تازيون خبرون

Monthly Archives: July 2017

پاڪستاني ڪرڪيٽر فخرالزمان ڪائونٽي ٽيم سمرسيٽ سان معاهدو ڪري ورتو

لاهور(اسپورٽس نيوز)  پاڪستان ڪرڪيٽ تيم جي اوپنر ۽ چيمپيئنز ٽرافي ۾ شاندار ڪارڪردگي جو مظاهرو ڪندڙ فخرالزمان جو انگلش ڪائونٽي سمرسيٽ سان معاهدو ٿي ويو پي سي بي ذريعن مطابق کاٻي هٿ جو اوپنر ۴ هفتن لاءِ ڪائونٽي طرفان کيڏندو جڏهن ته پي سي بي طرفان ان کي اين او سي به جاري ڪئي وئي آهي ذريعن جو چوڻ آهي ته فخرالزمان کي ڪيريبيئن پريميئر ليگ طرفان به کيڏڻ جي پيشڪش هئي پر هن انگلش ڪائونٽي سمرسيٽ طرفان کيڏڻ کي ترجيح ڏني فخر کان علاوا قوم ٽيم جي ڪيترائي رانديگر سرفراز احمد، محمد عامر، شاهد آفريدي، عماد وسيم ۽ جنيد خان به مختلف ڪائونٽين سان معاهدو ڪري چڪا آهن. ۰۳

 

ڪراچي ۽ سنڌ الڳ الڳ چئي ويڇا وڌائڻ بند ڪيا وڃن: احسان علي جوڻيجو

هر روز اردو اخبارن ۽ اردو ميڊيا چينلن تي هڪ سازش جي تحت سنڌ جي راڄڌاني واري شھر ڪراچي خلاف جيڪا پروپئگنڍا ڪئي پئي وڃي اها ڪنھن کان ڳجھي ناهي ۔ هر روز ڪجھ وڪاميل اردو رپورٽرن پاران پنھنجي خبر ۾ سنڌ ۽ ڪراچي جو استعمال ڪري ڪراچي کي سنڌ کان الڳ هجڻ جو تاثر فھلايو پيو وڃي ۽ ھڪ عام ماڻھو جي وچ ۾ بي چيني پيدا ڪئي پئي وڃي ۔اردو اخبارون هجن يا اردو چينل سڀني جي اها ڪافي وقت کان ريت هلندي پئي اچي ت ڪراچي ۽ سنڌ  جو جملو استعمال ڪيو پيو وڃي اها ڳالھ ڪنھن کان ڳجھي ناهي رهي ت اردو ڳالھائينڌڙ ڪجھ رپورٽر ڪنھن جي ايما تي اهڙيون خبرون نشر ڪري رهيا آهن جنھن ۾ سنڌ ۽ ڪراچي جو لفظ استعمال ڪيو وڃي پر انھن کان شايد اهو وسري ويو آهي ت اسين دڳن جي حفاظت ڪرڻ ڪھڙي ۽ ڪيتري حد تائين ڄاڻون ٿا اھا انھن کي ڀل هوندي يا دل کي خوش ڪرڻ واري ڳالھ ئي چئبو ت اهڙا لفظ استعمال  ڪري پنھنجي آقائن کي خوش ڪن ۔ پر ڳالھ هنن جي وس کان ڳوري آ ڇو جو جيڪڏهن هنن جي ذهن ۾ ڪراچي خلاف ڪا ب ڳالھ آهي يا ڪراچي کي جيڪي پنھنجي پي جي جاگير سمجھن ٿا اهي ياد رکن ت اهو مورڙو ميربحر سنڌي ئي هيو جنھن مانگر مڇ جي پيٽ مان پنھنجي ڀائرن جا لاش ڪڍيا هئا ۽ پلاند ڪيو هيو۔ هاڻي اهو سبق انھن قوتن انھن سازش ڪنڌڙن لاء ڪافي آهي جيڪي ڪراچي مٿان واڳون جيا  نظرون رکي ويٺا آهن ۽ انھن اردو ميڊيا جي وڪاميل انھن رپورٽرن لاء ب ۔  ت جيڪڏھن هڪ مورڙو پنھنجي ڀائرن جو حساب مانگرمڇ کان وٺي سگھي ٿو ت توهان ڪھڙي مانگر جو نسل آهيو جو وري ڪراچي تي نظرون ٿا  وجھو ۔ ڪراچي جيڪو گذريل ڏھاڪي کان سياسي مرڪزبڻيو رهيو آهي جيڪو پاڪستان کي هلائي ٿو ڪراچي جيڪو ايشيا جو وڏي ۾ وڏو ۽ سنڌ جو گادي جو هنڌ آھي ان ڪراچي جي آمدني رونڪون روشنيون ۽ منظر گھڻن جي ئي دل ۾ گھاو بڻجي چڀن ٿا يقين هي جيڪي ڪراچي ۽ سنڌ جو لفظ استعمال ڪن ٿا پڪ سان انھن ۽ انھن جي آقائن کي ب وڏي تڪليف هوندي پر هو لفظي انتشار کان سواء ٻيو ڪجھ ڪري ب نٿا سگھن ڇو جو هي ڪا اڳوڻي اگھور ننڊ م ستل قوم ناهي جو ظلمن تي خاموش ٿي ويھي رهي هنن کي هر ردعمل جي خبر  آهي ان ڪري ئي هي صرف لفظي استعمال ڪري سنڌ ۽ ڪراچي جو فرق پيدا ڪري رهيا آهن ڪراچي کي ڪنھن ڪڌي عمل ذريعي ڀلي ڇو ن پھچ کان دور رکيو ويو هجي پوء ڀلي پاڪستان پيپلز پارٽي جو ٻٽو قانون هجي ڪراچي جي يونيورسٽين ۾ سنڌي شاگردن جي داخلا تي پابندي هجي ڪاروباري حساب ۾ سنڌين ۾ کي گھٽ اهميت هجي نوڪرين ۽ پرائيويٽ ڪم ڪارن ۾ ٻٽو معيار ڇو ن هجي پر سنڌين جي للڪار ۽ سنڌين جو ردعمل هر موڙ تي ڪراچي جي انھن مسئلن تي کليل سامھون آيو آهي جيتوڻيڪ ڏٺو ويو آهي ت اردو ميڊيا ت رهي شروعاتي عادي بڙياندي ڀتي آ پر هتان جي حڪمران صوبائي جماعت ب ان ڪريل حرڪت ب اردو ميڊيا سان ڪلھو ڪلھي ۾ ملائيندي نظر آئي آهي جڏهن ب پاڪستان پيپلز پارٽي جو ڪو وزير يا مشير ڪنھن فل سوٽ يا ڪاٽن جي ڊريس ۾ ايندو ت هو پنھنجي اوقات ئي ڀلجي ويندو پوء پريس ڪانفرس دوران يا ت بار بار سنڌ ۽ ڪراچي جو لفظ استعمال ڪندو يا ت سنڌ ٻھراڙي ۽ شھري جو لفظ استعمال ڪندو جيڪو ن صرف هڪ ڪريل عمل آهي پر ان سان گڏوگڏ انھن جي ڪردار ۽ اهميت جي ب عڪاسي ڪري ٿو ت هي جيڪي سنڌ ۾ ڄمي کائي پيئي وڏا ٿيا آهن هنن جو نسل در نسل هت دفن ٿيل آهي هي جيڪي سنڌي قوم جي مليل ووٽن تي اقتدار ۾ چونڍجي آيا آهن  پوء هي  ب جي سنڌ ۽ ڪراچي جو لفظ استعمال ڪن ت اها ڳالھ ناقابل برداش آ ۔ ياد رهي ت اها پيپلز پارٽي ئي هئي جنھن سنڌ ۾ ٻٽي نظام جو بل پاس ڪري سنڌي قوم ۾ هڪ ڪاوڙ جي لھر پيدا ڪئي هئي ۽ پوري قوم سراپه احتجاج هئي ۽ پوء هنن پنجاب پرستن اهو بل واپسي وٺي ڇڏيو هيو ڇو جو هنن کي خبر هئي ت ڌوڙ ڇائي سڀ ڪجھ هتان ئي حاصل ڪرڻو آ سڀاڻي ايئن ن ٿئي جو هي ماڻھو گھٽي ۾ ووٽن محل اچڻ ب نن ڏين ۔ ڪراچي جي تعليمي ادارن ۾ سنڌي شاگردن تي پابندي ۾ پيپلز پارٽي برابر جي شريڪ رهي ڇو جو هنن ئي سياسي مفادن خاطر اهڙا ڪريل هربا استعمال ڪيا هيا ۽ پو۽ سياسي مفادن خاطر وري واپس وٺندا ۔ اردو ميڊيا ۽ پيپلز پارٽي جي ارڪانن طرفان ڪراچي کي مختلف طريقن مختلف طرفن کان هڪ الڳ ۽ سنڌ کان ڌار ڪري سمجھڻ جا ڪجھ آثار ڪجھ نشانيون هي ب آهن۔

سڀ کان  پھريون ت هي جيڪو اشو بڻايو ويو آهي ت ٰٰ” ڪراچي پوليس ۾ ڪراچي جي ڊوميسائل رکنڌڙن لاء ڀرتي ٰٰٰ” هي جيڪي جملا استعمال ڪيا پيا وڃن ت ڪراچي جو ڊوميسائل رکنڌڙن لا۽ ڪراچي پوليس ۾ ڀرتي ۽ سنڌ جو ڊوميسائل رکنڌڙن لاء سنڌ پوليس ۾ ڀرتي هي اهڙا ڪريل جملا فرق پيدا ڪري رهيا آهن هتي ب حڪومت طرفان سنڌ ۽ ڪراچي لفظ جو کلي عام استعمال ڪيو ويو آهي هنن بي ضمير وزيرن کان اهو سوال ٿا ڪيون ت ڇا ڪراچي سنڌ جو حصو ناهي ، ڇا ڪراچي توهان جي ابن ڏاڏن جي جاگير آهي جو جيڪو وڻيو اهو ڪندا ايندو ، ڀلا جيڪڏهن توهان ايترا ويڇا وڌائڻ چاهيو ٿا سنڌ ۽ ڪراچي وارو لفظ استعمال ڪرڻ چاهيو ٿا ت ڇا قومپرست جماعت جي ملين مارچ  ڪراچي ۾ اوهان کي ياد ناهي جتي لکين سنڌين گڏ ٿي قومي ٻڌي جو ثبوت ڏيئي تو جھڙن وزيرن ۽ ڪراچي کي سنڌ کان الڳ سمجھندڙن جون ننڊون حرام ڪري ڇڏيون هيون ۽ سنڌ جي گادي واري شھر ۾ پنھنجي فزا قائم ڪري ڌارين ۽ اهڙين قوتن کي للڪاري ڇڏيو هو ۔هي جيڪو نوڪري جي آڙ ۾ ڪوٽا سسٽم جي آڙ ۾ يا ٻين خطن جي آڙ ۾ بار بار اهو جملو استعمال ڪيو پيو وڃي مان ن ٿو سمجھان ت ڪو غيرتمند سنڌي اهڙين سازشن خلاف چپ ٿي ويھندو۔ ضرور هي سنڌ خلاف سازشون ڪا گھري باھ ضرور ٻارينديو  جيڪا سازش ڪنڌڙن ۽ انھن جي آقائن جي گھرن کي ضرور لڳندي ۽ ڪراچي کي الڳ ڪنڌڙ جي سوچ جا جنازه ضرور نڪرندا۔ ڪراچي کي سنڌ کان لفظي ۽ عملي الڳ لکڻ ۽ سمجھڻ وارن کي اهو ضرور سوچڻ گھرجي ت هي هوشو ۽ هيمون سنڌي جي سنڌ ڪو بيڪري جو ڪيڪ ناهي جو ٽڪرا ڪري کائي ويندو ۔ حق ڏيئي ب ڏياڻيون وٺي ب ڄاڻيون ۽ پنھنجي ديس جي دڳن جي حفاظت ڪري ب ڄاڻيون۔

ان کان علاوه هي جيڪو ويڇو وڌايو ويو آهي سنڌ ۽ ڪراچي وارو ان جو اثر ڪافي ڪراچي وارن تي ب پيو آهي ڇو جو هو آهن ئي پاڻ ۾ پٽي ڀائي ۔ جڏھن ب ڪو سنڌي سکر حيدرآباد لاڙڪاڻو يا سنڌ جي ڪھڙي ب علائقي مان سنڌ جي گادي واري شھر ڪراچي ۾ روزگار اچي ٿو ت ڪراچي ۾ داخل ٿيڻ کانپوء ان کان وک وک تي اهو ئي سوال ڪيو ويندو آهي ت آپ سنڌ سي آئي هو ن صرف عام ماڻھو پر ڪراچي جي سڀني سرڪاري توڙي پرائيويٽ ادارن ۾ جيڪڏهن ڪو سنڌي روزگار لاء وڃي ٿو ان کان پڻ انٽرويو دوران اهو سوال ڪيو وڃي ٿو ت ڪيا آپ سنڌ سي آئي هو يا ڪراچي  ۔ هي اهڙا جملا ن صرف سنڌ جي گادي واري شھر ڪراچي کي الڳ رکڻ جو تاصر ٿا پيدا ڪن ۔ ن صرف ايترو پر ڳوٺن مان ڪم ڪار لاء اينڌڙ سنڌي اهڙين ڳالھين اهڙين سازشن جي ور چڙهي احساس محرومي جو شڪار ٿين ٿا ۔ هڪ طرف اهڙيون ڪڌيون سازشون ۽ ٻي طرف ڪراچي جي اعلي ڪمپنين ۾ ب سنڌي ماڻھن کي نوڪري  ن جي برابر ملڻ ۽ انھن کي نظرانداز ڪرڻ ۽ لوڪل ڪمپنين ۾ ماڻھن کي گھٽ معاوضي تي ڪم ڏيڻ اها سڄي ڪڙي ان ڳالھ سان ملي ٿي ت ڪراچي جو رهائشي ناهي سنڌ جو آ۔ مان پاڻ جڏهن  ايس ايم ايس سيڪيورٽي گارڊ ڪمپني ۾ اپلائي ڪرڻ لاء ويم ت اتي پڻ مونکان سنڌ ۽ ڪراچي کان اچڻ جو سوال ڪيو ويو ۽ جڏھن مون لاڙڪاڻي جو رهائشي ٻڌايو ت ،  مون کي ويريفڪيشن ن ٿيڻ جو سبب ڄاڻائي واپسي ڪيو ويو ۽ ڪراچي جو ڊوميسائل ۽ شناختي ڪارڊ تي ڪراچي جي ايڊريس لکرائي اچڻ جو چيو ويو۔ هي سڀ ڳالھيون ڪراچي  سنڌ کي هڪ الڳ الڳ رکڻ واريون سازشون آهن هڪ گھمراهي فھلائي ٿي وڃي سنڌي قوم سنڌ ۾ رهنڌڙ سنڌي ڳالھائينڌڙ ۽ اردو ڳالھائينڌڙ سنڌين جي وچ ۾ سنڌ جي باقي شھرن ۽ ڪراچي شھر ۾ رھنڌڙ ماڻھن جي وچ ۾ فرق  پيو وڃي ۔

ان کان علاوه اڪثر ٻڌو ويو آهي ت حڪومتي وزيرن جڏهن ب ڪنھن خاص اسڪيم ڪنھن بجٽ پيش ڪرڻ لاء پريس ڪانفرس ڪئي آهي يا اسيمبلي جي فورم تي بيھي ڳالھايو آهي ت خود سنڌ جي نمائندا جماعت پارٽي پيپلز پارٽي اهو تاثر پيدا ڪيو آهي ت اسين هي اسڪيم پيش ڪيون ٿا جنھن جو هيترو حصو سنڌ جي ٻھراڙي  وارن علائقن ۽ باقي حصو سنڌ شھري يعني ڪراچي حيدرآباد سکر لاء آهي هي بار بار ڪڏهن ڪھڙي ڪڏهن ڪھڙي طريقي سان سنڌ جي علائقن کي ورهائڻ جي سازش ڪئي  پئي وڃي ڪڏھن لفظي بيان بازي ڏيئي ت ڪڏهن ڪاغذي لکت ۾ ۔ پر ڪالھ ب سنڌي قوم اهڙا فرق پيدا ڪنڌڙن خلاف هئي اڄ ب آهي جيڪڏهن زبردستي هڪ وري ٻٽو قانون آندو ويو ۽ کلي طرح وري سنڌ جي علائقن کي ورهائڻ جي ڪا حرڪت ڪئي وئي تت ردعمل تاريخ ۾ گھڻا ئي اٿن ت سنڌين پنھنجي سنڌ وطن جو دفاع ڪيئن ڪيو ۔

ان کان علاوه ڪافي جڳھن تي اهو پڻ ڏٺو ويو آهي ت سنڌ جي ٻين شھرن کان ڪراچي اينڌڙ سنڌين کي ڪراچي ۾ موجود تعليمي ادارن ۾ داخلا ان بنياد پئي ڏني وڃي ت هي سنڌ جو رهائشي آ تازو پڻ ڪراچي يونيورسٽي اڳلي سال جيڪي يونيورسٽي لاء سيٽون پڌريون ڪيون ان ۾ ڪراچي لاء ۽ سنڌ جو نالو استعمال ڪيو ويو هيو ۽ اهياهي سيٽون ب اٽي ۾ لوڻ برابر ئي سمجھيون وڃن پيون۔ سو هي جيڪي هيڙيون ڪريل حرڪتون اهي ناقل برداش ئي سمجھي سگھن ٿيون هي چپ ۽ صبر جو پيمانو ڪڇڻ جي ضرورت ناهي ديس اسان جو آ دڳ  ب اسان جا آهن جيڪو ايئن ان ريت ۾ پيش ايندو ت جواب ڏيڻ جي ب سگھ رکون ٿا ۔

ڪراچي جيڪو سنڌ جي گادي جو شھر آهي جيڪو سنڌين جي دل آهي جيڪو پاڪستان کي واحد پالينڌڙ شھر آهي جنھن تي وقت جي سامراجي حڪومت ڏاڍ جو ڏنڍو رکي ان کي مال غنيمت سمجھي لٽي رهيا آهن سا ڏاڍ جي ديوار ضرور ٽورينداسين ۔  ها ضرور جيڪڏهن ڪنھن پنجابي پٺاڻ يا ڪنھن ڌاريئي جي دل ۾ ڪو سنڌ لاء غير آهي جيڪو  50 سالن کان وٺي سنڌ ۾ رهي ڪري ب پاڻ کي سنڌي چورائڻ لاء تيار ناهي ۽ سنڌ سازشن ۾ ملوث آهي ضرور پوء انکي ب وقت تي جواب ضرور ڏينداسين ها جيڪڏهن اڃا ب جيڪو سنڌ جو کائي سنڌ جو کائي ۽ راڳ پيو پنھنجي ڏاڏي جو ڳائي پوء ان جا ٽپڙ ب ضرور گول ڪنداسين ها جيڪڏهن اڃا ب سنڌ ۽ ڪراچي جو نالو  استعمال ڪيو ٿو وڃي ۽ حڪومت ساٿاري وارو ڪردار ادا ڪري ٿي ت پوء ضرور ڪا نئين سوچ جنم وٺندي هونء اڌ  سنڌ جا ماڻھو هاڻي ئي سنڌ ۽ پاڪستان جو لفظ استعمال ڪن ٿا هونء 70فيصد ماڻھو پاڪستان صرف پنجاب ئي سمجھن ٿا پوء ظاهري ڳالھ آ جي سنڌ خلاف اهڙيون سازشون ڪيون ويون ت باھ ايڏي ب پھچي سگھي ٿي لھس گھڻن کي اچي سگھي ٿي ن اچايو  ن پاڻ جلايو وارو طريقو جي اپنايو ويو جيڪڏهن سنڌ ۽ پاڪستان الڳ الڳ چوڻ وارو اوهان جي نظرن ۾ غدار آهي ت اسان جي نظرن ۾ سنڌ ۽۽ ڪراچي چوڻ وارو ب سنڌ جو غدار ئي آهي پوء ان سان ب اهڙو ورتاء ڪيو ويندو جيڪو غدارن سان ڪبو آ  ۔ ڪو ماء جو پٽ ڄائو ئي ناهي جيڪو سنڌ کي حصن ۾ ورهائي يا الڳ شھر الڳ ڪراچي جي ڊمانڊ ڪري اھڙا ڪيئي آيا ڪيئي موت ماريا ويا ۔ هي جيڪي ڪراچي ۽ سنڌ جو الڳ الڳ نالو استعمال ڪري ويڇا وڌايا پيا وڃن سي هر هربا ڪنھن کان وسريا ناهن جيڪڏهن اڄ ڪنھن قوتن جي سپورٽ حاصل ڪري ڪو اهڙي ڳالھ ڪري ٿو سڀاڻي ردعمل ب نڪري سگهي ٿو پوء سڀاڻي سنڌ جا ماڻھو  ب سنڌ ۽ پاڪستان جو نالو استعمال ڪندا ۔ ان کان بھتر آهي ت هي ڪراچي ۽ سنڌ وارو جملو استعمال ڪرڻ بند ڪيو ۽ سنڌ ٻھراڙي ۽ سنڌ شھري جو فرق ب ختم ڪيو ۔ ڇو جو سنڌ ڪنھن پير مير وزير يا مشير جي جاگيردار ناهي جو هو پنھنجو حاڪميت ھلائيندو سنڌ ڪالھ ب سنڌين جي هئي اڄ ب سنڌي ان جا وارث آهن سنڌي جي جاگرافيائي حدود ڪشمور کان ڪراچي تائين چپي چپي جا سنڌي  وارث آهن ۔

 

نيب جو خاتمو ۽ سنڌ احتساب ايڪٽ جو قيام…

سنڌ حڪومت قومي احتساب آرڊيننس 1999ع جي منسوخي بعد سنڌ اسيمبلي سنڌ احتساب بل جي اڪثريت سان منظوري ڏئي ڇڏي، هي نئون قانون ”سنڌ احتساب ايڪٽ“ چورائيندو، گذريل اربع ڏينهن سنڌ اسيمبلي جو اجلاس ڊپٽي اسپيڪر شهلا رضا جي صدارت هيٺ ٿيو جنهن ۾ قومي احتسابي آرڊيننس 1999ع جي منسوخي بعد سنڌ احتساب ايڪٽ بل جي اڪثريت سان منظوري ڏني وئي. اهڙي منظوري دوران مخالف ڌر ايوان جو بائيڪاٽ ڪيو ۽ احتجاج پڻ رڪارڊ ڪرايو. سنڌ احتساب ايڪٽ بل جي منظوري تحت صوبي ۾ احتساب ايجنسي قائم ڪئي ويندي ۽ صوبي جي پنهنجي احتساب ڪميشن به جوڙي ويندي، صوبي ۾ احتساب عدالتون به قائم ڪيون وينديون ان ايڪٽ جي منظوري بعد قومي احتساب بيورو (نيب) يا ڪو ٻيو ادارو سنڌ ۾ ٿيندڙ مالياتي ڪرپشن ۽ ڏوهن خلاف ڪارروائي نه ڪري سگهندو، اهڙي طرح صوبي ۾ قومي احتساب آرڊننس 1999ع غير موثر ٿي ويندو، سنڌ انڪوائريز اينڊ اينٽي ڪرپشن اسٽبلشمينٽ کي ختم ڪيو ويندو ۽ ان حوالي سان سنڌ انڪوائريز اينڊ اينٽي ڪرپشن ايڪٽ 1991ع به منسوخ ڪيو ويندو. اينٽي ڪرپشن اسٽبلشمينٽ جا سڀ ڪيس اسٽاف ۽ اثاثا سنڌ احتساب ايجنسي کي منتقل ٿي ويندا، اسيمبلي پاران پاس ڪيل احتساب ايڪٽ تحت احتساب ايجنسي ڪرپشن ۽ بدعنواني خلاف شڪايتون ۽ الزام وصول ڪندي ۽ ان جي تحقيقات به ڪندي. چيئرمين جي نامزدگي سنڌ اسيمبلي جي 6 رڪني پارلياماني ڪميٽي ڪندي، اهڙي ڪميٽي ۾ ٽن ميمبرن جو تعلق حڪومتي ڌر سان ۽ ٽن جو مخالف ڌر سان هوندو، ٻنهي طرفن کان قائد ايوان ۽ قائد حزب اختلاف پارلياماني ڪميٽي جا نالا ڏيندا جڏهن ته اسپيڪر سنڌ اسيمبلي ڪميٽي جو سربراهه هوندو. پارلياماني ڪميٽي چيئرمين جي چونڊ يڪراءِ يا اڪثريت سان ڪري سگهندي جيڪڏهن ٻن نالن تي هڪ جيترا ووٽ هوندا ته اسپيڪر جو ووٽ حتمي هوندو. چيئرمين جي مقرري ٽن سالن جي مدت لاءِ ڪئي ويندي. پارلياماني ڪميٽي وڌيڪ ٽن سالن لاءِ چيئرمين جي مدي ۾ واڌ ڪري سگهي ٿي، احتساب ايجنسي جي ڊائريڪٽر جنرل جي مقرري لاءِ چيئرمين حڪومت کي 3 نالا تجويز ڪندو ان مان ڪنهن به هڪ کي سنڌ حڪومت ڊائريڪٽر جنرل مقرر ڪري سگهندي. احتساب ايجنسي ۾ ڊائريڪٽر انويسٽيگيشن، ڊائريڪٽر انٽرنل مانيٽرنگ ۽ ڊائريڪٽر انٽرنل ڪنٽرول به هوندا. ڊپٽي ڊائريڪٽرز ريجنل هيڊز طور مقرر ٿيندا جڏهن ته اسسٽنٽ ڊائريڪٽرز ۽ انسپيڪٽرز به مقرر ڪيا ويندا. احتساب ايجنسي جي پراسيڪيوٽر جنرل جي مقرري لاءِ به چيئرمين طرفان 3 نالا سنڌ حڪومت کي پيش ڪيا ويندا انهن مان حڪومت ڪنهن هڪ جي مقرري ڪندي. وڏو وزير ان مان ڪنهن هڪ کي مقرر ڪندو. سنڌ حڪومت ضرورت تحت صوبي ۾ احتساب عدالتون قائم ڪري سگهندي جن جو سربراهه ڊسٽرڪٽ اينڊ سيشن جج هوندو يا اهڙو ماڻهو هوندو جيڪو ڊسٽرڪٽ اينڊ سيشن جج بڻجڻ جو اهل هجي. احتساب جج جي ملازمت جو مدو 3 سال هوندو. سنڌ انڪوائريز اينڊ اينٽي ڪرپشن ايڪٽ 1991ع تحت قائم ڪيل عدالتن کي احتساب عدالتون تصور ڪيو ويندو، سنڌ احتساب ايڪٽ تحت ٿيندڙ ڪارروائي تي قانون هڪ شهادت آرڊر 1984ع جون شقون به لاڳو هونديون. صوبي جي مالياتي معاملن بابت ڏوهن ۽ ڪرپشن تي ڪو ٻيو ادارو يا قومي احتساب بيورو ڪارروائي نه ڪري سگهندو. احتساب عدالتن کي اهو اختيار هوندو ته بدعنواني ذريعي حاصل ڪيل رقم جيڪڏهن ڏوهاري واپس ڪري ٿو ته ان جي سزا ۾ ڪمي ڪئي وڃي.

 

نيب آرڊيننس ختم، سنڌ اسيمبلي احتساب بل جي منظوري ڏئي ڇڏي، مخالف ڌر جو بائيڪاٽ

ڪراچي (اين اين آءِ/م.ڊ) سنڌ قومي احتساب آرڊيننس 1999 کي رد ڪرڻ کانپوءِ احتساب جو نئون قانون بڻايو آهي، اربع تي سنڌ اسيمبلي سنڌ احتساب بل جي اڪثريت راءِ سان منظوري ڏئي ڇڏي، اهو نئون قانون سنڌ احتساب ايڪٽ سڏيو ويندو، اپوزيشن ميمبرن بل جي مخالفت ڪئي، بل جي منظوري دوران اجلاس جو بائيڪاٽ ڪيو، ان بل جي منظوري کانپوءِ صوبي احتسابي ايجنسي قائم ڪئي ويندي ۽ صوبي جو پنهنجو احتساب ڪميشن بڻايو ويندو، صوبي ۾ احتساب عدالتون به قائم ڪيون وينديون، ان ايڪٽ جي منظوري کانپوءِ نيب يا ڪو ٻيو ادارو مالياتي ڪرپشن يا ڏوهن خلاف ڪارروائي نه ڪري سگهندو، سنڌ انڪوائريز اينڊ اينٽي ڪرپشن اسٽبلشمينٽ کي ختم ڪيو ويندو ۽ ان حوالي سان سنڌ انڪوائريز اينڊ اينٽي ڪرپشن ايڪٽ 1991 کي به رد ڪيو ويندو، اينٽي ڪرپشن اسٽبلشمينٽ اهي سمورا ڪيس، اسٽاف، اثاثا، سنڌ احتساب ايجنسي کي منتقل ٿي ويندا، احتساب ايجنسي ڪرپشن جي قدمن خلاف شڪايتون ۽ الزام وصول ڪندي ۽ ان جي جاچ ڪندي، سنڌ احتساب ڪميشن 5 ميمبرن تي ٻڌل هوندو، جنهن ۾ چيئرمين، ايڊووڪيٽ جنرل سنڌ، احتساب ايجنسي پراسيڪيوٽر جنرل، ڊي جي ۽ ڊائريڪٽر انويسٽيگيشن شامل هوندا، احتساب ڪميشن ڪرپشن جي ڪيسن تي ٿيندڙ اڳڀرائي جو جائزو وٺندي، چيئرمين جي غير حاضري ۾ ڊي جي ڪميشن جو چيئرمين طور ڪم ڪندو. احتساب ڪميشن جي چيئرمين لاءِ پاڪستان جو شهري ۽ سنڌ جو ڊوميسائيل رکڻ ضروري آهي. ۽ ان حوالي سان احتساب ايجنسي کي سفارشون پيش ڪندي، احتساب ڪميشن ڪرپشن جي نشاندهي ڪندي ۽ ان جي خاتمي لاءِ سنڌ حڪومت کي سفارشون پيش ڪندي، چيئرمين جي غير حاضري ۾ ڊي جي ڪميشن جو چيئرمين رهندو، ڪميشن جا فيصلا اڪثريت جي بنياد تي ٿيندا، جڏهن ته احتساب ايجنسي جا انتظامي اختيار ڊي جي وٽ هوندا، احتساب ڪميشن جي چيئرمين لاءِ پاڪستان جو شهري ۽ سنڌ جو ڊوميسائيل رکندڙ ضروري آهي، سٺي شهريت ۽ ديانتدار ماڻهو کي چيئرمين مقرر ڪيو ويندو، جيڪو هاءِ ڪورٽ جو جج رهيو هجي يا هاءِ ڪورٽ جو جج بڻجندڙ جي صلاحيت رکندو هجي يا گريڊ 21 جو سرڪاري ملازم رهيو هجي، چيئرمين جي نامزدگي سنڌ اسيمبلي جي 6 رڪني پارلياماني ڪميٽي ڪندي، جنهن ۾ 3 ميمبر حڪومت مان ۽ 3 ميمبر اپوزيشن مان هوندا، ٻنهي طرفن کان قائد ايوان ۽ اپوزيشن پارلياماني ڪميٽي لاءِ نالا ڏيندا، اسپيڪر ڪميٽي جو سربراهه هوندو، پارلياماني ڪميٽي چيئرمين جي چونڊ اتفاق راءِ سان اڪثريت راءِ سان ڪندي، جيڪڏهن ٻن نالن تي برابر ووٽ هوندا ته اسپيڪر جو ووٽ فيصلي وارو هوندو، چيئرمين جي مقرري 3 سالن تائين هوندي. احتساب ايجنسي جي ڊي جي مقرري لاءِ چيئرمين حڪومت کي 3 نالا تجويز ڪندو، انهن مان ڪنهن هڪ کي سنڌ حڪومت ڊي جي مقرر ڪندي، احتساب ايجنسي ۾ ڊائريڪٽر انويسٽيگيشن، ڊائريڪٽر انٽرنل مانيٽرنگ ۽ ڊائريڪٽر انٽرنل ڪنٽرول به هوندا، ڊپٽي ڊائريڪٽر رينجنل هيڊ هوندا. احتساب ايجنسي جا ايڊيشنل پراسيڪيورٽر جنرل، ڊپٽي پراسيڪيوٽر جنرل، اسسٽنٽ پراسيڪيوٽر ۽ اسپيشل پراسيڪيوٽرن لاءِ پراسيڪيوٽر جنرل 3 نالا موڪليندو، وڏو وزير انهن مان ڪنهن هڪ کي مقرر ڪندو، سنڌ حڪومت ضرورت موجب صوبي ۾ احتساب عدالتون قائم ڪندي جن جا سربراهه ڊسٽرڪٽ اينڊ سيشن جج هوندا. انهن ججن جي نوڪري جو مدو 3 سال هوندو، سنڌ انڪوائري اينڊ اينٽي ڪرپشن ايڪٽ 1991 تحت قائم ڪيل عدالتون احتساب عدالتون تصور ڪيون وينديون. سنڌ احتساب ايڪٽ تحت ڪيل ڪاررواين تي قانون هڪ شهادت آرڊير 1984 جي شقن کي به لاڳو ڪيو ويندو، صوبي جي مالياتي معاملن بابت ٿيندڙ ڏوهه يا ڪرپشن تي ڪو به ٻيو ادارو جنهن ۾شامل نيب ڪارروائي نه ڪري سگهندو، احتساب عدالتن کي اهو اختيار هوندو ته اهي ڪرپشن مان حاصل ڪيل رقم جيڪڏهن ڏوهاري واپس ڪئي آهي ته ان جي سزا ۾ گهٽتائي ڪئي ويندي. بل جي منظوري کانپوءِ سنڌ اسيمبلي جو اجلاس خميس تائين ملتوي ڪيو ويو. سنڌ جي وڏي وزير سيد مراد علي شاهه چيو آهي ته سنڌ احتساب بل آئين جي مطابق آهي ۽ قومي احتساب آرڊيننس غلط هو، انڪري اسان ان کي منسوخ ڪيو آهي ۽ صوبي ۾ ڪرپشن جي خاتمي لاءِ احتساب جو هڪ موئثر قانون بڻايو آهي. هن چيو ته قومي احتساب بيورو (نيب) وارا نعوذ بالله خدا بڻيل آهن، انهن ڪرپشن جي وڏن اسڪينڊلز ۾ ڪلين چٽ ڏني. سنڌ احتساب ايڪٽ جنهن کي عدالت ۾ چئليج ڪرڻو آهي ته اهو پنهنجو شوق پورو ڪري. هن چيو ته مان وفاق تي سڀ کان وڌيڪ يقين رکندو آهيان. سنڌ جي وڏي وزير سيد مراد علي شاهه اهي ڳالهيون اڄ اربع ڏينهن سنڌ احتساب بل 2017ع تي بحث دوران خطاب ڪندي ڪيون. وڏي وزير سيد مراد علي شاهه بل تي مخالف ڌر جي سمورن اعتراضن کي رد ڪندي چيو ته آئين جي آرٽيڪل 142 بي تحت صوبا ڪرپشن جي خاتمي لاءِ قانونسازي ڪري سگهن ٿا، سنڌ احتساب بل تي ڪو اعتراض نه ٿو ٿي سگهي. هن چيو ته صوبا انهن مامرن تي قانونسازي نه ٿا ڪري سگهجن، جيڪي وفاقي ليجيسليٽو لسٽ ۾ شامل آهن ۽ ڪرپش جو مامرو ان لسٽ ۾ شامل نه آهي. وڏي وزير چيو ته آئين جي آرٽيڪل 143 تحت صوبن کي قانونسازيءَ کان نه ٿو روڪي سگهجي. هن چيو ته اسان فوجداري قانون تي قانونسازي نه پيا ڪريون، جڏهن ته فوجداري قانون تي وفاق ۽ صوبا ٻئي قانونسازي ڪري سگهن ٿا، پر آئين تحت وفاقي قانون مقدم هوندو. هن چيو ته اهو چوڻ غلط آهي ته وفاقي حڪومت ڪرپشن جي خاتمي لاءِ اقوام متحده جي ڪنوينشن تي صحيح ڪئي آهي انڪري صوبا ان تي قانونسازي نه ٿا ڪري سگهن. وفاقي حڪومت اقوام متحده جي ڪيترن ئي ڪنوينشنز تي صحيحون ڪيون آهن، پر انهن معاملن بابت صوبن آئين تحت قانونسازي ڪئي آهي، جهڙي طرح وفاقي حڪومت ليبر بابت اقوام متحده جي ڪنوينشن تي صحيح ڪيل آهي پر ان حوالي سان صوبن قانونسازي ڪئي آهي. سنڌ جي وڏي وزير چيو ته سنڌ احتساب ڪميشن جي چيئرمين جي مقرري سنڌ حڪومت جو ڪم نه آهي. ان لاءِ هڪ ڪميٽي جوڙي وئي آهي، جنهن ۾ سنڌ اسيمبلي ميمبر تي ٻڌل ٽي سرڪاري ميمبر ۽ ٽي مخالف ڌر جا ميمبر شامل هوندا جڏهن ته سنڌ اسيمبليءَ جو اسپيڪر ستون ميمبر هوندو. سنڌ اسيمبليءَ جي ميمبرن جي نيتن تي شڪ نه ڪرڻ گهرجي. سيد مراد علي شاهه چيو ته مان وفاق تي سڀ کان وڌيڪ يقين رکندو آهيان. هن چيو ته سنڌ حڪوتم وفاق کي پابندي لاڳو ٿيل تنظيم ۽ دهشتگرديءَ جي تربيت ڏيندڙ مدرسن جا نالا فراهم ڪيا ته وفاقي حڪومت ان تي جيڪو ردعمل ظاهر ڪيو اهو تمام افسوسناڪ آهي، وفاقي حڪومت اسان کي چيو ته اوهان ڪير آهيو دهشتگردن جي نشاندهي ڪندڙ. هن چيو ته مخالف ڌر وارا مخالفت براءِ مخالفت تحت جيڪو زبان تي ايندو آهي چئي ڏيندا آهن، جڏهن ڪا ڳالهه نه بڻجندي آهي ته وفاق ۽ ٻيون ڳالهيون شروع ڪيون وينديون آهن. هن چيو ته اهو ئي احتساب بيورو (نيب) آهي، جنهن آر او پلانٽس کي ڪيلن چٽ ڏئي ڇڏي آهي. ٽريڪٽرز جي خريداريءَ ۾ ڪرپشن جي وڏي اسڪينڊل ۾ به نيب ڪلين چٽ ڏني آهي. هن چيو ته جن ٽيڪٽرز تي سنڌ حڪومت سبسڊي ڏني، اهي ئي ٽريڪٽرز پنجاب ۾ به رجسٽرڊ هئا. وڏي وزير چيو ته نيب وارا ڏهه ارب وصول ڪري اڍائي ارب رپيا پنهنجي کيسي ۾ وجهندا آهن. هن چيو ته نعوذ بالله نيب وارا خدا بڻيل آهن، نيب ڪنهن معاملي ۾ هٿ وجهي ته پوءِ ڪوبه کاتو ان تي جاچ پڙتال نٿو ڪري سگهي. سيد مراد علي شاهه چيو ته مخالف ڌر وارا سنڌ احتساب ايڪٽ کي عدالت ۾ چئليج ڪرڻ چاهن ٿا ته اهي پنهنجو شوق پورو ڪن. هن چيو ته خيبر پختون خواهه ۾ به احتساب ايڪٽ بڻايو ويو آهي ۽ پشاور هاءِ ڪورٽ پنهنجي فيصلي ۾ ان احتساب ايڪٽ جي توسيع ڪري ڇڏي آهي

 

وفاقي حڪومت جو ڪراچي دهشتگردي معاملو سائوٿ آفريڪا ۽ برطانيا اڳيان اٿارڻ جو اعلان

اسلام آباد (اين اين آءِ) وفاقي گهرو وزير چوڌري نثار علي خان چيو آهي ته سائوٿ آفريڪا ۽ برطانيا جي ڌرتي جو ڪراچي ۾ قتل ۽ دهشتگردي لاءِ استعمال ڪرڻ ڳڻتي جوڳو آهي، ٻنهي ملڪن جي حڪومتن جي چٽن ثبوت سان اهو معاملو اٿاريو ويندو، اربع تي گهرو وزير چوڌري نثار علي سان ڊي جي رينجرز سنڌ ميجر جنرل محمد سعيد ٽيليفون تي رابطو ڪيو ۽ ان کي رينجرز پاران گذريل ڪجهه ڏينهن ۾ سائوٿ آفريڪا ۽ برطانيا ۾ موجود نيٽ ورڪ سان تعلق رکندڙ جوابدارن جي گرفتارين جي حوالي سان بريفنگ ڏني، گهرو وزير ڪراچي ۾ امن جي قيام ۽ قانون جي خلاف ورزي ڪندڙ ماڻهن جي حوالي سان رينجرز سنڌ جي ڪاڪردگي جي تعريف ڪندي ڊي جي رينجز کي ان سلسلي ۾ ريفرنس گهرو وزارت کي موڪلڻ جي هدايت ڪئي جنهن جي روشني ۾ معاملو سائوٿ آفريڪا ۽ برطانيا جي اڳيان اٿاريو ويندو. هن چيو ته ٻنهي ملڪن جي حڪومتن سان چٽن ثبوت سان اهو معاملو اٿاريو ويندو.

 

پوليس جي ڏوهن ۾ ملوث هئڻ ڪري امن جو اهو حال آهي، ننڍن آفيسرن خلاف ڪارروائي سان ڪم نه هلندو: سپريم ڪورٽ

ڪراچي (اين اين آءِ) سي ٽي ڊي جي رپورٽ ۾ سنڌ پوليس جي 12 هزارن کان وڌيڪ اهلڪارن جو رڪارڊ شڪي هجڻ جو انڪشاف ڪيو آهي. سپريم ڪورٽ ڪراچي رجسٽريءَ ۾ اربع تي ڏوهاري سرگريمن ۾ ملوث پوليس آفيسر ۽ اهلڪارن خلاف ڪاروائي خلاف ڪيس جي ٻڌڻي ٿي ، جنهن  سي ٽي ڊي جي  ايڊيشنل آئي جي ثناءَ الله عباسي جي سربارهي ۾ ٿي. ٿيندڙ جاچ جي انڪوائري رپورٽ پيش ڪئي وئي. سي ٽي ڊي رپورٽ ۾ ٻڌايو ويو ته سنڌ پوليس جا 12 هزارن کان وڌيڪ پوليس اهلڪارن جو رڪارڊ شڪي آهي. رپورٽ ۾ ٻڌايو ويو ته هڪ لک 9 هزار اهلڪارن جي رڪارڊ جو جائزو ورتو ويو، شاهديون ملڻ تي ساڍن ٽن سون اهلڪارن جي خلاف سزا جي سفارش ڪئي وئي. ڏوهن ۾ ملوث 17 اهلڪار هٽايا ويا، جڏهن 122 جي جبري رٽائرمينٽ  ڏني وئي آهي. ٻڌڻي دوران جسٽس سجاد علي شاهه ايڊووڪيٽ جنرل سنڌ کان پڇيو ته اهو ٻڌايو ته اعليٰ آفيسرن جي خلاف ڪاروئي ڇو نه ٿي. اهو نه هلندو ته صرف ننڍن آفيسرن جي خلاف ڪاروائي ڪئي وڃي. جسٽس سجاد علي چيو ته ڇا اسانکي خبر نه آهي ته سنڌ پوليس ۾ ڪهڙو ڪم ٿي رهيو آهي عدالت ٻڌڻي دوران سنڌ جي  چيف سيڪريٽري کي به عدالت ۾ فوري طور تي پيش ٿيڻ جو حڪم ڏنو پر هو پيش نه ٿيو، سرڪاري وڪيل چيف سيڪريٽري جي ڌيئرن جي شادي آهي. عدالت ٻڌڻي جمعي تائين ملتوي ڪري ڇڏي.

 

سنڌ حڪومت پيٽرول بحران جو ذميوار وفاق کي قرار ڏئي ڇڏيو

ڪراچي(ويب ڊيسڪ)  پيٽرول بحران جي ذميواري وفاقي حڪومت جي آهي، آئل ٽينڪرز ايسوسيئيشن عوام خاطر هڙتال ختم ڪري، روڊن تي ايمبولنسون به بيهي ويون آهن، عوام کي پريشاني ٿي رهي آهي. سنڌ اسيمبلي ٻاهران ميڊيا سان ڳالهائيندي ناصر شاهه چيو ته پاڪستان هن وقت دهشتگردي کي منهن ڏئي رهيو آهي، وفاقي حڪومت جي نظر رڳو پاناما ڪيس تي آهي. هن چيو ته پيٽرول جي کوٽ جي ڪري عوام پريشان ۽ ذهني ڪوفت جو شڪار بڻجي رهيو آهي آئل ٽينڪرز ايسوسيئيشن کي عوام خاطر هڙتال ختم ڪرڻ گهرجي. هن وڌيڪ چيو ته نواز شريف ميثاق جمهوريت جي ڀڃڪڙي ڪري رهيو آهي.

 

عمران خان سياسي ڳجهه آهي، ڪنهن ٻئي جي شڪار سان اقتدار جي بک نه مرندي: خواجا آصف

اسلام آباد (ويب ڊيسڪ): دفاع واري وفاقي وزير خواجا آصف پاڪستان تحريڪ انصاف جي سربراهه کي تنقيد جو نشانو بڻائيندي چيو آهي ته عمران خان هڪ سياسي ڳجهه وانگر آهي، 2013 ۾ هارائجڻ بعد ان انتظار ۾ آهي ته ڪوئي ٻيو شڪار ڪري ۽ اقتدار جي بک مري پر ايئن ڪڏهن نه ٿيندو، سوشل ميڊيا ويب سائيٽ ٽوئيٽر تي ٽوئيٽ ڪندي وفاقي وزير خواجا آصف پاڪستان تحريڪ انصاف جي سربراهه عمران خان کي سياسي ڳجهه قرار ڏئي ڇڏيو، سندس چوڻ هو ته عمران خان 2013 ۾ هارائجڻ باوجود ان انتظار ۾ آهي ته ڪو ٻيو شڪار ڪري پر ڪنهن ٻئي جي شڪار سان عمران خان جي اقتدار جي بک نه مرندي.

 

شهباز شريف جي چوڌري نثار سان ملاقات، پارٽي اختلاف ميڊيا تي نه آڻڻ جي درخواست

اسلام آباد (ويب ڊيسڪ): پنجاب جي وڏي وزير شهباز شريف ۽ وفاقي گهرو وزير چوڌري نثار وچ ۾ ملاقات ختم ٿي وئي، جنهن بعد شهباز شريف وفاقي وزيرن اسحاق ڊار ۽ خواجا سعد رفيق سان گڏ واپس روانو ٿي ويو، ميڊيا رپورٽن مطابق وڏو وزير اڄ خصوصي جهاز ذريعي لاهور کان اسلام آباد پهتو، جتي هن وزيراعظم هائوس ۾ مشاورت ڪئي، جنهن بعد اسحاق ڊار ۽ خواجا سعد رفيق سان گڏ پنجاب هائوس پهتو، جتي سندس ملاقات چوڌري نثار سان ٿي، ليگي اڳواڻن وچ ۾ ٻه ڪلاڪ ڊگهي ملاقات جاري رهي، جنهن ۾ شهباز شريف چوڌري نثار کي پرچائڻ جي ڀرپور ڪوشش ڪئي، ان موقعي تي شهباز شريف چوڌري نثار کي درخواست ڪئي ته اهو پارٽي معاملن جي حوالي سان ميڊيا تي اچي ڳالهه ٻولهه نه ڪري ۽ ان معاملي کي خوش اصلوبي سان حل ٿيڻ گهرجي،  ملاقات ۾ شهباز شريف چوڌري کي پارٽي اختلاف ميڊيا تي نه آڻڻ جي درخواست ڪندي چيو ته پهرين به معاملا گڏ ويهي حل ڪيا آهن، توهان پارٽي جا اهم ميمبر آهيو ۽ توهان جون پارٽي جي لاءِ ناقابل فراموش خدمتون آهن. هن چيو ته گهرو وزير لاهور ڌماڪي کان پوءِ سياسي معاملن کي هڪ پاسي رکي دانش جو مظاهرو ڪيو. ان موقعي تي چوڌري نثار چيو ته منهنجو موقف اصول پسنداڻو آهي ۽ خدشا به اصولن تي ٻڌل آهن، وفاقي گهرو وزير وڌيڪ چيو ته پارٽي تي ڪڏهن ذات کي ترجيح ناهي ڏني، شهباز شريف، اسحاق ڊار ۽ خواجا سعد رفيق ڊگهي ملاقات بعد پنجاب هائوس کان واپس وزيراعظم هائوس هليا ويا.

 

ظفر حجازي سلطاني گواهه بڻجي سگھي ٿو، ان جي حياتيءَ کي خطرو آهي، تحفظ ڏيڻ گھرجي : سينيٽر اعتزاز احسن

اسلام آباد (اين اين آءِ) پ پ پ  جي سيئنر اڳواڻ سينيٽر اعتزاز احسن چيو ته ظفر حجازي سلطاني گواهه بڻجي سگھي ٿو، انجي زندگي کي خطرو آهي کيس تحفظ  ڏيڻ گھرجي شريف ڀائرن جي عادت آهي ته غلامن  وانگر ان جي خدمت ڪئي وڃي ۽ هر ڪوئي انجي ڊيوٽيءَ ۾ رهي. ظفر حجازي کي ٻين وانگر قرباني جو ٻڪرو بڻايو ويو آهي، وزيرعظم يا وزير وٽ اقامو هجڻ ڪريل حرڪٽ آهي،  نجي ٽي وي سان ڳالهائيندي سينيٽر اعتزاز احسن چيو ته رڪارڊ ٽيمپرنگ ڪيس ۾ ظفر حجازي سان نوازشريف سان نامزد هجڻ گھرجي هان چو ته ظفر حجازي جيڪو ڪجھه ڪيو انجو فائدو نوازشريف کي پهتو. شريف خاندان اهم ادارن ۾ پنهنجو وفادارن کي ئي مقرر ڪندو آهي ماڊل ٽائون پوليس آفيسرن کي قربانيءَ جو ٻڪرو بڻايو ويو آهي. ظهير السلام خلاف مشاهد الله کي ٻڪرو بڻايو ويو ڊان ليڪس ۾ به قربانيءَ جا ٻڪرا بڻايا ويا. شريف ڀائرن جو خاص ماڻهون نيشنل بينڪ جو صدر آهي. وزيراعظم جو پرڏيهه ۾ نوڪري ڪرڻ شرم جھڙي ڳالهه آهي.