تازيون خبرون

Daily Archives: August 5, 2017

ڪرن رائو سُٺي ماءُ، زال، هدايتڪاره ۽ سُٺي اداڪاره آهي: عامر خان

ممبئي(شوبز نيوز) بالي ووڊ جي مسٽر پرفيڪٽ جي نالي سان مشهوري ماڻيندڙ عامر خان پنهنجي گهرواري ڪرن رائو جي باري ۾ انڪشاف ڪندي چيو آهي ته ڪرن تمام بهترين هدايتڪاره هئڻ سان گڏو گڏ تمام سُٺي اداڪارا به آهي، مان ڪيترائي ڀيرا ان سان فلمن ۾ اداڪاري ڪرڻ جي فرمائش ڪري چُڪو آهيان. ناليوارو اداڪار عامر خان هنن ڏينهن ۾ پنهنجي فلم ”سيڪريٽ سپر اسٽار“ جي تشهري ۾ مصروف آهي، ان سلسلي ۾ هڪ تقريب دوران هن ڳالهائيندي چيو ته منهنجي گهرواري ڪرن رائو هڪ سُٺي گهرواري، سُٺي ماءُ، سُٺي هدايتڪاره ۽ سُٺي اداڪارا آهي، مان ڪيترائي ڀيرا ان سان فلمن ۾ ڪم ڪرڻ جي فرمائش ڪري چُڪو آهيان.(۰۲)

 

ماهرا خان کي فلمي دنيا ۾ مون متعارف ڪرايو: عاطف اسلم

ڪراچي(شوبز نيوز) موسيقي جي دنيا ۾ وڏو نالو ڪمائيندڙ پاڪستاني راڳي عاطف اسلم چيو آهي ته ماهرا خان کي فلمن ۾ مون متعارف ڪرايو، منهنجي چوڻ تي ئي ناليواري هدايتڪار شعيب منصور ان کي فلم بول ۾ ڪاسٽ ڪيو، هن جو چوڻ هو ته شعيب منصور ماهره کي فلم ۾ ڪاسٽ ڪرڻ کان اڳ مون سان مشورو ڪيو هو ته تون ڪهڙي اداڪارا سان گڏ ڪم ڪرڻ چاهين ٿو، هن مون کي ٻن ٽن اداڪارائن جا نالا ٻڌايا، جنهن تي مون ماهرا جو نالو کنيو، حالانڪه هوءَ تمام گهڻي جونيئر هئي، ان زماني ۾ منهنجو نالو ماهرا سان جوڙيو ويو، هڪ سوال جي جواب ۾ عاطف اسلم ٻڌايو ته ڀارتي فلمن ۾ اسان جو اداڪارائون تمام بهترين ڪم ڪري رهيون آهن، صبا قمر فلم هندي ميڊيم ۾ غير معمولي اداڪاري ڪئي آهي، عاطف جو چوڻ هو ته عرفان خان کي تمام کڻو پسند ڪندو آهيان، صبا ان جهڙي سينيئر اداڪار اڳيان ڄمي ڪري ڪم ناهي ڪيو.(۰۲)

 

فريال ڪنهن ٻئي سان رهڻ چاهي پئي، باڪسر عامر خان گهرواري کان ڌار ٿيڻ جو فيصلو ڪري ورتو

لنڊن (اسپورٽس نيوز) باڪسر عامر خان گهرواري فريال مخدوم کان عليحدگي اختيار ڪري ورتي آهي، ٽوئيٽر تي جاري ڪيل پيغام ۾ عامر خان جو چوڻ هيو ته زال ڪافي عرصي کان ڪنهن ٻئي شخص سان گڏ رهڻ چاهي پئي، ان لاءِ اسان ٻنهي گڏيل رضامندي سان ڌار ٿيڻ جو فيصلو ڪري ورتو، عامر خان پنهنجي ٽوئيٽ ۾ اهو به چيو ته هڪ وقت ۾ پنهنجي زال لاءِ پنهنجي فيملي ۽ دوستن کي به ڇڏي نو هيو، عامر خان پنهنجي سوشل ميڊيا پيغام ۾ فريال کي لالچي قرار ڏنو آهي، عامر خان جو پنهنجي پيغام ۾ چوڻ هيو ته اهو هن وقت دبئي ۾ آهي، جڏهن ته اهو فريال خان لاءِ نيڪ خواهشون رکي ٿو، هوڏانهن فريال مخدوم جو چوڻ آهي ته عامر خان پنهنجا والدين ۽ گهر منهنجي ڪري نه ڇڏيا پر گهر وارا ان کي ٻنهي هٿن سان ڦري رهيا هئا، ان سبب عامر خان پنهنجي گهر وارن کان ڌار ٿيو، فريال عامر خان کي مخاطب ٿيندي چيو ته عامر مرد ٿي ۽ تسليم ڪر ته تنهنجو ڪيريئر ختم ٿي چڪو آهي ۽ تو باڪسر انٿوني تي الزام به ان ڪري لڳايا آهن، هن چيو ته عامر مون کي ۽ منهنجي ڌيءُ کي به خرچ نه ڏنو، ڌيءَ ۽ گهر جا سمورا خرچ مان پاڻ هلائيندي آهيان، عامر خان وڃي ۽ وڃي پنهنجي جاهل گهر وارن سان گڏ رهي.

 

ثناءَ مير پاران قومي وومين ٽيم جي قيادت ڇڏڻ جو اعلان

لاهور(اسپورٽس نيوز) قومي وومين ٽيم جي ڪپتان ثناءَ مير قيادت ڇڏڻ جو اعلان ڪري ڇڏيو، سوشل ميڊيا تي جاري هڪ کليل خط ۾ قومي وومين ٽيم جي ڪپتان ثناءَ مير ٽيم جي ڪوچ صبيح اظهر جي رپورٽ ميڊيا تي اچڻ تي تنقيد ڪندي چيو آهي ته ڊيانا بيگ کي ٽيم ۾ شامل نه ڪرڻ تي ڪوچ سان اختلاف شروع ٿيا، پيسر سُٺي رانديگر هئي، ان کي ٽيم ۾ حصو ملڻ گهرجي ٿا، مون کي پنهنجي فيصلي تي ڪنهن به قسم جو پڇتائو ناهي، ورلڊ ڪپ ۾ ۴ ميچن ۾ يقينن فتح حاصل ڪري وٺون ٿا، پر سڀ جون سڀ هارائي ويٺيوسين، ٽيم ۾ اسپينرز جي گهٽتائي هئي، ثناءَ مير چيو ته منهنجي ترجيح هئي ته ان حوالي سان ميڊيا تي ڪنهن به قسم جي ڪا ڳالهه نه ڪيا، پر ڪوچ جي ڳجهي رپورٽ منظر عام تي اچڻ کانپوءِ اهڙو فيصلو ڪيو آهي

 

سياسي مناظرا ۽ غريب   عوام  .!!!!: غلام مصطفيٰ جمالي

ملڪ ا ندار سياسي  مناظرا ڪا نه ڳالهه ناهي پي پي پي حڪومت هجي ن ليگ يا کڻي  خان صاحب عمران جي پارٽي  پر جيستائين هو پاڻ ۾ ڏندڪشي نه  ڪن ته لڳي ٿو ته کين کاڌو هضم ناهي ٿيندو.؟سدائين ننڍڙي ٻار وارو ضد ۽ جهيڙو .!!!انڪري ان ننڍِڙي ٻار وارو ضد ۽ جيهڙو ۽ پاڪستان حڪومت جي سياست اڄ ڪلهه هڪ جهڙيون پيون لڳن،!!!! تازو تحريڪ انصاف جي ترجمان  شرين مزاري ن ليگ کي مناظري لاءِ چئلنج ڪيو  جڏهن ته انکان پهرين شرين مزاري عائشه گلالائي سان پڻ مناظرو ڪرڻ جو چيو جنهن وقت عائشه گلالائي تحريڪ عمران پارٽي جي اڳواڻ عمران خان صاحب تي الزام لڳايا ته هن وٽ عورت ذات جي عزت ناهي،.!!جڏهن ته عمران خان صاحب وري اهو چئي رهيو آهي ته  ملڪ جا هونئن ته پڇاڙڪا پهر هلي رهيا آهن جلد کان جلد نواز حڪومت جي شام ٿيڻ ٿي چڪي آهي پر اصل حقيقت تي نظر وجهون ته اگر نواز صاحب جي حڪومت جا پڇاڙڪا پهر آهن ته ملڪ کي ڪنهن جي ضرورت آهي جيڪو اچي ملڪ جون واڳهون سنڀالي ۽ ملڪ کي هڪ اهڙي دور مان ڪڍي جنهن ۾ اٽو مهاڳو  ۽ موت سستو آهي. جن حالتن مان پاڻ گذري رهيا آهيون، اهي بلاشڪ تشويشناڪ آهن . شاندار ماضيءَ کي اسان پاڻ وساري ويٺا آهيون.روشن آئيندي جو وري ايترو اونو اٿئون جو زندگيءَ جي ڪنهن به شعبي لاءِ پڻ کي تيار ڪرڻ لاءِ تيار ڪونه آهيون. امتحان ڏيون ته ڪاپي ڪري، نوڪريون وٺون ته ڏوڪڙ ڏئي. صنعت ۽ تجارت سان لڳي ئي ڪانه ، ثقافت سان فقط نعري بازي جو عشق اٿئون. پنهنجي اهڙن پرڪارن جي باهه تي حالتن وري گاسليٽ جو ڪم ڏيکاريو آهي.

شهرن ۾ دهشتگرديءَ ته  ٻهراڙين ۾ ڌاڙيلن نڪ ۾ دم ڏئي ڇڏيو آهي. هڪ طرف باهه آهي ته ٻئي طرف پاڻي. ڪنهن کي ڪا واٽ ڪانه ٿي ملي. هر ڪنهن جون متيون ئي منجهي پيون آهن. سياسي ڪارڪن پنهنجي قد بت وڌائڻ ۾ مصروف آهن. ملڪ جا مدبر الائي ڪهڙي سياست ۾ مصروف آهن. دانشورن کي دنيا پنهنجو مڃڻ ۽ پنهنجو ڪرڻ لاءِ تيار ڪانهي. اهڙين سنگين حالتن کان وڌ ۾ وڌ متاثر ٻهراڙيءَ جو معصوم، سٻاجهو ۽ سڌو سنئون اهو عوام آهي، جيڪو آباديءَ جي لحاظ کان اڪثريت ۾ آهي. جنهن کي اسان پنهنجي معيشت جو ابو چئون ٿا ۽ جنهن کي اسان جا مدبر قوت جو سرچشمو چون ٿا. بلاشڪ شهرن ۾ رهندڙ عوام به آزار ۾ آهي، پر دکن ۽ دردن، سورن ۽ عذابن ۾ ٻهراڙيءَ وارا پنهنجو مٽ پاڻ آهن.منهنجو تعلق پڻ هڪ ٻهراڙي جي علائقي سان آهي جتي زندگي جڏهن صبح جا ڪرڻا کڻي نئون سفر شروع ڪرڻ لاءِ رواني ٿيندي آهي ته انهن ٻهراڙي ۾  انيڪ انساني زندگيون خواهشن جون اڌوريون اڻپوريون مرڪون کڻي پنهنجي پنهنجي ڪمن ڪارن ڏانهن زندگي جو سفر تي روانييون ٿي وينديون آهن   جيڪڏهن اڄ جي حالتن ۾ عوام پنهنجي ئي رنگ نسل بلڪ پنهنجن ئي ڌاڙيلن جي ڏاڍ ڏمر جو نشانو بڻيو آهي ته اها تڪليف ڏيندڙ هئڻ باوجود نئين ڳالهه ڪانهي.ڇو ته عوام ڪنهن نه ڪنهن صورت ۾ ساڳئي صورتحال کي صدين کان وٺي منهن ڏيندو آيو آهي، مٿس ڪنهن ڪنهن ڌاڙا نه هنيا آهن. سياستدانن جي اڪثريت سندس ويساهه ۽ عقيدت تي ڌاڙا هنيا، عملدارن رعيت آزارن سندس حقن تي ڌاڙا هنيا، واپاري هن جو رت چوسيو، سماجي ۽ سياسي ڪارڪنن هن جا کيسا خالي ڪيا،ملان کيس نفرت جي نگاهه سان ڏٺو. سندس چڱي مڙس کيس پنهنجي کٽ تي ويهارڻ به پسند نه ڪيو. هو عزت جي زندگي گذارڻ لاءِ صدين کان آتو آهي. نه کيس تعليم ملي، نه کيس تربيت ملي.

هو صدين کان وٺي اڪيلو ۽ ڇورو ڇنو آهي، بي وس ۽ مجبور آهي. انهيءَ عوام تي جڏهن آزارن مٿان آزار ٿين ٿا، ۽ عذابن مٿان عذاب اچن ٿا ته ڏک وچان سندس اکيون ڀرجي اچن ٿيون. ۽ جڏهن به اکين ۾ ڳوڙها اچي ويندا آهن، تڏهن ڪابه شئي چٽي ۽ صاف نظر نه ايندي آهي. ڳوڙهن سان ڀريل اکين واري انسان جي هٿ ۾ جڏهن لٺ، باٺو، بندوق يا ڪلاشنڪوف اچي وڃي ٿي ته پوءِ ايئن ئي ٿئي ٿو ، جيئن هاڻي ٿي رهيو آهي. هاڻي ڇا ٿي رهيو آهي؟ مختصر جواب اهو آهي ته مظلوم ، مظلوم کي نشانو بڻائي رهيو آهي. نشاني بڻائڻ جي شدت ظالمن جي ظلم کان به وڌيڪ گهري ٿيندي  آهي ڪير آهي جو اهڙي صورتحال تي ڪنٽرول ڪري سگهي.خدڪش حملا، اترويزستان ۽ هلند آپريشن ۽  ٻئي صرف پاڙيسري ملڪ جون الررون،، بي روزگاري،وڌندڙمهنگائي جو راڪاس ڌاڙا ،ڦرون،ڪراچي جو بگڙيل معاشرو جتي هر انسان زندگي  موت جي ڊپ ۽ خوب واري زندگي گذاري رهي آهي. ملڪ اندار مسئلن جو هڪ وڏو ڄار وڇائجي چڪو آهي جنهن ۾ حڪمران توڙي عوام ايتري قدر ڦاسي ويا آهن جنهن مان نڪرن لاءِ کين سال نه پر صديون لڳنديون.حڪمرانن جون هڪ ٻئي جي الزام بازيون،هڪ ٻئي خلاف اسيمبلين  ۾ گور شيم شيم جا نارا  ايندڙ نسل جي ذهنن تي ڪهڙا اثر وجهندا اهو هڪ وڏو سوال آهي.؟هن ملڪ جو هر فرد دل اندرانهي سوال کي سانڍي ويٺو آهي  جنهن جو جواب شايد ئي کيس ملي

جڏهن ته ميان نواز صاحب گذريل حڪومت جي ڳالهه ڪئي ته ان  اندر آءِ پي پيز جو تمام گهڻو شور هو ميان صاحب جو موقف هو ته   بينظير ڀٽو ۽ سندس مڙس آصف علي زرداري  تمام گهڻا مهنگا آءِ پي پيز معاهدا ڪيا. اهو وقت هو جڏهن ڊاڪٽر طاهرالقادري بينظير صاحبه سان اتحاد ۾ هو ۽ جڏهن بيان بازيون شروع ٿيون ته ڳالهه ڊاڪٽر طاهرالقادري ۽ شيخ رشيد جي وڄ ۾ مناظري تائين پهچي وئي ۽ ڊاڪٽر طاهرلقادري شيخ رشيد کي مناظري لاءِ چلنج ڪيو  ۽ شيخ رشيد اهو مناظرو قبول ڪيو پر ڪجهه ٽائيم کان پوءِ شيخ  رشيد مناظري ڪرڻ کان  لهرائي وڃي ڪا ڪنڊ ورتي ۽ وري مناظري جي ڳالهه ئي نه ڪيائين.تازو پاڪستان تحريڪ انصاف جي ڪارڪنن جيڪو جاويد هاشمي سان ڪيو اهو ته سڀني ڏٺو هوندو،مخدورم جاويد هاشمي ٿي ڪارڪنن نه رڳو گهيراءُ ڪيو پر کيس جوتا به ڏيکاريا،انڪري مان سوچيان پيو ته هي ڪهڙي سياست آهي،جيڪا رات جي اونداهين ۾ پنهنجو وجود وڪڻڻ واري عورت کان به بري نظر اچي رهي آهي،مونکي حيرت ته ان ڳالهه جي آهي ته ان وقت مونکي صرف ۽ صرف مخدوم جاويد هاشمي ئي نظر آيو جيڪو بلڪل اڪيلو ۽ تنها هو،ڇو ته جاويد هاشمي جو انسان هو جنهن مشڪل وقت اندر ن ليگ جي حمايت ۾ آواز بلند ڪيو هو،۽ ايتري حد تائين جو هن ن ليگ جي ڪري عدليه تي پڻ تنقيد ڪئي، دنيا  ۾ جتي جمهوري حڪومتون آهن جتي منظارا به ڪيا وڃن ٿا.!!اتي به منظارن جو رواج آهي آمريڪي صدارتي اميدوارن جي وچ ۾  مناظرا ٿيندا رهن ٿا پر اهي مناظرا آمريڪي انتخاب لاءِ تمام گهڻي اهميت  رکندڙ هوندا آهن ۽ اهي عوام جي راءِ کي پڻ تمام گهڻو متاثر ڪندا آهن انهي ڪري آمرڪي صدارتي اميدوار يونيورسٽين  ۾  وڃِي  ڪري پنهنجي ذهين شاگرد جي سوالن جا جواب به ڏيندا آهن  ۽ جيئن عوام انهن جي خيال ۽ پاليسي کي سمجهي سهگي .!!! پر افسسوس سان چوڻو ٿو پوي ته هن ملڪ ۾ اهڙي جا ريت رسم رواج ناهي هتي مناظرا گهٽ ۽ ڏندا ڪشي تمام گهڻي ٿيندي آهي اهين ٿو ڄڻ لڳي ته ملڪ اندر جمهوريت اڃان پنهنجا پير پڪا ناهن ڪيا.!!! ته جيئن سياسي جماعتن  وچ ۾ ڪي اهڙا مناظرا ٿي سهگن جنهنن سان عوام مطعمين ٿي  سگهي.!!برحال  اصل ڳالهه جيڪا شرين مزاري ۽ جي هلي رهي  هئي ته اهڙا مناظرا تمام گهٽ ٿيندا آهن انڪري مان سمجهان ٿو ته ڪوبه اهڙو ٽي وي چئينل ناهي جنهن تي مناظرو  نه ٿيندو هجي اهو عوام جو حق آهي ته مناظرا ٿين  حڪرانن جو سچ انهن جي سامهون اچي ته هو ڪوڙ کي ڪوڙ ۽سچ کي سچ سمجهي سگهن پر شرط اهو آهي ته اهو مناظرو  صرف لفظن تائين هجي انهن ۾ ڪا ڏندڪشي نه ڪئي وڃي انهي اندر صرف ۽ صرف عوام جو ڀلو هجي،

***

 

ٻين جي گمشدگي لاء جاکورينڌڙ پنھل ساريو پاڻ کنڀجي ويو‎: احسان علي جوڻيجو

سنڌ ۾ سنڌي قومپرست ڪارڪنن کي کنڀي گم ڪرڻ ڪا نئين  ڳالھ ناهي رهي هر روز سرعام روڊن تان سفيد پوش يا ڪاري پوشاڪ وارن هٿان سنڌ جا ڳڀرو جوان ، سنڌ جي حقن جي لاء آواز اٿاينڌڙ ، يا گم ٿيل قومي ڪارڪنن ۽ سنڌ جي ٻين مسئلن جي لاء آواز اٿارينڌڙ هي  پنھل سارئي جھڙا ڏاها اديب ۽ مسيحائي ڪردار هي ديس جي دڳن جا سپاهي ڪاري پوشاڪ پھريل رات جي رهزن هٿان سنڌ جي دڳن تان کلي عام  کنڀيا وڃن ٿا ۔

هر روز ٻين جي آزادي لاء جاکورينڌڙ  هي سنڌ جو امر ڏاهو سنڌ جي نوجوانن کي اتساھ ڏينڌڙ ، هي لوئي جي لڄ رکنڌڙ ، جيڪو محبوب ديس جو محبوب مالڪ ،  سونھن جي سيلاب جو ڪردار رکنڌڙ ، بھادري جو بيباڪ  ، ٻين جو ڀرجھلو ڪردار،  هو امر ڦلڪ ۽ مھتاب جھڙو من موھينڌڙ ڪردار ، هڪ بھادر ۽ انقلابي سوچ جو مالڪ ، هو لوھ جا لنڱ رکنڌڙ ، هو سنڌ ڌرتي جي بھادر ماء جي ڪک مان جنم وٺنڌڙ ، پنھنجي سڄي عمر باهمت ٿي گذارڻ ، سنڌ جي کنڀي گم ڪيل قومي ڪارڪنن جي آزادي لاء پيرين پنڌ قافلي ۾ شريڪ ٿي تاريخ رقم ڪنڌڙ وک وک تي هو پنھنجي موهينڌڙ آواز سان قافلي ۾ شريڪ نوجوانن کي اتساھ ڏينڌڙ شخص۔

جنھن جو آواز جبل ب ڏاري وجھي  ،

جنھن جي للڪار دشمن کي ماري وجھي ،

وائيس آف مسنگ پرسن جو ڪنوينر پنھل  ساريو پاڻ هي ڪڌي عمل هن جبر جو شڪار ٿي ويو هو پاڻ رستن جي رهزنن هٿان زوري کنڀي گم ڪيو ويو ۔پنھل ساريو  جيڪو ڪالھ  حيدرآباد ۾ سماجي اڳواڻ  انيل حب علي جي خانه بندوش ڪيفي ۾ رٿيل هڪ سالگراھ واري تقريب ۾ شرڪت لاء ويل هيو جتان هو ان سالگراھ جي تقريب مان فارغ ٿي نڪتو ت رستي تي اڳ وٺي بيٺل ڪاري پوشاڪ پھريل 4 اهلڪارن هٿان کنڀيو ويو ۔ واضع رهي ت وائس آف مسنگ پرسن طرفان اڄ حيدرآباد پريس ڪلب ۾ سنڌ مان جبري طورکنڀي گم ڪيل قومپرست ڪارڪنن جي بازيابي لاء اديبن ۽ دانشورن سان ”قومي اهل قلم ڪانفرنس ” ٿيڻي آهي جنھن ڪانفرنس کي ن ڪرڻ لاء پنھل ساريو کي کنڀي گم ڪري وائس اآف مسنگ پرسن تي ڌٻاء وجھڻ آهي هي سڌون سنئو ڪريل عمل ان ڳالھ جو واضع ثبوت آهي ت پڪ سان هنن VMP جي پيادل مارچ ۽ گم ٿيل قومي ڪارڪنن جي آزادي واري جھدوجھد انھن جي اک ۾ ڪنڍي برابر آهي ۽ هن جي اڄوڪي رٿيل تقريب انھن کي تير  برابر ٿي لڳي ۔ هو سمجھن پيا ت هي ن رڪجنڌڙ قافلو اسان جون ڀتيون ن ڪيري وجھي،  هي سمجھن پيا هي نوجوان قافلو اسان جي ڏاڍ جبر جا ڪوٽ ن ٽوڙي وجھي ، هو سمجھن پيا ت هو لوھ جا لڱ رکنڌڙ اسان کي چيڀاٽي ن وجھي ، هو سمجھن پيا هنن جو آواز ڪٿي دنيا جون عالمي طاقتون ن ٻڌي وٺن ، ڪٿي اسان جا رهزن روپ ن ظاهر ٿي پون ، هي سمجھن پيا ت ڪٿي هي قافلو اسان جي صدين پراڻو  سامراجي تختو ن اونڌو ڪري وجھي ، هو سمجھن پيا ت ڪٿي هن قافلي جون گونجون ويتر اسان جون ننڊون ن حرام ڪن ، تڏهن هي آيا هڪ بزدل جيان لڪي وار ڪري ويا ۽ هڪ ڳڀرو اڳواڻ کنڀي ويا ۔

هي واڳون وري منھنجي ديس جي،

ماروئڙن جو سھارو ڳڙڪائي ويا ،

وري ڪا ريت نئين ورجائي ويا ،

ڪو هيمون هوشو جھڙو هيو ،

۽ ان کي  ڪاري واري چادر اوڙي ،

وري پئ ڪنھن ڌئ جو ،،

۽ ور ڪنھن وني جو،

هي زوري کنڀي لڪائي ويا،

هي واڳون وري منھنجي ديس جي،

ماروئڙن جو سھارو ڳڙڪائي ويا۔

پنھل ساريو جي جبري کنڀي گمشدگي تي ڪنھن ڏاهي لفظ لکيا  آهن

ڌرتي تي اسين ڌاريا…

سنڌ جي سوڍن جا سِرَ ڳوليندي پنهل ساريو پاڻ به کنڀجي ويو آهي، ڪالھ ان جو آواز به بند ٿي ويو جيڪو احتجاج جو سڏ ڏئي اڳم ٿيندو

هو، ايڏي انياءَ تي اڪيلو ڳالهائيندو هو، ۽ ڳلو کولي ڳالهائيندو هو!

ان نڙيءَ تي به ننهنءُ اچي ويو جنهن مان حق جو آواز نڪري ناحق ڪندڙن کي خوار ڪندو هو، سنڌ جي سياست مان ته ساه نڪتل آ، انهي ڪري ان مان نڪري پنهل انساني حقن جي پليٽ فارم تان حق جو آواز اٿاريو ته حق سميت هي انسان به گم!

ھيءَ منهنجي سنڌ آ، هت روز ڪو نه ڪو ڌرتي ڌڻي گم آ، جيڪو ٿو سنڌ جي ڳالھ ڪري سو کنڀجي ٿو وڃي. هيءَ سنڌ اسان جي ناهي يا اسين سنڌ جا ناهيو؟ اهي ڪهڙا غيبي خان ساماڻا آهن جيڪي سنڌين جو سر گم ڪري رهيا آهن؟ شڪايت پئي ڪئي سين ڌارين جي، هي ته داداگير به دامنگير ٿي ويا.

ساھَ ٿا ٻوساٽجن، زبانون ٿيون ڪٽجن، ڄڀون ٿيون ڇڪجن، ڪنڌ ٿا ڀڄن، سِرَ ٿا کڄن، غزا ۾ آهيون يا حلب ۾؟ بغداد جهڙا ڏينهن ڇو آهن، ”شام“ جهڙي اسان جي شام ڇو آ؟

واقعي ۾ ت هي ڌرتي ديس ڌڻين لاء ڄڻ ت ڪا مقتل گاھ بڻائي وئي آ هت انڌير نگري ۾ چرٻٽ راج قائم ڪيو ويو آ هي اهو ديس آهي جت ڏاڍو ٿيندو گابو آ ۔ هي ديس  ڌرتي جي وارث لاء ڪوس خانو ڪري ٺاهيو ويو آ ۔

مان ان ديس جي رهاڪو آهيان ۔۔۔

جتي حقن گھرڻ تي ماريو وڃي ،

بي ڏوھي فاهي چاڙهيو وڃي ،

يا رستي ويندي باکوڙي هنڌان،

ڪنھن موري تي زندھ ساڙيو وڃي ،

رستي وينڌڙ راهگير ابي کي ،

سنڌي سمجھي وک وک تي ،

آ روز هو هيسايو ويو ،

۽ روز ايذايو ويو۔

هر روز کنڀي گم ڪيل قومي ڪارڪنن خبر ناهي ڪھڙي قانون تحت واڙي تشدد ٿوڪيو وڃي هنن جو ڏوھ سنڌوڌيش جي آزادي جي ڳالھ ڪرڻ آهي هنن جو ڏوھ سنڌ وطن سان محبت ڪرڻ آهي هو انھي ڏوھ ۾ کنڀيا وڃن ٿا ته

هو آزادي جي ٿو ڳالھ ڪري ،

۽ سا ڳالھ غيرن لآء ٿي مچ ٻري،

هي ڪيترا سنڌ قومي ڪارڪنن کنڀي ڪال ڪوٺين ٽاچرسيلن اندر واڙيا ويا آهن يا دڳن تي ماريا ويا آهن ڇا هنن جي شھادتن هنن جي لاشن سان ڪو تحريڪ ختم ٿي آهي يا آزادي ۽ حق گھرڻ واري تحريڪ کي هو ڌٻائي سگھيا آهن هي چاهي ب ڪڏهن ايئن ڪو ن ڪري  سگھندا ڇو جو سيد جي ٻارن سدائين ڪنڌ  ڪپائڻ ڄاڻيو آهي ڪنڌ جھڪائڻ ن۔ پنھل ساريو جي گمشدگي هجي يا ان کان 60کان مٿي قومي ڪارڪنن جي گمشدگي هجي هنن جي گمشدگين ويتر آزادي جي تحريڪ کي نئون جنم ڏنو آهي ويتر روح وڌو آهي هڪ جذٻو پيدا ڪيو آهي ت وطن جي آزادي ۾ سر ڪپائڻا پون ت ب ن ڪيٻائبو ۔

سنڌ جي قومي ڪارڪنن جو کنڀي گم ڪرڻ وارو قصو بلوچستان جيان ڪافي پراڻو آهي پر ان ۾ ويتر تيزي آندي وئي ۽ روزاني بنياد تي 3/4 ڪارڪنن جي کنڀجڻ جون خبرون ٻڌڻ ۾ اچن ٿيون سنڌ حڪومت هر واقعي کان واقف هوندي ب هنن سنگين نوعيت جي واقعي تي چپ جو رستو اختيار ڪري ويٺي آهي۔ هي ڪو ڌارئي جي کنڀجڻ جو واقعو ناهي پر ان سنڌي قوم جي اڳواڻن جي کنڀجڻ جو آهي جنھن قوم جي مليل ووٽن تي هي اسيمبلين ۽ اقتدارن ۾ ويٺل آهن حڪومتي لاچاري بيوسي ۽ چپ يا اهو ظاهر ڪري ٿي ت هي پاڻ سڌي طور ان قومي ڪارڪنن جي کنڀي گم ڪرڻ ۾ معاملي ۾ ملوث آهن يا ت کنڀي گم ڪرڻ وارا ايترا ت طاقتور آهن جو هي ڪشي ب ڪو نٿا سگھن

تاج حيدر پ پ پ جي اڳواڻ سينيٽ ۾ جيڪا ڳالھ پيش ڪئي ان ۾ سڌي ريت هن ٻڌايوت کنڀيي گم ڪيل قومي ڪارڪن صابر چانڍيو ڪنھن جي تحويل ۾آهي ۽۽ اهي ڪير آهن ان ڳالھ مان صاف ظاهر آهي ت پ پ پ جي حڪومتي وزيرن کي بب اها ڳالھ خبر آهي ت هي سنڌي نوجوان ڪيو ٿو کنڀي ڳڙڪائي پر هي ايترا ت لاچاربيوس آهن جو هو آواز نٿا اٿاري سگھن ڪا رٿ ن ٿا آڻي سگھن ڪو ان عمل جي خلاف بل آڻي سگھن هوڄاڻين ٿا ت ڌرٻاري ايترا ت ڌاڌاگير آهن جو اسانجو ڌڳ ن بند ڪن ۔

VMP  اڳواڻ جي جبري گمشدگي هنن جو اصلي چھرو ٿيون ظاهر ڪن ت هي ن ٿاچاهن ت ڪو مظلوم پنھنجي حقن جي ڳالھ ڪري يا قبضي هيٺ آيل تخت تي ڪو ڌرتي جو اصل واث ويھي تڏهن هي ڪريل حرڪتون ڪري قومي ڪارڪنن کي کنڀي گم ڪن ٿا ۽ هيسائن ٿا۔ هن قسم جا واقعا حالتون خراب ڪرڻ جي ڪڙي آهن ۔ اسين سنڌ ۾ کنڀي گم ڪيل قومي اڳواڻ پنھل ساريو سميت هر جبري کنڀي گم ڪيل ڪارڪنن جي وارثن سان گڏ آهيو اسين هيومين رائيٽس ڪميش  عالمي عدالتن انساني حقن جي تنظيمن کان اها گھرٿا ڪريون ت سنڌ ۾ جبري طور کنڀي گم ڪيل سنڌي قومي ڪارڪنن جي بازيابي لاء ڪردار ادا ڪن ۽ اسين گھر ٿا ڪريون  ت قومي ڪارڪنن جي کنڀجڻ واري عمل کي روڪيو وڃي کنڀي گم ڪيل سنڌي قومي ڪارڪنن کي عدالتن ۾ پيش ڪيووڃي جيڪڏهن هو ڪنھن ڏوھ ۾ ملوث آهن ت باسلامت انھن کي عدالتن ۾۾ پيش ڪري انھن جي گرفتاري ظاهر ڪئي وڃي ئي هي جيڪا احساس محرومي پکيڙي وئي آ بيچيني سا ختم ڪئي وڃي ۔

اسين سنڌي قوم جي هر غيرتمند فرزند کي اديبن دانشورن ۽ سول سوسائٽي اڳواڻن کي  اها اپيل ٿا ڪريون  ت پنھل سميت کنڀي گم ڪيل قومي ڪارڪن جي بازيابي لاء آواز بلند ڪن ۽ قومي فرض سمجھي انھن جي آزادي ۽۽ سنڌ جي باقي مسئلن واري تحريڪ ۾ شريڪ ٿين ۔

******

 

آمريت ۽ جمهويت مان درست ڪير..!

پرڏيهي خابرو اداري بي بي سي کي انٽرويو ڏيندي اڳوڻي صدر پرويز مشرف سويلين کي ملڪ کي نقصان ڏيندڙ قرار ڏيندي چيو آهي ته آمرن ملڪ کي ٺيڪ ڪيو پر سويلين حڪومت ملڪ جو ٻيڙو غرق ڪيو، ملڪ ۾ جڏهن به مارشل لاءِ لڳائي وئي هي ان وقت جي صورتحال جي گهرج هئي، ايشيا جي سمورن ملڪن ۾ جتي به ترقي ٿي آهي اتي رڳو ڊڪٽيٽرن جي ڪري ئي ترقي ٿي آهي،  آمرن ۽ سويلين حڪومت جي ڀيٽ ڪئي وڃي ته ملڪ هميشه آمريتي دور ۾ ترقي ڪئي آهي، پاڪستان ۾ فوج ملڪ کي پٽڙي تي آڻيندي آهي، جڏهن ته سويلين حڪمران اچي ان کي ٻيهر پٽڙي تان لاهي ڇڏيندا آهن، ملڪ ۾ چاهي جمهوريت هجي يا آمريت عوام توڙي ملڪ کي ان سان ڪو فرق نه ٿو پوي، ڇاڪاڻ ته عوام کي روزگار، خوشحالي ۽ تحفظ گهرجي، حڪومت کي هٽائڻ جو اختيار عوام وٽ هئڻ گهرجي پر پاڪستان ۾ صورتحال مختلف آهي، عوام پاڻ ڀڄي ڪري فوج وٽ ايندو آهي ته اسان جي سويلين حڪومت کان جان ڇڏايو، ماڻهو موٽ وٽ اچي چوندا هئا ته اسان جي جان ڇڏايو، جنهن ڪري مون عوام جي مطالبي تي ئي اقتدار تي قبضو ڪيو هو، آئين مقدس آهي پر آئين کان وڌيڪ قوم مقدس آهي، اسان آئين کي بچائيندي قوم کي ختم نٿا ڪري سگهون پر قوم کي بچائڻ لاءِ آئين کي ٿورو نظرانداز ڪري سگهجي ٿو، نوازشريف جي ڀارت بابت پاليسي سيل آئوٽ پاليسي هئي، ڀارت بلوچستان ۾ مداخلت ڪري رهيو آهي ۽ جيڪو به پاڪستان کي نه مڃيندو اهو ملڪي بقا خلاف هوندو ۽ ان کي مارڻ گهرجي، پاڪستان ٽوڙڻ ۾ فوج نه پر ذوالفقار ڀٽو جو ڏوهه هو، جڏهن ته ڪجهه الزام يحييٰ خان تي به اچي ٿو پر ايوب خان جي 10 ورهين جي حڪومت ۾ ملڪ ترقي جا رڪارڊ قائم ڪيا، جنرل ضياءَالحق جو دور تڪراري هو، هن ملڪ کي مذهبي انتهاپسندي طرف ڌڪيو، هن ملڪ کي اهڙي رستي طرف ڌڪيو جنهن جو اثر اڄ ڏينهن تائين آهي پر جنرل ضياءَ طالبان ۽ آمريڪا جي مدد سان سويت يونين خلاف جيڪو ڪيو اهو بلڪل ٺيڪ هو، جواب ۾ وري قومي اسيمبلي ۾ مخالف ڌر اڳواڻ سيد خورشيد شاهه وري پرويز مشرف جي بيان کي جمهوريت ۽ آئين خلاف قرار ڏنو آهي، سندس موجب ته پرويز مشرف قانوني لحاظ کان ڀڳوڙو ۽ آئيني لحاظ کان غدار آهي، مشرف جي زبان مان آئين ۽ جمهوريت خلاف بيان بازي شرمناڪ آهي، آمرن پهرين متحده پاڪستان ۾ عوام کان حق ڇني نفرت، عليحدگي جا ٻج پوکيا، آمرن پنهنجي اقتدار کي ڊيگهه ڏيڻ لاءِ ملڪ کي غيرن جي جنگين ۾ ڌڪيو، ڊڪٽيٽرن کي گهرجي ته اهي تاريخ مان سبق سکن،عوام کي آمريت جي قبضي ۾ رکندڙ آمر نفرت جو نشان بڻجي رهجي ويا آهن، آمرن ۽ انهن جي پيروڪارن کي پنهنجي ڪرتوتن تي شرم اچڻ گهرجي، آمرن پنهنجي دور ۾ اوڀر پاڪستان ۾ گورنر به اولهه پاڪستان مان لڳايو.