تازيون خبرون

Daily Archives: July 28, 2017

33 سال پارٽي کي ڏنا، پانامه جو فيصلو ايندي ئي سياست کان ڌار ٿي ويندس: چوڌري نثار

اسلام آباد (ويب ڊيسڪ): وفاقي گهرو وزير چوڌري نثار چيو آهي ته اهو فيصلو ڪيو هو ته سپريم ڪورٽ جو فيصلو ايندي ئي ته وزارت تان به استعيفيٰ ڏيندس، ايم اين اي شپ تان به استعيفيٰ ڏيندس، پريس ڪانفرنس ڪندي چوڌري نثار چيو ته اڄ جي پريس ڪانفرنس جو ڪنهن کي اطلاع نه هو، هيءَ پريس ڪانفرنس منهنجي زندگيءَ جي مشڪل ترين پريس ڪانفرنس آهي، هن چيو ته مون ڪابينا جي ميٽنگ ۾ به چيو ته مان ڪجهه سٺو محسوس نه ڪري رهيو آهيان، مان هي ڳالهيون ڪندي پاڻ کي ننڍو محسوس ڪري رهيو آهيان، ڪابينا ۾ ڪيل ڳالهيون ڪجهه درست رپورٽ ٿيون، ڪجهه غلط رپورٽ ٿيون، انهن ڳالهين جي تصديق ۽ ترديد ڪرڻ لاءِ مون پريس ڪانفرنس جو اعلان ڪيو، هن چيو ته پارٽي ليڊر شپ تي ڏکيو وقت آهي، مان ناراض ڇو ٿيندس، مان مشڪل وقت ۾ ڇو منهن موڙيندس، چوڌري نثار چيو ته هر اعليٰ سطحي ميٽنگ ۾ 30 سالن کان شامل هوندو آهيان، اوچتو ڪجهه ميٽنگن ۾ مون کي نه گهرايو ويو، جنهن ٽرين ۾ سياست جي شروعات ڪئي، ان ٽرين ۾ ئي سوار آهيان، هر اسٽاپ تي بيهندڙ ٽرين ۾ سواري ناهيان ڪندو، هن چيو ته سينئر ترين مشاورت ۾ ڏيڍ مهيني کان مون کي ناهي گهرايو ويو ۽ بنا گهرائڻ جي مان ڪنهن ميٽنگ ۾ ناهيان ويندو، مان اندر کان مشڪلن ۽ سازشن جو شڪار رهيو آهيان، جنهن شخص 33 سال پنهنجي زندگيءَ جو سڀ ڪجهه پارٽي کي ڏنو هجي، اهو مشڪل وقت ۾ ڪيئن پارٽيءَ کي ڇڏي سگهي ٿو، هن چيو ته منهنجي سياسي مخالفن به چيو ته چوڌري نثار پارٽي نه ڇڏيندو، اهو منهنجي لاءِ اعزاز آهي، چوڌري نثار چيو ته مون سڄي عمر نواز شريف سامهون سچ ڳالهائڻ جي همت ڪئي آهي، ڀل اهو سچ ڪيڏو به سخت ڇو نه هجي، آچر، سومر تي جيڪا پريس ڪانفرنس ڪرڻي هئي ان ۾ وڏو اعلان ڪرڻ جو فيصلو ڪري ورتو هيو، مان واحد ماڻهو آهيان جيڪو 85 کان پارٽيءَ جي مرڪز قيادت ۾ موجود آهيان، اڪثر پارٽي ڇڏي ويا ۽ ٻيا دنيا ڇڏي ويا، هن چيو ته منافقت ناهيان ڪندو، ڪوشش ڪندو آهيان ته ڪوڙ نه ڳالهايان، مان واحد ماڻهو آهيان جيڪو نواز شريف کي چوندو رهيو آهيان اوهان هڪ انسان آهيو، هڪ دفعو ميان صاحب کي چيو ته مان اوهان جي برائي ٻڌائڻ وارو ماڻهو آهيان، مون ڪڏهن سولين اٿارٽي تي سمجهوتو ناهي ڪيو، 1991 ۾ آرمي چيف گلف وار تي ڪمينٽ ڪيو، مون سخت جواب ڏنو، مون جيڪو سخت جواب ڏنو، ميان نواز شريف جي ڪري ڏنو، جنرل بيگ صاحب سان ٻه ٽي سال ناراضگي رهي، هن چيو ته هميشه ڪوشش ڪئي آهي ته ملٽري ۽ سول مائينڊ سيٽ ۾ هم آهنگي هجي، هر هنڌ منهنجي خلاف پروپيگنڊا ٿي، مان پنهنجي ضمير جي ڳالهه موجب هلندو آهيان، هن چيو ته اهو فيصلو ڪيو هو ته سپريم ڪورٽ جو فيصلو ايندي ئي ته وزارت تان به استعيفيٰ ڏيندس، ايم اين اي شپ تان به استعيفيٰ ڏيندس، چوڌري نثار چيو ته مون عزت لاءِ سياست ڪئي آهي، سازش منهنجي خمير ۾ ناهي.

 

وزير اعظم 25 لک ۽ عمران خان هڪ لک رپيا ٽيڪس ڏنو، ٽئس ڊائريڪٽري جاري

اسلام آباد (اين اين آءِ) ايف بي آر جي پارليامينٽ ميمبرن جي  جي 2016 جي ٽيڪس گوشوارن جي ڊائري جاري ڪري ڇڏي. جنهن موجب وزيراعظم 206 ۾ 25 لک 24 هزار 213 روپيا ٽيڪس ادا ڪيو، جڏهن پي ٽي آئي جي چيرمين عمران خان هڪ لک 69 هزار 609 روپيا ادا ڪيو، شهباز شريف 95 لک 31 هزار سٺ روپيا، سنڌ جو وڏو وزير 51 لک 65 هزار روپيا ٽِيڪس ادا ڪيو جن مان 50 لک 55 هزار بطور ايسو سي ايشن پرسنز جي طور تي ٽيڪس شامل آهي. ڪي پي ڪي جي وڏي وزير 8 لک تيرهن هزار 869 روپيا ٽِيڪس ادا ڪيو، بلوچستان جي وڏي وزير ثناءَ الله زهري 14 لک 11 هزار روپيا ٽِيڪس ادا ڪيو، اسحاق ڊآر46 لک 17 هزار روپيا ٽِيڪس ادا ڪيو، گھرو وزير نثآر علي خان 11 لک 92 هزار 68 روپيا ٽِيڪس ادا ڪيو، خواجا سعد رفيق 39 لک 83 هزار 491 روپيا ٽِيڪس ادا ڪيو، خواجا آصف 8 لک 31 هزار 986 روپيا ٽِيڪس ادا ڪيو، سردار اياز صادق هڪ لک 4853 روپيا ٽِيڪس ادا ڪيو شاهد خاقان عباسي 26 لک 59 هزار 183 روپين  جو ٽِيڪس ادا ڪيو سراج الحق 34 هزار 941 روپيا ٽِيڪس ادا ڪيو، مولانا فضل الرحمن 50هزار 101 روپيا ٽِيڪس ادا ڪيو، شيخ رشيد 5 لک 5 هزار 966 روپيا ٽِيڪس ادا ڪيو، پي ٽي آئي جي جھانگير ترين 5 ڪروڙ 36 لک 77 هزار 422 روپيا ٽِيڪس ادا ڪيو، اسد عمر 63 لک 68 هزار 864 روپيا ٽِيڪس ادا ڪيو، پنجاب جي وڏي وزير جو پٽ حمزا شهباز 37 لک 78 هزار 777 روپيا ٽِيڪس ادا ڪيو، سينٽر روزي خان ڪاڪڙ 4 ڪروڙ 99 لک 23 هزار 783 روپين  جو ٽِيڪس ادا ڪيو،  سينٽر تاج محمد آفريدي 3 ڪروڙ 52 لک 84 هزار 413 روپين  جو ٽِيڪس ادا ڪيو، سينيٽر محمد طلحا 3 ڪروڙ 24 لک 95 هزار 268 روپين  جو ٽِيڪس ادا ڪيو، سينيٽر اعتزار احسن هڪ ڪروڙ 38 لک 54 هزار 833 روپين  جو ٽِيڪس ادا ڪيو، سينٽر فروخ نسيم ٻه ڪروڙ ٻه لک 33 هزار 725 روپين  جو ٽِيڪس ادا ڪيو.

 

اقامو معاملو: 3 وفاقي وزيرن جي نااهلي جا ريفرنس اسپيڪر ڏانهن موڪليا ويا

اسلام آباد  (اين اين آءِ) وفاقي ناڻي واري وزير سينيٽر اسحاق ڊار ، خواجا آصف ۽ احسن اقبال پاران يو اي اي جو اقامو ظاهر نه ڪرڻ ان جي نااهليءَ جو رفرنس قومي اسيمبلي جي اسپيڪر ڏانهن موڪليو ويو آهي، نجي ٽي وي موجب جوِڊيشنل ايڪٽ اسلام آباد پينل پاران اظهر صديق اسحاق ڊار، خواجا آصف ۽ احسن اقبال کي نااهل قرار ڏيڻ لاءِ قومي اسيمبلي جي اسپيڪر سردار اياز صادق ڏانهن موڪيو ويو، ان ۾ موقف اختيار ڪيو ويو ته اسحاق ڊار، خواجا آصف ۽ احسن اقبال پنهنجن ڪاغذن ۾ پنهنجي پرڏيهي نوڪري کي ظاهر نه ڪيو ان کانسواءِ ٽنهي وزيرن پنهنجن ڪاغذن ۾ پگھآر به ظاهر نه ڪئي اقامو ۽ پگھار ظاهر نه ڪرڻ تي قومي اسيمبلي جي رڪنيت جي اهل نه آهن، 1976 ايڪٽ جي تحت ٽنهي وزيرن کي ٽي سال سزا ٿي سگھي ٿي ان لاءِ انهن کي آئين جي آرٽيڪل 63 جي تحت نااهل قرار ڏنو وڃي.

 

سڄي ملڪ ۾ 11 هزار آئل ٽينڪرن مان رڳو ڏيڍ هزار معياري هئڻ جو انڪشاف آهن: لاهور هاءِ ڪورٽ ۾ انڪشاف

لاهور(ويب ڊيسڪ) لاهور هاءِ ڪورٽ ۾ احمد پور شرقيه سانحي بابت ڪيس جي ٻڌڻي دوران انڪشاف ٿيو آهي ته ملڪ ۾ 11 هزار آئل ٽينڪرن مان رڳو ڏيڍ هزار ٽينڪر ئي معيار تي پورا لهن ٿا. باقي ساڍا 9 هزار ٽينڪر ناقص ۽ غير معياري آهن. چيف جسٽس منصور علي شاهه اوگرا کان تفصيلي رپورٽ طلب ڪري ورتي ته غير معياري آئل ٽينڪرز کي منهن ڪيئن ڏنو وڃي ته پيٽروليم شين جي فراهمي متاثر نه ٿئي. ڊي آءِ جي موٽر وي ٻڌايو ته احمد پور شرقيه سانحي کان پوءِ هن وقت تائين 3 حادثا ٿي چڪا آهن، ڌماڪيدار مادي جي خاتمي واري کاتي عدالتي پڇاڻي تي ٻڌايو ته آئل ٽينڪرن کي قانوني ڀڃڪڙي تي ڏنڊ 50 لک ڪرڻ جي سمري موڪلي آهي. مقدار کان وڌيڪ پيٽرول کڻي وڃڻ تي روڪيو ته ايسوسيئيشن هڙتال ڪري ڇڏي، اوگرا اختيارين ٻڌايو ته حادثي جو شڪار ٿيل ٽينڪر ڪٿان کان تيار ٿيو ان جو ڪو به رڪارڊ ناهي. تينڪر جي تياري ۾ ڏيڍ ڪروڙ لاڳت ايندي آهي پر ڪمزور مٽيريل سان 50 لک رپين ۾ تيار ٿي ويندو آهي. آئل ڪمپني جي وڪيل سلمان بٽ نشاندهي ڪئي ته 11 هزار آئل ٽينڪرن مان رڳو ڏيڍ هزار ٽينڪر ئي معيار موجب آهن.

 

سپريم ڪورٽ جو 11 آگسٽ تائين جو روسٽر جاري، پاناما ڪيس جو فيصلو اڄ ٻڌايو ويندو، پڌرائي جاري

اسلام آباد (ويب ڊيسڪ): سپريم ڪورٽ طرفان محفوظ ڪيل پاناما ڪيس جو فيصلو اڄ ٻڌايو ويندو، جنهن سلسلي ۾ پڌرائي جاري ڪئي وئي آهي، پڌرائيءَ موجب پاناما ڪيس جو فيصلو اڄ صبح 11:30 وڳي ٻڌايو ويندو، سپريم ڪورٽ جي پنج رڪني بئنچ پاناما ڪيس جو حتمي فيصلو ٻڌائيندي، لارجر بئنچ ۾ جسٽس آصف سعيد کوسا، جسٽس اعجاز افضل خان شامل آهن، ياد رهي ته عدالتي بئنچ 10 جولاءِ تي جي آءِ ٽي طرفان رپورٽ جمع ڪرائڻ بعد 17 جولاءِ کان مسلسل 5 ٻڌڻين بعد 21 جولاءِ تي ڪيس جو فيصلو محفوظ ڪيو هو.  ٻئي طرف سپريم ڪورٽ 11 آگسٽ تائين بئنچ جوڙي ڇڏيا آهن، جنهن ۾ پاناما ڪيس جو بئنچ شامل ناهي، سپريم ڪورٽ جي ٽي رڪني پاناما عملدرآمد بئنچ ڪيس جي ٻڌڻي ڪئي، جنهن ۾ جسٽس اعجاز افضل خان بئنچ جو سربراهه آهي، جڏهن ته جسٽس اعجاز الحسن ۽ جسٽس عظمت سعيد بئنچ جا ميمبر آهن، ياد رهي ته عدالتي بئنچ 10 جولاءِ تي جي آءِ ٽي طرفان رپورٽ جمع ڪرائڻ بعد 17 جولاءِ کان مسلسل 5 ٻڌڻين بعد 21 جولاءِ تي ڪيس جو فيصلو محفوظ ڪيو هو، اڄ سپريم ڪورٽ طرفان 11 آگسٽ تائين جو روسٽر جاري ڪيو ويو آهي، جنهن موجب پاناما بئنچ جي ميمبر جسٽس اعجاز الحسن جو نالو 11 آگسٽ تائين ڪنهن بئنچ ۾ ناهي ۽ پاناما بئنچ جا 2 ميمبر ججز 11 آگسٽ تائين اسلام آباد ۾ دستياب نه هوندا، روسٽر مطابق جسٽس اعجاز الحسن ايندڙ هفتي موڪلن تي هليو ويندو ۽ جسٽس عظمت سعيد شيخ سپريم ڪورٽ لاهور رجسٽري ۾ ڪيس ٻڌندو، روسٽر مطابق سپريم ڪورٽ ۾ ايندڙ هفتي 3 بئنچ ڪيسن جي ٻڌڻي ڪندا ۽ آگسٽ جي ٻئي هفتي ۾ 2 بئنچ مختلف ڪيس ٻڌندا.

 

ٽيڪس گهٽ ڏنو يا وڌ جهانگير ترين ڄاڻي ۽ انڪم ٽيڪس وار ا، اسان وٽ معاملو صادق ۽ امين جو آهي: چيف جسٽس

اسلام آباد(ويب ڊيسڪ) چيف جسٽس آف پاڪستان ميان ثاقب چيو آهي ته هن وٽ جهانگير ترين جو انڪم ٽيڪس گهٽ ڏيڻ وارو معاملو ٻڌڻي هيٺ ناهي جيڪڏهن هن ٽيڪس گهٽ ڏنو آهي ته هو ڄاڻي ۽ انڪم تيڪس وارا، اسان وٽ ته جهانگير ترين جي صادق ۽ امين ٿيڻ جو معاملو آهي. جهانگير ترين جي نااهلي بابت حنيف عباسي جي درخواست تي سپريم ڪورٽ ۾ ٻڌڻي ٿي. درخواست جي ٻڌڻي چيف جسٽس آف پاڪستان جسٽس ميان ثاقب نثار جي سربراهي ۾ 3 رڪني بينچ ڪري رهي آهي. ٻڌڻي دوران جسٽس عمر عطا بنديال حنيف عباسي جي وڪيل کان پڇاڻو ڪيو ته توهان آف شور ڪمپني بابت اسان کي ڪجهه ناهي ڏنو ويو، جيڪڏهن توهان وٽ ايترو مواد موجود ناهي ته پوءِ توهان آف شور ڪمپني جو معاملو ڇو اٿاريو. وڪيل حنيف عباسي چيو ته پاناما ڪيس ۾ به اهي مسئلا هئا جنهن تي جسٽس عمر عطا چيو ته پاناما ڪيس جا مسئلا مختلف هئا، پاناما ڪيس ۾ وزير اعظم جي پارليامينٽ ۾ تقرير ۽ قوم سان خطاب جو معاملو هو، ڪجهه تسليم ٿيل شيون هيون جيڪي هن ڪيس ۾ موجود ناهن. وڪيل حنيف عباسي چيو ته جهانگير ترين 545 ملين رپين جي زرعي آمدن ايف بي آر ۾ ظاهر ڪئي جڏهن ته اليڪشن ڪميشن جي سامهون زرعي آمدن 120 ملين رپيا ظاهر ڪئي وئي، ان بابت ڄاڻي واڻي اليڪشن ڪميشن کي غلط ٻڌايو ويو. 2010ع ۾ فرق 425 ملين جو آهي، 2010 ۾ 120 ملين ٻڌايا، 2011 ۾ 107 ملين ظاهر ڪيا، جيڪي زرعي آمدن ظاهر ڪئي وئي اها غلط آهي، جنهن تي چيف جسٽس ريمارڪس ڏنا ته انڪم ٽيڪس گهٽ ڏنو ته جهانگير ترين پاڻ ڄاني يا انڪم ٽيڪس وارا، اسان پٽ اهو ناهي معاملو ناهي، اسان وٽ معاملو جهانگير ترين جي صادق ۽ امين هئڻ جو آهي.

 

حڪومت گڊ گورننس احتساب ۽ شفافيت تي يقين رکي ٿي: اسحاق ڊار

اسلام آباد(ويب ڊيسڪ) ناڻي واري وفاقي وزير چيو آهي ته حڪومت گڊ گورننس احتساب ۽ شفافيت تي يقين رکي ٿي، توانائي جي منصوبي ۾ قوم جا هڪ 1 ارب رپيا بچايا ويا، سرڪاري ادارن ۾ شفافيت ۽ احتساب جو عمل يقيني بڻايو پيو وڃي. اهڙن خيالن جو اظهار ناڻي واري وفاقي وزير قومي ايڪشن پلان تي ورڪشاپ سان خطاب ڪندي ڪيو. اسحاق ڊار چيو ته او پي جي پاليسي ميڪنزم فراهم ڪندي آهي، پاڪستان جي شرح نمو هن وقت بلند ترين سطح تي آهي، ورڪشاپ ڌرين کي مستقبل جي حڪمت عملي طئي ڪرڻ ۾ دد فراهم ڪندي آهي، پاڪستان رضاڪاراڻي طور تي اوپن گورنمينت پاليسي فورم جي رڪنيت حاصل ڪئي ۽ اوپن گورنمنٽ پاليسي فورم جي شرطن تي عمل ڪيو. اسحاق ڊار جو چوڻ هو ته او اي سي ڊي ميمبر بڻجڻ جي لاءِ 2 سال انتظار ڪرڻو پيو ۽ فنانس بل ۾ تبديلي ڪرڻي پئي ۽ اميد آهي ته او سي ڊي ۾ شموليت ٽيڪس چوري روڪڻ ۾ مددگار ثابت ٿيندي.

 

منصوبن ۾ دير برداشت نه ڪبي، سيڪريٽري ورڪس سمورن منصوبن جي پاڻ نگراني ڪري: مراد علي شاهه

ڪراچي (اين اين آءِ) سنڌ جي وڏي وزير سيد مراد علي شاهه چيو آهي ته 18-2017ع تحت روڊن جي 503 اسڪيمون ۽ ايشيائي ترقياتي بينڪ جي سهڪار سان 328 ڪلوميٽر روڊن جون ڇهن اسڪيمن جي مڪمل ٿيڻ سان سنڌ جي روڊ انفرااسٽريڪچر کي هڪ نئين جدت حاصل ٿيندي. اها ڳالهه اڄ ورڪس اينڊ سروسز کاتي جي سڄي صوبي ۾ جاري روڊ سيڪٽر جي ترقياتي اسڪيمن بابت اعليٰ سطحي اجلاس جي صدارت ڪندي ڪئي. اجلاس ۾ صوبائي ورڪس اينڊ سروسز کاتي وارو وزير امداد پتافي، چيئرمين رٿابندي ۽ ترقي محمد وسيم، وڏي وزير جو پرنسپل سيڪريٽري سهيل راجپوت، سيڪريٽري ورڪس اينڊ سروسز اعجاز احمد ميمڻ، چيف انجنيئر (هاءِ وي سکر) مقيم انصاري ۽ ٻين لاڳاپيل آفيسرن شرڪت ڪئي. صوبائي وزير امداد پتافيءَ وڏي وزير کي بريفنگ ڏيندي چيو ته ناڻي کاتي 26 بلين رپين جي رقم سان 196 اسڪيمون شروع ڪيون آهن جن ۾ 488 روڊن جون ۽ 8 عمارتن بابت آهن. حڪومت 8.3 بلين رپيا جاري ڪيا آهن. هن چيو ته جون 2018ع جي آخر تائين 146 منصوبا مڪمل ڪيا ويندا. هن چيو ته مان اهو چوڻ چاهيان ٿو ته ايشيائي ترقياتي بينڪ جي سهڪار سان 328 ڪلوميٽر طويل روڊن جون 6 اسڪيمون جاري آهن، جنهن لاءِ 22.7 ملين رپيا جاري ڪيا ويا آهن.   سيڪريٽري ورڪس اعجاز ميمڻ اي ڊي پي اسڪيمن تي اڳڀرائي بابت ٻڌايو ته 44 ڪلوميٽر طويل ٺل-ڪنڌڪوٽ روڊ جي اسڪيم ڊسمبر 2016ع ۾ شروع ڪئي وئي جنهن تي لاڳت جو تخمينو 2.065 بلين رپيا آهي ۽ ان جو 15 سيڪڙو ڪم ٿي چڪو آهي. 36 ڪلوميٽر شڪارپور کان رتوديرو اسڪيم 1.45 بلين رپين کان شروع ڪئي وئي ۽ ان جو 13 سيڪڙو ڪم مڪمل ٿي چڪو آهي. 64 ڪلوميٽر کيبر کان سانگهڙ وايه ٽنڊو آدم روڊ تي لاڳت جو تخمينو 2.8 بلين رپيا آهي ۽ ان جو 5 سيڪڙو ڪم مڪمل ٿي چڪو آهي. 63 ڪلوميٽر سانگهڙ کان ميرپورخاص وايه سنڌڙي روڊ 6 سيڪڙو ڪم مڪمل ٿي چڪو آهي. ان تي وڏي وزير پنهنجي ناراضگيءَ جو اظهار ڪندي ڊي سي ميرپورخاص کي ٽيليفون تي هدايت ڪئي ته هُو پاڻ وڃي زير تعمير روڊ جو معائنو ڪري ۽ رپورٽ پيش ڪري ته ان تي ڪم جاري آهي يا ڪم رڪيل آهي. هن چيو ته مان اهڙي قسم جي غفلت هرگز برداشت نه ڪندس. هن چيو ته سندس رپورٽ مليون آهن ته ان اسڪيم تي ڪم رڪيل آهي، جنهن جو ڪارڻ لاڳاپيل انجنيئر ئي ٻڌائي سگهي ٿو. سيڪريٽري ورڪس اينڊ سروسز اجلاس کي اهو پڻ ٻڌايو ته 67 ڪلوميٽر ٽنڊو محمد خان کان بدين روڊ 3.39 بلين رپين لاڳت سان شروع ڪيو ويو آهي ۽ ان جو 5.32 سيڪڙو ڪم ٿيو آهي ۽ 54 ڪلوميٽر ڊگري کان نئون ڪوٽ روڊ 3.35 بلين رپين کان شروع ڪيو آهي ۽ ان جو 5.7 سيڪڙو ڪم اڃا تائين ٿيو آهي. وڏي وزير سيڪريٽريءَ کي هدايت ڪئي ته هُو پنهنجي انجينيئرز کي فعال ڪري ۽ بهترين ڪوالٽيءَ سان ڪمن کي مقرر ڪيل مدي اندر تڪميل کي يقيني بڻايو وڃي. وڏي زير کي ٻڌايو ويو ته روڊن ۽ عمارتن / ماڙين جي سارسنڀال ۽ مرمت جي مد ۾ 4.8 بلين رپيا جي وڏي رقم مختص ڪئي وئي آهي. سارسنڀال ۽ مرمت جي مد ۾ بدين کي 229.54 ملين رپيا صوبائي روڊن ۽ 98.3 ملين رپيا ضلعي روڊن لاءِ ڏنا ويا آهن. دادو کي 234.42 ملين رپيا صوبائي روڊن ۽ ضلعي روڊن لاءِ 25.94 ملين رپيا ڏنا ويا آهن. حيدرآباد کي صوبائي روڊن لاءِ 341.677 ملين رپيا ۽ ضلعي روڊن لاءِ 146.433 ملين رپيا ڏنا ويا آهن. ڪراچيءَ کي صوبائي روڊن لاءِ 126.88 ملين رپيا ۽ ضلعي روڊن لاءِ 54.378 ملين رپيا ڏنا ويا آهن. ٽنڊو محمد خان لاءِ 54.48 ملين رپيا صوبائي ۽ 23.35 ملين رپيا ضلعي لاءِ ۽ ٽنڊو الهيار لاءِ به اهي هڪجهڙا فنڊ مختص ڪيا ويا آهن جيڪي ٽنڊو محمد خان کي ڏنا ويا آهن. مٽياريءَ جي صوبائي روڊ لاءِ 54.48 ملين رپيا ۽ ضلعي لاءِ 23.3 ملين رپيا، ٺٽي لاءِ 247.7 ملين رپيا صوبائي ۽ 53 ملين رپيا ضلعي لاءِ جڏهن ته سجاول کي 53 ملين رپيا ضلعي روڊن لاءِ ڏنا ويا آهن ڇاڪاڻ ته ٺٽي ۽ سجاول جا صوبائي روڊ هڪ ئي آهن. خيرپور کي 217.8 ملين رپيا صوبائي ۽ 93.36 ملين رپيا ضلعي لاءِ، نوشهروفيروز کي 121.8 ملين رپيا صوبائي ۽ 52.23 ملين رپيا ضلعي لاءِ، قمبر کي 100 ملين رپيا صوبائي ۽ 50 ملين رپيا ضلعي روڊن لاءِ، ميرپورخاص کي 280 ملين رپيا صوبائي ۽ 120 ملين رپيا ضلعي لاءِ، عمرڪوٽ کي 90.8 ملين رپيا صوبائي ۽ 38.9 ملين رپيا ضلعي اي ڊي پي لاءِ ڏنا ويا آهن. ٿرپارڪر لاءِ 92 ملين رپيا صوبائي ۽ 39.4 ملين ضلعي روڊ لاءِ، بينظيرآباد کي 142.3 ملين رپيا صوبائي ۽ 61.003 ملين رپيا ضلعي لاءِ، سانگهڙ کي 227.36 ملين رپيا صوبائي ۽ 97.44 ملين رپيا ضلعي لاءِ، شڪارپور کي 91.96 ملين رپيا صوبائي ۽ 39.414 ملين رپيا ضلعي لاءِ، جيڪب آباد کي 158 ملين رپيا صوبائي ۽ 67.7 ملين رپيا ضلعي لاءِ، ڪشمور کي 60.5 ملين رپيا صوبائي ۽ 25.9 ملين رپيا ضلعي لاء، سکر کي 114.5 ملين صوبائي ۽ 49.07 ضلعي لاءِ ۽ گهوٽڪي کي 109.9 ملين رپيا صوبائي ۽ 47.1 ملين رپيا ضلعي روڊن لاءِ مختص ڪيا ويا آهن. وڏي وزير چيئرمين پي اينڊ ڊي محمد وسيم کي هدايت ڪئي ته هُو پنهنجي ڊي جي کي تعمير ٿيندڙ روڊن جن جي مرمت تجويز ڪئي وئي آهي ان جو معائنو ڪري ۽ مون کي رپورٽ ڏني وڃي. هن چيو ته مان چاهيان ٿو ته روڊن جي مناسب طريقي سان سارسنڀال ٿئي ۽ مان ذاتي طور تي پاڻ به دورا ڪندس. هن چيو ته مون کي رپورٽس مليون آهن ته مينٽيننس جو ڪم صحيح ناهي ڪيو ويو.

 

سنڌ ۾ نئين سياسي اتحاد سان پ پ تي ڪو به فرق نه پوندو: ناصر شاهه

ڪراچي( ويب ڊيسڪ ) اطلاعات واري وزير ناصر شاهه چيو آهي ته  سپريم ڪورٽ کي پاناما ليڪس ڪيس جو فيصلو جلد ٿيڻ گهرجي. ڪراچيءَ ۾ ميڊيا سان ڳالهائيندي ناصر شاهه چيو ته پ پ هميشه جمهوريت جي ڳالهه ڪئي آهي. هن چيو ته پيپلز پارٽي چاهي ٿي ته ميان صاحب عدليه سان ٽڪراءَ ۾ نه اچي. سندس چوڻ هو ته سورٺ ٿيٻو معزز ميمبر ۽ منهنجي ڀيڻ آهي. ناصر شاهه چيو ته سورٺ ٿيٻي کي ڪا تڪليف پهتي ته مان معافي وٺان ٿو. هن چيو ته پي ايس 114 جا نتيجا اسان جي مقبوليت جو ثبوت آهي. سندس چوڻ هو ته اسان جي پارٽي سنڌ ۾ اڳ کان به وڌيڪ مضبوط ٿي آهي. ناصر شاهه چيو ته سنڌ ۾ نئين سياسي اتحاد سان پ پ کي ڪو به فرق نه پوندو.

 

نواز شريف جنرل جيلاني ۽ ڀٽو ايوب جي پيداوار آهي، جمهوريت جو حقيقي اسٽيڪ هولڊر مان آهيان: عمران خان

لاهور (اين اين آءِ) پي ٽي آئي جي سربراهه عمران خان چيو ته مون تي فوج سان سوديبازي ڪري اقتدار حاصل ڪرڻ جا الزام غلط آهن نه مان پهريان ائين چيو ته نه ئي آئيندا اهڙي خواهش آهي. چونڊ سياست ۾ سياسي خاندانن کي گڏ کڻڻ ضروري آهي. هن هزار تڪن ۾ چونڊ وڙهڻي آهي ۽ انهن سڀني تڪن جي لاءِ نوان ماڻهون آڻن ممڪن نه آهي، بي بي سي کي ڏنل هڪ انٽرويو ۾ عمران خان چيو ته اهڙا موقعا ڪيترائي آيا جڏهن هو ملڪ ۾ انتشار جو سبب بڻجي سگھي پيو پر صرف انهيءَ خدشي سبب پوئتي هٽي ويو ته ڪٿي فوج نه اچي . پاڪستان ۾ جمهوريت برقرار رکڻ ۾ سڀ کان وڌيڪ دلچسپي مونکي آهي. جمهوريت جو مونکان وڌيڪ وڏو اسٽيڪ هولڊر پاڪستان ۾ ڪير آهي نوازشريف جنرل گيلاني جي ذريعي سياست ۾ آيو، ۽ ذوالفقار علي ڀٽو ته ننڍڙو هيو، جڏهن انکي ايوب خان مٿي آندو، هن جو چوڻ هو ته هن 21 سال جدوجھد ڪئي آهي انکان پوءِ هو ان جڳهه تي پهتو آهي مان 21 سال جدوجھد ڇا ان لاءِ ڪئي آهي ته فوج کي اقتدار ۾ آڻيا، هن چيو ته پي ٽي آئي وٽ جيتري وڏي اسٽريٽ پاور آهي انجي ذريعي  هوءَ چاهي ته ڪنهن به وقت ملڪ ۾ انتشار ڦهلائي سگھي ٿي پر هن ائين نه ڪيو. گذريل سال اسلام آباد لاڪ ڊائون جي موقعي تي  جيڪڏهن مان پارٽِي جي مخالفت جي باوجود پشاور کي ايندڙ ريلي کي نه روڪيا هان ته مونکي خبر هئي ته انتشار ٿيندو ۽ گيم اسانجي هٿن مان نڪري ويندي ۽ فوج مداخلت ڪندي. ان لاءِ مان ان کي واپس موڪليو ۽ پاڻ سپريم ڪورٽ هليو ويس. هن چيو ته جيڪو ماڻهون ملڪ ۾ آزاد چونڊن جي لاءِ جدوجھد ڪندو هجي اهو ڪيئن چاهيندو ته فوج اقتدار ۾ اچي. هن چيو ته اڃان تائين هڪ به اهڙي شخص کي  پارٽي ۾ شامل نه ڪيو آهي جنهن جي خلاف نيب ۾ ڪرپشن جو ڪيس هجي.