تازيون خبرون

Daily Archives: August 1, 2017

برصغير جي نالي واري گلوڪار محمد رفيع کي مداحن کان وڇڙندي 37 سال گذري ويا

ممبئي (شوبز نيوز) سرن جي بي تاج بادشاهه ۽ برصغير جي نالي واري گلوڪار محمد رفيع کي مداحن کان وڇڙندي 37 سال گذري ويا، ان جي آواز اڄ به ڪروڙين دلين تي راڄ ڪري ٿو، ليجنڊ گلوڪار جي اڄ 37هين ورسي ملهائي پئي وڃي. 24 ڊسمبر تي امرتسر جي علائقي ڪوٽلا سلطان سنگھه جي ڳوٺ ۾ پيدا ٿيڻ وارو محمد رفيع ڇهن ڀائرن ۽ ڀينرن ۾ ٻئي نمبر تي هيو محمد رفيع تيرهن سالن جي عمر ۾        لاهور ريڊيو تان پنجابي گانا ڳائي فني سفر جو آغاز ڪيو ۽ سترهن سالن جي عمر موسيقار  شام سندر جي دعوت تي ممبئي هليو ويو. ٽن ڏهاڪن تائين ممبئي فلمن تي راج ڪندڙ محمد رفيع  دليپ ڪمار ، ديو آنند، ڌرميندر، جتيندر ۽ اميتاب بچن جھڙن اداڪارن جي لاءِ گانا ڳايا. محمد رفيع کي فلم فيئر ايوارڊ ۽ نيشنل ايوارڊ سميت ٻين ڪيترن ئي ايوارڊن سان نوازيو ويو.

 

باليووڊ ماڻهن ڪريتي سنن کي بدتر عورت جو لقب ڏئي ڇڏيو

ممبئي  (شوبز نيوز)باليووڊ ۾ اداڪارائن کي ان جي لباس فيشن، ميڪ اپ، فوٽو شوٽ ۽ ويڊيو جي ڪري تنقيد جو نشانون بڻائڻ ڪا عام ڳالهه نه آهي.  باليووڊ جي اداڪارائن کي سڀ کان پهرين انکي پنهنجا اداڪارائون ئي تنقيد نشانون بڻائينديون آهن. انکي بيشرم چوندي شرم ڏيارڻ واريون ڳالهيون ڪن ٿيون. پريانڪا چوپڙا، ڪنگنا راناوٽ ۽ دوپيڪا پڊڪون جھڙين اداڪارائن کان پوءِ هن دفعي اداڪارا ڪريتي سينن  کي ان جي دآنس جي ويڊيو، ڊوئيٽ ڪرڻ تي تنقيد جو نشانون بڻايو، تيلگو فلم مان پنهنجي ڪيرئير جي شروعات ڪندڙ 27 سالن جي ڪريتي سينن  ٽوئيٽر تي انيل ڪپو ۽ ارجن ڪپور جي فلم جي گاني هوا هوا تي ڊانس ڪرڻ جي ويڊو شيئر ڪئي،. ويڊيو کي ٽويئٽ ڪرڻ کان پوءِ اداڪارا کي جتي عام ماڻهن پاران تنقيد جو نشانون بڻايو ويو اتي خود انکي باليووڊ جي ماڻهن پاران بدتر عورت جو لقب ڏنو.

 

اوول ٽيسٽ دوران تماشائين معين علي جي مزاحيا تصوير لڳائي ڇڏي

لنڊن(اسپورٽس نيوز) انگلش تماشائين آل رائوندر معين علي کي معينا ليزا بڻائي ڇڏيو اوول ٽيسٽ دوران اسٽيڊيم ۾ ڪجهه شوقينن طرفان بالڪوني ۾ هڪ تصوير لڳائي وئي جنهن ۾ مصوري جي شاهڪار موناليز جي انداز ۾ معين علي جي پورٽريٽ هئي جنهن جي مٿان معينا ليزا لکيل هو گهڻن شوقينن ان تصوير جو مزاهيا پهلو ڏٺو جڏهن ته انگلينڊ اينڊ ويلز ڪرڪيت ان تصوير کي پنهنجي ٽوئيٽر اڪائونٽ تان سيئر به ڪيو جڏهن ته سوشل ميڊيا تي شوقينن جي اڪثريت کي اها تصوير خراب لڳي هڪ لکيو ته اوهان معين کي ان انداز ۾ پيش نه ٿا ڪري سگهيو اها هڪ بيوقوف شئي آهي ڪجهه ان کي انگلينڊ جي ڪرڪيٽرز ۽ قومي هيروز جي توهين قرار ڏنو هڪ شخص لکيو ته مون کي اها تصوير انتهائي توهين آميز ڏسڻ ۾ اچي رهي آهي مون کي حيرت ان ڳالهه جي آهي ته انگلش بورڊ پاڻ اها تصوير پوسٽ ڪئي آهي مون کي اميد آهي ته معين علي ان باري ۾ باقعدا شڪايت ڪندو

 

سريلنڪن ڪرڪيٽ ٽيم جو نئون فڪسنگ اسڪينڊل سامهون اچي ويو

ڪولمبو(اسپورٽس نيوز) سريلنڪن ڪرڪيٽ ۾ هڪ ٻيو فڪسنگ اسڪينڊل سامهون اچي ويو انٽرنيشنل ڪرڪيٽ ڪائونسل هڪ غير معروف ڪرڪيٽر اسمپٿ بيٽاراچي خلاف جاچ شروع ڪري ڇڏي آهي سريلنڪا جي ۲ سينيئر رانديگرن طرفان زمبابوي جي دوري دوران هڪ غير معروف ڪرڪيٽر جي رويي تي شڪ جو اظهار ڪيو ويو جنهن کانپوءِ انٽرنيشنل ڪرڪيٽ ڪائونسل معاملي جي جاچ شروع ڪندي پنهنجي اينٽي ڪرپشن يونٽ کي متحرڪ ڪيو جنهن ڊريسنگ روم جي ٽوائليٽ مان هڪ ڊيوائس به حاصل ڪئي ان واقعي کي علائقائي ميڊيا ۾ ٽوائليٽ گيٽ قرار ڏنو پيو وڃي سريلنڪا ڪرڪيٽ جي چيف ايگزيڪيوٽو آفيسر ايشلي ڊي سلوا جو چوڻ آهي ته اسان کي ان باري ۾ ڪابه معلومات ناهي ان طرح جي جاچ آزادڻي طور تي آءِ سي سي جو اينٽي ڪرپشن يونٽ ئي ڪندو آهي.

 

هن مرڪ مهانگيءَ دنيا ۾…..!!: پروفيسر منير ڊومڪي          

شيخ اياز جي شاعري صرف حسن ۽ رومانس جي شاعري ناهي،پرهن جي شاعري ڏکن ۽ غمن جي نه کٽندڙ داستانن سان به ڀريل آهي.هو پنهنجي نرالي ۽ فلاسفيڪل شاعري جي ذريعي نه فقظ ڏک جي فطرت ۽ علاج جي باري ۾ ٻڌائي ٿو،بلڪه ان جو فلسفو به ڳوڙهي نموني بيان ڪري ٿو.ان کان علاوهه، ايازڪنهن هڪ عدد ڏک جي ڪري مغموم ناهي،هو ته هر طرف کان ڏکن ۾ وڪوڙيل نظر اچي ٿو.شيخ اياز جي شاعريءَ ۾ اسان کي هن جو ذاتي ڏک، زندگيءَ جو ڏک، سنسار جو ڏک، محبوبا جو ڏک، عاشقن جو ڏک، ديس ۽ ڌرتي جو ايذائيندڙ ڏک ۽ ڪل انسانيت جو ڏک اڻ کٽ نظر اچي ٿو.سورن، ڏکن ۽ دانهن جي اظهار کانپوءِ هو اسان کي ڏک جي فطرت جي باري ۾ سمجهائي ٿو.اياز جيئن ته مهان قوي هو،هن پنهنجي شاعريءَ ۾ دانسته ڏک کي خوشيءَ جي مٿان ترجيح ڏئي ٿو،هوته خوشي جي گھڙي جي عدم موجودگي ۽ ان جي عارضيت ۽ فانيت واري فطرت تي سوال ڪندي ۽ درد جي دائمي صورت تي هر وقت ويچاريندي نظر اچي ٿو،ايتري تائين جو باوجود ننڊ ۽ موت جي،جن کي اڪثر درد جي انت جا ذريعا سمجهيا ويندا آهن،اياز درد جوپنهنجو هڪ الڳ آزاد وجود سمجهي ٿو.

اي خوشي!تون زندگيءَ ۾ ڪيترو اڻ لڀ هئينءَ.

**

ياد جنهن جي اچي پئي پل پل،

سا خوشيءَ جي گهڙي ڪٿي آهي؟

**

خوشيءَ جا راڳ ڳائيندا به ڪيسين آشيان وارا!

افسوس آه وفغان سان گونجندا رهندا؟

**

درد کي پنهنجو وجود آهي اياز،

موت آهي ننڊ وانگر ڏينهن رات.

خوشي ماڻهوءَ جي زندگيءَ ۾ اڪثر اڻ لڀ آهي ۽ جيڪڏهن ٿورڙي گھڻي خوشي آهي به ته ان جي فطرت فراريت آهي ۽ جڏهن ته غم مان ڪوئي فرار ناهي،ماڻهو پنهنجي غمگين جيءُ کي ريجهائي ته ڀلا ڇا سان ۽ ڪيئن ريجهائي؟

ڪوئي غم مان فرار ناهه،اياز.

اياز جي نظر ۾ غمگين جيءُ کي بهلائڻ جو علاج پوءِ يا ته خود غم ۾ آهي يا وري ماڻهو کي ان جي علاج لاءِ فطرت ڏانهن لڙڻ کپي.

اي خوشي!تون زندگيءَ ۾ ڪيترو اڻ لڀ هئينءَ،

مون ته سارو وقت غم سان جي بهلايو هو.

**

آءُ بادل مان به روئان تون به رو،

مان به غم جا داغ ڌوئان تون به ڌو.

پڙهندڙن کي شيخ اياز جو فلسفهءِ ڏک سمجھڻ ۾ جيتريون آسانيون نظر اچن ٿيون،ته اتي ئي انهن کي وري اوترين پيچدگين سان به منهن ڏيڻو پوي ٿو.هڪ طرف ايازڏک جي گھٽ ڪرڻ يا ان جي ختم ڪرڻ لاءِ فطرت ڏانهن وڃڻ جو ڏس پتو ڏئي ٿو ته ٻئي طرف ان ساڳئي فطرت ڏانهن ويندي اياز جا پنهنجا پراڻا سور ۽ ڦٽ اوچتو ٻيهر جاڳي پون ٿا:

اي اياز اوچتو ڦًٽ کولي وئي،

چيٽ جي چاندني،هير ولهار جي.

**

آئي رات رابيل جي، دل ۾دود دُکيو.

**

سمنڊ اونهو، اداس سانجهي آ.

ايازمطابق انسان جي اهميت ٻين کان ان ڪري به وڌيڪ آهي،ڇو ته هن جي اندر دک ۽ انسانيت جا ڪومل احساس ۽ معصوم تمنائون آهن،جن کان فطرت توڙي خدا جي ٻي مخلوق نراهه آهي.غمذدهه دل جي اڻ پورين خواهشن جي شدت ۽ اهميت جي،بهارين(خوشين)کي ڪهڙي پروڙ؟!

دل افسرده جون تمنائون،

هو سراپا بهار ڇا ڄاڻي!

هڪ انسان جو ٻئي انسان سان وڏي ۾ وڏو رشتو ڪهڙو هوندو آهي؟هن جي نظر ۾ اهو درد جو رشتو هوندو آهي.شيخ اياز جي ڏک جو فلسفو هن نقطي تي اچي پنهنجي انتها تي پڄي ٿو،جڏهن هو چوي ٿو ته اهو صرف ڏک ۽ درد جي رشتي جو ڪمال هوندو آهي،جنهن سان سڀ انسان پاڻ ۾ هڪ ٿي ڳنڍيل هوندا آهن ۽ جڏهن ته سک جي رشتي جي ڳوڙهي ڳنڍ ايتري ڳوڙهي نه هوندي آهي، جيتري اها نظر ايندي آهي.

سڀ انسان ٻڌا پيا آهن،

ڏک جي ڪنهن رشتي ۾،

اهڙي ڳوڙهي ڳنڍ نه آهي،

سک جي ڪنهن رشتي ۾.

۽ ڏک جي بندهن جو ڪمال اهو به آهي ته:

جيئڻ مرڻ جي هر ناتي کي،معنى ڏين ٿو.

ان کان علاوهه پنهنجي مٿين ڳالهه جي تائيد ڪندي اياز اهو به سوال اٿاري ٿو ته:

ڏک ۾ ڪو ڪو ڏڍ ،سک ۾ ساٿي ڪيترا؟

درد جي ڀوڳنائن مان ماڻهو کي هيکلو گذرڻو هوندوآهي،ته پوءِ درد ڄڻ ته ڪنهن ڄاڻو استاد وانگر ڀوڳنائن مان گذرندڙ ان ماڻهو کي اهو ڪجهه سيکارين ٿا،جيڪي دنيا جا مصنوعي ڏيکاءُ ۽ سکيا جا اداراهه به نٿا سيکاري سگهن.اهو ئي سبب آهي،جو اياز جو من به ڏکن جي دولت ۽ هر آفت لاءِ هر وقت لڇيو پئي ۽ هو درد جي ڀوڳنا جي رات آزمائڻ ۽ ڏک جي ڏات ڳائڻ لاءِ اسرار ڪري ٿو.

ملي منهنجي من کي،دُکن جي دولت،

اچي هر آفت، وڏا هار هنئين کي.

**

درد جي رات آزمائي ڏس،

جا ڏني ڏک ڏات ڳائي ڏس.

اياز جو ته نسورو وجود سور آهي،پوءِ ڀلا هو ڪيئن نه دانهي؟اهڙي درد جي ايذائن مان گذرندڙ تخليقڪار کان خوشي جي ڳيچن جي توقع ڪرڻ هن جي ڳلي کي وڌيڪ تڪليف ڏيڻ جي برابر آهي.هن جي من ۾ دک جو ڪويل ڪوڪي ڪوڪي ايئن ساڻو ٿي پيو آهي جيئن ڇوڙَ وٽ سنڌو وهندي دانهي ٿي.

سڄو سور آهيان ڀلا ڪئن نه دانهيان!

اڃا ڳيچ ڳايان؟ گُهٽين ٿو گلو ڙي!

**

جيئن ڇوڙَ وٽ سنڌو وهندي آهي؛

۽ دک منهنجي من ۾ڪويل وانگر،

ڪُوڪِي ڪُوڪِيساڻو ٿي پيو آهي.

ماڻهو پنهنجي ذاتي ڏک کي ته ڪڏهن ڪڏهن وساريو ڇڏي،پر پرين پيارن جي ڏهاڳ جو ڏک ساهه کي هڪ پل لاءِ به سکيو نٿو رکي.

آئي رات رابيل جي، دل ۾ دود دُکيو،

ناهه ساهه سکيو،تو بن پل ليءِ اي پرين.

جيئن مٿي اڳ ۾ ئي اسان اياز جي درد جي ڳوڙهي فلسفي جو ذڪر ڪري آياسين،ته هو خوشي کي ڏک جو عدم موجود ڪوٺي ٿو،اهو ئي سبب آهي جو اياز درد توڙي دردِ يار کي هڪ ڪري پڪاري ٿو،ڇو ته درد کان بغير ڪا به مسرت مڪمل ناهي.

تو بنا ڪا خوشي مڪمل ناهه،

آءُ اي درد يار! موٽي آ!

اياز هڪ مڪمل قوي هو،هو درد ۽ پيڙا وارن اذيت ڏيندڙ گھڙين ۾ نه فقط پنهنجي پرسانِ حال کي ساري ٿو،پرهوانهن غمذدهه عاشقن کي به ياد ڪري ٿو،جن جون اکيون اڃايل ۽ دل دردن سان دکايل آهن.

اکيون عاشقن جو اڃايل اڃايل،

دليون درد واريون،دکايل دکايل.

اياز جي گهايل من جا گيت صرف پرين ۽ ڏکايل عاشقن جي ڏک تائين محدود ناهن،بلڪه هن جو هڪ هڪ گيت هن جي ڌرتيءَ جي ڏکن ۽ هانوَ کي وڍ ڏيندڙ واڪو واڪاڻ ۽ نه کٽندڙ داستانن سان به ڀريل آهي،هو پنهنجي ديس جي اٿاهه درد کي پنهنجي ئي وجود جو حصو سمجهي ٿو ۽ ان جي ڪنڊ ڪرڇ مان ٻڌندڙن ڪهڙن ڪهڙن دانهن جي دانهن ڏي ته ڪنهن کي ڏي ڀلا؟

گيت منهنجو ڌرتيءَ جي دانهن….

دانهون دانهون ديس جي،

ڪنهن کي دانهن ڏيان!

**

اي ڌرتي، ڇا ڇا دانهن ٻڌي،

مون تنهنجي واڪي واڪي ۾،

۽ تنهنجي گهايل مُرڪَ ڏٺي،

مون پنهنجي لُونءَ لياڪي ۾.

شيخ اياز هڪ دورانديش شاعر هو،هن کي ان ڳالهه جي اڳواٽ سڌ هئي،ته سنڌ ديس جي سورن ۾ گذرندڙ وقت سان يا ايندڙ وقت ۾ به شايد ئي ڪمي اچي،جيستائين وفاق پنهنجي ذهن مان سنڌ سان تعصب ۽ ٻٽي روش ۾ گھٽتائي نٿي آڻي.اڄ به سنڌ ڌرتيءَ جا دک اهي ساڳيا آهن،جيڪي اياز جي عهد جا هئا.اڄ، اياز جي دور جو ون يونٽ جو دور ته ناهي،پرحاليه حالتن ۾ ان جي جهلڪ ضرور نظر اچي ٿي.اڄ به بند ٻورين ۾ لاش آهن،

هي سنڌوءَ جي ڇر ۾ تنهنجو لاش پيو آ…

سنڌ ۾ پيئڻ جو صاف پاڻي۽ بجلي اڻلڀ آهن.وفاق جي معشيت ۾ 65 سيڪڙو پنهنجو حصو ڳنڍيندڙ اياز جي سنڌ جي اڪثر ماڻهن جي حالت غربت جي لڪير هيٺ گھاريندڙ آهي.گئس کي ملڪ ۾ سڀ کان وڌيڪ جهجي مقدار ۾ پيدا ڪندڙ سنڌ،ان وٽ خود گئس ڪونهي.اڄ به ٿر جي ڪاري سون(ڪوئلو)کي ۽ ”ڪاري باغ“کي ٺاهڻ ۽ سنڌ کي سڪائڻ جا هاڃيڪار منصوبه تلوار وانگر لٽڪيل آهن.ڪن ڪن ماروئڙن اڳيان ان ڪڻا آهن،سنڌ جي اڪثر ڳوٺن ۾ وڃي ڏسو، ته اتي ڪيئن ماڻهو صرف ماني بصر ۽ لوڻ تي پنهنجو گذارو ڪن ٿا.باقي سڄي ڌرتي بک ۾ پاهه آهي.ڪيترائي سج اڀري ۽ لهي ويا،پر اياز جي سنڌ جي ڏوٿيئڙن جا ڏک اڄ به اهي ئي ساڳيا اهن،جيڪي اياز پئي ڏٺا.

عمر گذري وئي،

دُک هن ديس جا،

اڄ به ساڳيا هئا،

جي هئا مون ڏٺا،

سال چاليهه اڳ،

ڪو به ڦيرو نه آ،

ديس جي دانهن ۾!

**

ڪنهن ڪنهن آڳر اَن ڪڻا ڀونءِ نِسوري بُکَ،

ڪهڙا ڪهڙا مون ڏٺا، ڏوٿيئڙن جا ڏُکَ!

سنڌ نه سنڀري، اُڀري سِجَ لهي ويا.

شيخ اياز جيئن ته عالمي قد ڪاٺ جو شاعر هو،انهيءَ ڪري هن پنهنجي شاعريءَ جي ذريعي نه فقط پنهنجي ماروئڙن جي ڏکن جا نوحا ڳايا،پرفلسطين کان وٺي هيروشيما ۽ ناگاساڪي تائين اياز هر انسان جو ڏک پنهنجو ڏک سمجهي،انهن جي دردن جي داستانن کي نه فقط ڳوريءَ دل سان ڳايوپرانهن دکي انسانن سان بي لوث گڏ هجڻ جو يقين به ڏيارايو.

جنهن تي به ٿيو،جنهن وقت ٿيو،جنهن جاءِ ٿيو،

سو مون تي ظلم ٿيو آهي،

ڪا ٻانهه وڍي،مون دانهن ڪئي،جو ڪانهه ڪپيو،

سو منهنجي ڪنڌيءَ جو آهي،

ڪوئي به ڪُٺو جيڪو به ڇرو جنهن تي به هليو،

سو منهنجيءَ رتُ رتو آهي.

**

آءُ اوهان سان گڏ آهيان،دکي انسانو!

هو،جنهن سنڌ توڙي سڄي سنسار ۾ جتي ڪٿي ناتوان ۽ هيڻن انسانن جا بي تهاشا ڏک ڏٺا ۽ پنهنجن توڙي انهن دکي ماڻهن جي نيڻن ۾ايندڙ لڙڪن کي هر وقت پئي اگھيو،آخر تائين دکدائڪ ٿي اهو ڏک به ڇڏي ويو ته:

هن مرڪ مهانگيءَ دنيا ۾،

مان ڪنهن جا ڪنهن جا لڙڪ اگھان.

(ليکڪ انگريزي ادب جو استاد ۽ ايم.فل اسڪالر آهي)

Muneerdomki84@gmail.com

 

 

 

 

 

 

 

نئون وزيراعظم ۽ نوان چئلينج..!!: غلام مصطفيٰ جمالي

نواز شريف جي استيفيٰ کانپوءِ ماحول خاصو گرم نظر اچي رهيو آهي.پاناما ڪيس جي حوالي سان پهرين به ميان نواز شريف کان استيفيٰ جو مطالبو ڪيو پئي ويو. پر ان موقعي تي ميان نواز شريف استيفيٰ کان صاف انڪار ڪري ڇڏيو هو.پر جڏهن پاناما ڪيس عدالت اندر آيو ته عدالت نواز شريف کي نااهل قرار ڏئي ڇڏيو ته کيس وزيراعظم هائوس به  خالي ڪرڻ جو حڪم جاري ڪيو،جنهن تي عمل ڪندي ميان نواز شريف وزيراعظم هائوس به خالي ڪيو،ميان نواز شريف هاڻي پاڪستان جو وزيراعظم ناهي رهيو ۽ هن وقت پاڪستان اندر هڪ نئي وزيراعظم جو نالو به سامهون اچي ويو آهي.ن ليگ پاران 45ڏينهن لاءِ شاهد خاقان عباسي کي وزيراعظم ڪرڻ جو اعلان ڪيو ويو آهي جنهن کانپوءِ ملڪ جو اهم وزيراعظم شهبار شريف هوندو،جڏهن ڏٺو وڃي ته هن وقت پاڪستان جي سياست اندر صرف ٻن جماعتن جي پاڻ ۾ ويڙهه هلي رهي آهي جنهن ۾ هڪ پاڪستان تحريڪ انصاف آهي ۽ ٻئي پارٽي پاڪستان مسلم ليگ ن آهي،۽ اهو به تاثر پڪو آهي ته جيڪڏهن انهن  ٻنهي پارٽين مان ڪنهن به هڪ پارٽي پاڻ کي ڪمرزو ڪيو يا پنهنجا پير ٿورا به پوئتي هٽايا ته اها پارٽِي هميشه لاءِ مليا ميٽ ٿي ويندي،۽ اها پارٽي هڪ مئل گهوڙو تصور ڪئي ويندي،جنهن ۾ ڪڏهن به ساهه نه پوندو،انڪري ٻئي جماعتون سياسي ميدان جي ڊوڙ ۾ هن وقت پاڻ کي اڳيان آڻڻ لاء ايترو ته زور لڳائي رهيون آهن جنهن جو اندازو به لڳائي نه ٿو سگهجي،اها ڳالهه پڪ سان ٻنهي سياسي جماعتن لاءِ هڪ وڏي خطري جي گهنٽي آهي،جيڪا مسلسل وڄي رهي آهي، جيڪا بند ٿيڻ جو نالو نه پئي وٺِي،مگر ڇا ٿو ڪري سگهجي سچ کي ڪيترو به لڪائڻ جي ڪوشش ڪبي آهي سچ اوترو نروار ٿيندو آهي،انڪري اها پڻ هڪ سڄي حقيقت آهي جنهن کان ڪڏهن به انڪار نه ٿو ڪري سگهي،پاناما ليڪس معاملو جهڙي ريت اڳيان وڌيو ۽ پاناما ليڪس معاملي تي جيڪو فيصلو ٿيو ان فيصلي کي نه قوم وساري سگهندي ۽ نه ئي اهي حڪمران جن جي خلاف اهو فيصلو آيو،۽ نه اهي سياسي جماعتون جن جي حق ۾ فيصلو آيو،هن وقت ن ليگ جيڪا مڪمل طور سياسي ميدان ۾ ٿڪجي پئي آهي انهي حڪومت پاڪستان لاءِ ايندڙ وقت  جي لاءِ شهباز شريف کي وزيراعظم ڪرڻ جو اعلان ته ڪيو آهي پر اتي  سوال اهو به آهي ته ڇا فوج تي سٺِو تاثر پيدا ڪندڙ ايندڙ وزيراعظم شهباز شريف پنهنجي وفاقي حڪومت کي هلائي سگهندو.؟ اهو هڪ اهڙو سوال آهي جنهن جو جواب ماضي جي ڪتابن کان سواءِ ڪٿي به نه ملي سگهندو،ڇو ته اها هڪ سوچڻ ۽ سمجهڻ جي ڳالهه آهي،ته2014ع کان شروع ٿيڻ واري مهم ۾ اصل ٽارگيٽ صرف هڪ نواز شريف نه هو پر ان جي سموري ٽِيم هئي ۽ ان سان گڏ صوبو پنجاب به هوُ،انڪري جيڪڏهن انهي پارٽي خلاف اهڙي مهم هلندي رهي ته اها هڪ نه هڪ ڏينهن زمين تي پنهنجا پيررکي نه سگهندي،ڇو ته اڃان ڪيترائي اهڙا منصوبا پيل آهن جن تي ميان نواز شريف وڏيون وڏيون تقريرون ته ڪيون پر انهي منصوبو تي ڪم نه ٿي سگهيو آهي،جنهن منصوبي اندر سرفهرت بجلي جو منصوبو آهي جيڪو ميان نواز شريف اقتدار ايندي ئي اعلان ڪيو هو ته هو ملڪ مان بجلي جو بحران ختم ڪندو پر ميان صاحب جي وزيراعظم وارو عهدو ختم ٿيو ۽ ملڪ مان لوڊيشنگ ختم نه ٿي سگهي،ملڪي جي ٻهراڙين کان ويندي وڏا وڏا شهر اڃان به ڪارين راتين جي اونداهين ۾ پنهنجون راتيون ڪٽي رهيا آهن،ان کان علاوا ميان نواز ميگا ترقياتي منصوبا جوڙيا جيڪي به پنهنجي اختتام تي پهچي نه سگهيا آهن،انڪري اڃان به ڪيترائي منصوبا آهن جن جو ذڪر ڪنداسين ته ڪالم پورو ٿي ويندو، مطلب ته ميان صاحب پنهجي اقتدار جي چار سالن اندر اهڙو ڪو به ڪم  نه ڪري سگهيو جنهن سان ائين کڻي چئجي ته ان ملڪ اندر ڪا وڏي تبديلي آندي.جڏهن ته پاڪ چين اقتصادي منصوبي جي ڳالهه ڪجي ته اهو پاڪستان تي چين جو ٿورو آهي جنهن پاڪستان سان اهڙو معاهدو ڪيو جنهن کي پاڪ چين اقتصادي راهداري جو نالو ڏنو ويو،ميان نواز شريف جي استيفيٰ کانپوِءِ چيني حڪومت پاران به اهڙو بيان منظرعام تي آيو هو ته ميان نواز جي نااهلي سان پاڪ چين اقتصادي راهداري تي ڪو به اثر نه پوندو،ها اڃان هڪ اهو به سوال به باقي رهي ٿو ته ڇا جيڪڏهن ميان نواز شريف کي 2018 ع ۾ اقتدار ملي ٿو ته ڇا هوُ انهي منصوبن تي شروع کان ڪم ڪندو.؟جڏهن ته اها به ڳالهه عام آهي پاڪستان مسلم ليگ ن جي پويان اپوزيشن پارٽيون ايتريون ته پويان پئجي ويون هنيون جن مان جان ڇڏائڻ ميان صاحب کي مشڪل لڳي رهيو هوُ،تنهن ڪري ملڪ جا ڪيترائي تجزيڪار اهو بيان ڏئي رهيا هئا ته ميان نواز شريف پاڻ مرادو عهدو ڇڏي وڃي هان ته وڌيڪ بهتر هو،پر ميان نواز شريف ان وقت تائين ڪرسي مان هٿ نه ڪڍيو جيستائين کيس هٽايو نه ويو،جڏهن ته اپوزِيشن پارٽيون به اهو چاهين ٿيو ته ن ليگ کي ايترو ته ڪمزور ڪيو وڃِي جو ايندڙ الڪيشن ۾ هڪ عام ۽ سادي پارٽي جي صورت ۾ سامهون اچي، جنهن جي ملڪ اندر ڪا به اهميت نه هجي،اوهان کي ياد هوندو ته اهڙو پلان پاشا خان جي دور ۾ به ڪيو ويو هو،انڪري مان سمجهان ٿو ته ايتري وڏي پارٽي کي ڪمزور ڪرڻ تمام گهڻيو ڏکيو ضرور هوندو،2014ع جا ڌرڻا،2016جا لاڪ ڊائون جنهن کانپوءِ 2017 ۾ پاناما ليڪس جو شور انڪري اها ته پڪي ڳالهه آهي ته ڪيترائي سال اقتدار ۾ ايندڙ ميان نواز شريف کي جيڪڏهن جماعتون گڏجي ڪري نااهل ڪري سگهن ٿيون ته اهي شهباز شريف کي سُک جو ساهه کڻڻ ڪئين ڏينديون،انڪري نيڪ نيت ۽ صادق امين جو تصور به اجايو آهي،سوچڻ جهڙِي ڳالهه ته اها آهي ته ٻئي جماعتون هن وقت هڪ ٻئي لاءِ آزمائش جو وڏي ۾ وڏو سبب آهن،سپريم ڪورٽ آف پاڪستان نواز شريف جي سموري خاندان کي فارغ ڪري ڇڏيو آهي جنهن جي ڪري اها ڳالهه ضرور آهي ته تلوار شهباز شريف جي سر تي به لٽڪي رهي آهي،ان ڪري سوال اهو به آهي ته ڇا پنج ڇهه مهينن کانپوءِ شهباز شريف کي به نااهل قرار ڏنو ويندو،؟ان کان پهرين ڇا ان جي خلاف ڌرڻا لڳندا،جڏهن ته ان کان اعلاو هڪ ٻيو به آپشن موجود آهي ماڊل ٽائون واقعو جنهن جي رپورٽ جسٽس علي باقر نجفي وٽ آهي،جنهن کي بار بار دهرايو پيو وڃِي.انڪري اها به ڳالهه پنهنجي جاءِ تي درست آهي ته جيڪڏهن اها رپورٽ کلي ته اها شريف خاندان جي لاءِ ڦاهي جو ڦندو نه ثابت ٿي،پرائين ٿيندو يا نه ٿيندو اهو ايندڙ وقت ٻڌائيندو،انڪري حڪومت لاءِ اهو سٺو موقعو آهي ته سموري معلومات کي عام ڪري ڇڏي.جيڪي ثبوت سان گڏ قومي ادارن وٽ محفوظ آهن،مثال طور سرڪاري ادارن تي حملا ڪنهن ڪرايا،ماڻهن مارائڻ جو منصوبو ڪنهن جو هو،۽ ماڊل ٽائون واقعي جو فائدو سڀ کان گهڻو ڪنهن ورتو،۽ انهي سموري معاملي تي اسڪرپٽ رائيٽر ڪيرهو.؟ڇو ته اها ڳالهه به لڪيل ته نه آهي،ڇو ته ماضي ۾ مشاهدالله بي بي سي جي انٽريو ۾ ڪجهه حوالا ڏيندي چيو ته وسيع طور قومي محاذ) ۾ ان کان استيفيٰ ورتي وئي هئي.هاڻ ڪنهن کان استيفيٰ وٺڻي آهي،جڏهن ته حالتون اهڙي موڙ طرف وڃي رهيو آهن،جنهن اندر ڪيڏي به مهل به ڪجهه ٿي سگهي ٿو،جنهن ماحول اندر ٿوري به هيرا ڦيري ٿي ته شريف خاندان کي جيل موڪلڻ واري سازش جي باهه کي وڌيڪ ڀڙڪايو ويندو،جڏهن ته اڃان به ن ليگ جي پارٽي ميان نواز شريف جي اناهلي قبول نه ڪري رهي آهي ۽ سندن بيان اهو آهي ته اها سموري سازش اسٽيبلمينٽ جي آهي،ڇو معاملو ايترو سادو ناهي جيترو سمجهيو پيو ويو جيڪڏهن سادو آهي ته ان اندر گهر جا چور به ضرور شامل آهن،۽ جلد سندس نالا به سامهون اچي ويندا،پر فيصلو عدالت جو آهي سندس مرضي آهي ته وڻي جنهن جي خلاف فيصلو ڏي وڻي ته جنهن کي به نااهل قرار ڏي،جيڪڏهن ڏسجي ته عدالت سڳوري قانون جا سمورا تقاضا سامهون رکي ڪري اهو فيصلو ڪيو هوندو،ائين ته بنا ڪنهن ڏوهه جي پاڪستان جي ايڏي وٺي سپريم ڪورٽ  ڪنهن کي سزا ڪئين ٿي ڏئي سهگي،انهي سموري ڳالهين کي سامهون رکندي ملڪ اندر اهڙو ماحول نظر اچي رهيو آهي جنهن اندر وڏي گرما گرمي نظر اچي رهي آهي،جنهن گرما گرمي اندر ڪجهه به ٿي سگهي ٿو،ڪي جيل وڃن سگهن ٿا ڪن جا ڪيس ڪورٽ ۾ اچي سگهن ٿا ۽ ڪي وري صاف ۽ اڇا اجرا ٿي ملڪ هلائيندا….

 

آرٽيڪل 62 ۽ 63 هاڻي 58(2) بي بڻجي ويا….؟

عدالت مان نااهل ٿيڻ کانپوءِ ظاهري طور انڪار ڪرڻ جي باجود به مسلم ليگ (ن) ۾ جيڪي ڪجهه به ٿيندو ۽ ٿي رهيو آهي، ان حوالي سان سمورا فيصلا وري به نوازشريف جي مرضي سان ئي ٿيندا ۽ ٿيڻا آهن، ڀلي پوءِ نوازليگ جو عبوري يا مستقل وزيراعظم ئي ڇونه اچي، اهو به يقينن قائد جو ئي فرمانبردار هوندو، سولن لفظن ۾ ايئن کڻي چئجي ته جهڙي ريت سنڌ حڪومت کي حڪمران جماعت پ پ جي قيادت جي مرضي موجب فيصلا ڪرڻ جا طعنا ملندا رهيا آهن، اها ساڳي صورتحال هاڻي نوازليگ ۾ بڻجڻ وڃي پئي. جيتوڻيڪ موجوده قومي اسيمبلي جو مدو ايندڙ سال جون جي شروعاتي ڏهاڙن ۾ ختم ٿي ويندو، پر جي عام چونڊن جو اعلان ان کان اڳي ٿي وڃي ٿو ته ان تاريخ تي اسيمبلي توڙي نئين چونڊجندڙ وزيراعظم جو مدو به ختم ٿي ويندو، جنهن بعد نين چونڊن لاءِ نگران سيٽ اپ ٺاهڻو پوندو، بهرحال، اهي معاملا تي اڳتي هلي ٿيڻا آهن، پر هن وقت مسلم ليگ نواز کي قومي اسيمبلي ۾ اڪثريت حاصل آهي، جنهن ڪري اها ڪنهن به ميمبر کي وزيراعظم چونڊرائي سگهي ٿي، ان ڪري اڪثريتي جماعت هجڻ جي حيثيت سان سڀ کان پهرين مسلم ليگ ن تي اها ذميواري لاڳو ٿئي ٿي ته اها حڪومت ۾ پيدا ٿيل خال کي گهڻن ڏينهن تائين هلڻ نه ڏئي. بهتر اهو هو ته هڪ ئي وزيراعظم کي چونڊيو وڃي ها،

نواز ليگ اڳواڻ خواجا سعد رفيق جو چوڻ آهي ته پاناما پيپرز ۾ دنيا جي مختلف شخصيت کي نشانو بڻايو ويو، نواز شريف پاڪستان جي نظام عدل تي اکيون بند ڪري يقين ڪيو، ملڪ ۾ صادق ۽ امين جو معاملو پري تائين ويندو، آرٽيڪل 62، 63 کي آئين مان نه ڪڍڻ اسان جي نالائقي آهي، آرٽيڪل 62 ۽ 63 هاڻي 58(2) بي بڻجي ويا آهن، اهڙي طرح چونڊيل وزيراعظم کي ڪڍيو ويو ته ملڪ ڪير هلائيندو. ن ليگ عدالتي دائره اختيار تي ڪڏهن سوال نه اٿاريو، اهڙا ڪاغذ ڏنا ويا، جن جي تصديق ڪرڻ وارو ڪير نه هو. مني لانڊرنگ ۽ ڪرپشن جا الزام لڳايا ويا، نااهلي مني لانڊرنگ، ڪرپشن يا پرڏيهه ۾ ملڪيت تي نه هئي. پاناما پيپرز ۾ 3 شخصيتن نواز شريف، روسي صدر، برطانوي وزيراعظم نشاني تي هئا، پهرين عدالتي فيصلي ۾ گاڊ فادر جا ريمارڪس ڏنا ويا، جيڪي افسوسناڪ هيا، اسان کي عدالتي ڪارروائي دوران مافيا چيو ويو، ن ليگ عدالتي دائره اختيار تي ڪڏهن سوال نه اٿاريو، اهڙا ڪاغذ ڏنا ويا، جن جي تصديق ڪرڻ وارو ڪير نه هو، اسان ڪو اسٽي نه گهريو، ڪٿي پيش هئڻ کان عذر نه ڪيو ويو، پهريون فيصلو آيو ته گاڊ فادر جو لفظ استعمال ڪيو ويو، اهو قابل قبول نه هو، نواز شريف کي مشورو ڏنو ته ان کي چئلينج ڪريو پر صبر جو مظاهرو ڪيو ويو، واٽس ايپ ڪال تي اسان کي تسلي جوڳو جواب نه ملي سگهيو، مڃيو ويو حسين نواز جي تصوير جي آءِ ٽي ذريعن کان ليڪ ٿي، ليڪ ڪندڙ جو نالو نه ٻڌايو ويو، هڪ اهڙي رپورٽ سامهون آئي، جيڪا 6 ماڻهو ته ٻن مهينن ۾ نٿا بڻائي سگهن، بلڪه 6 سئو ماڻهو به ايتري عرصي ۾ اهڙي رپورٽ نٿا بڻائي سگهن، مني لانڊرنگ ۽ ڪرپشن جا الزام لڳايا ويا، هي نااهلي مني لانڊرنگ، ڪرپشن يا پرڏيهه ۾ ملڪيت تي نه هئي، جيڪڏهن اهڙيءَ ريت چونڊيل وزيراعظم کي ڪڍيو ويو ته پوءِ ملڪ ڪير هلائيندو، ڇا ملڪ جي چيف ايگزيڪٽو سان اهڙو سلوڪ درست آهي؟، 62 ۽ 63 کي اسان نه ڪڍي سگهياسين، اها اسان جي نالائقي آهي، معلوم نه هو ته اها نئين 58 ٽو بي بڻجي ويندي.