏيڻ جي ضرورت هئي ۽ ملڪ به نه رهي ها . پر اتي کپي کپي پاڪستان کپي جو نعرو لڳايو ويو ۽ ملڪ کي جئيدان ڏنو ويو اڄ جيڪو ملڪ آهي اُهو شهيد راڻي جي بيگناھه خون تي صبر جو نتيجو آهي ۽ ان خون جي نتيجي ۾ ملڪ ۾ جمهوريت قائم ٿي ملڪ ۾ مقرره وقت تي چونڊون ٿيو پ پ اڪثريتي پارٽي طور سامهون آئي وفاق ۾ توڙي سنڌ ، بلوچستان ۾ حڪومتون جوڙيون اِها حقيقت آهي ته شهيد راڻي جو متبادل اڄ سودو پيدا نه ٿيو آهي ان وقت به نه هو پر پارٽي جي ورڪر ۽ وائيس چئيرمين يوسف رضا گيلاني کي وزيرآعظم بڻايو ويو ۽ آصف زرداري ملڪ جو صدرِ مملڪت بڻيو جنهن پنهنجا سمورا اختيار ايوان حوالي ڪري ڇڏيا مطلب وزيرِآعظم کي بااختيار بڻائي ڇڏيو صوبائي خود مختياري ، اين ايف سي جھڙا الجھيل مامرا حل ڪيا ويا وڏو مسئلو سياسي ڌرين کي حوصلو ڏئي مضبوط ڪرڻ هو مطلب ٽيون ڀيرو وزيرِآعظم نه ٿيڻ واري آئيني رڪاوٽ کي ختم ڪيو ويو ۽ اهڙي نموني نوازشريف کي نااهلي مان اهليت جي سند ملي وئي ، هن ۾ ڪو به شڪ ناهي ته پ پ پ جو نوازشريف مٿان اِهو احسان هو ۽ ان احسان جي بدلي ۾ نوازشريف پ پ جي وزيرِآعظم يوسف رضا گيلاني خلاف سازشن جو حصو به رهيو ۽ هڪ سازش هيٺ ساڍا چار سال جمهوري حڪومت ڪندڙ کي عدالت مان نااهل ڪرايو ويو ۽ ن ليگ ان جي آجيان ڪئي پر تاريخ جي ورجاءُ کي ڪير به روڪي نه سگھيو نتيجي ۾ ساڳي عدالت مان نوازشريف نااهل ٿيو ۽ وزيرِآعظم هائوس مان ذاتي گھرمري پهتو جتان هن نئو وزيرِآعظم خاقان عباسي چونڊرايو ۽ پاڻ هاڻ  اسلام آباد جي پنجاب هائوس مان مري  روانو ٿيو جتان کان لاهور لاءِ روانو ٿيو ر آهي سوبه روڊ رستي ۽ جي ٽي روڊ لاهور کي اهميت ملي رهي آهي چون ٿا ته هُو نااهلي کان پوءِ پهريون دفعو  نااهل وزيرِآعظم ۽ نااهل سياستدان جي حيثيت ۾ عوام جي وچ ۾ هوندو ۽ انکانسواءِ داتادربار ويندو جتان وري به کيس پنهنجي ذاتي محل نما گھر رائيونڊ ئي وڃڻو آهي ۽ اُهو به پهريو دفعو هوندو ته رائيونڊ محل ۾ نوازشريف نااهل وزيرِآعظم ۽ نااهل سياستدان جي حيثيت ۾ پهچندو خير اُهو الڳ مسئلو آهي ته هن جو محل سندس استقبال ڪئين ڪندو کلندي ڪندو يا سوڳ ۾ ڪندو ،  اُهو به سندس ذاتي مسئلو آهي سندس گھر کلندي آڌر ڀاءُ ڪري يا روئندي … پر جي ٽي روڊ تي جتي سندس ورڪر استقبال ڪندا اتي وري مخالفن جا احتجاج به هوندا خاص ڪري عوامي تحريڪ طاهرالقادري جا ڪارڪن ماڊل ٽائون سانحي جي شهيدن جا علامتي جنازا رکي احتجاج ڪندا ، مطلب ته هڪ طرف استقبال ٻئي طرف احتجاج ….!

لاهور جيڪو نوازشريف جو سياسي ڳڙھه هو اُتي سندس لاءِ مشڪلاتون ۽ رڪاوٽون هونديون هوڏاهن جنهن وقت نوازشريف لاهور وڃي رهيو آهي ان ڏينهن کان هڪ ڏينهن اڳ اليڪشن ڪميشن نوٽيفڪيشن جاري ڪري  کيس سياسي منصب مطلب ن ليگ جي صدارت تان به نااهل قرار ڏيندي پارٽي کي سندس جاءِ تي قائم مقام سربراھه مقرر ڪرڻ ۽ 45 ڏينهن اندرنئو  مستقل سربراھه چونڊڻ جو حڪم ڏنو آهي  ٻڌايو پيو وڃي ته شهباز شريف کي نئو صدر ڪيو ويندو پر ان ۾ به اختلاف نظر اچي رهيا آهن نوازشريف پنهنجي گھر واري ڪلثوم نواز کي سربراھه بڻائڻ چاهي ٿو ان جو سبب اِهوبه هوندو ته شهباز شريف مٿان پڻ نااهلي جي تلوار لٽڪي رهي آهي جنهن ڪري ئي کيس وزيرِآعظم بڻجڻ کان به روڪيو ويو هو بحرحال نوازشريف وزيرِآعظم ڀل نه رهيو هجي ۽ نه وري پنهنجي پارتي جو سربراھه پر هُو سياسي شخصيت ۽ اڳوڻو وزيرِآعظم ته آهي ظاهر آهي سندس چاهيندڙ موجود آهن ۽ هُو ريلي توڙي جلسو جلوس ڪري سگھي ٿو سو سندس هي ريلي ڀل ته مخالف ملڪي ادارن خلاف قرار ڏيندا هجن پر اصل ۾ هي ريلي پنهنجي ساک کي ظاهر ڪرڻ آهي اُها الڳ ڳالھه آهي ته ريلي وارو روٽ اُهو ورتو ويو آهي جنهن سان ن ليگ جي اڪثريت ٻڌائي وڃي ٿي بحرحال هن وقت نوازشريف ۾ هڪ تبديلي ضرور نظر آئي آهي اُها اِها ته هن چيو آهي يوسف رضا گيلاني کي نااهل نه ڪيو وڃي ها ۽ هن اِهو به چيو ته ذوالفقار علي ڀٽي کي بيگناھه ڦاهي چاڙهيو ويو مطلب ته هاڻ ن ليگ عوامي سوچ مطابق بيان ڏئي رهي آهي نوازشريف کي لاهور پهچن ۾ چار ڏينهن لڳي ويندا ڏسجي ته انهيءَ دوران نوازشريف جا بيان ڪهڙا رهن ٿا ۽ هُو ڪهڙي موقف سان پنهنجي گھر پهچي ٿو ڇا گھر پهچندي پهچندي هُو پنهنجو موقف جمهوريت لاءِ اُهو ئي رکي ٿو جيڪو پ پ پ رکندي آئي آهي يا ساڳيو رکي ٿو  جيڪو اڳ ن ليگ رکندي آئي آهي ، لڳي ائين رهيو آهي ته نوازشريف جو موقف هاڻ تبديل ٿي رهيو آهي ۽ هُو ڪوشش ڪندو ته پ پ پ کي راضي ڪري  جئين پي ٽي آءِ توڙي ٻين مخالفن جو مقابلو ڪري سگھي پر ڏسجي ٿو ته نوازشريف اقتدار دوران پ پ پ کي جيترو ناراض ڪيو آهي ان کي راضي ڪرڻ مشڪل ڪم هوندو جڏهن ته  نوازشريف نااهل ٿي چڪو هجي ايندڙ ڏينهن ۾ ٿي سگھي ٿو ته نوازشريف گرفتار به ڪيو وڃي ان ڪري ئي نوازشريف عوامي ريلي ذريعي گھر وڃي اِهو پيغام ڏيڻ جي ڪوشش ڪري رهيو آهي ته عوام جو وڏو انگ ساڻس گڏ آهي ۽ هُو سياسي طاقت جو مظاهرو ڪري رهيو آهي خير سندس سياسي طاقت ڪيتري به هجي پر هاڻ نااهل مان اهل نٿو ٿي سگھي پر ايترو ضرور آهي ته گھڻي وقت کان پوءِ کيس روڊ رستي ۽ عوامي ريلي سان جي ٽي روڊ گھمڻ جو موقعو ضرور ملندو ان کان اڳ جڏهن يوسف رضا گيلاني وزيري آعظم هو ته هن لاهور کان اسلام آباد  تائين ججن جي بحالي لاءِ  جي ٽي روڊ سان لانگ مارچ شروع ڪيو هو ججن جي بحالي تي کيس ريلي اڌ ۾ ڇڏي واپس وڃڻو پيو هو سو هاڻ وري جڏهن نااهل ٿي چڪو آهي ته ابتو اسلام آباد کان جي ٽي روڊ رستي ريلي جي صورت ۾ لاهور وڃي رهيو آهي هاڻي ڏسڻو اِهو آهي ته نوازشريف پنهنجي گھر رائيونڊ پهچڻ کان پوءِ آرام ڪندو يا ٻين جو آرام ڦٽائيندو لڳي ائين ٿو ته نواز سريف کي ارام ڪرڻ جو مشورو ڏنو ويندو ۽ ٿي سگھي ٿو علاج جي لاءِ کيس ٻاهرين ملڪ موڪليو وڃي ان ڪري ته حڪومت هن وقت به  سندس پارٽي جي آهي  ……..

 

آرٽيڪل 62 ۾ ترميم جو اعلان….

وزيراعظم شاهد خاقان عباسي آئين جي آرٽيڪل 62 ۾ ترميم ڪرڻ جو اعلان ڪندي چيو آهي ته آئين جي رٽيڪل 62 (1) ايف جي خاتمي لاءِ آئيني ترميم آندي ويندي ۽ ان ترميم جي لاءِ مخالف ڌر سان به ڳالهايو ويندو. اطلاعن موجب ته ايندڙ ڪجهه ڏينهن ۾ ان حوالي سان وڏي اڳڀرائي جو امڪان آهي ۽ پاڪستان پيپلزپارٽي آئين جي آرٽيڪل 62 ۽ 63 جي خاتمي لاءِ حمايت ڪرڻ تي راضپو ظاهر ڪيو آهي جڏهن ته تحريڪ انصاف پاران پڻ انهن آرٽيڪلن جي خاتمي جي حمايت جو امڪان آهي ڇو ته عمران خان جي مٿان پڻ انهي شق جي حوالي سان نااهلي جي تلوار لٽڪيل آهي جنهن جي ڪري تحريڪ انصاف جي پڻ ان حوالي سان حمايت مجبوري آهي. اڳوڻي وزيراعظم نواز  شريف جي نااهلي کانپوءِ حڪومت آئين جي آرٽيڪل 62 ۽ 63 جي خاتمي لاءِ ڪيترن ئي ڏينهن کان سنجيدگي سان غور ڪري رهي آهي ۽ ان حوالي سان مختلف سياسي پارٽين سان بيڪ ڊور چينل رابطا به ڪيا ويا آهن ۽ هاڻي حڪومت ڪجهه ڏينهن ۾ ان جي خاتمي لاءِ اڳڀرائي ڪندي.

هڪ نجي ٽي وي کي انٽر ويو ڏيندي وزير اعظم شاهد خاقان عباسي چيو ته جيترو وڏو ليڊر هوندو آهي، خطرا به اوترائي وڏا هوندا آهن، جيڪڏهن سياست ۾ رهڻو آهي ته حالتن جو مقابلو ڪرڻو پوندو، سياست جو مقابلو سياست ۽ عوامي خدمت سان ظاهر ٿيندو آهي.  نواز شريف جو اسلام آباد کان لاهور وڃڻ احتجاج ناهي، هو پنهنجي گھر وڃي رهيو آهي. نواز شريف وزير اعظم جي ڪرسي تي ناهي پر پاليسيون ان جون ئي آهن.  وزارت عظميٰ لاءِ منهنجو نالو نواز شريف تجويز ڪيو هو، سڀني ڀليڪار ڪيو. مان 45 ڏينهن لاءِ آهيان يا 10 مهينن لاءِ فيصلو پارٽي ڪندي، جيترو عرصو پارٽي چوندي، ايترو عرصو وزيراعظم رهندس. منهنجو نالو وزارت عظمي ۾ آيو ته چوڌري نثار به ڀرپور حمايت ڪئي، هو ڪابينا ۾ ناهي پر سندس مڪمل حمايت حاصل آهي، توهان کي منهنجي ضرورت هجي ته حاضر آهيان. نواز شريف کي 30 سال وفاقي حڪومت جو تجربو آهي، سندس عالمي اڳواڻن سان لاڳاپا به سٺا آهن، آمريڪا سان لاڳاپا بهتر آهن ۽ وڌيڪ بهتر ڪرڻ جي ضرورت آهي، روس سان ڊگهي عرصي کانپوءِ لاڳاپن ۾ بهتري آئي آهي. وڏي ڪابينا نقصان نه پر فائدي واري آهي، پاڻي واري وزارت جي سخت ضرورت هئي، جيڪا اسان قائم ڪئي آهي، هلندڙ سال جي نومبر مهيني کان پوءِ بجلي جي لوڊ شيٽنگ نه ٿيندي، ماڻهن کي اهو وسري ويندو ته ملڪ ۾ لوڊشيٽنگ ٿيندي هئي، پيٽروليم ۽ پاور واري وزارت کي ضم ڪيو آهي. سياسي پارٽين وچ ۾ ميثاق معيشيت به هجڻ گھرجي.  جيڪي ماڻهو چاهين ٿا ته پاڪستان ترقي نه ڪري اهي سازشون ڪندا آهن، اڄ گارين واري سياست عام ٿي چڪي آهي، جنهن کي ڪير به پسند نٿو ڪري، ايندڙ عام چونڊن ۾ کين خبر پئجي ويندي. قطر ايل اين جي پيدا ڪندڙ وڏو ملڪ آهي، اسان قطر کان 2.75 بلين ٽن ايل اين جي وٺي رهيا آهيون، جيڪا ڀارت سميت ٻين خريد ڪندڙ ملڪن کان گھٽ اگھه تي ورتي وئي آهي.