تازيون خبرون

Daily Archives: August 1, 2017

نيب پاران شريف خاندان خلاف 4 ريفرنس داخل ڪرڻ جو فيصلو

اسلام آباد (ويب ڊيسڪ): قومي احتساب بيورو (نيب) پاناما ڪيس ۾ سپريم ڪورٽ جي فيصلي جي روشني ۾ شريف خاندان ۽ اسحاق ڊار خلاف ريفرنس داخل ڪرڻ جو فيصلو ڪيو آهي، سپريم ڪورٽ پاناما ڪيس جي فيصلي ۾ ميان نواز شريف، حسن، حسين، مرين نواز، ڪيپٽن (ر) صفدر ۽ اسحاق ڊار خلاف نيب ريفرنس داخل ڪرڻ جو حڪم ڏنو آهي، سپريم ڪورٽ جي فيصلي بعد قومي احتساب بيورو (نيب) جي چيئرمين قمر زمان چوڌري جي صدارت هيٺ اعليٰ سطحي اجلاس ٿيو، جنهن ۾ ڊپٽي چيئرمين نيب امتياز تاجور ۽ پراسيڪيوٽر جنرل وقار ڪريم به سريڪ ٿيا، جڏهن ته نيب جي پراسيڪيوٽر ونگ آفيسرن کي پاناما ڪيس جي فيصلي جي حوالي سان بريفنگ ڏني، ذريعن ٻڌايو ته اجلاس ۾ پاناما ڪيس جي فيصلي تي عملدرآمد ڪرڻ جي حوالي سان طريقيڪار تي غور ڪيو ويو، ذريعن موجب نيب جي اعليٰ سطحي اجلاس بعد چيئرمين جي صدارت هيٺ ايگزيڪيوٽو بورڊ جو به اجلاس ٿيو، جنهن ۾ فيصلو ڪيو ويو آهي ته پاناما ڪيس ۾ سپريم ڪورٽ جي فيصلي تي مڪمل عمل ڪيو ويندو، ذريعن جو چوڻ آهي ته نيب سپريم ڪورٽ جي فيصلي جي روشني ۾ شريف خاندان خلاف 4 مختلف اشوز تي ريفرنس داخل ڪرڻ جو فيصلو ڪيو ويو آهي، جيڪي نيب راولپنڊي طرفان احتساب عدالت ۾ داخل ڪيا ويندا، ذريعن ٻڌايو ته ريفرنس ميان نواز شريف، حسن، حسين، مريم نواز، سندس مڙس ڪيپٽن (ر) صفدر ۽ اسحاق ڊار خلاف داخل ڪيا ويندا، جن جي نگراني نيب راولپندي ڪندو. ٻئي طرف نيب پاران فيصلو ڪيو ويو ته شريف خاندان خلاف ڊي جي نيب عرفان منگي ريفرنس داخل ڪرائي، واضع رهي ته شريف خاندان خلاف پاناما ڪيس جي جاچ ڪرڻ واري ٽيم جي آءِ ٽي جي پنجن ميمبرن منجهان عرفان منگي ٻئي نمبر تي شامل هو

 

قانون موجب هر سياسي پارٽي فنڊنگ جا ذريعا ٻڌائڻ جي پابند آهي: سپريم ڪورٽ

اسلام آباد( ويب ڊيسڪ ) سپريم ڪورٽ تحريڪ انصاف سربراهه عمران خان جي نااهلي بابت درخواست تي ٻڌڻي ڪئي. سپري ڪورٽ جي 3 رڪني بئنچ چيف جسٽس پاڪستان جي سربراهيءَ ۾ عمران خان جي نااهلي بابت درخواست تي ٻڌڻي ڪئي. چيف جسٽس  چيو ته هو اميد ڪري ٿو ته انور منصور صاحب اوهان جي طبعيت بهتر هوندي جنهن تي عمران خان جي وڪيل چيو ته دستاويز جمع ڪرايا آهن پر گهڻو دير تائين بيهي نه ٿو سگهان، لکت ذريعي سوالن جا جواب ڏئي چڪو آهيان. چيف جسٽس رمارڪس ڏيندي چيو ته توهان چئو ٿا ته اليڪشن ڪميشن پابندي مڙهيل فنڊن تي فيصلو نه ٿي ڪري سگهي، انور منصور چيو ته ها بلڪل اليڪشن ڪميشن اهو ڪيس نه ٿي ٻڌي سگهي، پوليٽيڪل پارٽيز آرڊر 2002ع ۾ سمورو قانون تبديل ڪيو ويو هو. چيف جسٽس رمارڪس ڏيندي چيو ته ڇا اوهان چئو ٿا ته اڪائونٽ رپورٽ بعد اليڪشن ڪميشن اڪائونٽس نه ٿي ڏسي سگهي جنهن تي انور منصور چيو ته منهنجو موقف آهي رپورٽ جمع ڪرائڻ بعد آڊٽ نه ٿي سگهي. چيف جسٽس رمارڪس ڏيندي چيو ته قانون وجب هر سياسي پارٽي فنڊنگ جا ذريعا ٻڌائڻ جي پابندي آهي جنهن تي انور منصور چيو ته مان اهو نه چئي رهيو آهيان ته مان جوابده نه آهيان. عمر عطا بنديال رمارڪس ڏيندي چيو ته توهان موجب هر پارٽي جي چارٽرڊ اڪائونٽنٽ جو جواب آخري آهي جڏهن ته اليڪشن ڪميشن توهان کي ٻڌڻ کانسواءِ فيصلو نه ٿي ڪري سگهي.انور منصور چيو ته رڳو هڪ سياسي پارٽي کي نه چونڊيو وڃي جنهن تي جسٽس فيصل عرب چيو ته قانون موجب توهان اهو نه ٿاچئي سگهو ٿو ته رڳو مون کي سزا نه ڏني وڃي توهان پنهنجي موقف سان پاڻ کي الزامن کا آجو ڪرايو. حنيف عباسي جي وڪيل اڪرم شيخ چيو ته تحريڪ انصاف طرفان غلط دستاويز سپريم ڪورٽ ۾ جمع ڪرايا ويا آهن اهي دستاويز هنن پاڻ تيار ڪيا آهن ۽ جواب ۾ هڪ به دستاويز درست ناهي، پرڏيهي فنڊنگ ڪيس ۾ جمع ڪيل دستاويزن ۾ هڪ هڪ صفحو پاڻ تيار ڪيو ويو آهي، تحريڪ انصاف اصل فنڊز کان گهٽ فنڊ ظاهر ڪيا ۽ چيو ويو آهي ته حلال کي حرام کان الڳ ڪيو، حرام انتظامي طور خرچ ڪيو ويو ۽ حلال پاڪستان موڪلڻ جو موقف اختيار ڪيو ويو. جسٽس عمر عطا بنديال رمارڪس ڏيندي چيو ته حرام نه پر پابندي مڙهيل جو لفظ آهي. انور منصور جي وڪيل موقف اختيار ڪيو ته  مان آمريڪا وڃي دستاويز ٺاهيو هو جنهن تي اڪرم شيخ چيو ته مان توهان بابت ائين نه چيو آهي. چيف جسٽس رمارڪس ڏيندي چيو ته اهڙن دستاويزن کي کي ڏسڻ لاءِ مهينا لڳي ويندا. اڪرم شيخ چيو ته جناب جون عقابي نظرون اهڙن دستاويزن کي رڪارڊ جو حصو بڻائڻ جي اجازت نه ڏينديون جڏهن ته منهنجو چوڻ آهي ته پي ٽي آءِ هٿرادو دستاويز لڳايا آهن. چيف جسٽس رمارڪس ڏيندي چيو ته جيڪي به فنڊ آهن هو فارا کي ان بابت ڄاڻ ڏيندو هو. اڪرم شيخ چيو ته قانون موجب فارا کي سموري ڄاڻ ڏيڻي هوندي آهي، اسان رڪارڊ تي موجود هڪ هڪ نالي جو جائزو ورتو، اهي فارا جي رڪارڊ تي نه آهن.

 

نئين وزير اعظم جي چونڊ، قومي اسيمبلي جو اجلاس اڄ ٿيندو، مختلف اميدوار ميدان ۾ لٿل

اسلام آباد (ويب ڊيسڪ): صدر ممنون حسين قومي اسيمبلي جو اجلاس سڀاڻي ٽپهري 3 وڳي طلب ڪري ورتو آهي، جنهن ۾ نئين قائد ايوان جي چونڊ ڪئي ويندي، اسپيڪر قومي اسيمبيل سردار اياز صادق جي صدارت هيٺ قومي اسيمبلي جو اجلاس سڀاڻي ٽپهري 3 وڳي ٿيندو، جنهن ۾ نئين وزيراعظم جي چونڊ لاءِ ووٽنگ ٿيندي، نئين وزيراعظم جي ڊوڙ ۾ مسلم ليگ (ن) جو شاهد خاقان عباسي، پيپلز پارٽي جو خورشيد شاهه ۽ سيد نويد قمر، ايم ڪيو ايم پاڪستان جي ڪشور زهرا، جماعت اسلامي جو صاحب زاده طارق الله ميدان ۾ آهن، وزارت عظميٰ لاءِ سربراهه عوامي مسلم ليگ شيخ رشيد تحريڪ انصاف جو نامزد اميدوار آهي، جنهن کي مسلم ليگ (ق) جي به حمايت حاصل آهي، جڏهن ته مسلم ليگ (ن) جي شاهد خاقان عباسي کي جمعيت علماءِ اسلام (ف) جي حمايت حاصل آهي، قومي اسيمبلي ۾ 342 جي ايوان ۾ وزارت عظميٰ جي چونڊ کٽڻ لاءِ سادي اڪثريت يعني گهٽ ۾ گهٽ 172 ووٽن جي ضرورت هوندي، جڏهن ته مسلم ليگ (ن) وٽ ايوان ۾ 188 ووٽ آهن، ان کانسواءِ اتحادين جا ووٽ الڳ آهن، ٻئي طرف اپوزيشن ليڊر خورشيد شاهه پيپلز پارٽي جي سمورن ميمبرن کي قومي اسيمبلي جي سڀاڻي ٿيندڙ اجلاس ۾ حاضري يقيني بڻائڻ جي هدايت ڪئي آهي، پيپلز پارٽي جي اڳواڻ نواب يوسف ٽالپر، شازيه مري ۽ غلام رباني کر کي به پرڏيهه مان گهرايو ويو آهي، مخالف ڌر اڳواڻ جي سربراهيءَ ۾ اپوزيشن طرفان وزارت عظميٰ لاءِ متفقه اميدوار آڻڻ لاءِ ٿيل اجلاس بي نتيجي ختم ٿيو، جنهن بعد اپوزيشن جماعتون پنهنجو پنهنجون اميدوار کڻي آيون،، جڏهن ته عوامي نيشنل پارٽي متفقه اميدوار نه آڻڻ تي اڻڌريو رهڻ جو اعلان ڪيو آهي، ياد رهي ته سپريم ڪورٽ 28 جولاءِ تي پاناما ڪيس جو فيصلو ٻڌائيندي ڳاوڻي وزيراعظم نواز شريف کي وزارت عظميٰ لاءِ نااهل قرار ڏنو هيو.

 

شاهد خاقان عباسي نامزدگي فارم جمع ڪرائي ڇڏيا، دشمنن سان مقابلو ڪنداسين: نامزد وزيراعظم

اسلام آباد (اين اين آءِ) پاڪستان مسلم ليگ نون پاران نامزد وزيراعظم شاهد خاقان عباسي ڪاغذ نامزدگي جمع ڪرائي ڇڏيا. سومر تي قومي اسيمبلي سيڪريٽريٽ ۾ قومي اسيمبلي جي سيڪريٽري جواد رفيق ملڪ وٽ پنهنجي تاعيد ۽ تجويز ڪندڙن سان گڏ شاهد خاقان عباسي ڪاغذ نامزدگي جمع ڪرايا. انهن تجويز ڪندڙ ڻ ۾ قيصر احمد شيخ، زاهد حامد، اعجازالحق، شيخ آفتاب احمد، عبدالقادر بلوچ ۽ ٻيا موجود هيا. ان موقعي تي ميڊيا سان ڳالهائيندي نون ليگ جي نامزد وزيراعظم شاهد خاقان عباسي چيو ته مسلم ليگ نون اتحآدي پارٽين سان رابطو ڪيو آهي. اميد آهي ته الله تعاليٰ انکي وڏي اڪثريت سان ڪامياب ڪندو. اسانکي پنهنجي ڪاميابي تي يقين آهي، ان لاءِ اسان ڪورنگ ڪينڊيڊيٽ جي طور تي ڪنهن ٻئي جا ڪاغذ نامزدگي داخل نه ڪرايا. هن چيو ته گذڙيل جمعي تي 12 وڳي تائين مسلم ليگ نون جي حڪومت جو ن جيڪي پاليسيون هيون اهي جاري رهنديون ۽ ملڪ جي ترقي خوشحالي ۽ سلامتي اسانجي پهرين ترجيح هونديون.  هن چيو ته پنهنجي قائد نوازشريف جي ويزن موجب ترقي جوسفر جاري رکندس ڪابينا جو فيصلو پارٽي ڪندي، هن چيو ته شيخ رشيد رفرنس داخل ڪرڻ جو شوق پورو ڪري، مان ۽ هو هڪ ئي شهر ۾ رهون ٿا هڪ ٻئي کي سٺي طرح ڄاڻون ٿا.  وزيراعظم شاهد خاقان عباسي چيو ته ڪابينا صلاح مشوري سان ٺهندي آهي ۽ انجو فيصلو پارٽِي جي اعليٰ قيادت ڪندي. اسانجي ليڊرشپ صبر جو سبق ڏنو آهي. عوام فيصلو ڪندي ته اسانجي زبان صحيح آهي يا اسانجي مخالفن جي. هن چيو ته جيڪي اسانجي حڪومت جي ترجيح هئي اها ئي منهنجي رهندي. ڪابينا جو فيصلو هڪ ٻن ڏينهن ۾  ٿي ويندو. وزيراعظم آئيني طريقي سان بڻجندو آهي. پٽيشن جو ڪو به اثر نه ٿيندو. هر قسم جي فضول پٽيشن ڪرڻ جي روايت پئجي وئي هن چيو ته مان ٽيهن سالن کان اسيمبلي ۾ آهيان ۽ 20 کان 22 دفعا اثاثن جي تفصيل ڏني آهي، منهنجي اثاثن جي بابت جنهن کي شڪ هجي ته درخواست داخل ڪري سگھي ٿو، بنا ڪنهن  وڪيل جي ان درخواست جو جواب ڏيندس.

 

وزارت عظميٰ جي معاملي تي اپوزيشن ورهائجي وئي، ۵ اميدوار سامهون اچي ويا، اجلاس بنا نتيجي ختم

اسلام آباد  (اين اين آءِ) آپوزيشن پارٽيون وزيراعظم جي عهدي تي گڏيل اميدوار نامزد ڪرڻ ۾ ناڪام ٿي ويون، آپوزيشن پارٽِن جي پارليامينٽ جو اجلاس اڄ ڱاري تي صبح 11 وڳي ٻيهر شروع ٿيندو جڏهن پ پ پ  ۽ مسلم ليگ (ق) جي اميدوار شيخ رشيد احمد پ پ پ  پاران خورشيد شآه ۽ سيد نويد قمر  ۽ ايم ڪيو ايم ڪشور زهرا، جماعت اسلامي جي صاحبزادي طارق الله ڪاغذ جمع ڪرائي ڇڏيا. ذريعن موجب سومر تي قومي اسيمبلي ۾ آپوزيشن جي ڪمري ۾ آپوزيشن پارلياماني اڳواڻن جو اجلاس ٿيو جنهن ۾ وزاعظم جي اميدوار لاءِ مختلف نالن جي غور ڪيو ويو، اجلاس ۾ خورشيد شاهه، شاهه محمود قريشي، شيخ رشِيد، پرويز الاهي، شيري رحمان، شيخ صلاح الدين به شريڪ ٿيا، ان موقعي صحافي آپوزيشن اڳواڻن کان سوال ڪيو ڇا هڪ اميڊوار تي اتفاق ٿي ويندو، يا اختلاف برقرار رهندا ۽ آپوزيشن جا ٻه اميدوار سامهون ايندا، خورشيد شاه ۽ شاه محمود قريشي جواب ڏيڻ کان انڪار ڪيو جڏهن شيخ رشيد جواب ڏيندي چيو ته ڏسون جيڪو الله کي منظور . ان کان اڳ شاهه محمود قريشي، خورشيد شاهه ۽ شيخ رشيد سان جدا جدا ملاقات ڪئي جنهن دوران عمران خان پاران شِخ رشيد جي وڏي وزارت  لاءِ نامزدگي ۽ زرداري جي خلاف تقرير تي ڳالهه ٻول ٿي جڏهن ملاقات ۾ خدشا ختم نه ٿي سگھيا، ملاقات کان پوءِ شاهه محمود قريشيءَ خورشيد شاهه کان پڇا ڪئي ته ڇا اسان هليا وڃون؟ جڏهن ته خورشيد شاهه انکي منع ڪيو ۽ آپوزيشن پارلياماني اڳواڻن ۾ شرڪت جي هدايت ڪئي. پرويز الاهي ميڊيا سان ڳالهائنيدي چيو ته اسانجي ڪوشش آهي ته آپوزيشن ۾ اتفاق رائي پيدا ٿي وڃي. پي ٽي آئي جي صدر شاهه محمود قريشي ان نالن کي تجويز ڪيو جڏهن ته ڪاغذ جمع ڪرڻ کانپوءِ شيخ رشيد چيو ته مسئلو کٽڻ ۽ هارائڻ جو نه آهي پر جمهوري عمل کي اڳتي وڌائڻ آهي، شاهه محمود قريشي چيو ته انکي اڄ شيخ رشيد جو نالو تجويز ڪري فخر محسوس ٿي رهيو آهي.

 

موجوده مدت سڄي سياسي ڪيريئر جي مشڪل مدت هئي: چوڌري نثار

اسلام آباد (ويب ڊيسڪ): اڳوڻي وفاقي گهرو وزير چوڌري نثار گهرو سيڪريٽري کي خط لکيو آهي، خط ۾ چوڌري نثار چيو آهي ته 30 سالن جي سياسي زندگي ۾ ڪيترين وزارتن جو سربراهه رهيس، هن چيو ته موجوده مدت سڄي سياسي ڪيريئر جي مشڪل مدت هئي، چوڌري نثار چيو ته اندروني سڪيورٽي، امن امان کي برقرار رکڻ وڏا چئلينج هئا، هن چيو ته موجوده مدت دوران جيڪي به ڪاميابيون حاصل ڪيون، اهي رڪارڊ جو حصو آهن.

 

نئون پاڪستان بنائڻ جو خواب ڏيکارڻ وارن نئون ڪي پي ڪي ڇو نه بڻايو : سعد رفيق/عرفان صديقي

لاهور (اين اين آءِ) مسلم ليگ نون جي اڳواڻ خوجا سعد رفيق چيو ته نئون پاڪستان بنائڻ جو خواب ڏيکارڻ وارن نئون ڪي پي ڪي ڇو نه بڻايو. ڪي پي ڪي جي اسپتالن جي حالت تمام خراب آهي، خان صاحب جي تقرير ڪوڙ تي ٻڌل هئي. هن چيو ته ڪي پي ڪي حڪومت جي خراب ڪارڪردگي عمران خان جي خالي دعوائن جا پول کولي ڇڏيا آهن. پي ٽي آئي جواب ڏئي ته ڪي  پي ڪي ۾ سي ايم هائوس جي ڪروڙن سالياني خرچن ۾ گھٽتائي ڇو نه ٿي، هن عمران خان کي مخاطب ٿيندي چيو ته توهان سچا آهيون ته نٿيا گلي ۾ سي ايم هائوس جي سرڪاري رهائش تي هن وقت تائين هوٽل ۾ ڇو نه تبديل ڪيو. خواجا سعد رفيق چيو ته ڪي پي ڪي ۾ خيبر بينڪ کي فريندڙ پي ٽي آئي موقعو ملڻ  تي قومي ادارن جو خراب حشر ڪندي. ڪي پي ڪي احتساب ڪميشن کي تالا ڇو هنيا ويا آهن. هن چيو ته 310 ايڪڙ جو بني گالا جو محل جو مالڪ صرف ڏيڍ لک انڪم ٽيڪس ڏئي ٿو. عمران خان پاڻ ٽيڪس چور آهي. قوم عمران خان جي ڪنهن به ڪوڙي ڳالهه تي اعتبار نه ٿي ڪري. وزيراعظم جي اڳوڻي صلاحڪار عرفان صديقي چيو ته پي ٽي آئي آخري تير هلا.ئڻ کانپوءِ هاڻي مصيبت ۾ آهي. عمران خان جي قيادت هاڻي انڌي گھٽي جي انڌي موڙ تائين پهتي آهي. هڪ انٽرويو ۾ هن چيو ته عمران خان کي جلدي اندازو ٿي ويندو ته نوازشريف حاضر وزيراعظم، کان وڌيڪ طاقتور آهي، هن چيو ته ليڊر جو فيصلو ڪورٽن ڪچهرين ۾ نه پر عوامي عدالت ۾ ٿيندو آهي. نوازشريف اڄ پنهنجي ايندڙ جدوجھد جو عنوان ٻڌائِي ڇڏيو آهي.

 

عمران چيو هو تصدق جيلاني جي وڃڻ بعد ايندڙ جج پارليامينٽ ٽوڙيندا: جاويد هاشمي جي دعويٰ

اسلام آباد/ملتان (ويب ڊيسڪ): سينئر سياستدان مخدوم جاويد هاشمي چيو آهي ته اڄ قوم سامهون حلفي بيان ڏئي رهيو آهيان، ڪڏهن عهدي ۽ اقتدار جي دعا ناهي گهري، هن چيو ته عمران چيو هيو ته تصدق جيلاني جي وڃڻ بعد ايندڙ جج پارليامينٽ کي ٽوڙيندا، هن چيو ته عمران خان چيو هيو ته نواز شريف پاڻ استعيفيٰ ڏئي ويندو، مان هڪ هڪ لفظ قسم کڻي چئي رهيو آهيان، عمران خان چيو هيو ته سيپٽمبر جي آخر تائين چونڊون ٿي وينديون، عمران خان چيو هيو ته مقابلي تي اچڻ جي جرئت ڪو به نه ڪري سگهندو، عمران خان چيو هيو ته اسان جي حڪومت بڻجي ويندي، جاويد هاشمي چيو ته عارف علوي، شيرين مزاري مون کي چيو خان پارليامينٽ تي حملو ڪرڻ لاءِ تيار ويٺو آهي، انهن جي چهرن جو رنگ اڏل هيو، مون کي چيو ته اوهان عمران کي سمجهايو، عمران چيو ته ٽيڪنوڪريٽ جي حڪومت بڻجندي ۽ سيپٽمبر ۾ چونڊون ٿينديون، عرمان خان حلف کڻي منهنجي ڳالهين جي ترديد ڪري، عمران خان چيو ته چونڊن ۾ پي ٽي آءِ جي حڪومت هوندي، ڪو به مقابلي جي جرئت نه ڪندو، پرويز مشرف انتهائي بزدل ماڻهو آهي، هن چيو ته شيخ رشيد ڪنٽينر تي بيهي چيو هيو ته ميز جي هيٺان لڪي وڃ، لانگ مارچ جڏهن گوجرانوالا جي ويجهو پهتو ته ڪجهه ماڻهن پٿراءُ ڪيو، مون کي آفر هئي ته استعيفيٰ ڏيان پي ٽي آءِ جو فارورڊ بلاڪ بڻايان، مون چيو ته مان فارورڊ بلاڪ نه بڻائيندس، عمران خان جي پارٽي کي ختم ڪرڻ ناهيان آيو. ٻئي طرف تحريڪ انصاف ترجمان چيو آهي ته جاويد هاشمي جون ڳالهيون بلڪل ڪوڙ، من گهڙت ۽ بنا سر ۽ پيرن جي آهن، شفقت محمود، شيرين مزار،ي عارف علوي سان منسوب بيان ڪوڙو، هٿ جو گهڙيل آهي، هن چيو ته جاويد هاشمي جي سياست، سياسي ڪيريئر جو مڪمل طور جنازو نڪري چڪو آهي، تفصيلن مطابق ترجمان پاڪستان تحريڪ انصاف جاويد هاشمي جي بيان کي رد ڪندي چيو ته جاويد هاشمي روزانو ڪوڙا افسانا جوڙيندو آهي، چاپلوسي جون سموريون حدون پار ڪرڻ باوجود به شريف خاندان کيس ڳلي لڳائڻ لاءِ تيار ناهي، هن چيو ته جيڪڏهن ن ليگ هاشمي کي پاڻ سان گڏ نه کڻي رهي آهي ته ان ۾ عمران خان جو ڪهڙو ڏوهه آهي، جاويد هاشمي کي قوم رد ڪيو ته ان جو سبب اهو پاڻ هيو، هاشمي صاحب ڪوڙ ڳالهائڻ نه ڇڏيو ته رهي سهي ساک به وڃائي ويهندو.

 

ن ليگ کي تڪبر جو نتيجو ملي ويو، خان صاحب هاڻي اوهان جو نمبر آهي: پيپلز پارٽي

ڪراچي (ويب ڊيسڪ) بلاول هائوس ترجمان چيو آهي ته پوري قوم کي خبر آهي ته نواز شريف بعد عمران خان جو وارو آهي، ايندڙ واري آصف زرداري جي ضرور آهي پر حڪومت ڪرڻ جي، عمران خان پنهنجو خير گهري ڇو ته 62 ۽ 63 هاڻي ان طرف اچي رهيو آهي، تحريڪ انصاف جي چيئرمين عمران خان طرفان پيپلز پارٽي جي قيادت خلاف بيان تي ردعمل ڏيندي بلاول هائوس ترجمان جو چوڻ آهي ته آصف زرداري پاڪستان جو نيلسن منڊيلا آهي ۽ ان کي ڪٺ پتلي جي ڪا پرواهه ناهي، ترجمان چيو بيرسٽر مرتضيٰ وهاب طرفان جاري ڪيل بيان ۾ چيو ويو آهي ته جنهن احتساب کي آصف زرداري منهن ڏنو، موجوده سياسي دور ۾ ان جو مثال نٿو ملي، آصف زرداري ساڍا 11 سال جيل ڪاٽي انهن ئي عدالتن مان آزاد ٿي چڪو آهي، آصف زرداري جي زبان ڪٽي وئي ۽ ان تي سخت تشدد ڪيو ويو پر ڪو ثبوت سامهون نه آيو، بيرسٽر مرتضيٰ وهاب چيو ته عمران خان بدحواسي ۾ بيان ڏيڻ بند ڪري، عمران خان اهو تاثر ڏيڻ ڇڏي ڏئي ته ملڪ جا سڀ ادارا ان جي مٺ ۾ بند آهن.پيپلز پارٽي اڳواڻ مولا بخش چانڊيو چيو آهي ته وزيراعظم آزاد ڪشمير کي ذميداري جو مظاهرو ڪرڻ گهرجي، نجي ٽي وي پروگرام ۾ ڳالهائيندي مولا بخش چانڊيو چيو ته راجا فاروق حيدر کي اڃا ڪاوڙ آهي، هن چيو ته فاروق صاحب ڪشمير پاڪستان آهي پر پاڪستان ميان صاحب ناهي، هن چيو ته عمران خان کي قوم کي خطاب ڪرڻ  جي جلدي آهي، پيپلز پارٽي جو پيڇو ڪندي ڪندي ضياءُ الحق ويو، مشرف ملڪ مان هليو ويو، ن ليگ کي تڪبر جو نتيجو ملي ويو، عمران خان صاحب هاڻي اوهان جو نمبر آهي، عمران خان به پيپلز پارٽي جو پيڇو ڪرڻ جو پنهنجو شوق پورو ڪري وٺي، مون چيو هيو ته عمران خان کي جلدي ۽ نواز شريف کي تڪبر آهي، هن چيو ته عرمان خان کي جيڪڏهن پيپلز پارٽي سان مقابلي جو شوق آهي ته اچي شوق پورو ڪري.

 

پاناما اسڪينڊل ۾ شامل سمورن ماڻهن جو حساب ٿيڻ گهرجي: سراج الحق

سوات (ويب ڊيسڪ): جماعت اسلامي امير سراج الحق چيو آهي ته ڪرپٽ حڪمرانن جو مقابلو ڪرڻ جو حوصلو وڌيڪ وڌي ويو، ڪالام ۾ شموليتي جلسي کي خطاب ڪندي سراج الحق چيو آهي ته ڪرپٽ حڪمرانن کي جيلن ۾ اماڻڻ تائين آرام سان نه ويهنداسين، هن چيو ته نواز شريف کي قوم جي مينڊيٽ جو احترام نه ڪرڻ جي سزا ملي، هن چيو ته پاناما اسڪينڊل ۾ شامل سمورن ماڻهن جو حساب ٿيڻ گهرجي، سراج الحق چيو ته عوام جماعت اسلامي جو ساٿ ڏئي، ملڪ جو ايندڙ سربراهه صادق ۽ امين هوندو، ملڪ جي هر اداري جي سربراهه لاءِ 62 ۽ 63 لاڳو ٿيڻ گهرجي.