تازيون خبرون

Daily Archives: August 7, 2017

غير قانوني هٿيارن جي ڪيس ۾ بالي ووڊ دبنگ سلمان خان جي ضمانت منظور

ممبئي (شوبز نيوز) غير قانوني هٿيارن جي ڪيس ۾ بالي ووڊ دبنگ سلمان خان جي ضمانت منظور ٿي وئي. ڀارتي ميڊيا مطابق سلمان خان غيرقانوني هٿيار رکڻ جي ڪيس ۾ ڀارتي رياست راجستان جي شهر جوڌ پور جي عدالت ۾ پيش ٿي ۽ 20 هزار رپين جي ضمانت جمع ڪرائي. جڏهن ته عدالت ڪيس جي ٻڌڻي 5 آڪٽوبر تائين ملتوي ڪري ڇڏي. ميڊيا سان ڳالهائيندي سلمان خان جي وڪيل چيو ته اها عدالت جي معمولي ڪارروائي هئي. واضح رهي ته سلمان خان 1998ع ۾ فلم هم ساٿ ساٿ هين جي شوٽنگ دوران جوڌپور ۾ ڪاري هرڻ جي غيرقانوني شڪار جو الزام هو جيڪو 2017ع ۾ عدالت ناڪامي شاهدن جي بنياد تي ان کي آزاد ڪري ڇڏيو هو .

 

ڪينڊل جينر بيري کي ٽپ ڏيڻ کان انڪار ڪري ڇڏيو

نيويارڪ(شوبز نيوز)  مشهور آمريڪي فيشن ماڊل ۽ ٽي وي پرسنلٽي ڪينڊل جينر انتهائي ڪنجوس نڪتي آهي، ان جو ثبوت ان صورت ۾ سامهون آيو آهي جو هن هوٽل جي بيري کي ٽپ ڏيڻ کان به انڪار ڪري ڇڏيو. پرڏيهي ميڊيا مطابق ڪينڊل جنر نيويارڪ جي هڪ بار ۾ وئي هئي جتي کائڻ پيئڻ کانپوءِ کيس ۲۴ ڊالرن جون بل ڏنو ويو جنهن ۾ بار ۾ ڪم ڪندڙن لاءِ ٽپ جي جاءِ به ڇڏي وئي هئي پر هن رڳو پنهنجي ڪريڊٽ ڪارڊ مان ۲۴ ڊالر ادا ڪرڻ واري بل تي صحيح ڪئي ۽ ٽپ ڏيڻ واري جاءِ کي خالي ئي ڇڏي ڏنو. بعد ۾ نيويارڪ جي بار سماجي رابطن واري ويب سائيٽ تي ان بل جي ڪاپي رکي مشهور ماڊل ۽ ٽي وي پرسنلٽي کي شرمندو ڪري ڇڏيو. اها پوسٽ سامهون اچڻ بعد انٽرنيٽ تي وڏي پيماني تي وائرل ٿي وئي آهي ۽ ماڻهو ڪينڊل جينر تي ڪافي تنقيد ڪري رهيا آهن.

 

ملتان سلطانز وسيم اڪرم کانپوءِ وقار يونس جون خدمتون به حاصل ڪري ورتيون

لاهور (اسپورٽس نيوز) پاڪستان سپر ليگ جي ٽئين ايڊيشن جي حوالي سان تياريون زور شور سان جاري آهن ۽ ٽيمن لاءِ رانديگرن کي برقرار رکڻ يا واپس ڊرافٽ ۾ موڪلڻ جا دَر به کلي چڪا آهن، اهڙي صورتحال ۾ هر ٽيم جي ڪوشش آهي ته اها بهتر کان بهتر عهديدارن ۽ رانديگرن جي چونڊ ڪري، جڏهن ته ان ڊوڙ ۾ پاڪستان سپر ليگ ٽئين ايڊيشن لاءِ ليگ ۾ شامل ٿيندڙ ڇهين ٽيم ملتان سلطانز سڀني کان اڳتي آهي، جنهن ماضي جي ٻن خطرناڪ بالرن کي پنهنجو حصو بڻائي ڇڏيو آهي، اهو ئي سبب آهي جو شوقينن جون پڻ ملتان سلطانز ۾ اکيون آهن ۽ سڀ ڪو پي ايس ايل جي ٽئين ايڊيشن جي انتظار ۾ آهي. ملتان سلطانز سوئنگ جي سلطان وسيم اڪرم جون خدمتون ته اڳ ئي حاصل ڪري چڪي آهي، جيڪو اسلام آباد يونائيٽيڊ کي الوداع ڪري ملتان سلطانز لاءِ ڪرڪيٽر آپريشنز ڊائريڪٽر جي عهدي تي مقرر ٿيو آهي، جڏهن ته هاڻ ان فرنچائز قومي ڪرڪيٽ ٽيم جي اڳوڻي هيڊ ڪوچ وقار يونس جون خدمتون پڻ حاصل ڪري ورتيون آهن، جيڪو ملتان سلطانز جو هيڊ ڪوچ ۽ مينٽور هوندو.

 

ڀارتي هاڪي رانديگرياڻي جوتي گپتا ٽرين هيٺان اچي خودڪشي ڪري ڇڏي

نئين دهلي(اسپورٽس نيوز)  ڀارتي هاڪي جي رانديگرياڻي خودڪشي ڪري ڇڏي آهي. رپورٽ مطابق ڀارت جي هاڪي جي رانديگرياڻي جوتي گپتا ٽرين اڳيان اچي خودڪشي ڪري ڇڏي آهي، ان سلسلي ۾ ٽرين جي ڊرائيور پوليس کي اطلاع ڏئي ڇڏيو آهي، ٽرين ڊرائيور چيو آهي ته جوتي گپتا اوچتو ٽرين جي اڳيان اچي وئي، تيز رفتار هجڻ سبب ٽرين کي بريڪ نه لڳائي سگهيس، پوليس کي لاش روهتڪ ريلوي لائين وٽان مليو، پوليس موبائل فون جي بنياد تي لاش جي سڃاڻپ ڪئي آهي ٻئي طرف جوتي گپتا جي وارثن سندس خودڪشي واري امڪان کي رد ڪندي چيو آهي ته حادثي کان اڳ جوتي گپتا پنهنجي ماءُ سان فون تي ڳالهه ٻولهه ڪئي، جنهن دوران جوتي گپتا جي ڳالهائڻ مان نه پئي لڳو ته هوءَ خودڪشي ڪري رهي آهي، جوتي گپتا جي وارثن معاملي جي جاچ جو مطالبو ڪيو آهي.

 

خيرپورناٿن شاهه جي ليڊي هيلٿ ورڪرن سان انصاف ڪيرڪندو.؟غلام مصطفيٰ جمالي.

انسانيت جو قدرڇا آهي انهي جو هڪ جائزو وٺندايسن ته قدرُن ۽ انهن جي وصفن جي انفرادي سطح تي پرک:انفرادي سطح تي فدرن جي حوالي کان،قدرُن ۾ سچ، قرباني، پارڻ ارپڻ، احترام، سونهن، حسن، ترقي جو معيار، ذاتي مفادن کان مٿائون هجڻ، ٻين ۽ پنهنجي عزت نفس هجڻ،روز مرهه جي معاملي ۾ مُنصفي کان ڪم وٺڻ،محبت ڪرڻ،۽ ان جو پيغام پيکڙڻ ،رواداري،سهپ،علم جي ترقي تي دن دولت کي ترجيع ڏيندو،اسانجي سماج ۾ ماڻهن جي گهڻائي وٽ نه آهي،سماج منجهان قدر ماري چٿي ختم ڪيو پيو وڃِي،انڪري ضروري آهي ته اسين اسين انفرادي توڙي اجتماعي سطح تي چڱن قدرن کي هٿي وٺرايون ۽ سماج ۾ ٿيندڙ ناانصافين خلاف آواز اٿاريون،هن وقت پاڪستان اندر عورت ذات کي جيترو ڪمزور هيڻي ۽ لاچار سمجهيو وڃِي ٿو.مان سمجهان ٿو ته اتي انهي عظيم عورت جي ڪيترن ئي حقن تا ڌاڙا هڻڻ جو رواج به عروج تي پهچي چڪو آهي،نه رڳو اهو حقن کسڻ وارو ڌاڙو عروج تي پهتو آهي پر پنهنجي حقن لاءِ آواز اٿاريندڙ انهي عورت کي به مختلف طريقن سان هيسايو ويندو آهي،ڇو ته هن ملڪ اندر عورت جا حق ۽ انهن مطالبا ته پري جي ڳالهه آهي پر هن ملڪ اندر عورت کي صرف ۽ صرف گهر جي چارديواري اندر قيد ڪري مٿس تشدت ڪري کائونس پنهنجي خواهشون پيوريون ڪرڻ لاءِ هڪ باندي طور رکيو ويندو آهي،اڪثر ڏٺو ويندو آهي ته پاڪستان جون عورتون پنهنجي حقن لاءِ جيترو جاکوڙيندڙيون آهن انهن عورتن تي ايترو وڌيڪ پريشر وجهي ڪري کين پنهنجي مقصد تان هٽائڻ لاءِ ڏڄاريو ويندو آهي،ڇو ته خاص طور تي سنڌ اندر عورت ايتري  ته هيڻي ۽ ڪمروز ڪئي وئي آهي جو هوُ پنهنجي حقن لاءِ آواز اٿارڻ لاءِ هزار دفعا سوچيندي آهي ته ڪٿي انهي حقن جي آواز بلند ڪرڻ تي کيس ماريو ته نه ويندو ڪٿي سندس معصوم بچن جو قتل عام ته نه ڪيو ويندو،ڪٿي سندس عزت ۽ آبرو سان ته نه کيڏيو ويندو،اهي سڀ ڳالهيون سامهون رکي ڪري اڄ ته ڪيتريون اهڙيون عورتون آهن جيڪي پنهنجي حقن لاءِ آواز اٿارين پيون.ڪيتريون ئي اهڙيون عورتون آهن جيڪي اڃان ٿڪيون ناهن،جن کي پنهنجي منزل تي سامهون نظراچي رهي آهي اها منزل انهن تمام گهڻي ڏرو آهي،پرسندس پير انهي منزل جي طرف روان دوان آهي،سندس پير زخمي ٿي چڪا آهن انهن پيرن اندر ڇالا پئجي ويا آهن،پر سندن ارادا جبل کان به وڌيڪ مظبوط آهن،مان سلام پيش ٿو ڪيان. انهن ادڙين کي ،جبل جيڏي ارادي به به سلام پيش ٿو ڪيان جيڪو انهن ڪڏهن به پست ناهي ٿيڻ ڏنو.اهڙيون اديون اڄ به خيرپورناٿن شاهه اندر هڪ زندهه مثال آهن جن جا ارادا اڃان پڪا آهن ۽ انهن جا ارادا اڃان پست ناهن ٿيا،مان انهن ادڙين تي اڄ لکندي مان تمام گهڻو خوش آهيان ته اڄ منهنجو قلم ۽ انهي جي مس جو هڪ هڪ ڦڙو انهي درد جي داستان لکي رهيو آهن جيڪو درد خيرپورناٿن شاهه جي نياڻين جي اکين ۾ لالاڻ آئيندي صاف ۽ چٽو نظر اچي رهيو آهي،ها آئون انهي ادين جي ڳالهه ٿو ڪيان جيڪي اڄ مڪمل ٽن مهنين کان وٺي پنهنجي مطالبن تي مڃتا لاءِ احتجاجي ڪيئيپ اندر خيرپورناٿڻ شاهه ۾ ويٺل آهي،خيرپورناٿن شاهه جون ليڊِي هيلٿ ورڪر جن کي مسلسل احتجاج ڪندي اڄ ٽن مهينا گذري چڪا آهن پر مسلسل ٽن مهينن اندر سندن ڪنهن به واهر نه ڪئي آهي اهڙو نه ناهي جيڪو وٺن ٻه پير پري هلي اچي ۽ سندس مسئلا ٻڌي ۽ انهن کي حل ڪرائڻ جي ڪوشش ڪري،جنهن مان صاف ظاهر ٿي چڪو آهي ته هن ملڪ اندر پنهنجي مطالبن جي مڃتا لاءِ احتجاج ڪرڻ رڍن اڳيان رباب وڄائڻ جي برابر آهي،پرشايد ائين به ناهي خيرپور ناٿن شاهه جو ليڊي هيلٿ ورڪر جا اهڙا به ناجائز مسئلا به ناهن جيڪي حل ڪرڻ جهڙا نه هجن ته ڏٺو وڃِي ته سندس سمورا مسئلا جائر آهن جن جي سنڌ حڪومت پنهنجي انا جو مسئلو سمجهي ڪري پورو نه ڪري رهي آهي،سنڌ حڪومت جي صحت کاتي پاران سموري سنڌ جي ليڊي هيلٿ ورڪرن کي پڪي ڪرڻ جو اعلان ڪيو هو،جڏهن ته ليڊِي هيلٿ ورڪرن کي اميد جاڳي هئي ته سندس پگهار وڌندي ۽ کين نوڪري جو اسڪيل ملندو ۽ کين ماهوار جي بنياد تي پگهار ملندو جنهن ڪري سندس گهر جي چلهه ٻري سگهندي پر ائين نه ٿي سگهيو ڇو ته اهو سنڌ حڪومت جو صرف ۽ صرف اعلان هو ته سنڌ اندر 30هزار ليڊي هيلٿ ورڪرن کي پڪو ڪيو ويو آهي،جيڪو اعلان اڃان تائين هڪ اعلان جي شڪل ۾ ئي سامهون آهي،سنڌ اندر هزارين ليڊي هيلٿ ورڪر جن کي اڄ تائين پڪوپ نه ڪيو ويو آهي،۽ کين ڇهه ڇهه پگهار به نه ڏني وئي آهي،جنهن جي خلاف خيرپورناٿن شاهه جي ادين سپروائيز ادي نوربانوملاح،رخسانه ملاح،فاطمه ملاح،رابعه ناريجو،پروين کوکر،جي ليڊر شپ ۾ مسلسل ٽن مهينين کان ڌرڻو لڳل آهي پر افسوس جو صحت کاتي جو ڪو به اعليٰ عملدار اڄ تائين وٺن لڙي به آيو آهي،نهايت ئي ڏک ۽ افسوس ته چوڻو ٿو ته پوي به رڳو انهن نياڻين جي حقن کي دٻايو پيو وڃِي پر خيرپورناٿن شاهه جي ڊي ايڇ او ۽ ايم ايس به جهڙوسلوڪ ڪري رها آهن انهن کي اهڙي سلوڪ تي الله جي قهر کان ڊڄڻ گهرجي،مان جڏهن خيرپورناٿن شاهه جي ادين سان رابطو ڪيو کين سندس مطالبي بابت پڇا ڪئي ته فون ته مسلسل ٻڌائيندڙ ادي روئي رهي هئي،سندس سسڪيون بند نه پئي ٿيون،شايد انهن سان سلوڪ شايد اهڙو ئي ڪيو ويو هو،ادي ٻڌاِئيندي چيو ته اسانکي مسلسل ٽي مهينا ٿي چڪا آهن ۽ اسان پنهنجا جائز مسئلا انتظاميه سامهون رکيا آهن،۽ اسين مسلسل ٽن مهينن کان وٺي احتجاجي ڪيئپ تي ويٺل آهيو پر اڄ تائين اسان وٽ صحت کاتي جو ڪوبه اعليٰ عملدار لڙي به آيو آهي،ادي ٻڌايو ته سان ته خيرپورناٿن شاهه جو ايم ايس ۽ ضلعي جو ڊي ايڇ او، کين مختلف طريقن سان پريشرائيز ڪيو پيو وڃِي،هنن ٻڌايو ته اسان جي پاڻي هاريو ويندو آهي،۽ پيئڻ جو پاڻي به نه ڏنو ويندوآهي،۽اسپتالن جي باٿ روم کي به ڊي ايڇ او جي چوڻ تي ايم ايس تالا هڻائي ڇڏيا آهن جنهن جي ڪري کين تمام گهڻيون ڏکايون پيش اچي رهيو آهن،مان اوهانکي واضع ڪندو هلان ته سپريم ڪورٽ آف پاڪستان انهي معاملي جو نوٽيس وٺندي ان رڳو سموري ليڊي هيلٿ ورڪرن کي پڪي ڪرڻ جو نوٽيس جاري ڪيو هو ته ليڊي پروائيزکي 14اسڪيل ۽ ليڊي هيلٿ ورڪر جي 9 اسڪيل ڏيڻ جو حڪم جاري ڪيو ويو هو،جنهن تي اڄ تائين به عمل به ٿي سگهيو آهي،انڪري مان اعليٰ عدليه کان اهو پڇي سگهان ٿو ته اوهان اڍائي لک جي عيوض پاڪستان جي وزيراعظم کي اناهل قرار ڏئي سگهون ٿا،پر اوهان جي خيرپورناٿن شاهه جي نياڻين جو مسئلو حل نه پيو ٿي آخر ٿو،ڇا حڪمران عدالت جي کان به بالاتر آهي جيڪي عدالت جي فيصلي جو سئون سنڌو انڪاري آهن،هن وقت خيرپورناٿڻ شاهه جي نياڻين سان سموري سنڌ واسين جو همدريون گڏ آهن،جنهن پاڪستان شعيه علما ڪائونسل،سنڌياڻي،تحريڪ،عوامي تحريڪ،ايس ٽي پي،تحريڪ انصاف،جسقم سيمت سموريون پارٽيون سندس همدري ڪري رهيوآهن،جڏهن ته مختلف پارٽين سان لاڳايل جنهن سورٺ ٿيٻو،امرسنڌ،نايات سرڪش،نواز،عاشق زئنور،سميت ڪيترائي اهم اڳواڻڻ سندس احتجاج ۾ وٺن اچي چڪا آهن،پر اصل معاملو سندس مطالبن جو آهي جيڪو پوري نه ٿي رهيو آهي،انڪري مان صحت کاتي سنڌ جي اعليٰ عملدارن کان صرف ايترو ٿو پڇان ڪيان ته اوهان ۾ ايتري انا ڇو آهي جو اوهان خيرپور جي ليڊي هيلٿ ورڪرن جي جائز مسئلن کي حل ڪرڻ لاءِ ڪي به اپاءٌ نه وٺي رهيا آهيو آخر ڇو،ڇا اوهانکان انصاف گهرڻ ڏوهه آهي يا اوهانجي اکين تي انڌ جو پٽيون ٻڌل آهن جو اوهانکي انهن ادين جي جا جائز مطالبا ڏسڻ ۾ ئي نه پيا اچن،انڪري مان خيرپورجي ادين سپروائيز ادي نوربانوملاح،رخسانه ملاح،فاطمه ملاح،رابعه ناريجو،پروين کوکر جي سلام پيش ٿيو ڪيان جن مسلسل ٽي مهينا پنهنجي مڃتا لاءِ مظاهرو ڪيو آهي ۽ پنهنجي احتجاج کي جاري رکيو آهي،انڪري مان ادين کي اهو پيغام ٿو ڏيڻ چاهيان ته اسين سڀ اوهان سان گڏ آهيون اوهانجو مسئلو جائز آهي جيڪو انشاالله جلد پورو ٿيندو،اتي مان سپريم ڪورٽ آف پاڪستان کي به عرض ٿو ڪيان به اوهانجي حڪم کي نظراندازڪندڙ به توهين عدالت جو ڏوهه ڪري رهيا آهن جن جي پاڪستان آئين تحت سزا ڏئي کين نااهل قرار ڏنو وڃي،

mustafa.03333737575@gmail.com

 

اچو ته ٿر گهمون…!: فرزانه نورمحمد چانڊيو/لاڙڪاڻو

چون ٿا ته ٿر ۾ هن سال برسات ايتري ٿي آھي جو ڏهه سالن جو رڪارڊ ٽٽي ويو آھي ۽ جنهن کي ٿر جي سونهن ڏسڻي آھي تنهن کي هن سال ٿر ضرور گهمڻ گهرجي.

پر جيئن ته ٿر ايندڙن جي سهوليت لاءَ هتي جي تاريخي ماڳن ۽ مڪانن متعلق رستن تي ڪي به معلوماتي بورڊ وغيره ناهن لڳل جنهن سان هتان جي تاريخي ماڳن جي ڄاڻ پئجي سگهي انهي ڪري اسين هتان جي ڪجهه تاريخي آستانن متعلق ڄاڻ ڏيون ٿا ته جيئن سياحن کي سهوليت ٿي سگهي.

ٿر ۽ پارڪر جي جابلو ۽ واريءَ جي ڀٽن تان وسڪاري ۾ ٿر جا نظارا ڏاڍا خوبصورت هجن ٿا، پر ٻاهران کان ايندڙ ماڻهن کي گهمڻ وارين جڳهن جي خبر ناهي ته پارڪر ۾ ڪهڙيون جڳهيون گهمڻ جهڙيون آهن، سو اهي بس جبل ڏسي ورن ٿا، انهن لئه بس اهو جبل ئي سڄو پارڪر آهي.

دراصل مٺي جي گڊي ڀٽ ۽ اسلام ڪوٽ ۾ سنت نيڻورام جي مندر گهمڻ بعد حقيقت ۾ ويرا واهه ٽپندي ئي پارڪر جو ذرو ذرو گهمڻ جهڙو آهي. ويرا واهه واري چيڪ پوسٽ سان لڳو لڳ پاري ننگر شهر جا نشان آهن، جيڪي ڪنهن وقت ۾ جين مت جو وڏو شهر هو. انهيءَ شهر ڦٽندي ويرا واهه جو شهر ٺهيو.

انهيءَ شهر ۾ جيڪي سرون استعمال ٿيل آهن، اهي به پاري ننگر جون آهن، جيڪو وڏو بندر گاهه هو. اتي ئي زبون حال ۾ جين جو وڏو مندر آهي ۽ ويرا واهه سان لڳ ڪجلا سر جو تلاءَ آهي، جڏهن پاري ننگر جون ڪامڻيون صبوح سوير انهي تلاءَ تي وهنجڻ وينديون هيون ته انهن جي ڪجل جا ڪس انهيءَ تلاءَ جي ڪنارن تي ٿيندا هئ، اهو تلاءَ اڄ به وسڪاري جي مينهن سان ڀرجي ٿو.

ڀالوا ۾ ماروي جو کوھ آھي. سڄي ٿر ۾ اونھا کوھ به کارا ۽ ڪسارا آھن پر ھن کوھ جو پاڻي مٺو آھي، جھونن جو چوڻ آھي ته ھي کوھ ٽي صديون اڳ کوٽايو ويو ھو، ھاڻ ان کي مارئيءَ جو کوھ سڏيو وڃي ٿو، جڏھن ته عمر مارئيءَ جوقصو سومرن جي دور سان تعلق رکي ٿو.

ويرا واهه وارو موڙ ٽپندي ننگر شهر ڏانهن ويندي بس لڳو لڳ اوهان کي وسڪاري وارن ڏينهن ۾ پاڻيءَ جي دور تائين اڇ ئي اڇ نظر ايندي. اها آهي سانگا ڍنڍ، اها پارڪر جي زبردست گهمڻ جي جڳهه ٿي سگهي ٿي. جيڪڏهن انهيءَ ڍنڍ جا پاسا صاف ڪرائي، انهيءَ ۾ ڪو ملاح ٻيڙيءَ تي گهمائي ته شهري ماڻهو سانگا تي لهندڙ پکين سان گڏ سانگا گهمندا.

اتان نڪرندي ئي ڀوڏيسر آهي، جتي بيگڙي جي ٺهرايل مسجد به آهي ته ڀوڏيسر جو تلاءِ به. اتي جين جو وڏو مندر آهي، جيڪو هاڻ ته زبون حال آهي.

اتان اڳتي پارڪر جو شهر آهي، جتان ٿي انهي شهر جي ٻنهي پاسن کان گوڙدرو ۽ ڀٽياڻي نئيون وهنديون آهن. انهيءَ ئي ننگر جي شهر ۾ جين جو مندر به آهي، ننگر جي بازار، جنهن جا دڪان مٽيءَ جي ٺڪرين وارن نرين سان ڍڪيل آهن ۽ پارڪر جا اڪثر گهر به انهي سان ڍڪيل آهن.

اتان شهر مان ئي انچلا سر جو آشرم وارو چشمون ڪجهه ڪلوميٽرن جي مفاصلي تي آهي، اتي وچ جبل ۾ سئو سيڙهي جا ڏاڪا چڙهي، انهي وڏي وڻ هيٺان ويهجي ته روح تان دنياداري جا سمورا ڪٽ لهي سگهن ٿا.

اتي ئي ڪارونجهر جبل ۾ ساڙدري جو آَشرم آهي، ساڙڌرو گورڌڙي نئن جي منھن تي آھي ۽ اُتي مھاديو جو ھڪ مندر آھي جتي ھڪ تلاءُ آھي، ھندن جو عقيدو آھي ته ھي تلاءُ گنگا سمان پوتر آھي. ان ڪري ديهانت ڪري ويلن جي هڏڙن جي رک عقيدي طور هن تلاءُ ۾ وجھندا آھن. سندن چوڻ آھي ته ساڙڌري تلاءُ جو ذڪر پراڻي شاستر ۾ به ملي ٿو، ھن تلاءُ ۾ مئل ماڻهوءَ جي رک پئي ڄڻ اُھا گنگا ۾ پئي، ان جي مٿان ديويءَ جو ھڪ مندر آھي جتي شِو مھراج جو لُنگُ به ٺھيل آھي، ساڙڌري کان ٿورو مٿڀرو پاراشر رشيءَ جو آستان آھي، چون ٿا ته پاراشر رشيءَ ھن ھنڌ تي 10 ھزار سال تپسيا ڪئي ھئي ۽ ھو ھڪ ھزار سالن تائين پير جي ھڪ آڱر تي بيٺو رھيو ھو. پير جي آڱرين جا اھڙا ڏھ نشان اڄ به انھيءَ ھنڌ تي اُڪريل آھن.

پاراشر جي آستان کان گئو مُکيءَ اُتان ميل کن جي مفاصلي تي ڏکڻ طرف جبل ۾ آھي، اهو ٻن پھاڙن جي وچ وارو رستو آھي جيڪو انتھائي ڏکيو ۽ خطرناڪ آھي، جنهن ۾ هڪڙي هنڌ تي ٻه چوٽيون پاڻ ۾ گڏجن ٿيون، جتان مينهن جو پاڻي ٽيهارو فوٽن جي بلنديءَ تان آبشار وانگر هيٺ ڪري ٿو، انهيءَ هنڌ کي هندو ’گئومک‘ سڏين ٿا.

جيڪڏهن آديگام ڏانهن وڃڻ جي ڪندا ته اتان اوڻ جي وانڍئي وٽان جبل اهڙو ڏيک ڏيندو، جهڙو مصر جا اهرام هجن.

ننگر شهر مان جن جبل ڏٺو هوندو، اهي جيڪڏهن آديگام وٽان ڏسندا ته چوندا ته هي اهو ڪارونجهر ناهي، اتان به ڪاسٻي واٽ وڃي ٿي، پر روڊ ڪونهي. انهيءَ ڪري گهمڻ وارن کي وري ننگر مان ڦري وڃڻو پوندو، اتي ٻه وڏا مندر آهن.

اتان وري ننگر شهر مان چوڙئي جبل تائين ڪچو رستو آهي، اهو سڄو رستو بڙتلا چيڪ پوسٽ کان وٺي بارڊر سان لڳو لڳ گذري ٿو. انهي چوڙئي جي چوٽي تي مندر آهي ۽ انهي چوٽيءَ تي ويهڻ کانپوءِ اوهان کي جبل جي هن پاسي کان پاڙيسري ملڪ جي سرحد لڳي ٿي، اتان هن ملڪ جا ڳوٺ نظر ايندا، اتان جا فوجي ڀائر گهمندي نظر ايندا، جڏهن تند ڪونه لڳي هئي ته هن مندر تي لڳندڙ ميلي ۾ اتان جا ماڻهو ايندا هئا، سامهون ڪڇ جو رڻ آهي، رات جو هنن جي بارڊر لائين تي لڳل بتين جو سهائو انهي ڏونگر جي چوٽي تي ٿيندو آهي.

انهيءَ ئي چوڙئي واري رستي تي راڻ پور ڊيم به گهڻ جهڙي ماڳ آهي ۽ جي شڪار تي جهل پئجي وڃي ته روجهن ۽ هرڻين جا ولر پيا پارڪر جي پوٺن تي ڊوڙندا ۽ اهو کليل زو هوندو. برحال ڪاسٻي مان جينجهو ندي گهمڻ ضرور وڃڻ کپي، جنهن جي پيٽ ۾ رڳو چشما آهن.

چون ٿا ته ٿر ڪل 108 آستان آهن جن مان صرف ڪن جو ذڪر اسين هتي ڪري چڪا آهيون جڏهن ته اڃا به گهڻائي آستان آهن . ٿر گهمڻ لاءَ ايندڙن کي هتان جي ماڳن مڪانن متعلق ڪا معلومات ملي سگهي ۽ اهي ٿرپارڪر جي سمورن خوبصورت منظر کان لطف اندوز ٿي سگهن.

******

 

مري کان پنجاب هائوس ۽ پوءِ جي ٽي روڊ…!

اڳوڻي وزيراعظم نواز شريف چيو آهي ته گهڻو سمجهي ويو آهيان، سدائين خاموش نه رهندس، سڀ ڪجهه ظاهر ڪندس، ميثاق جمهوريت تي اڃا به قائم آهيان، ملڪ بدري هڪ ٺوڪر هئي ڇا ڪير هڪ آمر جو به احتساب ڪري سگهي ٿو، ڇا آئين ٽوڙيندڙ کي به سزا ملي سگهندي، هڪ چونڊيل وزيراعظم کي پگهار نه وٺڻ تي نااهل قرار ڏيڻ کان وڌيڪ ٻيو ڪهڙو مذاق ٿي سگهي ٿو، مشرف مون سان اين آر او ڪرڻ ٿي چاهيو پر مون انڪار ڪيو، هاڻي ته کيس پاڪستان اچڻ جي به جرئت نه آهي، اڃا ته آئون صبر جو مظاهرو ڪري رهيو آهيان، آصف زرداري جي صدر بڻجڻ ۽ عهدو ڇڏڻ تي کيس عزت ڏني. جيڪو ڪجهه ٿيو اهو سڀ توهان جي سامهون آهي، آئون گهڻو ڪجهه سمجهي رهيو آهيان ۽ چوڻ به چاهيان ٿو پر في الحال خاموش آهيان ۽ سدائين ته خاموش نه رهندس. مون کان ۽ ٻارن کان پڇيو پيو وڃي ته ڪهڙو پئسو آهي جيڪو ناجائز طريقي سان ڪمايو. دهشتگردي جو خاتمو ڪيو، اسان بلوچستان ۾ مفاهمتي عمل شروع ڪيو.جي ٽي روڊ تان لاهور وڃڻ جي خواهش هئي پر سيڪيورٽي وارن منع ڪئي آهي اڄ نه ته جلد ئي جي ٽي روڊ تان لاهور ويندس. اهڙو ڪو ڪم نه ڪندس جنهن سان معاشي ترقي متاثر ٿئي، اسان ڌرڻي جو جواب ان ئي انداز ۾ نه ڏنو. ميثاق جمهوريت تي اڄ به قائم آهيان، اڳوڻي صدر آصف زرداري جڏهن صدارت سنڀالي تڏهن به مون کيس عزت ڏني ۽ عهدو ڇڏڻ وقت به کيس عزت ڏنم. گذريل ڏينهن پرويز مشرف چيو آهي ته آمريت جمهوريت کان بهتر آهي، اسان ڪڏهن به ڪنهن جي نه توهين ڪئي نه گار ڏني. ڇا اسان ڍاڪا سانحي مان سبق ناهي سکيو. پرويز مشرف ايترو بهادر آهي ته پاڪستان ڇو نه ٿو اچي، هن مون سان اين آر او ڪرڻ جي ڪوشش ڪئي پر مون انڪار ڪري ڇڏيو. ميثاق جمهوريت تي ميان رضا رباني، احسن اقبال ۽ اسحاق ڊار وڏي محنت ڪئي ۽ مون ان تي عملي طور تي ڪم ڪري ڏيکاريو ۽ وزيراعظم بڻجڻ کانپوءِ به آصف زرداري وٽ ويس. اڪبر بگٽي کي بيدردي سان قتل ڪيو ويو، ماڻهو آهستي آهستي سڀ ڪجهه سمجهي ويندا. في الحال ملڪ جي ترقي جي ڪري خاموش آهيان پر سدائين منهنجا چپ سبيل نه رهندا، ملڪ بدري هڪ ٺوڪر هئي ۽ انسان غلطين مان سکي ٿو. ڇا ڪو ڊڪٽيٽر جو به احتساب ڪري سگهي ٿو، ڇا ڪڏهن آئين ٽوڙيندڙن کي به سزا ملندي، عوام ڏسڻ چاهي ٿي ته ڪنهن آمر کي سزا ڪڏهن ٿي ملي، جيڪڏهن ڪنهن آمر کي سزا نه ٿي ملي سگهي ته پوءِ ڪهڙو نظريو آهي. نيب ۾ جيڪي ڪيس هلن ٿا اهي بدعنواني جا هوندا آهن ۽ هي پهريون ڪيس اسان جي والد ۽ ڏاڏا جي ڪمپني جي جاچ ڪندو. جڏهن اسان جي صنعتن کي تحويل ۾ ورتو ويو تڏهن آئون سياست ۾ نه هئس.