تازيون خبرون

Daily Archives: July 26, 2017

دهشتگردي جا اهڙا واقعا اسان جا حوصلا پست نٿا ڪري سگهن: آرمي چيف

لاهور (اين اين آءِ) چيف آف آرمي اسٽاف جنرل قمر جاويد باجوه لاهور ڌماڪي جي متاثرن سان همدردي جو اظهار ڪندي واضح ڪيو آهي ته اهڙا واقعا دهشتگردي جي خاتمي جي عزم کي ڪمزور نٿا ڪري سگهن، دشمن انٽيليجنس ايجنسين ۽ ريجنل ايڪٽرز دهشتگردي کي پاليسي ٽول طور استعمال ڪري رهيا آهن، جيڪڏهن افغانستان جي ڌرتي اهڙا ماڻهو بنا روڪ جي استعمال ڪندا رهيا ته ٻئي ملڪ دهشتگردي جو شڪار رهندا، افغانستان جي سرحدي علائقن ۾ دهشتگردن جون پناهه گاهون آهن ۽ انهن جي خاتمي ۾ مدد لاءِ تيار آهيون، آءِ ايس پي آر موجب آرمي چيف اڱاري تي لاهور هيِڊڪوارٽر ۾ سيڪيورٽي جي حوالي سان اجلاس جي صدارت ڪئي، اجلاس دوران آپريسن رد الفساد ۽ گذريل ڏينهن ٿيل ڌماڪي بابت تفصيلي بريفنگ ڏني وئي، ڌماڪي جي متاثرن ۽ انهن جي وارثن سان همدردي جو اظهار ڪندي آرمي چيف چيو ته اسان دهشتگردن جي ماسٽر مائينڊن ۽ سهولتڪارن جي وچ ۾ رابطا ختم ڪرڻ ۾ ڪامياب ٿي رهيا آهيون، هن چيو ته دهشتگردي خلاف هڪ قوم جي حيثيت سان جنگ وڙهي آهي، ڪاميابي جي ڪونجي اها آهي ته شهرين پاران ڪنهن به شڪي سرگرمي جو اطلاع قانون لاڳو ڪندڙ ادارن کي ڏنو وڃي ۽ اهڙي طرح دهشتگردي خلاف جنگ ۾ قومي شرڪت يقيني بڻائي سگهجي ٿي. هن اهو پڪو پهه ڪيو ته پاڪستان سرحدي علائقن مان دهشتگردن جو محفوظ پناهه گاهون ختم ڪرڻ لاءِ مدد ڪرڻ لاءِ تيار آهي، ان کانپوءِ آرمي چيف جنرل اسپتال ۾ ڌماڪي ۾ زخمي ٿيلن جي عيادت ڪئي.

 

خطي جي ترقي، خوشحالي لاءِ سارڪ کي فعال بڻائڻ ضروري آهي: وزيراعظم

مالي (ويب ڊيسڪ): وزيراعظم نواز شريف چيو آهي ته پاڪستان جو عوام مالديپ جي عوام لاءِ نيڪ خواهشون رکي ٿو، هن چيو ته مالديپ جي مستقبل لاءِ مان، ترقي ۽ خوشحالي جون خواهشون آهن، هن چيو ته گڏيل چئلينجز کي منهن ڏيڻ لاءِ گڏجي ڪم ڪرڻ تي اتفاق ٿيو، خطي جي ترقي، خوشحالي لاءِ سارڪ کي فعال بڻائڻ ضروري آهي، وزيراعظم نواز شريف چيو ته ڀارت سارڪ منشور، هدفن جي خلاف ڪم ڪيو، مالديپ جو صدر اسلام آباد ۾ سارڪ اجلاس منعقد ڪرڻ جو حامي آهي، پاڪستان امن ۽ استحڪام لاءِ مالديپ جي سهڪار کي ساراهي ٿو، ٻنهي ملڪن جا گڏيل بزنس گروپ جوڙيا ويا آهن، هن چيو ته ٻنهي ملڪن جي ورڪنگ گروپس جون چار ذيلي ڪميٽيون به ڪم ڪري رهيون آهن، راندين، صحت، تعليم ۽ منشيات جي روڪٿام ۾ سهڪار جاري آهي، وزيراعظم نواز شريف چيو ته پاڪستان مالديپ ۾ ميڊيڪل ڪاليج جي قيام لاءِ سهڪار ڪندو، ان کان اڳ گڏيل پريس ڪانفرنس دوران مالديپ جي صدر چيو ته مختلف شعبن ۾ سهڪار تي ڳالهيون ٿيون، سول سروس، تعليم، سياحت جي شعبن ۾ سهڪار وڌائڻ تي اتفاق ٿيو، مالديپ جي صدر چيو ته واپار وڌائڻ لاءِ گڏيل ورڪنگ گروپس کي فعال بڻايو ويندو، ماحولياتي تبديلين کي منهن ڏيڻ لاءِ سهڪار جو عزم رکون ٿا، پاڪستان پراڻو، پائيدار ۽ قابل اعتبار دوست ملڪ آهي.

 

60 هزار جوانن جي شهادت بعد به پاڪستان تي الزام پرڏيهي پاليسي جي ناڪامي آهي: پ پ

اسلام آباد( ويب ڊيسڪ) مخالف ڌر جي اڳواڻ خورشيد شاهه چيو آهي ته سپريم ڪورٽ جي فيصلي کان اڳ نواز شريف کي پنهنجو متبادل آڻڻ گهرجي. اسلام آباد ۾ ميڊيا سان ڳالهائيندي خورشيد شاهه چيو ته ادارا ڪمزور ٿيڻ ۽ غير يقيني صورتحال رياست لاءِ خطرناڪ هوندي آهي. هن چيو ته پاناما ليڪس ڪيس ۾ ججن جي سوالن سان ڪيس واضح ٿي چڪو آهي. سندس چوڻ هو ته مان اڳ ئي واضح ڪيو هو ته نواز شريف سان گڏ عمران خان به سپريم ڪورٽ جي گرفت ۾ اچي ويندو. خورشيد شاهه چيو ته وزيراعظم نواز شريف نازڪ صورتحال ۾ آهي. هن چيو ته مخالف ڌر جي اتحاد ۾ شامل هر پارٽي پنهنجي پاليسي ۾ آزاد آهي، ڪابه اپوزيشن پارٽي نواز شريف جي حمايت ڪري ٿي ته سياسي نقصان به کيس ئي ٿيندو. سندس چوڻ هو ته اقامو ڪنهن نوڪري لاءِ هوندو آهي، اقامو ڪنهن نوڪري لاءِ هوندو آهي جنهن سان پگهار ورتي ويندي آهي. خورشيد شاهه چيو ته 60 هزار جوان شهيد ڪرائي به پاڪستان تي الزام هنيا پيا وڃن جيڪا پرڏيهي پاليسي جي ناڪامي آهي. هن چيو ته آمريڪي صدر دهلي ۾ پاڪستان تي الزام هڻي ٿو پر وزيراعظم خاموش رهي ٿو. سندس چوڻ هو ته قومي اسيمبلي جو اجلاس 31 جولاءِ تي آهي، ريڪوزيشن جي ضرورت ناهي.

 

سنڌ اسيمبلي نواز شريف کان استعيفيٰ جو ٺهراءُ اڪثريت راءِ سان منظور ڪري ورتو

ڪراچي (اين اين آءِ) سنڌ اسميبلي وزيراعظم نوازشريف کي مطالبو ڪيو ته هو فوري طور تي استعيفا ڏئي اهو مطالبو سنڌ اسيمبلي جي اجلاس ۾ اڱاري تي ڪيو ويو جيڪو پي ٽي آئي جي خرم زمان ۽ پ پ پ خير النساءَ پيش ڪئي قرارداد اتفاق رائي سان منظور ڪيو. قرارداد وقت نون ليگ مسلم ليگ فنشڪنل جا ميمبر ايوان ۾ موجود نه هيا، قرارداد ۾ اهو چيو ويو ته وزيراعظم ان عهدي تي رهڻ جو اخلاقي جواز وڃائي چڪو آهي هن پنهنجي اثاثن بابت غلط بيان ڪئي آهي. سپريم ڪورٽ ۽ جي آئي ٽي ۾ غلط ڪاغذ پيش ڪيا. انکان پاڪستان جي عوام جو اعتماد کي نقصان پهتو. انڪري هي ايوان جي گڏيل رائي آهي ته ميان نوازشريف فور طور تي اسستعيفا ڏئي قراداد تي خطاب ڪندي خرم شير زمان چيو ته پاناما ڪيس سپريم ڪورٽ جي ٻن ججن وزيراعظم کان نااهل قرار ڏنو آهي پاناما ڪيس جي آئي ٽي رپورٽ ۾ هن جي خلاف ثبوت پيش ڪيا ويا آهن، هن چيو ته جي آئي ٽي جي ميمبرن خلاف نون ليگ جي درٻارين جي ٻولي مذمت جوڳي آهي. هاڻي نوازشريف قطر نه پر جيل ويندو. خرم شيرزمان سنڌ حڪومت کي مطالبو ڪيو ته پاناما ڪيس ۽ شريف خاندان جي ڦر لٽ تي هڪ سبق تعليمي نساب ۾ شامل ڪيو وڃي ته جيئن ايندڙ نسلن کي اها خبر پوي ته شريف خاندان اقتدار ۾ اچي ڪيئن قوم کي لٽيو،  خوشِي آهي ڪرپشن جي خلاف عوام گڏ آهي، سيئنر وزير نثار کهڙي خرم شير زمان جي تحريڪ جي همايت ڪئي  ۽ چيو ته وزيراعظم نوازشريف ضد ڪيو آهي پ پ پ  نون ليگ کي سياسي شهيد نه بڻجڻ ڏيندي، ملڪ ۾ هڪ وزير جي وڃڻ ۽ ٻئي جي اچڻ سان ڪوبه فرق نه ٿو پوي اسان چاهيون ٿا ته جمهوريت هلندي رهي انهيءَ ڪري کيس فوري طور تي استعيفا ڏيڻ گھرجي. پ پ پ  جي خير النساءُ مغل به اهڙي طرح جي قرارداد پيش ڪئي جنهن ۾ وزيراعظم  کان استعيفا جو مطالبو ڪيو پاناما ۾ ملوث دنيا ۾ ڪيترن ئي ملڪن جي وزيرن پنهنجي عهدن تان استعيفا ڏئي ڇڏي آهي، اسان جي آئي ٽي ميمبرن کي سلام پيش ڪيون ٿا جن جريت جو مثال پيش ڪيو احتساب ٿيڻ گھرجي پر شروعات وزيراعظم کان ٿيڻ گھرجي. پ پ پ  جي ميمبر سعيد غني چيو ته پ پ پ جي ماڻهن جي خلاف ڪوڙ ا ڪيس ٺاهيا ويا انهن ڪوڙن ڪيسن ۾ اسانکي سزائون مليون. چوڌري شجاعت اهو تسليم ڪيو ته آصف علي زرداري جي خلاف منشيات جو ڪيس غلط هو نوازشريف محترما بينظير جي خلاف ڪوڙ ڪيس ڪيا،اڄ شريف خاندان جي خلاف جيڪو ڪجھه ٿي رهيو آهي اهو خدا جو انصاف آهي، ايم ڪيو ايم فيصل سبزواري چيو ته ملڪ ۾ پيسن جي بنياد تي سياست خاتمو ڪرڻ گھرجي، مني لانڊرنگ ۽ آفشور ڪپمنين ٺاهڻ ۾ ملوث آهن انهن جي خلاف ڪاروائي ڪرڻ گھرجي ايم ڪيو ايم وزيراعظم اکن مطالبو ڪيو. سنڌ اسيمبلي جو اجلاس اربع تائين ملتوي ڪيو.

 

چوڌري نثار استعيفيٰ نه ڏيندو، حڪومت کي هلڻ ڏنو وڃي: مريم اورنگزيب

اسلام آباد(م.ڊ) چوڌري نثار ن ليگ جو ستون آهي، استعيفيٰ نه ڏيندو، حڪومت کي هلڻ ڏنو وڃي، اهڙن خيالن جو اطهار اطلاعات و نشريات کاتي جي مملڪتي وزير  مريم اورنگزيب نجي ٽي وي جي پروگرام ۾ ڳالهائيندي ڪيو، هن چيو ته چوڌري نثار اسان جي حڪومت جو گهرو وزير آهي، هن کي جيڪا سياسي ڳالهه ڪرڻ آهي ان جو به هڪ پس منظر آهي، هن چيو ته دهشتگردي جو مسئلو 35 سال پراڻو آهي، اسان جي دور حڪومت ۾ دهشتگردي واقعن ۾ گهٽتائي ائي آهي.

 

خواجه آصف به يو اي اي جي ڪمپني جو ملازم هئن جو انڪشاف

اسلام آباد( ويب ڊيسڪ ) پاڻي ۽ بجلي واري وزير خواجه آصف جي به 2013ع ۾ گڏيل عرب امارات جي ڪمپنيءَ ۾ نوڪري ڪرڻ جو انڪشاف ٿيو آهي. پاڻي ۽ بجلي واري وزير خواجه آصف جي نامزدگي ڪاغذن جا تفصيل حاصل ڪيا ويا آهن. پاڻي ۽ بجلي واري خواجه آصف 2013ع جي چونڊن ۾ پنهنجو اقامو ظاهر ڪيو هو، خواجه آصف گڏيل عرب امارات جو اقامو انٽرنيشنل مڪينڪل ايند اليڪٽرڪل ڪمپني جي منظوري سان ليگل ايڊوائيزر پرائيويٽ طور حاصل ڪيو، جڏهن ته خواجه آصف اين اي 110 تان نامزدگي ڪاغذن جي ڇنڊ ڇاڻ بعد رٽرننگ آفيسر درست قرار ڏنو. 2013ع ۾ جمع ڪرايل نامزدگي ڪاغذن موجب خواجه آصف گڏيل عرب امارات ۾ 6 مهينا ترسڻ جو اقامو حاصل ڪيو. خواجه آصف ٽن مختلف دورن ۾ 3 اقاما حاصل ڪيا، هڪ اقامو 2007ع کان 2010ع، ٻيو اقامو 2010ع کان 2011ع تائين جڏهن ته ٽيو اقامو 2010ع  کان 2011ع تائين هو. ان حوالي سان خواجه آصف چيو ته سندس اقامو 27 سال کان اليڪشن ڪميشن ۽ ايف بي آر ۾ ظاهر ڪيو ويو آهي، سندس گڏيل عرب امارات ۾ 1983ع کان بئنڪ اڪائونٽ موجود آهي تنهن وقت کان بئنڪنگ چئنلز ذريعي رقم حاصل ڪندو آهي.

 

پي ٽي آءِ پاران عوامي مقبوليت واري دعويٰ ايندڙ عام چونڊن ۾ رد ٿي ويندي: ناصر حسين شاهه

ڪراچي (اين اين آءِ) سڌ سماءَ واري صوبائي سيد ناصر حسين شاهه چيو ته  پي ٽي آئي جي عوامي مقبوليت جو اندازو سنڌ اسيمبلي جي تڪ پي ايس 114 جي ننڍي چونڊ  جي اندازي مان لڳائي سگھجي ٿو جتي پ پ پ  جو اميدوار ڪامياب ٿي ويو اهي، اهڙن خيالن جواظهار هن ميڊيا سان ڳالهائيندي ڪيو، هن چيو ته پي ٽي آئي پاران عوام مقبوليت جي دعوا ايندڙ عام چونڊن ۾ رد ٿي ويندي ۽ پ پ پ  عوامي مقبوليت ثابت ڪري ڏيکاريندي. هن چيو ته احتساب وار بل ان قانون جو مقصد صوبائي سطح تي احتساب تي پنهنجو موثر نظام واضع ڪرڻ آهي. سنڌ اسيمبلي آمراڻي دور ۾ هڪ قانون کي رد ڪري پنهنجي هڪ احتسابي قانون کي منظور ڪرايو آهي، هن پي ٽي آئي جي خرم شيرزمان پاران ڏنل هڪ بيان ۾ چيو ته آئندا ان جي پارٽي اقتدار ۾ اچي پ پ پ  جو احتساب ڪندي ان تي ناصر حسين چيو ته پ پ پ  جو هميشا ٿيندو رهيو اهي اسان احتساب کان ڊڄڻ وارا نه آهيون هو به پنهنجو شوق پورو ڪن. هن چيو ته ايم ڪيو ايم سنڌ بلڊنگ ڪنٽرول اٿارٽي بدران ڪراچي بلڊنگ ڪنٽرول اٿارٽي جي بحالي چاهي ٿي جيڪا ماضيءَ ڪراچي جي ميئر جي ماتحت هوندي هئي، هن آئي جي سنڌ اي ڊِي خواجا پاران وڏي وزير کي لکيل شڪايتي خط بابت چيو ته آئي جي سنڌ ۽ سنڌ حڪومت جي وچ ڪيتري ئي عرصي کان اشوز هلي رهيا هئا هاڻي اهو معاملوعدالت ۾ آهي.  هن اها وضاحت ڪئي ته گذريل ڏينهن سنڌ اسيمبلي جي موقعي تي هن مسلم ليگ نون جي عوت سورٺ ٿيٻو بابت ڪابه اعتراض جوڳي ڳالهه نه ڪئي مسلم ليگ نون جي  حڪومت تي تنقيد ضرور ڪئي ويندي.

 

وزير اعظم جو احتساب ڪا به سازش ناهي نه وري انتقام،  هو هاڻ نه بچندا: قمر الزمان ڪائره

لاهور(ويب ڊيسڪ) پيپلز پارٽي جي اڳواڻ قمر الزمان ڪائره چيو آهي ته حڪمرانن جا عالمي طور تي ڌاڙا پڪڙيا ويا آهن،  وزير اعظم جي ٻارن جي بچڻ جو ڪو به امڪان ناهي. ميڊيا سان ڳالهائيندي قمر الزمان ڪائره چيو ته وزير اعظم جو احتساب ڪا سازش ناهي ۽ نه ئي وري ڪو انتقام، نواز شريف جي هڪ هڪ ڏوهه جا تفصيل سامهون اچي رهيا آهن، جيڪو جلعسازي ڪندو اهو جيل ويندو، هاڻ ته هڪ ٻئي صاحب جو به اگامو سامهون اچي ويو آهي، پ پ اڳواڻ چيو ته سياسي احتجاج يا ريلي کان ڪنهن کي نٿو روڪي سگهجي، پاڪ پتڻ ۾ اسان جي ٽن ساٿين خلاف ڪيس داخل ڪيا ويا، عدالت اسان جي ڪارڪنن ۽ اڳواڻن کي هراسان ڪرڻ جو نوٽيس وٺي. گو نواز گو واري تحريڪ کي وسعت ڏينداسين. هن وڌيڪ چيو ته دهشتگردي وري اڀري رهي آهي، سيڪيورٽي فورسز دهشتگردي خلاف قربانيون ڏنيون، پ پ متاثر خاندانن سان گڏ آهي.

 

ڪوڙا الزام لڳائڻ تي شريف خاندان ۽ ان جي ساٿين جو ٿورائتو آهيان: عمران خان

اسلام آباد(ويب ڊيسڪ) پاڪستان تحريڪ انصاف جي سربراهه عمران خان چيو آهي ته ڪوڙا الزام لڳائڻ تي شريف خاندان ۽ ان جي ساٿين جو ٿورائتو آهيان. سماجي رابطن واري ويب سائيٽ ٽوئيٽر تي پنهنجي پيغام ۾ عمران خان چيو ته ڪوڙن الزامن جي ڪري مون کي 40 سالن جي مالي حساب ڪتاب جو موقعو مليو، ڪوڙن الزامن تي شريف خاندان ۽ ان جي ساٿين جا ٿورا ٿو مڃيان، پاڻ کي قوم جي آڏو احتساب لاءِ پيش ڪري ڇڏيو آهي. هن چيو ته احتساب سان ئي شريف خاندان جا مالي ڏوهه بي نقاب ٿيا، شريف خاندان سڄي قوم جي سامهون بي نقاب ٿي ويو آهي.

 

پاناما ڪيس انجام تائين پهچائڻ جي لاءِ آخري حد تائين وينداسين: سراج الحق

تالاش(ويب ڊيسڪ) جماعت اسلامي جي مرڪزي امير سينيٽر سراج الحق چيو آهي ته پاناما ڪيس کي منطقي انجام تائين پهچائڻ جي لاءِ آخري حد تائين وينداسين. ميدان گرڊ اسٽيشن لال قلعي ۾ جلسي کي خطاب ڪندي سراج الحق چيو آهي ته حالتون ڪهڙيون به هجن جماعت اسلامي ڪرپشن خلاف مهم کان پوئتي نه هٽندي، جماعت اسلامي نواز شريف سميت پاناما ليڪس ۾ سمورن 435 بيورو ڪريٽن، سياستدانن ۽ ٻين ماڻهن جو احتساب چاهي ٿي، پاناما اسڪينڊل الله جي بي آواز لٺ آهي جيڪا شريف خاندان تي وسي رهي آهي، فيصلي کان پوءِ نواز شريف گهر بدران جيل ويندو تنهن هوندي ان موقعي تي 13 ڪروڙ رپين جي لاڳت سان آر سي سي پل ريدگي جي پيڙهه جو پٿر رکيو. هن وڌيڪ چيو ته شريف خاندان پاناما اسيڪنڊ ۾ خراب طريقي سان ڦاسي پيو آهي ۽ ان کي ملڪ ۾ پناهه جي جاءِ به ناهي ملي رهي.