تازيون خبرون

Daily Archives: August 7, 2017

قانون جي حڪمراني تي يقين رکون ٿا، عدالتي فيصلو قبول ڪيو: نواز شريف

اسلام آباد (ويب ڊيسڪ): اڳوڻي وزيراعظم نواز شريف سان جاڙن شهرن جي واپارين ملاقات ڪئي اهي، واپاري برادري نواز شريف سان ايڪتا جو اظهار ڪيو، ان موقعي تي اڳوڻي وزيراعظم نواز شريف چيو ته قانون جي حڪمراني تي يقين رکون ٿا، عدالتي فيصلو قبول ڪيو، عوام پاناما فيصلي کي تسليم ناهي ڪيو، نواز شريف چيو ته اربين رپيا لٽڻ وارا اڄ تائين ناهن پڪڙيا ويا، آئين ٽوڙڻ وارن کي سزا ڇو نه ڏني وئي، اڳوڻي وزيراعظم چيو ته ڇا پاناما ڪيس ۾ منهنجي ئي خاندان جو نالو هيو؟، عوام مينڊيٽ ڏنو، سويلين بالادستي کي تسليم ڪيو وڃي.

 

چونڊن ۾ اتحاد خلاف آهيان، آزاد نموني چونڊ وڙهڻ چاهيان ٿو: بلاول ڀٽو زرداري

چترال (اين اين آءِ)  پ پ چيئرمين بلاول ڀٽو چيو آهي ته عائشا گلالئي جا الزام سنجينده آهن، عورتن کي حراسان ڪرڻ بابت قانون موجود آهي ۽ ان تحت معاملي کي حل ٿيڻ گهرجي، پ پ عورتن جي حقن جي جدوجهد ڪئي ۽ ڪڏهن به الزامن جي سياست نه ڪئي، آچر تي ميڊيا سان ڳالهائيندي هن چيو ته سياست کي هڪ طرف رکي عائشا جي الزامن جي شفاف جاچ ٿيڻ گهرجي، بلاول ڀٽو چيو ته عورتن کي حراسان ڪرڻ بابت قانون موجود آهي. هن چيو ته سياست ۾ الزام هڪ خراب روجحان آهي ۽ ڪنهن لاءِ به فائدي وارو نه آهن، خاص طور تي نوجوانن لاءِ وڏو مثال قائم ٿي رهيو آهي، نواز شريف جي نااهلي بابت بلاول ڀٽو چيو ته نواز شريف آخري ملاقاتون ڪري رهيو آهي، احتساب جو عمل سڀني لاءِ ٿيڻ گهرجي، پارليامينٽ تحت اهڙا قانون هجڻ گهرجن ته ڪير به احتساب کان مٿانهون نه هجي، هن چيو ته 2018 جي چونڊن ۾ خبر پئجي ويندي ته عوام ن ليگ کي رد ڪري ٿو، جڏهن ته ان کان اڳ شهباز شريف کي خبر آهي ته اين اي 120 جي ننڍي چونڊ ۾ شڪست ٿيندي ان لاءِ هو ڀڃي رهيو آهي، پ پ چيئرمين چيو ته هن وقت تائين منصوبو آهي ته ايندڙ اليڪشن اڪيلي سر وڙهنداسين ۽ ڪنهن به پارٽي سان اتحاد نه ڪيو ويندو. مان چونڊ اتحاد نٿو چاهيان ۽ آزاد چونڊون وڙهڻ چاهيون ٿا. مون کي 2018 جي اليڪشن چترال کان وڙهڻ جي درخواست ڪئي وئي آهي، بلاول ڀٽو چيو ته عورتن پاران ڀرپور ڪردار ادا ڪرڻ سان ملڪ کي فائدو ٿيندو ۽ سموريون سياسي پارٽيون نوجوانن لاءِ به پروگرام بڻائين.

 

وادي سنڌ کي پاڻي ۽ هوا جي تبديلي سان سخت خطرا موجود

ڪراچي  (اين اين آءِ) پاڪستان جي وادي سنڌ، ڀارت جي وادي گنگا، اتريون علائقو ۽ بنگلاديش جي وڌيڪ علائقن کي پاڻي ۽ هوا جي تبديلي جا خراب اثرن سان سخت خطرا درپيش آهن، ان ڳالهه جو انڪشاف سائنسي ميگزين سائنس ايڊوانس ۾ شايع ڪيل رپورٽ۾ ڪيو ويو آهي، رپورٽ ۾ سائنسدانن خبردار ڪندي چيو آهي ته جيڪڏهن اسان پنهنجا طور طريقا تبديل نه ڪيا ته 22هين صدي ۾ دنيا جا ڪيترائي حصا ڪنهن دوزخ کان گهٽ نه هوندا. ڏکڻ ايشيا جي انهن علائقن ۾ آبادي گنجان آهي ۽ ان ۾ مسلسل واڌ ٿي رهي آهي، ماڻهن جي اڪثريت تمام خراب حالت ۾ زندگي گذاري رهي آهي، هن چيو ته ان لاءِ گرم ۽ مرطوب ٿيندي موسم جون سختيون برداشت جي قابل نه رهندي، رپورٽ موجب پاڪستان ۾ پاڻي ۽ هوا جي تبديلي جي خطرناڪ اثرن جو مظاهرو ڪجهه عرصو اڳ ڪراچي ۾ ٿي چڪو آهي جتي گرمي جي لهر سبب وڏي انگ ۾ فوتگيون ٿيون هيون، نئين صدي شروع ٿيڻ ۾ ڪيترائي ڏهاڪا باقي آهن پر سائنسدانن جو چوڻ آهي ته نئين صدي مان نيون اميدون ۽ امڪان نه سوچيا وڃن ڇو ته نئين صدي انسان لاءِ نوان مسئلا ۽ نيون پريشانيون کڻي ايندي آهي، رپورٽ ۾ چيو ويو آهي ته نئين صدي جو سڀ کان وڏو مسئلو زمين جي گرمي پد ۾ غير معمولي واڌ آهي، ماحوليات جي ماهرن خبردار ڪيو آهي ته ڏکڻ ايشيا جا ڪيترائي حصا ايترا گرم ٿي ويندا جو اتي انساني زندگي جو وجود برقرار رکڻ ممڪن نه ٿيندو ۽ جيڪڏهن گرين هائوس گيسن جي خارجن ٿيڻ کي نمايا طور تي گهٽ نه ڪيو ويو ته انهن علائقن ۾ گرمي جي سطح تمام بلند ۽ ڪيترن ئي انساني زندگين جي وجود کي ڏکيو بڻائين ڇڏيندي.

 

امن چاهيون ٿا، ڀارت مسلسل جنگبندي جي ڀڃڪڙي پيو ڪري: پاڪستان

سيالڪوٽ  (اين اين آءِ) پرڏيهي وزير خواجه محمد آصف چيو آهي ته موجوده حڪومت آئيني مدو پورو ڪندي، وزيراعظم شاهد خاقان عباسي جي بطور وزيراعظم جي نامزدگي ميان نواز شريف جي هڪ بهترين سوچ هئي، موجوده حڪومت نواز شريف جي مشن کي پورو ڪندي، افغانستان سان دوستي وارا لاڳاپا پاڪستان جي خواهش آهي ان لاءِ باقائده افغانستان کي لائحه عمل جوڙڻو پوندو، جلد پاڪستان دهشتگردن جي چنبي مان آزاد ٿي ويندو، هو آچر تي مسلم ليگ هائوس پيرس رود تي کليل ڪچهري کي خطاب ڪري رهيو هو،هن چيو ته هاڻ ملڪ کي معاشي طور تي مضبوط ڪرڻو آهي، جڏهن ته ملڪ جي اهڙي پرڏيهي پاليسي تيار ڪرڻي آهي جنهن سان پاڪستان سان لاڳاپا ٻين ملڪن سان مضبوط ٿيندا ۽ پاڪستان هڪ سٺي جاءِ بڻائي سگهندو. هن چيو ته ڀارت سان حالتون معمول تي آڻڻ چاهيون ٿا پر ائين نٿو چاهي، هو مسلسل جنگ بندي معاهدي جي خلاف ورزي ڪري رهيو آهي، هن چيو ته سنڌ طاس خطرن تي ٻڌل آهي ان سان ننڍي کنڊ کي گذريل 57 سالن کان خطرو آهي ۽ ان سبب ڏکيائيون پيش اچي رهيون آهن، ان معاهدي تي ڀارت ۽ ٻيا ملڪ خاص طور تي آمريڪا اثر انداز ٿي رهيو آهي ۽ عالمي بينڪ ان معاهدي ۾ ضامن آهي ۽ ان معاهدي جي معاملي کي بينڪ اڳيان اٿاريو آهي ۽ هاڻ عالمي بينڪ ئي ان کي حل ڪرائيندي، هن چيو ته ڪشن گنگا معاملو ڏيڍ سال اڳ حل ٿي چڪو هو ۽ ڀارت ٽيون ڀيرو ان جي فلنگ ڪري زيادتي ڪئي آهي، ميان نواز شريف جي مثبت پاليسين ۽ پاڪستاني فوج جي ڪوششن ۽ بهتر پاليسي سبب ان تي ضابطو ڪرڻ تي وڏي حد تائين مدد ملي آهي ۽ جلد ئي پاڪستان دهشتگردن جي چنبي مان آزاد ٿي ويندو.

 

سينيٽ وفاق جي اڪائين جي حقن جي محافظ آهي: شاهد خاقان عباسي

اسلام آباد (اين اين آءِ) وزيراعظم شاهد خاقان عباسي سينيٽ کي پاڪستان جي پارليامينٽ جي ضروري حصو قرار ڏيندي چيو آهي ته قانونسازي ۾ سينيٽ جو ڪردار تعريف جوڳو آهي، سينيٽ جي 45 هين يوم تاسيس جي موقعي تي وزيراعظم پنهنجي پيغام ۾ سڄي پاڪستان جي عوام کي دلي مبارڪ ڏني، هن چيو ته پاڪستان وفاقي رياست هجڻ جي ناتي هن وقت وڌيڪ ترقي ڪندو، جڏهن ان جي وفاقي جي سطح تي نمائندگي ۾ بهتري ايندي، هن چيو ته وفاق جي ايوان ۾ نمائندگي وڌيڪ ٿي آهي جتي سمورن انگن جي لحاظ کان برابر نمائندگي آهي، اهڙي طرح انهن مفادن ۽ حقن جو وڌيڪ تحفظ ٿيو آهي، اميد آهي ته سينٽ آف پاڪستان وفاق جي حقيقي روح موجب وفاق جي حقن جي تحفظ ۾ پنهنجو ڪردار ادا ڪرڻ جو سلسلو جاري رکندي.

 

ڳالهيون ڪرڻ وارا پهرين پنهنجي گهر طرف ڏسن: مريم اورنگزيب

اسلام آباد (ويب ڊيسڪ): مملڪتي وزير مريم اورنگزيب چيو آهي ته ٻئي جي باري ۾ ڳالهه ڪندڙن کي پهرين پنهنجي گهر اندر به ڏسڻ گهرجي، سوشل ميڊيا ۽ اليڪٽرانڪ ميڊيا ۾ هڪ عورت تي سياست ٿي رهي آهي، ميڊيا سان ڳالهائيندي مريم اورنگزيب جو چوڻ هيو ته عائشه گلالئي جي معاملي تي جاچ هئڻ گهرجي، پارليامينٽ ۾ عورتن جو فورم موجود آهي، اتي ڳالهه ٿيڻ گهرجي، هن چيو ته عوام جي دلين جو وزيراعظم اڄ به نواز شريف ئي آهي.

 

عائشه گلالئي جا الزام، اسپيڪر اياز صادق جاچ لاءِ پارلياماني ڪميٽي جي منظوري ڏئي ڇڏي

اسلام آباد (اين اين آءِ) پي ٽي آءِ جي اڳوڻي اڳواڻ عائشا گلالئي جي الزامن کانپوءِ قومي اسيمبلي جي خاص اخلاقن واري ڪميٽي جوڙڻ جو فيصلو ڪيو ويو آهي، نجي ٽي وي موجب اها ڪميٽي ايندڙ 2 ڏينهن ۾ قائم ڪئي ويندي، جڏهن ته ان ۾ 13 حڪومتي ۽ 7 اپوزيشن جا ميمبر شامل هوندا، ذريعن جو چوڻ آهي ته عائشا گلالئي ۽ عمران خان جو معاملو 20 رڪني ميمبرن ڏانهن ويندو، جڏهن ته ڪنهن ميمبر کي ٻئي ميمبر سان شڪايت جو معاملو اخلاقن واري ڪميٽي ڏسندي، اسپيڪر ڪميٽي قائم ڪرڻ جي منظوري ڏئي ڇڏي آهي،ڪجهه ڏينهن اڳ اسميبلي جي اجلاس دوارن پ پ جي نفيسه شاهه مستقل ڪميٽي جي تجويز ڏني هئي، ياد رهي ته عائشا گلالئي ڪجهه ڏينهن اڳ پي ٽي آءِ چيئرمين تي سخت الزام لڳائيندي چيو هو ته پي ٽي آءِ ۾ عورتن جي عزت محفوظ نه آهي.

 

جيڪو قائد پنهنجي ٻارن جو انگ درست نٿو ٻڌائي سگهي، اهو ڇا سچ ڳالهائيندو؟: مولا بخش چانڊيو

حيدرآباد (ويب ڊيسڪ): پيپلز پارٽي اڳواڻ مولا بخش چانڊيو چيو آهي ته ميان صاحب هاڻي واهان جي روئڻ ڌوئڻ جو فائدو ناهي، جسقم ڪارڪنن ۽ عهديدارن جي پيپلز پارٽي ۾ شموليت واري تقريب کي خطاب ڪندي مولا بخش چانڊيو چيو ته ميان صاحب اوهان اڪيلي ڪاميابي حاصل نٿا ڪري سگهو، اوهان کي پڇتاءُ ٿيندو، هن چيو ته عمران جي گهر جو معاملو ٿيو ته اسان جي قائد ان جي ذاتي زندگي بابت ڳالهه ڪرڻ کان منع ڪيو، بلاول اهو ته ناهي چيو ته خان صاحب اوهان پنهنجي ٻارن جو انگ ته ٻڌايو، هن چيو ته جيڪو قائد پنهنجي ٻارن جو انگ درست نٿو ٻڌائي سگهي، اهو ڇا سچ ڳالهائيندو؟، هن چيو ته خان صاحب قائد بڻجو قائد، پلي بواءِ نه بڻجو، خان صاحب لاءِ شرم جي ڳالهه آهي ته ٻارن جو انگ نٿو ٻڌائي سگهي، هن چيو ته اپوزيشن کي ڇڙوڇڙ ڪرڻ جو ڪم خان صاحب ڪنهن کي ڏنو آهي، مولا بخش چانڊيو چيو ته خان صاحب اوهان ڪوشش ته ڪريو ها ته پارليامينٽ ۾ گڏيل اميدوار آڻيون ها.

 

نواز شريف نااهلي کانپوءِ جمهوري نظام تباهه ڪرڻ چاهي ٿو: عمران خان

اسلام آباد( ويب ڊيسڪ ) تحريڪ انصاف سربراهه عمران خان چيو آهي ته پاناما ليڪس ڪيس جي فيصلي ۾ سپريم ڪورٽ جي پنجن ججن جاچ کانپوءِ  اتفاق سان فيصلو ڏنو پر فيصلي کي چئلينج ڪري نواز شريف عدالتي نظام کي تباهه ڪري رهيو آهي. نواز شريف طرفان جي ٽي روڊ تي جلسي سان لاهور وڃڻ جي اعلان تي عمران خان ڳڻتي جو اظهار ڪيو آهي. ٽوئيٽر تي جاري ڪيل بيان ۾ عمران خان چيو ته نواز شريف جو  منصوبو سپريم ڪورٽ جي فيصلي جي مذاق اڏائڻ برابر آهي. هن چيو ته سپريم ڪورٽ کي چئلينج ڪري نواز شريف عدالتي نظام کي تباهه ڪري رهيو آهي. سندس چوڻ هو ته نواز شريف ڪرپشن بي نقاب ٿيڻ کانپوءِ قيادت جو اخلاقي جواز وڃائي ويٺو آهي.

 

سڀني جو احتساب چاهيون ٿا، پرڏيهه ۾ رهندڙ پاڪستانين کي ووٽ جو مڪمل حق هئڻ گهرجي: سراج الحق

لاهور(م.ڊ)  جماعت اسلاميءَ جي امير سراج الحق چيو آهي ته پرڏيهه ۾ رهندڙ پاڪستانين کي ووٽ جو حق ڏنو وڃي، پرڏيهه ۾ رهندڙ پاڪستاني ووٽرز چوڌرين ۽ وڏيرن جي دٻاءُ کان آزاد آهن، انهن جو ووٽ سچي قيادت آڻڻ ۾ مضبوط ثابت ٿيندو، لاهور ۾ ميڊيا سان ڳالهائيندي جماعت اسلاميءَ جي امير جو وڌيڪ چوڻ هو ته منهنجو ڪالهه به اهو ئي موقف هو اڄ به اهو ئي موقف آهي ته سڀني جو احتساب ٿيڻ گهرجي، پاناما ۾ ۴۳٦ ماڻهن جا نالا شامل آهن، حزب اختلاف ۽ حزب اقتدار سڀن جو احتساب چاهيون ٿا، وڪيلن سان صلاح مشوري کانپوءِ سپريم ڪورٽ ۾ ٻيهر وينداسين، سراج الحق چيو ته جمهوريت کي ڪجهه ماڻهن جي هٿان يرغمال ٿيڻ نه ڏينداسين، ڦر ڪيل پئسا پاڪستان واپس آندا ويندا.(۰۲)